Saturday, April 27, 2013

பிளஸ் 2 பொதுத்தேர்வு முடிவுகள் மே.9 ம் தேதி அன்றும்,பத்தாம் வகுப்பு பொதுத் தேர்வு முடிவுகள் மே.31ம் தேதி அன்றும் வெளியிடப்படும் என்று தமிழக அரசு தெரிவித்துள்ளது.

பிளஸ் 2 பொதுத்தேர்வு முடிவுகள் மே.9 ம் தேதி அன்றும்,பத்தாம் வகுப்பு பொதுத் தேர்வு முடிவுகள் மே.31ம் தேதி அன்றும் வெளியிடப்படும் என்று தமிழக அரசு தெரிவித்துள்ளது.

Friday, April 26, 2013

சென்னை மாநகராட்சி சார்பில் புதிதாக 10 மழலையர் பள்ளிகள் தொடங்கப்படும் என்றும், 20 மாநகராட்சி தொடக்க மற்றும் நடுநிலைப்பள்ளிகளில் ஆங்கில வழி கல்வி விரிவுபடுத்தப்படும் என்றும் சென்னை மாநகராட்சி மன்றக் கூட்டத்தில் தீர்மானம் நிறைவேற்றப்பட்டது.


சென்னை மாநகராட்சி சார்பில் புதிதாக 10 மழலையர் பள்ளிகள் தொடங்கப்படும் என்றும், 20 மாநகராட்சி தொடக்க மற்றும் நடுநிலைப்பள்ளிகளில் ஆங்கில வழி கல்வி விரிவுபடுத்தப்படும் என்றும் சென்னை மாநகராட்சி மன்றக் கூட்டத்தில் தீர்மானம் நிறைவேற்றப்பட்டது.

சென்னை மாநகராட்சியின் சாதாரண மன்ற கூட்டம் மாநகராட்சி ரிப்பன் கட்டிடத்தில்  நடைபெற்றது. காலை 10.30 மணிக்கு தொடங்கிய மன்றக் கூட்டத்திற்கு மேயர் சைதை துரைசாமி தலைமை தாங்கினார். அதைத்தொடர்ந்து கூட்டத்தில் கேள்வி நேரம் தொடங்கியது.கேள்வி நேரத்தின்போது நடைபெற்ற விவாதம் வருமாறு:–

பி.சாந்தி(அ.தி.மு.க): சென்னை மாநகராட்சி பள்ளிகளில் தட்டச்சு மற்றும் சுருக்கெழுத்து பயிற்சி வகுப்புகள் தொடங்கப்படுமா?

சைதை துரைசாமி: தமிழ் மற்றும் ஆங்கில தட்டச்சு வகுப்புகள் மாலை நேரங்களில், அதாவது பள்ளி முடிந்த பிறகு பயிற்றுவிக்க பரிசீலனை செய்யப்படும்.

இவ்வாறு விவாதம் தொடர்ந்து நடைபெற்றது.

அதைத்தொடர்ந்து மேயர் சைதை துரைசாமி மன்ற உறுப்பினர்களின் ஒருமித்த ஆதரவோடு 133 தீர்மானங்களை நிறைவேற்றினார். அவற்றில் முக்கிய தீர்மானங்கள் பின்வருமாறு:–

* சென்னையில் 30 மழலையர் பள்ளிகள் நல்லமுறையில் இயங்கி வருகின்றது. 2013–14–ம் ஆண்டு நிதிநிலை அறிக்கையின்படி வரும் கல்வியாண்டில் திருவொற்றியூர், அரும்பாக்கம், திரு.வி.க.நகர், எம்.ஜி.ஆர்.நகர், திருவல்லிக்கேணி உள்பட 10 இடங்களில் புதிதாக மழலையர் பள்ளிகள் தொடங்கப்படும்.

* 2013–2014–ம் ஆண்டு நிதிநிலை அறிக்கையின்படி, வரும் கல்வியாண்டில் கொளத்தூர், கோபாலபுரம், இந்திரா நகர், வியாசர்பாடி, சின்னாண்டி மடம், அமைந்தகரை உள்பட 20 மாநகராட்சி தொடக்க மற்றும் நடுநிலைப்பள்ளிகளில் ஆங்கில வழிக்கல்வி விரிவுபடுத்தப்படும்.

மேற்கொண்ட தீர்மானங்கள் நிறைவேற்றப்பட்டன.

யு.ஜி.சி. ‘நெட்’ தேர்வைப் போன்று மாநில அளவிலான ‘ஸ்லெட்’ தகுதித்தேர்வையும் இனி ஆண்டுக்கு இரண்டு தடவை நடத்த தமிழ்நாடு மாநில உயர்கல்வி கவுன்சில் முடிவு செய்துள்ளது.அரசு கலை அறிவியல் கல்லூரிகளில் 1,063 உதவி பேராசிரியர் பணி இடங்களை நிரப்புவதற்கான அறிவிப்பு அடுத்த சில நாட்களில் வெளியிடப்பட இருக்கிறது.

யு.ஜி.சி. ‘நெட்’ தேர்வைப் போன்று மாநில அளவிலான ‘ஸ்லெட்’ தகுதித்தேர்வையும் இனி ஆண்டுக்கு இரண்டு தடவை நடத்த தமிழ்நாடு மாநில உயர்கல்வி கவுன்சில் முடிவு செய்துள்ளது. யு.ஜி.சி. என்று அழைக்கப்படும் பல்கலைக்கழக மானியக்குழுவின் புதிய விதிமுறையின்படி, கல்லூரி அல்லது பல்கலைக்கழகங்களில் உதவி பேராசிரியர் பணியில் சேர வேண்டுமானால். ‘நெட்’ அல்லது ’ஸ்லெட்’ தகுதித்தேர்வில் தேர்ச்சி பெற வேண்டும். பி.எச்டி. பட்டதாரிகளுக்கு மட்டும் இதில் இருந்து விதிவிலக்கு அளிக்கப்பட்டு இருக்கிறது. அகில இந்திய அளவிலான ‘நெட்’ தகுதித்தேர்வினை யு.ஜி.சி. நடத்துகிறது. இதில் தேர்ச்சி பெற்றால் இந்தியாவில் உள்ள எந்த பல்கலைக்கழகத்திலும், எந்த கல்லூரியிலும் உதவி பேராசிரியர் பணியில் சேரலாம். ‘ஸ்லெட்’ தகுதித்தேர்வில் வெற்றிபெற்றால் அந்த மாநிலத்தில் மட்டும்தான் பணியாற்ற முடியும். ஸ்லெட் தேர்வை நடத்த மாநிலத்தில் உள்ள ஏதேனும் ஒரு பல்கலைக்கழகத்திற்கு அனுமதி வழங்கப்படும். தமிழ்நாட்டில் கோவை பாரதியார் பல்கலைக்கழகம் கடந்த ஆண்டு அக்டோபர் மாதம் ஸ்லெட் தேர்வை நடத்தியது. அதன் முடிவுகள் அண்மையில் அறிவிக்கப்பட்டன. யு.ஜி.சி.யின் நெட் தேர்வு ஆண்டுக்கு 2 தடவை (ஜூன் மற்றும் டிசம்பர்) நடத்தப்பட்டு வருகிறது. இதற்கான அறிவிப்பு திட்டமிட்டபடி தேர்வு தொடங்குவதற்கு 2 மாதங்களுக்கு முன் வெளியிடப்படும். நெட் தேர்வு ஆண்டுதோறும் கண்டிப்பாக நடத்தப்படுவதால், அதற்கு தயாராவோர் நன்கு திட்டமிட்டு படிக்க முடியும். ஆனால், ஸ்லெட் தேர்வு அப்படி அல்ல. 2 ஆண்டுக்கு ஒரு முறையோ அல்லது 3 ஆண்டுகளுக்கு ஒரு முறையோ, இஷ்டம்போல் நடத்தப்பட்டு வந்தது. இதனால், ஸ்லெட் தேர்வு எப்போது நடத்தப்படும்? என்று மாணவ–மாணவிகளால் யூகிக்கக்கூட முடியவில்லை. இந்த நிலையில், இப்பிரச்சினை குறித்து, அண்மையில் நடைபெற்ற தமிழ்நாடு மாநில உயர்கல்வி கவுன்சில் கூட்டத்தில் விவாதிக்கப்பட்டது. அந்த கூட்டத்தில், யு.ஜி.சி. நெட் தேர்வைப் போன்று ஸ்லெட் தேர்வையும் இனிமேல் ஆண்டுக்கு 2 தடவை நடத்துவது என்று முடிவு செய்யப்பட்டதாக உயர் கல்வித்துறை வட்டாரங்கள் தெரிவித்தன. அரசு கலை அறிவியல் கல்லூரிகளில் 1,063 உதவி பேராசிரியர் பணி இடங்களை நிரப்புவதற்கான அறிவிப்பு அடுத்த சில நாட்களில் வெளியிடப்பட இருக்கிறது. இந்த தேர்வுக்கு விண்ணப்பிக்க நெட் அல்லது ‘ஸ்லெட்’ தேர்ச்சி அவசியம். பி.எச்டி. பட்டம் பெற்றவர்களாக இருந்தால் ஸ்லெட், நெட் தேர்ச்சி தேவையில்லை

Tuesday, April 23, 2013

எம்.பி.பி.எஸ். படிப்பில் சேர்வதற்கான விண்ணப்ப படிவம் மே மாதம் 9–ந் தேதி முதல் வழங்கப்படுகிறது.


பிளஸ்–2 முடித்த மாணவர்கள் தேர்வு முடிவை எதிர்பார்த்தபடி உள்ளனர். பிளஸ்–2 தேர்வு முடிவு மே மாதம் 6–ந் தேதியில் இருந்து 10–ந் தேதிக்குள் வெளியிட அரசு தேர்வுத்துறை மும்முரமாக உள்ளன. தமிழ்நாட்டில் அரசு பொது மருத்துவ கல்லூரி, ஸ்டான்லி மருத்துவ கல்லூரி, கீழ்ப்பாக்கம் அரசு மருத்துவ கல்லூரி உள்ளிட்ட 18 அரசு மருத்துவ கல்லூரிகள் உள்ளன.இந்த கல்லூரிகளில் மொத்தம் 2 ஆயிரத்து 145 மாணவர்கள் சேர்ந்து படிக்க முடியும். இந்த இடத்தில் 15 சதவீத இடங்கள் அகில இந்திய அளவில் நடைபெறும் பொதுத்தேர்வில் கலந்துகொள்பவர்களுக்கு ஒதுக்கப்படும். எனவே மீதம் உள்ள 1,823 இடங்கள் மட்டும் தமிழகத்திற்கு கிடைக்கும்.இந்த இடங்களை நிரப்பவும், தனியார் மருத்துவ கல்லூரிகளில் உள்ள அரசு ஒதுக்கீட்டு இடங்களை நிரப்பவும் மருத்துவ படிப்பிற்கான விண்ணப்ப படிவம், பிராஸ்பெக்டஸ் அச்சடிக்கப்பட்டுள்ளன.

எம்.பி.பி.எஸ். படிப்பில் சேர்வதற்கான விண்ணப்ப படிவம் மே மாதம் 9–ந் தேதி முதல் வழங்கப்படுகிறது. விண்ணப்ப படிவம் தமிழ்நாட்டில் உள்ள அனைத்து அரசு மருத்துவ கல்லூரிகளில் கிடைக்கும். விண்ணப்பிக்க கடைசி நாள் மே 20–ந் தேதி.கவுன்சிலிங் ஜூன் மாதம் 21–க்கு முன்னதாக நடத்தி முடிக்கப்படும்.இப்போது திருவண்ணாமலையில் இந்த கல்வி ஆண்டு முதல் புதிய மருத்துவ கல்லூரி செயல்படத்தொடங்கும். அதன் மூலம் இந்த வருட மாணவர் சேர்க்கை தொடங்கும் என்று எதிர்பார்க்கப்படுகிறது. திருவண்ணாமலை மருத்துவ கல்லூரி தொடங்கினால் 100 எம்.பி.பி.எஸ். இடங்கள் கிடைக்கும். அதில் அகில இந்திய இடஒதுக்கீட்டுக்கு 15 இடங்கள் போய்விடும். அதுபோல சென்னை அரசு பொது மருத்துவ கல்லூரியில் இப்போது 165 எம்.பி.பி.எஸ். இடங்கள் உள்ளன. இந்த கல்லூரியில் மேலும் 85 மாணவர்களை சேர்க்க அகில இந்திய மருத்துவ கவுன்சிலிடம் சென்னை மருத்துவ கல்லூரி விண்ணப்பித்துள்ளது.சென்னை ஸ்டான்லி மருத்துவ கல்லூரியில் எம்.பி.பி.எஸ். இடங்கள் 150 உள்ளன. மேலும் 100 இடங்கள் கேட்கப்பட்டுள்ளது.

எனவே இந்த வருடம் திருவண்ணாமலை மருத்துவ கல்லூரி தொடங்கப்பட்டு, சென்னை மருத்துவ கல்லூரி, ஸ்டான்லி மருத்துவ கல்லூரி ஆகியவற்றிற்கு கூடுதல் இடங்கள் கிடைத்தால் அவற்றில் 85 சதவீத இடங்களாக 242 இடங்கள் தமிழக மாணவர்களுக்கு கூடுதலாக கிடைக்கும் நிலை உள்ளது. அதாவது மொத்தம் தமிழக மாணவர்கள் 2,065 பேர் சேர வாய்ப்பு ஏற்படும் நிலை உள்ளது.

தமிழகத்தில் பொறியியல் படிப்புகளுக்கான விண்ணப்பங்கள் மே 4 முதல் வழங்கப்படும் என அண்ணா பல்கலைக்கழக துணைவேந்தர் காளிராஜ் அறிவித்துள்ளார். மே 20ஆம் தேதி வரை பொறியியல் படிப்பு விண்ணப்பங்களை பெற்றுக் கொள்ளலாம். பூர்த்தி செய்யப்பட்ட விண்ணப்பங்களை சமர்ப்பிக்க மே 20ஆம் தேதி கடைசி நாளாகும்.


TAMIL NADU ENGINEERING ADMISSIONS – 2013 

Schedule of Events for 2013 

1. Issue of notification inviting application for Admission to B.E./B.Tech. 03.05.2013 
2. Issue of application forms 04.05.2013 
3. Last date for issue of application form 20.05.2013 
4. Last date for submission of filled-in applications 20.05.2013 
5. Assigning Random Number 05.06.2013 
6. Publication of Rank list 12.06.2013 
7. Commencement of Counselling 21.06.2013 
8. End of Counselling 30.07.2013 

Friday, April 19, 2013

பிளஸ்–2 முடித்துவிட்டு என்ஜினீயரிங் சேர முடிவை நோக்கி இருக்கும் மாணவர்கள் முதல் தலைமுறை பட்டதாரிகள் மற்றும் இட ஒதுக்கீட்டுக்கான சான்றிதழ்களை இப்போதே பெற்று தயாராக வைத்திருங்கள் என்று அண்ணாபல்கலைக்கழகம் வேண்டுகோள்விடுத்துள்ளது.

தமிழ்நாட்டில் 552 என்ஜினீயரிங் கல்லூரிகள் உள்ளன. இந்த கல்லூரிகளில் பி.இ., பி.டெக். சேர 2 லட்சம் இடங்கள் உள்ளன. இந்த இடங்களில் 65 சதவீத இடங்கள் அரசு ஒதுக்கீட்டில் ஒற்றைச்சாளர முறையில் அண்ணாபல்கலைக்கழகம் கவுன்சிலிங் நடத்தி மாணவர்களை சேர்க்கிறது.

இந்த கவுன்சிலிங்கை சென்னை கிண்டியில் உள்ள அண்ணாபல்கலைக்கழகம் வருடந்தோறும் நடத்தி வருகிறது. வருடந்தோறும் என்ஜினீயரிங் கல்லூரிகளின் எண்ணிக்கையும் அதிகரிக்கிறது. அதுபோல பி.இ. படிப்போர் எண்ணிக்கையும் அதிகரித்துவருகிறது.

பிளஸ்–2 தேர்வு முடிவு மே மாதம் 10–ந்தேதிக்குள் வெளியிட அரசு தேர்வுத்துறை முடிவு செய்துள்ளது. பெரும்பாலும் பிளஸ்–2 தேர்வு முடிவு வெளியிடுவதற்கு முன்னதாக பி.இ. படிப்பில் சேர்வதற்கான விண்ணப்பம் அண்ணாபல்கலைக்கழகம் மூலம் தமிழ்நாட்டில் பல்வேறு மையங்களில் விநியோகிப்பது வழக்கம். அதுபோல இந்த வருடமும் பிளஸ்–2 தேர்வு முடிவு வருவதற்கு முன்னதாக விண்ணப்ப படிவங்கள் கொடுக்கப்பட உள்ளன. ஆனால் அதற்கான தேதியை இன்னும் அண்ணாபல்கலைக்கழகம் வெளியிடவில்லை.

வழக்கமாக என்ஜினீயரிங் சேரும் மாணவர்கள் கவுன்சிலிங்கிற்காக விண்ணப்பிக்கும் போது அவர்களுக்கு பல்வேறு சான்றிதழ்கள் தேவைப்படுகிறது. மாணவர்கள் முதல் தலைமுறை பட்டதாரியாக இருந்தால் அதற்கான சான்றிதழ் வைத்திருக்கவேண்டும்.

அதுபோல சுதந்திரபோராட்ட வீரர் வாரிசாக இருந்தால் அதற்குரிய சான்று, முன்னாள் ராணுவத்தினர் மகளாக, மகனாக இருந்தால் அதற்குரிய சான்றிதழ், மாற்றுத்திறனாளியாக இருந்தால் அதற்கான சான்று, சொந்த நாட்டில் வசிப்பதற்கான சான்று ஆகியவற்றை வைத்திருக்கவேண்டும்.

ஆனால் பலர் கவுன்சிலிங் நேரத்தில் சான்றிதழ் கிடைக்காமல் சிரமப்படுகிறார்கள். எனவே இப்போதே அந்த சான்றிதழ்களை தேவைப்படுபவர்கள் உரிய அதிகாரிகளிடம் பெற்று தயாராக வைத்திருக்கவேண்டும்.

இந்த அறிவிப்பை அண்ணாபல்கலைக்கழக இணையதளத்தின் மூலம் அண்ணாபல்கலைக்கழக துணைவேந்தர் (பொறுப்பு) பேராசிரியர் காளிராஜ், என்ஜினீயரிங் மாணவர்சேர்க்கை செயலாளர் பேராசிரியர் ரைமண்ட் உத்தரியராஜ் ஆகியோர் வேண்டுகோளாகவிடுத்துள்ளனர்.

மாணவர்களுக்கு கவுன்சிலிங் நடத்துவதற்காக விண்ணப்பங்கள் அச்சடிக்கப்பட்டு வருகின்றன. மொத்தம் 2 லட்சத்து 50 ஆயிரம் விண்ணப்ப படிவங்கள் தயாராக வைக்கப்பட இருக்கின்றன.

இந்த வருடமும் விண்ணப்பிக்கும் மாணவர்கள் அனைவருக்கும் என்ஜினீயரிங் படிப்பில்சேர இடம் கிடைக்கும் என்று அண்ணாபல்கலைக்கழக அதிகாரி ஒருவர் தெரிவித்தார்.

மத்திய அரசு ஊழியர்களுக்கு வழங்கப்படும் அகவிலைப்படியை 8 சதவீதம் உயர்த்த மத்திய அமைச்சரவை ஒப்புதல் வழங்கியுள்ளது.

மத்திய அரசு ஊழியர்களுக்கான அகவிலைப்படி, 80 சதவீதமாக உயர்த்தப்பட்டுள்ளது. மத்திய அரசு ஊழியர்களுக்கு, அடிப்படை சம்பளத்தில் கணக்கிட்டு வழங்கப்படும் அகவிலைப்படி, தற்போது, 72 சதவீதமாக உள்ளது. ஆறு மாதத்திற்கு ஒரு முறை வழங்கப்படும் இந்த அகவிலைப்படி, ஜனவரி, 1ம் தேதி முதல் உயர்த்தப்பட வேண்டும். இதற்கான அறிவிப்பு எப்போது வரும் என, ஊழியர்கள் காத்திருந்தனர். இந்நிலையில், நேற்று மத்திய அமைச்சரவை கூட்டம் நடந்தது. இதில், மத்திய அரசு ஊழியர்களுக்கான அகவிலைப்படியை, 72 சதவீதத்துடன், 8 சதவீதம் உயர்த்தி, 80 சதவீதமாக வழங்க, ஒப்புதல் அளிக்கப்பட்டது. இது, ஜனவரி 1ம் தேதி முதல், கணக்கிட்டு வழங்கப்படும். இதனால், மத்திய அரசுக்கு நடப்பு நிதியாண்டில், 10 ஆயிரத்து, 67 கோடி ரூபாய் கூடுதல் செலவு ஏற்படும். இந்த உயர்வின் மூலம், 50 லட்சம் ஊழியர்களும், 30 லட்சம் ஓய்வூதியதாரர்களும் பயன் அடைவர். அகவிலைப்படி உயர்வு, 50 சதவீதத்தை தாண்டும்போது, 50 சதவீத அகவிலைப்படியை அடிப்படை சம்பளத்துடன் சேர்க்க வேண்டும் என்பது நடைமுறை. இதற்காக, ஏழாவது சம்பள கமிஷன் அமைக்க வேண்டும். இவற்றுடன், நேற்று மத்திய அமைச்சரவை கூட்டத்தில், எச்.எம்.டி., நிறுவனத்தை புனரமைக்க, 1,083 கோடி ரூபாய் ஒதுக்க முடிவு செய்ய பட்டது. மேலும், பீகார் மாநிலத்தில் பின்தங்கிய பகுதிகளை மேம்படுத்துவதற்கான சலுகை திட்டத்திற்கு, 12ஆயிரம் கோடி ரூபாய் சிறப்பு நிதி ஒதுக்கீடு செய்ய பொருளாதார விவகாரங்களுக்கான அமைச்சரவை குழு அனுமதி அளித்தது.

தமிழ்நாடு அரசுப் பணியாளர் தேர்வாணையம் (டி.என்.பி.எஸ்.சி.) சார்பில் நடத்தப்படும் தேர்வுகளில் தமிழுக்கு மீண்டும் முக்கியத்துவம் அளிக்கப்பட்டுள்ளது.

தமிழ்நாடு அரசுப் பணியாளர் தேர்வாணையத்தால் நடத்தப்படும் தேர்வுகளுக்கான தேர்வு முறை மற்றும் பாடத்திட்டங்கள் கடந்த மார்ச் 12-ம் தேதி மாற்றம் செய்யப்பட்டன. இதில், தமிழ் மொழிப்பாடத்துக்கான முக்கியத்துவம் குறைக்கப்பட்டது. இப்புதிய முறையை பலரும் விமர்சித்தனர். தமிழுக்கு முக்கியத்துவம் அளிக்க வேண்டும் எனப் பல்வேறு தரப்பினரும் வலியுறுத்தினர். சட்டசபையிலும் இதுகுறித்து விவாதிக்கப்பட்டது. இதையடுத்து, தேர்வு முறைகளில் மீண்டும் மாற்றம் செய்யப்பட்டு தமிழுக்கு முக்கியத்துவம் அளிக்கப்பட்டுள்ளது. இது குறித்து டி.என்.பி.எஸ்.சி. தலைவர் ஏ.நவநீத கிருஷ்ணன் செய்தியாளர்களிடம் வியாழக்கிழமை கூறியதாவது:- மாற்றம் செய்யப்பட்ட தேர்வு முறைகள் குறித்து பல்வேறு கருத்துகள் எழுந்ததால், இது குறித்து தேர்வாணையம் மறு ஆய்வு செய்து, தேர்வின் தரம் குறையாத விதத்திலும், தமிழுக்கு முக்கியத்துவம் அளிக்கும் விதத்திலும் தேர்வு முறையை திருத்தி அமைத்துள்ளது. குரூப் -1 தேர்வில் மாற்றம் செய்யப்படவில்லை. தற்போதைய நிலையே தொடரும். குரூப் -2 தேர்வில் நேர்காணல் பதவிகள் அடங்கிய தேர்வுக்கு முதல் நிலைத் தேர்வு, நேர்காணல் அல்லாத பதவிகள் அடங்கிய தேர்வு, குரூப்-3, குரூப்-3 அ, குரூப் -4 ஆகிய பதவிகளுக்கான தேர்வு முறையில் 10-ம் வகுப்பு தரத்தில் பொதுத்தமிழ் அல்லது பொது ஆங்கிலத்தில் இருந்து 100 வினாக்கள் கேட்கப்படும். கிராம நிர்வாக அலுவலர் பதவிக்கான தேர்வு முறையில் பொதுத்தமிழ் அல்லது பொது ஆங்கிலத்தில் 30 வினாக்களுக்குப் பதில் 80 வினாக்கள் கேட்கப்படும். பொது அறிவுப் பிரிவில் 75 வினாக்களும், அடிப்படை கிராம நிர்வாகம் 25 வினாக்களும் கேட்கப்படும். திறனறிதேர்வுக்கான 20 வினாக்களில் மாற்றம் செய்யப்படவில்லை. புதிய முறைப்படி பொது அறிவுப் பிரிவில் 75 வினாக்களும், திறனறிதல் பிரிவில் 25 வினாக்களும், பொதுத்தமிழ் அல்லது பொது ஆங்கிலத்தில் 100 வினாக்களும் கேட்கப்படும். தமிழ், ஆங்கிலத்தில் மாற்றம்: தமிழுக்குரிய பாடத்திட்டம் 10-ம் வகுப்பு தரத்தில் உள்ளது. இப்பாடத்திட்டத்தில் ஏற்கெனவே உள்ள தமிழ் இலக்கணத்துடன், தமிழ் இலக்கியம், தமிழ் அறிஞர்களும் தமிழ்தொண்டும் என மூன்று பகுதிகளாக மாற்றியமைக்கப்பட்டுள்ளது. ஆங்கில பாடத் திட்டமானது, ஆங்கில இலக்கணம், ஆங்கில இலக்கியம்,ஆங்கில அறிஞர்களும் அவர்தம் தொண்டும் என மூன்று பிரிவுகளாகப் பிரிக்கப்பட்டுள்ளது. புதிய பகுதி: சில குறிப்பிட்ட பதவிகளுக்கு மட்டும் ஆங்கிலம் அல்லது தமிழில் வரைவு எழுதுதல் (டிராப்டிங்) என்ற பிரிவு சேர்க்கப்பட்டுள்ளது. பகுத்தறிதல், தர்க்கத்திறன், பொது விழிப்புணர்வு ஆகிய பிரிவுகளில் திறன் பெற்றவர்களைத் தேர்ந்தெடுக்கும் விதத்தில் பாடத் திட்டங்கள் மாற்றியமைக்கப்பட்டுள்ளன. சிறந்தவர்களில் சிறந்தவர்களைத் தேர்ந்தெடுக்கவே இம்மாற்றங்கள் புகுத்தப்பட்டுள்ளன. தரம் குறையாமல், தமிழுக்கான முக்கியத்துவத்தையும் அளித்து இந்த மாற்றங்களை மேற்கொண்டுள்ளோம். காலிப்பணியிடங்களை உடனுக்குடன் நிரப்ப வேண்டும் என முதல்வர் ஜெயலலிதா அறிவுறுத்தியுள்ளார். அதன்படி, திறன்மிகு பணியாளர்களைத் தேர்வு செய்ய இம்மாற்றங்கள் உதவும் என்றார் நவநீதகிருஷ்ணன். புதிய தேர்வு முறை மற்றும் பாடத் திட்டங்களை http://www.tnpsc.gov.in/new_syllabus.html என்ற இணையதளத்தில் தெரிந்து கொள்ளலாம்.

Thursday, April 18, 2013

பிப்ரவரி மாதம் 3–ந் தேதி நடந்த டி.என்.பி.எஸ்.சி. தமிழ்வளர்ச்சி, செய்தித்துறை உதவி பிரிவு அதிகாரி தேர்வு முடிவு வெளியிடப்பட்டுள்ளது

தமிழ்நாடு அரசு பணியாளர் தேர்வாணையத்தின் செயலாளரும், தேர்வு கட்டுப்பாட்டு அதிகாரியுமான (பொறுப்பு) மா.விஜயகுமார் வெளியிட்டுள்ள செய்திக்குறிப்பில் கூறி இருப்பதாவது:– தமிழ் வளர்ச்சி, இந்து அறநிலைய மற்றும் செய்தி தொடர்புத்துறையில் 16 உதவி பிரிவு அதிகாரி (மொழிபெயர்ப்பு) பணி இடங்களை நிரப்புவதற்காக கடந்த பிப்ரவரி மாதம் 3–ந் தேதி எழுத்துத்தேர்வு நடத்தப்பட்டது. அந்த தேர்வில் பெற்ற மதிப்பெண், இடஒதுக்கீடு, காலி பணி இடங்களின் எண்ணிக்கை மற்றும் பிற விதிகளின் அடிப்படையில் சான்றிதழ் சரிபார்ப்புக்கு தேர்வு செய்யப்பட்ட 48 விண்ணப்பதாரர்களின் பதிவு எண்கள் டி.என்.பி.எஸ்.சி. இணையதளத்தில் www.tnpsc.gov.in  வெளியிடப்பட்டு உள்ளது. சான்றிதழ் சரிபார்ப்பு பணி வருகிற 26–ந் தேதி அன்று சென்னையில் உள்ள டி.என்.பி.எஸ்.சி. அலுவலகத்தில் நடைபெறும். இதற்கான அழைப்பு கடிதம் தேர்வர்களுக்கு தனித்தனியே அனுப்பி வைக்கப்படும். இவ்வாதன்று விஜயகுமார் கூறி உள்ளார்.

ஜூன் மாதம் நடைபெற உள்ள இடைநிலை ஆசிரியர் கல்வி பட்டயத் தேர்வுக்கு தனித்தேர்வர்களிடம் இருந்து விண்ணப்பங்கள் வரவேற்கப்படுகின்றன.

ஜூன் மாதம் நடைபெற உள்ள தொடக்கக்கல்வி பட்டயத் தேர்வுக்கு (இடைநிலை ஆசிரியர் கல்வி தேர்வு) தனித்தேர்வர்களிடம் இருந்து விண்ணப்பங்கள் வரவேற்கப்படுகின்றன. தேர்வுக்கான விண்ணப்ப படிவங்களை தேர்வுத்துறையின் இணையதளத்தில் www.tn.gov.in/dge இன்று (வியாழக்கிழமை) முதல் 29–ந் தேதி வரை பக்கம் 1 முதல் 6 வரை டவுன்லோடு செய்துகொள்ளலாம். பூர்த்தி செய்த விண்ணப்பங்களை (பக்கம் 1 முதல் 4 வரை) தாங்கள் வசிக்கும் மாவட்டத்தில் அமைந்துள்ள மாவட்ட ஆசிரியர் பயிற்சி நிறுவனத்தில் 29–ந் தேதி மாலை 5 மணிக்குள் சமர்ப்பிக்க வேண்டும். தபால் மூலம் பெறப்படும் விண்ணப்பங்கள் கண்டிப்பாக நிராகரிக்கப்படும் என்று அரசு தேர்வுகள் இயக்குனர் தண்.வசுந்தராதேவி வெளியிட்டுள்ள செய்திக்குறிப்பில் கூறி உள்ளார்.

தமிழகம் முழுவதும் பிளஸ்–2 விடைத்தாள் திருத்தும் பணிகள் முடிவடைந்தது. மே 10–ந்தேதிக்குள் பிளஸ்–2 தேர்வு முடிவுகள் வெளியிட தேர்வுத்துறை திட்டமிட்டுள்ளதாக தெரிகிறது.

தமிழகம் முழுவதும் பிளஸ்–2 விடைத்தாள் திருத்தும் பணிகள் முடிவடைந்தது. மே 10–ந்தேதிக்குள் பிளஸ்–2 தேர்வு முடிவுகள் வெளியிட தேர்வுத்துறை திட்டமிட்டுள்ளதாக கல்வித்துறை அதிகாரிகள் தெரிவித்தனர். தமிழகம், புதுச்சேரியில் பிளஸ்–2 தேர்வுகள் கடந்த மாதம் 1–ந்தேதி தொடங்கி 27–ந்தேதி முடிந்தது. மொத்தம் 8 லட்சத்து 4 ஆயிரத்து 534 மாணவ, மாணவிகள் பிளஸ்–2 தேர்வினை எழுதினார்கள். இது தவிர தனித்தேர்வர்களாக 48 ஆயிரத்து 786 பேர் தேர்வு எழுதியுள்ளனர். மாநிலம் முழுவதும் அமைக்கப்பட்டுள்ள 66 மையங்களில் பிளஸ்–2 விடைத்தாள் திருத்தும் பணிகள் முழுவீச்சில் நடந்து வந்தது. பெரும்பாலான மாவட்டங்களில் நேற்றுடன் பிளஸ்–2 விடைத்தாள் திருத்தும் பணி முடிந்து விட்டது. அனைத்து மாவட்டங்களிலும் இதுவரை திருத்தி முடிக்கப்பட்ட பிளஸ்–2 விடைத்தாள்களின் மதிப்பெண்கள் உள்ளிட்ட விவரங்கள் அந்தந்த மையங்களில் இருந்து சி.டி.க்களில் பதிவு செய்யப்பட்டு தேர்வுத்துறைக்கு அனுப்பி வைக்கப்படுகிறது. எல்லா தேர்வு மையங்களில் இருந்தும் விடைத்தாள் திருத்தி முடிக்கப்பட்ட மதிப்பெண்கள் விவரம் அடங்கிய சி.டி.க்கள் சென்னையில் உள்ள தேர்வுத்துறைக்கு வந்தபிறகு டம்மி எண்கள் நீக்கப்பட்டு, மாணவர்களின் உண்மையான பதிவு எண்கள்படி மதிப்பெண் பட்டியல் தயாரிக்கும் பணிகள் தொடங்கும். இந்த பணிகள் முடிவதற்கு 20 நாட்கள் ஆகும் என்பதால் மே 10–ந் தேதிக்குள் பிளஸ்–2 தேர்வு முடிவுகளை வெளியிட தேர்வுத்துறை முழுவீச்சில் நடவடிக்கை மேற்கொண்டு வருகிறது. இதுகுறித்து கல்வித்துறை அதிகாரிகள் கூறுகையில், பிளஸ்–2 விடைத்தாள் திருத்தும் பணிகள் நேற்றுடன் முடிந்துவிட்டது. மதிப்பெண் பட்டியல் தயாரித்து முடிந்ததும் பிளஸ்–2 தேர்வு முடிவுகளை எப்போது வெளியிடலாம் என்று தேர்வுத்துறை தான் முடிவு செய்யும் என்றனர்.

Tuesday, April 16, 2013

சிபிஎஸ்இ 10 மற்றும் 12ம் வகுப்பு மாணவர்களுக்கு திறந்த புத்தக தேர்வு முறையை வரும் கல்வியாண்டு முதல் நடைமுறைபடுத்த உள்ளது.

சிபிஎஸ்இ 10 மற்றும் 12ம் வகுப்பு மாணவர்களுக்கு திறந்த புத்தக தேர்வு முறையை வரும் கல்வியாண்டு முதல் நடைமுறைபடுத்த உள்ளது. மனப்பாடம் செய்து பாடம் படிக்கும் நடைமுறைக்கு ஓரளவு தீர்வு காணும் வகையில் சிபிஎஸ்இ இந்த புதிய முறையை திட்டமிட்டுள்ளது. திறந்த புத்தக தேர்வு முறை 10ம் வகுப்பு மாணவர்களுக்கு இந்தாண்டு முதல் அறிமுகப்படுத்த உள்ளது. அடுத்த ஆண்டு முதல் +2 மாணவர்களுக்கு இந்த முறையை சிபிஎஸ்இ கொண்டு வர உள்ளது. மாணவர்கள் தேர்வு நேரத்தில் அனைத்து பாடங்களையும் படித்து குழம்புவதை விட, தேர்வுக்கு எந்தெந்த பகுதிகளில் இருந்து கேள்விகள் இடம்பெறும் என்று 4 மாதங்களுக்கு முன்பே மாணவ, மாணவியருக்கு தெரிவிக்கப்படும். தேர்வுக்கு அதனை மட்டும் படித்தால் போதும், இதனால் மாணவர்களின் மன அழுத்தம் குறைவதோடு, பயமின்றி தேர்வு எழுதவும் முடியும். இதனால் சிறந்த புத்தக தேர்வு முறை மாணவர்களுக்கு உதவியாக இருக்கும் என்று சிபிஎஸ்இ தெரிவித்துள்ளது.

தமிழகத்தில் நடந்து முடிந்த 10 மற்றும் 12ம் வகுப்பு பொதுத் தேர்வு முடிவுகள் இந்த ஆண்டு அரசு இணையதளங்களில் மட்டுமே வெளியாகும் என்று அறிவிக்கப்பட்டுள்ளது.

தமிழகத்தில் நடந்து முடிந்த 10 மற்றும் 12ம் வகுப்பு பொதுத் தேர்வு முடிவுகள் இந்த ஆண்டு அரசு இணையதளங்களில் மட்டுமே வெளியாகும் என்று அறிவிக்கப்பட்டுள்ளது. இது குறித்து அரசு தேர்வுகள் இயக்குநர் வசுந்தரா தேவி அனுப்பியுள்ள கடிதத்தில், இதுவரை அரசு தேர்வுத் துறை ஆண்டு தோறும் நடத்தும் மேல்நிலை மற்றும் எஸ்எஸ்எல்சி தேர்வு முடிவுகள் அரசு இணையதளம் மூலமாகவும், தனியார் இணையதளங்கள் மூலமாகவும் வெளியிட்டு வந்தது. ஆனால், தற்போது அரசு வெளியிட்டுள்ள உத்தரவின் அடிப்படையில், அரசு இணையதளங்களில் மட்டும் தேர்வு முடிவுகளை வெளியிட அறிவுறுத்தப்பட்டுள்ளது என்று தெரிவிக்கப்பட்டுள்ளது. இதன் மூலம், தனியார் இணையதளங்களில் பொதுத் தேர்வு முடிவுகள் வெளியாவது நிறுத்தப்பட்டுள்ளது.

அண்ணாமலை பல்கலைக்கழக பதிவாளர் மாற்றப்பட்டுள்ளார்.


சிதம்பரம் அண்ணாமலை பல்கலைகழகத்தில் முறை கேடுகள் நடந்ததாக புகார் எழுந்ததை அடுத்து பல்கலை கழகத்தை நிர்வகிக்க அங்கு அரசு நிர்வாக அதிகாரியாக ஷிவதாஸ் நியமிக்கப்பட்டார்.

அதைத்தொடர்ந்து பல்கலைகழக துணைவேந்தர் ராமநாதன் பணிநீக்கம் செய்யப்பட்டார். மேலும் பல்கலை கழகத்தை அரசே ஏற்று நடத்த சட்டசபை மசோதா தாக்கல் செய்யப்பட்டுள்ளது.

இந்த நிலையில் பல்கலைகழக பதிவாளர் மீனாட்சி சுந்தரம் திடீரென மாற்றப்பட்டுள்ளார். அவருக்கு 58 ஓய்வு வயது ஆகிவிட்டதால் அவர் பதிவாளர் பதிவியிலிருந்து விடு விக்கப்பட்டுள்ளதாக நிர்வாக அதிகாரி ஷிவதாஸ் மீனா அறிவிப்பு வெளியிட்டுள்ளார். அவருக்கு பதிலாக ஐ.ஏ.எஸ். அதிகாரி ஒருவர் புதிய பதிவாளராக நியமிக்கப்படுவார் என எதிர்பார்க்கப்படுகிறது.

மீனாட்சி சுந்தரம் ஏற்கனவே பொருளாதார துறையில் பேராசிரியராக வேலை பார்த்து வந்தார். அவர் அந்த துறைக்கு மீண்டும் ஆசிரியராக நியமனம் செய்யப்பட்டுள்ளார்.

அஞ்சல் உதவியாளர், அஞ்சல் பிரிப்பு உதவியாளர் தேர்வுக்கான நுழைவுச் சீட்டுகள் www.indiapost.gov.in என்ற இணையதளத்தில் வெளியிடப்பட்டுள்ளது. இதற்கான தேர்வு ஏப்ரல் 21ஆம் தேதி நடைபெறுகிறது.

அஞ்சல் உதவியாளர், அஞ்சல் பிரிப்பு உதவியாளர் தேர்வுக்கான நுழைவுச் சீட்டுகள் இணையதளத்தில் வெளியிடப்பட்டுள்ளன என்று அஞ்சல் துறை (தமிழ்நாடு) தெரிவித்துள்ளது. இது குறித்து அஞ்சல் துறை திங்கள்கிழமை வெளியிட்ட செய்தி: நியூ இந்தியன் எக்ஸ்பிரஸ் மற்றும் தினமணி நாளிதழ்களில் கடந்த ஆகஸ்ட் மாதம் அஞ்சல் உதவியாளர், அஞ்சல் பிரிப்பு உதவியாளர் தேர்வுக்கான அறிவிப்பு வெளியிடப்பட்டிருந்தது. இதற்கான விண்ணப்பங்கள் பரிசீலிக்கப்பட்டு, தகுதியுள்ள விண்ணப்பதாரர்களின் பட்டியல் www.indiapost.gov.in என்ற இணையதளத்தில் வெளியிடப்பட்டுள்ளது. இதற்கான தேர்வு ஏப்ரல் 21ஆம் தேதி நடைபெறுகிறது. சென்னை, திருச்சி, புதுச்சேரி, மதுரை மற்றும் கோவை ஆகிய 5 மையங்களில் தேர்வு நடைபெறும். தேர்வுக்கான அனுமதி கடிதங்கள் விண்ணப்பதாரர்களுக்கு அனுப்பப்பட்டுள்ளன. அனுமதி கடிதங்களை இணையதளத்திலும் பெற்றுக் கொள்ளலாம் என்று அந்த செய்திக் குறிப்பில் தெரிவிக்கப்பட்டுள்ளது.

TNPSC துறைத் தேர்வுகளுக்கு விண்ணப்பிக்க கடைசி தேதி 22.04.2013 வரை நீடிக்கப்பட்டுள்ளது.

TNPSC துறைத் தேர்வுகளுக்கான கடைசி தேதி 15.04.2013 என்று அறிவிக்கப்பட்டிருந்தது. ஆனால் இது குறித்து கடந்த 2 நாட்களாக துறைத் தேர்வுகளுக்கான கடைசி தேதி மேலும் 7 நாட்கள் நீடிக்கப்படும் என்று பரவலாக பேசப்பட்டிருந்த நிலையில் TNPSC இன்று அதிகாரபூர்வமாக 15.04.2013 நாள் முதல் மேலும் ஒரு வாரத்திற்கு நீடித்து உத்தரவிட்டுள்ளது.இதையடுத்து அரசு அலுவலர்கள் மற்றும் ஆசிரியர்கள் துறைத் தேர்விற்கு 22.04.2013 அன்று மாலை 5.45 மணி வரை விண்ணபித்துக் கொள்ளலாம்.

சென்னை பல்கலை தொலைநிலை கல்வியில் வழங்கப்படும், முதுகலை பட்ட படிப்பு தேர்வுக்கு, வரும், 29ம் தேதிக்குள், விண்ணப்பிக்க வேண்டும் என,அறிவிக்கப்பட்டுள்ளது.

சென்னை பல்கலை தொலைநிலை கல்வியில் வழங்கப்படும், முதுகலை பட்ட படிப்பு தேர்வுக்கு, வரும், 29ம் தேதிக்குள், விண்ணப்பிக்க வேண்டும் என,அறிவிக்கப்பட்டுள்ளது. இதுகுறித்து, சென்னை பல்கலைக்கழக தொலைநிலை கல்வி நிறுவனம் வெளியிட்டுள்ள அறிக்கை: சென்னை பல்கலைக்கழகத்தில், தொலைநிலை கல்வியில் வழங்கப்படும், எம்.ஏ.,-எம்.காம்., - எம்.எஸ்சி., உள்ளிட்ட, முதுகலை படிப்புகளுக்கு, ஜூன் மாதத்தில் தேர்வுகள் நடக்க உள்ளன. இத்தேர்வுகளுக்கு, வரும், 29ம் தேதிக்குள் மாணவர்கள் விண்ணப்பிக்க வேண்டும். விண்ணப்பிக்க தவறி மாணவர்கள், அபராத கட்டணத்துடன், மே, 6ம் தேதி வரை விண்ணப்பிக்கலாம். விண்ணப்ப படிவங்களை, www.ideunom.ac.in என்ற பல்கலைக்கழக இணையதளத்திலிருந்து பதிவிறக்கம் செய்து கொள்ளலாம். ஜூன் 8ம் தேதி முதல், முதுகலை பட்ட படிப்புகளுக்கான தேர்வுகள் துவங்குகின்றன. இவ்வாறு அறிக்கையில் கூறப்பட்டுள்ளது.

அரசு கலை, அறிவியல் கல்லூரிகளில், காலியாக உள்ள உதவி பேராசிரியர் பணியிடங்களை நிரப்ப, ஒன்றரை ஆண்டுகளுக்கு முன் அரசாணை வெளியிட்டும், தேர்வு பணிகள் துவங்குவதில், தொடர்ந்து இழுபறி நீடிக்கிறது.

அரசு கலை, அறிவியல் கல்லூரிகளில், காலியாக உள்ள உதவி பேராசிரியர் பணியிடங்களை நிரப்ப, ஒன்றரை ஆண்டுகளுக்கு முன் அரசாணை வெளியிட்டும், தேர்வு பணிகள் துவங்குவதில், தொடர்ந்து இழுபறி நீடிக்கிறது.

அரசு கல்லூரிகளில், 1,093 உதவி பேராசிரியர் பணியிடங்கள் காலியாக உள்ளன. இதில், 1,025 பணியிடங்களை நிரப்ப, 2011 செப்., 13ம் தேதியும், 68 பணியிடங்களை நிரப்ப, 2012 மார்ச், 5ம் தேதியும் அரசு அரசாணை வெளியிடப்பட்டது. போட்டி தேர்வுகள் மூலம் தேர்வு நடத்தாமல், பணி அனுபவம், நேர்முக தேர்வு மூலம் பணியிடங்களை நிரப்ப, ஆசிரியர் தேர்வாணையத்துக்கு - டி.ஆர்.பி., அரசு பரிந்துரை செய்தது. 

பணி அனுபவத்துக்கு, அதிகபட்சமாக, 15 மதிப்பெண்கள், நேர்முக தேர்வுக்கு, 10 மதிப்பெண்கள், பிஎச்டி., பட்டத்துக்கு, 9 மதிப்பெண்கள் என, ஏற்கனவே இருந்த முறையை, அப்படியே பின்பற்ற முடிவு செய்யப்பட்டது. அதே நேரத்தில், பி.எச்டி., பட்டம் பெறாமல், எம்.பில்., பட்டத்துடன் ஆசிரியர் தகுதி தேர்வுகளில் - நெட், ஸ்லெட் தேர்ச்சி பெற்றிருந்தால், 6 மதிப்பெண்களும், முதுகலை பட்டத்துடன், தகுதி தேர்வுகளில் தேர்ச்சி பெற்றிருந்தால், 3 மதிப்பெண்களும் வழங்கப்படும் என, அறிவிக்கப்பட்டிருந்தது. புத்தகங்கள் மற்றும் அரசு அங்கீகாரம் பெற்ற துறை வெளியீடுகளில், கட்டுரை வெளியாகி இருந்தால், மதிப்பெண்கள் அளிப்பது நீக்கப்பட்டது. 

இதற்கான பரிந்துரையை, டி.ஆர்.பி.,க்கு, உயர்கல்வித் துறை அளித்துள்ளது. பணியிடங்களை நிரப்புவதற்கான உத்தரவு, தேர்வு முறைக்கான, மதிப்பெண்கள் வழங்கும் முறைக்கு பரிந்துரை ஆகியவற்றை, அரசு வெளியிட்டும், ஒன்றரை ஆண்டுகளாக, கல்லூரி உதவி பேராசிரியர்கள் தேர்வுக்கு எந்த அறிவிப்பையும், டி.ஆர்.பி., இதுவரை, வெளியிடவில்லை.

தமிழ்நாடு அரசு கல்லூரி ஆசிரியர் கழக பொதுச் செயலர் பிரதாபன் கூறுகையில், ""உதவி பேராசிரியர் தேர்வு பணிகளை துவங்கினால் தான், வரும் கல்வியாண்டு துவக்கத்தில், பணியிடங்களை நிரப்ப முடியும். புதிதாக, 51 கலை, அறிவியல் கல்லூரிகள் துவங்கப்படுகின்றன. இதில், 827 புதிய உதவி பேராசிரியர் பணியிடங்கள் ஏற்படுத்தப்படுகின்றன. இவர்களுக்கான தேர்வுகளையும், இத்துடன் இணைத்து நடத்த வேண்டும்,'' என்றார். கல்லூரி கல்வி இணை இயக்குனர் தேவதாஸ் கூறுகையில், ""தேர்வுக்கான ஆயத்த பணிகள் நடந்து வருகின்றன. விரைவில், இதுகுறித்த அறிவிப்பு வெளியாகும்,'' என்றார்.

டி.இ.டி., தேர்வு குறித்த அறிவிப்பு இம்மாத இறுதிக்குள் வெளியாகும் என தெரிகிறது

"டி.இ.டி., தேர்வு குறித்த அறிவிப்பு, இம்மாத இறுதிக்குள் வெளியாகும்' என, துறை வட்டாரங்கள், நேற்று தெரிவித்தன. பள்ளி கல்வித்துறையில், 20 ஆயிரம் ஆசிரியர் பணியிடங்கள் காலியாக இருப்பது குறித்தும், இந்த இடங்களை பூர்த்தி செய்ய, இன்னும், டி.இ.டி., தேர்வு குறித்த அறிவிப்பு வெளி வராதது குறித்தும், "தினமலர்' நாளிதழில், நேற்று முன்தினம் செய்தி வெளியானது. இதைத்தொடர்ந்து, கல்வித்துறை அதிகாரிகளுடன், டி.ஆர்.பி., அதிகாரிகள், நேற்று ஆலோசனை நடத்தினர். ஆசிரியர் காலி இடங்கள் எண்ணிக்கை மற்றும் எப்போது தேர்வு நடத்தலாம் என்பது உள்ளிட்ட, பல்வேறு அம்சங்கள் குறித்து, கல்வித்துறை அதிகாரிகளுடன், ஆலோசனை நடத்தியதாக கூறப்படுகிறது. இது குறித்து, டி.ஆர்.பி., வட்டாரங்கள் கூறுகையில்,"டி.இ.டி., தேர்வு குறித்த அறிவிப்பு, இன்னும், 10 நாட்களுக்குள் வெளிவரும்' என, தெரிவித்தன. அறிவிப்பு வெளியானதும், ஒன்றரை மாத இடைவெளிக்குப்பின், தேர்வு நடக்கும் என, தெரிகிறது. எனவே, ஜூன் இறுதியில், தேர்வு நடக்கலாம் என, எதிர்பார்க்கப்படுகிறது. "அப்ஜக்டிவ்' முறையிலான விடைகள் என்பதால், மதிப்பீடு செய்யும் பணி அனைத்தும், கம்ப்யூட்டர் மூலமாகவே நடக்கின்றன. எனவே, தேர்வு முடிவை, விரைவாக வெளியிட்டு, ஜூலை இறுதிக்குள், புதிய ஆசிரியர்களை பணி நியமனம் செய்யும் வகையில், அனைத்து நடவடிக்கைகளும் எடுக்கப்படும் என, கூறப்படுகிறது.

பத்தாம் வகுப்பு கணிதத் தேர்வில், "புளு பிரின்ட்' அடிப்படையில் கேள்விகள் அமையாததால், மாணவர்களுக்கு, 10 சிறப்பு மதிப்பெண் வழங்க, பள்ளிக் கல்வித் துறை உத்தரவிட்டுள்ளது.

பத்தாம் வகுப்பு கணிதத் தேர்வில், "புளு பிரின்ட்' அடிப்படையில் கேள்விகள் அமையாததால், மாணவர்களுக்கு, 10 சிறப்பு மதிப்பெண் வழங்க, பள்ளிக் கல்வித் துறை உத்தரவிட்டுள்ளது.

ஐந்து மதிப்பெண் பகுதியில், "தொடர்கள் - தொடர்வரிசை' பாடத்தில், இரு கேள்விகள் இடம் பெற வேண்டும்; ஆனால், ஒரு கேள்வி மட்டுமே கேட்கப்பட்டது. "இயற்கணிதம்' பாடத்தில், மூன்று கேள்விகளுக்கு பதில், இரு கேள்வியும்; "அணிகள், முக்கோணவியல்' பாடங்களில், ஒரு கேள்விக்கு பதில், இரண்டு கேள்விகளும் கேட்கப்பட்டன. அதேபோல், "கணங்களும் சார்புகளும்' பாடப் பகுதியில், இரண்டு கேள்விகளும், "சார்புகள்' பகுதியில் இருந்து மட்டும் இடம்பெற்றன. அதிலும் ஒன்று, "கிரியேட்டிவ்' கேள்வியாக அமைந்திருந்தது. இக்கேள்வி அமைப்பால், கிராமப்புற மாணவர்களின் தேர்ச்சி விகிதம் பாதிப்பது மட்டுமின்றி, பல மாணவர்களின், நூற்றுக்கு நூறு கனவும் தகரும் என, கருத்து எழுந்தது.

இந்நிலையில், விடைத்தாள் திருத்தும் அனைத்து மைய கண்காணிப்பாளர்களுக்கு, பள்ளிக் கல்வித் துறை அனுப்பிய உத்தரவு: பத்தாம் வகுப்பு கணிதத் தேர்வு பிரிவு, 3ல் உள்ள, அணிகள், முக்கோணவியல் பாடப்பகுதியில், ஒரு வினாவிற்கு பதில் இரண்டு வினாக்கள் கேட்கப்பட்டதால், பிரிவு 3ல் உள்ள அனைத்து வினாக்களையும் மதிப்பீடு செய்து, அதில், மிகக் குறைவாக மதிப்பெண் பெற்ற, இரு வினாக்களை தேர்வு செய்து, அந்த வினாக்களுக்கு முழு மதிப்பெண் வழங்க வேண்டும். இவ்வாறு உத்தரவிடப்பட்டுள்ளது.

உயர்நிலை, மேல்நிலைப் பள்ளி தலைமை ஆசிரியர் சங்க, மாநில பொதுச்செயலர் சாமி சத்தியமூர்த்தி, பட்டதாரி ஆசிரியர் கழக, மதுரை மாவட்ட செயலர் முருகன் கூறியதாவது: கணிதத் தேர்வு முடிந்ததும், இப்பிரச்னை குறித்து பள்ளிக் கல்வித் துறை கவனத்திற்கு எடுத்துச் செல்லப்பட்டது. குறிப்பாக, கிராமப்புற மாணவர்கள் பாதிப்படைவர் என்ற கோரிக்கையை முன்வைத்தோம். இதற்கு மதிப்பளித்து, அரசு எடுத்த நடவடிக்கையை வரவேற்கிறோம். இவ்வாறு அவர்கள் கூறினர்.

Monday, April 15, 2013

TET முதல் இரு தேர்வு முடிவுகள்-ஒரு பார்வை

TET முதல் இரு தேர்வு முடிவுகள்-ஒரு பார்வை
முதல் தேர்வு (ஜூலை, 2012)
முதல்தாள் (இடைநிலை ஆசிரியர்)
எழுதியோர்-2,83,817
தேர்ச்சி-1,735
சதவீதம்-0.55
இரண்டாம் தாள் (பட்டதாரி ஆசிரியர்)
எழுதியோர்-3,83,666
தேர்ச்சி-713
சதவீதம்-0.17
இரண்டாவது தேர்வு (அக்., 2012)
முதல்தாள் (இடைநிலை ஆசிரியர்)
எழுதியோர்-2,78,725
தேர்ச்சி பெற்றோர்-10,397
சதவீதம்-3.73
இரண்டாம் தாள் (பட்டதாரி ஆசிரியர்)
எழுதியோர்-3,77,973
தேர்ச்சி பெற்றோர்-8,849
சதவீதம்-2.34

சிதம்பரம் அண்ணாமலைப் பல்கலைக் கழகத்தை அரசே ஏற்று நடத்துவதற்கான மசோதா தமிழக சட்டசபையில் தாக்கல் செய்யப்பட்டது.

வரலாற்று பெருமை வாய்ந்த சிதம்பரம் அண்ணாமலை பல்கலைக்கழகத்தில் ஊழியர்களின் எண்ணிக்கையை குறைக்கவும், சம்பளத்தை குறைக்கவும் முடிவு செய்திருப்பதாக வெளியான தகவலையடுத்து கடந்த ஆண்டு ஊழியர்கள் வேலை நிறுத்த போராட்டத்தை அறிவித்தனர். இதனால் பல்கலைக்கழகம் காலவரையிண்றி மூடப்பட்டது. மேலும் இருப்பினும் நிர்வாக குளறுபடி மற்றும் முறைகேடுகள் இருப்பதால் பல்கலைக்கழகதை அரசே ஏற்று நடத்த வேண்டும் என்ற கோரிக்கையும் வலுத்து வந்தது. இந்நிலையில் பல்கலைக் கழகத்தின் நிர்வாகத்தை கவனிக்க அரசு சார்பில் ஷிவ்தாஸ் மீனா நியமிக்கப்பட்டார். மேலும் பல்கலைக் கழகத்தின் நிதி முறைகேடுகள் தொடர்பாக ஆராய்ந்த சிறப்பு விசாரணைக் குழுவின் பரிந்துரையின் அடிப்படையில் அதன் துணைவேந்தர் ராமநாதன் சஸ்பென்ட் செய்யப்பட்டார். இந்நிலையில் சிதம்பரம் அண்ணாமலை பல்கலைக்கழகத்தை அரசே ஏற்று நடத்துவதற்கான மசோதாவை உயர்கல்வித்துறை அமைச்சர் பழனியப்பன் சட்டசபையில்தாக்கல் செய்தார். இதனால் பல்கலைக் கழகத்திற்கு அரசு அளிக்கும் சிறப்பு அதிகாரங்கள் இனி வழங்கப்பட மாட்டாது என தெரிகிறது.

ஆசிரியர் கல்வி பாடத்திட்டத்தில் விரைவில் மாற்றம் கொண்டு வரப்பட உள்ளது. இதற்கான கருத்தாய்வுக் கூட்டம் ஏப்.,17ல் துவங்குகிறது என தமிழ்நாடு ஆசிரியர் கல்வி பல்கலை துணைவேந்தர் விஸ்வநாதன் கூறியுள்ளார்.

ஆசிரியர் கல்வி பாடத்திட்டத்தில், விரைவில் மாற்றம் கொண்டு வரப்பட உள்ளது. இதற்கான கருத்தாய்வுக் கூட்டம் ஏப்.,17ல் துவங்குகிறது,'' என, தமிழ்நாடு ஆசிரியர் கல்வி பல்கலை துணைவேந்தர் விஸ்வநாதன் கூறினார்.மதுரையில் நமது நிருபரிடம் அவர் கூறியதாவது:தமிழகத்தில், ஆசிரியர் கல்வி பாடத்திட்டங்கள் 5 ஆண்டுகளுக்கு பின் மாற்றியமைக்க படவுள்ளது. புதிய பாடத்திட்டங்கள், தற்கால கல்வி முறைக்கு ஏற்ப மாற்றப்படும். இதற்காக கல்வியாளர்கள் பங்கேற்கும் ஆலோசனை கூட்டம் சென்னையில் ஏப்.,17 முதல் 19 வரை நடக்கிறது. அடிப்படை வசதிகள் இல்லாத பி.எட்., கல்லூரிகளுக்கு நோட்டீஸ் வழங்கப்பட்டதில், சில கல்லூரிகள் மட்டுமே பதில் அளித்துள்ளன. அனைத்து கல்லூரிகளும் பதில் அளித்தவுடன், என்ன வகையானநடவடிக்கை எடுப்பது குறித்து "சிண்டிகேட்' கூட்டத்தில் முடிவு எடுக்கப்படும், என்றார்.

Sunday, April 14, 2013

நந்தன ஆண்டு நிறைவுபெற்று வெற்றிகரமான விஜய தமிழ்ப்புத்தாண்டு பிறக்கிறது.கல்விச்சோலை உறவுகள் அனைவருக்கும் இனிய தமிழ்ப்புத்தாண்டு நல்வாழ்த்துகள்!

நந்தன ஆண்டு நிறைவுபெற்று வெற்றிகரமான விஜய தமிழ்ப்புத்தாண்டு பிறக்கிறது.கல்விச்சோலை உறவுகள் அனைவருக்கும் இனிய  தமிழ்ப்புத்தாண்டு நல்வாழ்த்துகள்!

Saturday, April 13, 2013

மாணவர்களின் புத்திக்கூர்மையை சோதிக்க புதிய தேர்வு முறையை வருகிற கல்வி ஆண்டில் சி.பி.எஸ்.இ. அறிமுகப்படுத்துகிறது.

மத்திய கல்வி வாரியம் (சி.பி.எஸ்.இ.) மாணவர்களின் அறிவை வளர்க்கவும் அறிவை ஆய்வு செய்து பரிசோதிக்கவும் முடிவு செய்து தேர்வு முறையில் மாற்றம் கொண்டுவருகிறது. அதாவது ஒவ்வொரு பாடத்திலும் 20 சதவீத மார்க்குக்கு இந்த புதிய தேர்வு முறை அமல்படுத்தப்படுகிறது. அதாவது வருடாந்திர தேர்வில் எந்த பகுதியில் இருந்து கேள்வி கேட்கப்படும் என்பதை தேர்வுக்கு 4 மாதங்களுக்கு முன்பாக அந்த பகுதி மாணவர்களிடம் வழங்கப்படும். அதில் இருந்து 20 சதவீத மார்க்குகளுக்கு கேள்விகள் கேட்கப்படும். இதனால் மாணவர்கள் எவ்வாறு புரிந்து படிக்கிறார்கள் என்பதை பரிசோதிக்கவும் அவர்களின் அறிவுக்கும் ஆராய்ச்சிக்கும் இந்த முறை வித்திடும் என்று கூறப்படுகிறது. இந்த புதிய தேர்வு முறை வருகிற கல்வி ஆண்டில் (2013–2014) 9–வது வகுப்பு, 10–வது வகுப்பு, 11–வது வகுப்பு ஆகியவற்றுக்கு கொண்டுவரப்படுகிறது. 12–வது வகுப்புக்கு 2014–2015ம் ஆண்டு அறிமுகப்படுத்துகிறது. இந்த தகவலை சி.பி.எஸ்.இ. தலைவர் வினீத் ஜோஷி தெரிவித்துள்ளார்.

10ம் வகுப்பு சமூக அறிவியல் மிக எளிமை -பலர் "சென்டம்' பெற அதிக வாய்ப்பு : மாணவர்கள், ஆசிரியர் மகிழ்ச்சி

பத்தாம் வகுப்பு சமூக அறிவியல் தேர்வில், அனைத்து வினாக்களும் எளிதாக கேட்கப்பட்டிருந்ததால், சுமாராக படிக்கும் மாணவர்களும், 50 மதிப்பெண்ணிற்கு மேல் பெறலாம். நன்றாக படிக்கும் மாணவர்கள், "சென்டம்' பெற, அதிக வாய்ப்புள்ளது என, மாணவர்கள், ஆசிரியர் தெரிவித்தனர்.

* எஸ்.தீபிகா, செய்யது அம்மாள் மெட்ரிக் பள்ளி, ராமநாதபுரம்: காலாண்டு, அரையாண்டு தேர்வில் கேட்கப்பட்டிருந்த பெரும்பாலான வினாக்கள், இத்தேர்விலும் கேட்கப்பட்டிருந்தன. விடை அளிப்பதில் எளிதாக இருந்தது. சுமாராக படிக்கும் மாணவர்களும், 50 மதிப்பெண்களுக்கு மேல் பெறக்கூடும். நன்றாக படிக்கும் மாணவர்கள் "சென்டம்' பெற, அதிக வாய்ப்பு உள்ளது.

* ஏ.சிக்கந்தர் மன்சூர், நேஷனல் அகாடமி மெட்ரிக் பள்ளி, ராமநாதபுரம்:
மாணவர்கள் எளிதில் புரிந்து பதிலளிக்கும் வகையிலேயே, அனைத்து வினாக்களும் எளிமையாக கேட்கப்பட்டிருந்தன. பாட புத்தகத்தை முழுமையாக படித்திருந்தாலே போதும், 50 மதிப்பெண்கள் கண்டிப்பாக கிடைக்கும். குறிப்பாக, ஐந்து மதிப்பெண் வினாக்கள் அனைத்தும் "ஈசி'யாக இருந்தன.

* எம்.வரலெட்சுமி, அரசு மேல்நிலைப்பள்ளி, திருப்புல்லாணி, ராமநாதபுரம்:
இத்தேர்வில் அனைத்து வினாக்களும் எளிமையாக கேட்கப்பட்டிருந்தன. சுமாராக படிக்கும் மாணவர்களும், அதிக மதிப்பெண் பெறக்கூடும். காலக்கோடு, மேப் உள்ளிட்டவையும் எளிமையாக இருந்தது. எதிர்பார்த்ததை விட, தேர்வு மிக மிக எளிதாக இருந்தது, என்றார்.</div>

பாலிவுட்டின் பழம்பெரும் நடிகர், பிரானுக்கு, 92, உயரிய, "தாதா சாகேப் பால்கே' விருது அறிவிக்கப்பட்டுள்ளது.

பாலிவுட்டின் பழம்பெரும் நடிகர், பிரானுக்கு, 92, உயரிய, "தாதா சாகேப் பால்கே' விருது அறிவிக்கப்பட்டுள்ளது.சினிமா துறையில் சிறந்து விளங்குபவர்களுக்கு, தாதா சாகேப் பால்கே விருது, ஆண்டுதோறும் வழங்கப்படுகிறது. தங்கத்தாமரை பதக்கத்துடன், பத்து லட்ச ரூபாய் ரொக்க பரிசுடன் கூடிய இந்த விருதுக்கு, இந்த ஆண்டு, பழம்பெரும் நடிகர், பிரான் தேர்ந்தெடுக்கப்பட்டுள்ளார்.பாலிவுட் படங்களில், வில்லன் மற்றும் குணச்சித்திர வேடங்களில் நடித்துள்ள பிரான், ஜான்ஜீர், டான் போன்ற படங்களில் நடித்து, பெயர் பெற்றவர். 2001ம் ஆண்டு, இவருக்கு, "பத்மபூஷன்' விருது கிடைத்தது.உடல் நலக்குறைவால் அவதிப்பட்டு வரும் பிரான், பெரும்பாலும் வெளியே வருவதில்லை.கடந்த, 1969ம் ஆண்டிலிருந்து வழங்கப்படும் இந்த விருதை, இயக்குனர்கள் சத்யஜித் ரே, சாந்தாராம், யாஷ் சோப்ரா, கே.பாலச்சந்தர், நடிகர்கள், தேவ் ஆனந்த், சவுமித்ரா சாட்டர்ஜி, நாகேஸ்வர ராவ், ராஜ்குமார், சிவாஜி கணேசன், தயாரிப்பாளர், எல்.வி.பிரசாத், இசையமைப்பாளர், நவ்ஷத், பாடகிகள் லதா மங்கேஸ்கர், ஆஷா போஸ்லே போன்றோர் பெற்றுள்ளனர்.

தகவல் அறியும் சட்டத்தின் கீழ் தகவல் பெற விரும்புபவர்கள், இனி, ஆன்லைனில் விண்ணப்பிக்கவும், அதற்கான கட்டணத்தை செலுத்தவும் ஒருங்கிணைந்த வசதி ஏற்படுத்தப்பட்டுள்ளது.

தகவல் அறியும் சட்டத்தின் கீழ் தகவல் பெற விரும்புபவர்கள், இனி, ஆன்லைனில் விண்ணப்பிக்கவும், அதற்கான கட்டணத்தை செலுத்தவும் ஒருங்கிணைந்த வசதி ஏற்படுத்தப்பட்டுள்ளது.அரசு தொடர்பான அனைத்து தகவல்களையும், பொதுமக்கள் எளிதாக பெறும் வகையில், மத்திய அரசு தகவல் அறியும் உரிமை சட்டத்தை, 2005ல் அறிமுகப்படுத்தியது. இதன்படி, 10 ரூபாய் செலுத்தி, விண்ணப்பித்தால், அரசு தொடர்பாக வேண்டும் தகவலை பெற முடியும். இதுவரை, தகவல் அறியும் சட்டத்தின் கீழ் தகவல்களை பெற மத்திய அரசு பணியாளர் நலத்துறைக்கு விண்ணப்பித்து வந்தனர்.தற்போது, ஆன் லைனின் விண்ணப்பிக்கவும், இன்டர்நெட் பாங்கிங் வசதியை பயன்படுத்தி, கிரெடிட் கார்டு அல்லது டெபிட் கார்டு மூலம், ஸ்டேட் பாங்க் மற்றும் அதன் துணை வங்கிகளில், 10 ரூபாய் கட்டணமாக செலுத்தலாம். இதற்காக www.rtionline.gov.in என்ற இணையதளம் உருவாக்கப்பட்டுள்ளது

டி.என்.பி.எஸ்.சி. தேர்வுகளுக்கான புதிய பாடத்திட்டத்தில் மாற்றம் செய்யப்பட உள்ளது. முன்பு போல தமிழுக்கு மீண்டும் முக்கியத்துவம் அளிக்கப்பட உள்ளதாக தகவல்கள் வெளியாகியுள்ளன.

தமிழக அரசின் பல்வேறு துறைகளுக்கு தேவைப்படும் ஊழியர்களும், அதிகாரிகளும் டி.என்.பி.எஸ்.சி. என்று அழைக்கப்படும் தமிழ்நாடு அரசு பணியாளர் தேர்வாணையத்தின் மூலமாக தேர்வு செய்யப்படுகிறார்கள். இதற்காக டி.என்.பி.எஸ்.சி. அவ்வப்போது போட்டித்தேர்வுகளை நடத்துகிறது.

இந்த நிலையில், நீண்ட காலமாக பாடத்திட்டம் மாற்றி அமைக்கப்படாததாலும், இன்றைய சூழ்நிலைக்கு ஏற்ப ஊழியர்களை தேர்வுசெய்வதற்காகவும் கடந்த மாதம் பாடத்திட்டம் அடியோடு மாற்றியமைக்கப்பட்டது. அதன்படி, குரூப்–4, வி.ஏ.ஓ. தேர்வுகளில் தமிழ்மொழி தொடர்பான கேள்விகளின் எண்ணிக்கை பாதியாக குறைக்கப்பட்டு அதற்குப் பதிலாக ‘பகுத்து ஆராயும் திறன்’ (ஆப்டிடியூட்) புதிதாக சேர்க்கப்பட்டது.

குரூப்–2 தேர்வில் தமிழ்மொழி தொடர்பான 100 கேள்விகள் முற்றிலும் நீக்கப்பட்டன. அதற்குப் பதிலாக பொது அறிவு கேள்விகளின் எண்ணிக்கை 100–லிருந்து 150 ஆக அதிகரிக்கப்பட்டு, ஆப்டிடியூட் தொடர்பாக 50 வினாக்கள் புதிதாக சேர்க்கப்பட்டன. அதோடு அறிவியல் மற்றும் பொது அறிவு பாடங்களுக்கு அதிக முக்கியத்துவம் கொடுக்கப்பட்டது.

புதிய பாடத்திட்டத்தில் தமிழுக்கு முக்கியத்துவம் குறைக்கப்பட்டதால் கிராமப்புற மாணவர்கள் பெரிதும் பாதிக்கப்படுவார்கள் என்று பல்வேறு அரசியல் கட்சிகள் புகார் தெரிவித்தன. பாடத்திட்டத்தில் தமிழுக்கு முக்கியத்துவம் குறைக்கப்பட்டதற்கு எதிர்ப்பு தெரிவித்து ஏராளமான மாணவ–மாணவிகளும் டி.என்.பி.எஸ்.சி.யிடம் முறையிட்டனர். அரசுக்கும் மனுக்கள் அனுப்பினார்கள்.

தமிழ் மொழிக்கு உரிய முக்கியத்துவம் அளிக்க வேண்டும் என்று சட்டசபையில் கம்யூனிஸ்டு மற்றும் மனிதநேய மக்கள் கட்சி உறுப்பினர்கள் வேண்டுகோள் விடுத்தனர். இந்தப் பிரச்சினை தொடர்பாக டி.என்.பி.எஸ்.சி.க்கு தகவல் தெரிவிக்கப்படும் என்று அமைச்சர் வைகைச்செல்வன் விளக்கம் அளித்தார்.

இந்த நிலையில், டி.என்.பி.எஸ்.சி. உறுப்பினர்களின் அவசர கூட்டம்  நடந்தது. டி.என்.பி.எஸ்.சி. தலைவர் ஏ.நவநீதகிருஷ்ணன் தலைமையில், செயலாளர் மா.விஜயகுமார் முன்னிலையில் நடைபெற்ற இந்த கூட்டத்தில் அனைத்து உறுப்பினர்களும் கலந்துகொண்டனர். காலை 11.30 மணியளவில் தொடங்கிய இந்த கூட்டம், மாலை 6 மணிக்கு மேல் நீடித்தது.

திருத்தப்பட்ட புதிய பாடத்திட்டத்தில் தமிழுக்கு உரிய முக்கியத்துவம் அளிக்கும் வகையில் பாடத்திட்டம் மாற்றி அமைக்கப்படும் என்றும் இதுதொடர்பான அதிகாரப்பூர்வ அறிவிப்பு 17–ந் தேதி (புதன்கிழமை) வெளியிடப்படும் என்றும் டி.என்.பி.எஸ்.சி. வட்டாரங்கள் தெரிவித்தன.

சமீப காலமாக டி.என்.பி.எஸ்.சி. மூலம் அரசு பணியில் சேர்ந்தவர்களில் பெரும்பாலானோர் தமிழை விருப்ப பாடமாக தேர்வு செய்தவர்கள் என்பது குறிப்பிடத்தக்கது. 200 வினாக்கள் கொண்ட குரூப்–2, குரூப்–4, வி.ஏ.ஓ. தேர்வுகளில் 100 கேள்விகள் தமிழ் சம்பந்தப்பட்டது என்பதால் அதில் அதிக மதிப்பெண் எடுப்பவர்கள் தேர்வில் எளிதில் வெற்றிபெற்று, அரசு பணியில் சேர முடிந்தது.

Tuesday, April 9, 2013

17 ஆயிரம் ஆசிரியர் பணியிடங்கள் நிரப்பப்படும் : பள்ளிக்கல்வித்துறை

தொடக்க கல்வியில் நேரடி நியமனம் மூலம் 350 பட்டதாரி ஆசிரியர்களும், பதவி உயர்வு மூலம் 399 பட்டதாரி ஆசிரியர்களும் நியமிக்கப்பட உள்ளனர். சிறுபான்மை மொழி பட்டதாரி ஆசிரியர்கள் 21 பேர் நியமிக்கப்படுகிறார்கள். இடை நிலை ஆசிரியர்கள் 3ஆயிரத்து 433 பேர் நியமிக்கப்படுகிறார்கள்.

பள்ளிக்கல்வி இயக்குனரகம் மூலம் பட்டதாரி ஆசிரியர்கள் 5,081 பேர்கள் நியமிக்கப்படுகிறார்கள். மேலும் 260 தையல் ஆசிரியர்களும் 4 இசை ஆசிரியர்களும், 888 உடற்கல்வி ஆசிரியர்களும் நியமிக்கப்படுகிறார்கள். முதுகலை பட்டதாரி ஆசிரியர்கள் 2494 பேர் நியமிக்கப்படுகிறார்கள்.

மாநகராட்சி பள்ளிகளில்பட்டதாரி, முதுகலை பட்டதாரி, உடற்கல்வி ஆசிரியர்கள் உள்பட அனைத்து தரப்பு ஆசிரியர்களாக 232 பேர் நியமிக்கப்படுகிறார்கள்.

இவை அனைத்தும் கடந்த ஆண்டில் நிரப்பப்படவேண்டியவை. மொத்தத்தில் 16ஆயிரத்து 400 பேர் நியமிக்கப்படுகிறார்கள்.

இந்த தகவலை பள்ளிக்கல்வித்துறை முதன்மை செயலாளர் த.சபீதா வெளியிட்டுள்ளார்.

பத்தாம் வகுப்பு விடைத்தாள் திருத்தும் பணிகள் 66 மையங்களில் வரும் 15ம் தேதி துவங்கி (CE,SO 15, AE 16) 30ம் தேதி வரை நடைபெறுகிறது.

பத்தாம் வகுப்பு விடைத்தாள் திருத்தும் பணியை, 15ம் தேதி துவக்கி(CE,SO 15, AE 16), 30ம் தேதிக்குள் முடிக்க, தேர்வுத்துறை உத்தரவிட்டுள்ளது. 66 மையங்களில், இந்தப் பணிகள் நடக்கின்றன. 15 ஆயிரத்திற்கும் மேற்பட்ட ஆசிரியர்கள், விடைத்தாள் திருத்தும் பணிகளில் ஈடுபடுகின்றனர். வரும், 12ம் தேதி, விடைத்தாள் திருத்தும் மைய அதிகாரிகள் (டி.இ.ஓ.,), பொறுப்பை ஏற்று, விடைத்தாள் எண்ணிக்கை குறித்த விவரங்களை சரிபார்க்கும் பணிகளில் ஈடுபடுவர் என்றும், 15ம் தேதி முதல், விடைத்தாள் திருத்தும் பணிகளில், ஆசிரியர்கள் ஈடுபடுவர் என்றும், தேர்வுத்துறை வட்டாரங்கள் தெரிவித்தன. இதன் முடிவு, மே மூன்றாவது வாரத்தில் வெளியாகும்.

விழுப்புரம் மாவட்டம் செஞ்சி,சத்தியமங்கலம் அரசு மேல்நிலைப் பள்ளி மையத்தில் தேர்வு எழுதிய 221 மாணவர்களின் விடைத்தாள்கள் காணாமல் போனதால் அவர்களின் ஆங்கிலம் இரண்டாம் தாள் மதிப்பெண்களே முதல் தாளுக்கு வழங்கப்படும் என்று அரசுத் தேர்வுகள் இயக்ககம் அறிவித்துள்ளது.

பத்தாம் வகுப்பு பொதுத் தேர்வில் ஆங்கிலம் முதல் தாள் எழுதிய மாணவர்களின் விடைத்தாள்கள் காணாமல் போனதால் அவர்களின் ஆங்கிலம் இரண்டாம் தாள் மதிப்பெண்களே முதல் தாளுக்கு வழங்கப்படும் என்று அரசுத் தேர்வுகள் இயக்ககம் அறிவித்துள்ளது.

விழுப்புரம் மாவட்டம் செஞ்சி அருகே உள்ள சத்தியமங்கலம் அரசு மேல்நிலைப் பள்ளியில் 10ஆம் வகுப்பு பொதுத் தேர்வின்போது ஆங்கிலம் முதல் தாள் எழுதிய 221 மாணவர்களின் விடைத்தாள்கள் காணாமல் போனது.

இது குறித்து போலீஸார் விசாரணை நடத்தியும் விடைத்தாள் பார்சல் மாயமானது எவ்வாறு என்பது இன்றுவரை கண்டுபிடிக்க முடியவில்லை.

இதனால், சம்பந்தபட்ட மாணவர்களுக்கு மறு தேர்வு நடத்த அரசு பரிசீலித்து வருவதாக பள்ளிக் கல்வித் துறை அமைச்சர் வைகைச் செல்வன் சட்டப்பேரவையில் தெரிவித்தார்.

இந்நிலையில், மறுதேர்வு நடத்தப்படாது. ஆங்கிலம் இரண்டாம் தாள் மதிப்பெண்களே முதல் தாளுக்கு வழங்கப்படும் என்று அரசு தேர்வுகள் இயக்ககம் அறிவித்துள்ளது.

இது குறித்து திங்கள்கிழமை அரசுத் தேர்வுகள் இயக்ககம் வெளியிட்டுள்ள செய்திக்குறிப்பு:

பத்தாம் வகுப்பு பொதுத் தேர்வின் ஆங்கிலம் முதல் தாள் தேர்வு ஏப்ரல் 1ஆம் தேதி நடைபெற்றது. அந்தத் தேர்வில் சத்தியமங்கலம் அரசு மேல் நிலைப் பள்ளியில் தேர்வெழுதிய 221 மாணவர்களின் விடைத்தாள் கட்டுகள் சத்தியமங்கலம் அஞ்சல் நிலையத்திலிருந்து எடுத்துச் செல்லும்போது காணாமல் போனது.

இந்த நிலையில் மறுதேர்வு நடத்துவதால் மாணவர்களுக்கு மிகுந்த மன உளைச்சல் ஏற்படும் என்பதால் அவர்களின் நலன் பாதிக்காத வகையில் விடைத்தாள்கள் காணாமல் போன 221 மாணவர்களுக்கும் அவர்கள் ஆங்கிலம் இரண்டாம் தாளில் பெறும் மதிப்பெண்களேயே ஆங்கிலம் முதல் தாளுக்கும் வழங்கி தேர்ச்சிக்கு எடுத்துக் கொள்ளப்படும்.

ஆங்கிலம் இரண்டாம் தாளில் தோல்வி அடைந்திருந்தால் அவர்களுக்கு ஆங்கிலப் பாடத்தில் குறைந்தபட்ச தேர்ச்சி சதவீதம் அளித்து அதில் தேர்ச்சி அடைந்ததாக அறிவிக்கப்படும் என்று  தெரிவிக்கப்பட்டுள்ளது.

Monday, April 8, 2013

தமிழகத்தில் நடப்பு கல்வியாண்டில் 12 கலை மற்றும் அறிவியல் கல்லூரிகள் தொடங்கப்படும் என முதலமைச்சர் ஜெயலலிதா அறிவித்துள்ளார்.

தமிழகத்தில் நடப்பு கல்வியாண்டில் 12 கலை மற்றும் அறிவியல் கல்லூரிகள் தொடங்கப்படும் என முதலமைச்சர் ஜெயலலிதா அறிவித்துள்ளார். சட்டப் பேரவையில் விதியெண் 110யின் கீழ், அறிக்கை ஒன்றை வாசித்தபோது, அவர் இதனை தெரிவித்தார்.

2013-2014 ஆம் கல்வி ஆண்டில் இருந்தது புதிதாக 8 கலை மற்றும் அறிவியல் கல்லூரிகள் தொடங்கப்படும் என ஏற்கனவே அறிவிக்கப்பட்டதை சுட்டிக் காட்டிய ஜெயலலிதா, அதோடு சேர்த்து மேலும் 4 கல்லூரிகள் தொடங்கப்படும் என இன்று அறிவித்தார்.

சிவகாசி, கோவில்பட்டி, கடலாடி, முதுகுளத்தூர், திருவாடானை, கரம்பக்குடி, ஓசூர், குமாரபாளையம், காங்கேயம், உத்திரமேரூர், பேராவூரணி ஆகிய 11 இடங்களில் அரசு கலை மற்றும் அறிவியல் கல்லூரிகள் திறக்கப்படும் என்று தெரிவித்தார்.

தருமபுரி மாவட்டத்தில் உள்ள காரிமங்கலத்தில் அரசு மகளிர் கலை மற்றும் அறிவியல் கல்லூரியும் தொடங்கப்படும் என ஜெயலலிதா கூறினார்.

தமிழகத்தின் மையப் பகுதியாக விளங்கும் திருச்சி மாவட்டத்தில் அரசு பொறியியல் கல்லூரி இல்லாததைக் கருத்தில் கொண்டு, ஸ்ரீரங்கத்தில் அரசு பொறியியல் கல்லூரி இந்த ஆண்டு முதல் தொடங்கப்படும் என்றும் ஜெயலலிதா அறிவித்தார்.

முதுகலை தாவரவியல் ஆசிரியர்களுக்கான போட்டித்தேர்வு முடிவுகள் ஆசிரியர் தேர்வு வாரிய தகவல் பலகையில் வெளியிடப்பட்டுள்ளன.

முதுகலை தாவரவியல் ஆசிரியர்களுக்கான போட்டித்தேர்வு முடிவுகள் ஆசிரியர் தேர்வு வாரிய தகவல் பலகையில் வெளியிடப்பட்டுள்ளன.

Sunday, April 7, 2013

2013-2014 கல்வி ஆண்டில் அண்ணா பல்கலைக் கழக பொறியியல் படிப்புகளில் சேர்வதற்கான விண்ணப்பங்கள், இம்மாதம், 22ம் தேதியில் இருந்து வழங்கப்பட உள்ளன.

2013-2014 கல்வி ஆண்டில் அண்ணா பல்கலைக் கழக பொறியியல் படிப்புகளில் சேர்வதற்கான விண்ணப்பங்கள், இம்மாதம், 22ம் தேதியில் இருந்து வழங்கப்பட உள்ளன. இதற்காக, 2.5 லட்சம் விண்ணப்பங்கள் அச்சடிக்கப்பட்டுள்ளன.

பிளஸ் 2 விடைத்தாள்கள் திருத்தும் பணி, மும்முரமாக நடந்து வருகின்றன. 8.5 லட்சம் மாணவ, மாணவியர் பங்கேற்றுள்ள இந்த தேர்வின் முடிவுகள், மே இரண்டாவது வாரத்தில் வெளியாகும் என, எதிர்பார்க்கப்படுகிறது. வழக்கமாக, மே 10ம் தேதி முதல், 15ம் தேதிக்குள் வெளியிடப்படுகின்றன. கடந்த ஆண்டு மட்டும், வழக்கத்திற்கு மாறாக, மே 22ம் தேதி வெளியிடப்பட்டன. பள்ளிகள் திறப்பதில் கால தாமதம் ஏற்பட்டதன் காரணமாக, எல்லாமே தள்ளிப்போயின.

இந்த ஆண்டு அதுபோல் நடக்காது என, தேர்வுத்துறை வட்டாரங்கள் தெரிவிக்கின்றன. எனவே, மே 15ம் தேதிக்குள், தேர்வு முடிவை வெளியிட்டுவிடுவோம் என, துறை அதிகாரிகள் கூறுகின்றனர். அகில இந்திய தொழில்நுட்ப கல்விக்குழு (ஏ.ஐ.சி.டி.இ.,), நாடு முழுவதும், ஆகஸ்ட் 1ம் தேதி, பொறியியல் வகுப்புகள் துவங்க வேண்டும் என, தெரிவித்துள்ளது. ஆனால், தமிழகத்தில், செப்டம்பர் முதல் தேதி தான், வகுப்புகள் துவங்குகின்றன. ஜூலை இறுதி வரை, கலந்தாய்வு நடப்பது தான், இதற்கு காரணம். ஏ.ஐ.சி.டி.இ., வழிகாட்டுதலின்படி, இந்த ஆண்டு, ஆகஸ்ட் 1ம் தேதியில், முதலாம் ஆண்டு வகுப்புகள் துவங்கும் வகையில், அனைத்து நடவடிக்கைகளும், முன்கூட்டி-யே எடுக்கப்பட உள்ளன.

2.5 லட்சம் விண்ணப்பங்கள் : கடந்த ஆண்டு, 2 லட்சத்து 28 ஆயிரத்து 964 விண்ணப்பங்கள், விற்பனை ஆகின. இந்த ஆண்டு, கூடுதலாக, 20 ஆயிரம் விண்ணப்பங்கள் வரை, தேவைப்படலாம் என, அண்ணா பல்கலை எதிர்பார்க்கிறது. எனவே, 2.5 லட்சம் விண்ணப்பங்களை அச்சிடப்பட்டுள்ளன.

அண்ணா பல்கலை வட்டாரம் கூறியதாவது: இம்மாதம், 22ம் தேதி முதல், விண்ணப்பங்களை வழங்க திட்டமிட்டுள்ளோம். இந்த ஆண்டு, பிளஸ் 2 தேர்வு முடிவு, ஒருசில நாட்கள், முன்னதாகவே வரும் என, எதிர்பார்க்கப்படுகிறது. அதனால், கால அவகாசம் கிடையாது. 22ம் தேதி முதல், மே 15 வரை வழங்கலாம் என, திட்டமிட்டுள்ளோம். எனினும், இந்த கால அட்டவணை, ஒரு சில நாட்கள் முன்னதாகவோ, சில நாட்கள் தள்ளிப்போகவோ நேரிடலாம். மாணவர்கள், விண்ணப்பங்கள் மூலமாகவும், "ஆன்-லைன்' மூலமாகவும் விண்ணப்பிக்கலாம். இவ்வாறு, பல்கலை வட்டாரங்கள் தெரிவித்தன.

இரண்டு லட்சம் இடங்கள் : கடந்த ஆண்டு, கலந்தாய்வு துவங்கிய நேரத்தில், 1.73 லட்சம் இடங்கள், கலந்தாய்வு ஒதுக்கீட்டில் இருந்தன. பின், 30க்கும் மேற்பட்ட புதிய கல்லூரிகளுக்கு, ஏ.ஐ.சி.டி.இ., அனுமதி கொடுத்ததன் காரணமாக, கலந்தாய்வு இடங்கள், மேலும் சிறிது அதிகரித்தன. எனினும், 1 லட்சத்து 20 ஆயிரம் இடங்கள் மட்டுமே நிரம்பின. 50 ஆயிரத்திற்கும் மேற்பட்ட இடங்கள் நிரம்பவில்லை.

இந்த ஆண்டு, 2 லட்சம் இடங்கள், கலந்தாய்வு மூலம் நிரப்ப கிடைக்கும் என, பல்கலை வட்டாரங்கள் தெரிவித்தன. வழக்கம்போல், இந்த ஆண்டும், 50 ஆயிரம் இடங்கள் வரை, காலி ஏற்படலாம் என, எதிர்பார்க்கப்படுகிறது. கலந்தாய்வு துவங்கியதும், முதலில், அண்ணா பல்கலையின் கீழ் இயங்கும், கிண்டி பொறியியல் கல்லூரி மற்றும் பல்கலையின் உறுப்பு கல்லூரிகளில் உள்ள இடங்கள் மள, மள என, நிரம்பி விடுகின்றன.

அதன்பின், சென்னையைச் சுற்றியுள்ள முன்னணி கல்லூரிகளைத் தான், மாணவர்கள் தேர்வு செய்கின்றனர். மாநிலத்தின் கடைகோடிகளில் உள்ள கல்லூரிகள், போதிய உள் கட்டமைப்பு வசதிகள் மற்றும் வேலைவாய்ப்பு வசதிகள் இல்லாத கல்லூரிகளை, மாணவர்கள், சீண்டுவதில்லை. இந்த ஆண்டு, கணித தேர்வு, கடினமாக இருந்ததாக மாணவர்கள் தெரிவித்தனர். இதனால், "சென்டம்' சரியவும் வாய்ப்பு இருப்பதாக, ஆசிரியர்கள் தெரிவித்துள்ளதால், "கட்-ஆப்' மதிப்பெண்களும், குறைய வாய்ப்புள்ளதாக எதிர்பார்க்கப்படுகிறது.

Saturday, April 6, 2013

விழுப்புரம் மாவட்டம் செஞ்சி, சத்தியமங்கலம் தேர்வு மையத்தின் காணாமல் போன 10ம் வகுப்பு ஆங்கிலம் இரண்டாம் தாளுக்கு முழுமதிப்பெண் வழங்குவதற்கு பதில், அந்த 221 மாணவர்களுக்கு மறுதேர்வு நடத்தும் திட்டம் அரசின் பரிசீலனையில் உள்ளது என்று பள்ளிக்கல்வி அமைச்சர் வைகைச்செல்வன் கூறியுள்ளார்.

பேரவையில் நேற்று கேள்வி நேரம் முடிந்ததும், 10ம் வகுப்பு பொதுத்தேர்வில் வினாத்தாள் குளறுபடி, தேர்வுக்கு முன் வினாத்தாள் வெளியீடு மற்றும் விடைத்தாள்கள் கொண்டு சென்றபோது காணாமல் போனதாக ஏற்பட்டுள்ள நிலை குறித்து கவன ஈர்ப்பு தீர்மானம் கொண்டு வரப்பட்டது. தீர்மானத்தின் மீது பாலகிருருஷ்ணன் (மார்க்சிஸ்ட்), கிருஷ்ணசாமி (புதிய தமிழகம்), பிரின்ஸ் (காங்கிரஸ்), ஜவஹருல்லா (மனிதநேய மக்கள் கட்சி), குணசேகரன் (இந்திய கம்யூனிஸ்ட்) ஆகியோர் பேசினர். பாதிக்கப்பட்ட மாணவர்களுக்கு முழு மதிப்பெண் வழங்க வேண்டும் என்று அவர்கள் வலியுறுத்தி பேசினர்.

இதற்கு பதில் அளித்து பள்ளி கல்வி அமைச்சர் வைகைச்செல்வன் பேசியதாவது:

10ம் வகுப்பு பொதுத்தேர்வு கடந்த 27ம் தேதி முதல் துவங்கி நடைபெறுகிறது. இந்த தேர்வில் 11,39,734 மாணவர்கள் 3,024 தேர்வு மையங்களில் தேர்வு எழுதி வருகின்றனர். கடந்த 28ம் தேதி தமிழ் 2ம் தாள் வினாத்தாளில் இடம்பெற்ற 38வது வினாவிற்கு வங்கியில் பணம் செலுத்தும் படிவம் இணைக்கப்படாமல் வழங்கப்பட்டு விட்டது. அதேபோன்று கடந்த 2ம் தேதி நடைபெற்ற ஆங்கிலம் 2ம் தாள் பிரிவு 1ல் வினா எண் 3ல் Lunel என்று பதியப்பட வேண்டிய இடத்தில் Lunch என தவறாக பதியப்பட்டது. தற்போது நடைபெற்று வரும் 10ம் வகுப்பு தேர்வில் இந்த இரண்டு தவறுகள் தான் நடந்துள்ளது.
தமிழ் 2ம் தாள் 38வது வினாவிற்கு மாணவர்கள் பதில் எழுத முயற்சி செய்திருந்தாலே 5 முழுமதிப்பெண்கள் வழங்கப்படும். ஆங்கிலம் 2ம் தாளில் பிரிவு 1ல் வினா எண் 3க்கு விடை தவறுதலாக எழுதியிருந்தாலும் ஒரு மதிப்பெண் வழங்கப்படும். பிளஸ் 2 மற்றும் 10ம் வகுப்பு பொதுத்தேர்வில் வினாத்தாள் எதுவும் தேர்வுக்கு முன்பாக வெளிவரவில்லை.

அஞ்சல் அலுவலகத்தில் ஒப்படைக்கப்பட்ட கடலூர் மாவட்டத்தை சேர்ந்த 10ம் வகுப்பு தமிழ் 2ம் தாள் விடைத்தாள் 82 கட்டுகள் பட்டுக்கோட்டை விடை திருத்தும் மையத்திற்கு எடுத்துச் செல்வதற்காக ரயில்வே தபால் சேவை பிரிவை (ஆர்எம்எஸ்) சேர்ந்த அஞ்சல் துறை ஊழியர்களால் மலைக்கோட்டை ரயிலில் 29ம் தேதி அதிகாலை 2.45 மணிக்கு ஏற்றப்பட்டது.இந்நிலையில் 29ம் தேதி அதிகாலை 4.30 மணி அளவில் விருத்தாசலம் ரயில் நிலையத்தில் இருந்து சுமார் 300 மீட்டர் தொலைவில் எறியப்பட்டு இருந்த விடைத்தாள் கட்டினை ரயில்வே ஊழியர் ஒருவர் பார்த்து, அந்த கட்டினை உயர் அதிகாரிகளிடம் ஒப்படைத்தார். இந்த தகவல் ஆட்சி தலைவருக்கோ, பள்ளி கல்வி துறைக்கோ தெரிவிக்கப்படவில்லை. மதியம் ஊடகங்களின் வாயிலாக விவரம் அறிந்து, கடலூர் மாவட்ட முதன்மை கல்வி அலுவலர் மற்றும் விருத்தாசலம் வருவாய் கோட்டாட்சியர் நேரடியாக சென்று விசாரணை நடத்தினர். விசாரணையில், மலைக்கோட்டை எக்ஸ்பிரஸ் ரயில் திருப்பதில் திரும்பும்போது இரண்டு கட்டுகளும் விழுந்திருக்கலாம் என்று தெரியவந்துள்ளது. இந்த சம்பத்திற்கு காரணமாக 4 அஞ்சல் துறை அலுவலர்கள் தற்காலிக பணி நீக்கம் செய்யப்பட்டுள்ளனர்.இந்த 82 கட்டுகளில் 357 விடைத்தாள்கள் இருந்தது. இதில் 240 விடைத்தாள்களுக்கு எவ்வித சேதமும் இல்லை. 54 விடைத்தாள்கள் சிறிய அளவிலும், 63 விடைத்தாள்கள் முற்றிலும் சேதமடைந்த நிலையில் உள்ளன. அதனால் முற்றிலும் சேதமடைந்த 63 தமிழ் 2ம் தாள் விடைத்தாள்களுக்கும் தமிழ் முதல் தாளில் பெறப்படும் மதிப்பெண்கள் வழங்கப்படும். தேர்ச்சிக்குரிய மதிப்பெண் இல்லாத விடைத்தாள்களுக்கு குறைந்த அளவு தேர்ச்சிக்குரிய மதிப்பெண்கள் அளிக்கப்படும்.

அதேபோன்று, கடந்த 1ம் தேதி சத்தியமங்கலம் அரசு மேல்நிலைப்பள்ளி தேர்வு மையத்தில் 10ம் வகுப்பு ஆங்கிலம் முதல் தாள் பொதுத்தேர்வு முடிந்தது. அங்கு தேர்வு எழுதிய சத்தியமங்கலம் பள்ளியின் 176 மாணவர்களின் விடைத்தாள், மேல்பாப்பாம்பாடி பள்ளி மாணவர்களின் 25 விடைத்தாள் என 201 மாணவர்களின் விடைத்தாள் ஒரு பண்டலும், மற்றொரு பள்ளியான ராஜா தேசிங்கு பள்ளி மாணவர்களின் 20 விடைத்தாள் ஒரு பண்டலும் செஞ்சி வட்டம் சத்தியமங்கலம் அஞ்சல் அலுவலகத்தில் வழங்கப்பட்டது. அங்கிருந்து தனியார் பஸ் மூலம் திண்டிவனம் தலைமை அஞ்சலகத்திற்கு 1ம் தேதி பிற்பகல் அனுப்பப்பட்டது.விசாரணையில், இரண்டு பண்டல்களையும் எடுத்துச் சென்ற அஞ்சல் துறை அலுவலர் பணியில் இருந்தபோது மது அருந்தி போதையில் இருந்துள்ளார். குடிபோதையில் இரண்டு பண்டல்களையும் தவறவிட்டிருக்கலாம் என்று விசாரணையில் தெரியவந்துள்ளது. அஞ்சல் துறையின் மெத்தன போக்கே நடந்த இரண்டு சம்பவங்களுக்கும் காரணம் என்று கண்டறியப்பட்டு சம்பந்தப்பட்ட அலுவலர்கள் வேலையில் இருந்து பணி நீக்கம் செய்யப்பட்டுள்ளனர்.விழுப்புரத்தில் காணா மல் போன 221 ஆங்கில இரண்டாம் தாளுக்கு முழு மதிப்பெண் வழங்க வேண்டும் என்று இங்கே கேட்டார்கள். இதற்கு பதில் அந்த மாணவர்களுக்கு மறுதேர்வு நடத்தும் திட்டம் அரசின் பரிசீலனையில் உள்ளது. இங்கே உறுப்பினர் குணசேகரன் பேசும்போது கேள்விக்கு விடை எழுத முயற்சிக்காதவர்களுக்கும் மதிப்பெண் வழங்க வேண்டும் என்றார். தேர்தலில் நிற்பவர்களுக்குத்தான் வாக்களிக்க முடியும். நிற்காதவர்களுக்கு வாக்களிக்க முடியாது.இவ்வாறு வைகைச்செல்வன் கூறினார்.

Thursday, April 4, 2013

தேசிய திறனாய்வு தேர்வு முடிவு வெளியீடு

கடந்த ஆண்டு நவம்பர் 18ல் மாநில அளவிலான தேசிய திறனறி தேர்வை அரசுத் தேர்வுகள் துறை நடத்தியது. இந்த தேர்வு முடிவுகள் அரசு தேர்வுகள் துறையின் http://www.dge.tn.gov.in/ இணைய தளத்தில் வெளியிடப்பட்டுள்ளது. தேசிய திறனறி தேர்வு எழுதிய மாணவர்கள் மேற்கண்ட இணை தளத்தில் தேர்வு முடிவை தெரிந்து கொள்ளலாம்.

Wednesday, April 3, 2013

செஞ்சி, சத்தியமங்கலத்தில் எஸ்.எஸ்.எல்.சி. தேர்வு எழுதிய 221 மாணவர்களின் விடைத்தாள்கள் மாயமாகியுள்ளது.

செஞ்சி அருகே எஸ்.எஸ்.எல்.சி. தேர்வு எழுதிய 221 மாணவர்களின் விடைத்தாள்கள் மாயமாகியுள்ளது.

தமிழகம் முழுவதும் எஸ்.எஸ்.எல்.சி. பொதுத்தேர்வு கடந்த மார்ச் மாதம் 27–ந் தேதி தொடங்கியது. இந்த தேர்வை விழுப்புரம் மாவட்டம் திண்டிவனம் கல்வி மாவட்டத்தில் 10 ஆயிரத்து 861 மாணவர்கள், 10 ஆயிரத்து 212 மாணவிகள் என மொத்தம் 21 ஆயிரத்து 73 பேர் தேர்வு எழுதி வருகின்றனர். இதற்காக ஏற்பாடு செய்யப்பட்டுள்ள 61 தேர்வு மையங்களில் தேர்வுகள் நடைபெற்று வருகிறது. தேர்வு முடிந்தவுடன் அன்று மதியமே அந்தந்த தேர்வு மையங்களில் மாணவர்கள் எழுதிய விடைத்தாள்களை கட்டி சீல் வைத்து பாதுகாப்பாக அருகில் உள்ள தபால்நிலையங்களில் ஒப்படைக்கப்படும். அந்த பார்சலை பெற்றுக்கொண்டபிறகு தபால் ஊழியர்கள் அங்கிருந்து பஸ் அல்லது பிற வாகனங்களில் திண்டிவனம் ரெயில்வே நிலையத்திற்கு கொண்டு வந்து, அங்குள்ள ரெயில்வழி அஞ்சல் பணி அலுவலகத்தில் ஒப்படைப்பார்கள். பின்னர் அங்கிருந்து ரெயில் மூலமாக விடைத்தாள் திருத்தப்படும் மையங்களுக்கு அனுப்பி வைக்கப்படுவது வழக்கம்.

அதன்படி செஞ்சி தாலுகாவில் இருந்து கடந்த 27–ந் தேதி முதல் 28 பார்சல்களில் விடைத்தாள்கள் கட்டப்பட்டு கொண்டுவரப்பட்டது. இந்த நிலையில் நேற்று முன்தினம் இரவு 7.30 மணிக்கு திண்டிவனம் ரெயில்வழி அஞ்சல் பணி அலுவலகத்திற்கு வந்திருந்த பார்சல்களை அலுவலக ஊழியர் ரபிக்அகமது கணக்கிட்டார். அதில் 26 பார்சல்கள் மட்டுமே இருந்தது. மீதமுள்ள 2 பார்சல்களை காணவில்லை. உடனே இது குறித்து தலைமை ஊழியர் அனந்தராஜாத்திக்கு தகவல் கொடுத்தார். அலுவலகத்தில் வேறு பார்சல்கள் இருக்கிறதா? என பார்வையிட்டனர். ஆனால் அங்கு இல்லை.

2 விடைத்தாள் பார்சல்கள் இல்லாதது குறித்து கல்வித்துறை அதிகாரி மற்றும் சம்மந்ததப்பட்ட அதிகாரிகளுக்கு தகவல் கொடுக்கப்பட்டது. இது குறித்த தகவலின் பேரில் விழுப்புரம் மாவட்ட முதன்மை கல்வி அதிகாரி முனுசாமி, திண்டிவனம் துணைபோலீஸ் சூப்பிரண்டு குப்புசாமி, இன்ஸ்பெக்டர் சுதாகர், திண்டிவனம் கல்வி மாவட்ட அலுவலர் மணி ஆகியோர் திண்டிவனம் ரெயில்வழி அஞ்சல் பணி அலுவலகத்திற்கு சென்று விசாரணை நடத்தினர்.விசாரணையில் செஞ்சி அருகே சத்தியமங்கலம் தபால் நிலையத்தில் இருந்து வரக்கூடிய விடைத்தாள் பார்சல்கள் 2 வரவில்லை என்பது தெரியவந்தது. உடனே சத்தியமங்கலம் தபால் நிலையத்தில் ஊழியராக பணியாற்றி வரும் சவுந்திரராஜனை அழைத்து விசாரணை நடத்தினார்கள்.

அதிகாரிகள் விசாரணையில் சவுந்திரராஜன் கூறியதாவது:–

முன்னாள் ராணுவ வீரரான நான் கடந்த 30 ஆண்டுகளாக சத்தியமங்கலம் தபால்நிலையத்தில் ஊழியராக பணியாற்றி வருகிறேன். தற்போது எஸ்.எஸ்.எல்.சி. பொதுத்தேர்வு நடந்து வருவதால் பள்ளிகளில் இருந்து விடைத்தாள் பார்சலை கட்டி தபால்நிலையத்தில் கொடுப்பார்கள். நான் அதை எடுத்துக்கொண்டு திண்டிவனம் ரெயில்வழி அஞ்சல் பணி அலுவலகத்திற்கு (ஆர்.எம்.எஸ்)கொண்டுவந்து கொடுப்பேன். வழக்கம்போல நேற்று(அதாவது நேற்று முன்தினம் திங்கட்கிழமை) நடந்த ஆங்கிலம் முதல் தாள் விடைத்தாள் இருந்த 2 பார்சல்களை எடுத்துக்கொண்டு சத்தியமங்கலத்தில் இருந்து புறப்பட்ட அரசு பஸ்சில் ஏறி மாலை 5.30 மணிக்கு செஞ்சி பஸ் நிலையத்திற்கு வந்தேன். பின்னர் அந்த 2 பார்சல்களை பஸ் நிலையத்தில் உள்ள ஒரு பூக்கடையில் வைத்துவிட்டு மது குடிப்பதற்காக டாஸ்மாக் கடைக்கு சென்றேன்.

பின்னர் மாலை 6.30 மணிக்கு திண்டிவனம் செல்லக்கூடிய தனியார் பஸ்சில் ஏறினேன். அதே பஸ்சில் ஆலம்பூண்டி தபால் ஊழியர் வெங்கடேசன், நல்லான் பிள்ளை பெற்றான் தபால் ஊழியர் ஏழுமலை, செஞ்சியில் இருந்து சம்பத் ஆகியோரும் விடைத்தாள் பார்சலுடன் ஏறினார்கள். எல்லோரும் ஒரே இடத்தில்தான் பார்சல்களை வைத்தோம்.

பின்னர் அந்த பஸ் திண்டிவனம் காவேரிப்பாக்கத்திற்கு இரவு 7.15 மணிக்கு வந்தது. அதில் இருந்து பார்சல்களை இறக்கினோம். ரெயில் நிலையத்தில் இருந்து ட்ராலியை எடுத்துவந்து எல்லா பார்சல்களையும் ஏற்றி, ரெயில்வழி அஞ்சல் பணி அலுவலகத்திற்கு கொண்டு வந்தோம். ஆனால் நான் கொண்டு வந்த பார்சலை மட்டும் காணவில்லை.இவ்வாறு அவர் கூறினார்.

முதன்மை கல்வி அதிகாரி முனுசாமி கூறுகையில்,சவுந்திரராஜன் கொண்டு வந்த பார்சலில் சத்தியமங்கலம் அரசு மேல்நிலைப்பள்ளியில் தேர்வு எழுதிய 176 மாணவர்களின் விடைத்தாள் ஒரு பார்சலிலும், சத்தியமங்கலம் ராஜாதேசிங்கு வித்யாலயா மெட்ரிக் பள்ளியில் தேர்வு எழுதிய 20 மாணவர்களின் விடைத்தாளும், மேல்பாப்பாம்பாடி பள்ளியில் தேர்வு எழுதிய 25 மாணவர்களின் விடைத்தாள் இவை 2–ம் சேர்ந்து ஒரு பார்சலிலும் இருந்தது. மொத்தம் 2 பார்சல்களிலும் 221 விடைத்தாள் இருந்தது என்றார்.அதிகாரிகள் விசாரணைக்கு சவுந்திரராஜன் முழுமையான பதிலை தெரிவிக்கவில்லை. முன்னுக்கு பின்முரணான தகவலை தெரிவித்தார். இதனை தொடர்ந்து சவுந்திரராஜனை போலீசார் செஞ்சி சுற்றுலா பயணியர் விடுதிக்கு அழைத்து சென்றனர்.

இதற்கிடையில் விழுப்புரம் மாவட்ட கலெக்டர் சம்பத் சத்தியமங்கலம் அரசு மேல்நிலைப்பள்ளிக்கு நெரில் சென்று, பள்ளி தலைமை ஆசிரியர் பரந்தாமனிடம் விசாரணை மேற்கொண்டார். விசாரணையில், எங்களது பள்ளியில் இருந்து விடைத்தாளை பார்சலில் கட்டி மதியம் 2.45 மணிக்கு தபால்நிலையத்தில் கொடுத்தோம் என கூறி அதற்கான ரசீதையும் காண்பித்தார். பின்னர் தபால் நிலையத்திற்கு சென்ற கலெக்டர் சம்பத், விடைத்தாள் பார்சல்கள் எத்தனை மணிக்கு வந்தது? அதை இங்கிருந்து எத்தனை மணிக்கு ஊழியரிடம் கொடுத்து அனுப்பினீர்கள்? என்ற ரசீது நகலை பெற்றுக்கொண்டார்.

பின்னர் செஞ்சி சுற்றுலா பயணியர் விடுதிக்கு சென்ற கலெக்டர் சம்பத் மற்றும் போலீஸ் சூப்பிரண்டு மனோகர் ஆகியோர் அங்கிருந்த தபால் ஊழியர் சவுந்திரராஜனிடம் விசாரணை மேற்கொண்டனர்.

சத்தியமங்கலத்தில் இருந்து செஞ்சிக்கு வந்த சவுந்திரராஜன் டாஸ்மாக்கிற்கு சென்றுள்ளார். அங்கு மதுஅருந்துவிட்டு தனியார் பஸ்சில் ஏறும்போது பார்சலை வைத்திருந்தாரா? அல்லது பஸ்சில் பார்சலை ஏற்றிவிட்டு திண்டிவனத்தில் இறக்காமல், அவர் மட்டும் இறங்கினாரா? என்பது குறித்து அவரிடம் கேட்டபோது, அவரால் சரியான தகவலை தெரிவிக்க முடியவில்லை. குடிபோதையில் இருந்தபோது என்ன நடந்தது என்றே அவருக்கு தெரியாததால் எதுவும் சொல்லாமல் மவுனமாக இருந்தார். இதுபோன்ற ஊழியர்களால் 221 மாணவர்களின் எதிர்காலம் கேள்விக் குறியாகியுள்ளது.


மத்திய அரசு தேர்வாணையம் நடத்தும் சிவில் சர்விஸ் (பிரிமிலினரி தேர்வு) ஆன்லைன் வழியாக விண்ணப்பிக்க ஏப்ரல் 4 கடைசி நாளாக அறிவிக்கப்பட்டுள்ளது.

மத்திய அரசு தேர்வாணையம் நடத்தும் சிவில் சர்விஸ் (பிரிமிலினரி தேர்வு) ஆன்லைன் வழியாக விண்ணப்பிக்க ஏப்ரல் 4 கடைசி நாளாக அறிவிக்கப்பட்டுள்ளது. பல்வேறு அரசு பணியிடங்களை நிரப்புவதற்காக யுபிஎஸ்சி சிவில் தேர்வு நடத்தப்படுகிறது. இத்தேர்வு மே 26ம் தேதி நடைபெறுகிறது. இத்தேர்வுக்கு விண்ணப்பிப்பவர் 21 முதல் 30 வயதுக்குள் இருக்க வேண்டும். அங்கீகாரம் பெற்ற பல்கலைக்கழகத்தில் இளநிலை பொறியியல் பட்டம் பெற்றிருக்க வேண்டும். இறுதியாண்டு தேர்வெழுதிய மாணவர்களும் விண்ணப்பிக்க தகுதியானவர்கள். விண்ணப்ப படிவங்களை www.upsonlune.nic.in என்ற இணையதளத்தை பார்க்கலாம். அகர்தலா, அகமதாபாத், அலகாபாத், பெங்களூர், போபால், சன்டிகர், சென்னை, டெல்லி, ஹைதராபாத், மும்பை, லக்னோ, கோல்கத்தா, ராய்பூர், ஷில்லாங், ஷிம்லா உள்ளிட்ட இடங்களில் தேர்வு நடைபெறுகிறது. ஏப்ரல் 4ம் தேதி ஆன்லைனில் விண்ணப்பிக்க கடைசி நாளாகும். மே 26ம் தேதி தேர்வு நடைபெற உள்ளது. மேலும விரிவான தகவல்களுக்கு www.upsc.gov.in என்ற இணையதளத்தை அணுகலாம்.

ஒரே நேரத்தில் இரண்டு வெவ்வேறு பட்டங்களைப் படித்த பெண்ணுக்கு முதுகலை ஆசிரியர் பணி வழங்க மறுத்தது சரி தான் என சென்னை ஐகோர்ட் உத்தரவிட்டுள்ளது.

ஒரே நேரத்தில், இரண்டு வெவ்வேறு பட்டங்களைப் படித்த பெண்ணுக்கு, முதுகலை ஆசிரியர் பணி வழங்க மறுத்தது சரி தான்' என, சென்னை ஐகோர்ட் உத்தரவிட்டுள்ளது.முதுநிலை ஆசிரியை (ஆங்கிலம்) பணிக்கு, ஜெகதீஸ்வரி என்பவர் விண்ணப்பித்து இருந்தார். இவர், 2001ம் ஆண்டு, பி.எஸ்சி., (இயற்பியல்), 2003ம் ஆண்டு எம்.ஏ., (ஆங்கிலம்), 2009-10ம் ஆண்டில், பி.எட்., படிப்பு, 2011ம் ஆண்டில், அண்ணாமலை பல்கலைக்கழகத்தின் தொலைதூர கல்வியில் பி.ஏ., (ஆங்கிலம்) படித்தார்.பி.எட்., படிக்கும் போது, பி.ஏ., ஆங்கிலப் படிப்பும் படித்து, இரண்டு பட்டங்களை பெற்றுள்ளார். எனவே, ஒரே நேரத்தில் இரண்டு பட்டங்களை பெற்றதால், சென்னை பல்கலைக்கு, இந்தப் பிரச்சனையை, ஆசிரியர் தேர்வு வாரியம் அனுப்பியது. ஒரே ஆண்டில், பி.எட்., மற்றும் பி.ஏ., பட்டப்படிப்பு பெற்றிருந்தால், அதற்கு பல்கலையின் அங்கீகாரம் இல்லை என, தெரிவிக்கப்பட்டது.இதையடுத்து, "முதுநிலை ஆசிரியை பணிக்கு, ஜெகதீஸ்வரிக்கு தகுதியில்லை' என, ஆசிரியர் தேர்வு வாரியம் தெரிவித்தது. 

இந்த உத்தரவை எதிர்த்து, சென்னை ஐகோர்ட்டில், ஜெகதீஸ்வரி மனுத் தாக்கல் செய்தார். முதுநிலை ஆசிரியர் பணிக்கு தன்னைத் தேர்ந்தெடுத்து, நியமிக்க வேண்டும் என, கோரியிருந்தார்.இந்த மனுவை, நீதிபதி ராமசுப்ரமணியன் விசாரித்தார். ஆசிரியர் தேர்வு வாரியம் சார்பில், கூடுதல் அரசு பிளீடர் பி.எஸ்.சிவசண்முகசுந்தரம் ஆஜரானார். மனுவை விசாரித்த, நீதிபதி ராமசுப்ரமணியன் பிறப்பித்த உத்தரவு:வெவ்வேறு பணியிடங்களுக்கு, குறிப்பிட்ட தகுதி, தரத்தை நிர்ணயிக்க, பணி வழங்குபவருக்கு உரிமை உள்ளது. பல்கலைக்கழகங்கள், வெவ்வேறு விதமான படிப்புகளை, ஓட்டல்களில் வழங்கப்படும் "பப்பே' உணவு வகைகள் போல் வழங்குகிறது. இத்தகைய படிப்புகளுக்கு, பல்கலைக்கழகங்கள் அங்கீகாரம் வழங்குகிறது. வரிசைப்படி தான் பட்டம் பெற்றிருக்க வேண்டும் என்ற அவசியம் இல்லை.மதிய உணவின் போதோ, டின்னரின் போதோ, சில ஒழுங்குமுறைகள் கடைபிடிக்கப்படுகின்றன. உணவிற்கு முன், ஆரம்பமாக "ஜூஸ்' அல்லது "சூப்' சாப்பிடுகிறோம். பின், உணவு வகைகளை சாப்பிட்டுவிட்டு, இறுதியில் பழங்கள் சாப்பிடுகிறோம். உணவு முறையில் பின்பற்றப்படும் நடைமுறைகளை, யாரும் கடைசியில் துவங்கி, முன் நோக்கி செல்வதில்லை.கல்வி துறையில், ஒருவர் விரும்பும் எந்தத் துறையிலும், வெவ்வேறு வகையான படிப்புகளை, அவர் விரும்பும் வரிசையில் படிக்க, பல்கலைக்கழகங்கள் அனுமதிக்கிறது. ஒரே நேரத்தில், 2 குதிரைகளில் சவாரி செய்ய அனுமதிக்கிறது. இதனால், கல்வியின் தரம் தான் பாதிக்கப்படுகிறது. இத்தகைய ஆசிரியர்களை நியமிக்க மாட்டோம் என, ஆசிரியர் தேர்வு வாரியம் எடுத்த முடிவை, அரசும் ஏற்றுக் கொண்டுள்ளது.ஒரு முடிவு தன்னிச்சையாக இருந்தாலோ, சட்ட விரோதமாக இருந்தாலோ, அரசியல் அமைப்பு உரிமையை மீறியதாக இருந்தாலோ ஒழிய, மனுதாரர் கோரியபடி, உத்தரவு பிறப்பிக்க முடியாது.எனவே, "ஒரே நேரத்தில் வெவ்வேறு பட்டப்படிப்புகளை படித்தவர்களின், விண்ணப்பங்களை ஏற்கக் கூடாது' என, ஆசிரியர் தேர்வு வாரியம் எடுத்த நிலைப்பாடு சரியானது தான். அதில், குறுக்கிட வேண்டிய அவசியம் இல்லை. மனு, தள்ளுபடி செய்யப்படுகிறது.இவ்வாறு, நீதிபதி ராமசுப்ரமணியன் உத்தரவிட்டுள்ளார்.

டி.என்.பி.எஸ்.சி., குரூப் 4 ல் தேர்வானவர்கள் மற்ற துறைகளைவிட, கல்வித்துறை அலுவலக பணியில் சேர ஆர்வம்

டி.என்.பி.எஸ்.சி., குரூப் 4 ல் தேர்வானவர்கள் மற்ற துறைகளைவிட, கல்வித்துறை அலுவலக பணியில் சேர ஆர்வம் காட்டுகின்றனர்.சமீபத்தில் நடந்த குரூப் 4 போட்டி தேர்வில், பி.எட்.,ஆசிரியர் பயிற்சி முடித்தவர்கள் ஏராளமானோர் தேர்வு பெற்றனர். இவர்கள், அரசின் மற்ற துறைகளில் பணியில் சேர்வதை விட, கல்வித்துறையில் "டைப்பிஸ்ட்' இளநிலை உதவியாளர்களாக விரும்பி சேர்ந்திருப்பது தெரியவந்துள்ளது. பி.எட்., அல்லது ஆசிரியர் பயிற்சி முடித்து, கல்வித்துறையில் பணியாற்றுவோருக்கு 2 சதவீதம் ஆசிரியர் பணி வாய்ப்பு வழங்கப்படுகிறது. ஆண்டுதாறும் இந்த 2 சதவீத பணியிடத்தை நிரப்பும்போது,வாய்ப்பு கிடைத்தால் ஆசிரியர் பணிக்கு சென்று விடலாம் என்ற நம்பிக்கையில் கல்வித்துறை பணியில் சேர ஆர்வம் காட்டுகின்றனர்.கல்வித்துறையினர் கூறுகையில், ""கடந்த காலங்களில் ஆசிரியர் பயிற்சி முடித்தவர்கள் டி.என். பி.எஸ்.சி., போன்ற போட்டித் தேர்வு எழுதுவது மிக குறைவு. தற்போது, பி.இ.,முடித்தவர்கள் கூட, 10ம் வகுப்பு தகுதியான குரூப் 4 தேர்வை எழுதுகின்றனர். அதிர்ஷ்டவசமாக தேர்ச்சி பெறும்போது, அரசு பணி என்ற ஒரே காரணத்தால் பணியில் சேருகின்றனர். கல்வித்துறையில் பணி மூப்பில் 2 சதவீத ஆசிரியர் வாய்ப்பு இருப்பதால் ஆசிரியர் பயிற்சி முடித்தோர் இத்துறையை விரும்பி தேர்ந்தெடுக்கின்றனர்,'' என்றனர்.

தேர்வுத்துறை இணை இயக்குனர் (மேல்நிலைக்கல்வி) ஆரோக்கியசாமி கடந்த 31ஆம் தேதி ஓய்வு பெற்றார்.

தேர்வுத்துறை இணை இயக்குனர் (மேல்நிலைக்கல்வி) பணியிடத்தை நிரப்பாமல், வழக்கம்போல், கூடுதல் பொறுப்பில், பணியிடம் ஒப்படைக்கப்பட்டுள்ளது.தேர்வுத்துறை இணை இயக்குனர் ஆரோக்கியசாமி, கடந்த, 31ம் தேதி ஓய்வு பெற்றார். இந்த பணியிடத்திற்கு, உடனடியாக, இணை இயக்குனர் நியமிக்கப்படவில்லை. மாறாக, பணியாளர் தொகுதி இணை இயக்குனர் தங்கமாரியிடம், கூடுதல் பொறுப்பு வழங்கப்பட்டுள்ளதாக, துறை வட்டாரங்கள் தெரிவித்தன.பிளஸ் 2 விடைத்தாள் திருத்தும் பணிகள், மும்முரமாக நடந்து வருகின்றன. இதுபோன்ற நேரத்தில், மேல்நிலைக்கல்விக்கு என, இணை இயக்குனர் இருந்தால் தான், தேர்வுப் பணிகளை உடனுக்குடன் கவனித்து, உரிய நேரத்தில், தேர்வு முடிவுகளை வெளியிட முடியும்.பத்தாம் வகுப்பு தேர்வுப்பணியில் உள்ள இணை இயக்குனரிடம், மேலும் ஒரு பொறுப்பை கூடுதலாக ஒப்படைப்பது, அவருக்கு பணிப்பளுவை ஏற்படுத்தும் என்றும், பிளஸ் 2 பணிகளில் தொய்வு ஏற்பட்டுவிடும் என்றும், துறை வட்டாரங்கள் தெரிவிக்கின்றன.

Tuesday, April 2, 2013

மத்திய அரசு ஊழியர்களுக்கு அகவிலைப்படியை 72 சதவீதத்தில் இருந்து 80 சதவீதமாக உயர்த்த மத்திய அரசு முடிவு செய்துள்ளது.

மத்திய அரசு ஊழியர்களுக்கு அகவிலைப்படியை 72 சதவீதத்தில் இருந்து 80 சதவீதமாக உயர்த்த மத்திய அரசு முடிவு செய்துள்ளது. இதனால் 50க்கும் மேற்பட்ட மத்திய அரசு ஊழியர்களும், 30 லட்சம் பென்சன்தாரர்களும் பயன்பெற உள்ளனர். 

அரசு ஊழியர்கள் பணிப்பதிவேடுகளை மின்னணு குறிப்புகளாக மாற்ற உத்தரவு

சட்டப்பேரவையில் நேற்று தாக்கல் செய்யப்பட்ட ஊரக வளர்ச்சி மற்றும் ஊராட்சித்துறை கொள்கை விளக்க குறிப்பில் இடம் பெற்றுள்ள விவரம் வருமாறு: பணியாளர்கள் பெற்ற சலுகைகள் மற்றும் பயன் களை கண்காணிக்கும் வகையில் அனைத்து பணியாளர்களின் பணிப்பதிவேடுகளில் உள்ள பதிவுகள் கம்ப்யூட்டரில் பயன்படுத்தும் வகையில் மின்னணு குறிப்புகளாக மாற்றி பதிவு செய்ய முடிவு செய்யப்பட்டுள்ளது. இதன்படி, அனைத்து பதிவுகளையும் நாளது தேதி வரை ஏற்றம் செய்ய நடவடிக்கை எடுக்கப்படுகிறது. உதவி இயக்குனர் மற்றும் மேல்நிலை அலுவலர்களின் சொந்த மாவட் டம், தற்போது பணி புரியும் இடம், அதற்கு முந்தைய பணியிடம் ஆகியவை கொண்ட குறிப் பிட்ட விவரங்களை உள்ளடக்கிய மின்குறிப்பு படிவம் வெளியிடப்பட்டுள்ளது. இதில் விவரங்களை மேம்படுத்தி 2013&14 ம் ஆண்டில் பணி விவரங்கள், தகுதி காண் பருவம் முடித்தது, துறை தேர்வுகளில் தேர்ச்சி பெற்ற விவரம், ஜிபிஎப் விவரங்கள், நிலுவையில் உள்ள, முடிக்கப்பட்ட ஒழுங்கு நடவடிக்கைகள், போன்ற விவரங்களையும் பதிவு செய்யப்படும். பின்னர், மாவட்ட வாரியாக குறியீட்டு எண், பாஸ்வேர்டு அளித்து, கண்காணிக்கவும், பணியாளர்கள் தாமதமின்றி தகுதிப்பயன்களை பெறவும் நடவடிக்கை எடுக்கப்படும். இவ்வாறு தெரிவிக்கப்பட்டுள்ளது.

சிதம்பரம் அண்ணாமலை பல்கலைக்கழகத்தின் தொலைதூரக்கல்வி மூலம் 2012ம் ஆண்டு டிசம்பர் மாதம் தேர்வு எழுதிய மாணவ&மாணவிகளுக்கு தேர்வு முடிவுகள் இணையத்தளத்தில் வெளியிடப்பட்டுள்ளது.

சிதம்பரம் அண்ணாமலை பல்கலைக்கழகத்தின் தொலைதூரக்கல்வி மூலம் 2012ம் ஆண்டு டிசம்பர் மாதம் தேர்வு எழுதிய மாணவ&மாணவிகளுக்கு தேர்வு முடிவுகள் இணையத்தளத்தில் வெளியிடப்பட்டுள்ளது. பிஎஸ்சி தாவிரவியல், பிஎஸ்சி விளங்கியல், பிஎஸ்சி வேதியியல், எம்ஏ தமிழ், எம்ஏ பொது நிர்வாகம், எம்ஏ ஜோதிடவியல், எம்ஏ மனித உரிமை, எம்ஏ, மற்றும் எம்எஸ்சி அப்ளைடு சைக்காலஜி, எம்எஸ்சி வேதியியல், எம்எஸ்சி தகவல் தொழில்நுட்பம், எம்எஸ்சி கணினி அறிவியல், எம்பிஏ சர்வதேச வர்த்தகம், எம்பிஏ குளோபல், எம்சிஏ, எம்எச்எஸ்சி, டிப்ளமோ பொது நிர்வாகம், டிப்ளமோ மனித உரிமை, டிப்ளமோ காவல் நிர்வாகம், டிப்ளமோ பஞ்சாயத்து ராஜ் நிர்வாகம் உள்ளிட்ட பல்வேறு படிப்புகளுக்கான தேர்வு முடிவுகள் இணையதளத்தில் வெளியிடப்பட்டுள்ளது.

மத்திய அரசு ஊழியர்களுக்கு வழங்கப்படும் அகவிலைப்படி 8 சதவீதம் உயர்த்தப்பட உள்ளது. இதற்கான அறிவிப்பு இன்று வெளியாகிறது.

மத்திய அரசு ஊழியர்கள் மற்றும் ஓய்வூதியதாரர்களுக்கு கடந்த ஆண்டு ஜூலை முதல் 72 சதவீத அகவிலைப்படி வழங்கப்படுகிறது. விலைவாசி உயர்வை பொறுத்து அகவிலைப்படியும் உயர்த்தப்படுவது வழக்கம். இதை தொடர்ந்து அகவிலைப்படியை மீண்டும் அதிகரிக்க மத்திய அரசு முடிவு செய்துள்ளது. இதன்படி, அகவிலைப்படி 8 சதவீதம் அதிகரிக்கப்பட்டு 80 சதவீதமாக்கப்பட உள்ளது. இது பற்றி டெல்லியில் இன்று நடைபெற உள்ள மத்திய அமைச்சரவை கூட்டத்தில் இறுதி முடிவு எடுக்கப்பட உள்ளதாக டெல்லி வட்டாரங்கள் தெரிவித்தன. அமைச்சரவை ஒப்புதல் அளித்ததும் அதிகாரபூர்வ அறிவிப்பு வெளியாகும். கடந்த ஜனவரி 1ம் தேதி முதல் முன்தேதி யிட்டு இந்த அகவிலைப் படி உயர்வு வழங்கப்படும். ஜனவரி முதல் மார்ச் வரையிலான நிலுவைத் தொகை தனியாக தரப் படும். இதன்மூலம் 50 லட்சம் அரசு ஊழியர்களும், 30 லட்சம் ஓய்வூதியதாரர்களும் பலனடைவார்கள். இது குறித்து மத்திய அரசு ஊழியர்கள் கூட்டமைப்பின் செயலாளர் கே.கே.என்.குட்டி கூறுகையில்,‘‘அகவிலைப்படியை 8 சதவீதம் உயர்த்த மத்திய அரசு திட்டமிட்டுள்ளது வரவேற்கத்தக்கது. 50 சதவீத அகவிலைப்படியை அடிப்படை சம்பளத்துடன் சேர்க்க அரசு நடவடிக்கை எடுக்க வேண்டும்’’ என்றார்.

1.4.2013 அன்று தலைமைச் செயலகத்தில், தமிழகத்திலுள்ள அரசு பொறியியல் கல்லூரிகளில் 151 உதவிப் பேராசிரியர்கள் மற்றும் அரசு பல்வகை தொழில்நுட்பக் கல்லூரிகளில் 134 விரிவுரையாளர்கள் பணியிடங்களுக்கு தேர்வு செய்யப்பட்டுள்ளவர்களுக்கு பணி நியமன ஆணைகளை தமிழ்நாடு முதலமைச்சர் வழங்கினார்.


தமிழகத்தில் செயல்பட்டுவரும் அரசு பொறியியல் கல்லூரிகளில் காலியாகவுள்ள 154 உதவி பேராசிரியர் பணியிடங்கள் மற்றும் அரசு பலவகை தொழில்நுட்பக் கல்லூரிகளில் காலியாகவுள்ள 139 விரிவுரையாளர் பணியிடங்கள் விரைந்து நிரப்பப்படும் என்ற தமிழக அரசின் அறிவிப்பிற்கிணங்க, ஆசிரியர் தேர்வு வாரியத்தால் போட்டித் தேர்வு நடத்தப்பட்டு, அரசு பொறியியல் கல்லூரிகளுக்கு 151 உதவி பேராசிரியர்களும், அரசு பலவகை தொழில்நுட்பக் கல்லூரிகளுக்கு 134 விரிவுரையாளர்களும் தேர்ந்தெடுக்கப்பட்டுள்ளனர். தமிழகத்திலுள்ள அரசு பொறியியல் கல்லூரிகளில் 151 உதவிப் பேராசிரியர்கள் மற்றும் அரசு பலவகை தொழில்நுட்பக் கல்லூரிகளில் 134 விரிவுரையாளர்கள் பணியிடங்களுக்கு தேர்வு செடீநுயப்பட்டுள்ளவர்களுக்கு மாண்புமிகு தமிழ்நாடு முதலமைச்சர் செல்வி ஜெ ஜெயலலிதா அவர்கள் 1.4.2013  ன்று பணி நியமன ஆணைகளை வழங்கி, மாணவ மாணவியர்களுக்கு சிறந்த முறையில் கல்வி பயிற்றுவித்து, அவர்தம் வாழ்வில் உயர்ந்திடும் வகையில் பணியாற்றிட வேண்டும் என்று புதிதாக பணி நியமனம் பெற்றவர்களுக்கு அறிவுரைகள் வழங்கி வாழ்த்தினார்கள். மாண்புமிகு தமிழ்நாடு முதலமைச்சர் செல்வி ஜெ ஜெயலலிதா அவர்களிடமிருந்து பணி நியமன ஆணைகளைப் பெற்றுக் கொண்ட உதவி பேராசிரியர்களும், விரிவுரையாளர்களும் தங்களது நெஞ்சார்ந்த நன்றியினை மாண்புமிகு தமிடிநநாடு முதலமைச்சர் அவர்களுக்குத் தெரிவித்துக் கொண்டார்கள். இந்த நிகழ்வின் போது, மாண்புமிகு உயர்கல்வித் துறை அமைச்சர், தலைமைச் செயலாளர், உயர்கல்வித் துறை முதன்மைச் செயலாளர், உயர்கல்வித் துறை கூடுதல் செயலாளர் மற்றும் அரசு உயர் அலுவலர்கள் உடனிருந்தனர்.

Monday, April 1, 2013

தமிழகம் முழுவதும் மாணவர்கள் போராட்டம் காரணமாக மூடப்பட்டிருந்த கலை மற்றும் அறிவியல், பொறியியல் கல்லூரிகள் 19 நாட்களுக்குப் பிறகு ஏப்ரல் 3ம் தேதி திறக்கப்படும் என்று அரசு அறிவித்துள்ளது.


இலங்கை பிரச்னை தொடர்பாக தமிழகத்தில் உள்ள அனைத்து அரசு மற்றும் தனியார் கலை மற்றும் அறிவியல் கல்லூரிகள், சட்டக் கல்லூரி களுக்கு கடந்த 15ம் தேதி முதலும், பொறியியல் கல்லூரிகளுக்கு 18ம் தேதி முதலும் காலவரையற்ற விடுமுறை விடப்பட்டது. அதோடு விடுதிகளும் மூடப்பட்டன. தேர்வுகளும் ரத்து செய்யப்பட்டன.
மூடப்பட்ட கல்லூரிகள் எப்போது திறக்கப்படும் என்பதில் குழப்பமான தகவல்கள் வெளி யாகி வந்தன. மாணவர்களும் தேர்வு குறித்த அச்சத்தில் தவித்து வந்தனர். இந்நிலையில், கலை&அறிவியல், பொறியியல் கல்லூரிகள் அனைத்தும் நாளை (3ம் தேதி) முதல் திறக்கப்படும் என்று அரசு அறிவித்துள்ளது. ஆனால் சட்ட கல்லூரிகள் திறப்பு குறித்து அறிவிப்பு வெளியாகவில்லை. பொறியியல் கல்லூரி திறப்பு குறித்து, அண்ணா பல்கலைக்கழக துணை வேந்தர் (பொறுப்பு) காளிராஜ் கூறியதாவது:
பொறியியல் கல்லூரிகள் 3ம் தேதி முதல் தொடங்கும் என்று அரசு அறிவித்துள்ளது. அதன்படி நாளை முதல் அண்ணா பல்கலைக்கழகம், அதன் உறுப்பு கல்லூரிகள், சுயநிதி கல்லூரிகள் அனைத்திலும் வகுப்புகள் தொடங்கும். கல்லூரி தொடங்க இன்னும் ஒரு நாள் இருப்பதால், வெளியூர் மற்றும் விடுதி மாணவர்களுக்கு கால அவகாசம் போதுமானதாக இருக்கும். அதேநேரம் செமஸ்டர் தேர்வுகள் தள்ளிப்போக வாய்ப்பில்லை. வழக்கமான தேதிகளில் செமஸ் டர் தேர்வுகள் நடைபெறும்.
இதுவரை விடுமுறை விடப்பட்ட நாட்களுக்குப் பதில், சனி, ஞாயிறு ஆகிய நாட்களில் கல்லூரிகளை நடத்தவும் அனுமதி அளிக்கப்பட்டுள்ளது. இவ்வாறு அவர் கூறினார். இந்நிலையில், சில தனியார் பொறியியல் கல்லூரிகளில் நேற்று முதலே வகுப்புகள் நடைபெற தொடங்கியுள்ளன.

ஏப்ரல் 4 ஆம் தேதி உயர் கல்வித்துறை மற்றும் மே 10 ஆம் தேதி பள்ளி கல்வித்துறை மானிய கோரிக்கைகள் மீதான விவாதம் நடைபெறுகிறது.

தமிழக அரசின் 20132014ம் ஆண்டுக்கான பட்ஜெட் கடந்த 21ம் தேதி சட்டசபையில் தாக்கல் செய்யப்பட்டது. அதைத் தொடர்ந்து 25ம் தேதி முதல் 28ம் தேதி வரை 4 நாட்கள் சட்டசபையில் பொது விவாதம் நடந்தது. பட்ஜெட் மீது நடந்த விவாதத்திற்கு நிதி அமைச்சர் ஓ.பன்னீர்செல்வம் 28ம் தேதி பதில் அளித்தார். இதையடுத்து சட்டசபை கூட்டத்தை ஏப்ரல் 1ம் தேதிக்கு சபாநாயகர் தனபால் தள்ளிவைத்தார். இந்நிலையில், சட்டசபை கூட்டம் 3 நாள் விடுமுறைக்கு பிறகு நாளை தொடங்குகிறது. பட்ஜெட் மீது நடந்த பொது விவாதத்தை தொடர்ந்து, பல்வேறு துறைகளுக்கான மானிய கோரிக்கைகள் மீதான விவாதம் நாளை முதல் நடைபெறுகிறது. முதல் நாளான நாளை, உள்ளாட்சித் துறை மானிய கோரிக்கையை அமைச்சர் கே.பி.முனுசாமி தாக்கல் செய்கிறார். அதன் மீது நடக்கும் விவாதத்திற்கு பிறகு, அமைச்சர் பதில் அளிப்பார். இதையடுத்து, குரல் வாக்கெடுப்பு மூலம் மானியக்கோரிக்கை நிறைவேற்றப்பட்டு, அந்த துறைக்கான நிதி ஒதுக்கப்படும். அதைத் தொடர்ந்து, 2ம் தேதி குறு, சிறு மற்றும் நடுத்தர தொழில் நிறுவனங்கள் துறை, 3ம் தேதி சமூக நலன் மற்றும் சத்துணவு திட்டத்துறை, மாற்று திறனாளிகள் நலத்துறை, 4ம் தேதி உயர் கல்வித்துறை, 5ம் தேதி வேளாண்மைத்துறை, 8ம் தேதி கூட்டுறவு மற்றும் உணவுத்துறை, 19ம் தேதி தொழில்துறை, 22ம் தேதி காவல் துறை, மே மாதம் 3ம் தேதி போக்குவரத்துத்துறை, 7ம் தேதி செய்தி துறை, 8ம் தேதி தொழிலாளர் நலன், 9ம் தேதி அறநிலையத் துறை, 10ம் தேதி பள்ளி கல்வித்துறை, 14ம் தேதி சுகாதாரத்துறை உள்ளிட்ட மானிய கோரிக்கைகள் மீதான விவாதம் நடைபெறுகிறது. மானியக்கோரிக்கைகள் மீது விவாதம் முடிந்ததும், மே 16ம் தேதி அரசு சட்ட முன்வடிவுகள், இதர அலுவல்கள் ஆய்வு செய்து நிறைவேற்றப்படும்.சட்ட சபை கூட்டம் தினமும் காலை 10மணிக்கு தொடங்கி பகல் 2மணிக்கு முடியும். சபை நடவடிக்கைகளை பொறுத்து, கூட்டத்தின் நேரத்தை சபாநாயகர் நீட்டிப்பார்.