BHABHA ATOMIC RESEARCH CENTRE RECRUITMENT 2017 | BARC - KALPAKKAM | RECRUITMENT NOTIFICATION - NAME OF THE POST - SCIENTIFIC OFFICER (MEDICAL) | NO. OF VACANCIES 5+1+2+4 | LAST DATE 31.01.2017

>> Employment Type  : Govt Job
>> Application : Online
>> Website : http://www.barc.gov.in/
>> Name of the Post  : SCIENTIFIC OFFICER (MEDICAL)
>> கல்வித் தகுதி  : AS PER NORMS
>> காலியிடங்கள் : 5+1+2+4
>> சம்பளம் : AS PER NORMS
>> தேர்வு செய்யப்படும் முறை : MERIT
>> கடைசித் தேதி  : 24.01.2017
>> தேர்வு நாள்  :  

BHABHA ATOMIC RESEARCH CENTRE RECRUITMENT 2017 | BARC - KALPAKKAM | RECRUITMENT NOTIFICATION - NAME OF THE POST - ASST, LAB ASST, OPERATOR | NO. OF VACANCIES 86+13 | LAST DATE 31.01.2017

>> Employment Type  : Govt Job
>> Application : Online
>> Website : http://www.barc.gov.in/
>> Name of the Post  : ASST, LAB ASST, OPERATOR 
>> கல்வித் தகுதி  : AS PER NORMS
>> காலியிடங்கள் : 86+13
>> சம்பளம் : AS PER NORMS
>> தேர்வு செய்யப்படும் முறை : MERIT
>> கடைசித் தேதி  : 31.01.2017
>> தேர்வு நாள்  :  

பாஸ்போர்ட்டுக்கு விண்ணப்பிக்க புதிய விதிமுறைகள் சென்னை மண்டல பாஸ்போர்ட் அதிகாரி பேட்டி


பாஸ்போர்ட்டுக்கு விண்ணப்பிக்க புதிய விதிமுறைகள் சென்னை மண்டல பாஸ்போர்ட் அதிகாரி பேட்டி | பாஸ்போர்ட் விண்ணப்பிக்கும் முறையில் புதிய விதிமுறைகள் பல கொண்டுவரப்பட்டு இருப்பதாக சென்னை மண்டல பாஸ்போர்ட் அதிகாரி பி.கே.அசோக் பாபு தெரிவித்தார். சென்னை மண்டல பாஸ்போர்ட் அதிகாரி பி.கே.அசோக் பாபு சென்னை சாஸ்திரிபவனில் உள்ள பத்திரிகையாளர் அலுவலகத்தில் நேற்று நிருபர்களுக்கு பேட்டியளித்தார். அப்போது அவர் கூறியதாவது:- விதி தளர்த்தப்பட்டது பாஸ்போர்ட் விண்ணப்பத்துடன் பல்வேறு ஆவணங்களை இணைத்து சமர்ப்பிக்க வேண்டும். 100 விண்ணப்பங்கள் வருகிறது என்றால், அதில் 20 முதல் 30 விண்ணப்பங்களில் சரியான ஆவணங்கள் இல்லாததால் அதை நிறைவு செய்வதில் குறைபாடு ஏற்படுகிறது. இதுபோன்ற குறைவுகளை நிவர்த்தி செய்ய பல்வேறு புதிய விதிமுறைகள் கொண்டுவரப்பட்டுள்ளன. அதன்படி, முன்பு 1989-ம் ஆண்டுக்கு பிறகு பிறந்தவர்கள் பிறந்த தேதி சான்றிதழை கண்டிப்பாக சமர்ப்பிக்க வேண்டும் என்று குறிப்பிடப்பட்டு இருந்தது. ஆனால் தற்போது அந்த விதிமுறையை தளர்த்தி உள்ளோம். ஆதார் அட்டை, ஓட்டுனர் உரிமம் பிறந்த தேதி சான்றிதழ் வைத்திருந்தால் அவர்கள் அதை சமர்ப்பிக்கலாம். அப்படி இல்லாதபட்சத்தில் பள்ளி சான்றிதழ், மெட்ரிகுலேசன் சான்றிதழ், ஆதார் அட்டை, பான்கார்டு, ஓட்டுனர் உரிமம், வாக்காளர் அடையாள அட்டை, பொது ஆயுள் காப்பீட்டு நிறுவனத்தின் பத்திரம் ஆகியவற்றை பயன்படுத்தி கொள்ளலாம். அதேபோல், விண்ணப்பதாரர் தாய் அல்லது தந்தையரிடம் வளர்ந்து இருக்கலாம். அவர்கள் யாராவது ஒருவரின் பெயரை குறிப்பிட விருப்பம் தெரிவிக்கவில்லை என்று கூறினால் அவர்கள் அந்த பெயரை குறிப்பிட தேவையில்லை. ஆனால் முன்பெல்லாம் தாய், தந்தை இருவரின் பெயரையும் கண்டிப்பாக குறிப்பிட வேண்டிய கட்டாயம் இருந்தது. விண்ணப்பதாரர் பின் இணைப்புகளாக இணைக்கும் ஆவணங்களில் நோட்டரி பப்ளிக், ஜூடிசியல் மாஜிஸ்திரேட்டு ஆகியோரிடம் கையெழுத்து வாங்கி வர வேண்டும். ஆனால் தற்போது விண்ணப்பதாரர்களே அந்த பின் இணைப்புகளில் சுய கையெழுத்திட அனுமதி வழங்கப்பட்டுள்ளது. அவர்கள் இனி நோட்டரி பப்ளிக், ஜூடிசியல் மாஜிஸ்திரேட்டு ஆகியோரிடம் கையெழுத்து வாங்க வேண்டிய அவசியம் இல்லை. திருமண சான்றிதழ் திருமண சான்றிதழ் என்பது முன்பு கண்டிப்பாக இணைக்க வேண்டும். தற்போது அதை இணைக்க வேண்டிய அவசியம் இல்லை. ஆதரவற்றோர் குழந்தைகள் பாஸ்போர்ட் விண்ணப்பித்தால் அவர்கள் பிறந்த தேதி குறித்து அந்த காப்பகத்தின் இருக்கும் மேலதிகாரி இந்த தேதியில் தான் அவர் பிறந்தார் என்று உறுதி செய்தால் நாங்கள் அந்த விண்ணப்பத்தை ஏற்றுக்கொள்வோம். மணவாழ்க்கைக்கு வெளியே பிறந்த குழந்தைகள் விண்ணப்பிக்கும் போது அவர்களுக்கு மிகவும் கஷ்டமாக இருந்தது. தற்போது அவர்களுக்கு எளிமையாக்கப்பட்டு இருக்கிறது. பின் இணைப்பு 'ஜி'-யில் அவர்கள் கையெழுத்திட்டு வழங்கினால் போதும். இதேபோல், அரசு வேலையில் இருப்பவர்கள் தடையில்லா சான்றிதழ் (என்..சி.) வாங்கி அதை வழங்க வேண்டும். ஆனால் அவர் இனிமேல் தடையில்லா சான்றிதழ் வழங்க வேண்டிய அவசியம் இல்லை. மாறாக, அரசிடம் விண்ணப்பிப்பது தொடர்பாக தெரிவித்துவிட்டேன் என்று எழுதி கொடுத்தால் போதும். இதுபோல் பல்வேறு விதமான புதிய விதிமுறைகள் செய்யப்பட்டுள்ளன. புதுச்சேரி, காரைக்கால்... ஆன்-லைன் மூலம் பாஸ்போர்ட் விண்ணப்பிக்கும் முறை மிகவும் கஷ்டமாக இருக்கிறது என்று பலர் கூறுகிறார்கள். அதை எளிதாக்கும் வகையில், அரசு -சேவை மையத்தில் பாஸ்போர்ட் விண்ணப்பிப்பதற்கும் வழி ஏற்படுத்தி இருக்கிறோம். ஆனால் பலருக்கு அது தெரிவதில்லை. புதுச்சேரி, காரைக்காலில் மினி பாஸ்போர்ட் சேவை மையம் அமைத்தோம். பாஸ்போர்ட் வழங்குவதில் , பி, சி என 3 முறைகள் உள்ளன. அதில் முதல் 2 முறைகளை புதுச்சேரி, காரைக்காலில் செய்தாலும் இறுதியாக சென்னைக்கு வந்தால் தான் பாஸ்போர்ட்டை பெற முடியும் என்ற நிலை இருந்தது. தற்போது புதுச்சேரி, காரைக்காலில் 3 முறைகளையும் நிறைவு செய்து பாஸ்போர்ட் பெறுவதற்கான வசதியை செய்து இருக்கிறோம். அதை வருகிற 2-ந்தேதி முதல் தொடங்க இருக்கிறோம். இவ்வாறு அவர் கூறினார்.

BHABHA ATOMIC RESEARCH CENTRE RECRUITMENT 2017 | BARC - KALPAKKAM | RECRUITMENT NOTIFICATION - NAME OF THE POST - ASST, LAB ASST, OPERATOR | NO. OF VACANCIES 12 | LAST DATE 31.01.2017

>> Employment Type  : Govt Job
>> Application : Online
>> Website : http://www.barc.gov.in/
>> Name of the Post  : ASST DIRECTOR
>> கல்வித் தகுதி  : AS PER NORMS
>> காலியிடங்கள் : 95+13
>> சம்பளம் : AS PER NORMS
>> தேர்வு செய்யப்படும் முறை : Competitive Exam
>> கடைசித் தேதி  : 31.01.2017
>> தேர்வு நாள்  :  

டாக்டர் அம்பேத்கர் தேசிய விருது | விண்ணப்பிக்க அழைப்பு.

டாக்டர் அம்பேத்கர் தேசிய விருது | விண்ணப்பிக்க அழைப்பு.

ஆதார் அட்டையை பயன்படுத்தி கை பெருவிரல் ரேகை மூலம் பண பரிமாற்றம் செய்யும் முறை 2 வாரங்களில் தொடங்க இருப்பதாக பிரதமர் மோடி அறிவிப்பு


ஆதார் அட்டையை பயன்படுத்தி கை பெருவிரல் ரேகை மூலம் பண பரிமாற்றம் செய்யும் முறை 2 வாரங்களில் தொடங்க இருப்பதாக பிரதமர் மோடி அறிவிப்பு | ஆதார் அட்டையை பயன்படுத்தி, கை பெருவிரல் ரேகை மூலம் பண பரிமாற்றம் செய்யும் முறை இன்னும் 2 வாரங்களில் தொடங்க இருப்பதாக பிரதமர் மோடி அறிவித்து உள்ளார். புதிய செல்போன் செயலி டெல்லியில் உள்ள தல்கதோரா ஸ்டேடியத்தில் நேற்று நடைபெற்ற 'டிகிதன்' நிகழ்ச்சியில் பிரதமர் மோடி கலந்துகொண்டு, மின்னணு பண பரிமாற்றத்துக்கான 'பீம்' ('பாரத் இன்டர்பேஸ் பார் மணி') என்ற புதிய செயலியை தொடங்கிவைத்தார். செல்போன் மூலம் பணம் செலுத்த உதவும் இந்த செயலிக்கு, அரசியல் சட்டத்தை உருவாக்கிய பீமராவ் அம்பேத்கரின் நினைவாக 'பீம்' என்று பெயர் சூட்டப்பட்டு உள்ளது. இந்த முறையில் பொருட்கள் வாங்குவதற்கு இணையதள வசதியுடன் கூடிய தொலைபேசி இணைப்பு தேவை இல்லை. ஆனால் வியாபாரிகள் ரொக்கமில்லா ஆதார் வணிக செயலியை தங்கள் ஸ்மார்ட் போனில் பதிவிறக்கம் செய்து, அந்த ஸ்மார்ட் போனை கைவிரல் ரேகை பதிவு கருவியுடன் இணைக்கவேண்டும். வாடிக்கையாளர் தனது ஆதார் அடையாள அட்டை எண்ணை இந்த செயலியுடன் இணைப்பதோடு, எந்த வங்கியில் உள்ள கணக்கின் மூலம் பணம் செலுத்தப்படுகிறது என்பதை தெரிவிக்க வேண்டும். கை பெருவிரல் ரேகை இந்த முறையில் பொருட்கள் வாங்கி வங்கி கணக்கின் மூலம் பணம் செலுத்துவதற்கு வாடிக்கையாளரின் கை பெருவிரல் ரேகைதான் கடவுச் சொல்லாக ('பாஸ்வேர்டு') ஆக பயன்படும். மாஸ்டர் கார்டு, விசா கார்டு போன்ற பண அட்டைகளை பயன்படுத்தி 'பீம் செயலி' உதவியுடன் பொருட்களை வாங்குவோர் அதற்கான சேவை கட்டணம் எதுவும் செலுத்தவேண்டியது இல்லை. இந்த நிகழ்ச்சியில் பிரதமர் மோடி பேசுகையில் கூறியதாவது:- நாட்டில் ரொக்கமில்லா பண பரிமாற்றத்தை ஊக்குவிப்பதற்கான நடவடிக்கைகளை மத்திய அரசு தீவிரமாக எடுத்து வருகிறது. ரொக்கமில்லா பண பரிமாற்றத்தை ஊக்குவிக்கும் வகையில் சமீபத்தில் நுகர்வோருக்கான லக்கி கிரகாக் யோஜனா (அதிர்ஷ்ட நுகர்வோர் திட்டம்), சிறு வணிகர்களுக்கான டிகிதன் வியாபார் யோஜனா (டிகி பணவர்த்தக திட்டம்) என்ற இரு பரிசு திட்டங்களை நான் அறிவித்தேன். நாட்டில் விரைவில் அனைத்து பணபரிமாற்றங்களும் 'பீம் செயலி'யின் மூலமே நடைபெறும். இந்த பீம் செல்போன் செயலி தலித்துகளுக்கும், பழங்குடியின மக்களுக்கும், விவசாயிகளுக்கும் அதிகாரம் வழங்குவதாக அமையும். 2 வாரங்களில்... வாடிக்கையாளரின் கை பெருவிரல் ரேகை மூலம் பண பரிமாற்றம் நடைபெறுவதால் இது மிகவும் பாதுகாப்பான பண பரிமாற்ற முறை ஆகும். இது படிக்காத பாமர மக்களுக்கும் வசதியான பரிமாற்ற முறை. மக்களின் கை பெருவிரல் ரேகையே இனி அவர்களுடைய வங்கியாகவும், அடையாளமாகவும், வணிகமாகவும் செயல்படப் போகிறது. இந்த முறையில் பண பரிமாற்றம் செய்யும் முறை நாடு முழுவதும் இன்றும் 2 வாரங்களில் தொடங்க இருக்கிறது. ரொக்கமற்ற பொருளாதாரத்தை ஊக்குவிக்கும் வகையில் ஒவ்வொருவரும் தினசரி குறைந்தபட்சம் 5 மின்னணு பணபரிமாற்றத்தை மேற்கொள்ள வேண்டும். ஊழல் பெருச்சாளிகள் உயர்மதிப்பு கொண்ட ரூபாய் நோட்டுகளை ஒழித்த நடவடிக்கையை, மத்திய அரசு மலையை தோண்டி வெறும் பெருச்சாளிகளை மட்டும் பிடித்து இருப்பதாக சில அரசியல்வாதிகள் குறை கூறி உள்ளனர். அவர்கள் சொல்வதும் ஒருவகையில் சரிதான். மக்கள் கஷ்டப்பட்டு சம்பாதித்த பணத்தை கொள்ளையடித்த ஊழல் பெருச்சாளிகளை நாங்கள் பிடிக்க விரும்புகிறோம். அதற்கான நடவடிக்கையை தற்போது எடுத்து உள்ளோம். மின்னணு பணபரிமாற்றத்தை ஊக்குவிப்பதில் ஊடகங்களின் பங்களிப்பும் முக்கியமானதாக உள்ளது. இவ்வாறு பிரதமர் மோடி கூறினார். பரிசுத்தொகை இந்த நிகழ்ச்சியில், மின்னணு பண பரிமாற்ற பரிசுத்திட்டத்தில் வெற்றி பெற்றோருக்கு பிரதமர் மோடி பரிசுத்தொகை வழங்கினார்.

மகாளாய அமாவாசை தினம் வரையறுக்கப்பட்ட விடுமுறை அரசாணை வெளியீடு

மகாளாய அமாவாசை தினம் வரையறுக்கப்பட்ட விடுமுறை அரசாணை வெளியீடு | பணியாளர் மற்றும் நிர்வாக சீர்திருத்தத்துறை செயலாளர் (பொறுப்பு) ஹர்மந்தர் சிங் வெளியிட்ட அரசாணையில் கூறப்பட்டு இருப்பதாவது:- மாநில அரசு பணியாளர்கள் ஒரு ஆண்டில் பண்டிகைகள் அல்லது நிகழ்வுகள் என்ற வகையில் 3 வரையறுக்கப்பட்ட விடுமுறை நாட்களை (ஆர்.எச்.) பெற்றுக்கொள்ளலாம். பகவான் வைகுண்டசாமியின் பிறந்த தினம் வரையறுக்கப்பட்ட விடுமுறை நாட்களில் சேர்க்கப்பட்டது. இறந்துபோன உறவினர்களை நினைக்கக்கூடிய நிகழ்ச்சிகளான கல்லறை திருநாள் என்ற கிறிஸ்தவ மத நிகழ்வையும், ஷபே பாரத் என்ற இஸ்லாமியர்களின் முழுநிலவு நிகழ்ச்சியையும் வரையறுக்கப்பட்ட விடுமுறை நாள் பட்டியலில் சேர்க்கும்படி கோரிக்கை விடப்பட்டது. அதன்படி அந்த நிகழ்வுகள் சேர்க்கப்பட்டன. அதேபோல இந்துக்களும் மகாளாய அமாவாசை தினத்தையும் வரையறுக்கப்பட்ட விடுமுறை பட்டியலில் சேர்க்க வேண்டும் என்று கோரிக்கை விடுத்தனர். அரசு இந்தக் கோரிக்கையை ஏற்று மகாளாய அமாவாசை தினம் வரையறுக்கப்பட்ட விடுமுறை பட்டியலில் சேர்க்கப்பட்டுள்ளது. இவ்வாறு அதில் கூறப்பட்டுள்ளது.


னவரி 1 முதல் ஏ.டி.எம்.மில் ரூ.4,500 எடுக்கலாம் என்று ரிசர்வ் வங்கி அறிவித்துள்ளது.


ஜனவரி 1 முதல் .டி.எம்.மில் ரூ.4,500 எடுக்கலாம் | கருப்பு பண ஒழிப்பு உள்ளிட்ட நடவடிக்கைகளுக்காக 500 மற்றும் 1,000 ரூபாய் நோட்டுகளை கடந்த நவம்பர் 8-ந்தேதி பிரதமர் நரேந்திரமோடி அதிரடியாக ஒழித்தார். இதனால் கடும் பணத்தட்டுப்பாடு நிலவி வருகிறது. மேலும் .டி.எம். மையங்களில் ஒரு நாளைக்கு ரூ.2,000 மட்டுமே எடுக்க முடியும் என்றும் அறிவிக்கப்பட்டது. அதன்பின்னர் அது ரூ.2,500 ஆக உயர்த்தப்பட்டது. இருப்பினும் பெரும்பாலான .டி.எம். மையங் கள் மூடியே கிடக்கின்றன. பணம் இருக்கும் மையங்களில் கூட்டம் அதிகமாக காணப்பட்டது. இதற்கிடையே நாளை (ஞாயிற்றுக்கிழமை) ஆங்கில புத்தாண்டையொட்டி பிரதமர் நரேந்திரமோடி சிறப்பு அறிவிப்பு ஏதும் வெளியிடுவார் என்று எதிர்பார்க்கப்பட்டது. இந்த நிலையில் நாளை (1-ந்தேதி) முதல் .டி.எம்.மில் ஒரு நாளுக்கு ரூ.4,500 எடுக்கலாம் என்று ரிசர்வ் வங்கி நேற்று இரவு திடீரென அறிவித்தது. ரூபாய் நோட்டு ஒழிப்பால் சிரமப்பட்டு வரும் மக்களுக்கு இது சற்று ஆறுதலை தருவதாக அமைந்துள்ளது. அதே சமயத்தில், வாரத்துக்கு ரூ.24 ஆயிரம் வரை மட்டுமே எடுக்க முடியும் என்ற கட்டுப்பாடு தளர்த்தப்படவில்லை. அந்த உச்ச வரம்பு நீடிக்கும் என்று ரிசர்வ் வங்கி அறிவித்துள்ளது. மேலும் .டி.எம்.மில் பெரும்பாலும் 500 ரூபாய் நோட்டுகள் கிடைக்கும் என்றும் அறிவிக்கப்பட்டு உள்ளது.

எஸ்.எஸ்.எல்.சி. தேர்வுக்கு தனித்தேர்வர்கள் விண்ணப்பிக்கலாம் ஜனவரி 4-ந் தேதி கடைசி நாள்


எஸ்.எஸ்.எல்.சி. தேர்வுக்கு தனித்தேர்வர்கள் விண்ணப்பிக்கலாம் ஜனவரி 4-ந் தேதி கடைசி நாள் | வருகிற மார்ச் மாதம் நடைபெற உள்ள எஸ்.எஸ்.எல்.சி. தேர்வுக்கு தனித்தேர்வர்கள் விண்ணப்பிக்க ஜனவரி 4-ந் தேதி கடைசி நாள். நேரடித் தனித்தேர்வர்கள் அனைவரும் முதல் மொழித்தேர்வாக தமிழ் மொழித்தேர்வை எழுதவேண்டும். வெளிமாநிலங்கள் அல்லது சி.பி.எஸ்.இ. முறையில் படித்தவர்கள் உரிய கல்வி அலுவலரின் மேலொப்பத்துடன் மாற்றுச்சான்று வைத்து விண்ணப்பிக்கலாம். ஏற்கனவே அறிவியல் பாட செய்முறை பயிற்சி வகுப்பில் சேராமல் விடுபட்ட தனித்தேர்வர்கள் ஜனவரி 3-ந் தேதி வரை அறிவியல் செய்முறை பயிற்சி வகுப்பில் பதிவு செய்து கொள்ளலாம். தனித்தேர்வர்கள் அவர்கள் விண்ணப்பிக்கும் கல்வி மாவட்டத்தில் அமைக்கப்படும் தேர்வு மையத்தில் தான் தேர்வு எழுதவேண்டும். இந்த தகவலை அரசு தேர்வுகள் இயக்குனர் தண்.வசுந்தராதேவி தெரிவித்துள்ளார்.

AAVIN RECRUITMENT 2016 | AAVIN - CHENNAI | RECRUITMENT NOTIFICATION - NAME OF THE POST - JAILOR | NO. OF VACANCIES 3 | LAST DATE 12.01.2017

AAVIN RECRUITMENT 2016 | AAVIN - CHENNAI | RECRUITMENT NOTIFICATION - NAME OF THE POST - JAILOR | NO. OF VACANCIES 3 | LAST DATE 12.01.2017
 
>> Employment Type :Govt Job
>> Application :Offline
>> Name of the Post : MANAGER AND DEPUTY MANAGER
>> கல்வித் தகுதி : DEGREE
>> காலியிடங்கள் : 2+1
>> சம்பளம் : 9300-34800+4700
>> தேர்வு செய்யப்படும் முறை : Merit
>> கடைசித் தேதி : 27.01.2017
>> தேர்வு நாள் : -


ரூ.7 லட்சம் கோடி டெபாசிட் செய்துள்ள 60 லட்சம் பேர் பட்டியல் தயார் கருப்பு பணத்தை டெபாசிட் செய்தவர்கள் யாரும் தப்ப முடியாது என எச்சரிக்கை



ரூ.7 லட்சம் கோடி டெபாசிட் செய்துள்ள 60 லட்சம் பேர் பட்டியல் தயார் கருப்பு பணத்தை டெபாசிட் செய்தவர்கள் யாரும் தப்ப முடியாது என எச்சரிக்கை | ரூ.7 லட்சம் கோடி வங்கிகளில் டெபாசிட் செய்துள்ள 60 லட்சம் பேரின் பட்டியல் வருமான வரித்துறையினருக்கு கிடைத்துள்ளது. கருப்பு பணத்தை டெபாசிட் செய்தவர்கள் யாரும் தப்ப முடியாது என மத்திய அரசு எச்சரிக்கை விடுத்துள்ளது. கருப்பு பணம் ஒழிப்பு கருப்பு பணம் மற்றும் கள்ள நோட்டுகளை ஒழிப்பதற்காக பிரதமர் நரேந்திர மோடி 500, 1000 ரூபாய் நோட்டுகள் செல்லாது என்று கடந்த நவம்பர் மாதம் 8-ந் தேதி அறிவித்தார். மக்கள் தங்களிடம் உள்ள பழைய ரூபாய் நோட்டுகளை மாற்றிக் கொள்ளவும், தங்கள் வங்கி கணக்கில் டெபாசிட் செய்யவும் சில கட்டுப்பாடுகளும் விதிக்கப்பட்டன. அதேசமயம் கணக்கில் வராத கருப்பு பணம் அதிகளவில் வைத்திருப்பவர்கள் தங்கள் வருமானத்தை காட்டினால் அதற்கு 50 சதவீதம் வரி விதிக்கப்படும் என்ற திட்டமும் அறிவிக்கப்பட்டது. எஞ்சிய 50 சதவீதத்தில் 25 சதவீதத்தை வட்டியில்லாத டெபாசிட்டாக 4 ஆண்டுகளுக்கு வங்கியில் செலுத்த வேண்டும் என்றும் கூறப்பட்டுள்ளது. 60 லட்சம் பேரின் பட்டியல் வங்கிகளில் பழைய ரூபாய் நோட்டுகளை ரூ.2 லட்சத்துக்கு மேல் டெபாசிட் செய்பவர்கள் வருமான வரி மற்றும் இதர புலனாய்வு நிறுவனங்கள் மூலம் கண்காணிக்கப்படுவார்கள் என்ற எச்சரிக்கையும் விடுக்கப்பட்டது. ரூபாய் நோட்டுகள் செல்லாது என்று அறிவிக்கப்பட்டதில் இருந்து இதுவரை ரூ.7 லட்சம் கோடி டெபாசிட் செய்துள்ள 60 லட்சம் பேரின் பட்டியலை வருமான வரித்துறை சேகரித்துள்ளது. வங்கிகளில் செல்லாத ரூபாய் நோட்டுகளை டெபாசிட் செய்வதற்கு இன்றே (வெள்ளிக்கிழமை) கடைசி நாள். அதன் பின்னர் மார்ச் மாதம் 31-ந் தேதி வரை ரிசர்வ் வங்கியில் பிரமாண பத்திரத்துடன் டெபாசிட் செய்ய வாய்ப்பு வழங்கப்பட்டுள்ளது. அரசு எச்சரிக்கை சிலர் தங்கள் கருப்பு பணத்தை வங்கியில் டெபாசிட் செய்து வெள்ளையாக்கிவிட்டோம் என்று நினைத்து இருந்தால் அவர்கள் தப்ப முடியாது என்று மத்திய அரசு எச்சரிக்கை விடுத்துள்ளது. இதுதொடர்பாக உயர் அதிகாரி ஒருவர் கூறியதாவது:- உண்மையான வங்கி டெபாசிட்தாரர்கள் யாரையும் அரசு தொந்தரவு செய்யாது. அதேசமயம் கருப்பு பணத்தை டெபாசிட் செய்து வெள்ளையாக்கியவர்கள் யாரும் தப்ப முடியாது. அரசு அறிவித்த தாமாக முன்வந்து வருமானத்தை தெரிவிக்கும் திட்டத்தை பயன்படுத்தாதவர்கள் நிச்சயம் பிடிபடுவார்கள். ரூ.2 லட்சம், ரூ.5 லட்சம் அதற்கும் மேல் டெபாசிட் செய்தவர்களின் எண்ணிக்கை, டெபாசிட் செய்த தொகை போன்ற தினசரி தகவல்கள் எங்களுக்கு கிடைத்துள்ளது. அவர்களின் கடந்த கால நடவடிக்கைகள் பற்றிய தகவல்களுடன் ஒப்பிட்டு பார்ப்போம். எனவே அவர்கள் தாமாக முன்வந்து வருமானத்தை தெரிவிக்கும் திட்டத்தில் சேருவார்கள் என எதிர்பார்க்கிறோம். அப்படி அவர்கள் செய்யவில்லை என்றால் அவர்கள் மகிழ்ச்சியாக இருக்க முடியாது. தப்ப முடியாது அதேபோல பல வங்கிகளில் கணக்குகள் வைத்துள்ள டெபாசிட்தாரர்கள், மற்றவர்களின் வங்கி கணக்கில் பணம் செலுத்தியவர்கள் போன்றவர்களையும் கண்காணித்து வருகிறோம். வரி ஏய்ப்பாளர்கள் யாரையும் வரித் துறை தப்பவிடாது. 60 லட்சம் தனிநபர்கள், கம்பெனிகள், நிறுவனங்கள் ரூ.7 லட்சம் கோடிக்கு மேல் டெபாசிட் செய்துள்ள தகவல்கள் எங்களிடம் உள்ளது. இது வியப்புக்குரிய தொகை. இதில் தனிநபர்கள் மட்டும் 3 முதல் 4 லட்சம் கோடி ரூபாய் வரை டெபாசிட் செய்துள்ளனர். வரித்துறையின் நடவடிக்கைகள் காரணமாக இந்த ஆண்டு அல்லது வருகிற ஆண்டுகளில் அரசுக்கு அதிக வருமானம் கிடைக்கும் என எதிர்பார்க்கிறோம். இவ்வாறு அவர் கூறினார்.

 

TNCSC RECRUITMENT 2016 | TNCSC - CHENNAI | RECRUITMENT NOTIFICATION | NAME OF THE POST - COMPANY SECRETARY | NO. OF VACANCIES - 1 | LAST DATE 04.02.2017

TNCSC RECRUITMENT 2016 | TNCSC - CHENNAI | RECRUITMENT NOTIFICATION | NAME OF THE POST -  COMPANY SECRETARY  | NO. OF VACANCIES - 1 | LAST DATE 04.02.2017
 
>> Employment Type :Govt Job
>> Application :Offline
>> Name of the Post : COMPANY SECRETARY
>> கல்வித் தகுதி : DEGREE
>> காலியிடங்கள் : 1
>> சம்பளம் : 15600-39100+5400
>> தேர்வு செய்யப்படும் முறை : Merit
>> கடைசித் தேதி : 04.02.2017
>> தேர்வு நாள் : Later

ஓய்வூதியம் பெறுபவர்கள் உயிர் வாழ் சான்றிதழை 15-ந்தேதிக்குள் சமர்ப்பிக்க வேண்டும் வருங்கால வைப்புநிதி கழகம் அறிவிப்பு


ஓய்வூதியம் பெறுபவர்கள் உயிர் வாழ் சான்றிதழை 15-ந்தேதிக்குள் சமர்ப்பிக்க வேண்டும் வருங்கால வைப்புநிதி கழகம் அறிவிப்பு | ஓய்வூதியம் பெறுபவர்கள் உயிர் வாழ் சான்றிதழ், மறுமணம் செய்து கொள்ளவில்லை என்பதற்கான சான்றிதழ் ஆகியவற்றை சமர்ப்பிக்க வருகிற ஜனவரி மாதம் 15-ந் தேதி வரை காலக்கெடு நீட்டிக்கப்பட்டு உள்ளது. வங்கியில் நெரிசலை தவிர்க்கும் வகையில் ஓய்வூதியர்கள் 'ஜீவன் பிரம்மான் போர்ட்டல்' என்ற இணையதளம் வழியாக சமர்ப்பிக்கலாம். இந்த வசதியை பொது சேவை மையம், அரசின் இ-சேவை மையங்கள் வழியாகவும் பெறலாம். பி.எப். அலுவலகத்தையும் அணுகலாம். இந்த மையங்களுக்கு செல்லும்போது ஆதார் அட்டை, வங்கி கணக்கு புத்தகம், ஓய்வூதிய வழங்கு ஆணை, செல்போன் ஆகியவற்றை கொண்டு செல்லவேண்டும். மேற்கண்ட தகவல்கள் தொழிலாளர் வருங்கால வைப்பு நிதி கழக மண்டல ஆணையாளர் வெளியிட்டுள்ள செய்திக்குறிப்பில் குறிப்பிடப்பட்டு உள்ளது.

செல்லாத நோட்டுகளை வங்கியில் செலுத்த இன்று கடைசி நாள் பணம் எடுப்பதற்கான கட்டுப்பாடு 1-ந் தேதி முதல் தளர்த்தப்படுகிறது மத்திய மந்திரி தகவல்



செல்லாத நோட்டுகளை வங்கியில் செலுத்த இன்று கடைசி நாள் பணம் எடுப்பதற்கான கட்டுப்பாடு 1-ந் தேதி முதல் தளர்த்தப்படுகிறது மத்திய மந்திரி தகவல் | வங்கிகளில் பழைய ரூ.500, 1000 நோட்டுகளை செலுத்துவதற்கான காலக்கெடு இன்று (வெள்ளிக்கிழமை) முடிகிறது. ஜனவரி 1-ந் தேதி முதல், பணம் எடுப்பதற்கான கட்டுப்பாடு தளர்த்தப்பட வாய்ப்பு இருப்பதாக மத்திய மந்திரி சந்தோஷ் கங்வார் தெரிவித்தார். பிரதமர் மோடி அறிவிப்பு இந்தியாவில் கருப்பு பணத்தை ஒழிக்கும் நடவடிக்கையாக பழைய 500, 1000 ரூபாய் நோட்டுகள் செல்லாது என்று கடந்த நவம்பர் மாதம் 8-ந்தேதி இரவு பிரதமர் நரேந்திர மோடி தொலைக்காட்சியில் தோன்றி அதிரடியாக அறிவித்தார். வங்கி கணக்கில் பழைய 500, 1000 ரூபாய் நோட்டுகளை டிசம்பர் 30-ந்தேதி (இன்று) வரை செலுத்தலாம் என்ற காலக்கெடுவையும் அவர் விதித்தார். மத்திய அரசு வழங்கிய 52 நாள் கால அவகாசம் இன்றுடன் (வெள்ளிக்கிழமை) முடிகிறது. ரிசர்வ் வங்கியில்... வங்கி கணக்கில் பழைய 500, 1000 ரூபாய் நோட்டுகளை டெபாசிட் செய்வதற்கு கடைசிநாளான இன்று மக்கள் கூட்டம் வழக்கத்தை விட அதிகமாக இருக்கும் என்பதில் சந்தேகமில்லை. எனவே வங்கிகள் கூடுதல் நேரம் இயங்க வேண்டும் என்ற கோரிக்கையும் எழுந்துள்ளது. வங்கிகளில் செல்லாத பழைய ரூபாய்களை டெபாசிட் செய்வதற்கான காலக்கெடு இன்றுடன் முடிவடைந்தாலும், ரிசர்வ் வங்கியில் மார்ச் 31-ந் தேதிவரை மாற்றிக்கொள்ள முடியும். ஆனால் பழைய ரூபாய் நோட்டுகள் எப்படி வந்தது? என்பதற்கான ஆதாரத்தை ரிசர்வ் வங்கியிடம் சமர்ப்பிக்க வேண்டும் என்பது குறிப்பிடத்தக்கது. கட்டுப்பாடு தளர்த்தப்படுகிறது இதற்கிடையே, வங்கிகள் மற்றும் ஏ.டி.எம்.களில் பணம் எடுப்பதற்கான கட்டுப்பாடு, ஜனவரி 1-ந் தேதியில் இருந்து தளர்த்தப்பட வாய்ப்பு இருப்பதாக மத்திய நிதித்துறை இணை மந்திரி சந்தோஷ் கங்வார் நேற்று தெரிவித்தார். ஒரு தனியார் செய்தி சேனலுக்கு அளித்த பேட்டியில் அவர் கூறியதாவது:- மத்திய அரசு மற்றும் ரிசர்வ் வங்கிக்கு சொந்தமான 4 அச்சகங்களிலும் புதிய ரூபாய் நோட்டுகள் அச்சிடும் பணி முழுவீச்சில் நடந்து வருகிறது. தினந்தோறும் 25 கோடி முதல் 30 கோடி எண்ணிக்கை கொண்ட புதிய ரூபாய் நோட்டுகள் அச்சிடப்பட்டு வருவதாக எனக்கு தகவல் கிடைத்துள்ளது. எனவே, பணம் எடுப்பதற்கான கட்டுப்பாடுகளால் பொதுமக்களுக்கு ஏற்பட்ட அசவுகரியங்கள், டிசம்பர் 30-ந் தேதிக்கு பிறகு குறையும். ஜனவரி 1-ந் தேதியில் இருந்து, பணம் எடுப்பதற்கான கட்டுப்பாடுகள் நீடிக்க வேண்டிய அவசியம் இருக்காது. அந்த கட்டுப்பாடுகள் தளர்த்தப்பட வாய்ப்பு உள்ளது. புதிய ரூ.500 நோட்டு புதிய ரூபாய் நோட்டுகள் போதுமான அளவுக்கு முன்கூட்டியே அச்சிடப்படாததற்கு என்ன காரணம் என்றால், செல்லாத நோட்டு பற்றிய அறிவிப்பு, முன்கூட்டியே கசிந்து விடும் என்பதால்தான். அதிலும், புதிய 500 ரூபாய் நோட்டுகள் அச்சிடும் பணி, நவம்பர் 10-ந் தேதிக்கு பிறகுதான் தொடங்கியது. முற்றிலும் ரொக்கம் இல்லா பரிமாற்றத்தை கொண்டு வருவது அரசின் நோக்கம் அல்ல. குறைந்த அளவில் ரொக்கத்தை பயன்படுத்தும் முறையை கொண்டு வருவதற்கே முயன்று வருகிறோம். இவ்வாறு அவர் கூறினார்.

கணக்கில் காட்டாத பணத்தை நாளைக்குள் முதலீடு செய்யலாம் வருமான வரித்துறை அறிவிப்பு


கணக்கில் காட்டாத பணத்தை நாளைக்குள் முதலீடு செய்யலாம் வருமான வரித்துறை அறிவிப்பு | 'கணக்கில் காட்டப்படாத ரொக்கம் வைத்திருப்பவர்கள் பிரதம மந்திரி ஏழைகள் நலத் திட்டம் 2016-ன் கீழ்வரும் 30-ம் தேதிக்குள் அத்தொகையை வங்கிகளிலோ, தலைமை அஞ்சல், துணை அஞ்சல் நிலையங்களில் முதலீடு செய்யலாம்' என வருமான வரித்துறை அறிவித்துள்ளது. இதுகுறித்து, வருமான வரித்துறை வெளியிட்டுள்ள செய்திக்குறிப்பில் தெரிவித்துள்ள தாவது: பண மதிப்பு நீக்க நடவடிக்கையின் தொடர்ச்சியாக திரட்டப்பட்ட கறுப்பு பணத்தை வறுமை ஒழிப்பு மற்றும் வளர்ச்சித் திட்டங்களுக்கு பயன்படுத்துவதே பிரதம மந்திரி ஏழைகள் நலத்திட்டம் 2016-ன் முக்கிய நோக்கமாகும். இத்திட்டத்தின் கீழ் எந்த ஒரு நபரும் ரொக்கமாகவோ, முதலீடாகவோ ரிசர்வ் வங்கிகள் மற்றும் வங்கிகள் ஒழுங்குமுறை சட்டம் 1949-ன் விதிமுறைகளுக்குப் பொருந்தும் கூட்டுறவு வங்கிகள், தலைமை அஞ்சல் அலுவலகம் அல்லது துணை அஞ்சல் அலுவலகம் மற்றும் இந்திய அரசாங்கத்தால் அறிவிக்கப்படும் எந்தவொரு குறிப்பிட்ட நிறுவனத்திலும் தனது கணக்கில் காட்டப்படாத பணத்தை அளிக்கலாம். கணக்கில் காட்டப்படாத ரொக் கம் வைத்திருப்பவர்கள் வரும் 30-ம் தேதிக்குள் அதை முதலீடு செய்ய வாய்ப்பு கிடைத்துள்ளது. இத்திட்டத்தின் கீழ் அறிவிக்கும் நபர் தனது கணக்கில் காட்டப்படாத வருமானத்தில் 30 சதவீதம் வரி, வரியில் 33 சதவீதம் கூடுதல் வரி மற்றும் மறைக்கப்பட்ட வருமானத்தில் 10 சதவீதம் அபராதம் உட்பட மொத்தம் 49.9 சதவீதம் செலுத்த வேண்டும். மேலும், இத்திட்டத்தின் கீழ் கணக்கில் காட்டாத வருமானத்தின் 25 சதவீத தொகையை பிரதம மந்திரி ஏழைகள் நல முதலீட்டுத் திட்டத்தின் கீழ் கட்டாய வைப்பு நிதியாக 4 ஆண்டு காலத்துக்கு முதலீடு செய்யப்பட வேண்டும். இவ்விதமான வைப்பீட்டுக்கு வட்டி எதுவும் வழங்கப்பட மாட்டாது. 2017 மார்ச் 31-ன் படியான கணக்கில் எடுத்துக் கொள்ளப்படாத ரொக்கம் அல்லது வைப்புகள் பற்றி அங்கீகரிக்கப்பட்ட படிவத்தில் அறிவிக்க வேண்டும். பின்விளைவுகள் இத்திட்டத்தின் கீழ் வர விரும் பாத நபர், மதிப்பீட்டு ஆண்டு 2017-18 முதல் வரிப் படிவத்தில் அத்தகைய கணக்கில் காட்டப்படாத ரொக்கம் அல்லது வைப்பு நிதியை தெரிவிக்கலாம். ஆனால், கணக்கில் காட்டப்படாத ரொக்கம் அல்லது வைப்பு நிதியின் 60 சதவீதம் வரி மற்றும் கூடுதல் வரி சேர்த்து 77.25 சதவீதம் செலுத்த நேரிடும். அவ்வாறு 2017-18 கணக்கீட்டு ஆண்டு முதல் ஒருவர் தானாக கணக்கில் காட்டப்படாத வருமானத்தைத் தெரிவிக்காத நிலையில் பின்னர் வருமான வரித்துறை ஆய்வின்போது அதனைக் கண்டுபிடித்தால் 60 சதவீதம் வரி மற்றும் கூடுதல் வரி மற்றும் செஸ் தவிர்த்து 10 சதவீதம் அபராதம் என்று மொத்தமாக 83.25 சதவீதம் வரி செலுத்துவதோடு பொருளாதார குற்றங்களுக்கான சட்ட நடவடிக்கையையும் எதிர்கொள்ள நேரிடும். மேற்கண்ட எந்த முறையிலும் ஒருவரின் கணக்கில் காட்டப்படாத வருமானம் வெளிப்படாமல் பின்னர் வருமான வரித்துறை சோதனையின்போது அதனைக் கண்டுபிடித்தால் 77.25 சதவீதம் வரியைத் தவிர்த்து, 60 சதவீதம் வரை அபராதம் விதிக்கப்படும். இந்நிலையில், அவர் செலுத்தும் வரி மற்றும் அபராதமானது அவரது வருமானத்தில் 107.25 அல்லது 137.25 சதவீதமாக இருக்கும். இவ்வாறு செய்திக்குறிப்பில் தெரிவிக்கப்பட்டுள்ளது.


மார்ச் 31-க்குப் பிறகு ரூ.500, 1000 வைத்திருந்தால் 4 ஆண்டு சிறை விரைவில் அவசரச் சட்டம்

மார்ச் 31-க்குப் பிறகு ரூ.500, 1000 வைத்திருந்தால் 4 ஆண்டு சிறை விரைவில் அவசரச் சட்டம் | தடை செய்யப்பட்ட 500, 1000 ரூபாய் நோட்டுகள் வைத்திருப்பதை தண்டனைக்குரிய குற்றமாகக் கருதும் அவசரச் சட்டம் பிறப்பிக்க மத்திய அமைச்சரவை நேற்று ஒப்புதல் அளித்தது. தடை செய்யப்பட்ட 500, 1000 ரூபாய் நோட்டுகளை வங்கிகளில் செலுத்த நாளை (30-ம் தேதி) கடைசி தேதி. இந்நிலையில், பண மதிப்பு நீக்க நடவடிக்கை தொடர்பான அவ சரச் சட்டத்தை பிறப்பிப்பதற்கு, டெல்லியில் பிரதமர் நரேந்திர மோடி தலைமையில் நேற்று நடைபெற்ற மத்திய அமைச்சரவைக் கூட்டத்தில் ஒப்புதல் அளிக்கப்பட்டது. குடியரசுத் தலைவர் பிரணாப் முகர்ஜியின் ஒப்புதலை அடுத்து, இந்த அவசரச் சட்டம் அமலுக்கு வரும். இதன் படி, 2017 மார்ச் 31-ம் தேதிக்குப் பிறகு 10-க்கும் மேற்பட்ட பழைய 500, 1000 ரூபாய் நோட்டுகளை வைத்திருந் தால், ரூ. 10 ஆயிரம் அல்லது, கையில் இருக்கும் பழைய ரூபாய் நோட்டுகளின் மதிப்பில் 10 மடங்கு தொகை அபராதமாக விதிக்கப்படும். வரும் ஜனவரி 1-ம் தேதி முதல் மார்ச் 31-ம் தேதி வரை ரிசர்வ் வங்கிக் கிளைகளில் பழைய நோட்டுகளை மாற்றும்போது, பொய் தகவல் அளித்தால் ரூ.5 ஆயிரம் அல்லது பழைய நோட்டுகளின் மதிப்பில் 5 மடங்கு அபராதமாக வசூலிக்கப்படும். கடந்த 1978-ம் ஆண்டிலும் மொரார்ஜி தேசாய் தலைமையிலான அரசு 1000, 5000 மற்றும் 10,000 ரூபாய் நோட்டுகளை தடை செய்தபோது, இதேபோன்ற அவசரச் சட்டம் பிறப்பிக்கப்பட்டது குறிப்பிடத்தக்கது. தடை செய்யப்பட்ட ரூபாய் நோட்டுகளை அதிக எண்ணிக்கையில் வைத்திருப்போருக்கு 4 ஆண்டுகள் வரை சிறை தண்டனை விதிக் கவும் அவசரச் சட்டம் வகை செய்யும். தடை செய்யப்பட்ட நோட்டுகளின் மதிப்பு ரூ.15.4 லட்சம் கோடி. இதுவரை செலுத்தப்பட்ட மற்றும் மாற்றப்பட்ட தொகை ரூ.14 லட்சம் கோடி. வரும் மார்ச் 31-ம் தேதிக்குப் பிறகு, எஞ்சிய ரூபாய் நோட்டுகள் சட்டத்துக்கு புறம்பானவையாகிவிடும்.  


பழைய 500, 1,000 ரூபாய் நோட்டுகளை வங்கிகளில் மாற்றுவதற்கான காலக்கெடு நாளையுடன் முடிகிறது


பழைய 500, 1,000 ரூபாய் நோட்டுகளை வங்கிகளில் மாற்றுவதற்கான காலக்கெடு நாளையுடன் முடிகிறது | செல்லாது என்று அறிவிக்கப்பட்ட பழைய 500 மற்றும் 1,000 ரூபாய் நோட்டுகளை வங்கிகளில் மாற்றுவதற்கான காலக்கெடு நாளையுடன் முடிகிறது. நெருக்கடி கருப்பு பண ஒழிப்பு நடவடிக்கையாக ஏற்கனவே புழக்கத்தில் இருந்த 500 மற்றும் 1,000 ரூபாய் நோட்டுகள் செல்லாது என்று கடந்த மாதம் 8-ந் தேதி பிரதமர் நரேந்திர மோடி அதிரடியாக அறிவித்தார். மேலும் பொதுமக்கள் கையில் இருக்கும் 500 மற்றும் 1,000 ரூபாய் நோட்டுகளை வங்கிகள் மற்றும் அஞ்சலகங்களில் கொடுத்து புதிய ரூபாய் நோட்டுகளை பெற்றுக்கொள்ளலாம் என்றும் மத்திய அரசு அறிவித்தது. இதையடுத்து, பொதுமக்கள் தங்கள் கையிருப்பு வைத்திருந்த பழைய ரூபாய் நோட்டுகளை வங்கிகள் மற்றும் அஞ்சலகங்களில் கொடுத்து மாற்றி வந்தனர். அதுவும் உச்சவரம்பாக தனிநபர் ஒருவருக்கு ரூ.4 ஆயிரம் வரை மட்டுமே மாற்றித்தரப்படும், ஆதார் அடையாள அட்டை அவசியம் என்பன உள்ளிட்ட பல்வேறு கட்டுப்பாடுகள் விதிக்கப்பட்டிருந்தன. இதனால் பொதுமக்கள் கடும் நெருக்கடிக்கு உள்ளானார்கள். காலக்கெடு முடிகிறது நிர்ணயிக்கப்பட்ட உச்ச வரம்பு பணத்தை மாற்றுவதற்கு கூட நாள் கணக்கில் வங்கி வாசல்களில் வேலைகளை விட்டுவிட்டு பொதுமக்கள் காத்துக்கிடந்தனர். டிசம்பர் 30-ந் (நாளை) தேதியோடு பழைய ரூபாய் நோட்டுகளை மாற்றுவது நிறுத்தப்படும் என்று ஏற்கனவே மத்திய அரசு அறிவித்திருந்தது. அதன்படி பழைய ரூபாய் நோட்டுகளை மாற்ற இன்னும் ஒரு நாளே உள்ளது. 30-ந் தேதிக்கு பின்னர் பழைய ரூபாய் நோட்டுகளை வைத்திருப்பது விதியை மீறிய செயலாகும். மேலும் அதன் பிறகு மாற்றுபவர்களுக்கு அபராதம் விதிக்கப்படும் என்றும் மத்திய அரசு அறிவித்துள்ளதால் பொதுமக்கள் தங்கள் கையிருப்பில் வைத்துள்ள பழைய ரூபாய் நோட்டுகளை மாற்ற வங்கிகளில் குவிந்த வண்ணம் உள்ளனர். நாளையுடன் காலக்கெடு முடிவதால் வங்கிகளில் கூட்ட நெரிசல் ஏற்பட வாய்ப்பு உள்ளது. இதனால் வங்கிகளில் கூட்ட நெரிசலை சமாளிப்பதற்கு விரிவான ஏற்பாடுகள் செய்யப்பட்டுள்ளன. ரிசர்வ் வங்கியில் மாற்றலாம் அதே சமயத்தில் ரிசர்வ் வங்கியில் பழைய ரூபாய் நோட்டுகளை மார்ச் மாதம் 31-ந் தேதி வரை மாற்றலாம். ரூபாய் நோட்டுகள் குறித்த ஆவணங்களையும், எதன் அடிப்படையில் பழைய ரூபாய் நோட்டுகள் கிடைத்தது என்பதற்கான ஆவணங்களையும் சமர்ப்பிக்கவேண்டும் என்பது குறிப்பிடத்தக்கது. மார்ச் மாதம் 31-ந் தேதிக்கு பின்னர் பழைய 500 மற்றும் 1,000 ரூபாய் நோட்டுகளை வைப்பதற்கு மத்திய அரசு தடை விதித்துள்ளது. முடங்கிய ஏ.டி.எம். எந்திரம் இதற்கிடையே கடந்த 50 நாட்களுக்கும் மேலாக சென்னையை பொறுத்தமட்டில் 80 சதவீதத்துக்கு அதிகமான ஏ.டி.எம். எந்திரங்கள் மூடியே கிடக்கின்றன. இதனால் வங்கி கணக்கில் போதுமான அளவு பணம் இருந்தும் எடுக்க முடியாமல் பொதுமக்கள் கடுமையான அவதிக்குள்ளாகி வருகின்றனர். இதேபோல மாதக்கடைசி என்பதால் சிலருடைய வங்கி கணக்கில் ரூ.2 ஆயிரத்துக்கும் குறைவான தொகை இருப்பு உள்ளது. ஆனால் பணம் இருக்கும் சில ஏ.டி.எம். எந்திரங்களிலும் ரூ.2 ஆயிரம் புதிய ரூபாய் நோட்டு மட்டும் வருவதால், அவர்களால் வங்கி கணக்கில் இருப்பு உள்ள தொகையை கூட எடுக்க முடிவதில்லை. பிறக்க உள்ள புத்தாண்டில் தற்போது நிலவும் பணப்பிரச்சினை தீர்ந்து இயல்பு நிலை திரும்பவேண்டும் என்பதே பொதுமக்களின் பிரதான எதிர்பார்ப்பாக உள்ளது.

TNPL RECRUITMENT 2016-2017 | TNPL - CHENNAI | RECRUITMENT NOTIFICATION - NAME OF THE POST - DIRECTOR | NO. OF VACANCIES - 1 | LAST DATE 11.01.2017

TNPL RECRUITMENT 2016-2017 | TNPL - CHENNAI | RECRUITMENT NOTIFICATION - NAME OF THE POST - DIRECTOR | NO. OF VACANCIES 1 | LAST DATE 11.01.2017

>> Employment Type : Govt Job
>> Application : Offline
>> Name of the Post : DIRECTOR
>> கல்வித் தகுதி : DEGREE
>> காலியிடங்கள் : 1 
>> சம்பளம் : 80600-2420-104800
>> தேர்வு செய்யப்படும் முறை : MERIT
>> கடைசித் தேதி : 11.01.2017
>> தேர்வு நாள் : --

பதிவு செய்தும் ஆதார் எண்- அட்டை பெறாதவர்களுக்காக தமிழகம் முழுவதும் 301 இடங்களில் ஆதார் உதவி மையங்கள் அமைப்பு தமிழக அரசு அறிவிப்பு


பதிவு செய்தும் ஆதார் எண்- அட்டை பெறாதவர்களுக்காக தமிழகம் முழுவதும் 301 இடங்களில் ஆதார் உதவி மையங்கள் அமைப்பு தமிழக அரசு அறிவிப்பு | பதிவு செய்தும் ஆதார் எண்-அட்டை பெறாதவர், அட்டையை தொலைத்தவருக்காக பிப்ரவரி வரை தமிழகம் முழுவதும் 301 இடங்களில் ஆதார் உதவி மையங்கள் அமைக்கப்பட்டுள்ளதாக தமிழக அரசு அறிவித்துள்ளது. இதுகுறித்து தமிழக அரசு வெளியிட்டுள்ள செய்திக்குறிப்பில் கூறப்பட்டு இருப்பதாவது:- ஆதார் வழங்கும் பணி தமிழகத்தில் பொதுமக்களுக்கு ஆதார் எண் வழங்கும் பணியை மத்திய அரசின் பொதுத்துறை நிறுவனமான பாரத மின்னணு நிறுவனம் கடந்த 18.6.11 அன்று தொடங்கியது. தமிழ்நாடு மின்னணு நிறுவனம் (எல்காட்) மற்றும் தமிழ்நாடு அரசு கேபிள் டி.வி. நிறுவனம் ஆகியவை சேர்க்கை முகமைகளாக அங்கீகரிக்கப்பட்டுள்ளன. தமிழ்நாடு அரசு கேபிள் டி.வி. நிறுவனம் சென்னை தலைமைச் செயலகத்தில் ஒரு மையம், 285 வட்டாட்சியர் அலுவலகங்களில் தலா ஒரு மையம், சென்னை மாநகராட்சி தலைமை அலுவலகத்தில் ஒரு மையம், சென்னை மாநகராட்சியின் 15 மண்டல அலுவலகங்களில் தலா ஒரு மையம், சென்னை மாநகராட்சியின் 36 கோட்ட அலுவலகங்களில் தலா ஒரு மையம், வருவாய் நிர்வாக ஆணையர் அலுவலகத்தில் ஒரு மையம் என மொத்தம் 339 நிரந்தர ஆதார் சேர்க்கை மையங்களை அமைத்து நிர்வகித்து வருகிறது. தமிழ்நாடு மின்னணு நிறுவனம் தமிழகத்தில் உள்ள 32 மாவட்ட ஆட்சியர் அலுவலகங்கள், 124 நகராட்சி அலுவலகங்கள் மற்றும் சென்னை நீங்கலான இதர மாநகராட்சிகள் என ஆக மொத்தம் 206 நிரந்தர ஆதார் சேர்க்கை மையங்களை அமைத்து நிர்வகித்து வருகிறது. ஆக மொத்தம் 545 நிரந்தர சேர்க்கை மையங்கள் தமிழ்நாடு முழுவதும் தற்போது முழுவீச்சில் இயங்கி வருகின்றன. ஆதார் உதவி மையங்கள் ஆதார் அட்டைக்கு பதிவு செய்து ஆதார் எண் அல்லது ஆதார் அட்டை கிடைக்கப் பெறாதவர்கள் மற்றும் ஆதார் அட்டையை தொலைத்தவர்கள் தங்களது ஆதார் நம்பரை தெரிந்து கொள்ள ஏதுவாக தமிழ்நாடு மின் ஆளுமை முகமை, தற்போது ஆதார் உதவி மையங்களை தமிழகத்தின் அனைத்து வட்டாட்சியர் அலுவலகங்கள் (285), சென்னை மாநகராட்சியின் மண்டல அலுவலகங்கள் (15) மற்றும் சென்னை மாநகராட்சி தலைமை அலுவலகம் என மொத்தம் 301 இடங்களில் அமைத்துள்ளது. இம்மையங்கள் 28.12.2016 முதல் 28.2.2017 வரை செயல்படும். இந்த ஆதார் உதவி மையங்களில், ஆதார் எண்ணிற்கு ஏற்கனவே பதிவுகளை செய்துவிட்டு ஆதார் எண், ஆதார் அட்டை கிடைக்கப்பெறாத பொதுமக்கள் மற்றும் ஆதார் அட்டையை தொலைத்தவர்கள் நேரில் சென்று தங்களது பெயர், பிறந்த தேதி, அஞ்சல் குறியீடு எண், கை விரல் ரேகை மற்றும் கருவிழிகளை பதிவு செய்து, சில வினாடிகளில் தங்களின் ஆதார் எண்ணை அறிந்து கொள்ளலாம். இந்த வழிமுறையில் கிடைத்த ஆதார் நம்பரை ஆதார் உதவி மையங்களின் அருகிலேயே இயங்கும் அரசு இ-சேவை மையங்களில் காண்பித்து, விரல்ரேகை அல்லது கருவிழியினைப் பதிவு செய்து ரூ.30 கட்டணம் செலுத்தி கைக்கு அடக்கமான பிளாஸ்டிக் ஆதார் அட்டையாகவோ அல்லது ரூ.10 மட்டும் செலுத்தி காகிதத்தில் அச்சிட்டோ பெற்றுக்கொள்ளலாம். எனவே, ஆதார் எண்ணிற்கு ஒரு முறை பதிவு செய்தவர்கள் திரும்ப திரும்ப நிரந்தர ஆதார் பதிவு மையத்திற்கு செல்லத்தேவையில்லை. இதற்கு ஆதார் உதவி மையங்களை அணுகலாம். இவ்வாறு அதில் கூறப்பட்டுள்ளது.

கல்வி தரத்தில் பின்தங்கிய நிலையில் உள்ள 10-வது, பிளஸ்-2 மாணவர்களை வேறு பள்ளிக்கு மாற்றினால் கடும் நடவடிக்கை பள்ளிக்கல்வி இயக்குனர் எச்சரிக்கை


கல்வி தரத்தில் பின்தங்கிய நிலையில் உள்ள 10-வது, பிளஸ்-2 மாணவர்களை வேறு பள்ளிக்கு மாற்றினால் கடும் நடவடிக்கை பள்ளிக்கல்வி இயக்குனர் எச்சரிக்கை | கல்வி தரத்தில் பின்தங்கிய நிலையில் உள்ள 10-வது மற்றும் பிளஸ்-2 மாணவ-மாணவிகளை வேறு பள்ளிக்கு மாற்றினால் சம்பந்தப்பட்ட அதிகாரிகள் மீது நடவடிக்கை எடுக்கப்படும் என்று பள்ளிக்கல்வி இயக்குனர் ச.கண்ணப்பன் எச்சரிக்கை விடுத்துள்ளார். இதுதொடர்பாக அவர் வெளியிட்டுள்ள அறிக்கையில் கூறியிருப்பதாவது:- வேறு பள்ளிக்கு மாற்ற சான்றிதழ் 2016-17-ம் கல்வி ஆண்டில் நடைபெறவுள்ள 10 மற்றும் 12-ம் வகுப்பு அரசு பொதுத்தேர்வினை எழுதவுள்ள மாணவ-மாணவிகளின் பெயர் பட்டியல் தயார் செய்யும் பணி அனைத்து மாவட்டங்களிலும் ஏற்கனவே நடைபெற்று வருகிறது. ஒரு சில மாவட்டங்களில் சில பள்ளிகள், கல்வி தரத்தில் பின்தங்கிய (பெயிலாகும் நிலையில் உள்ள) மாணவ- மாணவியர்களின் பள்ளி மாற்றுச்சான்றிதழை பெற்று வேறு பள்ளிக்கு செல்ல வற்புறுத்துவதாக புகார்கள் இவ்வியக்கத்தில் பெறப்பட்டு வருகின்றன. நடவடிக்கை எனவே இக்கல்வி ஆண்டு (2016-17) வருகை பதிவேட்டில் உள்ள அனைத்து 10 மற்றும் 12-ம் வகுப்பு மாணவ- மாணவிகளின் பெயர் கட்டாயம் அரசு தேர்வுத்துறை விதிமுறைகளின்படி அரசு தேர்வுகள் துறைக்கு அனுப்பும் பட்டியலில் இடம் பெற வேண்டும் எனவும், எவர் பெயரேனும் விடுபட்டால் பொறுப்பான அலுவலர்கள் மீது உரிய நடவடிக்கை மேற்கொள்ளும் நிலை ஏற்படும் என திட்டவட்டமாக தெரிவிக்கப்படுகிறது. இச்சுற்றறிக்கையின் நகலினை தமது மாவட்டத்தில் உள்ள அனைத்து வகை பள்ளி தலைமை ஆசிரியர்களுக்கும் அளித்து உரிய ஒப்புதலை பெற்று தமது அலுவலக கோப்பில் வைக்குமாறு அனைத்து முதன்மைக் கல்வி அலுவலர்களும் கேட்டுக் கொள்ளப்படுகிறார்கள். இவ்வாறு ச.கண்ணப்பன் அந்த அறிக்கையில் கூறியுள்ளார்.

3 ஆண்டுகளாக தமிழ் படிக்காத மாணவர்கள் தாய்மொழியில் 10-ம் வகுப்பு பொதுத்தேர்வு எழுத அனுமதிக்கவேண்டும் அரசுக்கு அறிவுரை கூறும்படி அட்வகேட் ஜெனரலுக்கு, ஐகோர்ட்டு உத்தரவு



3 ஆண்டுகளாக தமிழ் படிக்காத மாணவர்கள் தாய்மொழியில் 10-ம் வகுப்பு பொதுத்தேர்வு எழுத அனுமதிக்கவேண்டும் அரசுக்கு அறிவுரை கூறும்படி அட்வகேட் ஜெனரலுக்கு, ஐகோர்ட்டு உத்தரவு | கடந்த 3 ஆண்டுகள் தமிழ் மொழிப்பாடங்களை படிக்காத மாணவர்களை, நடைபெற உள்ள 10-ம் வகுப்பு பொதுத்தேர்வில் முதல் மொழிப்பாடமான தமிழுக்கு பதில் தங்களது தாய்மொழியில் தேர்வு எழுத அனுமதிக்கும்படி தமிழக அரசுக்கு, அட்வகேட் ஜெனரல் அறிவுரை கூறவேண்டும் என்று ஐகோர்ட்டு உத்தரவிட்டுள்ளது. முதல் மொழிப்பாடம் தமிழக அரசு, கட்டாய தமிழ் கற்றல் சட்டத்தை கடந்த 2006-ம் ஆண்டு கொண்டு வந்தது. இதன்படி, 2006-ம் ஆண்டு முதல் மொழி சிறுபான்மை பள்ளிக்கூடங்கள் உள்பட அனைத்து வகையான பள்ளிக்கூடங்களிலும் முதல் மொழிப்பாடமாக தமிழை கண்டிப்பாக கற்பிக்க வேண்டும் என்று கூறப்பட்டு இருந்தது. இந்த சட்டத்தின்படி, கடந்த 2006-ம் ஆண்டு ஒன்றாம் வகுப்பில் சேர்ந்த மாணவர்கள் கடந்த மார்ச் மாதம் 10-ம் வகுப்பு பொது தேர்வு எழுதினார்கள். அப்போது, சில மாணவர்கள் தங்களுக்கு தமிழ் பாடம் நடத்தப்படவில்லை என்றும், இதனால் பொதுத்தேர்வில் தமிழுக்கு பதில் முதல் மொழிப்பாடமாக தங்களது தாய்மொழியில், அதாவது தெலுங்கு, கன்னடம், இந்தி, உருது ஆகிய மொழிகளில் தேர்வு எழுத அனுமதிக்கவேண்டும் என்றும் தமிழக பள்ளி கல்வித்துறை செயலாளருக்கு கோரிக்கை மனு கொடுத்தனர். தாய்மொழியில் தேர்வு இவர்களது கோரிக்கையை பள்ளி கல்வித்துறை செயலாளர் நிராகரித்துவிட்டதால், பலர் ஐகோர்ட்டில் வழக்கு தொடர்ந்தனர். இந்த வழக்குகளை விசாரித்த தலைமை நீதிபதி சஞ்சய்கிஷன் கவுல், நீதிபதி எம்.எம்.சுந்தரேஷ் ஆகியோர், மொழி சிறுபான்மை பள்ளிக்கூடங்களில் படிக்கும் இந்த மாணவர்கள், தங்களது தாய்மொழியான தெலுங்கு, கன்னடம், இந்தி, உருது ஆகிய மொழிகளை முதல் மொழிப்பாடமாக கொண்டு தேர்வு எழுத அனுமதிக்க வேண்டும் என்று கடந்த ஜனவரி மாதம் உத்தரவிட்டார்கள். இதனால், கடந்த மார்ச் மாதம் 15-ந் தேதி நடந்த 10-ம் வகுப்பு பொதுத்தேர்வில், 10 ஆயிரத்துக்கும் மேற்பட்ட மாணவர்கள், முதல் மொழிப்பாடமாக தமிழை எழுதுவதற்கு பதில், தங்களது தாய் மொழியான இந்தி, தெலுங்கு, கன்னடம், உருது ஆகிய மொழிகளில் தேர்வுகளை எழுதினார்கள். விசாரணை இந்த நிலையில், மொழி சிறுபான்மை பள்ளிக்கூடங்களின் சங்கம் உள்பட பலர், முதல் மொழிப்பாடமாக தமிழை எழுதுவதற்கு எதிர்ப்பு தெரிவித்து ஐகோர்ட்டில் தொடர்ந்த வழக்கு தலைமை நீதிபதி சஞ்சய்கிஷன் கவுல், நீதிபதி எம்.சுந்தர் ஆகியோர் முன்பு விசாரணைக்கு வந்தது. அப்போது, மனுதாரர்கள் சார்பில் ஆஜரான மூத்த வக்கீல், கல்விக் கொள்கை என்ற பெயரில் மாணவர்களின் வாழ்க்கையோடு தமிழக அரசு விளையாடுகிறது. கடந்த 2012-ம் ஆண்டு வரை மொழி சிறுபான்மை பள்ளிக்கூடங்களில் தமிழ் ஆசிரியர்கள் நியமிக்கப்படவில்லை. எனவே, மொழி சிறுபான்மை மாணவர்களை வருகிற 10-ம் வகுப்பு பொதுத்தேர்வில் முதல் மொழிப்பாடமாக தமிழுக்கு பதில் அவர்களது தாய் மொழியில் தேர்வு எழுத அனுமதிக்கவேண்டும் என்று அரசுக்கு கோரிக்கை விடப்பட்டுள்ளது. வெளிமாநிலங்களில் இருந்து தமிழகத்தில் குடியேறிய மாணவர்கள் தங்களது தாய் மொழியில் தேர்வு எழுத அனுமதிக்கக்கோரி கொடுக்கும் விண்ணப்பத்துடன், மொழி சிறுபான்மை பள்ளிக்கூட கோரிக்கைகளையும் சேர்த்து பரிசீலிக்க உத்தரவிட வேண்டும் என்று வாதிட்டார். அரசுக்கு அறிவுரை இதையடுத்து நீதிபதிகள், கடந்த 3 ஆண்டுகளாக தமிழ் பாடங்களை படிக்காத மாணவர்களுக்கு, 10-ம் வகுப்பு பொதுதேர்வில் முதல் மொழிப்பாடமாக தமிழுக்கு பதில், அவர்களது தாய் மொழியில் தேர்வு எழுத அனுமதிக்கும்படி தமிழக அரசுக்கு அறிவுரை கூறும்படி, அட்வகேட் ஜெனரலுக்கு உத்தரவிட்டனர். அட்வகேட் ஜெனரலும், அரசுக்கு அறிவுரை கூறுவதாக உத்தரவாதம் அளித்தார். இதையடுத்து, இந்த வழக்கு விசாரணையை வருகிற ஜனவரி 3-ந் தேதிக்கு தள்ளிவைத்து நீதிபதிகள் உத்தரவிட்டனர்.


தனிநபர் வருமான வரிவிகிதத்தை குறைக்க வேண்டும் நிதி ஆயோக் கூட்டத்தில் வலியுறுத்தல்



தனிநபர் வருமான வரிவிகிதத்தை குறைக்க வேண்டும் நிதி ஆயோக் கூட்டத்தில் வலியுறுத்தல் | தனிநபர் வருமான வரிவிகிதத்தை குறைக்க வேண்டும் என்று நிதி ஆயோக் ஆலோசனை கூட்டத்தில் பொருளாதார வல்லுனர்கள் வலியுறுத்தினர். பட்ஜெட் தேதி மாற்றம் வருகிற 2017-18-ம் ஆண்டுக்கான பட்ஜெட் குறித்து ஆலோசிக்க டெல்லியில் நிதி ஆயோக் கூட்டம் நேற்று நடந்தது. அதன் தலைவர் பிரதமர் நரேந்திர மோடி தலைமை தாங்கினார். கூட்டத்தில் நிதி மந்திரி அருண் ஜெட்லி, நிதி ஆயோக் துணைத்தலைவர் அரவிந்த் பனகாரியா மற்றும் பொருளாதார வல்லுனர்கள் கலந்துகொண்டனர். கூட்டத்தில் பிரதமர் நரேந்திர மோடி பேசுகையில், வழக்கமாக பட்ஜெட் பிப்ரவரி 28-ந்தேதி வெளியிடப்படும். ஆனால் வரும் நிதி ஆண்டில் பிப்ரவரி 1-ந்தேதியே வெளியிட திட்டமிடப்பட்டு உள்ளது. பல்வேறு துறைகளுக்கு நிதி முன்னதாகவே சென்றடையவே இந்த முறை முன்னதாக பட்ஜெட் வெளியிடப்பட இருக்கிறது. மேலும் வரும் ஆண்டில் தனியாக ரெயில்வே பட்ஜெட் இருக்காது. அது பொது பட்ஜெட்டிலேயே இணைக்கப்படும் என்றார். வருமான வரி விகிதம் பின்னர் கூட்டத்தில், பட்ஜெட்டில் இடம்பெற வேண்டிய முக்கிய அம்சங்கள் குறித்து விவாதிக்கப்பட்டது. இதில், வேலைவாய்ப்பை உருவாக்குதல், விவசாய நலத்திட்டங்கள், திறன் மேம்பாடு பயிற்சி, கல்வி உள்ளிட்ட இளைஞர்களை ஊக்குவிக்கும் வகையில் பட்ஜெட் அறிவிப்பு இருக்க வேண்டும் என்று மோடி அறிவுறுத்தினார். கூட்டத்தில் விவாதிக்கப்பட்ட அம்சங்கள் குறித்து நிதி ஆயோக் துணைத்தலைவர் அரவிந்த் பனகாரியா பின்னர் செய்தியாளர்களிடம் கூறியதாவது:- சர்வதேச தரத்துக்கு இந்தியா உயர, தனி நபர் வருமான வரி மற்றும் நிறுவனங்களுக்கான வரியை எளிமையாக்க வேண்டும், தனி நபர் நேரடி வருமான வரி விகிதத்தை குறைக்க வேண்டும், சுங்க வரி உள்ளிட்ட பல்வேறு வரி விகிதங்களை ஒருங்கிணைக்க வேண்டும் என்று பொருளாதார வல்லுனர்கள் ஆலோசனை வழங்கினர். அதிக வேலைவாய்ப்பு வழங்கக்கூடிய சுற்றுலா துறைக்கு கூடுதல் நிதி ஒதுக்க வேண்டும் என்றும் வலியுறுத்தினர். டிஜிட்டல் தொழில்நுட்பத்தை மேம்படுத்த வேண்டும் என்றும் தெரிவித்தனர். இவ்வாறு அவர் கூறினார்.

மேலும் ஓராண்டுக்கு நீட்டிக்கும் வகையில் ரேஷன் அட்டைகளில் உள்தாள் ஒட்டப்படும் தமிழக அரசு அதிகாரி தகவல்


மேலும் ஓராண்டுக்கு நீட்டிக்கும் வகையில் ரேஷன் அட்டைகளில் உள்தாள் ஒட்டப்படும் தமிழக அரசு அதிகாரி தகவல் | ரேஷன் அட்டைகளின் செல்லத்தக்க காலத்தை மேலும் ஓராண்டுக்கு நீட்டிக்கும் வகையில் அவற்றில் உள்தாள் ஒட்டப்படும் என்று தமிழக அரசு அதிகாரியின் கடிதத்தில் தெரிவிக்கப்பட்டுள்ளது. ஆணையருக்கு கடிதம் தமிழக கூட்டுறவு, உணவு மற்றும் நுகர்வோர் பாதுகாப்புத்துறை முதன்மைச் செயலாளர் பிரதீப் யாதவ், உணவுப்பொருள் வழங்கல் மற்றும் நுகர்வோர் பாதுகாப்புத்துறை ஆணையருக்கு அனுப்பிய கடிதத்தில் கூறப்பட்டு இருப்பதாவது:- பொதுவினியோகத் திட்டத்தின் கீழ், தமிழ்நாட்டில் புழக்கத்தில் உள்ள ரேஷன் அட்டைகளின் செல்லத்தக்க காலத்தை 1-1-17 முதல் 31-12-17 வரை மேலும் ஓராண்டுக்கு நீடிப்பது தொடர்பாக இந்தக் கடிதம் அனுப்பப்படுகிறது. மேலும் ஓராண்டுக்கு... தற்போது புழக்கத்தில் உள்ள ரேஷன் அட்டைகளில் உள்தாளை இணைத்து அந்த ரேஷன் அட்டைகளின் செல்லத்தக்க காலத்தை 1-1-17 முதல் 31-12-17 வரை நீடிக்க அனுமதி அளிக்கப்படுகிறது. இதற்காக அச்சிடப்படும் உள்தாள்களை சம்பந்தப்பட்ட ரேஷன் கடைகள் மூலமாக ரேஷன் அட்டைதாரருக்கு வழங்கவேண்டும். அத்தியாவசிய பொருட்களை வாங்க வரும்போது அவர்களுடைய ரேஷன் அட்டையில் 2017-ம் ஆண்டுக்கான உள்தாளை இணைக்கவேண்டும். அதற்கு ஆதாரமாக, "2017-ம் ஆண்டுக்கான உள்தாளை பெற்றுக்கொண்டேன்" என்ற ரப்பர் முத்திரையிட்டு அதன் கீழே ரேஷன் அட்டைதாரரின் கையொப்பம் அல்லது இடதுகை பெருவிரல் ரேகையை ரேஷன் கடை பணியாளர் பெறவேண்டும் என்று அவர்களுக்கு அறிவுரை வழங்க வேண்டும். இவ்வாறு அதில் கூறப்பட்டுள்ளது.