ஓய்வூதியர்களுக்கு அகவிலைப்படி உயர்வு தமிழக அரசு உத்தரவு


ஓய்வூதியர்களுக்கு அகவிலைப்படி உயர்வு தமிழக அரசு உத்தரவு | தமிழக அரசு ஊழியர்களுக்கு அகவிலைப்படியை 7 சதவீதமாக உயர்த்தி கடந்த சில தினங்களுக்கு முன்பு தமிழக அரசு அரசாணை வெளியிட்டது. இதேபோன்று ஓய்வூதியர்களுக்கும் அகவிலைப்படியை உயர்த்தி தமிழக அரசு உத்தரவிட்டுள்ளது. இதுதொடர்பாக தமிழக அரசின் நிதித்துறை கூடுதல் தலைமைச் செயலாளர் சண்முகம் வெளியிட்ட அரசாணையில் கூறியிருப்பதாவது:- ஓய்வு அரசு ஊழியர்கள், ஆசிரியர்களுக்கு ஏற்கனவே இருந்து வரும் அகவிலைப்படி 5 சதவீதத்தில் இருந்து 7 சதவீதமாக உயர்த்தப்படுகிறது. இந்த அகவிலைப்படி உயர்வு குடும்ப ஓய்வூதியர்களுக்கும் பொருந்தும். 1.1.2018 முதல் இந்த அகவிலைப்படி உயர்வு கணக்கிடப்பட்டு ஜனவரி, பிப்ரவரி, மார்ச் மாதத்துக்கான நிலுவைத்தொகை ஓய்வூதியர்களின் வங்கி கணக்கில் வரவு வைக்கப்படும். இவ்வாறு அதில் கூறப்பட்டுள்ளது.

Comments