7 ஆம் வகுப்பு சமூக அறிவியல் 100 வினா விடை

TNPSC TRB TET 7 ஆம் வகுப்பு சமூக அறிவியல் 100 வினா விடை | 7th Social Science Part-23

வரலாறு மற்றும் பண்பாடு வினாக்கள் - பதில்கள் (ஒருங்கிணைக்கப்பட்ட வடிவம்)

டெல்லி சுல்தான்கள் மற்றும் சமகால அரசுகள்:

தபகத்-இ-நஸிரி என்ற நூலை எழுதியவர்: மின்கஜ் உஸ் சிராஜ்
- ஆதரித்த சுல்தான்: அடிமை வம்சத்தைச் சேர்ந்த சுல்தான் நஸ்ருதின் மாமூது.
டெல்லி சுல்தான்களின் வரலாற்றை கூறும் முதல் நூல்: ஹசன் நிஜாமி எழுதிய தாஜ்-உல்-மா-அசிர்.
ஜியா-உத்- பரணி எழுதிய வரலாற்று நூலின் பெயர்: தாரிக்-இ-பிரோஷாகி.
மாளவத்தை வெற்றி கொண்டதன் நினைவாக சித்தூரில் ஜெயஸ்தம்பா (வெற்றிதூண்) நிறுவியவர்: சித்தூரின் ராணா.
பிரதிகார அரசரான ராமபத்திராவுக்குப் பிறகு அரியணை ஏறிய வலிமை மிக்க அரசன்: மிகிரபோஜர்.
பால அரசை வடஇந்திய அரசியலில் ஒரு வலிமைமிக்க சக்தியாக உருவாக்கிய அரசர்: தருமபாலர்.
முதலாம் மகிபாலர் தனது அதிகாரத்தை விரிவுபடுத்த இயலாமைக்குக் காரணம்: ராஜேந்திர சோழனின் படையெடுப்பு.
சௌகான்கள் ஆரம்பத்தில் யாருக்குக் கட்டுப்பட்ட குறுநில மன்னர்களாய் இருந்தனர்: பிரதிகார அரசர்களுக்கு.
அபு குன்றின் மேலுள்ள சமணக் கோவிலில் உள்ள கூடம் கட்டப்பட்ட கற்கள்: வெண்மைநிறச் சலவைக் கற்கள்.
பெயரும், புகழும் பெற்ற பௌத்தத் துறவி மற்றும் விக்கிரமசீலா மடாலயத்தின் தலைவர்: அதிசா.
அராபியரான முகமது பின் காசிமால் தோற்கடிக்கப்பட்டுக் கொல்லப்பட்ட சிந்துவின் அரசர்: தாகீர்.
1001ஆம் ஆண்டு கஜினி மாமூதிடம் அடைந்த தோல்வியின் காரணமாக தன்னைத்தானே மாய்த்துக்கொண்ட ஷாகி அரசர்: ஜெயபாலர்.
கஜினிக்கு கப்பம் கட்டிய குறுநில மன்னனாக இருந்து பின் சுதந்திர அரசராக மாறியவர்: முகமது கோரி.
டெல்லியில் இந்தியாவிலுள்ள மிகப் பழமையான மசூதியான குவ்வத்-உல்-இஸ்ஸாம் மஸ்ஜிதைக் கட்டியவர்: குத்புதீன் ஐபக்.
இல்துமிஷ் தனது படைகளில் பணியாற்றிய ராணுவ அதிகாரிகளுக்கு ஊதியத்திற்காக வழங்கிய நிலங்கள்: இக்தா.
ரஸ்ஸியாவிற்குப் பின் டெல்லி சுல்தானியத்தை ஆட்சிசெய்த வலிமை குன்றிய சுல்தான்களின் எண்ணிக்கை: மூன்று சுல்தான்கள்.
1290 இல் அரசப்பிரதிநிதியாகப் பொறுப்பேற்று சுல்தான் கைகுபாத் பெயரால் நாட்டை ஆண்ட படைத்தளபதி: மாலிக் ஜலாலுதீன் கில்ஜி.
ஜலாலுதீன் கில்ஜியை வஞ்சகமாகக் கொன்ற அவருடைய உடன் பிறந்தோரின் மகன்: அலாவுதீன் கில்ஜி.
வாராங்கல் அரசனை தோற்கடித்து கொள்ளையடித்துவரப்பட்ட செல்வங்களைக் கொண்டு துக்ளகாபாத் எனும் புதிய நகரை கட்டியவர்: கியாசுதீன் துக்ளக்.
ஜானாகான் தனது தந்தையைக் கொன்று 1325 இல் டெல்லியின் அரியணை ஏறிய பெயர்: முகமது பின் துக்ளக்.
முகமது பின் துக்ளக்கைத் தொடர்ந்து அரியணை ஏறிய கியாசுதீனின் இளைய சகோதரரின் மகன்: பிரோஷ் ஷா துக்ளக்.
டெல்லியை சூறையாடிய தைமூர் தலைமையிலான படைகள் கைப்பற்றிய வடஇந்தியப் பகுதிகள்: வடஇந்தியாவிற்கு மேற்கில் சில இடங்கள்.
சையது வம்சத்தின் கடைசி சுல்தானான அலாவுதீன் ஆலம் ஷா பதவியைத் துறந்ததால் டெல்லியை ஆளும் வாய்ப்பை பெற்றவர்: பகலூல் லோடி.
அலெய் தர்வாசா மற்றும் மோத்தி மசூதி ஆகியவற்றின் கட்டட வடிவ பாணி: பாரசீகப் பாணி.
ஹூமாயூனுக்குப் போட்டியாளராக இருந்து பீகாரையும் வங்காளத்தையும் ஆட்சி செய்து வந்த ஆப்கானியர்: ஷெர்ஷா சூர்.

தென்னிந்திய அரசுகள் (சோழர், பாண்டியர், விஜயநகரம், பாமினி):

9 ஆம் நூற்றாண்டில் காவிரிக்கு வடக்கே ஒரு சிறு பகுதியை ஆண்டுவந்த நிலையில் சோழ வம்சத்தை மீட்டெழச்செய்தவர்: விஜயாலயன்.
உள்நாட்டுக் கலகம் ஒன்றில் கொல்லப்பட்ட, வீர ராஜேந்திரனின் மகனான சோழ அரசர்: அதிராஜேந்திரன்.
சோழர்களுக்கும் கீழைச் சாளுக்கியர்களுக்கும் இடையிலான திருமண உறவு தொடங்கிய சோழ அரசர்: முதலாம் ராஜராஜன்.
1279இல் மூன்றாம் ராஜேந்திர சோழனைத் தோற்கடித்துப் பாண்டியர் ஆட்சியை நிறுவியவர்: முதலாம் மாறவர்மன் குலசேகர பாண்டியன்.
சோழர் காலத்தில் நிலங்களின் உடைமையாளர்களாக இருக்க இயலாத வேளாளரின் ஒரு பிரிவு: உழுகுடி.
சோழர் காலத்தில் உள்நாட்டு வணிகத்தில் தீவிரமாக ஈடுபட்டிருந்த வணிகக் குழு அமைப்பு: மணி- கிராமத்தார்.
சங்ககாலப் பாண்டியர்களின் கீழ் மாபெரும் பண்பாட்டுமையமாகத் திகழ்ந்த நகர்: மதுரை நகர்.
அரிகேசரி பாண்டியனைச் சமண மதத்திலிருந்து சைவத்திற்கு மாற்றிய சைவத் துறவி: திருஞானசம்பந்தர்.
அரிகேசரிக்குப் பின்னர் ஆட்சிப் பொறுப்பேற்ற பாண்டியர் அரசவம்சத்தின் மகத்தான மன்னர்: ஜடிலபராந்தக நெடுஞ்சடையன்.
முதலாம் பராந்தகனிடம் தோல்வியடைந்து 920இல் நாட்டைவிட்டு வெளியேறிய பாண்டிய அரசன்: இரண்டாம் ராஜசிம்மன்.
சடையவர்மன் சுந்தர பாண்டியனுக்குப் பின்னர் வெற்றிகரமாக நாற்பது ஆண்டுகள் ஆட்சிபுரிந்த பாண்டிய அரசர்: மாறவர்மன் குலசேகரன்.
உள்நாட்டுப் போரில் தோல்வியுற்ற சுந்தர பாண்டியன் டெல்லியில் அடைக்கலமானவர்: அலாவுதீன் கில்ஜியிடம்.
பாண்டிய அரசர்களும் உள்ளூர் தலைவர்களும் உருவாக்கிய பிராமணர் குடியிருப்புகள்: மங்கலம் அல்லது சதுர்வேதிமங்கலம்.
பாண்டிய அரசர்களுக்குக் குதிரைகள் எளிதாகக் கிடைப்பதற்கான வசதிகளை செய்து கொடுத்த அராபிய வணிக நிறுவனம்: மாலிக் உல் இஸ்லாம் ஜாமலுதீன்.
விஜயநகரப் பேரரசு எந்த ஆன்மீக குருவிற்கு மதிப்பளிக்கும் விதத்தில் 'வித்யாநகர்' என முதலில் அழைக்கப்பட்டது: வித்யாரண்யர்.
மதுரை சுல்தானியத்திற்கு முற்றுப்புள்ளி வைத்து அங்கு ஒரு நாயக்க அரசை நிறுவிய விஜயநகர இளவரசர்: குமார கம்பணா.
சங்கம வம்சத்தின் கடைசி அரசரான இரண்டாம் விருபாக்சிராயரைக் கொலை செய்துவிட்டு தம்மையே பேரரசராக அறிவித்துக் கொண்டவர்: சாளுவ நரசிம்மர்.
கிருஷ்ணதேவராயர் தமது தலைநகரான ஹம்பியில் கட்டிய புகழ்பெற்ற மூன்று கோவில்கள்: கிருஷ்ணசாமி, ஹசாரா ராமசாமி, விட்டலாசுவாமி கோவில்கள்.
கிருஷ்ணதேவராயரைத் தொடர்ந்து விஜயநகர அரியணை ஏறிய அவருடைய இளைய சகோதரர்: அச்சுதராயர்.
தலைக்கோட்டைப் போருக்குப் பின் திருமலைதேவராயர் தப்பிச் சென்று புதிய வம்சத்தின் ஆட்சியைத் தொடங்கிய இடம்: சந்திரகிரி.
கடவுள் ரங்கநாதருக்கு அணிவிப்பதற்காகத் தொடுக்கப்பட்ட மாலைகளை அவருக்குச் சூடுவதற்கு முன்பாக சூடிக்கொண்ட அம்மையார்: கோதை தேவி (ஆண்டாள்).
பாமினி அரசில் முதலாம் முகமது ஷாவைத் தொடர்ந்து அரச பதவியேற்ற அவருடைய மகன்: முஜாகித்.
பாமினி அரசில் அரசருக்கு அடுத்த நிலையில் துணையதிகாரியாகச் செயல்பட்ட 'வக்கீல் - உஸ் - சல்தானா': பிரதம அல்லது முதலமைச்சர்.

முகலாயர்கள் மற்றும் மராத்தியர்கள்:

முகலாயப் பேரரசர் பாபர், மாபெரும் மங்கோலிய அரசன் செங்கிஸ்கானின் எத்தனையாவது தலைமுறை வாரிசு: பதின்மூன்றாவது தலைமுறை வாரிசு.
அக்பர் படையெடுத்த தென்னிந்திய அகமதுநகர் அரசின் புகழ்பெற்ற பகர ஆட்சியாளரான ராணி: சந்த் பீவி.
அக்பரால் புதிய நகரான பதேப்பூர் சிக்ரியில் கட்டப்பெற்ற இபாதத்கானா என்பது: அனைத்து மதங்களின் அறிஞர்களும் ஒன்றுகூடி உரையாடிய மண்டபம்.
ஷாஜகானின் மகனான ஒளரங்கசீப் கொன்று ஆட்சியைக் கைப்பற்றிய மூன்று சகோதரர்கள்: தாரா, சூஜா, முராத்.
தக்காணத்தில் ஒளரங்கசீப்பிற்கு எதிராக கலகம் செய்த இளவரசர் அக்பர் ஒப்பந்தம் மேற்கொண்டவர்: சிவாஜியின் மகன் சாம்பாஜியுடன்.
முகலாயப் பேரரசு பல சுபாக்களாகப் பிரிக்கப்பட்டிருந்த நிலையில், அதனை நிர்வகித்த அதிகாரி: சுபேதார்.
ராஜா தோடர்மாலின் 'ஜப்த் முறை' எனப்படும் நிலவருவாய் முறை அக்பரின் எந்த மாகாணங்களில் நடைமுறைப்படுத்தப்பட்டது: வடக்கு மற்றும் வடமேற்கு மாகாணங்களில்.
அக்பரால் கட்டப்பட்ட 'பஞ்ச் மஹால்' என்பது: பிரமிடு வடிவிலான ஐந்தடுக்கு கட்டடம்.
விலையுயர்ந்த நவரத்தினக் கற்கள் பதிக்கப்பெற்ற மயிலாசனம் தயாரிக்கப்பட்ட முகலாய மன்னரின் காலம்: ஷாஜகான்.
1627 ல் பிறந்த மராத்திய மன்னர் சிவாஜியைப் பாதுகாத்து வளர்த்த அவரது தாயார் பெயர்: ஜீஜாபாய்.
மராத்திய கிராமங்களில் அதிகாரமிக்க கிராமத் தலைவரான 'பட்டீல்' என்பவருக்கு உதவியாக இருந்த கணக்கர்: குல்கர்னி (ஆவணக் காப்பாளர்).
பாலாஜி விஸ்வநாத் தனது மூத்த மகனான பாஜிராவை அடுத்த பேஷ்வாகப் பணியமர்த்திய வயது: இருபது வயதில்.
1761ல் நடைபெற்ற மூன்றாம் பானிப்பட்போரின் முடிவைத் தீர்மானித்த ஆப்கானியர்களின் படைகள்: இடம்விட்டு இடம் நகர்ந்து செல்லக் கூடிய பீரங்கிப் படைகள்.

பக்தி இயக்கம் மற்றும் சமணம், பௌத்தம்:

திருப்பாவை மற்றும் நாச்சியார் திருமொழி ஆகிய இரண்டும் யாருடைய புகழ்பெற்ற கவிதை நூல்கள்: ஆண்டாள்.
ஞானத்தைப் பெறுவதன் வழியாக ஜீவாத்மா பரமாத்மாவுடன் இணையும் என்று போதிக்கும் பக்தித் தத்துவம்: அத்வைதம்.
ஆத்மாவானது பிரம்மத்துடன் கலந்த பின்னரும் தனக்கான அடையாளத்தைத் தக்கவைத்துக் கொள்கிறது என அறிவித்த தத்துவம்: விசிஷ்டாத்வைதம்.
மதுராவுக்கு அருகே கோவர்தன் குன்றுகளில் கிருஷ்ணபகவானுக்கு ஒரு கோவிலை அமைத்த தெலுங்கு தத்துவஞானி: வல்லபாச்சாரியார்.
பீகாரில் மட்டுமே செயல்பட்ட சுரவார்டி சூபி அமைப்பின் ஒரு கிளைப் பிரிவு: பிர்தௌசி அமைப்பு.
குரு கோவிந் சிங்கிற்குப் பின்னர் புனித நூலான குரு கிரந்த் சாகிப் கருத்துக்களைப் பரப்பிய சீக்கிய அமைப்பு: கால்சா அமைப்பு.
பிகநிதயா எனப்படும் பழமையான பௌத்த சமய நூல் எந்த நூற்றாண்டைச் சேர்ந்தது: கி.மு. 6 ஆம் நூற்றாண்டு.
சுவேதாம்பரர்களால் பின்பற்றப்படும் 11 அங்கங்களையும், 12 உப அங்கங்களையும் கொண்ட சமண நூல்கள்: 41 சூத்திரங்கள்.
புத்தருடைய இடைப்பட்ட வழியான எண்வகை வழிகளில் முதல் இரண்டு வழிகள்: நல்ல எண்ணங்கள், நல்ல குறிக்கோள்கள்.
நன்னெறிகள், தத்துவம், நுண்பொருள் கோட்பாடு ஆகியன குறித்து விளக்கும் பௌத்த பிடகா நூல்: அபிதம்ம பிடகா.
இரண்டாம் நரசிம்ம பல்லவன் காலத்தில் அரச சபையை அலங்கரித்து பின்னர் சீனம் சென்ற தாந்ரீக பௌத்தத் துறவி: வஜ்ரபோதி.

கட்டடக்கலை மற்றும் புவியியல்:

மாமல்லபுர இரதங்களில் வெளிப்பக்கச் சுவர்கள் மாடக் குழிகளாலும் பூவணி வேலைப்பாடுகளாலும் அலங்கரிக்கப்பட்டுள்ள இரதங்கள்: அர்ச்சுனன், பீம, தர்மராஜா இரதங்கள்.
தாமரைத் தடாக ஓவியம் வர்ணங்களின் பயன்பாட்டிற்கும் நேர்த்திக்காவும் புகழ்பெற்றதாக உள்ள குகை: சித்தன்னவாசல் குகை.
கோவில்களில் அதிக எண்ணிக்கையில் தேவகோஷ்டங்கள் (மாடக் குழிகள்) இருந்தால் அது எந்த கட்டடக் கலைப் பாணி: செம்பியன் மகாதேவி பாணி.
கும்பகோணத்திற்கு அருகேயுள்ள தாராசுரம் கோவில் எந்தக் கடவுளுக்குப் படைத்தளிக்கப்பட்டது: ஐராவதீஸ்வரருக்கு.
பிள்ளையார்பட்டி குடைவரைக் குகைக்கல்வெட்டில் உள்ள இரண்டு கைகளைக் கொண்ட கணபதியின் சிற்பம் குறிப்பிடப்படுவது: தேசிவிநாயகம்.
சித்தன்னவாசல் குகையில் முற்காலச் சமணத் துறவிகளுக்காக அமைக்கப்பட்ட படுக்கைகள்: அளவில் பெரிய கற்படுக்கைகளாக இருந்தன.
கழுகுமலை சமண குகைகோவிலில் உள்ள பாறையில் செதுக்கப்பட்ட கற்படுக்கைகள் அழைக்கப்பட்டது: பஞ்சவர் படுக்கை.

புவியியல் மற்றும் பொருளாதாரம்:

பூமியின் மொத்தப் பரப்பில் நிலப்பகுதியால் சூழப்பட்டுள்ள சதவீதம்: 29%.
புவி மேலோட்டின் இரு பிரத்யேக பிரிவுகளான சியால் மற்றும் சிமாவில் அடர்த்தி குறைவானது: சியால்.
புவிக்கருவில் திடநிலையில் உள்ள உட்புற அடுக்கான 'நைஃப்' ஆனது எந்த இரு உலோகங்களால் ஆனது: நிக்கல் மற்றும் இரும்பு.
ரிக்டர் அளவையில் எவ்வளவு அளவைக்கு மேல் நிலநடுக்க ஆற்றல் செறிவினை உணரும் போது நிலம் பிளந்து வீழ்வது ஏற்படுகிறது: 5.0 க்கு மேல்.
புவியின் 15 கிலோ மீட்டர் ஆழத்தில் அழுத்தமானது சதுர செ.மீட்டருக்கு எவ்வளவு டன்களாக உயருகின்றது: 5 டன்கள்.
லாவா பல்சிட்டம், எரிமலை சாம்பல் ஆகியவை மாறி மாறி அடுக்குகளாகப் படியும்போது உருவாகும் எரிமலைகள்: பல்சிட்டக் கூம்பு எரிமலைகள் (அடுக்கு எரிமலைகள்).
உலகில் மூன்றில் இரண்டு பங்கு எரிமலைகள் அமைந்துள்ள பகுதி: பசிபிக் நெருப்பு வளையம்.
ஆற்று வளைவின் இருபக்கங்களிலும் அரித்தல் மற்றும் படிதல் ஏற்படுவதால் குறைந்து வரும் பகுதி: ஆற்று வளைவின் கழுத்துப் பகுதிகள்.
பனி உருகும் போது சர்க்கானது நீரால் நிரப்பப்பட்டு உருவாகும் ஏரிகள்: டார்ன் ஏரி.
பாறையின் மேற்பகுதியைவிட கீழ்ப்பகுதியை காற்று வேகமாக அரிப்பதால் உருவாகும் தூண் போன்ற தோற்றம்: காளான் பாறை.
கடற்கரையிலிருந்து பகுதியாகவோ அல்லது முற்றிலுமாக பிரிக்கப்பட்ட ஆழம் குறைவான நீர் தேக்கங்கள்: காயல்கள் அல்லது உப்பங்கழிகள்.
ஆசியா மற்றும் ஆர்க்டிக் பிரதேசத்தில் காணப்படும் வெளிர் மஞ்சள் நிறம், தட்டையான முக அமைப்பு கொண்ட மனித இனம்: மங்கோலாய்டு.
ஜூடோயிசம், இந்துமதம் மற்றும் ஜப்பானிய ஷிடோயிசம் ஆகியவை எவ்வகையான மதப் பிரிவுகள்: மனித இனப்பிரிவு மதங்கள்.
சாலைகள், இருப்புப் பாதைகள், ஆறு அல்லது கால்வாய் பள்ளத்தாக்குகளின் சரிவுக்கு அருகில் கட்டப்படும் குடியிருப்புகள்: நேர்க்கோட்டு குடியிருப்புகள்.
பெரு நகரங்களில் அதிக மக்கள் தொகை காரணமாக நகர்ப்புறங்களுக்கு வெளியே வடிவமைக்கப்படும் வீடுகள்: செயற்கைக்கோள் நகரம்.
சீனாவில் உள்ள உலகின் மிகப்பெரிய நீர் மின் சக்தி திட்டமான த்ரீகார்ஸ் அணையின் மின் உற்பத்தித் திறன்: 22,500 மெகாவாட்.
எஃகு தயாரிக்க எத்தனை சதவீதம் இரும்புத்தாது மூலப்பொருளாகப் பிரித்தெடுக்கப்படுகிறது: 98%.
போர்ட்லேண்ட் சிமெண்ட் எந்தப் படிவுப் பாறையிலிருந்து முக்கியமாகத் தயாரிக்கப்படுகிறது: சுண்ணாம்புக்கல்.
சாகசச் சுற்றுலாவிற்கு எடுத்துக்காட்டான 'மலை உச்சிவீழ் இழுவை விளையாட்டு' எந்த நாட்டின் சிறப்பம்சம்: நியூசிலாந்து.
மருத்துவம் மற்றும் ஆரோக்கியத்திற்குப் பெயர் பெற்ற குற்றால அருவி தமிழ்நாட்டில் அமைந்துள்ள மாவட்டம்: திருநெல்வேலி மாவட்டம்.
பொருளாதாரத்தில் 'மாற்றத் தக்க மதிப்புடைய பொருள்களையும் சேவைகளையும் உருவாக்குதல்' என்பது எதனைக் குறிக்கும்: உற்பத்தி.