தமிழ்நாட்டில் பல்வேறு துறைகளில் காலியாக உள்ள 10 ஆயிரத்து 105 பணி இடங்கள் தேர்வு மூலம் நிரப்பப்படும் என்று டி.என்.பி.எஸ்.சி. தலைவர் ஆர்.நட்ராஜ் தெரிவித்தார்.

தமிழ்நாட்டில் பல்வேறு துறைகளில் காலியாக உள்ள 10 ஆயிரத்து 105 பணி இடங்கள் தேர்வு மூலம் நிரப்பப்படும் என்று டி.என்.பி.எஸ்.சி. தலைவர் ஆர்.நட்ராஜ் தெரிவித்தார்.

இந்த ஆண்டு அரசு பணியில் எத்தனை காலி இடங்களுக்கு என்னென்ன தேர்வுகள் நடத்தப்படும்? என்ற விவரங்கள் அடங்கிய ஆண்டு தேர்வுபட்டியல் வெளியிடும் நிகழ்ச்சி சென்னையில் உள்ள தமிழ்நாடு அரசு பணியாளர் தேர்வாணைய (டி.என்.பி.எஸ்.சி.) அலுவலகத்தில் நேற்று நடைபெற்றது. இதில் டி.என்.பி.எஸ்.சி. தலைவர் ஆர்.நட்ராஜ், வருடாந்திர தேர்வுபட்டியலை வெளியிட்டார். பின்னர் நிருபர்களுக்கு அவர் பேட்டி அளித்தார். அப்போது நட்ராஜ் கூறியதாவது:–இந்த ஆண்டு டி.என்.பி.எஸ்.சி. மூலமாக 10 ஆயிரத்து 105 காலி பணி இடங்கள் நிரப்பப்பட உள்ளன. இதில் 27 துறைகளில் 37 விதமான பதவிகள் அடங்கும். அதிகபட்ச காலி இடங்கள் எண்ணிக்கை என்று பார்த்தால் குரூப்–2 தேர்வு மூலமாக 2,714 இடங்களும், குரூப்–2 தேர்வு மூலம் 1,300 பணி இடங்களும், 1,500 வி.ஏ.ஓ. இடங்களும், தொழில்நுட்ப பணியைப் பொருத்தவரையில், அதேபோல், 2,790 டாக்டர் பணி இடங்களும் 1,800 கால்நடை மருத்துவர்கள் இடங்களும் நிரப்பப்படும், இந்த காலி இடங்களின் எண்ணிக்கை தோராயமானதுதான். இந்த எண்ணிக்கை அதிகரிக்க அதிக வாய்ப்பு உள்ளது.

டி.என்.பி.எஸ்.சி. தேர்வுமுறையில் மாற்றம் கொண்டுவருவது தொடர்பாக உறுப்பினர் எம்.ஷோபினி தலைமையில் ஒரு கமிட்டியும், பாடத்திட்டத்தில் மாற்றம் செய்வது குறித்து உறுப்பினர் கே.லட்சுமணன் தலைமையில் தனியாக ஒரு கமிட்டியும் போடப்பட்டது. இந்த இரு கமிட்டிகளின் பரிந்துரைஅடிப்படையில், தேர்வுமுறையிலும், பாடத்திட்டத்திலும் பல்வேறு மாற்றங்கள் செய்யப்பட்டு உள்ளன.அதன்படி, இதுவரை குரூப்–2 தேர்வில் இடம்பெற்றிருந்த நகராட்சி கமிஷனர், சார்–பதிவாளர், உதவி வணிகவரி அதிகாரி, இளநிலை வேலைவாய்ப்பு அதிகாரி மற்றும் தனித்தேர்வாக நடத்தப்பட்டு வந்த மாவட்ட கல்வி அதிகாரி (டி.இ.ஓ.) ஆகிய பதவிகள் குரூப்–1 தேர்வுடன் சேர்க்கப்படுகின்றன. முதல்நிலைத்தேர்வு, மெயின் தேர்வு, நேர்முகத்தேர்வு கொண்ட குரூப்–1 தேர்வில் விண்ணப்பதாரர் எடுக்கிற மதிப்பெண் மற்றும் விருப்பத்தின் அடிப்படையில் பதவிகள் ஒதுக்கீடு செய்யப்படும்.

குரூப்–1 தேர்வில் இன்னொரு முக்கிய அம்சம் என்னவென்றால், இதுவரை மெயின் தேர்வுக்கு தேர்வுசெய்யப்படுவோரின் எண்ணிக்கை ஒரு காலி இடத்திற்கு 20 பேர் என்ற விகிதாச்சாரத்தில் இருந்து வந்தது. இனிமேல் ஒரு காலி இடத்திற்கு 50 பேர் என்ற வீதத்தில் மெயின் தேர்வுக்கு தேர்வர்கள் தேர்வுசெய்யப்படுவார்கள்.இதுவரை நேர்முகத்தேர்வு கொண்ட சார்நிலை பதவிகளும், நேர்முகத்தேர்வு அல்லாத பதவிகளும் குரூப்–2 தேர்வு மூலமாக நிரப்பப்பட்டு வருகின்றன. இனிமேல், நேர்முகத்தேர்வு கொண்ட பதவிகள் தனியாக நடத்தப்படும். அதில் முதல்நிலைத்தேர்வு, மெயின் தேர்வு, நேர்முகத்தேர்வு ஆகியவை இடம்பெற்றிருக்கும். நேர்முகத்தேர்வு அல்லாத பதவிகளுக்கு தற்போது இருப்பது போல் ஒரேதேர்வுதான். மெயின் தேர்வு கிடையாது.

மேலும், வி.ஏ.ஓ. தேர்வில், பணிக்கு தேவையாக கருதப்படும் கிராம நிர்வாகம், வி.ஏ.ஓ. பணிகள் தொடர்பான கேள்விகளும் இடம்பெறும். இதுவரை, மருத்துவம், கால்நடை மருத்துவம், என்ஜினீயர், வேளாண் அதிகாரி போன்ற தொழில்நுட்பம் சம்பந்தப்பட்ட பணிகளுக்கான தேர்வில் சம்பந்தப்பட்ட பாடத்தில் இருந்து மட்டுமே கேள்விகள் கேட்கப்பட்டன.இனிமேல், கூடுதலாக பொதுஅறிவு, தமிழ் மொழி, தமிழ் கலாசாரம், தமிழ்ப்பண்பாடு தொடர்பான வினாக்களும், பொது விழிப்புத்திறன் (ஆப்டிடியூடு) கேள்விகளும் கூடுதலாக இடம்பெறும்.

பொதுவாகவே, டி.என்.பி.எஸ்.சி. தேர்வுகளில் நடப்புகால நிகழ்ச்சிகள் குறித்த கேள்விகள் அவ்வளவாக இடம்பெறுவதில்லை என்ற குற்றச்சாட்டு பரவலாக எழுந்துள்ளது. இனிமேல், பொதுஅறிவு தாளில் நடப்பு கால நிகழ்ச்சிகளுக்கு அதிக முக்கியத்துவம் கொடுக்கப்படும். இதற்காக தனியாக வினா வங்கி தயாரிக்கப்படும்.கடந்த ஆண்டு நவம்பர் மாதம் நடத்தப்பட்ட குரூப்–2 தேர்வின் முடிவு பிப்ரவரி மாதம் 1–ந் தேதி வெளியிடப்பட்டு அதற்கான கவுன்சிலிங் 18–ந் தேதி தொடங்கும்.இவ்வாறு நட்ராஜ் கூறினார்.

டி.என்.பி.எஸ்.சி. செயலாளர் மா.விஜயகுமார் கூறியதாவது;–

இப்போது வெளியிடப்பட்டுள்ள ஆண்டு தேர்வு பட்டியல் டி.என்.பி.எஸ்.சி. இணையதளத்திலும் உடனடியாக வெளியிடப்படும்.

நகராட்சி கமிஷனர், சார்–பதிவாளர் போன்ற பதவிகள், குரூப்–1 தேர்வுடன் சேர்க்கப்படுவதால் வயது வரம்பு விதிமுறையால் பாதிப்பு வருமே என்று கேட்கிறீர்கள். அதுபோன்று பாதிப்பு ஏதும் வராத வகையில், புதிதாக சேர்க்கப்பட்ட இந்த குரூப்–2 பதவிகளுக்கு வயது வரம்பு நிர்ணயிக்கப்படும். இதுதொடர்பாக தனியாக அறிவிப்பு வெளியிடப்படும். மேலும், மாவட்ட கல்வி அதிகாரி பணி இடம் குரூப்–1 தேர்வுடன் சேர்க்கப்படுவதால் அதற்கு விண்ணப்பிப்பவர்கள் கல்வியியல் தொடர்பாக கூடுதலாக ஒரு தாள் எழுத வேண்டும்.இவ்வாறு விஜயகுமார் கூறினார்.பேட்டியின்போது டி.என்.பி.எஸ்.சி. தேர்வு கட்டுப்பாட்டு அதிகாரி ஷோபனா உடனிருந்தார்.

ஆள்மாறாட்ட வழக்கில், புதுச்சேரி முன்னாள் கல்வி அமைச்சர் கல்யாண சுந்தரத்துக்கு 2 ஆண்டு சிறை தண்டனை விதித்து திண்டிவனம் கோர்ட் உத்தரவிட்டுள்ளது.

ஆள்மாறாட்ட வழக்கில், புதுச்சேரி முன்னாள் கல்வி அமைச்சர் கல்யாண சுந்தரத்துக்கு 2 ஆண்டு சிறை தண்டனை விதித்து திண்டிவனம் கோர்ட் உத்தரவிட்டுள்ளது. 10ம் வகுப்பு தனித்தேர்வில் கல்யாண சுந்தரம் ஆள்மாறாட்டம் செய்ததாக குற்றம் சாட்டப்பட்டது. இந்த வழக்கு திண்டிவனம் கோர்ட்டில் நடந்து வந்தது. இவ்வழக்கின் தீர்ப்பு இன்று வழங்கப்பட்டது. இதில் புதுச்சேரி முன்னாள் கல்வி அமைச்சர் கல்யாண சுந்தரத்துக்கு 4 ஆண்டு சிறை தண்டனை மற்றும் ரூ. 12 ஆயிரம் அபராதம் விதித்து நீதிபதி உத்தரவிட்டார்.

ANNUAL PLANNER FOR THE YEAR 2013 - 2014 RELEASED BY THE HON'BLE CHAIRMAN,TNPSC

ANNUAL PLANNER FOR THE YEAR 2013 - 2014 RELEASED BY THE HON'BLE CHAIRMAN

2 அரசு பொறியியல், 10 பலவகை தொழில்நுட்பக் கல்லூரிகள்! தமிழக அரசு உத்தரவு!

தமிழக அரசு வெளியிட்டுள்ள செய்திக்குறிப்பில் கூறியிருப்பதாவது-

பள்ளிப்படிப்புக்குப் பிறகு கிராமப்புற மாணவ, மாணவியர்கள், தங்கள் கல்வியினை நிறுத்திவிடாமல் தொடர்ந்து உயர்கல்வி கற்பதை ஊக்குவிக்கும் வகையில், அரசு சார்பில் பொறியியல், மருத்துவம், கலை மற்றும் அறிவியல் கல்லூரிகள் தமிழகத்தின் பல மாவட்டங்களில் துவக்கப்பட்டு வருகின்றன.

அந்த வகையில் சென்ற 2011-12 ஆம் ஆண்டில் 11 பல்கலைக்கழக உறுப்பு கலை மற்றும் அறிவியல் கல்லூரிகள் துவக்கப்பட்டுள்ளன. இதுவன்றி தேனி மாவட்டம், போடி நாயக்கனூரில் 2012-13 ஆம் ஆண்டு முதல் அரசு பொறியியல் கல்லூரி துவக்க ஆணையிடப்பட்டு செயல்பட்டு வருகிறது.

தர்மபுரி மாவட்டம், தர்மபுரி வட்டம் செட்டிக்கரையிலும், தஞ்சாவூர் மாவட்டம், தஞ்சாவூர் வட்டம் செங்கிப்பட்டியிலும் என இரண்டு அரசு பொறியியல் கல்லூரிகள் தொடங்குவதற்கு முதலமைச்சர் ஜெயலலிதா தற்போது உத்தரவிட்டுள்ளார்.

இக்கல்லூரிகளுக்கு தேவையான கட்டடங்கள், உபகரணங்கள், அறைகலன்கள், ஆசிரியர் நியமனம், மாணவ, மாணவியர் விடுதி, நூலகம்,ஆய்வுக் கூடங்கள் அமைத்தல் போன்ற பல்வேறு பணிகளை நிறைவேற்ற ஒவ்வொரு கல்லூரிக்கும் 89 கோடியே 90 லட்சம் ரூபாய் என 179 கோடியே 80 லட்சம் ரூபாய் நிர்வாக ஒதுக்கீடு செய்து உத்தரவிட்டுள்ளார்.

முதற்கட்டமாக ஒவ்வொரு கல்லூரிக்கும் 14 கோடியே 10 லட்சம் ரூபாய் நிதி ஒதுக்கீடு செய்தும் உத்தரவிட்டுள்ளார்.

இதே போன்று, திருச்சிராப்பள்ளி மாவட்டம் ஸ்ரீரங்கம், புதுக்கோட்டை மாவட்டம் கந்தர்வக்கோட்டை, விழுப்புரம் மாவட்டம் சங்கராபுரம், ஈரோடு மாவட்டம் பெருந்துறை, அரியலூர் மாவட்டம் அரியலூர், கிருஷ்ணகிரி மாவட்டம் ஊத்தங்கரை, வேலூர் மாவட்டம் ஜோலார்பேட்டை, மதுரை மாவட்டம் உசிலம்பட்டி, தேனி மாவட்டம் ஆண்டிப்பட்டி, மதுரை மாவட்டம் செக்கானூரனி ஆகிய 10 இடங்களில் பலவகை தொழில்நுட்பக் கல்லூரிகள் துவக்குவதற்கு உத்தரவிட்டுள்ளார்.

இந்த 10 பலவகை தொழில்நுட்பக் கல்லூரிகளின் கட்டுமான பணிகளுக்காக ஒவ்வொரு கல்லூரிக்கும் 13.30 கோடி ரூபாய் வீதம் பத்து கல்லூரிகளுக்கு மொத்தம் 133 கோடி ரூபாய் நிர்வாக ஒதுக்கீடு செய்தும், மற்றும் அத்தொழில்நுட்ப கல்லூரிகளுக்கு தேவையான ஆய்வகக் கருவிகள், கணிப்பொறிகள், அறைகலன்கள் மற்றும் நூலகங்களுக்குத் தேவையான புத்தகங்கள் ஆகியவற்றிற்கான செலவினத்திற்கு ஒரு பலவகை தொழில்நுட்பக் கல்லூரிக்கு 50 லட்சம் ரூபாய் வீதம், பத்து பலவகை தொழில் நுட்பக் கல்லூரிகளுக்கு 5 கோடி ரூபாய் நிதி ஒதுக்குடு செய்தும், மொத்தம் 138 கோடி ரூபாய் ஒதுக்கீடு செய்து உத்தரவிட்டுள்ளார்.

காஞ்சிபுரத்திலுள்ள பல்கலைக்கழகப் பொறியியல் கல்லூரி தற்பொழுது காஞ்சிபுரம் பக்தவச்சலம் பலவகை தொழில்நுட்பக் கல்லூரி வளாகத்தில் தற்காலிகமாக செயல்பட்டு வருகிறது. இக்கல்லூரிக்கென சொந்தமாக கட்டடம் கட்ட காஞ்சிபுரம் வட்டம், காரப்பேட்டை கிராமத்தில் 4.32.0 ஹெக்டேர் புன்செய் நிலம் தெரிவு செய்யப்பட்டுள்ளது. தெரிவு செய்யப்பட்ட இந்த இடத்தில், பல்கலைக்கழக பொறியியல் கல்லூரிக்கு என அனைத்து அடிப்படை வசதிகளுடன் கூடிய கட்டடம் கட்டுவதற்காக 20 கோடி ரூபாய்க்கு நிர்வாக ஒப்புதல் மற்றும் நிதி ஒதுக்கீடு செய்து உத்தரவிட்டுள்ளார்.

இவ்வாறு அதில் கூறப்பட்டுள்ளது.

10ம் வகுப்பு தேர்வில் ஆள்மாறாட்டம் : புதுவை முன்னாள் அமைச்சர் மீதான வழக்கில் 31ம் தேதி தீர்ப்பு

புதுச்சேரியில் அமைச்சராக இருந்த கல்யாண சுந்தரம், 2011ம் ஆண்டு செப்டம்பர் மாதத்தில் விழுப்புரம் மாவட்டம் திண்டிவனத்தில் நடந்த 10ம் வகுப்பு தனித் தேர்வு எழுத விண்ணப்பித்தார். ஆனால், தேர்வு நாளன்று ஆள்மாறாட்டம் செய்து வேறு நபரை வைத்து தேர்வு எழுதியதாக புகார் எழுந்தது.

இது விழுப்புரம் மாவட்ட குற்றப்பிரிவு போலீசார் வழக்கு பதிவு செய்து விசாரணை நடத்தி வந்தனர். தேர்வு மைய கண்காணிப்பாளராக இருந்த ஆசிரியர் ஆதவன், திண்டிவனம் கல்வி மாவட்ட அலுவலக உதவியாளர் ரஜினிகாந்த் ஆகியோர் மீது திண்டிவனம் குற்றவியல் நடுவர் நீதிமன்றத்தில் குற்றப்பத்திரிகை தாக்கல் செய்யப்பட்டது. சாட்சி விசாரணை கடந்த செப்டம்பர் 5ம் தேதி தொடங்கியது.

விழுப்புரம் மாவட்ட அப்போதைய முதன்மை கல்வி அலுவலர் குப்புசாமி, அப்போதைய திண்டிவனம் கல்வி மாவட்ட அலுவலர் சண்முகம், தேர்வுத் துறை இயக்குனர் வசுந்தராதேவி, விழுப்புரம் மாவட்ட குற்றப்பிரிவு இன்ஸ்பெக்டர் சங்கர் உட்பட மொத்தம் 56 சாட்சிகளிடம் விசாரனை நடந்தது.

இந்த வழக் கில் நேற்று (29ந் தேதி) தீர்ப்பு வழங்கப்படும் என அறிவிக்கப்பட்டது. இதன்படி நீதிபதி சரிதா முன்னிலையில் இறுதிகட்ட விவாதம் நடந்தது. புதுவை முன்னாள் அமைச்சர் கல்யாணசுந்தரம் சார்பில் வழக்கறிஞர் அரியலூர் சிவ குமார் ஆஜராகி வாதிட் டார்.

இதையடுத்து, கல்யாண சுந்தரம் மீதான ஆள்மாறாட்ட வழக்கில் தீர்ப்பை 31ம் தேதிக்கு (நாளை) ஒத்திவைத்து நீதிபதி உத்தரவிட்டார்.

1,200 பணி இடங்கள் காலி: கணினி அறிவியலை பிற பாட ஆசிரியர்கள் நடத்தி வரும் அவலம் : பொது தேர்வு மாணவர்கள் தவிப்பு

தமிழகத்தில், தரம் உயர்த்தப்பட்ட மேல்நிலைப் பள்ளிகளில், கணினி அறிவியல் ஆசிரியர் பணி இடங்கள் காலியாக உள்ளதால், பிற பாட ஆசிரியர்கள், அப்பாடத்தை நடத்தி வருகின்றனர். இதனால், பிளஸ் 2 பொதுத் தேர்வு எழுதும் மாணவர்கள் பாதிக்கப்பட்டு உள்ளனர். அனைவருக்கும் இடைநிலைக் கல்வி இயக்கத்தின் கீழ், ஆண்டுதோறும் உயர்நிலைப் பள்ளிகள், மேல்நிலைப் பள்ளிகளாக தரம் உயர்த்தப்பட்டு வருகிறது. 2001 முதல், 2012 வரை, தமிழகம் முழுவதும், 1,200 பள்ளிகள், மேல்நிலைப் பள்ளிகளாக தரம் உயர்த்தப்பட்டு உள்ளன. இவற்றில், கணினி அறிவியல் ஆசிரியர் பணியிடங்கள் நிரப்பப்படாததால், 1,200 பணியிடங்கள் காலியாக உள்ளன. தரம் உயர்த்தப்பட்ட இப்பள்ளிகளில், பெற்றோர் - ஆசிரியர் கழக நிதியின் மூலமாக, குறைந்த சம்பளத்துக்கு, கணினி ஆசிரியர்கள் நியமிக்கப்பட்டு உள்ளனர். பல பள்ளிகளில், பிற பாடங்களை எடுக்கும் ஆசிரியர்கள், கணினி அறிவியல் பாட வகுப்புகளை நடத்துகின்றனர். இதனால், அரசு மேல்நிலைப் பள்ளிகளில், இப்பாடத்தில் மாணவர்களின் தேர்ச்சி விகிதம் குறையும் அபாயம்உள்ளது. தமிழ்நாடு முதுகலை பட்டதாரி ஆசிரியர்கள் சங்க மாநில பொதுச் செயலர், விஜயகுமார் கூறியதாவது: கடந்த, எட்டு ஆண்டுகளில், 1,200 பள்ளிகள், மேல்நிலைப் பள்ளிகளாக தரம் உயர்த்தப்பட்டு உள்ளன. இவற்றில், 2002-10 வரை தரம் உயர்த்தப்பட்ட பள்ளிகளில், முதலில் ஐந்து முதுகலை ஆசிரியர்களுக்கும், பின், ஒன்பது ஆசிரியர்களுக்கும் பணி நியமனம் வழங்கப்பட்டன. ஆனால், கணினி அறிவியல் பாடங்களுக்கு, ஆசிரியர்கள் நியமிக்கவில்லை. தரம் உயர்த்தப்பட்ட பள்ளிகளில், 2008-09ல், 2,000 பணியிடங்கள் நிரப்பப்பட்டன. இதிலும், கணினி அறிவியல் ஆசிரியர்கள் ஒருவர் கூட இல்லை.இப்பாடத்துடன், காலியாக உள்ள பிற பாட ஆசிரியர் காலி பணியிடங்களையும் நிரப்ப, அரசு நடவடிக்கை எடுக்க வேண்டும். இவ்வாறு அவர் கூறினார். கல்வித் துறை அதிகாரிகள் கூறுகையில், "கணினி அறிவியல் பாட ஆசிரியர்கள், பணி நியமனம் சார்ந்த வழக்கு நிலுவையில் இருப்பதே, இதற்கு காரணமாக இருக்கலாம். இதுசார்ந்த வேறு எவ்வித தகவல்களும், எங்களால் தெரிவிக்க இயலாது' என்றனர்.

பத்தாம் வகுப்பு தனித்தேர்வு எழுதி, மறுகூட்டலுக்கு விண்ணப்பித்த மாணவ, மாணவியரின் முடிவுகள், வியாழக்கிழமை, தேர்வுத்துறை இணையதளத்தில் வெளியிடப்படுகிறது.

பத்தாம் வகுப்பு தனித்தேர்வு எழுதி, மறுகூட்டலுக்கு விண்ணப்பித்த மாணவ, மாணவியரின் முடிவுகள், வியாழக்கிழமை, தேர்வுத்துறை இணையதளத்தில் வெளியிடப்படுகிறது.தேர்வுத்துறை இயக்குனர் வசுந்தரா வெளியிட்ட அறிவிப்பு:கடந்த ஆண்டு, அக்டோபரில் நடந்த தனித்தேர்வை எழுதி, மறுகூட்டலுக்கு விண்ணப்பித்த தேர்வர்களின் முடிவுகள்,www.dge.tn.nic.in என்ற இணையதளத்தில், வியாழன் வெளியிடப்படும். மதிப்பெண்களில் மாற்றம் உள்ள தேர்வர்களுக்கு, புதிய மதிப்பெண் சான்றிதழ்கள் வழங்குவது குறித்து, விரைவில், தபால் வழியாக தெரிவிக்கப்படும்.இவ்வாறு அவர் தெரிவித்துள்ளார்.

TETல் தேர்ச்சி பெற்றாலும் இரட்டை பட்டங்கள் ஆசிரியர் பணிக்கு செல்லாது என்று நீதிபதி தீர்ப்பளித்து மனுவை தள்ளுபடி செய்தார்.

TETல் தேர்ச்சி பெற்றும் இரட்டை பட்டம் காரணமாக பணி வழங்கப்படதோர் தொடுத்த வழக்கு இன்று மதுரை கோர்டில் தள்ளுபடி செய்யப்பட்டது . கடந்த TET தேர்வில் வெற்றி பெற்றும் இரட்டை பட்டம் காரணமாக ஆசிரியர் தேர்வு வாரியம் இவர்களுக்கு பணி நியமனம் வழங்கவில்லை. இதனால் பாதிக்கப்பட்ட ஆசிரியர்கள் ஒன்றிணைந்து மதுரை உயர்நீதிமன்றத்தில் வழக்கு தொடுத்தனர். அதில் தங்கள் தரப்பு வாதங்களை முழுமையாக பதிவு செய்தனர் . இவ்வழக்கின் மீது கடந்த 21.12.2012 முதல் விசாரணை நடைபெற்று வந்தது. இறுதியாக இன்று(29.01.2013) தீர்ப்பளித்த நீதிபதி திரு.இராம சுப்பிரமணியம் அவர்கள், இரட்டை பட்டங்கள் ஆசிரியர் பணிக்கு செல்லாது என்று தீர்ப்பளித்து மனுவை தள்ளுபடி செய்தார்.

TETல் தேர்ச்சி பெற்றும் இரட்டை பட்டம் காரணமாக பணி வழங்கப்படதோர் தொடுத்த வழக்கு இன்று மதுரை கோர்டில் தள்ளுபடி செய்யப்பட்டது . கடந்த TET தேர்வில் வெற்றி பெற்றும் இரட்டை பட்டம் காரணமாக ஆசிரியர் தேர்வு வாரியம் இவர்களுக்கு பணி நியமனம் வழங்கவில்லை.

இதனால் பாதிக்கப்பட்ட ஆசிரியர்கள் ஒன்றிணைந்து மதுரை உயர்நீதிமன்றத்தில் வழக்கு தொடுத்தனர். அதில் தங்கள் தரப்பு வாதங்களை முழுமையாக பதிவு செய்தனர் . இவ்வழக்கின் மீது கடந்த 21.12.2012 முதல் விசாரணை நடைபெற்று வந்தது. இறுதியாக இன்று(29.01.2013) தீர்ப்பளித்த நீதிபதி திரு.இராம சுப்பிரமணியம் அவர்கள், இரட்டை பட்டங்கள் ஆசிரியர் பணிக்கு செல்லாது என்று தீர்ப்பளித்து மனுவை தள்ளுபடி செய்தார்.

மதுரை காமராசர் பல்கலைக்கழகத்தில், தொலைநிலை கல்வி இயக்ககத்தில் இரண்டு வருட பி.எட்., படிப்பில் சேர தகுதியானவர்களிடமிருந்து பிப்.,25 தேதி வரை விண்ணப்பங்கள் வரவேற்கப்படுகின்றன.

மதுரை காமராசர் பல்கலைக்கழகத்தில், தொலைநிலை கல்வி இயக்ககத்தில் இரண்டு வருட பி.எட்., படிப்பில் சேர தகுதியானவர்களிடமிருந்து பிப்.,25 தேதி வரை விண்ணப்பங்கள் வரவேற்கப்படுகின்றன.

இப்படிப்பில் சேர விரும்பும் மாணவர்கள் அங்கீகாரம் பெற்ற பல்கலைக்கழகத்தில் தற்போது ஆசிரியர் பணியில் ஈடுபட்டிருக்க வேண்டும். இளநிலை பட்டப் படிப்பில் அதாவது பி.லிட்.,யில் (ஆங்கிலம், கணிதம், இயற்பியல், புவி-இயற்பியல், உயிரி-இயற்பியல், எலக்ட்ரானிக்ஸ், வேதியியல், உயிரி-வேதியியல், தாவரவியல், சுற்றுச்சூழல் அறிவியல், கணினி அறிவியல், நிலவியல்) ஆகிய படிப்புகளில் ஏதேனும் ஒன்றில் தேர்ச்சி பெற்றிருக்க வேண்டும்.

மெரிட் முறையிலும் நுழைவுத்தேர்வு அடிப்படையிலும் தகுதியானவர்கள் தேர்ந்தெடுக்கப்படுவர். விண்ணப்பப் படிவங்களை பல்கலைக்கழக இணையதளத்தில் பதிவிறக்கம் செய்து கொள்ளலாம். விண்ணப்பக் கட்டணமாக ரூ.800 வரைவோலை எடுத்து பல்கலைக்கழக முகவரிக்கு அனுப்ப வேண்டும், தபால் மூலம் அனுப்ப ரூ.850 வரைவோலை எடுக்க வேண்டும்.

சென்னை, கோயம்பத்தூர், மதுரை, சேலம், திருநெல்வேலி மற்றும் திருச்சி ஆகிய இடங்களில் நுழைவுத்தேர்வு நடத்தப்பட உள்ளது. பூர்த்தி செய்த விண்ணப்பங்கள் ஜன.,24ம் தேதி முதல் வழங்கப்படுகின்றது. பூத்தி செய்யப்பட்ட விண்ணப்பங்களை பிப்.,25ம் தேதிக்குள் சமர்ப்பிக்க வேண்டும். மார்ச் 3ம் தேதி நுழைவுத்தேர்வு நடைபெற உள்ளது.

மேலும் விரிவான தகவல்களுக்கு www.mkudde.org என்ற இணையதளத்தை பார்க்கலாம்

சார்ட்டர்ட் அக்கவுண்டன்ட் (சி.ஏ.) படிப்பு அனைத்து தரப்பினரும் கற்கும் வகையில் மாற்றி வடிவமைக்கப்பட்டுள்ளதாக அகில இந்திய பட்டயக் கணக்காளர்கள் சங்கத்தின் தலைவர் ஜெய்தீப் நரேந்திரஷா கூறினார்.

இந்திய பட்டயக் கணக்காளர்கள் சங்கத்தின் துடியலூர் கிளை சார்பில் கருத்தரங்கு நடைபெற்றது. நிகழ்ச்சிக்கு முன்னாள் தலைவர் ராமசாமி தலைமை தாங்கினார். கிளைத்தலைவர் ஆடிட்டர் ஜலபதி வரவேற்று பேசினார். நிகழ்ச்சியில் தலைவர் ஜெய்தீப் நரேந்திரஷா கலந்து கொண்டு பேசினார். அவர் கூறியதாவது:–

இந்தியா முழுவதும் அகில இந்திய பட்டயக்கணக்காளர்கள் சங்கத்தின் 128 கிளைகள் இயங்கி வருகின்றன. இங்கு சி.ஏ.கற்கும் மாணவர்களின் வசதிக்காக உயர்தொழில் நுட்ப வசதிகள் மிககுறைந்த செலவில் அளிக்கப்படுகின்றன. இந்த சங்கத்தில் 2 லட்சத்து 10 ஆயிரம் பேர் உறுப்பினர்களாக உள்ளனர். 10 லட்சம் மாணவ–மாணவிகள் படிக்கின்றனர். ஆண்டு தோறும் சி.ஏ., படிப்பில் சேர ஒரு லட்சம் பேர் விண்ணப்பம் செய்கின்றனர். தற்போது என்ஜினியரிங் மருத்துவம் உள்ளிட்ட படிப்புகளில் சேர்ந்து படிக்க அதிக செலவாகிறது. ஆனால் சி.ஏ.படிப்பில் அனைத்து நிலையில் உள்ள மாணவ மாணவிகள் சேர்ந்து படிக்க வசதியாக கட்டணங்கள் வெகுவாக குறைக்கப்பட்டுள்ளது.

மற்ற படிப்புகளுடன் ஒப்பிடும் போது சி.ஏ.படிப்பை குறைந்த செலவில் படிக்க முடியும். மும்பையை சேர்ந்த ஆட்டோ டிரைவருடைய மகள் பிரேமா சி.ஏ. இறுதித் தேர்வில் இந்தியா அளவில் முதலாவதாக வந்து தேர்வு பெற்றுள்ளார் என்பதே இதற்கு உதாரணம். மேலும் அனைவரும் படிக்கும் வகையில் சி.ஏ. படிப்பு மாற்றி அமைக்கப்பட்டு உள்ளது.இவ்வாறு ஜெய்தீப் நரேந்திரஷா பேசினார்.

வரும் கல்வி ஆண்டில் பி.எட்., எம்.எட். படிப்புகளுக்கான பாடத்திட்டத்தை மாற்ற தமிழ்நாடு ஆசிரியர் கல்வியியல் பல்கலைக்கழகம் முடிவுசெய்துள்ளது.

தமிழ்நாட்டில் 600–க்கும் மேற்பட்ட கல்வியியல் கல்லூரிகள் இயங்கி வருகின்றன. இவை அனைத்தும் சென்னையில் உள்ள தமிழ்நாடு ஆசிரியர் கல்வியியல் பல்கலைக்கழகத்தின் கீழ் செயல்படுகின்றன. முன்பு ஒவ்வொரு கல்வியியல் கல்லூரியும் அருகில் உள்ள பல்கலைக்கழகங்களுடன் இயங்கி வந்தன.

இந்த நிலையில், அனைத்து என்ஜினீயரிங் கல்லூரிகளும் அண்ணா பல்கலைக்கழகத்தின்கீழ் இயங்கி வருவதைப் போன்று எல்லா கல்வியியல் கல்லூரிகளையும் ஒரே குடையின்கீழ் கொண்டுவரும் வண்ணம் தமிழ்நாடு ஆசிரியர் கல்வியியல் பல்கலைக்கழகம் தொடங்கப்பட்டது. இந்தியாவிலேயே ஆசிரியர் கல்விக்கென தனியே ஒரு பல்கலைக்கழகம் ஆரம்பிக்கப்பட்டது தமிழ்நாட்டில்தான் என்பது குறிப்பிடத்தக்கது.

ஆசிரியர் கல்வியியல் படிப்பில் அவ்வப்போது புதிய மாறுதல்களை ஆசிரியர் பல்கலைக்கழகம் செய்து வருகிறது. மத்திய அரசு கொண்டுவந்த இலவச கட்டாய கல்வி உரிமைச் சட்டத்தின்படி, இடைநிலை, பட்டதாரி ஆசிரியர்களுக்கு தகுதித்தேர்வு கட்டாயமாக்கப்பட்டு இருக்கிறது.

இதைத்தொடர்ந்து, பி.எட். படிக்கும் மாணவ–மாணவிகள் படித்துக்கொண்டிருக்கும்போதே ஆசிரியர் தகுதித்தேர்வுக்கு தயாராகும் பொருட்டு தகுதித்தேர்வு பாடத்திட்டம் கடந்த ஆண்டு பாடத்திட்டத்தில் தேர்வுசெய்யக்கூடிய ஒரு பாடமாக சேர்க்கப்பட்டது. இந்த நிலையில், இன்றைய கல்வித்தேவைக்கு ஏற்ப பி.எட். எம்.எட். எம்.பில். (கல்வியியல்) படிப்புகளுக்கான பாடத்திட்டத்தை மாற்ற ஆசிரியர் கல்வியியல் பல்கலைக்கழகம் முடிவு செய்துள்ளது.

அதன்படி, கல்வியியலிலும், கற்பித்தலிலும் ஏற்பட்டு இருக்கும் நவீன முன்னேற்றங்களை மாணவர்கள் அறிந்துகொள்ளும் வகையில் பாடத்திட்டத்தில் ஏராளமான மாற்றங்கள் செய்யப்பட உள்ளன. மேற்கண்ட படிப்புகளுக்கான புதிய பாடத்திட்டம் வரும் கல்வி ஆண்டில் (2013–2014) முதல் அமல்படுத்தப்படும் என்று தமிழ்நாடு ஆசிரியர் கல்வியியல் பல்கலைக்கழக துணைவேந்தர் பேராசிரியர் ஜி.விஸ்வநாதன் ‘தினத்தந்தி’ நிருபரிடம் தெரிவித்தார்.

ஆசிரியர் கல்வியியல் பல்கலைக்கழகத்தின் பட்டமளிப்புவிழா அண்மையில் நடந்து முடிந்த நிலையில், 2010–2011, 2011–2012–ம் கல்வி ஆண்டில் பி.எட். எம்.எட். படித்து முடித்த ஒரு லட்சத்து 20 ஆயிரம் பேருக்கு பட்டச் சான்றிதழ் (டிகிரி சர்டிபிகேட்) தயாரிப்பு பணிகள் மும்முரமாக நடந்து வருகின்றன. இப்பணி 50 சதவீதம் முடிவடைந்துவிட்டது.

எஞ்சியுள்ள பணிகளும் விரைவாக முடிக்கப்பட்டு ஒரு லட்சத்து 20 ஆயிரம் பி.எட்., எம்.எட். பட்டதாரிகளுக்கும் அடுத்த மாதம் (பிப்ரவரி) 15–ந் தேதிக்குள் பட்டச்சான்றிதழ் கிடைக்க பல்கலைக்கழகம் ஏற்பாடு செய்துள்ளது.

இதற்காக சென்னை, கோவை, மதுரை, சேலம், திருநெல்வேலி உள்பட 6 விநியோக மையங்கள் அமைக்கப்பட்டு பல்கலைக்கழக அதிகாரிகள் சான்றிதழை வழங்குவார்கள். சம்பந்தப்பட்ட கல்வியியல் கல்லூரியின் முதல்வர்கள் அருகே உள்ள மையங்களுக்குச் சென்று தங்கள் கல்லூரி மாணவ–மாணவிகளுக்கான பட்டச்சான்றிதழை வாங்கிக்கொள்ள வசதிகள் செய்யப்பட்டு வருகின்றன. பின்னர் மாணவ–மாணவிகள் தாங்கள் படித்த கல்லூரிகளில் பட்டச்சான்றிதழை பெற்றுக்கொள்ளலாம்.

பெரியாரின் கொள்கைகள் உயிர்பெற வேண்டும்

தினத்தந்தி தலையங்கம்(29.1.2013)

பாரத நாடு பழம்பெறும் நாடு. இந்த நாட்டை வேற்றுமையில் ஒற்றுமை என்று பாராட்டும் தலைவர்கள் ஏராளம் உண்டு. பல சாதிகள், பல மதங்கள், பல மாநிலங்கள், பல மொழிகள் என்று எவ்வளவோ வேற்றுமைகள் இருந்தாலும், அவற்றில் எல்லாம் ஒற்றுமை காணப்படவேண்டும் என்பதுதான் மறைந்த பல தலைவர்களின் கனவாக இருந்தது. மற்ற வேற்றுமைகளில் எல்லாம் பண்டைய காலங்களில் ஒற்றுமை இருந்தாலும், சாதி விஷயத்தில் மட்டும் நீண்ட நெடுங்காலமாக ஆண்டான் அடிமை, மேல் சாதி கீழ் சாதி என்று பெரிய பிரிவினை இருந்தது. கிழக்கே தோன்றிய விடிவெள்ளி காண் என்பதுபோல, ‘பகுத்தறிவு பகலவன் தந்தை பெரியார் இந்த தமிழ்நாட்டில் பல்வேறு சீர்திருத்தங்களை கொண்டுவந்த பிறகுதான், அவரது முழக்கங்களினால் இந்த சமுதாயம் விழித்துக்கொண்ட பிறகுதான், இந்த வேற்றுமை உணர்வுகள் கொஞ்சம் கொஞ்சமாக மறையத் தொடங்கின.

பெரியாரை ஏதோ கடவுள் மறுப்பு கொள்கை கொண்டவர் என்பதுபோல மட்டும், சில சக்திகள் சித்தரிக்கிறதே தவிர, உண்மையில் அவர் கொண்டுவந்த சீர்திருத்தம் பிற்படுத்தப்பட்ட, தாழ்த்தப்பட்ட, நலிந்த மக்கள் உயர்வுபெற வேண்டும், பெண்கள் அடிமைத்தனத்தில் இருந்து எழுந்து நிற்க வேண்டும் என்பதுபோன்ற எண்ணில் அடங்கா சீர்திருத்தங்களை கொண்டுவந்தார். அதில், மிக முக்கியமானதாக அவர் கருதிய சீர்திருத்தம், பொதுமனித சமூகத்தில் மக்களின் பிறப்பின் காரணமாக உயர்வு தாழ்வு கற்பித்திருப்பதை பற்றியதாகும். இந்தமுறை நமது இந்தியாவைதவிர, வேறு எந்த நாட்டிலும் இவ்வளவு மோசமான கற்பனையின் மீது கையாளப்படுவதே இல்லை என்று முழங்கி, தன் பணிகளை தொடங்கினார். அவர் விதைத்து சென்ற அந்த கொள்கைதான் இன்று செடியாகி... மரமாகி... ஓங்கி வளர்ந்து கொண்டிருக்கிறது என்று எல்லோரும் மகிழ்ந்து கொண்டிருக்கிற நேரத்தில், இடிவிழுந்ததை போல, ஜெய்ப்பூர் இலக்கிய திருவிழாவில் சமூக ஆர்வலர் என்றும், எழுத்தாளர் என்றும் சொல்லிக்கொள்கிற ஆஷிஸ் நந்தி என்பவர் பேசியிருக்கிறார். ‘‘பெரும்பாலான ஊழல்வாதிகள் எல்லாம் பிற்படுத்தப்பட்ட, தாழ்த்தப்பட்ட வகுப்பை சேர்ந்தவர்கள்தான். இப்போது மலைவாழ் மக்கள் அந்த பட்டியலில் அதிகமாக வந்து கொண்டிருக்கிறார்கள். இதற்கு நான் ஒரு எடுத்துக்காட்டு சொல்வேன். குறைவான ஊழல் இருக்கும் மாநிலம் ஒன்று உண்டு என்றால், அது மேற்குவங்காளம்தான். அங்கே கடந்த 100 ஆண்டுகளாக பிற்படுத்தப்பட்ட, தாழ்த்தப்பட்ட மற்றும் மலைவாழ் சாதியை சேர்ந்த யாரும் அதிகாரத்தின் பக்கத்திலேயே நெருங்க முடியவில்லை. மிகவும் சுத்தமான மாநிலமாக அது இருக்கிறதுÓ என்று சேற்றை வாரி இரைத்திருக்கிறார்.
இந்த வார்த்தைகளை கேட்டபிறகும், பொங்கியெழ வேண்டிய அரசியல்வாதிகள் ஏதோ வாய் மூடி மவுனியாக இருக்கிறார்கள். நந்தி என்று கூறப்படும் இந்த மனிதரின் முதல் குறி, பிற்படுத்தப்பட்ட, தாழ்த்தப்பட்ட மலைவாழ் சமுதாயத்தை சேர்ந்த அரசியல்வாதிகள்தான். அடுத்த குறிதான் மற்ற அதிகாரிகள் மற்றும் இந்த சமூகத்தை சேர்ந்த மக்களை பற்றியதாகும். வடநாட்டில் உடனடியாக ஏதோ சில எதிர்ப்புகள் எழுந்ததை கண்டவுடன், உப்புக்கு சப்பாக சில விளக்கங்களை நந்தி கூறியிருக்கிறார். ஆனால், இந்த விளக்கங்கள் எல்லாம் நிச்சயமாக அவர் ஏற்படுத்திவிட்ட பெரிய காயத்திற்கு மருந்தாய் போய்விடாது. இதற்கு ஒரு காரணம் என்னவென்றால் பிற்படுத்தப்பட்ட, தாழ்த்தப்பட்ட மலைவாழ் சாதிகளை சேர்ந்த மக்களே ஒற்றுமையாக இருந்து உயர்வடைய வேண்டும் என்று நினைக்காமல், அவர்களுக்குள்ளே சமீபகாலமாக மோதல்கள், பூசல்கள் ஏற்படுவதுதான்.

சில ஆண்டுகளுக்கு முன்பு தி.மு.க. தலைவர் கருணாநிதி, பிற்படுத்தப்பட்ட மக்களுக்கு இடையே மோதல்கள் நடப்பது குறித்தும், பிற்படுத்தப்பட்ட, தாழ்த்தப்பட்ட மக்களுக்கு இடையே நடக்கும் மோதல்கள் குறித்தும் கூறும்போது, ‘‘ஒரே நீரோடையில் புலியும், மானும் தண்ணீர் குடிக்க முடியாவிட்டாலும், மானும் மானுமாவது ஒற்றுமையோடு தண்ணீர் குடிப்பதற்கு பதிலாக, அவைகளுக்கு இடையே பலத்த சண்டைகள் ஏற்பட்டு ஒன்றையன்று காயப்படுத்திக்கொள்கிறதே! என்று கவலையோடு கூறினார். அந்த உவமையின் உண்மை வெளிப்பாடாக சமீபகாலங்களில் ஏற்படும் மோதல்கள், தகராறுகள் காரணமாகத்தான் இப்படிப்பட்ட கருத்துகள் தைரியமாக உலாவருகின்றன. ‘‘ஊர் இரண்டு பட்டால் கூத்தாடிக்கு கொண்டாட்டம் என்ற பழமொழி இனி தமிழ்நாட்டில் நிறைவேறிவிடக்கூடாது. நந்தி கூறிய கருத்துகளுக்கு எதிர்ப்பு தெரிவிக்க தமிழக அரசியல்வாதிகள் முன்னணியில் நிற்கவேண்டும். பெரியாரின் கொள்கைகள் உயிர்பெற வேண்டும்.

தகுதி தேர்வில் தமிழகத்தை சேர்ந்த வக்கீல்கள் 85 சதவீதம் தேர்ச்சி தமிழ்நாடு பார் கவுன்சில் தலைவர் தகவல்

2010–ம் ஆண்டுக்கு பின்னர் சட்டம் படித்து வக்கீலாக பதிவு செய்பவர்கள் கண்டிப்பாக தகுதி தேர்வு எழுதி தேர்ச்சி பெறவேண்டும் என்று அகில இந்திய பார் கவுன்சில் 2009–ம் ஆண்டு உத்தரவிட்டது.இதைத்தொடர்ந்து, 2012–ம் ஆண்டுக்கான தகுதி தேர்வை அகில இந்திய பார் கவுன்சில் நாடு முழுவதும் கடந்த டிசம்பர் 9–ந் தேதி நாடு முழுவதும் நடத்தியது. தமிழகத்தில், சென்னை, கோவை, திருச்சி ஆகிய இடங்களில் மொத்தம் 3 ஆயிரத்து 656 பேர் தேர்வு எழுதினர்.இந்த தேர்வின் முடிவு கடந்த 26–ந் தேதி அகில இந்திய பார் கவுன்சில் வெளியிட்டுள்ளது. தமிழகத்தின் தேர்ச்சி விகிதம் 80 சதவீதம் என்று தமிழ்நாடு பார் கவுன்சில் தலைவர் தி.செல்வம் கூறினார்.‘‘தகுதி தேர்வு விடைத்தாள் கம்ப்யூட்டர் மூலம் திருத்தப்பட்டது. சில மாணவர்கள் விடைத்தாளில் விடையை தவறாக குறிப்பிட்டு பின்னர் அதை சரி செய்ய ‘‘ஒயிட்னர்’’ பயன்படுத்தியுள்ளனர். இதனால் அவர்களது விடைத்தளை கம்ப்யூட்டர் மூலம் திருத்த முடியவில்லை. அந்த விடைத்தாள்கள் மனிதர்களை கொண்டே திருத்தப்பட உள்ளது. இதனால் சரியான தேர்ச்சி விபரம் வெளியாக 15 நாட்கள் ஆகும்’’ என்று பார் கவுன்சில் தலைவர் கூறினார்.

சென்னை மாவட்டத்தில் 11–ஆம் வகுப்பு ஆண்டு இறுதித்தேர்வு மார்ச் 5–ந் தேதி தொடங்கும் முதன்மை கல்வி அதிகாரி அறிவிப்பு

சென்னை மாவட்டத்தில் மார்ச் மாதம் 5–ந் தேதி தொடங்கி, 28–ந் தேதி முடிவடைகிறது.

பிளஸ்–2 பொதுத்தேர்வு மார்ச் 1–ந் தேதி தொடங்கி 27–ந் தேதி வரை நடைபெறுகிறது. இதேபோல், எஸ்.எஸ்.எல்.சி. பொதுத்தேர்வு மார்ச் 27–ந் தேதி ஆரம்பித்து, ஏப்ரல் மாதம் 12–ந் தேதி வரை நடைபெற உள்ளது. அரசு பொதுத்தேர்வுகளுக்கு நாட்கள் நெருங்கிக்கொண்டிருப்பதால் மாணவ–மாணவிகள் முழுமூச்சுடன் தேர்வுக்கு தயாராகி வருகிறார்கள். ஆசிரியர்களும் சிறப்பு வகுப்புகள் மற்றும் திருப்புதல் தேர்வுகளை நடத்தி வருகின்றனர்.அரசு பொதுத்தேர்வு இல்லாவிட்டாலும் மற்ற வகுப்பு மாணவ–மாணவிகளும் ஆண்டு இறுதி தேர்வுக்கு தீவிரமாக படித்து வருகிறார்கள். பொதுத்தேர்வுகள் நீங்கலாக மற்ற வகுப்புகளுக்கான ஆண்டு இறுதித்தேர்வுகள் மாவட்ட அளவில் வெவ்வேறு தேதிகளில் நடத்தப்படும். இந்த நிலையில், சென்னை மாவட்டத்தில் 11–ஆம் வகுப்பு ஆண்டு இறுதித்தேர்வு தேதி நேற்று அறிவிக்கப்பட்டது. இதுதொடர்பாக மாவட்ட முதன்மை கல்வி அதிகாரி ராஜேந்திரன் வெளியிட்ட செய்திக்குறிப்பில் கூறி இருப்பதாவது:–

சென்னை மாவட்டத்தில் 11–ஆம் வகுப்பு ஆண்டு இறுதித்தேர்வு மார்ச் மாதம் 5–ந் தேதி தொடங்கி 28–ந் தேதி முடிவடைகிறது. தினமும் மதியம் 1.30 மணி முதல் மாலை 4.30 மணி வரை தேர்வு நடைபெறும். தேர்வு அட்டவணை விவரம் வருமாறு:–

மார்ச் 5–ந் தேதி – மொழித்தாள்–1

8–ந் தேதி – மொழித்தாள்–2

12–ந் தேதி – ஆங்கிலம் முதல்தாள்

13–ந் தேதி – ஆங்கிலம் 2–ஆம் தாள்

10–ந் தேதி – இயற்பியல், பொருளாதாரம்

20–ந் தேதி – கம்ப்யூட்டர் சயின்ஸ்

22–ந் தேதி – வேதியியல், கணக்குப்பதிவியல்

26–ந் தேதி – கணிதம், வர்த்தக கணிதம்

28–ந் தேதி – உயிரியல், வணிகவியல்
இவ்வாறு முதன்மை கல்வி அதிகாரி ராஜேந்திரன் கூறியுள்ளார்.

400 காலி பணி இடங்களை நிரப்ப குரூப்–2 தேர்வு 3–வது கட்ட கவுன்சிலிங் அடுத்த மாதம் 6–ந் தேதி நடக்கிறது

குரூப்–2 தேர்வு மூலம் காலி பணி இடங்கள் 2 கட்டங்களாக நடத்தி முடிக்கப்பட்ட நிலையில் இன்னும் 400 காலி இடங்கள் உள்ளன. இந்த இடங்களை நிரப்புவதற்கான 3–வது கட்ட கவுன்சிலிங் அடுத்த மாதம் (பிப்ரவரி) 6–ந் தேதி நடைபெற இருக்கிறது. இதற்கு 392 விண்ணப்பதாரர்கள் அனுமதிக்கப்பட்டு உள்ளனர். அவர்களின் பதிவு எண் அடங்கிய பட்டியல் டி.என்.பி.எஸ்.சி. இணையதளத்தில் வெளியிடப்பட்டு இருக்கிறது.கவுன்சிலிங் நேரம் உள்ளிட்ட விவரங்கள் அடங்கிய அழைப்புக்கடிதத்தை இந்த இணையதளத்தில் இருந்து டவுன்லோடு செய்துகொள்ள வேண்டும். சென்னை பாரிமுனையில் உள்ள அரசு பல் மருத்துவக் கல்லூரி மற்றும் கோட்டை ரெயில் நிலையம் அருகே உள்ள டி.என்.பி.எஸ்.சி. அலுவலகத்தில் கவுன்சிலிங் நடத்தப்படும்.கவுன்சிலிங்கிற்கு வராத விண்ணப்பதாரர்கள் தங்கள் தரவரிசையையும், பதவி ஒதுக்கீட்டிற்கான முன்னுரிமையையும் இழப்பதுடன் அவர்களுக்கு இனி மறுவாய்ப்பும் வழங்கப்பட மாட்டாது.மேற்கண்ட தகவலை டி.என்.பி.எஸ்.சி. செயலாளர் மா.விஜயகுமார் தெரிவித்துள்ளார்.

புதிதாக பணியில் சேர்ந்த, 21 ஆயிரம் ஆசிரியர்களில், 6,000 ஆசிரியர்களுக்கு, டிசம்பர் மாத சம்பளம் வழங்கப்படவில்லை.

புதிதாக பணியில் சேர்ந்த, 21 ஆயிரம் ஆசிரியர்களில், 6,000 ஆசிரியர்களுக்கு, டிசம்பர் மாத சம்பளம் வழங்கப்படவில்லை. மத்திய இடைநிலைக் கல்வி திட்ட நிதி - ஆர்.எம்.எஸ்.ஏ.,வில் இருந்து, சம்பளம் வழங்க வேண்டியிருப்பதால், கால தாமதம் ஏற்பட்டுள்ளதாக, பள்ளிக்கல்வி வட்டாரங்கள் தெரிவித்தன. கடந்த ஆண்டு, டிச., 13ம் தேதி, இடைநிலை, பட்டதாரி மற்றும் முதுகலை ஆசிரியர் என, 21 ஆயிரம் ஆசிரியர்கள், புதிதாக நியமிக்கப்பட்டனர். இவர்களில், 6,000 பட்டதாரி ஆசிரியர் தவிர, மற்ற அனைவருக்கும், டிசம்பர் மாதத்தில், பாதி நாள் சம்பளம் வழங்கப்பட்டது.அனைத்து மாவட்டங்களிலும், 6,000 பட்டதாரி ஆசிரியர்களுக்கு மட்டும், சம்பளம் வழங்கப்படவில்லை என, ஆசிரியர்கள் தரப்பில் கூறப்படுகிறது.இது குறித்து, பள்ளிக் கல்வி வட்டாரத்தினர் கூறுகையில், "இவர்களுக்கு சம்பளம் வழங்க, மத்திய அரசின் அனுமதி பெற வேண்டும். இதனால், சற்று கால தாமதம் ஏற்பட்டுள்ளது. ஓரிரு நாளில், அனைவருக்கும், சம்பளம் வழங்கப்படும்' என்றனர்.

பத்தாம் வகுப்பு வினா வங்கி புத்தகம், சென்னை, டி.பி.ஐ., வளாகத்தில் உள்ள, மாநில பெற்றோர் - ஆசிரியர் கழக அலுவலகத்தில், விற்பனை செய்யப்படுகிறது.

பத்தாம் வகுப்பு வினா வங்கி புத்தகம், சென்னை, டி.பி.ஐ., வளாகத்தில் உள்ள, மாநில பெற்றோர் - ஆசிரியர் கழக அலுவலகத்தில், விற்பனை செய்யப்படுகிறது. இதனால், மாநிலத்தின் கடைகோடி மாவட்டத்தைச் சேர்ந்தவர்களும், சென்னைக்கு படை எடுக்க வேண்டிய நிலை உள்ளது. பள்ளிக் கல்வித் துறையின் கீழ் இயங்கும், மாநில பெற்றோர் - ஆசிரியர் கழகம், பொதுத் தேர்வு எழுதும், 10ம் வகுப்பு மற்றும் பிளஸ் 2 மாணவ, மாணவியருக்காக, வினா வங்கி புத்தகங்களை தயாரித்து, குறைந்த விலைக்கு விற்பனை செய்கிறது. பாடப் புத்தகங்களை தயாரித்த ஆசிரியர் குழுவினரே, வினா வங்கி புத்தகங்களையும் தயாரித்து வழங்குவதால், பொதுத் தேர்வை எதிர்கொள்ளும் மாணவ, மாணவியருக்கு, இந்த புத்தகம், சிறந்த வழிகாட்டியாக இருக்கிறது. பிளஸ் 2 வினா வங்கி புத்தகங்கள், தொடர்ந்து பல மாதங்களாக விற்பனை செய்யப்படுவதால், இந்த புத்தகங்களை வாங்க, அதிகளவில் கூட்டம் இல்லை. ஆனால், 10ம் வகுப்பு வினா வங்கி புத்தகங்கள், சமீபத்தில் அச்சடிக்கப்பட்டு, கடந்த வாரத்தில் இருந்து, விற்பனை துவங்கியுள்ளது. இதை வாங்க, தினமும் ஏராளமான பெற்றோர், நீண்ட வரிசையில் நிற்கின்றனர். இந்த புத்தகங்களை, அனைத்து மாவட்ட தலைநகரங்களிலும் விற்பனை செய்ய வேண்டும் என, மாணவர்களும், பெற்றோரும், தொடர்ந்து வலியுறுத்தி வருகின்றனர். ஆனால், மாவட்டங்களில் விற்பனை நடந்தால், முறைகேடு நடப்பதாக கூறி, சென்னையில் மட்டும், விற்பனை செய்து வருகின்றனர்.இதனால், தென் மாவட்டங்களில் இருந்து, இந்த புத்தகங்களை வாங்குவதற்கு என்றே, பெற்றோர், சென்னைக்கு வருகின்றனர். இது போன்ற நிலையை மாற்றி, அனைத்து மாவட்டங்களிலும், வினா வங்கி புத்தகங்களை விற்பனை செய்ய, தமிழக அரசு உத்தரவிட வேண்டும் என, பெற்றோரும், மாணவர்களும் எதிர்பார்க்கின்றனர்.

தமிழகம் முழுவதும் மெட்ரிக்குலேஷன் பள்ளிகளில், மே மாதத்திற்கு முன், மாணவர் சேர்க்கை பணி மேற்கொள்ளக் கூடாது' என, அரசு உத்தரவிட்டுள்ளது.

 "தமிழகம் முழுவதும் மெட்ரிக்குலேஷன் பள்ளிகளில், மே மாதத்திற்கு முன், மாணவர் சேர்க்கை பணி மேற்கொள்ளக் கூடாது' என, அரசு உத்தரவிட்டுள்ளது. தமிழகத்தில் சில மெட்ரிக்குலேஷன் பள்ளிகளில், வரும் கல்வியாண்டிற்கான மாணவர் சேர்க்கையை, தற்போதே துவக்கி விட்டனர். மாணவர்களுக்கான நேர்முகத் தேர்வும் நடைபெறுகிறது. இது குறித்து பொதுமக்கள், முதல்வருக்கு புகார் மனு அனுப்பினர். அதைத் தொடர்ந்து, மெட்ரிகுலேஷன் பள்ளி இயக்குநர், அனைத்து மாவட்டத்திலும் உள்ள மெட்ரிகுலேஷன் பள்ளி ஆய்வாளர் அலுவலகத்திற்கு, சுற்றறிக்கை அனுப்பி உள்ளனர். அதில், மாவட்டத்தில் செயல்படும் மெட்ரிகுலேஷன் பள்ளிகளில், 2013-14ம் கல்வியாண்டிற்கான, மாணவர் சேர்க்கை, வரும் மே மாதம், துவக்கப்பட வேண்டும். அதற்கு முன், மாணவர் சேர்க்கை மேற்கொள்ளக் கூடாது என, அனைத்து பள்ளிகளுக்கும் தகவல் தெரிவிக்கும்படி அறிவுறுத்தப்பட்டுள்ளது. அதன்படி, மெட்ரிகுலேஷன் பள்ளி ஆய்வாளர் அலுவலகத்திலிருந்து, அனைத்து பள்ளிகளுக்கும், மின்னஞ்சல் மூலம் தகவல் அனுப்பப்பட்டுள்ளது.மே மாதத்திற்கு முன்பாக, மாணவர் சேர்க்கை நடந்தால், சம்மந்தப்பட்ட பள்ளி மீது நடவடிக்கை எடுக்கப்படும், என எச்சரிக்கையும் விடப்பட்டுள்ளது.

மாநில பாடத் திட்டம்,மெட்ரிகுலேஷன், ஆங்கிலோ இந்தியன் மற்றும் ஓரியண்டல் கல்வி ஆகிய, நான்கு வகையான கல்வி திட்டங்களை ஒருங்கிணைத்து, சமச்சீர் கல்வி பாடத் திட்டம் அமல்படுத்தியுள்ள நிலையில், மெட்ரிக் பள்ளிகளுக்கென, தனியாக இயக்குனர் அலுவலகம் தேவையா, என்ற கேள்வி எழுந்து உள்ளது.

மெட்ரிக் இயக்குனரகத்தின் கீழ், 4,000 தனியார் பள்ளிகள் இயங்கி வருகின்றன. இவற்றில், 25 லட்சம் மாணவ, மாணவியர் படித்து வருகின்றனர்.

புதிய பள்ளிகளுக்கு, அங்கீகாரம் வழங்குவது, மூன்று ஆண்டுகளுக்கு ஒரு முறை, பள்ளிகளுக்கு, அங்கீகாரத்தைப் புதுப்பித்து வழங்குதல், பள்ளிகளின் நிர்வாகங்களை கண்காணித்தல் உள்ளிட்ட பணிகளை, இயக்குனரகம்கவனித்து வருகிறது.சென்னையில் உள்ள, இயக்குனர் அலுவலகம் மற்றும் 15 மெட்ரிக் பள்ளி ஆய்வாளர் அலுவலகங்கள் சேர்த்து, 70 பேர், பணியாற்றிவருகின்றனர்.நான்கு வகையான கல்விதிட்டங்களை ஒருங்கிணைத்து, பொது பாடத் திட்டம் உருவாக்கி, அமல்படுத்தப் பட்டுள்ளது.எனினும், தனியார் பள்ளிகளுக்கு, இன்னும், "மெட்ரிகுலேஷன்' என்ற பெயர் இருந்து வருகிறது. இந்த பெயரை மாற்றுவது குறித்து, தமிழக அரசு, எவ்வித உத்தரவையும் பிறப்பிக்கவில்லை.

மேலும், மெட்ரிக் பள்ளிகளுக்கு என, தனி இயக்குனரகம் இயங்குவது, தேவையற்ற நிர்வாகச் செலவை ஏற்படுத்தும் என்றும், இந்த இயக்குனர் அலுவலகத்தை, பள்ளிக் கல்வி இயக்குனரகத்துடன் இணைத்து விடலாம் என்றும், தனியார் பள்ளி நிர்வாகிகள் தெரிவிக்கின்றனர்.

இதுகுறித்து, கல்வித் துறை வட்டாரத்தினர் கூறியதாவது:பாடத் திட்டங்கள் மட்டும் பொதுவானதாக மாற்றப்பட்டு உள்ளன. ஆனால், நான்கு விதமான கல்வி திட்டங்களுக்கான சட்ட விதிமுறைகள், அப்படியே உள்ளன.மாநில பாடத் திட்டம்,ஆங்கிலோ இந்தியன் மற்றும்ஓரியண்டல் ஆகிய, மூன்று கல்வி முறைகளுக்கான நிர்வாகம், பள்ளி கல்வித்துறையின் கீழ் இருக்கிறது. நர்சரி பள்ளிகளுக்கான நிர்வாக கட்டுப்பாடு, தொடக்க கல்வித் துறையிடம் உள்ளது.அனைத்து நிர்வாகப் பணிகளையும், ஒரு குடையின் கீழ் கொண்டு வர வேண்டும் எனில், முதலில் அதற்கான சட்ட விதிமுறைகளை நீக்கி விட்டு, பொதுவான சட்ட விதிமுறைகளை கொண்டு வர வேண்டும். இதை எல்லாம், அரசு தான் செய்ய வேண்டும்.

இதை எதுவும் செய்யாமல், இயக்குனரகத்தை மட்டும், வேறொரு துறையுடன் இணைக்க முடியாது. ஏற்கனவே, பெரும் பணிச்சுமையுடன் இயங்கி வரும், பள்ளிக் கல்வி துறையிடம், தனியார் பள்ளிகளையும் ஒப்படைத்தால், மேலும் பணிச்சுமை அதிகரிக்கும்.இதனால், பல்வேறு நிர்வாக குழப்பங்கள் ஏற்படவும் வாய்ப்புகள் உள்ளன.இவ்வாறு, கல்வித் துறைவட்டாரத்தினர் தெரிவித்தனர்.

தமிழ்நாடு நர்சரி, பிரைமரி, மெட்ரிகுலேஷன் பள்ளிகள் சங்க பொதுச் செயலர் நந்தகுமார்கூறியதாவது:மெட்ரிகுலேஷன் என்ற பெயரை எடுத்து விட்டு, தனியார் பள்ளிகளுக்கான இயக்குனரகம் என, அமைக்கலாம். இந்த நிர்வாகத்தை, பள்ளிக் கல்வியுடன் இணைத்தால், நிர்வாகம் ஸ்தம்பித்து விடும். தனியார் பள்ளிகளுக்கு, பெரும் பிரச்னைகள் ஏற்படும்.

நிர்வாக வசதிக்காகவும், பள்ளிகளை முறையாக கண்காணிக்கவும் தான், தனி நிர்வாக அமைப்பு ஏற்படுத்தப்பட்டது. இந்த நிர்வாக முறையில், சில குறைகள் உள்ளன. குறிப்பாக, 15 மெட்ரிக் பள்ளி ஆய்வாளர் பணியிடங்களில், 10 பணியிடங்கள் காலியாக உள்ளன.இவர்களால், தனியார் பள்ளிகளை, சரிவர கண்காணிக்க முடியவில்லை. அனைத்து காலி பணியிடங்களை நிரப்பியும், நிர்வாகப் பணிகளை விரைவுபடுத்த, உரிய நடவடிக்கை எடுத்தாலே போதும்.இவ்வாறு, நந்தகுமார்கூறினார்.

சென்னை பல்கலை, முதுநிலை பட்டப்படிப்புகளுக்கான தேர்வு முடிவுகள், இணையதளத்தில் இன்று 28.01.2013 வெளியிடப்படுகிறது.

சென்னை பல்கலை, முதுநிலை பட்டப்படிப்புகளுக்கான தேர்வு முடிவுகள், இணையதளத்தில் இன்று 28.01.2013 வெளியிடப்படுகிறது.சென்னை பல்கலையில், எம்.பி.ஏ., - எம்.சி.ஏ., - எம்.எஸ்சி., - எம்.காம்., - எம்.ஏ., உள்ளிட்ட முதுநிலை பட்டப்படிப்பு பயில்வோருக்கு, கடந்த ஆண்டு, நவம்பரில், தேர்வு நடந்தது.இத்தேர்வு முடிவுகள், www.unom.ac.in உள்ளிட்ட இணையதளங்களில், வெளியிடப்படுகிறது.தேர்வு முடிவுகளை, எஸ்.எம்.எஸ்., மூலம் பெறுவது, தேர்வு விடைத்தாள் மறுமதிப்பீடு உள்ளிட்டவை குறித்த விவரங்களை, பல்கலை இணையதளத்தில் பெறலாம். சென்னை பல்கலை, தேர்வு கட்டுப்பாட்டு அலுவலர் வெளியிட்டுள்ள செய்திக்குறிப்பில், இத்தகவல் தெரிவிக்கப்பட்டுள்ளது.

அனைத்து கல்லூரிகளுக்கும் ஒரே பாடத்திட்டம்: வரும் கல்வியாண்டில் அமல்

      அனைத்துக் கல்லூரிகளிலும், ஒரே பாடத் திட்டத்தை அமல் செய்யும் முறை, வரும் கல்வியாண்டு முதல் அமலுக்கு வருகிறது. இதற்கான, பணிகளை, பல்கலைக் கழக பாடத் திட்டக் குழுக்கள் துவங்கியுள்ளன. தமிழகத்தில், சென்னை பல்கலைக்கழகம் உள்ளிட்ட, 10 பல்கலைக் கழகங்களில், பாடத் திட்ட வளர்ச்சி குழு அமைக்கப்பட உள்ளது.பல்கலைக்கழக பாடத் திட்டங்களை, உலக தரத்திற்கு உயர்த்துவதே, இக்குழுவின் நோக்கம். ஒரு பல்கலைக்கு, ஒரு கோடி என, 10 கோடி ரூபாய், இதற்காக, ஒதுக்கீடு செய்யப்பட்டுள்ளது. இயற்பியல், வேதியியல், கணினி அறிவியல், சமூக அறிவியல், உயிரி அறிவியல், உயர் தொழில்நுட்பம், தகவல் தொழில்நுட்பம், கணினி மற்றும் வர்த்தக அறிவியல், இந்திய மொழி, அயல்நாட்டு மொழி உள்ளிட்ட, 10 துறைகளின் கீழ் உள்ள பாடத் திட்டங்களில், என்னென்ன மாற்றங்கள் கொண்டு வர வேண்டும் என்பது குறித்து, இக்குழு ஆராயும். ஒவ்வொரு துறைக்கும் பேராசிரியர் குழு அமைக்கப்பட உள்ளது. இக்குழு, இன்றைய வேலை வாய்ப்புகளுக்கேற்ப, பாடத் திட்டத்தில் கொண்டு வர வேண்டிய மாற்றங்கள் குறித்து அறிக்கையை சமர்ப்பிக்கும். பல்கலைக்கழக துறை பாடத் திட்டங்களை பதிவு செய்யும் வகையில், தனி இணையதளம் அமைக்கப்பட உள்ளது. மாற்றம் செய்யப்படும் பாடத் திட்டங்கள், இதில் பதிவு செய்யப்படும். இந்த இணையதளம், உலக அளவில் உள்ள பேராசிரியர்களை ஒருங்கிணைக்கிறது. இணையதள தொடர்பு மூலம், துறை பேராசிரியர்கள் வெளிநாட்டில் உள்ள அதே துறை பேராசிரியர்களுடன் கலந்துரையாடி, கல்வி கற்கும் முறைகள், பாடத்திட்டம் மற்றும் ஆராய்ச்சிகள் குறித்து விவாதித்து, சர்வதேச தரத்திற்கு கல்வி மேம்பாட்டு வழிகளை மேற்கொள்வர். உலகளவில் துறை வாரியாக உள்ள பேராசிரியர்கள் பற்றிய, அடிப்படை புள்ளிவிவரங்களும் சேகரிக்கப்படுகிறது. ஒரு ஊரிலிருந்து, மற்றொரு ஊருக்கு இடமாறும் மாணவர்கள், தங்கள் படிப்பை தொடர்வதில் சிக்கல் ஏற்படுகிறது. பாடத்திட்டங்களே, இதற்கு அடிப்படையாக அமைகிறது. இதனால், தமிழகத்தில் உள்ள அனைத்து பாடத் திட்டங்களையும் முறைப்படுத்தி, ஒரே பாடத் திட்டம் கொண்டு வரப்படும் நடவடிக்கை மேற்கொள்ளப்பட்டு வருகின்றன. எனவே, ஒரே பாடத்திட்ட முறையால், மாணவர்கள் பெரும் பயனடைவர். 

   தொழில் வல்லுனர்கள், வெளிநாட்டு ஆராய்ச்சியாளர்கள், கல்லூரி பேராசிரியர்கள், நூலகர்கள், விளையாட்டு இயக்குனர்கள் கொண்ட குழு அமைக்கப்பட்டுள்ளது. இக்குழு, பாடத்திட்ட மாற்றங்கள் குறித்த பரிந்துரைகளை வழங்க உள்ளனர். சென்னை பல்கலைக்கழக பாடத்திட்ட வளர்ச்சி குழு இயக்குனர் சீனிவாசன் கூறுகையில், "சர்வதேச தரத்திற்கு உயர்த்தப்படும் பாடத் திட்டத்தால், மாணவர்களுக்கு உலக தரமான கல்வி கிடைக்கிறது. வேலைவாய்ப்புகள் அதிகரிக்கும். இடமாற்றத்தில் செல்லும் மாணவர்கள், கல்வி தொடர உதவும். அடுத்தாண்டு முதல் இத்திட்டம் நடைமுறைக்கு வரும்' என்றார்.

கணித, அறிவியல் பாடங்களுக்கு ஒரேமாதிரி தேர்வு!

பிளஸ் டூ வகுப்பில் கணிதம், அறிவியல் பாடங்களுக்கு நாடு முழுவதும் ஒரேமாதிரி தேர்வை நடத்த முடிவு செய்யப்பட்டுள்ளது.

நாடு முழுவதும் சிபிஎஸ்இ உள்பட பல்வேறு கல்வி போர்டுகள் உள்ளன. அந்தந்தக் கல்வி போர்டுகளுக்கு ஏற்ப, பாடத் திட்டங்களும் தேர்வு முறைகளும் கடைப்பிடிக்கப்படுகின்றன. அந்தந்த மாநில போர்டுகளில் படிக்கின்ற மாணவர்கள், அந்த மாநிலங்களில் அட்மிஷன் பெறும் போது பிரச்சினை எதுவும் இருப்பதில்லை. அகில இந்திய அளவில் நடத்தப்படும் நுழைவுத் தேர்வுகள் நடத்தப்படும்போது, அந்த நுழைவுத் தேர்வுகள் சிபிஎஸ்இ பாடத் திட்டத்தையொட்டியோ அல்லது என்சிஇஆர்டிபாடத்திட்டத்தையொட்டியோ இருக்கின்றன. இதனால், மாநில பாடத்திட்டப்படி படிக்கின்ற மாணவர்கள் பிரச்சினைகளுக்கு ஆளாகிறார்கள். நுழைவுத் தேர்வுக்காகக் கொடுக்கப்பட்டுள்ள பாடத்திட்டத்தில் விடுபட்ட பாடங்களைக் கூடுதலாகப் படிக்க வேண்டிய சுமையும் மாநில போர்டு மாணவர்களுக்கு ஏற்படுகிறது. இந்த நிலையில் பிளஸ் டூ வகுப்பில் கணிதம், அறிவியல் பாடங்களுக்கு நாடு முழுவதும் ஒரேமாதிரி தேர்வை நடத்த முடிவு செய்யப்பட்டுள்ளது.

பிளஸ் டூ தேர்வுகள் ஒரே மாதிரியாக இருக்கச் செய்யும் வகையில் பொதுவாக வடிவமைக்கப்பட்ட கேள்வித் தாள் வழங்கும் முறைக்கு பெரும்பாலான கல்வி போர்டுகள் கொள்கையளவில் ஆதரித்துள்ளன. 2010-ஆம் ஆண்டில், மத்திய செகண்டரி கல்வி போர்டு (சிபிஎஸ்இ), இந்திய பள்ளிச் சான்றிதழ் தேர்வுகள் கவுன்சில் (சிஐஎஸ்சிஇ) உள்ளிட்ட 20 கல்வி போர்டுகள், கணிதம், அறிவியல் பாடங்களுக்குப் பொதுவான பாடத்திட்ட வரையறையைப் பின்பற்றத் தீர்மானித்தன. 2011-ஆம் ஆண்டில், சீனியர் செகண்டரி தேர்வுக்கு இந்தப் பாடத் திட்ட வரையறையைப் பின்பற்றி 29 போர்டுகள் தேர்வு நடத்தின. இதன் தொடர்ச்சியாக, கணிதம், அறிவியல் பாடங்களுக்கு பொதுவான கேள்வித்தாளை உருவாக்குவதற்கான முயற்சியில் இறங்கும்படி, மத்திய செகண்டரி கல்வி போர்டை ஐஐடி போர்டு கேட்டுக் கொண்டுள்ளது. நாட்டில் உள்ள அனைத்து பள்ளிக் கல்வி போர்டுகளின் பிரதிநிதிகள் அடங்கிய இந்திய பள்ளிக் கல்வி போர்டுகளின் கவுன்சில், ஒரே மாதிரியான கேள்வித்தாளை, உருவாக்குவதற்கான வழிமுறைகளை ஆராய, ஒரு துணைக் குழுவை நியமித்துள்ளது. அந்தக் குழுவில் அசாம், மகாராஷ்டிரா, பீகார், கேரளம், ராஜஸ்தான் ஆகிய மாநிலங்கள் இடம் பெற்றுள்ளன. கேள்வித்தாளின் தரம் ஒரே மாதிரியாக இருக்கும் சூழ்நிலையில், வழங்கப்படும் மதிப்பெண்களும் சமநிலையில் இருப்பதற்கான சூழ்நிலை ஏற்படும் என்கிறார்கள்.

ஐஐடிக்கள், என்ஐடிக்களில் சேருவதற்காக நடத்தப்படும் மெயின் நுழைவுத் தேர்வு மதிப்பெண்களுடன், பிளஸ் டூ தேர்வு மதிப்பெண்களும் அட்மிஷனுக்கு கணக்கில் கொள்ளப்படும் என்று அறிவிக்கப்பட்டுள்ளது. அகில இந்திய அளவில் பொது நுழைவுத் தேர்வுகள் அறிமுகமாகி வரும் சூழ்நிலையில், பிளஸ் டூ வகுப்பில் கணிதம், அறிவியல் பாடங்களுக்கு ஒரேமாதிரி தேர்வை நடத்தும் திட்டம் முக்கியத்துவம் பெறுகிறது. முதல் கட்டமாக ஐந்து கல்வி போர்டுகளில் இந்த முறை முன்னோடித் திட்டமாக செயல்படுத்தத் திட்டமிடப்பட்டுள்ளது. அதன் அடிப்படையில் தேவையான மாற்றங்கள் செய்யப்பட்டு, 2014 கல்வியாண்டில் இந்தத் திட்டம் அறிமுகப்படுத்தப்படும்" என்கிறார், இந்திய பள்ளிக் கல்வி போர்டுகள் கவுன்சிலின் இணைச் செயலாளர் புரன் சந்த். தமிழகத்திற்கு இந்த முறை வருமா என்பது குறித்து தமிழகக் கல்வித் துறை அதிகாரிகள்தான் விளக்க வேண்டும்.

பிப்ரவரி முதல் வாரத்தில் செட் தேர்வு முடிவு

கல்லூரிகளில் உதவிப் பேராசிரியர் பணிக்கான மாநில அளவிலான தகுதி தேர்வு(செட்) முடிவுகள் பிப்ரவரி முதல் வாரத்தில் வெளியாகும் என பாரதியார் பல்கலைக்கழக வட்டாரங்கள் தெரிவித்தன. இத்தேர்வு கடந்த 2012 அக்டோபர் 7ம் தேதி நடந்தது. இதில் மாநிலம் முழுவதும் 51,678 பேர் எழுதினர். மொத்தம் 27 பாடங்களுக்கு மூன்று தாள்களைக் கொண்டதாக தேர்வு நடந்தது. தேர்வு முடிவுகள் எப்போது வெளியாகும் என்ற எதிர்பார்ப்பு மாணவர்களிடையே எழுந்துள்ளது. இதுதொடர்பாக, பல்கலைக்கழகத் துணைவேந்தர் ஜி.ஜேம்ஸ் பிச்சை கூறியது: செட் தேர்வு வினாத்தாள் மதிப்பீடுகள் முடிந்துவிட்டன. அனைத்துப் பணிகளும் ஏறத்தாழ முடிந்துவிட்ட நிலையில், தேர்வு முடிவை வெளியிடத் தயாராக உள்ளோம். பல்கலைக்கழக மானியக் குழு (யு.ஜி.சி.)ஒப்புதலுக்காக காத்திருக்கிறோம். ஒப்புதல் வந்தவுடன் பிப்ரவரி முதல் வாரம் அல்லது 2வது வாரத்தில் தேர்வு முடிவை வெளியிட உள்ளோம் என்றார். செட் தேர்வு முடிவுகள் வெளியான பிறகு அரசு கல்லூரி மற்றும் உதவி பெறும் கல்லூரிகளில் காலியாக உள்ள 3,000 பணியிடங்களை நிரப்ப ஆள் தேர்வு நடக்கும் என தெரிகிறது.

பி.எட்., மற்றும் எம்.எட்., துணைத் தேர்வில் தவறியவர்கள், மே, ஜூனில் நடைபெறும் தேர்விற்கான விண்ணப்பப் படிவங்களை, பல்கலை இணையதளம் மற்றும் அவரவர் பயின்ற கல்லூரிகளின் முதல்வரிடம் பெற்று பூர்த்தி செய்து கல்லூரிகள் வாயிலாக பிப்ரவரி 4ம் தேதிக்குள் அனுப்ப வேண்டும்.

தமிழ்நாடு ஆசிரியர் கல்வியியல் பல்கலையின் கட்டுப்பாட்டில் உள்ள, கல்வியியல் கல்லூரிகளுக்கான, பி.எட்., மற்றும் எம்.எட்., துணைத் தேர்வு, கடந்த டிசம்பரில் நடந்தது. இத்தேர்வுகளுக்கான முடிவுகள் இன்று, வெளியிடப்படுகிறது.

இதை www.tnteu.in என்ற, இணையதளம் மூலம் தெரிந்து கொள்ளலாம். தேர்வில் தவறியவர்கள், மே, ஜூனில் நடைபெறும் தேர்விற்கான விண்ணப்பப் படிவங்களை, பல்கலை இணையதளம் மற்றும் அவரவர் பயின்ற கல்லூரிகளின், முதல்வரிடம் பெற்று, பூர்த்தி செய்து, கல்லூரிகள் வாயிலாக, பிப்ரவரி 4ம் தேதிக்குள் அனுப்ப வேண்டும்.

பி.எட்., மற்றும் எம்.எட்., துணைத் தேர்வில் தவறியவர்கள், மே, ஜூனில் நடைபெறும் தேர்விற்கான விண்ணப்பப் படிவங்களை, பல்கலை இணையதளம் மற்றும் அவரவர் பயின்ற கல்லூரிகளின்  முதல்வரிடம் பெற்று  பூர்த்தி செய்து  கல்லூரிகள் வாயிலாக  பிப்ரவரி 4ம் தேதிக்குள் அனுப்ப வேண்டும்.

பாலிடெக்னிக் விரிவுரையாளர்கள், பொறியியல் பேராசிரியர்களுக்கு விரைவில் பணி நியமன ஆணைகள்

    கடந்த அக்டோபர் மாதம் தேர்வு செய்யப்பட்ட அரசு பாலிடெக்னிக் விரிவுரையாளர்கள், அரசு பொறியியல் கல்லூரி உதவிப் பேராசிரியர்களுக்கு விரைவில் பணி நியமனம் வழங்கப்படும் என்று தொழில்நுட்பக் கல்வி இயக்கக வட்டாரங்கள் தெரிவித்தன. 139 அரசு பாலிடெக்னிக் விரிவுரையாளர்கள், 155 அரசுப் பொறியியல் கல்லூரி உதவிப் பேராசிரியர்கள் பணியிடங்களுக்கு 2012 ஏப்ரல், மே மாதங்களில் போட்டித் தேர்வுகள் நடத்தப்பட்டன. இந்தத் தேர்வு முடிவுகள் ஜூலை 8-ம் தேதியும், சான்றிதழ் சரிபார்ப்புக்குப் பிறகு தேர்வுப் பட்டியல் அக்டோபர் 18-ம் தேதியும் வெளியிடப்பட்டன. 

         தேர்வுப் பட்டியல் வெளியிடப்பட்டு மூன்று மாதங்கள் ஆகியும் இதுவரை அவர்களுக்கு பணி நியமனம் வழங்கப்படவில்லை. இதன் காரணமாக, தேர்வு பெற்ற விரிவுரையாளர்கள், பேராசிரியர்களோடு அரசுக் கல்லூரி, பாலிடெக்னிக் மாணவர்களும் பாதிக்கப்படுவதாகப் புகார்கள் எழுந்தன.இது தொடர்பாக தொழில்நுட்பக் கல்வி இயக்குநரக வட்டாரங்கள் கூறியது:- அரசு பாலிடெக்னிக் விரிவுரையாளர்கள், பொறியியல் கல்லூரி உதவிப் பேராசிரியர்கள் ஆகியோருக்கு விரைவில் பணி நியமன ஆணைகள் வழங்கப்படும். பாலிடெக்னிக் விரிவுரையாளர்கள் நியமனம் தொடர்பாக வழக்கு இருந்ததால் ஆணைகளை வழங்கவில்லை.

மாணவ, மாணவியரின் விவரங்களை, இணையதளத்தில் பதிவு செய்வதற்கான கால அவகாசம், 31ம் தேதியுடன் முடியும் நிலையில், மேலும் இரு வாரங்களுக்கு, அவகாசத்தை நீட்டிப்பு செய்ய, கல்வித்துறை திட்டமிட்டுள்ளது.

மாணவ, மாணவியரின் விவரங்களை, இணையதளத்தில் பதிவு செய்வதற்கான கால அவகாசம், 31ம் தேதியுடன் முடியும் நிலையில், மேலும் இரு வாரங்களுக்கு, அவகாசத்தை நீட்டிப்பு செய்ய, கல்வித்துறை திட்டமிட்டுள்ளது. 

          மாநிலம் முழுவதும் உள்ள அரசு, அரசு நிதியுதவி பெறும் பள்ளிகள் மற்றும் தனியார் பள்ளிகள் என, அனைத்து வகை பள்ளிகளில் பயிலும் மாணவ, மாணவியரின் விவரங்களை உள்ளடக்கி, "கல்வி நிர்வாக தகவல் கட்டமைப்பை' உருவாக்க, கல்வித்துறை, நடவடிக்கை எடுத்து வருகிறது. இந்த தகவல்களின் அடிப்படையில், பல திட்டங்களை செயல்படுத்த, கல்வித்துறை திட்டமிட்டுள்ளது. இதற்காக, அவர்களின் பெயர்கள், வகுப்பு, பிரிவு, தாய், தந்தை பெயர், வீட்டு முகவரி, தந்தையின் தொழில், குடும்ப வருவாய் என, பல விவரங்கள் சேகரிக்கப்படுகின்றன. இந்தப் பணி, கடந்த ஒரு வாரமாக, மாநிலம் முழுவதும் நடந்து வருகிறது. கல்வித்துறை வழங்கியுள்ள பிரத்யேக இணையதளத்தில் , விவரங்களை பூர்த்தி செய்ய வேண்டும் என, பள்ளி நிர்வாகங்களுக்கு அறிவுரை வழங்கப்பட்டுள்ளது. இதற்கான கால அவகாசம், இம்மாதம், 31ம் தேதியுடன் முடியும் நிலையில், மின்வெட்டு பிரச்னை, மாவட்ட அதிகாரிகளிடம் இருந்து, தாமதமாக கடிதங்களை பெற்றது போன்ற காரணங்களால், தனியார் பள்ளிகளில், பணிகள் முடியாமல் உள்ளன. சென்னை புறநகர்களில் உள்ள, பல தனியார் பள்ளிகளுக்கு, இரு தினங்களுக்குமுன் தான், தகவல் கிடைத்துள்ளது. 3,000, 4,000 ம் பேர் பயிலும் பள்ளிகளில், தகவல்களை பூர்த்தி செய்ய, பல நாட்கள் தேவைப்படும் நிலை உள்ளது. இருக்கிற ஒரு சில நாட்களில், மாநிலம் முழுவதும் பணிகள் முடிவடையாத நிலை இருப்பதால், கால அவகாசத்தை, மேலும் நீட்டிப்பு செய்ய, கல்வித்துறை முடிவு செய்துள்ளது. 

       இது குறித்து, அதிகாரி ஒருவர் கூறியதாவது: ஆரம்பத்திலேயே, இறுதியான தேதியை தெரிவித்தால், பணிகளை முடிக்காமல் இருந்துவிடுவர். இதனால், 31ம் தேதிக்குள் முடிக்க வேண்டும் என, தெரிவித்தோம். ஆனால், பல பள்ளிகளில், பணிகள் முடியாமல் இருப்பது, எங்களின் கவனத்திற்கு வந்துள்ளது. எனவே, பதிவு செய்வதற்கான கால அவகாசத்தை, பிப்.,15 வரை, நீட்டிப்பு செய்ய திட்டமிட்டுள்ளோம். இது குறித்த அறிவிப்பு, மாத கடைசியில், பள்ளிகளுக்கு தெரிவிக்கப்படும். இவ்வாறு அவர் கூறினார்.

மதுரை காமராஜ் பல்கலை தொலைநிலைக் கல்வி இயக்கக (அல்பருவ முறை) எம்.எஸ்சி., படிப்புக்கான, செய்முறை தேர்வுகள் (2011-12), ஜன.,28 ல், துவங்குகின்றன.

மதுரை காமராஜ் பல்கலை தொலைநிலைக் கல்வி இயக்கக (அல்பருவ முறை) எம்.எஸ்சி., படிப்புக்கான, செய்முறை தேர்வுகள் (2011-12), ஜன.,28 ல், துவங்குகின்றன. மின்னனுவியலும் தகவலியலும்: முதல் (12சி) மற்றும் இரண்டாம் ஆண்டு (11சி) மாணவருக்கு, ஜன., 28, 29 ல், மதுரை பசுமலை சவுராஷ்டிரா கல்லூரியிலும்; பிப்., 2, 3 ல், சென்னை சோழிங்கநல்லூர் முகமது சதக் கலை மற்றும் அறிவியல் கல்லூரியிலும் நடக்கிறது. எம்.எஸ்சி., வேதியியல் (தமிழகம் மட்டும்):முதல் மற்றும் இரண்டாம் ஆண்டு மாணவர்களுக்கு, ஜன., 28 முதல் 31 வரை, மதுரை நாகமலை புதுக்கோட்டை என்.எம்.எஸ்.எஸ்., வெள்ளைச்சாமி நாடார் கல்லூரி. பிப்., 2 மற்றும் 3 ல், சென்னை, முகமது சதக் கலை மற்றும் அறிவியல் கல்லூரி. எம்.எஸ்சி., புவியியல் (தமிழகம் மட்டும்): முதலாம் ஆண்டு மாணவர்களுக்கு (12சி) ஜன., 28, 29 லிலும், இரண்டாம் ஆண்டு மாணவர்களுக்கு (11சி) ஜன.,30, 31 மற்றும் பிப்.,1 ல், மதுரை நாகமலைபுதுக்கோட்டையில் உள்ள என்.எம்.எஸ்.எஸ்., வெள்ளைச்சாமி நாடார் கல்லூரி மற்றும் திருப்பாலை யாதவா கல்லூரியிலும் தேர்வுகள் நடக்கின்றன. இத்தகவலை, பல்கலை கூடுதல் தேர்வாணையர் (பொறுப்பு) சாராதாம்பாள் தெரிவித்தார்.

பள்ளிக்கல்வியை தமிழ் மீடியத்தில் படித்து, "சார்ட்டர்ட் அக்கவுன்டன்ட்' தேர்வில், அகில இந்திய அளவில் முதலிடம் பிடித்தது பெருமையாக உள்ளது என மும்பையில் ஆட்டோ ஒட்டும் தமிழகத்தை சேர்ந்த, டிரைவர் மகள் பிரேமா நெகிழ்ச்சியுடன் தெரிவித்தார்.

   பள்ளிக்கல்வியை தமிழ் மீடியத்தில் படித்து, "சார்ட்டர்ட் அக்கவுன்டன்ட்' தேர்வில், அகில இந்திய அளவில் முதலிடம் பிடித்தது பெருமையாக உள்ளது என மும்பையில் ஆட்டோ ஒட்டும் தமிழகத்தை சேர்ந்த, டிரைவர் மகள் பிரேமா நெகிழ்ச்சியுடன் தெரிவித்தார். 

   

  விழுப்புரம் மாவட்டம், சங்கராபுரம் அடுத்த பெரிய கொள்ளியூர் கிராமத்தைச் சேர்ந்தவர் ஜெயக்குமார், 53; ஆட்டோ டிரைவர். மும்பையில், மலாட் எஸ்.பி., கான்சால் என்ற பகுதியில் குடும்பத்துடன் வசித்து வருகிறார். இவரது மனைவி லிங்கம்மாள், 45, மகள்கள் மகாலட்சுமி, 27, பிரேமா, 25, மகன் தன்ராஜ், 23. மகாலட்சுமிக்கு திருமணம் ஆகிவிட்டது. கடந்த, 20 ஆண்டுகளுக்கு முன், பெரிய கொள்ளியூரில் விவசாய கூலிவேலை செய்து வந்த ஜெயக்குமார், போதிய வருவாய் கிடைக்காததால், தன் மைத்துனர் குப்புசாமி என்பவர் ஆதரவுடன், 1990ம் ஆண்டு, மும்பைக்கு பிழைப்பு தேடி சென்றார். துணி நெசவு செய்யும் ஆலையில் பணிபுரிந்தார். அதிலும் எதிர்பார்த்த வருவாய் கிடைக்காததால், ஆட்டோ ஓட்டுனரானார். அதன் மூலம் கிடைத்த வருவாயை கொண்டு, சொந்தமாக ஆட்டோ வாங்கி, தன் குழந்தைகளை படிக்க வைத்தார். 

       

 இத்தனை சிரமமான சூழலுக்கு இடையே படித்த, இவரது இரண்டாவது மகள் பிரேமா, "சார்ட்டட் அக்கவுன்டன்ட்' தேர்வில், 800க்கு, 607 மதிப்பெண்கள் எடுத்து, அகில இந்திய அளவில், முதலிடம் பெற்று சாதனை படைத்துள்ளார். இதுகுறித்து, பிரேமா கூறியதாவது:என் வெற்றியை பெற்றோரின் பாதங்களில் சமர்ப்பிக்கிறேன். அவர்கள் இல்லை என்றால், என்னால், இச்சாதனையை பெற்று இருக்க முடியாது. வறுமையான சூழலிலும், எங்களை படிக்க வைக்க வேண்டும், என்று பல தியாகங்களை செய்தனர்.ஒன்று முதல், 7ம் வகுப்பு வரை, மலாடு நகராட்சி பள்ளியில், தமிழ் மீடியத்தில் படித்தேன். ஆங்கில பாடத்தை தவிர்த்து, மற்ற அனைத்து பாடங்களையும், தமிழில் தான் கற்றேன். அதன்பின், மலாடு செகன்டரி பள்ளியில், 8 முதல், 10ம் வகுப்பு வரை, தமிழ் பாடத்தை தவிர மற்ற பாடங்களை, ஆங்கில மீடியத்தில் படித்தேன். என்.எல்., காலேஜில், பிளஸ் 2 முடித்து, நாகின்தாஸ் கண்டவாலி கல்லூரியில், பி.காம்., முடித்தேன். அதன்பின் மும்பை பல்கலையில் எம்.காம்., பட்டம் பெற்றேன்.எனக்கு திருமண ஏற்பாடுகளை செய்தபோது, அக்கவுன்டன்ட் படிப்பில் பெரிய அளவில் சாதிக்க வேண்டும் என்ற, என் விருப்பத்தை தந்தையிடம் கூறினேன். அதை மறுக்காமல், அதற்கான அனைத்து வசதிகளையும் செய்து கொடுத்தார். 

       என் தம்பி தன்ராஜும், பி.காம்., முடித்து, சி.ஏ., தேர்வை எழுத விரும்பியதால், இருவரும் சேர்ந்தே படித்தோம். மலாட் பகுதியில் வாடகை குடியிருப்பில் உள்ள எங்கள் வீடு சிறியது. அதில் நாங்கள் இருவரும், இரவில் கண் விழித்து படிக்க தேவையான வசதிகளை, என் தாய் ஏற்படுத்தி தந்தார். "டிவி' இணைப்பை துண்டித்து, படிப்பிற்கு உதவி செய்தனர். எங்களின் முயற்சிக்கு ஆசிரியர்களும் பல உதவிகளை செய்தனர். சி.ஏ., படிப்பில் இந்திய அளவில் சாதிக்க வேண்டும் என்ற குறிக்கோள் எனக்குள் இருந்தது. இதில் அகில இந்திய அளவில் முதலிடம் பெற்றது, என் பெற்றோரின் தியாகத்திற்கும், என் விடா முயற்சிக்கும் கிடைத்த வெற்றியாக நினைக்கிறேன். தன்ராஜூம் சி.ஏ., படிப்பில் தேர்ச்சியடைந்தது, இரட்டிப்பு மகிழ்ச்சி.

       மிகுந்த ஏழ்மையான நிலையில், மும்பைக்கு பிழைப்பு தேடி வந்தபோது, ஆதரவு அளித்த என் தாய்மாமன்கள் குப்புசாமி, பெருமாள் இவர்களின் உதவியை மறக்க முடியாது.தமிழ் மீடியத்தில் படித்த நான், சி.ஏ., படிப்பில் சாதனை படைத்ததை பெருமையாக கருதுகிறேன். தாய் மொழியான தமிழும், சொந்த ஊரும் என் அடையாளங்கள் என்பதை மறக்க மாட்டேன். சூழ்நிலை எப்படி இருந்தாலும், சரியான வகையில் முயன்றால் வெற்றி கிடைக்கும் என்பதை அனுபவபூர்வமாக தெரிந்து கொண்டேன்.நல்ல நிறுவனத்தில் வேலைக்கு சேர்ந்து, விரைவில் என் தந்தைக்கு ஓய்வு கொடுக்க வேண்டும். படிக்க ஆர்வம் இருந்தும், பணமின்றி கஷ்டப்படும் மாணவர்களுக்கு எதிர்காலத்தில் உதவி செய்ய விரும்புகிறேன். சி.ஏ., படிப்பில் சாதிப்பதற்கான முறைகளை, இப்படிப்பை தேர்வு செய்து படிப்பவர்களுக்கு கூறி, வழிகாட்ட தயாராக இருக்கிறேன்.இவ்வாறு, சாதனையாளர் பிரேமா நெகிழ்ச்சியுடன் கூறினார். படிப்பில் சுட்டி பிரேமா, 10ம் வகுப்பு பொதுத்தேர்வில், 79 சதவீதம் மதிப்பெண் எடுத்தார். பிளஸ் 2 தேர்வில், 80 சதவீதமும், பி.காம்., படிப்பில், 90 சதவீதமும், எம்.காம்., படிப்பில், 80 சதவீதமும் மதிப்பெண் எடுத்து, தொடர்ந்து படிப்பில் சிறந்து விளங்கி வந்துள்ளார். விடாமுயற்சியுடன் படித்ததால் மிகவும் கடினமான தேர்வாக கருதப்படும் , சி.ஏ., படிப்பிலும், 75.87 சதவீதம் எடுத்து சாதித்துள்ளார். 

          மாணவிக்கு ரூ.10 லட்சம் தமிழக முதல்வர் ஜெயலலிதா வெளியிட்டுள்ள அறிக்கை:

அனைவராலும் வெற்றி பெறுவதே கடினம் என கூறும், சார்ட்டட் அக்கவுண்டன்ட் இறுதித் தேர்வில், அகில இந்திய அளவில் முதலிடம் பெற்று, சாதனை படைத்துள்ளார். சாதாரண ஏழை குடும்பத்தில் பிறந்து, நிதித்துறையில் உயரிய கல்வியாக கூறப்படும், சி.ஏ., தேர்வில், முதலிடம் பெற்ற பிரேமாவிற்கு பாராட்டுக்கள்.பிரேமாவிற்கு, தமிழக அரசின் சார்பில், 10 லட்சம் ரூபாய், ஊக்கத் தொகை வழங்கப்படும்.இவ்வாறு, அதில் கூறியுள்ளார்.

எட்டாம் வகுப்பு பொதுத்தேர்வுக்கு தனித்தேர்வர்கள் 28–ந் தேதி முதல் விண்ணப்பிக்கலாம் என்று அரசு தேர்வுத்துறை அறிவித்துள்ளது.

எட்டாம் வகுப்பு பொதுத்தேர்வுக்கு தனித்தேர்வர்கள் 28–ந் தேதி முதல் விண்ணப்பிக்கலாம் என்று அரசு தேர்வுத்துறை அறிவித்துள்ளது. இதுதொடர்பாக அரசு தேர்வுகள் இயக்குனர் தண்.வசுந்தராதேவி நேற்று வெளியிட்ட செய்திக்குறிப்பில் கூறி இருப்பதாவது:–

8–ம் வகுப்பு பொதுத்தேர்வு ஏப்ரல் மாதம் நடைபெற உள்ளது. இந்த தேர்வுக்கு 1.4.2013 அன்று 12 வயது பூர்த்தி அடைந்த தனித்தேர்வர்களிடம் இருந்து விண்ணப்பங்கள் வரவேற்கப்படுகின்றன. வயது குறித்து பிறப்பு சான்றிதழ் நகலை விண்ணப்பத்துடன் இணைக்க வேண்டும். தேர்வுக்கு விண்ணப்பிக்க குறைந்தபட்ச கல்வித்தகுதி ஏதும் தேவையில்லை. அங்கீகரிக்கப்பட்ட பள்ளிகளில் 8–ம் வகுப்புக்கும் கீழ் உள்ள வகுப்புகளில் படித்து இடையில் நின்ற 12 வயது பூர்த்தியானவர்களும் தனித்தேர்வர்களாக விண்ணப்பிக்கலாம்.

விண்ணப்பங்களை 28–ந் தேதி முதல் பிப்ரவரி 8–ந் தேதி வரை சென்னை, மதுரை, கோவை, திருச்சி, வேலூர், கடலூர், திருநெல்வேலி ஆகிய இடங்களில் உள்ள அரசு தேர்வுத்துறை மண்டல துணை இயக்குனர் அலுவலகங்களில் நேரில் பெற்றுக்கொள்ளலாம்.

எக்காரணம் கொண்டும் தேர்வு கட்டணத்தை வங்கி டிமாண்ட் டிராப்ட் மூலமாக செலுத்தக்கூடாது. கருவூலம் மூலமாக மட்டுமே செலுத்த வேண்டும். பூர்த்தி செய்த விண்ணப்பத்துடன் தேர்வுக்கட்டணம் ரூ.125–ஐ கருவூலத்தில் செலுத்தி, செலான் மற்றும் இதர இணைப்புகளுடன் சம்பந்தப்பட்ட துணை இயக்குனர் அலுவலகங்களில் அடுத்த மாதம் (பிப்ரவரி) 8–ந் தேதிக்குள் சமர்ப்பிக்க வேண்டும்.

தேர்வுக்கான பாடங்களாக மொழிப்பாடம் ஒன்று (தமிழ், தெலுங்கு, மலையாளம், கன்னடம், இந்தி, உருது ஆகிய மொழிகளில் ஒன்றை தேர்வு செய்ய வேண்டும்), ஆங்கிலம், கணக்கு, அறிவியல், சமூக அறிவியல் ஆகிய 5 பாடங்கள். கணக்கு, அறிவியல், சமூக அறிவியல் பாடங்களை தமிழ், ஆங்கிலம், உருது ஆகிய மொழிகளில் (மீடியம்) ஏதேனும் ஒன்றில் விடையளிக்கலாம்.

சென்னை பெருநகர் பகுதிகளில் வசிக்கும் தேர்வர்கள் சென்னை தெற்கு, கிழக்கு, மத்திய சென்னை, வடக்கு தேர்வு மையங்களை தேர்ந்தெடுக்க வேண்டும். அனைத்து பாடங்களையும் முதல்முறையாக எழுத இருப்பவர்கள், கடந்த ஆண்டு அறிமுகப்படுத்தப்பட்ட முப்பருவ பாடத்திட்டத்தின் அடிப்படையிலான பாடங்களில் இருந்து தயாரிக்கப்பட்ட வினாக்களுக்கு விடையளிக்க வேண்டும்.

ஏற்கனவே பழைய பாடத்திட்டத்தில் தேர்வு எழுதி ஒருசில பாடங்களில் மட்டும் தேர்ச்சி பெறாதவர்கள் இந்த ஆண்டு மட்டும் பழைய பாடத்திட்டத்தின்படி தேர்வு எழுத அனுமதிக்கப்படுவார்கள். அடுத்த ஆண்டு முதல் புதிய பாடத்திட்டத்தின்படிதான் அனைத்து பாடங்களையும் தேர்வு எழுத வேண்டும். இவ்வாறு வசுந்தராதேவி கூறியுள்ளார்.

கடந்த 12 நாட்களாக நடைபெற்ற சென்னை 36–வது புத்தக கண்காட்சி நிறைவு பெற்றது நீதிபதிகள் தி.அரிபரந்தாமன், எஸ்.விமலா பங்கேற்பு

சென்னை 36–வது புத்தக கண்காட்சி நிறைவு பெற்றது. நிறைவு விழாவில் சென்னை ஐகோர்டு நீதிபதிகள் தி.அரிபரந்தாமன், எஸ்.விமலா பங்கேற்றனர்.

தென்னிந்திய புத்தக விற்பனையாளர் மற்றும் பதிப்பாளார் சங்கம்(பபாசி) சார்பில் சென்னை நந்தனம் ஒய்.எம்.சி.ஏ. உடற்கல்வியியல் கல்லூரி மைதானத்தில் கடந்த 11–ந்தேதி தொடங்கிய சென்னை 36–வது புத்தக கண்காட்சி நேற்றுடன் நிறைவடைந்தது.இதன் நிறைவு விழா ஓய்.எம்.சி.ஏ. உடற்பயிற்சி கல்லூரி வளாகத்திலுள்ள புன்னகை அரங்கத்தில் நேற்று மாலை நடைபெற்றது. விழாவிற்கு சிறப்பு விருந்தினர்களாக சென்னை ஐகோர்ட்டு நீதிபதிகள் தி.அரிபரந்தாமன், எஸ்.விமலா ஆகியோர் கலந்து கொண்டனர். விழாவில் சென்னை ஐகோர்ட்டு நீதிபதி தி.அரிபரந்தாமன் பேசியதாவது:–

ஒவ்வொரு ஆண்டும் ஜனவரி மாதம் நடைபெறும் புத்தக கண்காட்சிக்காக காத்திருக்கிறோம். சென்னை புத்தக கண்காட்சிக்கு 36 வயது வரலாறு இருக்கிறது. அதேபோன்று புத்தகங்களுக்கும் வரலாறு உண்டு. 15–ம் ஆண்டு நூற்றாண்டில் உருவாகிய அச்சு எந்திரங்கள் தான் நாம் புத்தகங்களை படிப்பதற்கு முக்கிய காரணம். மனிதனின் மகத்தான சாதனையான அச்சு இயந்திரங்கள் தோன்றவில்லை என்றால் மின்சாரம், செல்போன் இல்லாமல் எப்படி நம்மால் இருக்க முடியாதோ, அது போன்று புத்தகங்கள், தினசரிகள், வார இதழ்கள், மாத இதழ், சுய சரிதைகள், கவிதை நூல்கள் போன்றவற்றிகாக நாம் அலைந்திருக்க வேண்டிய சூழல் ஏற்பட்டிருக்கும்.500 ஆண்டுகளுக்கு முன்பே உலகத்தில் முதன்முறையாக ஐரோப்பியர்கள் தான் அச்சு இயந்திரங்களை உருவாகி அனைத்திலும் முன்னேறி கொண்டிருகிறார்கள். நாம் அவர்களை பின் தங்கி இருக்கிறோம். அதனால் தான் அவர்கள் 150 ஆண்டுகளுக்கு உருவாகிய மெட்ரோ ரெயிலை, நாம் இப்போது செய்து கொண்டிருக்கிறோம்.இவ்வாறு நீதிபதி அரிபரந்தாமன் பேசினார்.

30 ஆண்டு காலமாக பதிப்பகத்துறை பணியில் நிறைவு செய்வதர்களுக்கு பரிசுகளும், கேடயங்களும் வழங்கி நீதிபதி எஸ்.விமலா பேசியதாவது:–புத்தக கண்காட்சி நிறைவு விழாவில் கலந்துகொள்வது வருத்தமாக இருக்கிறது. ஏனென்றால் புத்தக கண்காட்சிகள் நிறைவு பெறாத நிரந்தர காட்சிகளாக இருக்க வேண்டும் என்பதே என்னுடைய ஆதங்கமாகும்.புத்தகங்கள் குறித்த கருத்துக்களை ஒரு சிறிய கதை மூலமாக கூறுகிறேன்,‘ ஒரு ஊரில் ஒருத்தர் இருந்தார். அவருக்கு 3 மகன்கள். அவர் தன்னுடைய சொத்துக்களை, தன்னுடைய மகன்களில் யார் சிறந்த நிர்வாகிகளாக இருப்பார்களோ அவர்களுக்கு தான் தருவேன் என்று கூறி, 3 பிள்ளைகளையும் தனி தனியாக அழைத்து ஒவ்வொருவருக்கும் 10 ரூபாய்களை கொடுத்து தன்னுடைய வீட்டில் நீண்ட காலமாக திறக்கமால் பூட்டி கிடக்கும் அறை நிரப்ப வேண்டும் என்றார்.

உடனே முதல் மகன் 10 ரூபாய்க்கு வைக்கோல் வாங்கி வந்து அந்த அறை முழுவதும் பரப்பினார். ஆனால் அறை நிரம்பவில்லை. 2–வது மகன் பஞ்சுவை வாங்கி அறை முழுவதும் பரப்பினார். ஆனால் அறை நிரம்பவில்லை. 3–வது மகன் ஒரு மெழுகுவர்த்தி வாங்கி அந்த அறையின் நடுவில் வைத்து ஏற்றி வைத்தார்.அந்த மெழுகுவர்த்தியின் வெளிச்சம் இருள் சூழந்த அந்த அறை முழுவதும் பரவி வெளிச்சமாகி, அந்த அறையை அழகுபடுத்திவிட்டது. அது தான் புத்தகம். மனிதனுடைய மனதில் உள்ள இருள்களை அகற்றி அவனுக்கு அறிவு ஒளிகளை ஏற்றி உலகம் முழுவதும் வெளிச்சம் போட்டு காட்டுவது தான் புத்தகம். அன்பு, பாசம், அறிவு, ஊக்கம் போன்று நாம் எதையெல்லாம் கேட்கிறோமோ அதையெல்லாம் அள்ளி தருகின்ற அச்சயபாத்திரமாக புத்தகங்கள் திகழ்கின்றன.இவ்வாறு நீதிபதி எஸ்.விமலா பேசினார்.

அதைதொடர்ந்து இலக்கியங்களின் நோக்கம் படித்து மகிழவே!பண்பட்டு வாழவே! என்ற தலைப்பில் பேராசிரியர் தா.கு.சுப்பிரமணியன் தலைமையில் பட்டிமன்றம் நடைபெற்றது.நிறைவு விழாவினை முன்னிட்டு, நேற்று திரளலான வாசகர்களும், புத்தக பிரியர்களும் புத்தக கண்காட்சிக்கு வந்து தங்களுக்கு தேவைப்பட்ட புத்தகங்களை அள்ளி சென்றனர். திருப்பூரில் 25–ந்தேதியும், பெரம்பலூரில் பிப்ரவரி 1–ந்தேதியும் புத்தக கண்காட்சி நடைபெற உள்ளது.

புதிய வாக்காளர்களுக்கு,தேசிய வாக்காளர் தினத்தில் (ஜன.,25ல்) வாக்காளர் அடையாள அட்டைகள் வழங்கப்படுகிறது.

புதிய வாக்காளர்களுக்கு,தேசிய வாக்காளர் தினத்தில் (ஜன.,25ல்) வாக்காளர் அடையாள அட்டைகள் வழங்கப்படுகிறது. தேர்தல் ஆணையம், 2012 ஜனவரி முதல் தேதியை தகுதி நாளாக கொண்டு, தயாரித்துள்ள, வரைவு வாக்காளர் பட்டியல் கடந்தாண்டு, அக்.,1 ல் வெளியிடப்பட்டது. இந்த பட்டியலில் பெயர் நீக்கம், திருத்தம் உள்ளிட்ட பணிகளும் நடந்தது. இறுதி வாக்காளர் பட்டியல் ஜன.,10 ல் வெளியிடப்பட்டது. இதில் புதிய வாக்காளர்களாக சேர்ந்தவர்களுக்கு,தற்போது அடையாள அட்டை தயாரிக்கப்பட்டுள்ளது. நாளை (ஜன.,25)தேசிய வாக்காளர் தினம் கொண்டாடப்படுகிறது. இதில், ஜனநாயகம், ஓட்டளிப்பதின் அவசியம் உள்ளிட்டவை குறித்து விழிப்புணர்வு ஏற்படுத்தப்படுகிறது. அன்றைய தினம், அனைத்து ஓட்டுச் சாவடி மையங்களிலும் தேசிய வாக்காளர் தின விழா நடக்கிறது. இதில், 18 வயது பூர்த்தியடைந்து, விண்ணப்பித்துள்ள அனைத்து புதிய வாக்காளர்களையும் கவுரவிக்கும் வகையில், அங்கு அவர்களை வரவழைத்து, வாக்காளர் அடையாள அட்டைகளை வழங்கவேண்டும், என தேர்தல் ஆணையம் உத்தரவிட்டுள்ளது.இதற்கான ஏற்பாடுகள் நடந்து வருகிறது.

மெட்ரிக் பள்ளிகளை கண்காணிக்க மாவட்டத்திற்கு ஒரு ஆய்வாளர் (IMS) வீதம், 32 ஆய்வாளர்களை நியமிக்க ஆலோசனை.

தனியார் பள்ளிகளைச் சேர்ந்த மாணவ, மாணவியர், அவ்வப்போது மரணம் அடைவதை தடுப்பது குறித்து, மெட்ரிக் பள்ளி இயக்குனரக அதிகாரிகள், நேற்று முன்தினம் மாலை, ஆலோசனை நடத்தினர். தனியார் பள்ளிகளில், நீச்சல் குளங்கள் மற்றும் திறந்து கிடக்கும் கழிவு நீர் தொட்டிகளில் விழுந்து, அவ்வப்போது குழந்தைகள் மரணம் அடைகின்றனர். பஸ்களில் அடிபட்டும், மாணவர்கள் இறக்கின்றனர். மாணவர் பாதுகாப்பு அம்சங்களை தனியார் பள்ளிகள், சரிவர கடைபிடிப்பது இல்லை. சமீபத்தில், கிருஷ்ணகிரி மாவட்டம், ஊத்தங்கரை கிறிஸ்து மெட்ரிக் பள்ளியில், திறந்து கிடந்த கழிவு நீர் தொட்டியில் விழுந்து, மாணவி பலியானார். மாணவ, மாணவியர் பாதுகாப்பு கேள்விக் குறி ஆகி வரும் நிலையில், மெட்ரிக் பள்ளி அதிகாரிகள், நேற்று முன்தினம் மாலை, டி.பி.ஐ., வளாகத்தில் கூடி, ஆலோசனை நடத்தினர். இதில், மெட்ரிக் பள்ளி ஆய்வாளர்களும் கலந்து கொண்டனர். தனியார் பள்ளிகளை, தொடர்ந்து கண்காணிக்க வேண்டும் என்றும், மாணவ, மாணவியருக்கான பாதுகாப்பு விதிமுறைகளை, 100 சதவீதம், பள்ளி நிர்வாகங்கள் அமல்படுத்துகிறதா என்பதையும், மெட்ரிக் பள்ளி ஆய்வாளர்கள் ஆய்வு செய்ய வேண்டும் எனவும், அதிகாரிகள் வலியுறுத்தினர். மெட்ரிக் பள்ளிகளை கண்காணிக்க, தற்போது, 15 ஆய்வாளர்கள் உள்ளனர். இதிலும், பல பணியிடங்கள் காலியாக உள்ளன. மாவட்டத்திற்கு ஒரு ஆய்வாளர் வீதம், 32 ஆய்வாளர்களை நியமித்தால், பள்ளிகளை கண்காணிக்க முடியும் என, அதிகாரிகள் கருதுகின்றனர்.

ஆசிரியர்களை, "டிஸ்மிஸ்' செய்யும் உத்தரவு தற்காலிகமாக நிறுத்தம்

கட்டாயக்கல்வி சட்டத்திற்கு எதிராக (ஆர்.டி.இ.,), அரசு உதவிபெறும் பள்ளிகளில், பணியில் சேர்ந்த இடைநிலை, பட்டதாரி ஆசிரியர்களை, "டிஸ்மிஸ்' செய்யும் முடிவை, கல்வித்துறை, தற்காலிகமாக நிறுத்தி வைத்துள்ளது. ஒரே நேரத்தில், 2,000 ஆசிரியர்களை பணி நீக்கம் செய்தால், ஒட்டு மொத்த ஆசிரியர்களின் அதிருப்தியை சம்பாதிக்க நேரிடும் என்பதால், இம்முடிவை தற்காலிகமாக நிறுத்தி வைக்க, கல்வித்துறைக்கு உத்தரவிடப்பட்டு உள்ளதாக, துறை வட்டாரங்கள் தெரிவித்தன. அரசு, அரசு நிதியுதவி பெறும் பள்ளிகள் மற்றும் தனியார் பள்ளிகள் என, எந்த வகை பள்ளிகளாக இருந்தாலும், 2010, ஆகஸ்ட், 23ம் தேதிக்குப் பின் அறிவிப்பு வெளியாகி, அதன் அடிப்படையில் பணியில் சேரும் இடைநிலை, பட்டதாரி ஆசிரியர்கள், டி.இ.டி., தேர்வில் தேர்ச்சி பெற்றவர்களாக இருக்க வேண்டும் என்பது விதி. ஆனால், மேற்கண்ட தேதிக்குப் பின், அரசு நிதியுதவி பெறும் ஆரம்ப, நடுநிலை, உயர்நிலை பள்ளிகளில், இடைநிலை, பட்டதாரி ஆசிரியர்கள், 2,000 பேர் வரை சேர்ந்திருக்கலாம் என, கூறப்படுகிறது. இந்த பணி நியமனம், ஆர்.டி.இ., சட்டத்திற்கு எதிரானது என்பதால், இவர்கள் அனைவரையும் பணி நீக்கம் செய்ய, கல்வித்துறைக்கு, அரசு உத்தரவிட்டதாக, துறை வட்டாரங்கள் தெரிவித்தன. இதன் அடிப்படையில், முதல்கட்டமாக, தொடக்க கல்வித்துறையின் கீழ் செயல்படும் ஆரம்ப, நடுநிலைப் பள்ளிகளில் சேர்ந்த ஆசிரியர்களை, பணி நீக்கம் செய்ய, துறை இயக்குனரகம் நடவடிக்கை எடுத்தது. இந்த தகவல் தெரிந்ததும், ஆசிரியர்கள், ஆசிரியர் சங்க பிரதிநிதிகள் மத்தியில் பெரும் பதட்டமும், பரபரப்பும் ஏற்பட்டது. பணி நீக்க உத்தரவு கடிதங்கள், நேற்று வழங்க இருந்த நிலையில், பிரச்னை குறித்த முழு விவரங்களையும், ஆசிரியர் சங்க பிரதிநிதிகள், மேலிடத்தின் கவனத்திற்கு கொண்டு சென்றனர்.

2014-15 ஆம் கல்வி ஆண்டில் பிளஸ் 1 வகுப்பிற்கும், அதற்கு அடுத்த கல்வி ஆண்டில் (2015-16), பிளஸ் 2 வகுப்பிற்கும், புதிய பாடத்திட்டங்கள் அறிமுகம் ஆகின்றன. வரைவு பாடத்திட்டம் பிப்., 13ல் www.tnscert.org என்ற துறை இணையதளத்தில் வெளியீடப்படுகின்றன.

அடுத்த கல்வி ஆண்டில், பிளஸ் 1 வகுப்பிற்கு, புதிய பாடத் திட்டம் அறிமுகம் செய்யப்பட உள்ள நிலையில், தற்காலிக வரைவு பாடத் திட்டங்கள், பிப்., 13ம் தேதி, மாநில கல்வியியல் ஆராய்ச்சி பயிற்சி நிறுவன இணையதளத்தில் வெளியிடப்படுகிறது. ஐந்து ஆண்டுகளுக்கு ஒரு முறை, பாடத் திட்டங்களை மாற்றி, அவ்வப்போதைய கால கட்டத்திற்கு ஏற்றார் போல், புதிய பாடத் திட்டங்கள் அறிமுகப்படுத்த வேண்டும். 

அதன்படி, பிளஸ் 1, பிளஸ் 2 வகுப்புகளுக்கு, தற்போதுள்ள பாடத் திட்டங்கள் அறிமுகமாகி, ஆறு ஆண்டுகள் ஆகின்றன. எனவே, வரலாறு, அறிவியல், தொழில்துறை, வர்த்தகம் உள்ளிட்ட பல்வேறு துறைகளில் ஏற்பட்டுள்ள மாற்றங்களின் அடிப்படையில், புதிய பாடத் திட்டங்களை உருவாக்க, மாநில கல்வியியல் ஆராய்ச்சி பயிற்சி நிறுவனத்திற்கு, தமிழக அரசு உத்தரவிட்டது. பாட வாரியாக, தனித்தனி நிபுணர் குழுக்கள் அமைக்கப்பட்டு, கடந்த ஆண்டு ஆகஸ்டில், முதல் கட்ட ஆலோசனை கூட்டம் நடத்தப்பட்டது. ஒவ்வொரு குழுவிற்கும், பல்வேறு பல்கலைகளைச் சேர்ந்த பேராசிரியர்கள் தலைமையில், தலா மூன்று, கல்லூரி பேராசிரியர்கள் மற்றும் முதுகலை ஆசிரியர்கள் என, ஆறு பேர், உறுப்பினர்களாக இடம்பெற்றுள்ளனர். ஒட்டுமொத்த குழுக்களுக்கும், ஓய்வுபெற்ற சென்னை ஐ.ஐ.டி., பேராசிரியர் நாகபூஷணராவ், தலைவராக உள்ளார். 

இக்குழு, பிளஸ் 1, பிளஸ் 2 வகுப்புகளில், 24 பாடங்களுக்கு, தற்காலிக வரைவு பாடத் திட்டத்தை தயாரித்து முடித்துள்ளது. பொதுமக்கள், ஆசிரியர்கள், கல்வியாளர்கள் உள்ளிட்ட பல தரப்பினரிடம் இருந்து, இதுகுறித்து கருத்து கேட்கும் கூட்டங்கள், வரும் 30, 31 தேதிகளில், மாவட்ட தலைநகரங்களில் நடக்கின்றன. முதல் நாள், செய்முறைத் தேர்வு பாடங்களுக்கான கருத்துக் கேட்பும், மறுநாள், செய்முறைத் தேர்வு அல்லாத பாடங்களுக்கு கருத்துக்களை கேட்டறிய, மாநில கல்வியியல் ஆராய்ச்சி பயிற்சி நிறுவனம் ஏற்பாடு செய்துள்ளது. இதன் அடிப்படையில், பிப்., 13ல், துறை இணையதளத்தில் (www.tnscert.org) வரைவு பாடத் திட்டத்தை வெளியிட்டு, 27ம் தேதி வரை, மீண்டும் கருத்துக்கள் கேட்கப்படும் என்றும், அதன்பின் வரைவு பாடத் திட்டத்தை இறுதி செய்து, அரசின் அனுமதிக்கு அனுப்பப்படும் என்றும், துறை வட்டாரங்கள் நேற்று தெரிவித்தன. அடுத்த கல்வி ஆண்டில் (2014-15), பிளஸ் 1 வகுப்பிற்கும், அதற்கு அடுத்த கல்வி ஆண்டில் (2015-16), பிளஸ் 2 வகுப்பிற்கும், புதிய பாடத்திட்டங்கள் அறிமுகம் ஆகின்றன. குழுவின் தலைவர் நாகபூஷணராவ் கூறியதாவது: ஆந்திரா, கேரளா, மகாராஷ்டிரா, குஜராத் உட்பட பல்வேறு மாநிலங்களில் உள்ள பாடத் திட்டங்கள், தேசிய அளவில், உயர்கல்வி சேர்க்கைக்காக நடத்தப்படும் பல்வேறு போட்டித் தேர்வுகளுக்கான பாடத் திட்டங்கள் உட்பட, பல்வேறு பாடத் திட்டங்கள் ஆய்வு செய்யப்படுகின்றன. இதன் அடிப்படையில், உயர்கல்வி மற்றும் தொழில்துறைக்கு தேவையான தரமான பாடத் திட்டங்களை உருவாக்கும் பணிகளில் ஈடுபட்டுள்ளோம். இந்தியாவில் மட்டுமல்லாமல், வெளிநாடுகளில் உள்ளவர்களும், வரைவு பாடத் திட்டத்தின் மீது கருத்துக்களை தெரிவிக்கலாம். 

சமச்சீர் கல்வி திட்டத்திற்கு, வெளிநாடுகளில் இருந்து, அதிகமான கருத்துக்கள் வந்தன; மேல்நிலை கல்வி பாடத் திட்டத்திற்கும், அதிகமான கருத்துக்கள் வரும் என, எதிர்பார்க்கிறோம். தரமான கருத்துக்களை சேர்த்து, வரைவு பாடத் திட்டத்தை இறுதி செய்வோம். அரசின் ஒப்புதலுக்குப் பின், பாடத் திட்டம் இறுதி செய்யப்பட்டு, அச்சடிக்க வழங்கப்படும். இவ்வாறு அவர் கூறினார்.

திறந்தநிலை பல்கலையில் படித்து, அரசுப் பணிகளில் சேர்ந்தவர்களுக்கு பாதிப்பை ஏற்படுத்தும், அரசாணை 107-ஐ நீக்க முதல்வரிடம் வலியுறுத்துவேன்!

தமிழ்நாடு திறந்தநிலை பல்கலையில் படித்து, அரசுப் பணிகளில் சேர்ந்தவர்களுக்கு பாதிப்பை ஏற்படுத்தும், 107வது அரசாணையை நீக்குமாறு, முதல்வரிடம் வலியுறுத்துவேன்,'' என, தமிழ்நாடு திறந்தநிலை பல்கலையின் புதிய துணைவேந்தர் சந்திரகாந்தா கூறினார். சென்னையில் அவர் அளித்த பேட்டி: தற்போது, திறந்தநிலை பல்கலையில், 110 வகையான கல்வி திட்டங்கள் அமல்படுத்தப்படுகின்றன. இவை இல்லாமல், காலத்திற்கு ஏற்றவாறும், தொழில்துறையினரின் தேவையை கருத்தில் கொண்டும், புதிய பாடத் திட்டங்கள் அறிமுகப்படுத்தப்படும். அனைத்து மாவட்டங்களிலும், தலா ஒரு சமுதாய கல்லூரியை துவக்கி, ஏழை, எளிய, நடுத்தர குடும்பங்களைச் சேர்ந்த இளைஞர்களுக்கு, பல்வேறு வகையான வேலைவாய்ப்பு பயிற்சிகளை அளிக்க நடவடிக்கை எடுக்கப்படும். முதற்கட்டமாக, சென்னை, மதுரை, கோவை, திருச்சி, தருமபுரி ஆகிய மாவட்டங்களில், சமுதாய கல்லூரியை அமைக்க நடவடிக்கை எடுக்கப்படுகிறது. "வீடியோ கான்பரன்சிங்' வழியில், மாணவர்களுக்கு பாடங்களை நடத்தவும், நடவடிக்கை எடுக்கப்படும். திறந்தநிலை பல்கலையில் படித்தால், அரசு வேலைவாய்ப்புகளுக்கு தகுதியில்லை என்று கூறவில்லை. எனினும், 107வது அரசாணை, ஏற்கனவே படித்தவர்களுக்கு பாதிப்பை ஏற்படுத்தும் வகையில் உள்ளது. அந்த அரசாணையை நீக்க நடவடிக்கை எடுக்க வேண்டும் என, முதல்வரிடம் வலியுறுத்துவேன். எம்.எட்., படிப்பை மீண்டும் துவங்க, நடவடிக்கை எடுக்கப்படும். இவ்வாறு சந்திரகாந்தா கூறினார். பத்தாம் வகுப்பு, பிளஸ் 2, மூன்று ஆண்டு பட்டப்படிப்பு, பின், இரண்டு ஆண்டு முதுகலை பட்டப்படிப்பு என்ற வரிசைக்கு மாறாக, பள்ளிப் படிப்பை படிக்காமல், நேரடியாக பட்டப்படிப்பில் சேர்ந்து, பட்டங்களை பெற்ற பலர், அரசுப் பணிகளில் உள்ளனர். அதேபோல், படித்த பலர், அரசு வேலையை எதிர்பார்த்தும் இருக்கின்றனர். இந்த விவகாரம் தொடர்பான ஒரு வழக்கில், முறையான வரிசையில் படிக்காமல், நேரடியாக பட்டப்படிப்பு படித்தால், அது, அரசு பணிக்கு தகுதியானதாக கருதக் கூடாது என, தீர்ப்பு கூறப்பட்டு உள்ளது. இதை பின்பற்றி, 107வது அரசாணை பிறப்பிக்கப்பட்டது. இந்த அரசாணையை அமல்படுத்தினால், பல ஆயிரம் பேருக்கு பாதிப்புகள் வரும். தற்போது, இந்த அரசாணையை, திரும்பப் பெறுவது தொடர்பாக, முதல்வரிடம் வலியுறுத்துவேன் என, திறந்தவெளி பல்கலையின் புதிய துணைவேந்தர் சந்திரகாந்தா கூறியுள்ளார்.

தொடக்கக் கல்வி - உதவி பெறுபவை - தனியார் உதவி பெறும் பள்ளிகள், சிறுபான்மை / சிறுபான்மை அற்ற பள்ளிகள் RTE 2009ன் படி ஆசிரியர் தகுதி தேர்வில் தேர்ச்சி பெற்றவர்களையே 23.8.2010 பிறகு நியமனம் செய்ய வேண்டும் - தவறான நியமனங்கள் இரத்து செய்து உத்தரவு.

DOWNLOAD

தேசிய வாக்காளர் தினம் முன்னிட்டு மிலாடி நபி நாளில் ஆசிரியர்கள் பள்ளிக்கு வர வேண்டும் பள்ளிக் கல்வித் துறை உத்தரவு

தேசிய வாக்காளர் தினத்தை முன்னிட்டு மிலாடி நபி நாளன்று வாக்குச்சாவடி உள்ள அனைத்து பள்ளிகளுக்கும் ஆசிரியர்கள் வர வேண்டும் என கல்வித்துறை செயலாளர் சபிதா உத்தரவிட்டுள்ளார். தேசிய வாக்காளர் தினம் வரும் 25ம் தேதி நாடு முழுவதும் கொண்டப்படுகிறது. இந்த நாளில் வாக்காளர் பட்டியலில் புதிதாக இடம் பெற்றுள்ள வாக்காளர்களுக்கு அடையாள அட்டை வழங்கப்படுவதாக அறிவிக்கப்பட்டு இருந்தது.இந்நிலையில் வரும் 25ம் தேதி மிலாடி நபி வருவதால் அன்று அரசு விடுமுறை அறிவிக்கப்பட்டு உள்ளது. இதனால் அன்றையை தினம்வாக்காளர் பட்டியல் தொடர்பான விவரங்கள் பாதிக்கப்படும் என கருதப்பட்டது.இந்நிலையில் இதுகுறித்து அனைத்து மாவட்ட முதன்மை கல்வி அலுவலர்களுக்கும் கல்வித் துறை செயலாளர் சபிதா அனுப்பியுள்ள உத்தரவில் கூறியிருப்பதாவது:வரும் 25ம் தேதி தேசிய வாக்காளர் தினம் கொண்டப்படுகிறது. இதற்கான ஏற்பாடுகளை தேர்தல் ஆணையம் செய்து வருகிறது. இந்த தினத்தில் மிலாடி நபி வருவதால் அன்றை தினம் பொது விடுமுறை அளிக்கப்பட்டு உள்ளது.இருப்பினும் வாக்குசாவடி உள்ள அனைத்து பள்ளிகளும் வழக்கம்போல் திறந்து இருக்க வேண்டும். அன்றையை தினத்தில் தலைமை ஆசிரியர் மற்றும் 2 ஆசிரியர்கள் கண்டிப்பாக பள்ளிக்குவர வேண்டும். தேசிய வாக்காளர் தினம் தொடர்பான விவரங்களை அந்தந்த மாவட்ட நிர்வாகம் அறிவிக்கும். இதை ஆசிரியர்கள் பின்பற்ற வேண்டும்.இவ்வாறு அதில் தெரிவிக்கப்பட்டுள்ளது.

பத்தாம் வகுப்பு தனித்தேர்வர்கள் 24 முதல் ஆன்-லைனில் விண்ணப்பிக்கலாம்.

பத்தாம் வகுப்பு பொதுத்தேர்வை தனித்தேர்வர்களாக எழுத விரும்புவோர் வியாழக்கிழமை (ஜனவரி 24) முதல் ஆன்-லைன் மூலமாக விண்ணப்பிக்கலாம் என்று அரசுத் தேர்வுகள் இயக்ககம் அறிவித்துள்ளது. அரசுத் தேர்வுகள் இயக்ககத்தின் www.dge.tn.nic.inஎன்ற இணையதளத்தின் மூலமாக தனித்தேர்வர்கள் விண்ணப்பிக்கலாம்.பிப்ரவரி 2-ஆம் தேதி வரை அவர்கள் விண்ணப்பிக்கலாம். நேரடித் தனித்தேர்வர்கள், ஏற்கெனவே தேர்வு எழுதி தேர்ச்சி பெறாதவர்கள் ஆகியோர் தனித்தேர்வர்களாக விண்ணப்பிக்கலாம். தேர்வுக் கட்டணம்: தேர்வுக் கட்டணம் ரூ.125 ஆகும். கோர் பாங்கிங் வசதியுடைய பாரத ஸ்டேட் வங்கியில் கட்டணத்தைச் செலுத்துதல் வேண்டும். வங்கியில் தேர்வுக் கட்டணத்தை பிப்ரவரி 4-ஆம் தேதிக்குள் கட்ட வேண்டும். இதற்கான சலானை விண்ணப்பத்துடன் பதிவிறக்கம் செய்துகொள்ள வேண்டும். விண்ணப்பத்தைச் சமர்ப்பித்தல்: ஆன்-லைன் மூலம் விண்ணப்பித்தவுடன், அந்த விண்ணப்பத்தைப்பதிவிறக்கம் செய்து தேர்வரின் புகைப்படத்தை ஒட்ட வேண்டும். அதில் அவர் இறுதியாகப் பயின்ற பள்ளியின் தலைமையாசிரியரிடமோ, அருகில் உள்ள உயர்நிலை, மேல்நிலைப் பள்ளி தலைமையாசிரியரிடமோ சான்றொப்பம் பெற வேண்டும்.தேர்வுக் கட்டணம் செலுத்திய சீட்டு உள்ளிட்ட இணைப்புகளுடன் பிப்ரவரி 4-ஆம் தேதி மாலை 5.45-க்குள் சம்பந்தப்பட்ட மாவட்ட முதன்மைக் கல்வி அலுவலர் அலுவலகத்தில் நேரடியாகச் சமர்ப்பிக்க வேண்டும்.

மேல்நிலை செயமுறை தேர்வுகள் -2013 .பிப்ரவரி 1 முதல் 18 ம் தேதிக்குள் முடிக்க அரசுதேர்வுகள் துறை இயக்குனர் அறிவுரை.

DOWNLOAD INSTRUCTIONS

டி.என்.பி.எஸ்.சி. தேர்வு அட்டவணை 28ல் வெளியீடு

2013ம் ஆண்டு டி.என்.பி.எஸ்.சி நடத்தவுள்ள தேர்வு அட்டவணை மற்றும், அரசு பணிகளுக்கு தேர்வு செய்யப்படவுள்ள பணியாளர்களின் எண்ணிக்கைக் குறித்த விபரங்கள், இம்மாதம் 28ம் தேதி வெளியிடப்படும் என தேர்வாணையத் தலைவர் நட்ராஜ் தெரிவித்தார். வருவாய்த் துறையில் 1870 வி.ஏ.ஓ பணியிடங்களை நிரப்புவதற்கான கலந்தாய்வு, இம்மாதம் முதல் வாரத்தில் நடந்தது. இதில், 1215 இடங்கள் நிரம்பின. மீதமுள்ள 655 இடங்களை நிரப்புவதற்கான, 2ம் கட்ட கலந்தாய்வு தேர்வாணைய அலுவலகத்தில் நடந்தது. அப்போது நட்ராஜ் கூறியதாவது: இன்றைய கலந்தாய்வுக்கு 450 பேர் வந்துள்ளனர். எனவே, மீண்டும் ஏற்பட்டுள்ள காலியிடங்களை நிரப்ப, இம்மாதம் 24ம் தேதி, மூன்றாம் கட்ட கலந்தாய்வு நடக்கும். குரூப் 4 தேர்வில், தேர்வுபெற்ற ஆதரவற்ற விதவைகளுக்கு வாய்ப்பு வழங்கப்படுகின்றது. அதன்படி, சம்பந்தப்பட்ட சான்றிதழ்களுடன், தேர்வு பெற்றவர்கள், 24ம் தேதி நடக்கும் கலந்தாய்வில் பங்கேற்கலாம். இந்த ஆண்டிற்கான தேர்வு அட்டவணை, இம்மாதம் 28ம் தேதி வெளியிடப்படும். எத்தனை வகையான தேர்வுகள் நடைபெறும், அவற்றில் எத்தனை ஆயிரம் பேர், அரசுப் பணிகளுக்கு தேர்வு செய்யப்படுவர் என்ற விபரங்கள் அப்போது வெளியிடப்படும். இவ்வாறு அவர் தெரிவித்தார். இந்தாண்டு, 30 ஆயிரம் பேர் வரை, அரசுப் பணிகளுக்குத் தேர்வு செய்யப்படலாம் என எதிர்பார்க்கப்படுகிறது. இதில், குரூப் 4 பணியிடங்களை கணிசமாக எதிர்பார்க்கலாம்.

அரசு நடுநிலைப் பள்ளிகளில் காலியாக உள்ள, 250 தலைமை ஆசிரியர் பணியிடங்கள் மற்றும் உதவி தொடக்கக் கல்வி அலுவலர் பதவி உயர்வு பணியிடங்கள் ஆகியவை, விரைவில் நிரப்பப்படும் என தகவல்.

அரசு நடுநிலைப் பள்ளிகளில் காலியாக உள்ள, 250 தலைமை ஆசிரியர் பணியிடங்கள் மற்றும் உதவி தொடக்கக் கல்வி அலுவலர் பதவி உயர்வு பணியிடங்கள் ஆகியவை, விரைவில் நிரப்பப்படும் என, தொடக்க கல்வித்துறை வட்டாரங்கள் தெரிவித்தன. பதவி உயர்வு மற்றும் பணி ஓய்வு காரணமாக, அரசு நடுநிலைப் பள்ளிகளில், 250 தலைமை ஆசிரியர் பணியிடங்கள் காலியாக உள்ளன. மேலும், நடுநிலைப் பள்ளி தலைமை ஆசிரியர்களில், பணிமூப்பு தகுதி வாய்ந்தவர்களுக்கு, உதவி தொடக்கக் கல்வி அலுவலர் பதவி உயர்வு வழங்க வேண்டியுள்ளது. இவ்வகையில், 50க்கும் மேற்பட்டவர்களுக்கு, பதவி உயர்வு கிடைக்கும் என, எதிர்பார்க்கப்படுகிறது. இந்த இரண்டு பிரிவில் ஏற்பட்டுள்ள காலி பணியிடங்களை நிரப்ப, முதல்வர் அனுமதி வழங்கி விட்டதாக, தொடக்க கல்வித்துறை வட்டாரங்கள் தெரிவித்தன. எனவே, இம்மாத இறுதியிலோ அல்லது பிப்ரவரி முதல் வாரத்திலோ, அனைத்து காலி பணியிடங்களும் நிரப்பப்படும் என, துறை அதிகாரிகள் தெரிவித்தனர்.

முதுகலை ஆசிரியர்களுக்கான புதிய தரவரிசைப் பட்டியல் வெளியிடப்பட்டது. தாவரவியல் உட்பட சில பாடங்களில் தேர்வு பெற்றவர்களின் பட்டியல் விரைவில் வெளியிடப்படும் என ஆசிரியர் தேர்வு வாரியம் அறிவித்துள்ளது

RESULT

முதுகலை ஆசிரியர்களுக்கான ரேங்க் லிஸ்ட் எனப்படும் தரவரிசைப் பட்டியல் ஓரிரு நாட்களில் வெளியாகிறது .தாவரவியல் பாடத்தில் தேர்வு பெற்றவர்களின் பட்டியல் இம்மாத இறுதிக்குள் வெளியிடப்படும் என எதிர்பார்க்கப்படுகிறது.

முதுகலை ஆசிரியர்களுக்கான ரேங்க் லிஸ்ட் எனப்படும் தரவரிசைப் பட்டியல் ஓரிரு நாட்களில் வெளியிடப்படும் என ஆசிரியர் தேர்வு வாரிய வட்டாரங்கள் தெரிவித்துள்ளன.பணி நியமனம் பெற்றுள்ள 2,300 முதுநிலைப் பட்டதாரி ஆசிரியர்களின் பட்டியல், அவர்களின் தரவரிசைப் பட்டியல், தேர்வில் பெற்ற மதிப்பெண்கள் விவரம், கட்-ஆஃப் மதிப்பெண் போன்ற விவரங்கள் ஆசிரியர் தேர்வு வாரியத்தின் இணைய தளத்தில் வெளியிடத் திட்டமிடப்பட்டுள்ளது. தாவரவியல்  பாடம் தவிர மீதமுள்ள பாட ஆசிரியர்களின் தேர்வுப் பட்டியலும் வெளியிடப்படலாம் என எதிர்பார்க்கப்படுகிறது. தாவரவியல் பாடத்தில் தேர்வு பெற்றவர்களின் பட்டியல் இம்மாத இறுதிக்குள் வெளியிடுவதற்கான நடவடிக்கைகள் மேற்கொள்ளப்பட்டு வருவதாக ஆசிரியர் தேர்வு வாரிய வட்டாரங்கள் தெரிவிக்கின்றன.

பத்து விதமான பாதுகாப்பு அம்சங்களுடன் ஆசிரியர் தகுதிச் சான்றிதழ்

பத்து விதமான பாதுகாப்பு அம்சங்களுடன் ஆசிரியர் தகுதிச் சான்றிதழ்: ஓரிரு வாரங்களில் அனைவருக்கும் விநியோகம்.ஆசிரியர் தகுதித் தேர்வு, மறுதேர்வுகளில் வெற்றி பெற்றவர்களுக்கான ஆசிரியர் தகுதிச் சான்றிதழ் ஓரிரு வாரங்களில் விநியோகிக்கப்பட உள்ளது. இந்தச் சான்றிதழ்கள் இ-பார்கோடு உள்ளிட்ட 10 விதமான பாதுகாப்பு அம்சங்களுடன் தயாரிக்கப்பட்டுள்ளதாக தகவலறிந்த வட்டாரங்கள் தெரிவித்தன. தேர்வு எழுதியவரின் பெயர், பிறந்த தேதி, பதிவு எண், தேர்ச்சிபெற்ற தாள், விருப்பப் பாடம், மொழிப்பாடம், மதிப்பெண் உள்ளிட்ட விவரங்கள் இதில் இடம்பெற்றுள்ளன. ஆசிரியர் தகுதித் தேர்வு, மறுதேர்வு ஆகிய இரண்டுத் தேர்வுகளிலும் உரிய தகுதிகளோடு வெற்றி பெற்ற 18,600 பேருக்கான சான்றிதழ்கள் அச்சிடப்பட்டுள்ளன. சட்டவிரோதமாக வேறு யாரும் இந்தச் சான்றிதழ்களை அச்சிடாதவாறு ரகசிய பாதுகாப்பு அம்சங்கள் இந்தச் சான்றிதழில் உள்ளதாக அதிகாரிகள்தெரிவித்தனர். இரண்டு தேர்வுகளிலும் வெற்றி பெற்ற 18,600 பேரில் பெரும்பாலானோர் அரசுப் பள்ளிகளில் இடைநிலை ஆசிரியர், பட்டதாரி ஆசிரியர் பணிக்குச் சென்றுள்ளனர். வெறும் 7 பேர் மட்டும் தங்களுக்குச் சான்றிதழே போதும் என்று ஆசிரியர் தேர்வு வாரியத்திடம் தெரிவித்துள்ளனர். இலவச கட்டாயக் கல்வி உரிமைச் சட்டத்தின் படி, ஒன்று முதல் எட்டாம் வகுப்பு வரை கற்பிக்க பணியில் சேரும் அனைத்து ஆசிரியர்களும் ஆசிரியர் தகுதித் தேர்வில் கட்டாயம் தேர்ச்சிப் பெற்றிருக்க வேண்டும். 2010 ஆகஸ்ட் 21-க்குப் பிறகு பணியில் சேர்ந்த ஆசிரியர்களும் இந்தத் தேர்வை எழுதுவது கட்டாயம் என்று அறிவிக்கப்பட்டுள்ளது. ஆசிரியர் தகுதித் தேர்வில் வெற்றி பெற்ற பிறகு 7 ஆண்டுகள் வரை இந்தச் சான்றிதழ் செல்லத்தக்கதாக இருக்கும். ஒருவர் எத்தனை முறை வேண்டுமானாலும் இந்தத் தேர்வை எழுதலாம். தமிழிலேயே விவரங்கள்: ஆசிரியர் தேர்வு தொடர்பான அனைத்து விவரங்களும் இதுவரை ஆசிரியர் தேர்வு வாரிய இணையதளத்தில் ஆங்கிலத்தில் மட்டுமே வெளியிடப்பட்டு வந்தன. இனி அந்த விவரங்கள் அனைத்தும் தமிழில் மொழிபெயர்த்து வெளியிடப்படும் என்று ஆசிரியர் தேர்வு வாரிய வட்டாரங்கள் தெரிவித்தன. அதேபோல், ஒவ்வொரு ஆசிரியர் தேர்வுக்கும் விண்ணப்பிக்கத் தகுதியானவர்கள், தகுதியான படிப்புகள் என்ன என்பன உள்ளிட்ட விவரங்கள் அடங்கிய ஆசிரியர் தேர்வுக் கொள்கையும் இப்போது உருவாக்கப்பட்டு வருகிறது. தகுதியில்லாதவர்களும், வேறு படிப்புகளைப் படித்தவர்களும் ஆசிரியர் தேர்வுக்கு விண்ணப்பித்து ஏமாற்றமடைவதைத் தவிர்க்கவும், ஆசிரியர் தேர்வில் குழப்பங்களைக் களையவும் இதுஉதவும் என எதிர்பார்க்கப்படுகிறது.
ஆன்-லைன் வழியில் விண்ணப்பம்:
அடுத்து நடைபெற உள்ள அனைத்துவித ஆசிரியர் தேர்வுகளும் இனி ஆன்-லைன் மூலமாக நடத்துவதற்குத் திட்டமிடப்பட்டுள்ளது. இதற்காக, ஆசிரியர் தேர்வு வாரியத்தை நவீனமயமாக்கும் பணிகள் தொடங்கும் எனவும் அதிகாரிகள் தெரிவித்தனர்.