TNPSC TRB TET 6 ஆம் வகுப்பு அறிவியல் 100 வினா-விடை

TNPSC TRB TET 6 ஆம் வகுப்பு அறிவியல் 100 வினா-விடை | Science Part-2

அறிவியல் பொது அறிவு வினா விடைகள்

இயற்பியல் மற்றும் அளவீடுகள்

பூமியிலும் நிலவிலும் ஒரு பொருளின் எந்த அளவு சமமாகவே இருக்கும்? நிறை.
ஒரு கிலோகிராம் எடைக்கான பிளாட்டினம் - இரிடியம் உலோகத் தண்டு சர்வதேச நிறுவனத்தால் எந்த ஆண்டு முதல் வைக்கப்பட்டுள்ளது? 1889 முதல்.
வெப்பத்தை அளக்கப் பயன்படும் மற்றொரு அலகு எது? கலோரி.
செல்சியஸ் என்பது எவ்வாறு அழைக்கப்படுகிறது? சென்டிகிரேட்.
வெப்ப ஆற்றலை நாம் எந்த அலகால் அளவிடலாம்? கலோரி.
ஒரு கிராம் நீரின் வெப்பநிலையை ஒரு டிகிரி சென்டிகிரேட் உயர்த்தப்பயன்படும் வெப்ப அளவு என்ன? ஒரு கலோரி.
பொருளின் நீளத்தில் வெப்பத்தினால் ஏற்படும் அதிகரிப்பு எவ்வாறு அழைக்கப்படுகிறது? நீள்விரிவு.
1922 ஆம் ஆண்டு ஆப்பிரிக்காவில் எந்த இடத்தில் 59°C வெப்பநிலை கணிக்கப்பட்டது? லிபியா.

இயக்கம்

நேர்கோட்டு பாதையில் நடந்து செல்லும் மனிதனின் இயக்கம் எவ்வகை இயக்கம்? நேர்கோட்டு இயக்கம்.
கயிற்றின் முனையில் கட்டப்பட்டு சுழற்றப்படும் கல்லின் இயக்கம் எவ்வகை இயக்கத்திற்கு எடுத்துக்காட்டு? வட்டப்பாதை இயக்கம்.
பம்பரத்தின் இயக்கம் எவ்வகை இயக்கத்திற்கு எடுத்துக்காட்டு? தற்சுழற்சி இயக்கம்.
தனிஊசல் எவ்வகை இயக்கத்திற்கு எடுத்துக்காட்டு? அலைவு இயக்கம்.

பருப்பொருட்கள்

குறிப்பிட்ட வடிவம் மற்றும் பருமன் கொண்ட பருப்பொருள் நிலை எது? திண்மம்.
குறிப்பிட்ட வடிவமோ பருமனோ அற்ற பருப்பொருள் நிலை எது? வாயு.
அதிக அளவு அழுத்தத்திற்கு உட்படும் பருப்பொருள் எது? வாயு.
போஸ்- ஐன்ஸ்ட்டீன் சுருக்கம் எந்த ஆண்டு கணிக்கப்பட்டு, எந்த ஆண்டு உறுதி செய்யப்பட்டது? 1925 ல் கணிக்கப்பட்டு, 1995 ல் உறுதி செய்யப்பட்டது.

தாவரவியல்

ஆணிவேர் தொகுப்பிற்கு எடுத்துக்காட்டுகள் தருக. மா, வேம்பு.
பூவின் அடிப்படையில் தாவரங்கள் எத்தனை வகையாகப் பிரிக்கப்படுகின்றன? இரண்டு வகைகள் (பூக்கும் தாவரங்கள் மற்றும் பூவாத் தாவரங்கள்).
மூடிய விதைத் தாவரங்கள் எவ்வாறு அழைக்கப்படுகின்றன? ஆஞ்சியோஸ்பெர்ம்கள்.
470 மில்லியன் ஆண்டுகளுக்கு முன் உருவான நிலவாழ் தாவரங்கள் எவை? மாஸ்கள் மற்றும் லிவர்வோர்ட்ஸ்கள்.
காகிதப்பூவின் மற்றொரு பெயர் என்ன? போகெய்ன்வில்லா.
ஒளிச்சேர்க்கையின் போது தாவரங்கள் வெளியிடும் வாயு எது? ஆக்சிஜன்.
சுவாசம், சளி, மூச்சுக்குழாய் அழற்சியை குணப்படுத்த உதவும் தாவரம் எது? துளசி.

விலங்கியல் (உயிரியல்)

அமீபாவில் கழிவு நீக்கம் எதன் மூலம் நடைபெறுகிறது? சுருங்கும் நுண் குமிழ்கள்.
குளிர்கால உறக்கத்திற்கு எடுத்துக்காட்டு தருக. ஆமை.
கோடைகால உறக்கத்திற்கு எடுத்துக்காட்டு தருக. நத்தை.
சிங்கப்பூரில் பென்குவின் பறவைகள் பராமரிக்கப்படும் பூங்காவின் பெயர் என்ன? ஜீராங் பறவைகள் பூங்கா.
முருங்கை இலையில் காணப்படும் ஆக்ஸிஜனேற்றத் தடுப்பான்கள் யாவை? வைட்டமின்-A, C, பொட்டாசியம், கால்சியம், இரும்புச் சத்து மற்றும் புரதம்.
ஆஸ்டியோமலேசியா எந்த தாது உப்பு குறைபாட்டால் ஏற்படுகிறது? பாஸ்பரஸ்.
விலங்குகளின் சுவாசத்தின் போது வெளியிடப்படுவது யாவை? காபன்டை ஆக்சைடு, நீர் மற்றும் ஆற்றல்.

செல் உயிரியல்

ஒருசெல் உயிரினங்களுக்கு சில எடுத்துக்காட்டுகள் தருக. பாக்டீரியா, அமீபா, கிளாமிடோமோனஸ் மற்றும் ஈஸ்ட்.
பலசெல் உயிரினங்களுக்கு சில எடுத்துக்காட்டுகள் தருக. தாவரங்கள், விலங்குகள் மற்றும் மனிதன்.
புரோகேரியாட்டிக் செல்களின் உட்கரு எவ்வாறு அழைக்கப்படுகிறது? நியூக்ளியாய்டு.
புரோகேரியாட்டிக் செல்கள் எவ்வளவு விட்டம் கொண்டவை? 0.003 மைக்ரோமீட்டர் முதல் 20 மைக்ரோமீட்டர் வரை.
தெளிவான உட்கருவைக் கொண்டுள்ள செல்கள் எவ்வாறு அழைக்கப்படுகின்றன? யூகேரியாட்டிக் செல்கள்.
சென்டிரியோல்கள் எவ்வகைச் செல்லில் மட்டுமே காணப்படும்? விலங்கு செல்.
செல்லிற்கு உறுதி மற்றும் வலிமையைத் தரும் பாதுகாப்பாளர் எது? செல்சுவர்.
செல்லின் கதவு என்று அழைக்கப்படுவது எது? செல்சவ்வு.
செல்லின் நகரும் பகுதி எனப்படுவது எது? சைட்டோபிளாசம்.
உணவு, நீர் மற்றும் வேதிப் பொருள்களைச் சேமிக்கும் சேமிப்பு கிடங்கு எது? நுண்குமிழ்கள்.
நியூக்ளியஸின் உள்ளேயும் வெளியேயும் பொருள்களை அனுப்பும் உட்கரு கதவு எது? உட்கரு உறை.

மனித உடலியல்

நமது உடலில் எத்தனை பிரதான உறுப்பு மண்டலங்கள் உள்ளன? எட்டு.
எலும்பு மண்டலம் எத்தனை பிரிவுகளைக் கொண்டது? இரண்டு (அச்சுச் சட்டகம் மற்றும் இணையுறுப்புச் சட்டகம்).
மண்டையோடு, முதுகெலும்புத் தொடர், விலா எலும்புக்கூடு ஆகியவை எதில் அடங்கும்? அச்சுச் சட்டகம்.
மார்பு வளையங்கள், இடுப்பு வளையங்கள், கை கால் எலும்புகள் ஆகியவை எதில் அடங்கும்? இணையுறுப்புச் சட்டகம்.
விலா எலும்புக்கூடு எத்தனை இணைகள் கொண்ட எலும்புகளைக் கொண்டுள்ளது? 12 இணைகள்.
முன்னங்கையை தூக்கி உயர்த்த எந்த தசை சுருங்கி சிறியதாகிறது? இரு தலைத்தசை.
நமது விருப்பத்திற்கேற்ப செயல்படும் தசைகள் எவை? இயக்க தசைகள் (எலும்புத் தசைகள்).
உணவுக் குழாய் சுமார் எத்தனை மீட்டர் நீளமுடையது? 9 மீட்டர்.
உமிழ்நீரில் ஸ்டார்ச்சினை சிதைக்கக்கூடிய நொதி எது? அமைலேஸ்.
இரைப்பை நொதியானது எந்த அமிலத்தைக் கொண்டுள்ளது? ஹைட்ரோகுளோரிக் அமிலம்.
மனிதனின் ஒவ்வொரு நுரையீரலும் ஏறக்குறைய எத்தனை நுண் காற்றுப்பைகளைக் கொண்டுள்ளன? 300 மில்லியன்.
நமது இதயம் எத்தனை அறைகளைக் கொண்டது? நான்கு.
இதயத்தை மூடியுள்ள இரு சுவர்களைக் கொண்ட உறைக்கு பெயர் என்ன? பெரிகார்டியம்.
இரத்தம் எவற்றைக் கொண்டுள்ளது? பிளாஸ்மா மற்றும் இரத்த அணுக்கள்.
இரத்த அணுக்கள் எத்தனை வகைப்படும்? மூன்று.
ஒரு மனிதனின் சராசரி நாடித்துடிப்பு ஒரு நிமிடத்திற்கு எவ்வளவு இருக்கும்? 72 முதல் 80 வரை.
வெளிர் சிவப்பு நிறத்தில் காணப்படும் இரத்தக் குழாய்கள் எவை? தமனிகள்.
கருஞ்சிவப்பு நிறத்தில் காணப்படும் இரத்தக் குழாய்கள் எவை? சிரைகள்.
அசுத்த இரத்தத்தினைக் கடத்தும் சிரைகளில் விதிவிலக்கானது எது? நுரையீரல் சிரைகள்.
மூளை எத்தனை பிரிவுகளாகப் பிரிக்கப்பட்டுள்ளது? மூன்று (முன் மூளை, நடு மூளை மற்றும் பின் மூளை).
உடலின் மத்தியக் கட்டுப்பாட்டு மையம் எது? மூளை.
ஹார்மோன்கள் என்னும் வேதிப் பொருட்களை உற்பத்தி செய்யும் சுரப்பிகள் எவை? நாளமில்லா சுரப்பிகள்.
ஆண்களில் காணப்படும் இனப்பெருக்க உறுப்பு எது? ஓரிணை விந்தகம்.
பெண்களில் காணப்படும் இனப்பெருக்க உறுப்பு எது? ஓரிணை அண்டகம்.
அவரை விதை வடிவத்தில் அடிவயிற்றுக் குழியில் அமைந்துள்ள உறுப்பு எது? சிறுநீரகங்கள்.
நமது உடலில் எத்தனை சதவிகிதம் நீர் உள்ளது? 70 சதவிகிதம்.
நமது உடலில் நீளமான எலும்பு எது? தொடை எலும்பு.
குழந்தைகள் பிறக்கும் பொழுது தோராயமாக எத்தனை எலும்புகளுடன் பிறக்கின்றன? 300க்கும் அதிகமான.
கண்ணின் மூன்று முக்கிய பகுதிகள் யாவை? கார்னியா, ஐரிஸ் மற்றும் கண்மணி (பியூப்பில்).
மனிதனின் புறச் செவியில் உள்ள மடல் எவ்வாறு அழைக்கப்படுகிறது? புறச்செவி மடல் (Pinna).

மின்சாரம் மற்றும் காந்தவியல்

வேதியாற்றலை மின்னாற்றலாக மாற்றும் கருவி எது? மின்கலன்.
கைப்பேசிகள், மடிக்கணினிகளில் பயன்படுத்தப்படும் பலமுறை மின்னேற்றம் செய்யக்கூடிய மின்கலன்கள் யாவை? துணை மின்கலன்கள்.
அம்மீட்டர் ஒரு மின்சுற்றில் எவ்வாறு இணைக்கப்பட வேண்டும்? தொடரிணைப்பில்.
காந்தத்தன்மை உள்ள பொருள்களுக்கு எடுத்துக்காட்டு தருக. இரும்பு, நிக்கல், கோபால்ட்.
மின்காந்த தொடர்வண்டிகள் தற்போது நடைமுறையில் உள்ள நாடுகள் எவை? சீனா, ஜப்பான், தென்கொரியா.

மாற்றங்கள்

விதை முளைத்தல், பருவகால மாற்றங்கள் ஆகியவை எவ்வகை மாற்றங்கள்? மெதுவான மாற்றங்கள்.
கண்ணாடி உடைதல், பட்டாசு வெடித்தல் ஆகியவை எவ்வகை மாற்றங்கள்? வேகமான மாற்றங்கள்.
தொட்டால் சிணுங்கி தாவரம், ரப்பர் வளையம் நீளுதல் ஆகியவை எவ்வகை மாற்றங்கள்? மீள் மாற்றம்.
பால் தயிராதல், உணவு செரித்தல் ஆகியவை எவ்வகை மாற்றங்கள்? மீளா மாற்றம்.

சுற்றுச்சூழல் மற்றும் புவியியல்

வளிமண்டலம் எத்தனை வெவ்வெறு அடுக்குகளால் ஆனது? ஐந்து.
பூமியின் அருகிலுள்ள, நாம் வாழும் வளிமண்டல அடுக்கு எது? அடிவளி மண்டலம் (Troposphere).
மேகங்கள் உருவாகக் காரணமாகும் அடுக்கு எது? அடிவளி மண்டலம்.
செயற்கை மழை பொழிய வைத்தலில் பயன்படுவது எது? உலர்பனிக்கட்டிகள்.
நன்னீரில் துருவ பனிப்படிவுகள் மற்றும் பனியாறுகளின் சதவீதம் எவ்வளவு? 68.7%.
நன்னீரில் நிலத்தடி நீரின் சதவீதம் எவ்வளவு? 30.1%.
நன்னீரில் குறைந்தபட்சம் தொடங்கி அதிகபட்சமாக எவ்வளவு உப்புகள் கரைந்திருக்கும்? 0.05 முதல் 1% அளவுள்ள உப்புகள்.
கடல் நீரில் சதவீதம் எந்த அளவிற்கு மேல் உப்பு கரைந்திருக்கும்? 3% சதவீதத்திற்கும் மேல்.
கடல் நீரில் கலந்துள்ள முக்கிய உப்புகள் யாவை? சோடியம் குளோரைடு, மெக்னீசியம் குளோரைடு மற்றும் கால்சியம் குளோரைடு.
நீர்த்தேக்கங்களில் உள்ள நீரின் அளவு எந்த அலகால் அளக்கப்படுகிறது? TMC/Feet.
பிச்சாவரம், முத்துப்பேட்டை, பள்ளிக்கரணை, செம்பரம்பாக்கம் ஆகிய இடங்களில் காணப்படுவது யாவை? சதுப்பு நிலங்கள் (சதுப்பு நிலக்காடுகள்).
நெய்வேலி மற்றும் எண்ணூர் ஆகிய இடங்களில் எவ்வகை மின் நிலையங்கள் அமைந்துள்ளன? அனல்மின் நிலையங்கள்.
மேட்டூர் மற்றும் பாபநாசம் ஆகிய இடங்களில் எவ்வகை மின் நிலையங்கள் அமைந்துள்ளன? நீர்மின் நிலையங்கள்.
ஆரல்வாய்மொழி மற்றும் கயத்தாறு ஆகிய இடங்களில் எவ்வகை மின் நிலையங்கள் அமைந்துள்ளன? காற்றாலைகள்.

வேதியியல் மற்றும் தொழில்துறை

இயற்கையான நிறங்காட்டிக்கு ஓர் எடுத்துக்காட்டு தருக. மஞ்சள்.
எலும்பு முறிவுச் சிகிச்சையிலும் சிலைகள் தயாரிப்பிலும் பயன்படுவது எது? பாரிஸ் சாந்து.
நுண்ணுயிரிகளால் தொகுக்கப்பட்ட தாவர மற்றும் விலங்கு கழிவுகள் எவ்வாறு அழைக்கப்படுகின்றன? கரிம உரங்கள்.
தொழிற்சாலைகளில் வேதிமாற்றத்திற்குட்படுத்தி தயாரிக்கப்படும் உரங்கள் எவை? கனிம உரங்கள்.
சிமெண்ட் தயாரிக்கப் பயன்படும் தாது உப்புக்கள் எவை? சுண்ணாம்புக்கல், களிமண் மற்றும் ஜிப்சம்.

இதர வினாக்கள்