TRB TET EDUCATION கல்வி உளவியல் 100 வினா-விடைகள்

குழந்தை மேம்பாடு மற்றும் உளவியல் சார்ந்த வினா விடைகள்

உடல் மற்றும் மூளை வளர்ச்சி

மனித உடலில் உள்ள செல்களும் திசுக்களும் ஏற்படுத்தும் உயரம் மற்றும் எடை பெருக்கமே உடல் வளர்ச்சி எனப்படுகிறது.
மனிதனின் வளர்ச்சி உடல் வளர்ச்சி மற்றும் முதிர்ச்சி ஆகியவற்றின் அடிப்படையில் பிரிக்கப்பட்டுள்ளது.
மனித வளர்ச்சி 8 பருவங்களாக பிரிக்கப்பட்டுள்ளது.
குழந்தையின் உடல் வளர்ச்சி முதலில் தலையிலிருந்து தொடங்கி பாதங்களை நோக்கி வருகின்றது.
பிறக்கும் பொழுது குழந்தை மூளையின் நிறை 350 கிராம் ஆகும்.
மூளை வளர்ச்சி குழந்தை பிறந்த பின்னர் மூன்று அல்லது நான்கு ஆண்டுகளுக்கு மிக விரைவாகவும், பின்னர் மெதுவாகவும் நடைபெறுகிறது.
பருவமடைந்த பின்னர் மூளையின் அளவு 1,260 கிராம் முதல் 1400 கிராம் வரை உள்ளது.
மூளையின் வளர்ச்சி 6 வயதில் 90 சதவீதம் அடைகிறது.
பிறக்கும் போது மூளையின் நிறை உடலின் எடையில் 1/8 பங்கு இருக்கும்.
தொடக்க கல்வி பயில பள்ளிக்கு வரும் போது குழந்தையின் மூளை 90 சதவீதம் வளர்ச்சி அடைந்துவிடுகிறது.
குழந்தையின் உயரம் பிறக்கும் போது ஏறத்தாழ 52 செ.மீ. இருக்கும்.
சமூக மற்றும் பொருளாதார பின்னணிக்கு ஏற்ப குழந்தைகளின் வளர்ச்சி வேறுபடுகின்றது.
5 முதல் 8 வயது வரை, செயல்பாடுகள் அனைத்தும் உடல் சார்ந்ததாக இருக்கும் மற்றும் தசைகளின் இயக்கம் விரைவாகவும் ஆற்றல் மிக்கதாகவும் இருக்கும்.

பருவங்கள்

பள்ளி முன் பருவம் என்பது 3-6 ஆண்டுகள்.
பள்ளிப்பருவம் என்பது 6-10 ஆண்டுகள்.
குமரப் பருவம் என்பது 10-20 ஆண்டுகள். (குழந்தையின் இரண்டாம் பிறப்பு எனவும் அழைக்கப்படுகிறது)
மத்திய அரசும் மாநில அரசும் 14 ஆண்டுகள் வரை உள்ள அனைத்து குழந்தைகளுக்கும் கட்டாய இலவசக் கல்வி அளிக்க வழிவகை செய்துள்ளது.
பிள்ளை பருவம் கற்றலுக்கு ஏற்ற பருவமாகும்.

ஆசிரியரின் தேவை

ஆசிரியர்கள் கற்கும் குழந்தையை நன்கு புரிந்து கொள்ள, உடல், உள்ளம், மனவெழுச்சி மற்றும் சமூக மனப்பான்மை வளர்ச்சி பற்றி அறிந்து கொள்ள வேண்டும்.
மூன்று AAA-யை ஆசிரியர் அறிந்து கடைப்பிடிக்க வேண்டும்.
அன்பும் பரிவும் கொண்ட ஆசிரியர், மகிழ்ச்சியான கற்றல் சூழல் மற்றும் ஆரோக்கியமான வகுப்பறை உறவுகள் ஆகியவை மாணவர்களிடம் உணர்வுச் சமநிலையைத் தோற்றுவிக்கும் காரணிகள் ஆகும்.
பள்ளிக்குள் நுழையும் குழந்தைகளை முதலில் தன் அன்பையும் ஆதரவையும் காட்டி ஏற்றுக் கொள்ளுவது ஆசிரியர் குழு ஆகும்.

அறிதல் திறன் (Cognitive) மற்றும் சிந்தனை வளர்ச்சி

சிந்தித்தல் என்பது ஒரு அறிவார்ந்த செயல்.
குறியீட்டுச் சிந்தனையில் தொடர்புடையது வார்த்தைகள், எண்கள் மற்றும் உருவங்கள்.
குழந்தைகளின் குறியீட்டுச் சிந்தனைக்கு அவசியமானது எண்ணுருக்கள் மற்றும் எழுத்துகள்.
குழந்தைகள் பள்ளிக்கு வரும் முன்னர் பின்பற்றிச் செய்தல், பாவனை விளையாட்டு மற்றும் மொழியால் கருத்துப் பரிமாற்றம் ஆகிய செயல்களில் ஈடுபடுகின்றனர்.
வரிசைப்படுத்துதல், பொதுமை படுத்துதல், பகுத்தல், தொகுத்தல், சிந்தித்தல் மற்றும் காரண காரியம் அறிதல் ஆகியவற்றின் மூலம் அறிதல் திறன் வளர்ச்சியடைகிறது.
பழைய அனுபவங்களைச் சிந்தித்து அவற்றுடன் புதிய அனுபவத்தை பொருத்திப் பார்த்து ஒரு முடிவுக்கு வருவது குவி சிந்தனை.
மொழி சிந்திப்பதற்கும், பிறர் கருத்துகளை அறியவும் மற்றும் கற்பனை செய்யவும் பயன்படுகிறது.

பியாஜே மற்றும் எரிக்சன் கோட்பாடுகள்

பியாஜே என்ற உளவியல் அறிஞர், அறிதல் திறன் வளர்ச்சி 4 படிநிலைகளில் நடைபெறுவதாகக் கூறினார்.
ஒரு குழந்தை 7, 8 ஆண்டுகளில் வரிசைத் தொடர்பு கிராமப்படி சிந்திக்கத் தொடங்குகிறது என்று குறிப்பிட்டவர் பியாஜே.
பியாஜேவின் படிநிலைப்படி முதல் நிலை தொட்டு உணரும் பருவம் ஆகும்.
பியாஜே கூறும் புலன் இயக்கப் பருவம் என்பது 0-2 ஆண்டுகள்.
பியாஜேவின் படிநிலைபடி மூன்றாம் நிலை 7 முதல் 12 வயது வரை ஆகும்.
ஸ்கிமா (Schema) என்பது பியாஜே கூறும் மன அமைப்பு.
மனிதன் வளர்ச்சி நிலையை எரிக்சன் 8 படிநிலைகளாக கூறினார்.
எரிக்சன் கோட்பாட்டின் மையக் கருத்து: சமூக வளர்ச்சியில் 8 நிலைகள் மற்றும் குறிப்பிட்ட வளர்ச்சி சார்ந்த சிக்கல்கள் ஏற்படும் என்பது.
எரிக்சனின் கூற்றுபடி குழந்தைகள் 4-வது படிநிலையின் போது தொடக்கப் பள்ளிக்கு வருகின்றனர்.
எரிக்சன் கோட்பாட்டின் படி நிறையாளுமை பெற்றவரின் பண்பு தன்னாட்சி.
எரிக்சன் கோட்பாட்டின் படி குறையாளுமை பெற்றவரின் பண்பு தனிமை.

நுண்ணறிவு (Intelligence) மற்றும் ஆக்கத்திறன் (Creativity)

நுண்ணறிவுச் சோதனைகளின் தந்தை என அழைக்கப்படுபவர் ஆல்பிரட் பினே.
நுண்ணறிவு என்பது நோக்கத்தோடு செயல்படுதல், பகுத்தறிவோடு சிந்தித்தல், திறமையாகச் சூழ்நிலையைச் சமாளித்தல் போன்றவை அடங்கிய ஒரு கூட்டச் செயலாற்றல் என கூறியவர் வெக்ஸ்லர்.
நுண்ணறிவுச் சோதனைக்கு உதாரணம் அலெக்சாண்டர் சோதனை.
தார்ன்டைக் கூற்றின் படி நுண்ணறிவு வகையில் மூன்று உள்ளடக்கியது. அவை: சமூக நுண்ணறிவு, கருத்தியல் நுண்ணறிவு மற்றும் பொறியியல் சார்ந்த நுண்ணறிவு.
நுண்ணறிவு = பொதுக்காரணி (G) + சிறப்புக் காரணி (S) எனக் கூறியவர் ஸ்பியர்மென்.
மாணவர்களிடையே இடைவினை ஏற்படுத்தி கற்பிப்பது சிறப்புக் காரணி.
தர்ஸ்டனின் கருத்துப்படி நுண்ணறிவு ஏழு வகையான அடிப்படை மனத்திறன்களால் ஆனதாகும்.
தர்ஸ்டனின் நுண்ணறிவு வகைகளில் சில: சொல்லாற்றல், நினைவாற்றல் மற்றும் எண்ணாற்றல்.
அடிப்படை கணிதச் செயல்களை வேகமாகவும் சரியாகவும் செய்யும் ஆற்றல் எண்ணாற்றல் ஆகும்.
பன்மை நுண்ணறிவு என்ற கருத்தை வெளியிட்டவர் கார்டனர்.
கார்டனர் கண்டறிந்த நுண்ணறிவுகள் ஏழு வகை.
ஹெலன் கெல்லர் தொடு உணர் நுண்ணறிவு அதிகம் கொண்டவர் என கருதப்பட்டார்.
பினே சோதனைகள் மூலம் அளவிடப்படுவது: பொது உண்மைகள் பற்றிய அறிவு, சொற்களுக்குரிய விளக்கங்கள், நினைவுத்திறன் மற்றும் எளிய கணக்கறிவு.
நுண்ணறிவின் அளவு நுண்ணறிவு ஈவினால் குறிப்பிடப்படுகிறது.
நுண்ணறிவு ஈவு என்னும் சொல்லை முதன் முதலில் அறிமுகப்படுத்தியவர் டெர்மன்.
மன வயதை கால வயதால் வகுத்து 100-ஆல் பெருக்கினால் கிடைக்கும் எண்ணே நுண்ணறிவு ஈவு எனப்படும்.
ஒரு குறிப்பிட்ட வயதுடையோர் பொதுவாக செய்யக்கூடிய செயல்களை வெற்றிகரமாக ஒரு குழந்தை செய்து முடித்தால் அது மன வயது.
புதியனவற்றைக் கண்டுபிடித்தலுக்கான ஆக்கச் சிந்தனையில் நான்கு படிகள் இருப்பதாக கூறியவர் கிரகாம் வாலஸ்.
தனது கண்டுபிடிப்பு கனவில் பளிச்சிட்டதாக கூறியவர் ராமானுஜம்.
குழு விவாதம், கருத்தரங்குகள் மற்றும் மன்றச் செயல்பாடுகள் ஆக்கத்திறன் வளர்ச்சிக்கு வழிவகுக்கும்.

மனவெழுச்சி (Emotion) மற்றும் மனநலம்

மனவெழுச்சி என்பது: மன உணர்ச்சிகளை மேலோங்கி நிற்கும் நனவு நிலை மற்றும் உள்ளத்தையும் உடலையும் கிளர்ச்சியுற செய்யும் நிலை.
பாசம் வெறுப்புணர்ச்சியின் அடிப்படையில் அமைந்த மனவெழுச்சி இல்லை.
ஓரளவு அச்சமும், சினமும் கலந்த சிக்கலான வீணான மனவெழுச்சி பொறாமை.
மாணவர்களிடம் அச்ச உணர்வு ஏற்படுத்தும் காரணிகள்: எதையும் சரியாக புரிந்து கொள்ளாமை, கூச்சம்/அவமானம் தரும் நிலைமைகள் மற்றும் தன் மதிப்பை தாக்கும் சூழல்கள்.
நினைப்பதற்கும் நடப்பதற்கும் இடையே காணப்படும் முரண்பாடுகள் கவலைக்கு அடிப்படை காரணமாக அமைகின்றது.
அதிக அளவில் கவலைப்படுவதின் விளைவு: தெளிவற்ற மனநிலை, மாய ஒளி மற்றும் மாயத்தோற்றம்.
மாணவர்களிடம் கவலை ஏற்படுத்தும் காரணிகள்: பெற்றோர்/ஆசிரியர்களின் அளவு கடந்த எதிர்பார்ப்புகள், குற்ற உணர்வுகள் மற்றும் கற்றல் குறைபாடுகள்.
உற்சாகமான மனநிலை, நல்ல உறக்கம் மற்றும் உணவில் திருப்தி ஆகியவை மனநலத்தின் வெளிப்படையான அறிகுறிகள்.
ஆழ்ந்த உணர்ச்சிகளை வெளிகாட்டாமல் மனதினுள் அடக்கி வைப்பதன் விளைவுகள்: சுவாச மண்ட நோய், தோல் நோய், ஜீரண மண்ட நோய் மற்றும் நாளமில்லாத சுரப்பி நோய்.

சமூக வளர்ச்சி மற்றும் ஒழுக்கம்

உடன்பாட்டு தற்கருத்து அமைந்திருக்கும் உணர்வுகள்: வெற்றி உணர்வு, அன்பு, பாதுகாப்புணர்வு, மரியாதை மற்றும் நம்பிக்கை.
எதிர்மறை தற்கருத்து அமைந்திருக்கும் எண்ணங்கள்: அவநம்பிக்கை, வெறுப்பு, தோல்வி உணர்ச்சி, சந்தேகம் மற்றும் பாதுகாப்பற்ற உணர்வு.
ஒரு குழந்தையின் தற்கருத்து வளர்ச்சி குடும்பத்தில் உருவாகின்றது.
குழந்தையின் தற்கருத்து வளர்ச்சியினை தீர்மானிக்கும் சமூக காரணி பெற்றோர்களின் மனப்பான்மை.
குழந்தைகள் பள்ளியில் 'நாம்' என்ற சமூக உணர்வினை வளர்த்துக் கொள்கிறது.
ஒருவரைப் பற்றியோ அல்லது ஒரு குழுவை பற்றியோ உண்மை நிலை அறியாமல் அவசரப்பட்டு தவறான முடிவுக்கு வருவது சார்பெண்ணங்கள்.
சகோதர உறவு என்பது ஒரே தாய்தந்தை உடையவர்கள்.
முதலில் பிறந்த குழந்தை தனித்துவ நிலை பறிக்கப்படுவதாக உணரும்.
விளையாட்டுகள் அறிவு, உடல், மொழி, சமூகம் மற்றும் மனவெழுச்சி வளர்ச்சிக்கு உதவுகிறது.
குழந்தைகள் 2 வயது வரை புலன் - இயக்க விளையாட்டுகளை விரும்புகின்றனர்.
பங்கேற்பு நாடகம் முறையில் மாணவரோ, ஆசிரியரோ அல்லது சமுதாயமோ சந்திக்கின்ற பிரச்சினைகளுக்கு தீர்வு காணலாம்.
SWOT என்பது பலங்கள், பலவீனங்கள், சந்தர்ப்பங்கள் மற்றும் பயங்கள் ஆகியவற்றைக் குறிக்கிறது.
ஒப்பார் குழு என்பது சம வயது மற்றும் சமநிலைகளில் உள்ள குழந்தைகள் ஒன்றுபட்டு உருவாகும் குழுவாகும்.
சிறுவர்கள் கொள்ளும் சினத்தை வகைப்படுத்தியவர் குட்இனஃப்.
மனசாட்சி ஒழுக்க நடத்தையில் இன்றியமையாகப் பங்கினை பெற்றுள்ள உள்ளுணர்வு ஆகும்.
தன்னைத்தானே கட்டுப்படுத்திக் கொள்வதின் விளைவாக எழும் நன்னடத்தை ஒழுக்கம் ஆகும்.
பள்ளிகளில் நடைபெறும் காலை இறை வணக்கம் கூட்டம் மாணவர்களிடம் ஒழுக்க வளர்ச்சிக்கான வாய்ப்புகளை அளிக்கும் இடமாக அமைந்துள்ளது.
தவறாமல் பள்ளிக்கு வருதல் என்பது பள்ளி இணக்கம் என்பதைக் குறிக்கும்.
மனிதன் ஒரு சமூக விலங்கு எனக் கூறியவர் அரிஸ்டாட்டில்.

கற்றல் மற்றும் பிற கோட்பாடுகள்

கவனித்தலில் இடம்பெறும் உடல் இயக்கம்: தலையைத் திருப்புதல், பார்வையை குவித்தல் மற்றும் செவிமடுத்தல்.
கற்றல் கற்பித்தலில் குழந்தைகளின் கவனத்தை கவர்வதற்கான வழிமுறைகள்: மிதமான வேகத்தில் பேசுதல் மற்றும் பரிவுடன் தொடர்ச்சியாக ஊக்குவித்தல்.
துணைக் கருவிகளை பயன்படுத்துதல் மற்றும் நடித்துக் காட்டுதல் மூலம் கற்றலில் ஆர்வத்தை ஏற்படுத்தலாம்.
புலன்களில் ஏற்படும் தூண்டல்கள் ஏற்படுத்துவது குறுங்கால நினைவு.
குழந்தைகளிடம் இயற்கையாகவே மொழியை கற்கும் திறன் உள்ளது என்றவர் கோம்ஸ்கி.
ஆக்க நிலையுறுத்திக் கற்றலை சோதனையின் மூலம் நிரூபித்தவர் பாவ்லவ்.
உட்காட்சி மூலம் கற்றல் நிகழ்வதை சோதனையின் மூலம் நிரூபித்தவர் கோலர்.
நடத்தை கொள்கையாளர்கள்: ஜே.டி. வாட்சன், ஸ்கின்னர் மற்றும் பாவ்லவ்.
ஒரு நாட்டின் தலைவிதி வகுப்பறையின் நான்கு சுவர்களுக்குள் நிர்ணயிக்கப்படுகிறது என்றவர் கோத்தாரி.