Thursday, February 28, 2013

அரசு பள்ளிகளில், 6 முதல், 10ம் வகுப்பு வரை, கம்ப்யூட்டர் பாடத்தை அறிமுகப்படுத்த அரசு திட்டமிட்டுள்ளது.

அரசு பள்ளிகளில், 6 முதல், 10ம் வகுப்பு வரை, கம்ப்யூட்டர் பாடத்தை அறிமுகப்படுத்த அரசு திட்டமிட்டுள்ளது. இதற்கான, ஆரம்ப கட்ட பணிகள் நடந்து வருகின்றன. அரசு பள்ளிகளில், மேல்நிலை கல்வியில் தான், கம்ப்யூட்டர் சயின்ஸ் தனி பாடமாக கற்பிக்கப்படுகிறது. 6ம் வகுப்பு முதல், 10ம் வகுப்பு வரை, அறிவியல் பாடத்தில் கம்ப்யூட்டர் குறித்து, ஒரு யூனிட் பாடம் மட்டுமே இருக்கும். தனியார் பள்ளிகளில், ஆங்கிலவழி கல்வி பயிலும் மாணவர்களுக்கு, 1ம் வகுப்பு முதல், பிளஸ் 2 வரை, கம்ப்யூட்டர் சயின்ஸ் பாடம் உள்ளது. தற்போதைய உலகில், கம்ப்யூட்டர் அறிவு இல்லாமல், 10ம் வகுப்பு வரை படித்தால், அது அரசு பள்ளி மாணவர்களுக்கு பெரும் பின்னடைவை ஏற்படுத்தும். எனவே, தமிழக அரசு,6 முதல், 10ம் வகுப்பு வரை உள்ள மாணவர்களுக்கு, அடுத்த கல்வி ஆண்டு முதல், கம்ப்யூட்டர் சயின்ஸ் பாடத்தை, அறிமுகப்படுத்த உள்ளது.இதற்காக, அரசு பள்ளி மாணவர்களின் விகிதம், தேவைப்படும் கம்ப்யூட்டர்கள், நியமிக்கப்பட வேண்டிய ஆசிரியர்கள் குறித்து, முதன்மை கல்வி அலுவலர்கள் கணக்கெடுத்துள்ளனர். வகுப்பு வாரியாக பாட புத்தகம் தயாரிக்கும் பணி நடந்து வருகிறது. இத்திட்டத்தை, சிறப்பாக நடைமுறைப்படுத்த, பள்ளி கல்வி துறைக்கு அரசு உத்தரவிட்டுள்ளது.

பி.எஸ்.என்.எல்., பிராட்பேண்ட் கட்டணம் உயர்வு அமலாகிறது

பிராட்பேண்ட் சேவைக்கான கட்டணத்தை, பி.எஸ்.என்.எல்., நிறுவனம் உயர்த்தி உள்ளது. இக்கட்டண உயர்வு, நாளை முதல் அமலுக்கு வருகிறது. நாடு முழுவதும், 1.5 கோடி பேர்,"பிராட்பேண்ட்' சேவையை பயன்படுத்தி வருகின்றனர். இவர்களில், 1 கோடி பேர் பி.எஸ்.என்.எல்., சேவையை பயன்படுத்துகின்றனர். தமிழக மற்றும் சென்னை தொலைபேசி வட்டத்தில், 9 லட்சம் வாடிக்கையாளர்கள் உள்ளனர். சிறிய, நடுத்தர மற்றும் பெரிய என பல வாடிக்கையாளர்களின் வசதிக்கு ஏற்ப, திட்டங்களை அறிவித்துள்ளது. இத்திட்டங்களுக்கான கட்டணத்தை, பி.எஸ்.என்.எல்., நிறுவனம் சீரமைத்துள்ளது.மறு சீரமைப்பின் படி, புதிய கட்டண உயர்வு நாளை முதல் அமலாகும் என்று, பி.எஸ்.என்.எல்., நிறுவனம் அறிவித்துள்ளது.

இதுகுறித்து, சென்னை தொலைபேசி வட்டம் உயர் அதிகாரி ஒருவர் கூறியதாவது: பி.எஸ்.என்.எல்., நிறுவனம், கடும் நிதி நெருக்கடியை சந்தித்து வருகிறது. தனியார் தொலைபேசி நிறுவனங்களுடன் போட்டியை சமாளிக்க, கட்டண சீரமைப்பு அவசியமாகிறது. புதிய கட்டண உயர்வு, நாளை முதல் அமலுக்கு வருகிறது. மாத சந்தா வாடிக்கையாளர்களுக்கு, இப்புதிய கட்டண உயர்வு, உடனே அமலாகிறது. ஏற்கனவே, பிராட்பேண்ட் சேவையை பெற, ஓராண்டு, இரண்டாண்டு மற்றும் மூன்று ஆண்டு சந்தா செலுத்திய வாடிக்கையாளர்களுக்கு, அவர்களின் காலக்கெடு முடிந்த பின்னரே, கட்டண மறு சீரமைப்பு அமலாகும். கட்டண உயர்வை, வாடிக்கையாளர்களுக்கு, குறுஞ்செய்தியில் தெரிவித்து வருகிறோம். விரிவான கட்டண விவரங்களை, சென்னை தொலைபேசியின் இணையதளத்தில் அறியலாம். இவ்வாறு அவர் கூறினார்.

திட்டத்தின் பெயர் பழைய கட்டணம் புதிய கட்டணம்
பி.பி.ஹோம் யு.எல்.டி., 499 499 525
பி.பி.ஹோம் காம்போ யு.எல்.டி., 625 625 650
பி.பி.ஹோம் காம்போ யு.எல்.டி., 750 750 800
பி.பி.ஹோம் யு.எல்.டி., 750 750 800
பி.பி.ஜி. ஹோம் காம்போ யு.எல்.டி., 850 850 900
பி.பி.ஹோம் காம்போ யு.எல்.டி., 900 900 950

ரேசன் கார்டுகளில் உள்தாள் ஒட்டும் பணி மார்ச் 15 வரை நீட்டிப்பு

ரேசன் கார்டுகளில் உள்தாள் இணைக்கும் பணியை நீட்டித்து உத்தரவிடப்பட்டுள்ளது. இது தொடர்பாக உணவு அமைச்சர் காமராஜ் வெளியிட்டுள்ள அறிக்கையில், ரேசன் கடைகளில் உள்தாள் ஒட்டும் பணி கடந்த ஜனவரி 1-ம் தேதி துவங்கியது. தற்போது குடும்ப அட்டைதாரர்களின் கோரிக்கையை ஏற்று வரும் மார்ச் 15-ம் தேதி வரை நீட்டிக்கப்பட்டுள்ளது. இவ்வாறு அந்த அறிக்கையில் கூறப்பட்டுள்ளது.

எஸ்.எஸ்.எல்.சி. பொதுத்தேர்வு: தனித்தேர்வர்களுக்கு கடைசி வாய்ப்பு தட்கல் திட்டத்தில் விண்ணப்பிக்கலாம்

எஸ்.எஸ்.எல்.சி. பொதுத்தேர்வு மார்ச் மாதம் நடைபெற உள்ளது. இத்தேர்வுக்கு ஏற்கனவே நிர்ணயிக்கப்பட்ட காலத்தில் அறிவியல் பாடத்திற்கான செய்முறை பயிற்சி வகுப்புக்கு விண்ணப்பித்து அதற்கான பயிற்சி வகுப்புகளில் கலந்துகொண்டு போதிய வருகை நாட்கள் இருந்தும் கருத்தியல் (தியரி) தேர்வுக்கு விண்ணப்பிக்காமல் விடுபட்டுள்ள தனித்தேர்வர்கள் மட்டும் தியரி தேர்வுக்கு சிறப்பு அனுமதி திட்டத்தின் (தட்கல்) கீழ் மார்ச் 6, 7 ஆகிய தேதிகளில் ஆன்லைன் மூலம் விண்ணப்பிக்கலாம். இதற்கான அறிவிப்பு விரைவில் வெளியிடப்படும். மேலும் சிறப்பு அனுமதி திட்டத்தில் விண்ணப்பித்த தனித்தேர்வர்கள் செய்முறைத்தேர்வு எழுத இன்னொரு நாளில் அனுமதிக்கப்படுவார்கள். மேற்கண்ட தகவலை அரசு தேர்வுகள் இயக்குனர் தண்.வசுந்தராதேவி தெரிவித்துள்ளார்.

கல்விச்சோலையின் வாழ்த்துக்கள்: 2020 தேர்வு மையங்களில் மேல்நிலைப் பொதுத்தேர்வினை எழுத உள்ள 5,769 பள்ளிகளை சேர்ந்த 8 லட்சத்து 4 ஆயிரத்து 535 மாணவ–மாணவிகளுக்கும், சிறப்பான பங்களிப்பை நல்கும் கல்வித்துறை அதிகாரிகளுக்கும், முதுகலை ஆசிரிய பெருமக்களுக்கும் கல்விச்சோலையின் இனிய நல்வாழ்த்துக்கள்.

இதுதொடர்பாக அரசு தேர்வுகள் இயக்குனர் தண்.வசுந்தராதேவி வெளியிட்டுள்ள செய்திக்குறிப்பில் கூறி இருப்பதாவது:–

பிளஸ்–2 தேர்வு (வெள்ளிக்கிழமை) தொடங்கி 27–ந்தேதி வரை நடைபெற இருக்கிறது. இந்த தேர்வை தமிழ்நாடு மற்றும் புதுச்சேரியில் 5,769 மேல்நிலைப்பள்ளிகளை சேர்ந்த 8 லட்சத்து 4 ஆயிரத்து 535 மாணவ–மாணவிகள் எழுதுகிறார்கள். இவர்களில் 3 லட்சத்து 73 ஆயிரத்து 788 பேர் மாணவர்கள். 4 லட்சத்து 30 ஆயிரத்து 746 பேர் மாணவிகள். அதாவது மாணவர்களை விட 56 ஆயிரத்து 958 மாணவிகள் கூடுதலாக தேர்வில் கலந்துகொள்கிறார்கள். இதற்காக 2020 தேர்வு மையங்களாக அமைக்கப்பட்டு உள்ளன.

சென்னை மாநகரில் 406 பள்ளிகளில் இருந்து 51 ஆயிரத்து 531 பேர் 140 மையங்களில் தேர்வு எழுதுகின்றனர். இவர்களில் மாணவர்கள் 23 ஆயிரத்து 717 பேர். மாணவிகள் 27 ஆயிரத்து 814 பேர் ஆவர். புதுச்சேரியில் 30 தேர்வு மையங்களில் 6 ஆயிரத்து 919 மாணவிகள் உள்பட 12 ஆயிரத்து 611 பேர் தேர்வில் பங்கேற்கின்றனர். பள்ளி மாணவர்களைத்தவிர, தனித்தேர்வர்களாக 48 ஆயிரத்து 786 பேர் தேர்வு எழுதுகிறார்கள்.

கற்றல் குறைபாடு (டிஸ்லெக்சியா), பார்வை இழந்தோர், காது கேளாதோர், வாய் பேச இயலாதோர் உள்பட இதர மாற்றுத்திறனாளிகளுக்கான சொல்வதை எழுதுபவர் ஆகியோருக்கு தேர்வில் சிறப்பு சலுகை அளிக்கப்பட்டு உள்ளது. அவர்களுக்கு தேர்வுக்கு கூடுதலாக 1 மணி நேரம் வழங்கப்படும். மேலும் ஒரு மொழிப்பாடம் கிடையாது.

தேர்வுக்கான வினாத்தாள் கட்டு காப்பு மையங்கள் பாதுகாப்பான இடங்களில் அமைந்துள்ளதா? என்பதை மாவட்ட முதன்மை கல்வி அதிகாரிகள், மாவட்ட கல்வி அதிகாரிகள் ஆய்வு செய்து அமைக்கப்பட்டு இருக்கின்றன. வினாத்தாள் கட்டுக்காப்பு மையங்களில் 24 மணி நேரமும் ஆயுதம் தாங்கிய போலீஸ் பாதுகாப்பு போடப்பட்டு உள்ளது. ஒவ்வொரு வினாத்தாள் காப்பு மையங்களிலும் கூடுதல் கண்காணிப்புக்கு இரவு காவலர்கள் பணியாற்றுவார்கள். ஆய்வு அதிகாரிகள் அடிக்கடி மையங்களுக்கு சென்று கண்காணிப்பார்கள்.

தேர்வு மையங்களில் தடையற்ற மின்சாரம் வழங்க ஏற்பாடு செய்யப்பட்டு உள்ளது. எனினும் முன்னேற்பாடாக ஜெனரேட்டர் வசதி செய்துகொள்ளவும் அறிவுறுத்தப்பட்டு இருக்கிறார்கள். தேர்வு மையங்களில் குடிநீர், கழிப்பிட வசதிகள் நல்ல முறையில் செய்யவும் பள்ளிகளுக்கு ஆலோசனை வழங்கப்பட்டு உள்ளது.

அனைத்து மாவட்டங்களிலும் உள்ள தேர்வு மையங்களில் போலீஸ் பாதுகாப்பு தீவிரப்படுத்தப்பட்டு இருக்கிறது. ஒவ்வொரு மாவட்டத்திலும் கலெக்டர் தலைமையில் மாவட்ட தேர்வுக்குழு அமைக்கப்பட்டு உள்ளது. அந்த குழுவில் போலீஸ் எஸ்.பி., மாவட்ட வருவாய் அதிகாரி, சப்–கலெக்டர், ஆர்.டி.ஓ., ஆகியோர் இடம்பெற்றிருப்பார்கள். தேர்வுக்குழுவினர் தேர்வு மையங்களை பார்வையிட்டு முறைகேடுகள், எதுவும் நடைபெறா வண்ணம் கண்காணிப்பார்கள்.

பள்ளிக்கல்வித்துறை இணை இயக்குனர்களும் மாவட்டங்களில் தேர்வு நாட்களில் கண்காணிப்பு குழுக்களுடன் தேர்வு மையங்களை மேற்பார்வையிடுவார்கள். தேர்வு மையங்களை பார்வையிட 4 ஆயிரத்திற்கும் மேற்பட்ட கண்காணிப்புக்குழு உறுப்பினர்கள் நியமிக்கப்பட்டு உள்ளனர். இவர்கள் தேர்வு மையங்களில் திடீர் ஆய்வு மேற்கொள்வார்கள். ஒருசில மையங்களில் கண்காணிப்புக்குழுவினர் தேர்வு தொடங்கி முடியும் வரை அங்கேயே தங்கி தேர்வு பணிகளை பார்வையிடுவார்கள்.

தொழிற்படிப்பு சேர்க்கைக்கு கணக்கில் எடுத்துக்கொள்ளப்படும் கணிதம், இயற்பியல், வேதியியல், உயிரியல், விலங்கியல், தாவரவியல் ஆகிய 6 பாடங்களுக்கான தேர்வுகள் மார்ச் 11, 14, 18, 21 ஆகிய தேதிகளில் நடைபெறுகின்றன. அந்த தேர்வுகளின்போது, அனைத்து தேர்வு மையங்களிலும் அதே மாவட்டத்தைச் சேர்ந்த வேறு பள்ளிகளின் தலைமை ஆசிரியர்கள் முதன்மை கண்காணிப்பாளர்களாக இருந்து தேர்வை நடத்துவார்கள். மேலும் அண்ணா பல்கலைக்கழக பேராசிரியர்கள் சிறப்பு பார்வையாளர்களாக தேர்வு மையங்களை பார்வையிடுவார்கள்.

எக்காரணம் கொண்டும் தேர்வு நேரத்தின்போது அந்த பள்ளியைச்சேர்ந்த தாளாளர்களோ, ஆசிரியர்களோ, பணியாளர்களோ தேர்வு நடக்கும் வளாகத்தில் இருக்கக்கூடாது. தேர்வின்போது காப்பி அடித்தல், பிட் அடித்தல், தேர்வு அதிகாரிகளிடம் முறைகேடாக நடந்தகொள்ளல், விடைத்தாள் மாற்றல் செய்தல், ஆள்மாறாட்டம் செய்வது ஆகிய செயல்பாடுகள் ஒழுங்கீனமாக கருதப்பட்டு, அத்தகை செயல்களில் ஈடுபடும் மாணவர்கள் மீது கடும் நடவடிக்கை எடுக்கப்பட்டு விதிமுறைகளின்படி உரிய தண்டனை வழங்கப்படும்.

ஒழுங்கீன செயல்களுக்கு உடந்தையாகவோ, ஊக்குவிக்கவோ பள்ளி நிர்வாகம் முயன்றால் பள்ளி தேர்வு மையம் ரத்துசெய்யவும், பள்ளியின் அங்கீகாரத்தை ரத்து செய்யவும் பள்ளிக்கல்வி இயக்குனர் மூலம் நடவடிக்கை எடுக்கப்படும். ஆள்மாறாட்டத்தை தவிர்க்கும் பொருட்டு தேர்வர்களின் போட்டோக்கள் பெயர் பட்டியலிலும், தேர்வுக்கூட நுழைவுச்சீட்டிலும் அச்சிடப்பட்டு உள்ளது.

தமிழ்வழியில் தேர்வு எழுதும் மாணவர்களுக்கு தேர்வு கட்டண விலக்கு அளிக்கப்படுகிறது. இந்த ஆண்டு 5 லட்சத்து 59 ஆயிரத்து 964 மாணவ–மாணவிகள் தமிழ்வழியில் தேர்வு எழுதுகிறார்கள். தேர்வில் பகுதி–3–ல் அனைத்து பாடங்களுக்கான வினாத்தாள்களையும் தமிழ்வழியோடு ஆங்கிலவழி வினாக்களும் ஒரே வினாத்தாளில் இடம்பெறும் வண்ணம் இருமொழி வடிவில் வடிவமைக்கப்பட்டு இருக்கிறது.

இயற்பியல், உயிரியல், தாவரவியல், விலங்கியல், கணிதம், வரலாறு, வணிகவியல், பொருளாதாரம், கணக்கியல் ஆகிய பாடங்களுக்கு சிறுபான்மை மொழிகளான தெலுங்கு, கன்னடம், மலையாளம், உருது ஆகிய மொழிகளிலும் வினாத்தாள் வழங்கப்படும். அந்த வினாத்தாள்களில் ஆங்கிலவழியிலும் வினாக்கள் இடம்பெற்றிருக்கும்.

ஜெயில் கைதிகளும் கல்வியில் ஏற்றம் கண்டிடும் வகையில் ஜெயிலிலே கடந்த சில ஆண்டுகளாக தேர்வு மையம் அமைக்கப்பட்டு பொதுத்தேர்வு நடத்தப்பட்டு வருகிறது. அந்த வகையில் இந்த ஆண்டு பிளஸ்–2 தேர்வுக்கு சென்னை புழல் ஜெயிலில் தேர்வு மையம் ஏற்படுத்தப்பட்டு அங்கு 40 கைதிகள் தேர்வு எழுதுகிறார்கள்.

இவ்வாறு வசுந்தராதேவி கூறி உள்ளார்.

சென்னை பல்கலைக்கழகத்தின் முதுகலை மற்றும் தொழில்கல்வி பட்டப் படிப்புகளுக்கான தேர்வின் மறுமதிப்பீடு முடிவு வெளியிடப்பட்டது.

சென்னை பல்கலைக்கழகத்தின் முதுகலை மற்றும் தொழில்கல்வி பட்டப் படிப்புகளுக்கான செமஸ்டர் தேர்வுகள் கடந்த ஆண்டு நவம்பர் மாதம் நடத்தப்பட்டன. இந்த தேர்வின் மறுமதிப்பீடு முடிவு வெளியிடப்பட்டது. மறுமதிப்பீடு முடிவுகளை பல்கலைக்கழக இணையதளத்தில் (www.unom.ac.in) மாணவ–மாணவிகள் தெரிந்துகொள்ளலாம் என்று பதிவாளர் கோட்டீஸ்வர பிரசாத் அறிவித்துள்ளார்

வி.ஏ.ஓ. பணிக்கு 4–வது கட்டமாக தேர்வு செய்யப்பட்டவர்கள் பட்டியல் டி.என்.பி.எஸ்.சி. இணையதளத்தில் வெளியிடப்பட்டு உள்ளது.

வி.ஏ.ஓ. பணிக்கு 4–வது கட்டமாக தேர்வு செய்யப்பட்டவர்கள் பட்டியல் டி.என்.பி.எஸ்.சி. இணையதளத்தில் வெளியிடப்பட்டு உள்ளது. அவர்களுக்கான கவுன்சிலிங் 5–ந் தேதி நடைபெற உள்ளது.இதுதொடர்பாக தமிழ்நாடு அரசு பணியாளர் தேர்வாணையத்தின் (டி.என்.பி.எஸ்.சி.) செயலாளர் மா.விஜயகுமார் வெளியிட்டுள்ள செய்திக்குறிப்பில் கூறி இருப்பதாவது;–

கிராம நிர்வாக அதிகாரி (வி.ஏ.ஓ.) பதவிகளில் 2012–2013–ம் ஆண்டுக்கான காலி பணி இடங்களை நிரப்புவதற்காக 30.9.2012 அன்று எழுத்துத்தேர்வு நடத்தப்பட்டது. இந்த தேர்வில் வெற்றிபெற்று வி.ஏ.ஓ. பதவிக்கு தற்காலிகமாக தேர்வுசெய்யப்பட்ட தேர்வர்களுக்கான சான்றிதழ் சரிபார்ப்பு மற்றும் கவுன்சிலிங் 3 கட்டங்களாக நடத்தப்பட்டு, அதன்மூலம் 1,685 பேருக்கு பணி ஒதுக்கீடு செய்யப்பட்டது.இந்த நிலையில், எஞ்சியுள்ள 185 காலி பணி இடங்களை நிரப்புவதற்கு 4–வது கட்டமாக தேர்வு செய்யப்பட்டவர்களின் பட்டியல் டி.என்.பி.எஸ்.சி. இணையதளத்தில் வெளியிடப்பட்டு உள்ளது. அவர்களுக்கான கவுன்சிலிங் மற்றும் சான்றிதழ் சரிபார்ப்பு 5–ந்தேதி காலை 8.30 மணிக்கு சென்னை பாரிமுனையில் உள்ள (பிராட்வே பஸ் நிலையம் அருகில்) டி.என்.பி.எஸ்.சி. அலுவலகத்தில் நடைபெற உள்ளது.

கவுன்சிலிங் அழைக்கப்பட்டுள்ள தேர்வர்கள் தங்கள் அசல் சான்றிதழ்கள் மற்றும் சான்றொப்பம் செய்யப்பட்ட (அட்டஸ்டேஷன்) ஜெராக்ஸ் நகல்களையும் கவுன்சிலிங்கிற்கு தவறாமல் கொண்டுவர வேண்டும். சான்றிதழ் சரிபார்ப்பு மற்றும் கவுன்சிலிங்கிற்கு தேர்வர்கள் அனுமதிக்கப்படுவது அவர்கள் பரிசீலிக்கப்படும்போது உள்ள காலி பணி இடங்களை பொறுத்தே ஒதுக்கீடு செய்யப்படும். எனவே, கவுன்சிலிங்கிற்கு அழைக்கப்படும் அனைவருக்கும் பணி நியமனம் வழங்கப்படும் என்பதற்கு உறுதிகூற இயலாது. விண்ணப்பதாரர்கள் கவுன்சிலிங்கிற்கு வரத்தவறினால் அவர்களுக்கு மறுவாய்ப்பு அளிக்கப்பட மாட்டாது.இவ்வாறு விஜயகுமார் கூறி உள்ளார்.

2013-14-ம் நிதியாண்டுக்கான மத்திய பட்ஜெட் 28 ஆம் தேதி பாராளுமன்றத்தில் தாக்கல் செய்யப்படுகிறது.



2013-14-ம் நிதியாண்டுக்கான மத்திய பட்ஜெட் 28 ஆம் தேதி  பாராளுமன்றத்தில் தாக்கல் செய்யப்படுகிறது. மத்திய நிதியமைச்சர் ப.சிதம்பரம் காலை 11 மணிக்கு பட்ஜெட்டை பாராளுமன்றத்தில் தாக்கல் செய்கிறார். நாட்டில் நிதிப்பற்றாக்குறை கடுமையாக அதிகரித்துள்ள நிலையில், இதை கட்டுக்குள் கொண்டு வருவது இந்த பட்ஜெட்டில் அவர் எதிர்நோக்கும் மிகப்பெரிய சவால் என்று அரசு வட்டாரத்தில் கூறப்படுகிறது. அதே சமயம், அதிகரித்து வரும் விலைவாசி பிரச்னைக்கும் தீர்வு கண்டாக வேண்டிய நிலையில், அடுத்த ஆண்டு மக்களவை தேர்தல் நடைபெறுகிறது என்பதால், இந்த பட்ஜெட்டில் மக்கள் நலத் திட்டங்களுக்கு அதிக முக்கியத்துவம் தரப்படக்கூடும் என்ற எதிர்பார்ப்பும் அதிகரித்துள்ளது. இதற்கிடையில், நடப்பு நிதியாண்டுக்கான பொருளாதார ஆய்வறிக்கையை நிதியமைச்சர் சிதம்பரம் இன்று பாராளுமன்றத்தில் வெளியிட்டார். நடப்பு நிதியாண்டில் பணவீக்க விகிதம் 6.2 சதவிகிதத்திலிருந்து 6.6 சதவிகிதத்துக்குள் இருக்கும் என்று ஆய்வு கூறுகிறது. மேலும், வரும் நிதியாண்டில் நாட்டின் வளர்ச்சி 6.1 சதவிகிதத்திலிருந்து 6.7 சதவிகிதத்துக்குள் இருக்கும் என்றும் ஆய்வறிக்கை கூறுகிறது.

Wednesday, February 27, 2013

தமிழக பள்ளிக் கல்வித்துறையின் புதிய அமைச்சராக வைகை செல்வன் அவர்கள் நியமிக்கப்பட்டுள்ளார்.

தமிழக பள்ளிக் கல்வித்துறையின் புதிய அமைச்சராக வைகை செல்வன் அவர்கள் நியமிக்கப்பட்டுள்ளார்.

ஆசிரியர் தேர்வு வாரியத்தின் மூலம் நடத்தப்படும் போட்டித் தேர்வுகளுக்கான பாடத் திட்டங்களை மாற்றியமைப்பது குறித்து தீவிரமாக ஆலோசிக்கப்பட்டு வருகிறது.

ஆசிரியர் தேர்வு வாரியத்தின் மூலம் நடத்தப்படும் போட்டித் தேர்வுகளுக்கான பாடத் திட்டங்களை மாற்றியமைப்பது குறித்து தீவிரமாக ஆலோசிக்கப்பட்டு வருகிறது.

முதுநிலை, இளநிலை பட்டப் படிப்பு முடித்தவர்களுக்கான தேர்வு பாடத்திட்டங்கள் 5 ஆண்டுகளுக்கு ஒருமுறை மாற்றப்பட வேண்டும். ஆனால் பெரும்பாலான தேர்வுகளுக்கு பாடத்திட்டங்கள் வகுக்கப்பட்டு 10 ஆண்டுகள் வரை ஆகின்றன.

எனவே, இப்போதைய மாற்றங்களுக்கு ஏற்றவாறு பாடத்திட்டங்களை மாற்றும் பணி விரைவில் மேற்கொள்ளப்பட உள்ளதாகத் தெரிகிறது. ஆனால், ஆசிரியர் தகுதித் தேர்வுக்கான பாடத்திட்டம் கடந்த ஆண்டு தயாரிக்கப்பட்டதால், இதில் மாற்றம் எதுவும் இருக்காது எனவும் தெரிகிறது.

Friday, February 22, 2013

தமிழ் மற்றும் ஆங்கில புத்தக பதிப்பாளர்கள் பொது நூலக துறை கட்டுப்பட்டில் இயங்கும் நூலகங்களுக்கு புத்தகங்களை விற்பனை செய்யவரும், 28ம் தேதி வரை விண்ணப்பிக்கலாம் என, நூலகத் துறை இயக்குனர் ராமேஸ்வர முருகன் தெரிவித்துள்ளார்.


செய்திகுறிப்பு: கடந்த, 2010 மற்றும் 11ம் ஆண்டு, தமிழ் மற்றும் ஆங்கில நூல்களின் பதிப்புகளை, பொது நூலகத் துறை வாங்குகிறது. புத்தகங்களை, பொது நூலகங்களுக்கு வழங்க, www.connemarapubliclibrarychennai.com என்ற இணையதளத்தில் உள்ள, விண்ணப்ப படிவத்தை பதிவிறக்கம் செய்ய வேண்டும். அதை, பூர்த்தி செய்து, புத்தகங்களின், மாதிரி பிரதிகளுடன், படிவம்-ஏ, படிவம்-பி ஆகியவற்றை இணைத்து, அந்தந்த மாவட்டங்களில் உள்ள பதிப்பாளர்கள், விற்பனையாளர்கள், மாவட்ட நூலக ஆணை குழுக்களில், நேற்று, 21ம் தேதி வரை சமர்ப்பிக்கலாம் என, ஏற்கனவே அறிவிக்கப்பட்டிருந்தது. தற்போது, பதிப்பாளர்கள் மற்றும் விற்பனையாளர்களின் வேண்டுகோளை ஏற்று, புத்தகங்களின் மாதிரி பிரதிகளை, அந்தந்த மாவட்ட நூலக ஆணை குழுக்களில் சமர்ப்பிக்க, இம்மாதம், 28ம் தேதி வரை, கால நீட்டிப்பு செய்து அறிவிக்கப்படுகிறது. பதிப்பாளர்கள் மற்றும் விற்பனையாளர்கள், மேலும் தகவல்கள் தேவைப்பட்டால், 044-28524263, 044-28412087 ஆகிய தொலைபேசி எண்களில் தொடர்பு கொள்ளலாம். இவ்வாறு ராமேஸ்வர முருகன் தெரிவித்துள்ளார். இதுவரை, 15 ஆயிரம் பதிப்பாளர்கள், இணையதளம் வழியாக விண்ணப்பித்துள்ளனர். 2010, 11 ஆகிய இரு ஆண்டுகளுக்கும் சேர்த்து, 25 கோடி ரூபாய் அளவிற்கு, புத்தகங்கள் வாங்கப்பட உள்ளதாக, துறை வட்டாரங்கள் தெரிவித்தன. புத்தக தேர்வுக்குழு, புத்தகங்களின் மாதிரி பிரதிகளை ஆய்வு செய்து, தரமான புத்தகங்களை தேர்வு செய்து, பரிந்துரைக்கும். அதன் அடிப்படையில், பொது நூலகத் துறை, புத்தகங்களை வாங்கும். இரு ஆண்டுகளுக்கும் சேர்த்து, 25 கோடி ரூபாய் அளவிற்கு, தமிழக அரசு புத்தகங்கள் வாங்குவதால், பதிப்பாளர்கள் மற்றும் விற்பனையாளர்கள் மகிழ்ச்சி அடைந்துள்ளனர்.

Thursday, February 21, 2013

தமிழகம் முழுவதும் 65 லட்சம் மரக்கன்றுகள் நடும் திட்டத்தினை சென்னையில் முதல்–அமைச்சர் ஜெயலலிதா தொடங்கி வைத்தார்.

தமிழக முதல்–அமைச்சர் ஜெயலலிதாவின் பிறந்த நாளையொட்டி, தமிழகம் முழுவதும் 65 லட்சம் மரக்கன்றுகள் நடுவதற்கு தமிழக வனத்துறையும், தமிழ்நாடு மாசு கட்டுப்பாடு வாரியமும் ஏற்பாடு செய்து இருந்தன. அதன்படி, நேற்று 65 லட்சம் மரக்கன்றுகள் நடும் திட்டம் தொடங்கியது.சென்னை மெரினா கடற்கரை சாலையில் உள்ள நீச்சல் குளத்துக்கு அருகில் இந்த திட்டத்தினை முதல்–அமைச்சர் ஜெயலலிதா நேற்று தொடங்கிவைத்தார். அப்போது அவர் ஆலமரக்கன்று ஒன்றை அங்கு நட்டு, அதற்கு தண்ணீர் ஊற்றினார்.இதுகுறித்து தமிழக அரசு வெளியிட்டுள்ள செய்திக்குறிப்பில் கூறியிருப்பதாவது:–

தமிழகத்தில் வன வளத்தினை அதிகரிக்கவும், உயிர்ப் பன்மையினைப் பாதுகாத்திடவும் பல்வேறு நடவடிக்கைகளை தமிழக அரசு எடுத்து வருகிறது. மேலும், தமிழகத்தின் இயற்கை வளத்தைப் பேணிப்பாதுகாக்க ஆக்கப்பூர்வமான நடவடிக்கைகளை முதல்–அமைச்சர் ஜெயலலிதா தலைமையிலான அரசு மேற்கொண்டு வருகிறது.நகர்ப்புற வளர்ச்சி மற்றும் வாகன எண்ணிக்கை வெகுவாக அதிகரித்து வரும் சூழ்நிலையில், காற்று மண்டலம் மாசு அடைந்து வருகிறது. மரங்கள் காற்று மண்டலத்தில் உள்ள சுற்றுப்புறத் தூய்மையை பாதுகாக்கின்றன.

சூழலியல் சமன்பாட்டினை நிலை நிறுத்தவும், வனம் மற்றும் மரங்களின் பரப்பை அதிகரித்து, தமிழகத்தின் பசுமைப் போர்வையை மேம்படுத்தும் உன்னத நோக்குடனும், வனப் பகுதிகளில் மட்டுமின்றி, வனத்திற்கு வெளியே இருக்கும் காலி இடங்களிலும் அதிக எண்ணிக்கையில் மரக்கன்றுகளை நட்டு வளர்க்கவும் ‘மாபெரும் மரம் நடும் திட்ட’த்தை செயல் படுத்த முதல்–அமைச்சர் ஜெயலலிதா உத்தரவிட்டிருந்தார்.அதன்படி, தமிழ்நாடு முழுவதும் சென்ற ஆண்டு 64 லட்சம் மரக்கன்றுகள் நடப்பட்டு, நல்ல முறையில் பராமரிக்கப்பட்டு வருகின்றன. இந்த திட்டத்திற்கு பல்வேறு தரப்பினரிடையே மிகுந்த வரவேற்பு உள்ளதால், இந்த ஆண்டு 65 லட்சம் மரக்கன்றுகள் நடும் திட்டத்தினை முதல்–அமைச்சர் நேற்று சென்னை, மெரினா கடற்கரை சாலை ஓரத்தில் ஆலமரக்கன்றினை நட்டு தொடங்கி வைத்தார்.

இத்திட்டத்தின் கீழ் இந்த ஆண்டு முதல் கட்டமாக பிப்ரவரி 24 முதல் 28 வரை ஒவ்வொரு மாவட்டத்திலும் தலா 6,500 கன்றுகள் வீதம் 2 லட்சத்து 8 ஆயிரம் மரக்கன்றுகள் நடப்படும். இந்த மரக்கன்றுகளுக்கு நீர் ஊற்றி, பராமரித்து பாதுகாத்திட அனைத்து ஏற்பாடுகளும் செய்யப்பட்டுள்ளன. மேலும், சாலையோரங்களில் உயரமான மரக்கன்றுகள் நட்டு, பாதுகாப்பு கூண்டு வைத்து பாதுகாக்கவும் நடவடிக்கை எடுக்கப்பட்டுள்ளது.தென்மேற்கு பருவ மழை தொடங்கியவுடன், தேர்வு செய்யப்பட்டுள்ள இடங்களில் ஒவ்வொரு மாவட்டத்திலும் சுமார் ஒரு லட்சத்து 91 ஆயிரத்து 625 மரக்கன்றுகள் வீதம் 61 லட்சத்து 32 ஆயிரம் மரக்கன்றுகள் நடப்பட உள்ளன.

இந்தப் பணியானது இந்த ஆண்டு ஜூலை மாதம் தொடங்கி டிசம்பர் மாதத்திற்குள் முடிக்கப்படும். மேலும், வடகிழக்கு பருவமழையினை ஒட்டி ஒரு மாவட்டத்திற்கு 5 ஆயிரம் மரக்கன்றுகள் வீதம் 1 லட்சத்து 60 ஆயிரம் மரக்கன்றுகள், குறிப்பாக சாலையோரங்களிலும், பூங்காக்களிலும், தெரு ஓரங்களிலும் நடப்படவுள்ளன.இதில் சுமார் 50 விழுக்காடு மரக்கன்றுகளுக்கு பாதுகாப்பு காவலர்களை பணி அமர்த்தியும், பாதுகாப்பு கூண்டுகள் பொருத்தியும், நீர் ஊற்றியும் பராமரிக்கப்பட உள்ளது. மீதமுள்ள மரக்கன்றுகள் அந்தந்த இடங்களில் உள்ள பயனாளிகளால் பராமரித்து பாதுகாக்கப்படும் என உறுதி செய்யப்பட்டுள்ளது.இந்த திட்டத்தின் கீழ் ஆலம், இலுப்பை, புன்னை, மந்தாரை, புங்கன், மகிழம், பூவரசு, வேம்பு உள்ளிட்ட வறட்சியை தாங்கக் கூடிய மரக்கன்றுகள் நடப்பட உள்ளன.இவ்வாறு அதில் கூறப்பட்டுள்ளது.

தொடர்ந்து 21 நாட்கள் பணிக்கு வரவில்லை என்பதற்காக "போலீஸ்காரரை பணியில் இருந்து நீக்கியது சரியல்ல" மீண்டும் வேலை வழங்க, ஐகோர்ட்டு உத்தரவு

தொடர்ந்து 21 நாட்கள் பணிக்கு வரவில்லை என்பதற்காக போலீஸ்காரரை பணியில் இருந்து நீக்கியது சரியல்ல என்றும், மீண்டும் போலீஸ் வேலை வழங்க வேண்டும் என்றும் மதுரை ஐகோர்ட்டு உத்தரவிட்டுள்ளது.

ராமநாதபுரம் மாவட்டம் கடலாடி தாலுகா ஆப்பனூரை சேர்ந்தவர் உமயசேகர்(வயது 38). இவர், மதுரை ஐகோர்ட்டு கிளையில் தாக்கல் செய்த மனுவில் வருமாறு:–நான், 1997–ம் ஆண்டு போலீஸ் பணியில் சேர்ந்தேன். 9 ஆண்டுகளாக எந்தவித புகாரும் இல்லாமல் பணியாற்றினேன். ராமநாதபுரம் மாவட்டம் இளஞ்செம்பூர் போலீஸ் நிலையத்தில் பணியாற்றிய போது 6.7.2006 அன்று விடுமுறையில் சென்றேன். அந்த சமயத்தில் என் மனைவி கர்ப்பமாக இருந்தார். அவரை அருப்புக்கோட்டையில் உள்ள தனியார் ஆஸ்பத்திரியில் சேர்த்தேன். என் மனைவிக்கு குறிப்பிட்ட காலத்துக்கு முன்பே குழந்தை பிறந்ததால், அவருடன் இருக்க வேண்டிய சூழ்நிலை ஏற்பட்டது.

மேலும் பிரசவத்துக்கு பணம் இல்லாததால், பணம் பெறுவதற்காக கடுமையாக அலைந்தேன். இந்த நிலையில் தொடர்ந்து 21 நாட்கள் பணிக்கு வரவில்லை என்று கூறி என்னை பணியில் இருந்து ஓடி விட்டதாக அறிவித்தனர். அதன்பின்பு, என்னை பணியில் இருந்து டிஸ்மிஸ் செய்து 28.8.2007 அன்று ராமநாதபுரம் போலீஸ் சூப்பிரண்டு உத்தரவிட்டார்.இதை எதிர்த்து ராமநாதபுரம் போலீஸ் டி.ஐ.ஜி, உள்துறை செயலாளர் ஆகியோருக்கு அப்பீல் செய்தேன். அவர்கள் எனது அப்பீலை நிராகரித்து விட்டனர். தற்போது 7 வயதில் குழந்தை உள்ளது. எனது வருமானத்தை நம்பித்தான் எனது குடும்பம் உள்ளது. குடும்ப சூழ்நிலை காரணமாகத்தான் உடனடியாக என்னால் பணிக்கு திரும்ப முடியவில்லை. எனவே, எனக்கு மீண்டும் போலீஸ் வேலை வழங்க உத்தரவிட வேண்டும்.இவ்வாறு மனுவில் கூறப்பட்டு இருந்தது.

இந்த மனு நீதிபதிகள் கே.என்.பாஷா, பி.தேவதாஸ் ஆகியோர் முன்னிலையில் விசாரணைக்கு வந்தது. மனுதாரர் சார்பில் வக்கீல் பி.கணபதிசுப்பிரமணியன் ஆஜராகி வாதாடினார். மனுவை விசாரித்த நீதிபதிகள் உத்தரவில் கூறி இருப்பதாவது:–‘‘உரிய காரணங்கள் எதுவும் இல்லாமல் வேண்டுமென்றே 6 மாதங்கள் தொடர்ந்து பணிக்கு வராமல் இருந்தால் மட்டுமே அதிகபட்ச தண்டனையான பணி நீக்க நடவடிக்கையை மேற்கொள்ள முடியும் என்று சுப்ரீம் கோர்ட்டு உத்தரவிட்டுள்ளது. மனுதாரரை பொறுத்தமட்டில் குடும்ப பிரச்சினை காரணமாக அவர் உரிய நேரத்தில் பணியில் சேர முடியவில்லை என்று தெரிவிக்கப்பட்டுள்ளது. மனுதாரருக்கு அதிகபட்ச தண்டனையான பணி நீக்கம் என்பது சரியல்ல. எனவே, மனுதாரரை மீண்டும் பணியில் சேர்த்துக்கொள்ள வேண்டும்.’’இவ்வாறு உத்தரவில் கூறப்பட்டுள்ளது.

பத்தாம் வகுப்பு செய்முறைத் தேர்வுகள், மாநிலம் முழுவதும் நேற்று துவங்கின. இதில், 10.5 லட்சம் மாணவ, மாணவியர் பங்கேற்றுள்ளனர்.

பத்தாம் வகுப்பு பொதுத் தேர்வு, மார்ச், 27ல் துவங்கி, ஏப்ரல் 12 வரை நடக்கிறது. சமச்சீர் கல்வி திட்டம் அமலுக்கு வந்ததன் காரணமாக, அனைத்துப் பள்ளிகளைச் சேர்ந்த, 10ம் வகுப்பு மாணவ, மாணவியருக்கும், அறிவியல் பாடத்தில், செய்முறைத் தேர்வு நடத்தப்படுகிறது. எழுத்து தேர்வுக்கு முன்னதாக, இந்த செய்முறைத் தேர்வு, நேற்று, மாநிலம் முழுவதும் துவங்கியது. மொத்தம், 25 மதிப்பெண்களுக்கு, செய்முறைத் தேர்வு நடத்தப்படுகிறது. மீதமுள்ள, 75 மதிப்பெண்களுக்கு, எழுத்து தேர்வு நடக்கும். எழுத்து தேர்வை எழுதும் அனைத்து மாணவ, மாணவியரும், செய்முறைத் தேர்விலும் பங்கேற்கின்றனர். அதன்படி, 10.5 லட்சம் மாணவ, மாணவியர், இந்த தேர்வில் பங்கேற்றுள்ளனர். மாவட்டங்களில் உள்ள மாணவ, மாணவியரின் எண்ணிக்கைக்கு தகுந்தபடி, இம்மாதம், 28ம் தேதிக்குள், செய்முறைத் தேர்வுப் பணிகளை முடித்து, அதன் விவரங்களை, தேர்வுத் துறை இயக்குனரகத்திற்கு அனுப்பி வைக்க வேண்டும் என, உத்தரவிடப்பட்டுள்ளது.

பிளஸ் 2 பொதுத்தேர்வை, தனித்தேர்வாக எழுத, "தத்கால்' திட்டத்தில் விண்ணப்பித்த தேர்வர்கள், உரிய இணைப்புகளுடன், மேலும் ஒரு விண்ணப்பத்தை பூர்த்தி செய்து, 22,23 தேதிகளில், தேர்வுத்துறை இயக்குனரகத்தில், நேரில் சமர்ப்பிக்க வேண்டும் என, தேர்வுத்துறை தெரிவித்துள்ளது.



பிளஸ் 2 பொதுத்தேர்வை, தனித்தேர்வாக எழுத, "தத்கால்' திட்டத்தில் விண்ணப்பித்த தேர்வர்கள், உரிய இணைப்புகளுடன், மேலும் ஒரு விண்ணப்பத்தை பூர்த்தி செய்து, 22,23 தேதிகளில், தேர்வுத்துறை இயக்குனரகத்தில், நேரில் சமர்ப்பிக்க வேண்டும் என, தேர்வுத்துறை தெரிவித்துள்ளது.தேர்வுத்துறை அறிவிப்பு: "ஆன்-லைன்' வழியில், ஏற்கனவே விண்ணப்பித்த தேர்வர்கள், "கன்பார்மேஷன் காப்பி' என்ற விண்ணப்பத்தை பூர்த்தி செய்து, உரிய இணைப்புகளுடன், தேர்வுத்துறை இயக்குனரகத்தில், நேரில் சமர்ப்பிக்க வேண்டும். விண்ணப்பத்துடன், 50 ரூபாய் ஸ்டாம்ப் ஒட்டி, சுய முகவரியிட்ட கவரினையும், சமர்ப்பிக்க வேண்டும். விண்ணப்ப எண், 1251000001 முதல், 1251001000 வரையில் உள்ள தேர்வர்கள், நாளை நேரில் விண்ணப்பத்தை சமர்ப்பிக்க வேண்டும். 1001 முதல், 2099 வரையிலான தேர்வர்கள், 23ம் தேதி, விண்ணப்பத்தை சமர்ப்பிக்க வேண்டும். இப்படி, விண்ணப்பங்களை சமர்ப்பிக்கும் மாணவ, மாணவியருக்கு மட்டுமே, "ஹால் டிக்கெட்' வழங்கப்படும். இவ்வாறு தேர்வுத்துறை தெரிவித்துள்ளது.

பிளஸ் 2 தேர்வில் எவ்வித குளறுபடியும் இன்றி ஏற்பாடுகள் செய்யப்பட வேண்டும் என, பள்ளி கல்வித் துறை அமைச்சர் சிவபதி உத்தரவிட்டுள்ளார்.

தமிழகத்தில், பிளஸ் 2 பொதுத் தேர்வுகள், மார்ச் 1ம் தேதி துவங்குகின்றன. 8.50 லட்சம் மாணவ, மாணவியர் தேர்வு எழுதுகின்றனர். கடந்தாண்டு, 1,500 தேர்வு மையங்கள் அமைக்கப்பட்டன. இத்தாண்டு, 2,000 மையங்களில் தேர்வு நடத்த ஏற்பாடுகள் செய்யப்பட்டு உள்ளன. சமீபத்தில் நடந்த ஆய்வு கூட்டத்தில், அமைச்சர் சிவபதி, "பிளஸ் 2 தேர்வில், எவ்வித குளறுபடிகளும் இன்றி, மாணவர்களின் நலன் பாதிப்பின்றி, தேர்வுகள் நடைபெற வேண்டும்' என அறிவுறுத்தி உள்ளார்.
இது குறித்து, தேர்வுத் துறை அதிகாரிகள் கூறியதாவது: இந்தாண்டு, 8.50 லட்சம் மாணவர்கள், தேர்வு எழுத தயாராக உள்ளனர். தேர்வு மையங்களுக்கு கொண்டு செல்ல வேண்டிய வினாத்தாள், தேர்வு நெருங்கும் நேரத்தில், அந்தந்த மாவட்டத்திற்கு அனுப்பி வைக்கப்படும். மாணவர்கள் சிரமமின்றி தேர்வு எழுதுவதற்கு வசதியாக, தேர்வு மையங்கள், அதிகரிக்கப்பட்டு உள்ளன. தேர்வு மையத்திற்கு அனுமதி கேட்டு, ஏராளமான பள்ளிகள், விண்ணப்பத்திருந்தன. அதில், 2,000 பள்ளிகளில், தேர்வு எழுத அனுமதி வழங்கப்பட்டு உள்ளது. கண்காணிப்பு பணியில், பட்டதாரி மற்றும் முதுநிலை ஆசிரியர்கள் ஈடுபடுவர். 20 மாணவர்களுக்கு ஒரு ஆசிரியர் வீதம், கண்காணிப்பாளர்கள் நியமிக்கப்படுவர். கண்டறியப்பட்டுள்ள பிரச்னைக்குரிய தேர்வு மையங்களில், தேர்வு முடியும் வரை, அந்த சமயத்தில், "ஸ்டேண்டிங் ஸ்குவாட்' அதிகாரி ஒருவர் நியமிக்கப்படுவார். ஒரு மாவட்டத்திற்கு குறைந்தபட்சம், 30 முதல் 40 பறக்கும் படைகள் அமைக்கப்பட உள்ளன. தனியார் பள்ளிகள், மாணவர்களை, "பிட்' அடிக்க உதவி செய்வதாக, புகார்கள் வந்துள்ளன. அந்த பள்ளிகள் மீது, அதிக கவனம் செலுத்தப்படும். மாணவர்கள், "பிட்' அடித்து சிக்கினால், அவர்கள் மீண்டும் தேர்வு எழுத முடியாது. மருத்துவம், பொறியியல் படிப்புகளில் சேர, முக்கிய பாடமாக கருதப்படும் கணிதம், இயற்பியல், வேதியியல், உயிரியியல் பாட தேர்வின் போது, அண்ணா பல்கலை ஆசிரியர்களை ஈடுபடுத்த திட்டமிட்டுள்ளோம். இவ்வாறு அவர் கூறினார்.

அரசு பொறியியல் கல்லூரிகளில், 152 உதவி பேராசிரியர் மற்றும் பாலிடெக்னிக் கல்லூரிகளில், 139 விரிவுரையாளர்கள் பணி நியமனம், 4 மாதங்களாக, இழுபறியில் உள்ளது. தேர்வு பெற்றவர்கள், எப்போது வேலை கிடைக்கும் என, தெரியாமல் தவித்து வருகின்றனர்.

அரசு பாலிடெக்னிக் கல்லூரிகளில், 139 விரிவுரையாளர்களை பணி நியமனம் செய்வதற்கு, கடந்த ஆண்டு, மே, 13ல், டி.ஆர்.பி., தேர்வை நடத்தியது. பின், ஜூலை, 8ல், தேர்வு முடிவை வெளியிட்டு, ஒரு இடத்திற்கு, இருவர் வீதம், அதே மாதத்தில், 22 மற்றும் அக்டோபர், 4 ஆகிய தேதிகளில், சான்றிதழ் சரிபார்ப்பை நடத்தியது. கடந்த ஆண்டு, அக்டோபர், 18ம் தேதி, இறுதி தேர்வுப் பட்டியல் வெளியானது. இதேபோல், அரசு பொறியியல் கல்லூரிகளில், 152 உதவி பேராசிரியர்களை நியமனம் செய்வதற்கான தேர்வு, கடந்த ஆண்டு ஏப்ரல், 22ல் நடந்தது. சான்றிதழ் சரிபார்ப்பிற்குப் பின், அக்டோபர், 18ல், தேர்வுப் பட்டியல் வெளியானது. இரு தேர்வுகளிலும், தேர்வு பெற்ற தேர்வர்களின் விவரங்களை, உயர்கல்வித்துறைக்கு, டி.ஆர்.பி., அனுப்பியது. எனினும், 4 மாதங்களாக, இவர்களுக்கு பணி நியமனம் வழங்க, உயர்கல்வித்துறை நடவடிக்கை எடுக்கவில்லை. வரும் கல்வி ஆண்டு துவங்குவதற்குள், அனைவரையும் பணி நியமனம் செய்ய, உயர்கல்வித்துறை நடவடிக்கை எடுக்க வேண்டும் என, தேர்வு பெற்றவர்கள், கோரிக்கை விடுத்துள்ளனர்.

ஆசிரியர் நியமனத்திற்கு, போலீசாரிடமிருந்து நற்சான்றிதழ் கடிதம் பெற்று வந்தால் மட்டுமே சாத்தியம்' என்ற நடை முறையை அறிமுகப்படுத்த, ஆந்திர அரசு முடிவு செய்துள்ளது.

ஆசிரியர் நியமனத்திற்கு, போலீசாரிடமிருந்து நற்சான்றிதழ் கடிதம் பெற்று வந்தால் மட்டுமே சாத்தியம்' என்ற நடை முறையை அறிமுகப்படுத்த, ஆந்திர அரசு முடிவு செய்துள்ளது. இதனால், ஆசிரியர்கள் மத்தியில் எதிர்ப்பு கிளம்பியுள்ளது. பள்ளிக்கூடத்தில், மாணவ மாணவியரை, கண்டிப்பு என்ற பெயரில், ஆசிரியர்கள் பிரம்பால் அடித்தோ, உடல் ரீதியாக துன்புறத்தவோ கூடாது என, குழந்தைகள் உரிமை பாதுகாப்புக்கான தேசிய கமிஷன், பரிந்துரை செய்துள்ளது. இந்த பரிந்துரையை அமல்படுத்தும் முகமாக, ஆந்திராவில், ஆசிரியர்கள் நியமனத்தில், புது நடைமுறையை கொண்டு வர, மாநில அரசு முடிவு செய்துள்ளது. அரசு ஆசிரியர் பணிக்கு வருபவர்கள், இதற்கு முன் வேலை பார்த்த இடங்களில், எப்படி நடந்து கொண்டார்; வழக்கு ஏதும் பதிவு செய்யப்பட்டு இருக்கிறதா என்பதை கண்டறிவதற்காக, போலீசாரிடம் இருந்த சான்றிதழ் அளிக்க வேண்டும் என உத்தரவிடப்பட்டுள்ளது. ஆசிரியர் பயிற்சி முடித்தவர்கள், போலீசாரிடம் இருந்து சான்றிதழ் பெற வேண்டும். இந்த சான்றிதழ் இருந்தால் தான், நியமனம் வழங்கப்படும் என, முடிவு செய்யப்பட்டுள்ளதாக தெரிகிறது. இருப்பினும், இந்த முடிவுக்கு ஆசிரியர்கள் சங்க பிரதிநிதிகள் எதிர்ப்பு தெரிவித்துள்ளனர்.

இது குறித்து அவர்கள் கூறியதாவது: ஆசிரியர்கள் பொறுப்பு பற்றியும், அவர்கள் நடந்து கொள்ளும் விதத்தை, ஆண்டு தோறும் பள்ளி நிர்வாகம் ஆய்வு செய்ய வேண்டும். இதில் தவறும் பள்ளிகள் மீது நடவடிக்கை எடுக்கப்படும் என, குழந்தைகள் உரிமை பாதுகாப்புக்கான தேசிய கமிஷன் வலியுறுத்தியுள்ளது. ஆனால், மாநில அரசு இதற்கு, மாறாக நடந்து கொள்கிறது. இது கண்டிக்கத்தக்கது. இவ்வாறு, அவர்கள் கூறினர்.

பள்ளி கல்வி துறை அதிகாரிகள் கூறுகையில், "மாணவர்களை அடித்து துன்புறுத்தாத ஆசிரியர்களை, மாணவர்கள் எதிர்காலம் கருதி தேர்வு செய்வதற்கு இது சிறந்த வழி. ஆசிரியர்களின் முந்தைய கால வரலாற்றின் மூலமே, தண்டிக்காத ஆசிரியர்களை தேர்வு செய்ய முடியும்' என்றனர்.

டி.என்.பி.எஸ்.சி., குரூப் - 1 தேர்வுக்கான தற்காலிக விடைகளை வெளியிட்டுள்ளது.

குரூப் - 1 தேர்வுக்கான தற்காலிக விடைகளை, டி.என்.பி.எஸ்.சி., வெளியிட்டுள்ளது. விடைகளில், ஆட்சேபம் இருந்தால், அதுகுறித்து, ஒரு வாரத்திற்குள், தேர்வாணையத்திடம் விண்ணப்பிக்கலாம்.துணை கலெக்டர், போலீஸ் டி.எஸ்.பி., - வணிகவரி உதவி கமிஷனர் உள்ளிட்ட பதவிகளில், காலியாக உள்ள, 25 பணியிடங்களை நிரப்ப, கடந்த, 16ம் தேதி போட்டித் தேர்வு நடந்தது. இதில், 1.26 லட்சம் பேர் பங்கேற்றனர்.தேர்வின் தற்காலிக விடைகள், www.tnpsc.gov.in என்ற இணையதளத்தில் வெளியிடப்பட்டு உள்ளன. விடைகளில் ஆட்சேபம் இருந்தால், ஒரு வாரத்திற்குள், தேர்வர்கள், தங்களது கருத்துக்களை, தேர்வாணையத்திடம் தெரிவிக்கலாம். தேர்வர்களின் ஆட்சேபணைகள் குறித்து, ஆய்வு செய்து, அதனடிப்படையில், இறுதி விடைகள் வெளியிடப்படும்.
 
வி.ஏ.ஓ., மதிப்பெண் வெளியீடு: கடந்த ஆண்டு, செப்., 30ல், வி.ஏ.ஓ., தேர்வு நடந்தது. 6.5 லட்சம் பேர் பங்கேற்ற, இந்த தேர்வின் மதிப்பெண்கள், தற்போது இணையதளத்தில் வெளியிடப்பட்டு உள்ளன. மேலும், மூன்று கட்ட, "கட்-ஆப்' மதிப்பெண் விவரங்களும், இன சுழற்சி வாரியாக வெளியிடப்பட்டுள்ளன.

Wednesday, February 20, 2013

விழுப்புரம் மாவட்டத்தில் பிளஸ் 2 பத்தாம் வகுப்பு பொதுத் தேர்வுக்கான ஏற்பாடுகள் தீவிரமாக மேற்கொள்ளப்பட்டு வருகிறது.

விழுப்புரம் மாவட்டத்தில் பிளஸ் 2 பத்தாம் வகுப்பு பொதுத் தேர்வுக்கான ஏற்பாடுகள் தீவிரமாக மேற்கொள்ளப்பட்டு வருகிறது. முறைகேடுகளை தடுக்க பறக்கும் படைகள் அமைத்து அதிரடி நடவடிக்கைகள் மேற்கொள்ளப்படுகிறது. இந்தாண்டிற்கான பிளஸ் 2 பொதுத் தேர்வு மார்ச் 1ம் தேதி துவங்கி 27ம் தேதி வரை நடக்கிறது. பத்தாம் வகுப்பு தேர்வு 27ம் தேதி துவங்கி ஏப்., 12ம் தேதி வரை நடக்க உள்ளது. மாவட்டத்தில் பிளஸ் 2 தேர்வுகள் 93 தேர்வு மையங்களும், பத்தாம் வகுப்பு தேர்வுகள் 137 மையங்களிலும் நடக்கிறது. பிளஸ் 2 தேர்வினை 17 ஆயிரத்து 639 மாணவர்களும், 17 ஆயிரத்து 552 மாணவிகளும் என 35 ஆயிரத்து 191 பேர் எழுதுகின்றனர். பத்தாம் வகுப்பு தேர்வினை 19 ஆயிரத்து 921 மாணவ, மாணவிகள் எழுதுகின்றனர்.புதிய மையங்கள் கிராமப்புற மாணவர்கள் நலன் கருதி புதியதாக 7 தேர்வு மையங்கள் துவக்கப்படுகிறது. பத்தாம் வகுப்பு தேர்வுக்கு பெருமங்கலம் அரசு பள்ளி, சோமண்டார்குடி அரசு பள்ளி, கள்ளக்குறிச்சி ஆர்.ஆர்.கேம்பிரிட்ஜ் ஆகிய பள்ளிகளில் புதியதாக தேர்வு மையம் அமைகிறது. பிளஸ் 2 தேர்வுக்கு, திருநாவலூர் அரசு மேல்நிலைப் பள்ளி, பெரியசிறுவத்தூர் அரசு பள்ளி, அரகண்டநல்லூர் அரசு பள்ளி, கணக்கன்குப்பம் லூர்துஅன்னை பள்ளிகளில் புதிய மையங்கள் துவக்கப்படுகிறது.பறக்கும் படைகள் கலெக்டர் சம்பத் தலைமையில், தேர்வு ஏற்பாடுகள் குறித்து ஆலோசனை நடத்தப்பட்டது. இதில், தேர்வின் போது முதன்மை கல்வி அலுவலர்கள் முனுசாமி தலைமையில் 6 பறக்கும் படை குழுக்களும், முருகன் (எஸ். எஸ்.ஏ.,திட்டம்) தலைமையில் 4 பறக்கும் படை குழுக்களும், விழுப்புரம் கல்வி மாவட்ட அலுவலர் செங்குட்டுவன் தலைமையில் 4 குழுக்களும், திண்டிவனம் கல்வி மாவட்ட அலுவலர் மணி தலைமையில் 4 குழுக்களும், மாவட்ட தொடக்க கல்வி அலுவலர் மல்லிகா தலைமையில் 3 குழுக்களும் அமைக்கப்பட்டுள்ளது. மேலும் சப்- கலெக்டர்கள், வருவாய்த் துறையினர் தலைமையிலும் குழுக்கள் கண்காணிப்பு பணிகளை மேற்கொள்வர். தேர்வு மைய கண்காணிப்பாளர்கள், அலுவலர்கள், வினாத்தாள் காப்பாளர்கள், பறக்கும் படையினர் என 2,307 பேர் தேர்வு பணியில் ஈடுபட உள்ளனர். மாணவர்கள் நல்ல முறையில் தேர்வு எழுதி தேர்ச்சி பெற வேண்டும் என கலெக்டர் சம்பத் கேட்டுக் கொண்டுள்ளார். பிட் அடித்தால்...தேர்வில் ஒழுங்கீன செயல்களில் ஈடுபடும் மாணவர்கள் மீது கடும் நடவடிக்கை எடுக்க தேர்வுத் துறை அதிரடி நடவடிக்கை எடுத்துள்ளது. தேர்வு மையத்தில் பிட் பேப்பர், புத்தகம் வைத்திருந்தால் அந்த மாணவர் ஓராண்டு தேர்வு எழுத தடை விதிக்கப்படும். பிட் அடித்தல், காப்பியடித்தால் இரண்டாண்டுகள் தேர்வு எழுத தடை விதிக்கப்படும். தேர்வுப் பணியில் ஈடுபடும் ஆசிரியர்களை மிரட்டுவது, மற்ற மாணவரின் பேப்பரை பிடுங்கி எழுதுவது போன்றவற்றில் ஈடுபட்டால், அந்த மாணவர்கள் தேர்வு எழுத நிரந்தர தடை விதிப்பதோடு, போலீசில் ஒப்படைத்து நடவடிக்கை எடுக்கப்படும். அங்கீகாரம் ரத்து? தேர்வு மையத்தில் தவறாக தேர்வு எழுதப்படுவது தெரிந்தால், தேர்வு மைய தலைமை ஆசிரியர் மீது ஒழுங்கு நடவடிக்கை எடுக்கப்படும். தனியார் பள்ளியாக இருந்தால் அங்கீகாரம் ரத்து செய்யப்படும். தேர்வு மையத்திற்கு மொபைல் போன், பேஜர் எடுத்து வரக்கூடாது. மீறி வந்தால் போலீசில் ஒப்படைத்து நடவடிக்கை எடுக்கப்படும். தேர்வின் போது மாணவர்கள் உரிய நேரத்தில் செல்வதையும், தேர்வு முடிந்து வீட்டிற்கு வருவதையும் பெற்றோர்கள் உறுதிசெய்துகொள்ள வேண்டும். உடல் உபாதை தராத உணவுகளை வழங்கி பெற்றோர்கள் உதவிட வேண்டும்.

புதுச்சேரி தூர்தர்ஷனில் இன்று 20ம் தேதி மாலை 5.30 மணிக்கு, தொலைப்பாலம் நிகழ்ச்சியில், "தேர்வு உங்கள் வசம்' என்ற தலைப்பில் இந்த நிகழ்ச்சி நடக்கிறது

பயமின்றி எஸ்.எஸ்.எல்.சி., பொதுத் தேர்வெழுத, புதுச்சேரி தூர்தர்ஷனில் மாணவர்களுக்குப் பாடவாரியாக விளக்கம் அளிக்கப்பட உள்ளது. புதுச்சேரி தூர்தர்ஷன் நிகழ்ச்சி ஒருங்கிணைப்பாளர் சித்திரப்பாவை வெளியிட்டுள்ள செய்திக்குறிப்பு: தூர்தர்ஷனில் இன்று 20ம் தேதி மாலை 5.30 மணிக்கு, தொலைப்பாலம் நிகழ்ச்சியில், "தேர்வு உங்கள் வசம்' என்ற தலைப்பில் இந்த நிகழ்ச்சி நடக்கிறது. மாணவர்கள், தேர்வினைப் பயமின்றி எதிர்கொள்ளும் விதம், தெளிவாக விடையளித்து அதிக மதிப்பெண்கள் பெற பாடவாரியாக துறை வல்லுனர்களிடம் விளக்கம் பெறும் விதமாக நிகழ்ச்சி அமைக்கப்பட்டுள்ளது. இன்று (20ம் தேதி) தமிழ்ப் பாடம் குறித்து விளக்கம் அளிக்கப்பட உள்ளது. இதில் உரைநடை, கவிதை, கதை, கட்டுரை, செய்யுள், இலக்கணம் போன்ற பகுதிகளில் சந்தேகம் உள்ளவர்களுக்கு ”ப்பிரமணிய பாரதியார் பெண்கள் பள்ளி ஆசிரியை பூங்குழலி விளக்கம் அளிக்கிறார். நாளை (21ம் தேதி) ஆங்கிலப் பாடம் குறித்து நாவலர் பள்ளி ஆசிரியை ஜெயஸ்ரீ, வரும் 27ம் தேதி கணிதப்பாடம் குறித்தும், 28ம் தேதி அறிவியல் பாடம் குறித்தும் மார்ச் 3ம் தேதி சமூக அறிவியல் பாடம் குறித்தும் விளக்கம் அளிக்கப்பட உள்ளது.நிகழ்ச்சியில் பங்கேற்க விரும்பும் மாணவர்கள், 0413-2272487, 2272488 ஆகிய தொலைபேசி எண்களில் தொடர்பு கொள்ளலாம்' என, செய்திக்குறிப்பில் தெரிவிக்கப்பட்டுள்ளது.

தமிழ்நாடு திறந்தவெளி பல்கலைக் கழகத்தில், "சிடி'யில், எட்டுத்தொகை, பத்துப்பாட்டு பாடங்கள் மாணவர்களுக்கு வழங்கப்பட உள்ளன.

தமிழ்நாடு திறந்தவெளி பல்கலைக் கழகத்தில், "சிடி'யில், எட்டுத்தொகை, பத்துப்பாட்டு பாடங்கள் மாணவர்களுக்கு வழங்கப்பட உள்ளன. இதற்காக, செம்மொழி தமிழாய்வு மத்திய நிறுவனம், 10 லட்சம் ரூபாய் நிதி வழங்கியுள்ளது. தொலைதூர பகுதியில் வாழும் பின்தங்கிய மக்கள், தமிழ்நாடு திறந்தவெளி பல்கலைக் கழகம் மூலம் கல்வி கற்று வருகின்றனர். தமிழ், ஆங்கிலம், வரலாறு, பொருளாதாரம், பொது நிர்வாகம் உள்ளிட்ட, 50க்கும் மேற்பட்ட இளங்கலை, முதுகலை மற்றும் பட்டய படிப்புகள் வழங்கப்படுகின்றன. தற்போது, மூன்று லட்சத்திற்கும் மேற்பட்டோர் கல்வி கற்கின்றனர். திறந்தவெளி பல்கலைக் கழகத்தில் படிக்கும் மாணவர்களுக்கு, புத்தகம் மட்டுமே ஆசிரியராக உள்ளதால், அதற்கேற்ப சுவாரசியமாக, பாடங்கள் வடிவமைக்கப்பட்டு வருகின்றன. புதிய தொழில்நுட்பத்தில், மாணவர்களுக்கு பாடங்கள் வழங்கும் திட்டம் அறிமுகப்படுத்தப்பட்டு வருகிறது. முதல் கட்டமாக, "சிடி, டேப்லெட்' மூலம் பாடங்கள் வழங்கப்பட உள்ளன. இதுகுறித்து, தமிழ்நாடு திறந்தநிலை பல்கலை துணைவேந்தர் சந்திரகாந்தா கூறியதாவது: முதுகலை தமிழ் படிக்கும் மாணவர்களுக்கு, எட்டுத்தொகை, பத்துப்பாட்டு உள்ளிட்ட பாடங்கள், மாணவர்கள் எளிதில் படிக்கும் வகையில், "சிடி'யில் வழங்கப்பட உள்ளன. எட்டுத்தொகை, பத்துப்பாட்டு குறித்து, தமிழறிஞர்கள் கு.வே.பாலசுப்ரமணியன், கந்தசாமி, தமிழன்னல் உள்ளிட்டோரின் சொற்பொழிவு, "சிடி'யில் இடம் பெறும். இதன் மூலம், மாணவர்கள் வீட்டிலிருந்த படி, சொற்பொழிவு மூலமாக, எட்டுத்தொகை, பத்துப்பாட்டை எளிதில் படிக்கலாம். மாணவர்கள் மட்டுமல்லாமல், தமிழார்வம் உள்ளவர்களுக்கும், "சிடி' பெரிதும் உதவும். இதற்காக, செம்மொழி தமிழாய்வு மத்திய நிறுவனம், 10 லட்சம் ரூபாய் நிதி வழங்கியுள்ளது. ஓராண்டுக்குள், இப்பணி முடியும். இவ்வாறு, சந்திரகாந்தா கூறினார்.

முதுகலை தமிழ்வழி படிப்பில் போலி சான்றிதழ்கள் சமர்ப்பிக்கப்பட்டு உள்ளதாக ஆசிரியர் தேர்வு வாரியமான டி.ஆர்.பி தகவலை வெளியிட்டுள்ளது.

முதுகலை தமிழ்வழி படிப்பில் போலி சான்றிதழ்கள் சமர்ப்பிக்கப்பட்டு உள்ளதாக ஆசிரியர் தேர்வு வாரியமான டி.ஆர்.பி தகவலை வெளியிட்டுள்ளது. இதனால், தமிழ்வழி இட ஒதுக்கீட்டிற்கான தேர்வுப் பட்டியல் வெளியாவதில், சிக்கல் எழுந்துள்ளது.

தமிழ் வழியில் படிப்பவர்களுக்கு, அரசு வேலை வாய்ப்புகளில், 20 சதவீத இட ஒதுக்கீடு வழங்கி, முந்தைய தி.மு.க., அரசு உத்தரவிட்டது. சமீபத்தில், 3,000 முதுகலை ஆசிரியர்கள், அரசு மேல்நிலைப் பள்ளிகளில், பணி நியமனம் செய்யப்பட்டனர். இதில், தமிழ்வழி ஒதுக்கீட்டிற்கான, தேர்வுப் பட்டியல் மட்டும் வெளியாகவில்லை.முதுகலையில், வரலாறு, வணிகவியல் மற்றும் பொருளியல் ஆகிய மூன்று பாடங்களில் மட்டுமே, தமிழ்வழிப் பிரிவுகள் உள்ளன. இந்த பாடங்கள் உட்பட, வேறு சில பாடங்களையும், தமிழ் வழியில் படித்ததாக, ஏராளமான முதுகலை பட்டதாரிகள்  டி.ஆர்.பி.,யிடம் விண்ணப்பித்துள்ளனர்.

உண்மையில், எந்தெந்த கல்லூரிகளில், முதுகலை, தமிழ்வழிப் பிரிவு பாடத் திட்டங்கள் உள்ளன என்ற விவரங்களை அறிய, அனைத்து பல்கலைகளுக்கும், டி.ஆர்.பி., கடிதம் அனுப்பி, விவரம் கேட்டது.தற்போது, ஒரு சில பல்கலைகள், டி.ஆர்.பி.,க்கு பதில் அளித்துள்ளன. அதில், "எங்களது கட்டுப்பாட்டின் கீழ் இயங்கும் கல்லூரிகளில், மேற்குறிப்பிட்ட பாடங்களில், தமிழ்வழிப் பிரிவு இல்லை' என, தெரிவித்துள்ளன.

இந்த பதிலைப் பார்த்து, டி.ஆர்.பி., அதிர்ச்சி அடைந்துள்ளது. மாணவர்கள் குறிப்பிட்டுள்ள பாடங்கள், சம்பந்தப்பட்ட பல்கலையில், தமிழ்வழிப் பிரிவு இல்லை என்பதை ஊர்ஜிதம் செய்துள்ளது. இதன் மூலம், தேர்வர்கள் சிலர், போலி சான்றிதழ்களை சமர்ப்பித்திருப்பதையும் கண்டுபிடித்துள்ளது.எனவே, தமிழ்வழி இட ஒதுக்கீட்டில், வேலை கோருவோரின் விண்ணப்பங்கள் அனைத்தையும் ஆய்வு செய்து, அதன் உண்மைத் தன்மையை அறிந்த பிறகே, தமிழ்வழி இட ஒதுக்கீட்டு பட்டியல் இறுதி செய்யப்படும் என, துறை வட்டாரங்கள் தெரிவித்தன. இதனால், தமிழ்வழி தேர்வுப் பட்டியல் வெளியாவதில், சிக்கல் எழுந்துள்ளது.

பாடநூல் கழக செயலராக இருக்கும் பிச்சையிடம், மெட்ரிக் இயக்குனர் பதவி, கூடுதல் பொறுப்பாக வழங்கப்பட்டுள்ளது.

மெட்ரிகுலேஷன் பள்ளிகள் இயக்குனர் பொறுப்பில் இருந்து, தேர்வுத்துறை இயக்குனர் வசுந்தராதேவி, விடுவிக்கப்பட்டார். பாடநூல் கழக செயலர் பிச்சையிடம், மெட்ரிக் இயக்குனர் பொறுப்பு ஒப்படைக்கப்பட்டுள்ளது.

மெட்ரிக் இயக்குனராக இருந்த செந்தமிழ்ச் செல்வி, டிசம்பரில் ஓய்வு பெற்றார். இதையடுத்து, தேர்வுத்துறை இயக்குனர் வசுந்தரா தேவியிடம், மெட்ரிக் இயக்குனர் பதவி, கூடுதல் பொறுப்பாக வழங்கப்பட்டது. விரைவில், பள்ளி பொதுத்தேர்வுகள் துவங்க உள்ளன. இதனால், தேர்வுத்துறை இயக்குனர், தேர்வுப் பணிகளில், முழு கவனம் செலுத்த வேண்டிய நிலை இருப்பதை அறிந்து, அவரை, மெட்ரிக் இயக்குனர் பொறுப்பில் இருந்து, தமிழக அரசு விடுவித்துள்ளது. பாடநூல் கழக செயலராக இருக்கும் பிச்சையிடம், மெட்ரிக் இயக்குனர் பதவி, கூடுதல் பொறுப்பாக வழங்கப்பட்டுள்ளது.

Tuesday, February 19, 2013

அரசு தேர்வுத் துறையின் பத்தாம் வகுப்பு பொதுத்தேர்வு மார்ச் 2013 - செய்முறை தேர்விற்கான முழு வழிகாட்டு அறிவுரைகள்

முதுநிலை விரிவுரையாளர்களாக தேர்வு பெற்ற, 33 பேரின் பட்டியலை ரத்து செய்ய, டி.ஆர்.பி., திட்டமிட்டு உள்ளது.

அரசு ஆசிரியர் பயிற்சி கல்வி நிறுவனங்களில் பணியாற்ற, 33 முதுநிலை விரிவுரையாளர்களை தேர்வு செய்ய, தமிழக அரசு உத்தரவிட்டது. இதற்கான போட்டித் தேர்வு, கடந்த ஆண்டு, மார்ச், 4ல் நடந்தது. 560 பேர், தேர்வை எழுதினர். கடந்த ஆண்டு இறுதியில், ஒரு இடத்திற்கு, ஒருவர் வீதம், 33 பேர், நேர்முகத் தேர்வுக்கு அழைக்கப்பட்டனர். பின், எழுத்துத் தேர்வு அடிப்படையில், தேர்வுப் பட்டியல் தயாரிக்கப்பட்டது. எனினும், இந்தப் பட்டியலை, ஆசிரியர் பயிற்சி இயக்குனரகத்திடம், இன்னும், டி.ஆர்.பி., ஒப்படைக்கவில்லை. இதற்கான காரணங்கள் குறித்து கேட்டபோது, துறை வட்டாரங்கள் கூறியதாவது: இந்த பணிக்கு வருவோர், திறமைசாலிகளாக, புத்தி கூர்மை உள்ளவர்களாக இருக்க வேண்டும். பள்ளி மாணவ, மாணவியரைப் போல், மிக மிக குறைவான மதிப்பெண்களை வாங்கி உள்ளனர். எனவே, இந்த தேர்வை ரத்து செய்ய, ஆலோசிக்கப்பட்டு வருகிறது. விவாதித்து, முடிவு எடுக்கப்படும். தேர்வுப் பட்டியல் ரத்தாவதற்கு, அதிக வாய்ப்புகள் உள்ளன. புதிதாக தேர்வை நடத்தி, திறன் வாய்ந்தோர், தேர்வு செய்யப்படுவர். இவ்வாறு, டி.ஆர்.பி., வட்டாரங்கள் தெரிவித்தன.

அரசு, அரசு உதவி பெறும் கல்லூரிகளில் உள்ள உதவி பேராசிரியர் பணியிடங்களை நிரப்ப அரசு உத்தரவிட்ட நிலையில், எந்த முறையில் தேர்வு நடத்துவது என்பதில், தற்போது குழப்பம் நிலவுகிறது.

 அரசு கல்லூரிகளில், 1,093 பணியிடங்களும், அரசு உதவி பெறும் கலை கல்லூரிகளில், 3,120 உதவி பேராசிரியர் பணியிடங்களை நிரப்ப அரசு உத்தரவிட்டது. இப்பணியிடங்களை நிரப்பும் பணிகள் நடந்து வருகிறது. டி.ஆர்.பி., மூலம் போட்டி தேர்வு நடத்தாமல், பணி அனுபவம், நேர்முக தேர்வின் மூலமாக தேர்வு நடத்த போவதாக தெரிவிக்கப்பட்டது. பணி அனுபவத்துக்கு அதிகபட்சமாக, 15 மதிப்பெண்ணும், நேர்முக தேர்வுக்கு 10 மதிப்பெண்ணும், பி.எச்டி., பட்டத்துக்கு, 9 மதிப்பெண்ணும் வழங்கப்படுகிறது. பி.எச்டி., பட்டம் பெறாமல் எம்.பில்., பட்டத்துடன் நெட், ஸ்லெட் தேர்வுகளில் தேர்ச்சி பெற்றிருந்தால், 6 மதிப்பெண்ணும், முதுகலை பட்டத்துடனம், நெட், ஸ்லெட் தேர்ச்சி பெற்றிருந்தால், 5 மதிப்பெண்ணும் வழங்கப்படுகிறது. போட்டி தேர்வு மூலம் தேர்வு நடைபெறாமல், நேர்முக தேர்வுக்கும், அனுபவத்துக்கு அதிக மதிப்பெண் வழங்கப்படுவதால், முறைகேடுகள் அதிகளவில் நடக்க வாய்ப்புள்ளதாக கூறப்படுகிறது. இதையடுத்து, போட்டி தேர்வு நடத்த வேண்டும் என, கோரிக்கை விடப்பட்டது. இந்நிலையில், எந்த முறையில் தேர்வு நடத்துவது என்பதில், தற்போது குழப்பம் நிலவி வருகிறது. ஒரு சீட் 10 லட்சம்: தமிழகத்தில், அரசு உதவி பெறும் கல்லூரி பணியிடங்கள், கல்லூரி நிர்வாகம் மூலமே நிரப்பப்படுகின்றன. இதனால், அதிகளவில் பணம் விளையாடுவதாகவும் கூறப்படுகிறது. இப்பணியிடங்கள், ஏழு முதல் 10 லட்ச ரூபாய் வரை விலை போவதாகவும் கூறப்படுகிறது. கேரள மாநிலத்தில், அரசு உதவி பெறும் கல்லூரி பணியிடங்களை அரசு நிரப்புகிறது. ஆனால், தமிழகத்தில், அரசு உதவி பெறும் கல்லூரி பணியிடங்களை, கல்லூரி நிர்வாகங்களே நிரப்புகிறது. இதனால், அதிகளவில் முறைகேடுகள் நடைபெறுகிறது. எனவே, தனியார் கல்லூரி ஒழுங்காற்று சட்டத்தில், திருத்தம் கொண்டு வந்து, அரசு உதவி பெறும் கல்லூரி பணியிடங்களை அரசே நிரப்ப வேண்டும் என ஆசிரியர் சங்கம் சார்பில் கோரிக்கை விடுக்கப்படுகிறது. இதுகுறித்து பல்கலைக்கழக ஆசிரியர் சங்க செயலர் பிச்சாண்டி கூறியதாவது: மாணவர்களுக்கான நேர்முக தேர்வுகளையே ரத்து செய்ய போராடும் நிலையில், நெட், ஸ்லெட் தேர்வுகளில் ஏற்கனவே வெற்றி பெற்றவர்களுக்கு மீண்டும் போட்டி தேர்வு வைப்பது தவறான செயல். போட்டி தேர்வு நடத்தாமல், இப்போது இருக்கும் தேர்வு முறைகளிலேயே, ஒழுங்குபடுத்தி, நேர்மையான தேர்வு நடைபெற வேண்டும். கல்லூரி ஆசிரியர் தேர்வு பற்றி, அமைச்சர் தலைமையிலான குழு விரைவில் விவாதித்து அறிவிக்கும் என எதிர்பார்க்கிறோம். இவ்வாறு பிச்சாண்டி கூறினார்.

மாநிலம் முழுவதும் மாவட்ட கல்வி அலுவலர் (டி.இ.ஓ.,) பதவி உயர்வு பேனலில் பெயர் இடம்பெற்றுள்ள தலைமையாசிரியர்கள், "ரகசிய அறிக்கை' (கான்பிடென்ஷியல் ரிப்போர்ட்) பெற உயர் அதிகாரிகளை தேடி அலையும் நிலை ஏற்பட்டுள்ளது.

 தமிழகத்தில் அரசு உயர்நிலை பள்ளிகளில், 2006ம் ஆண்டு தலைமையாசிரியர்களாக சேர்ந்த 120 பேர், பணிமூப்பு அடிப்படையில் இந்தாண்டுக்கான டி.இ.ஓ., பதவி உயர்வு பேனலுக்கு தேர்வு செய்யப்பட்டுள்ளனர். இவர்கள், தலைமையாசிரியராக பணியாற்றியபோது, அவர்களுக்கு உயர் அதிகாரியாக இருந்த டி.இ.ஓ.,க்கள், சி.இ.ஓ.,க்களிடம், தங்களின் பணிக்கால செயல்பாடுகள் குறித்து "ரகசிய அறிக்கை' பெற்று, அதை பள்ளி கல்வி இயக்குனருக்கு சமர்ப்பிக்க வேண்டும். பேனலில் நீடிக்க ஒரு தலைமையாசிரியருக்கு இது மிக முக்கிய பணி. இந்த நடைமுறை, பேனலில் உள்ள தலைமையாசிரியர்களுக்கு பெரும் தலைவலியை ஏற்படுத்தியுள்ளது. 2006ம் ஆண்டு முதல் பணியாற்றிய, உயர் அதிகாரிகளை அவர்கள் தேடி அலைகின்றனர். அவர்கள் பணிக்காலத்தில் டி.இ.ஓ., சி.இ.ஓ.,க்களாக பணியாற்றிய பலர் வெளி மாவட்டங்களிலும், பணி ஓய்வு பெற்று அவர்கள் எங்கே உள்ளார்கள் என்றே தெரியவில்லை. அவர்களின் முகவரி தேடி தலைமையாசிரியர்கள் அலைகின்றனர். இதில் சிலர் வெளிநாடுகளுக்கு சென்றுவிட்டனர். இதனால் "ரகசிய அறிக்கை'யை எப்படி பெறுவது என்று தெரியாமல் தலைமையாசிரியர்கள் தத்தளிக்கின்றனர். தமிழ்நாடு அரசு உயர்நிலை மேல்நிலை பள்ளி தலைமையாசிரியர் கழக மதுரை மாவட்ட செயலாளர் பாஸ்கரன் கூறியதாவது: இம்முறை நடைமுறைக்கு ஒத்துவராத ஒன்று. பல ஆண்டுகளுக்குமுன் பணியாற்றிய உயர் அதிகாரிகளை தேடி அலைய வேண்டியுள்ளது. இந்த நடைமுறையை மாற்றி, தலைமையாசியர்கள் பணிக்காலத்தின்போது அவர்களின் "எஸ்.ஆர்.' புத்தகங்களில், 6 மாதங்களுக்கு ஒருமுறை, அவ்வப்போது பணியில் உள்ள டி.இ.ஓ.,க்கள், சி.இ.ஓ.,க்கள் அறிக்கை அளித்து, அதையே "ரகசிய அறிக்கை'யாக அதிகாரிகள் ஏற்றுக்கொள்ளும் வகையில் மாற்றம் கொண்டுவரவேண்டும். அப்போதுதான் அது ரகசிய அறிக்கையாகும், என்றார். இடிக்கும் "லாஜிக்': "ரகசிய அறிக்கை' என்பது ஒரு தலைமையாசிரியர் அவர் பணிக்காலத்தின்போது, அவருக்கு தெரியாமல் அவரது பணி செயல்பாடு, சிறப்புக்கள், நடத்தை குறித்து உயர் அதிகாரிகள் அளிக்கும் சான்று. ஆனால், தற்போதுள்ள நடைமுறையால் "ரகசிய அறிக்கை'யின் "லாஜிக்' கேள்வி குறியாகிறது. "தன்னுடைய உயர் அதிகாரியிடம் அல்லது உயர் அதிகாரியாக பணியாற்றியவரிடம் சென்று, ""நான், உங்களுக்கு கீழ் பணியாற்றிய காலத்தில் என் பணி செயல்பாடு குறித்த ரகசிய அறிக்கையை என்னிடமே தாருங்கள்'' என்பது எப்படி ரகசிய அறிக்கையாக இருக்க முடியும் என்று, தலைமையாசிரியர்கள் கேள்வி எழுப்பியுள்ளனர்.

சி.பி.எஸ்.இ., பள்ளிகளில் 9 மற்றும், 10ம் வகுப்பு மாணவ மாணவியர் "ஆன்-லைன்' வழியில் அறிவியல் பாடத்தில் செய்முறை பயிற்சிகளை மேற்கொள்ள வேண்டும் என அதன் தலைவர் வினீத் ஜோஷி அறிவுறுத்தி உள்ளார்.

பள்ளிகளில், 10ம் வகுப்பு மற்றும், பிளஸ் 2 மாணவ, மாணவியர் மட்டும், அறிவியல் பாடங்களில், செய்முறை தேர்வுகளில் ஈடுபட்டு வந்த நிலையில், தற்போது, சி.பி.எஸ்.இ., பள்ளிகள் மட்டுமில்லாமல், தமிழக அரசின் மாநில பாடத் திட்டத்தின் கீழ் இயங்கும் பள்ளிகளிலும், 9ம் வகுப்பு பயிலும் மாணவ, மாணவியருக்கும், செய்முறை வகுப்புகள் நடைமுறைப் படுத்தப்பட்டு உள்ளன. இதனால், பள்ளிகளில் உள்ள ஒரு ஆய்வகத்தையே, நூற்றுக்கும் மேற்பட்ட மாணவ, மாணவியர், ஒவ்வொரு பிரிவாக பயன்படுத்த வேண்டி உள்ளது. மேலும், செய்முறைக்கு தேவையான அனைத்து உபகரணங்களும், சரிவர கிடைக்காத நிலையும் ஏற்படுகிறது. இதனால், மாணவ, மாணவியர், திருப்தியான முறையில், செய்முறை பயிற்சிகளை மேற்கொள்கின்றனரா என்பதையும், உறுதியாக கூற முடியாது. இது போன்ற நிலையில், ஆன்-லைன் வழியாக, செய்முறை பயிற்சிகளை மேற்கொள்ளும் திட்டத்தை, சி.பி.எஸ்.இ., அறிமுகம் செய்துள்ளது. மும்பையில் உள்ள மத்திய அரசின் சி.டி.ஏ.சி., (சென்டர் பார் டெவலப்டு ஆப் அட்வான்ஸ்டு கம்ப்யூட்டிங்) மையமும், கேரளாவில் உள்ள அம்ரிதா பல்கலையும் இணைந்து, இந்த ஆன்-லைன், "லேப்'பை உருவாக்கி உள்ளன. தீதீதீ.ணிடூச்ஞண்.ஞிணி.டிண என்ற இணையதளத்திற்குள் சென்று, 9, 10ம் வகுப்பு மாணவ, மாணவியர், எத்தனை முறை வேண்டுமானாலும், முப்பரிமாண தொழில்நுட்பத்தின் உதவியின் மூலம், செய்முறை பயிற்சிகளை மேற்கொள்ளலாம். செய்முறைக்கு தேவையான அனைத்து உபகரணங்கள், படங்களாக, இணையத்தில் உள்ளன. இதை பயன்படுத்தி, செய்முறை பயிற்சிகளை மேற்கொள்ளலாம். இது தொடர்பான சுற்றறிக்கை, நாடு முழுவதும் உள்ள சி.பி.எஸ்.இ., பள்ளிகளுக்கு, அனுப்பப்பட்டு உள்ளது.

அதில், சி.பி.எஸ்.இ., தலைவர் வினீத் ஜோஷி கூறியதாவது: பள்ளிகளில், செய்முறை பயிற்சியை மேற்கொள்ள, போதிய நேரம் கிடைக்காது. ஆன்-லைன் வழியில், எப்போது வேண்டுமானாலும், செய்முறை பயிற்சியில் ஈடுபடலாம். மாணவர்களின் செய்முறை தேர்வை மதிப்பீடு செய்யும் தொழில்நுட்பமும், இணையத்தில் சேர்க்கப்பட்டுள்ளது. எனவே, இத்திட்டத்தை, மாணவ, மாணவியர் பயன்படுத்திக் கொள்ள வேண்டும். இவ்வாறு அவர் தெரிவித்துள்ளார்.

சி.பி.எஸ்.இ., அறிமுகப்படுத்தி உள்ள இத்திட்டத்திற்கு, ஆசிரியர்கள் வரவேற்பு தெரிவித்துள்ளனர். அறிவியல் ஆசிரியை ஷீலா கூறுகையில், ""இத்திட்டம், அறிவியலை, மாணவ, மாணவியரின் வீட்டிற்கே கொண்டு செல்வதாக உள்ளது. ஆன்-லைன் வழியில், மாணவ, மாணவியர், உற்சாகமாக, செய்முறை பயிற்சிகளில் ஈடுபடுவர். இதன் மூலம், அவர்களது அறிவியல் அறிவு மேம்படும்,'' என, தெரிவித்தார்.

சென்னை மாவட்டத்தில் 51 ஆயிரம் பேர் எழுதுகிறார்கள் பிளஸ்–2 தேர்வு மையங்களை கண்காணிக்க 368 பறக்கும் படைகள் காப்பி அடிப்பவர்கள் மீது கடும் நடவடிக்கைக்கு உத்தரவு

சென்னை மாவட்டத்தில் பிளஸ்–2 தேர்வை 51,592 மாணவ–மாணவிகள் எழுதுகிறார்கள். தேர்வு மையங்களை கண்காணிக்க 368 பறக்கும் படைகள் அமைக்கப்பட்டு உள்ளன.

பிளஸ்–2 தேர்வு அடுத்த மாதம் (மார்ச்) 1–ந் தேதி தொடங்கி 27–ந் தேதி வரையும், இதேபோல், 10–ம் வகுப்பு தேர்வு மார்ச் 27–ந் தேதி முதல் ஏப்ரல் 12–ந் தேதி வரையும் நடைபெற உள்ளன. சென்னை மாவட்டத்தில் பிளஸ்–2, எஸ்.எஸ்.எல்.சி. பொதுத்தேர்வுகளை நடத்துவதற்கான முன்னேற்பாடுகள் குறித்த ஆலோசனை கூட்டம் கலெக்டர் (பொறுப்பு) ஆர்.சீதாலட்சுமி தலைமையில் நேற்று நடந்தது.

இந்த கூட்டத்தில் மாவட்ட முதன்மை கல்வி அதிகாரி டி.ராஜேந்திரன், மாவட்ட கல்வி அதிகாரிகள் கலந்து கொண்டனர். பிளஸ்–2 தேர்வை 23,724 மாணவர்களும், 27,868 மாணவிகளும் ஆக மொத்தம் 51,592 பேர் 137 தேர்வு மையங்களில் எழுத உள்ளனர் என்று கூட்டத்தில் தெரிவிக்கப்பட்டது.

மாவட்ட முதன்மை கல்வி அதிகாரி தலைமையில் 368 ஆசிரியர்களை கொண்ட பறக்கும் படையினர் தேர்வு மையங்களை கண்காணிப்பார்கள் என்றும், தேர்வு பணியில் 3096 தலைமை ஆசிரியர்கள், முதுகலை ஆசிரியர்கள், இதர ஆசிரியர்கள், அறை கண்காணிப்பாளர்கள், பறக்கும்படை உறுப்பினர்கள் ஈடுபடுவார்கள் என்றும் எடுத்துரைக்கப்பட்டது.

10–ம் வகுப்பு பொதுத்தேர்வை 29,101 மாணவர்களும், 29,335 மாணவிகளும் ஆக மொத்தம் 58,436 பேர் 222 மையங்களில் எழுத உள்ளனர் என்றும், தேர்வுப்பணியில் 3,874 பேர் ஈடுபட இருப்பதாகவும் கூட்டத்தில் கல்வி அதிகாரிகள் தெரிவித்தனர். பொதுத்தேர்வின்போது பிட் அடித்தல், காப்பி அடித்தல் போன்ற ஒழுங்கீன செயல்களில் ஈடுபடும் மாணவ–மாணவிகள் மீது கடும் நடவடிக்கை எடுக்கவும் உத்தரவிடப்பட்டது.

இந்த தகவலை மாவட்ட மக்கள் தொடர்பு அதிகாரி அலுவலகம் தெரிவித்துள்ளது.

எம்.எஸ்சி. தொழிலக வேதியியல் பட்டம் எம்.எஸ்சி. வேதியியல் பட்டத்திற்கு இணையானது தமிழக அரசு உத்தரவு.

தமிழக அரசின் உயர் கல்வித்துறை முதன்மை செயலாளர் அபூர்வ வர்மா வெளியிட்டுள்ள உத்தரவில் கூறி இருப்பதாவது;–திருச்சி பாரதிதாசன் பல்கலைக்கழகம் மற்றும் காரைக்குடி அழகப்பா பல்கலைக்கழகத்தால் வழங்கப்படும் எம்.எஸ்சி. தொழிலக வேதியியல் (இண்டஸ்ட்ரியல் கெமிஸ்ட்ரி) பட்டத்தையும், பொதுவான எம்.எஸ்சி. வேதியியல் பட்டத்தையும் அரசு வேலை வாய்ப்புக்கும், பதவி உயர்வுக்கும் இணையாக கருதலாம் என்று டி.என்.பி.எஸ்.சி. இணைக்குழு அரசுக்கு பரிந்துரை செய்திருந்தது. அந்த பரிந்துரையை அரசு ஏற்று மேற்கண்ட இரு பல்கலைக்கழகங்களின் எம்.எஸ்சி. தொழிலக வேதியியல் பட்டத்தையும், பொதுவான எம்.எஸ்சி. வேதியியல் பட்டத்தையும் அரசு வேலை வாய்ப்புக்கும், பதவி உயர்வுக்கும் சமமாக கருதி அரசு ஆணையிடுகிறது.இவ்வாறு அந்த உத்தரவில் கூறப்பட்டு உள்ளது.

Monday, February 18, 2013

ஆதிதிராவிடர் மற்றும் பழங்குடியினர் நலப்பள்ளிகளில் 2011-12ஆம் ஆண்டில் ஏற்பட்ட காலிப்பணியிடங்களுக்கு TRB மூலம் தேர்வு செய்யப்பட்ட 70 முதுகலை ஆசிரியர் களுக்கு 20.02.2013 அன்று பணி நியமன கலந்தாய்வு நடத்த உத்தரவு.

எஸ்.எஸ்.எல்.சி. செய்முறை தேர்வு: தனித்தேர்வர்களுக்கு 18–ந் தேதி முதல் ஹால்டிக்கெட் வழங்கப்படும் அரசு தேர்வுத்துறை அறிவிப்பு

எஸ்.எஸ்.எல்.சி. தனித்தேர்வர்களுக்கு செய்முறை தேர்வுக்கான ஹால்டிக்கெட் 18–ந் தேதி முதல் 20–ந் தேதி வரை வழங்கப்படும் என்று அரசு தேர்வுத்துறை அறிவித்துள்ளது.இதுகுறித்து அரசு தேர்வுத்துறையின்
சென்னை மண்டல துணை இயக்குனர் ஆர்.கீதா வெளியிட்டுள்ள செய்திக்குறிப்பில் கூறி இருப்பதாவது: எஸ்.எஸ்.எல்.சி. பொதுத்தேர்வு அடுத்த மாதம் (மார்ச்) நடைபெற உள்ளது. இந்த தேர்வை முதல் முறையாக எழுத விண்ணப்பித்துள்ள நேரடி தனித்தேர்வர்கள் தாங்கள் அறிவியல் பாட செய்முறை வகுப்புகளில் கலந்துகொண்ட பள்ளிக்கூடத்திலேயே செய்முறைத்தேர்வில் பங்கேற்க வேண்டும். செய்முறைத்தேர்வு 20–ந் தேதி தொடங்கி 28–ந் தேதி வரை அனைத்து வேலைநாட்களிலும் (சனிக்கிழமை உள்பட) காலை, மாலை இரு வேளைகளிலும் நடைபெறும்.செய்முறைத்தேர்வுக்கான ஹால்டிக்கெட்டினை சம்பந்தப்பட்ட மாவட்ட கல்வி அதிகாரி அதிகாரியிடம் 18 முதல் 20–ந் தேதி வரை பெற்றுக்கொள்ளலாம். செய்முறை வகுப்புகளில் கலந்துகொண்டதற்கான ரெக்கார்டு நோட்டை தவறாறு தேர்வு மையத்தில் காண்பிக்க வேண்டும். செய்முறைத்தேர்வு நடைபெறும் நாட்கள் மற்றும் இதர விவரங்களை மாவட்ட கல்வி அதிகாரிகளை அணுகி தெரிந்துகொள்ளலாம். செய்முறைத்தேர்வு குறித்து தேர்வர்களுக்கு தனிப்பட்ட முறையில் தகவல் தெரிவிக்கப்படாது.போட்டோவுடன் கூடிய தேர்வுக்கூட ஹால்டிக்கெட் பின்னர் தனியே வழங்கப்படும். இதற்கான தேதி பின்னர் தெரிவிக்கப்படும். போட்டோவுடன் கூடிய ஹால்டிக்கெட் வைத்திருக்கும் தேர்வர்கள் மட்டுமே தியரி தேர்வுக்கு அனுமதிக்கப்படுவார்கள்.இவ்வாறு கீதா கூறியுள்ளார்.

பள்ளிக்கல்வி - செய்முறைத் தேர்வு விலக்கு கோரும் மாற்றுத்திறனாளிகள் மற்றும் சிறைத் தேர்வர்களின் சான்றிதழ்களில் Practical Exempted என பதிந்து வழங்க தமிழக அரசு ஆணை.

சமுதாய ஏற்றத்தாழ்வுகளை கல்வியால் மட்டுமே சரி செய்ய முடியும் என்று தமிழ்நாடு தேர்வாணையக்குழு தலைவர் ஆர்.நட்ராஜ் பேசினார்.

எஸ்.எஸ்.எல்.சி. மற்றும் பிளஸ்–2 வகுப்பு மாணவர்கள் பொதுத்தேர்வில் வெற்றி பெற வேண்டி வேலூர் அடுத்த ஸ்ரீபுரம் நாராயணி பீடத்தில் சரஸ்வதி யாக பூஜை நேற்று நடந்தது. தங்ககோவிலை உருவாக்கிய சக்தி அம்மா தலைமை தாங்கினார். விழாவில் சிறப்பு விருந்தினராக தமிழ்நாடு தேர்வாணையக்குழு (டி.என்.பி.எஸ்.சி.) தலைவர் ஆர்.நட்ராஜ் கலந்து கொண்டு பேசினார். அப்போது அவர் கூறியதாவது:–1992–ம் ஆண்டு இங்கு டி.ஐ.ஜி.யாக பணிபுரிந்தபோது இந்த இடம் வெட்டவெளியாக இருந்தது. தற்போது சக்தி அம்மாவின் முயற்சியால் கண்ணுக்கு குளிர்ச்சியாக, பச்சைபசேல் என்று ரம்மியமாக, கம்பீரமாக இந்த இடம் திகழ்கிறது. நீங்கள் அனைவரும் பாக்கியசாலிகள். இங்கு படிக்கும் மாணவ–மாணவிகள் இந்த வாய்ப்பை பயன்படுத்தி கொள்ளவேண்டும்.

சமுதாயத்தில் எத்தனையோ ஏற்றத்தாழ்வுகள் உள்ளன. கல்வி ஒன்றுதான் ஏற்றத்தாழ்வுகளை தகர்த்தெறியும் சக்தியாக உள்ளது. எனவே, கல்வியால் தான் சமுதாயத்தில் ஏற்றத்தாழ்வுகளை நிவர்த்தி செய்ய முடியும். கல்வியில் எல்லோரும் சிறந்து விளங்க வேண்டும். நாம் மட்டும் முன்னேற வேண்டும் என்று எண்ணாமல் நம்மை சுற்றி இருப்பவர்களும் முன்னேற வேண்டும் என்று சக்தி அம்மா செயல்படுகிறார். இந்த நாட்டின் எதிர்காலம் மாணவர்களிடம் உள்ளது. எனவே மாணவர்கள் பெற்றோர்களுக்கும், ஆசிரியர்களுக்கும் பெருமை சேர்க்கும் வகையில் இருக்க வேண்டும். இவ்வாறு அவர் பேசினார்.விழாவில் சக்தி அம்மா பேசியதாவது:–

அனைத்து மாணவ–மாணவிகளும் எதிர்காலம் நன்றாக அமைய வேண்டும் என்று எதிர்பார்ப்பு இருக்கும். எதிர்காலம் வந்தால் போதாது, அது பிரகாசமான, ஒளிமயமான, நல்ல எதிர்காலமாக இருக்க வேண்டும். நேற்று என்பது முடிந்து போன விஷயம், நாளை என்பது என்னவென்று தெரியாது. எனவே, இன்றைய நிகழ்காலத்தில் நல்ல வழியில் நாம் பயன்படுத்தினால் எதிர்காலம் நன்றாக இருக்கும்.2020–ல் இந்தியா வல்லரசாக வேண்டும். அதற்கு நீங்கள் நன்றாக வந்தால் இந்தியா வல்லரசாகும். வல்லரசோடு நல்லரசாகவும் இருக்க வேண்டும். அதற்கு படிப்பு மட்டும் இருந்தால் போதாது. படிப்புடன் ஆன்மிகமும், பக்தியும் இருக்க வேண்டும்.படிப்பதால் கல்வி அறிவு மட்டும் கிடைக்கும். பக்தி, ஆன்மிகம் இருந்தால் ஒழுக்கம், நல்ல எண்ணம் கிடைக்கும். நாம் சமுதாயத்துக்கு பயன்பட வேண்டும். பழங்காலத்தில் மன்னர்கள் தங்களின் பிள்ளைகளை குருகுலத்துக்கு அனுப்பி வைத்தனர். கல்வி மட்டுமல்லாமல், வீரம், ஒழுக்கம், சத்தியம், ஆன்மிகம் உள்பட அனைத்தையும் அங்கு கற்று தந்தனர்.உங்களுக்கு மட்டும் நல்ல எதிர்காலமாக இல்லாமல் சமுதாயத்துக்கும் நல்ல எதிர்காலமாக இருக்க நீங்கள் பாடுபட வேண்டும்.இவ்வாறு சக்தி அம்மா பேசினார்.

Sunday, February 17, 2013

முதுகலை தாவரவியல் ஆசிரியர் மற்றும் தமிழ் வழி ஒதுக்கீட்டு இடங்களுக்கான தேர்வு முடிவுகளை உடன் வெளியிட நடவடிக்கை எடுக்க வேண்டும் என தேர்வர்கள் அரசுக்கு கோரிக்கை வைத்துள்ளனர்.

தமிழ் வழி ஒதுக்கீட்டு இடங்கள் மற்றும் தாவரவியல் பாடத்திற்கான, முதுகலை ஆசிரியர் பட்டியல் வெளியாவதில் தொடர்ந்து இழுபறி ஏற்பட்டுள்ளது. போட்டித் தேர்வு அடிப்படையில் தேர்வு பெற்ற முதுகலை ஆசிரியர் 2,300 பேர், கடந்த டிசம்பரில் பணி நியமன உத்தரவுகளை பெற்றனர். இவர்கள் பணியில் சேர்ந்து இரண்டு மாதம் சம்பளமும் பெற்றுவிட்டனர். ஆனால் இவர்களுடன் தேர்வெழுதிய தாவரவியல் பாட தேர்வர்களுக்கு, இதுவரை இறுதிப்பட்டியல் வெளியிடப்படவில்லை. தவறுதலான கேள்விகள் விவகாரம் தொடர்பாக, சென்னை, ஐகோர்ட் உத்தரவின்படி, விடைத்தாள்களை மீண்டும் ஒருமுறை ஆய்வு செய்து , இறுதிப் பட்டியல் தயாரிக்கும் பணியும் முடிந்துள்ள நிலையில், முடிவு வெளியாவதில் தாமதம் ஏற்பட்டுள்ளதால் தேர்வு எழுதியோர் மன உளைச்சலுக்கு ஆளாகியுள்ளனர். தாவரவியல் பாடம் மற்றும் தமிழ் வழி ஒதுக்கீட்டு இடங்களுக்கான முடிவுகளை உடன் வெளியிட நடவடிக்கை எடுக்க வேண்டும் என ஆசிரியர்கள் அரசுக்கு கோரிக்கை வைத்துள்ளனர்.

பிளஸ் 2 தனித் தேர்வர்களுக்கு 19 முதல் 21ம் தேதி வரை ஹால் டிக்கெட் வழங்கப்படும் என தேர்வுத்துறை இயக்குனர் வசுந்தரா அறிவித்துள்ளார்.

மார்ச் மாதம், பிளஸ் 2 பொதுத்தேர்வு நடக்கிறது. இத்தேர்வை, தனித்தேர்வாக எழுத விண்ணப்பித்துள்ளவர்கள், அவர்களின் இருப்பிட முகவரிக்கு அருகில் உள்ள தேர்வு மையத்தில், பெயர் பதிவு செய்யப்பட்டுள்ளது. "ஆன்-லைனில்' விண்ணப்பித்த போது வழங்கப்பட்ட, 10 இலக்க எண்களை தெரிவித்து, ஹால் டிக்கெட்டை பெற்றுக் கொள்ளலாம்.ஹால் டிக்கெட்டில் உள்ள புகைப்படம், பெயர், பிறந்த தேதி, பதிவு எண், தேர்வு மையம், தேர்வு எழுத பதிவு செய்யப்பட்டுள்ள பாடங்கள், தேர்வு நடைபெறும் தேதிகள் ஆகிய விவரங்கள், சரியாக உள்ளனவா என்பதை, தேர்வர்கள் சரிபார்த்துக் கொள்ள வேண்டும்.
புகைப்படம் பதிவாகவில்லை எனில், இரு புகைப்படங்களை எடுத்துச் சென்று, ஒன்றை, ஹால் டிக்கெட்டில் ஒட்டி, தேர்வு மைய முதன்மை கண்காணிப்பாளரின் சான்றொப்பத்தை பெற வேண்டும். மற்றொரு புகைப்படத்தை, தேர்வு மைய கண்காணிப்பாளரிடம் ஒப்படைக்க வேண்டும்."தத்கால்' திட்டத்தில் விண்ணப்பித்த தேர்வர்கள் மட்டும், 22, 23 ஆகிய தேதிகளில், தேர்வுத்துறை இயக்குனரகத்திற்கு, நேரில் வந்து, ஹால் டிக்கெட் பெற வேண்டும்.இவ்வாறு இயக்குனர் தெரிவித்துள்ளார்.

செங்கல்பட்டு கல்வி மாவட்ட தேர்வர்களுக்கு, செயின்ட் கொலம்பஸ் மேல்நிலைப் பள்ளியிலும்; காஞ்சிபுரம், ஆண்டர்சன் மேல்நிலைப் பள்ளியிலும்; பொன்னேரி, அரசு ஆண்கள் மேல்நிலைப் பள்ளியிலும்; திருவள்ளூர் கல்வி மாவட்ட தேர்வர்களுக்கு, டி.ஆர்.பி.சி.சி.சி., இந்து மேல்நிலைப் பள்ளியிலும் ஹால் டிக்கெட் வழங்கப்படுகிறது.சென்னையில் உள்ள நான்கு கல்வி மாவட்டங்களைச் சேர்ந்த தேர்வர்களுக்கு, அண்ணாசாலையில் உள்ள மதரசா மேல்நிலைப் பள்ளியில், ஹால் டிக்கெட் வழங்கப்படும்.

Friday, February 15, 2013

தமிழ்நாடு அரசு பணியாளர் தேர்வாணையம் நடத்திய குரூப்–1 தேர்வில், சென்னையில் உள்ள சைதை துரைசாமியின் மனிதநேய மையத்தில் படித்த 48 பேர் துணை கலெக்டர்களாகவும், 23 பேர் போலீஸ் துணை கண்காணிப்பாளர்களாகவும் தேர்வு பெற்றுள்ளனர்.

தமிழ்நாடு அரசு பணியாளர் தேர்வாணையம் நடத்திய குரூப்–1 தேர்வில், சென்னையில் உள்ள சைதை துரைசாமியின் மனிதநேய மையத்தில் படித்த 48 பேர் துணை கலெக்டர்களாகவும், 23 பேர் போலீஸ் துணை கண்காணிப்பாளர்களாகவும் தேர்வு பெற்றுள்ளனர்.

சென்னை மாநகராட்சி மேயர் சைதை துரைசாமி தலைமையில், மல்லிகா துரைசாமி, வெற்றி துரைசாமி, வசுந்தரா வெற்றி ஆகியோர் நடத்தும் மனித நேய மையம் பல்வேறு அரசு பணிகள் தேர்வுக்காக இலவச பயிற்சி அளித்து வருகிறது.

அந்த வகையில் சமீபத்தில் தமிழ்நாடு அரசு பணியாளர் தேர்வாணையம் சார்பில் துணை–கலெக்டர், துணைபோலீஸ் கண்காணிப்பாளர் போன்ற குரூப்–1 பணிகளுக்கான தேர்வு நடந்தது. தேர்வு முடிவுகள் வெளியானதில் 131 காலிப்பணியிடங்களுக்கு மனிதநேய மையத்தில் பயிற்சி பெற்ற 112 பேர் வெற்றி பெற்றுள்ளனர்.இவர்களுக்கு மையத்தின் மூலம் இலவச பயிற்சி அளிக்கப்பட்டதுடன், இலவச தங்கும் வசதியும் ஏற்பாடு செய்து தரப்பட்டிருந்தது.

மாநில அளவில் திண்டுக்கல் மாவட்டத்தைச் சேர்ந்த எஸ்.மதுராந்தகி முதல் இடத்திலும், ஈரோட்டைச் சேர்ந்த ஜி.சரவணமூர்த்தி இரண்டாவது இடத்திலும் வெற்றி பெற்று துணை கலெக்டர் பதவிக்கு தேர்வாகி உள்ளனர். 112 பேரில் 48 பேர் துணைகலெக்டர் பதவிக்கும், 23 பேர் துணை கண்காணிப்பாளர் (டி.எஸ்.பி) பதவிக்கும், 6 பேர் மாவட்ட பதிவாளர் பதவிக்கும், 23 பேர் உதவி ஆணையர் (வணிகவரி) பதவிக்கும், 8 பேர் துணை இயக்குனர் (பஞ்சாயத்து) பதவிக்கும், ஒருவர் மாவட்ட தீயணைப்பு துறை பதவிக்கும் தேர்வு பெற்றுள்ளனர். 3 பேர் காத்திருப்போர் பட்டியலில் உள்ளனர்.வெற்றி பெற்றவர்களுக்கு மனித நேய அறக்கட்டளை தலைவர் சைதை துரைசாமி வாழ்த்து தெரிவித்தார். வெற்றி பெற்றவர்கள் தங்கள் மனமார்ந்த நன்றி தெரிவித்துக் கொண்டனர்.

முதல் இடத்தில் தேறி துணை கலெக்டர் பணி ஒதுக்கீடு பெற்றுள்ள எஸ்.மதுராந்தகி கூறியதாவது:–

என்னுடைய வெற்றியை மனிதநேய மையத்திற்கும், என்னுடைய பெற்றோருக்கும் சமர்ப்பிக்கிறேன். சாப்ட்வேர் என்ஜினீயராக பணியாற்றி வந்த எனக்கு, இந்த துறையில் நுழைவதற்கான முழு ஒத்துழைப்பை பயிற்சி மையம் அளித்தது. அதற்கு ஆக்கமும் ஊக்கமும் அளித்த என்னுடைய தந்தை சதாசிவம் மற்றும் மாநில போட்டித் தேர்வுகள் ஒருங்கிணைப்பாளர் சாம்ராஜேஸ்வரன் ஆகியோருக்கும் நன்றி தெரிவிக்க கடமைப்பட்டுள்ளேன். திண்டுக்கல் மாவட்டம் ஒட்டன்சத்திரம் அருகில் உள்ள சிறிய கிராமத்திலிருந்து வந்துள்ளதால், என்னுடைய வருங்கால பணி கிராம முன்னேற்றத்திற்கு அதிக முக்கியத்துவம் அளிக்கும் வகையில் இருக்கும்.இவ்வாறு மதுராந்தகி கூறினார்.

துணை கலெக்டர், டி.எஸ்.பி. உள்ளிட்ட பதவிகளில் 25 காலி இடங்களை நிரப்புவதற்காக குரூப்–1 முதல்நிலை தேர்வு (சனிக்கிழமை) நடக்கிறது. இதில் 1¼ லட்சம் பட்டதாரிகள் கலந்து கொள்கிறார்கள்.

துணை கலெக்டர், டி.எஸ்.பி. உள்ளிட்ட பதவிகளில் 25 காலி இடங்களை நிரப்புவதற்காக குரூப்–1 முதல்நிலை தேர்வு (சனிக்கிழமை) நடக்கிறது. இதில் 1¼ லட்சம் பட்டதாரிகள் கலந்து கொள்கிறார்கள்.

குரூப்–1 தேர்வுக்கான பாடத்திட்டமும், தேர்வுமுறையும் மாற்றி அமைக்கப்பட்டு உள்ளன. குரூப்–1 தேர்வு, முதல்நிலை தேர்வு, மெயின் தேர்வு, நேர்காணல் என 3 கட்டங்களை கொண்டது ஆகும். தற்போது முதல்நிலை தேர்வில் புதிதாக ‘ஆப்டிடியூடு’ என்ற ஆய்வுத்திறன் பகுதி சேர்க்கப்பட்டு இருக்கிறது. முன்பிருந்த 200 பொது அறிவு கேள்விகளின் எண்ணிக்கை 150 ஆக குறைக்கப்பட்டு ஆப்டிடியூடு பகுதியில் இருந்து 50 வினாக்கள் சேர்க்கப்பட்டு உள்ளன.

அதேபோல், மெயின் தேர்வில் முன்பு 2 பொது அறிவு தாள்கள் மட்டும் இருந்தன. ஒவ்வொன்றுக்கும் தலா 300 வீதம் மொத்தம் 600 மதிப்பெண். புதியமுறையில் கூடுதலாக ஒரு பொதுஅறிவு தாள் சேர்க்கப்பட்டு மொத்த மதிப்பெண் 900 ஆக அதிகரிக்கப்பட்டு இருக்கிறது. அதுமட்டுமல்லாமல், ஆங்கில மொழித்திறனை சேர்க்கும் வகையில் புதிய பாடத்திட்டமும் இணைக்கப்பட்டு உள்ளது. புதிய முறையில், நேர்முகத்தேர்வு மதிப்பெண் 80–லிருந்து 120 அதிகரித்து இருக்கிறார்கள்.

இந்த நிலையில், துணை கலெக்டர், போலீஸ் டி.எஸ்.பி. வணிகவரி உதவி கமிஷனர், மாவட்ட பதிவாளர், மாவட்ட வேலைவாய்ப்பு அதிகாரி ஆகிய பதவிகளில் 25 காலி இடங்களை நிரப்புவதற்காக டி.என்.பி.எஸ்.சி. குரூப்–1 தேர்வுக்கு அறிவிப்பு வெளியிட்டு இருந்தது. ஒரு லட்சத்து 29 ஆயிரம் பட்டதாரிகள் விண்ணப்பித்து இருந்தனர்.

அவர்களில் தகுதி உடையவர்களுக்கு ஆன்லைன் மூலமாக ஹால்டிக்கெட் வழங்கப்பட்டது. இந்த லையில், புதிய பாடத்திட்டம், தேர்வுமுறை மாற்றத்துடன் கூடிய முதல் குரூப்–1 தேர்வு (முதல்நிலைதேர்வு) நாளை (சனிக்கிழமை) காலை 10 மணிக்கு நடக்கிறது. சென்னை, காஞ்சீபுரம், திருவள்ளூர் உள்பட தமிழகம் முழுவதும் 33 மையங்களில் தேர்வு நடத்தப்படுகிறது.

ஏறத்தாழ ஒன்றே கால் லட்சம் பட்டதாரிகள் தேர்வு எழுதுகிறார்கள். சென்னையில் பல்வேறு இடங்களில் 26 ஆயிரம் பேர் தேர்வில் கலந்துகொள்கின்றனர். மதுரை, சேலம், கோவை, திருச்சி ஆகிய இடங்களில் தலா 5 ஆயிரம் பேரும், விழுப்புரத்தில் 5,500 பேரும் தேர்வு எழுதுகிறார்கள்.

குரூப்–1 முதல்நிலை தேர்வுக்கான அனைத்து ஏற்பாடுகளும் செய்யப்பட்டு இருப்பதாக டி.என்.பி.எஸ்.சி. செயலாளர் மா.விஜயகுமார் தெரிவித்தார். வழக்கம்போல் அனைத்து தேர்வு மையங்களிலும் தேர்வர்கள் எழுதுவது வீடியோவில் பதிவுசெய்யப்படும். அனைத்து மையங்களையும் சென்னையில் உள்ள டி.என்.பி.எஸ்.சி. அலுவலக கட்டுப்பாட்டு அறையில் இருந்தவாறு கண்காணிக்கவும் ஏற்பாடு செய்யப்பட்டு இருக்கிறது.

டி.என்.பி.எஸ்.சி. வருடாந்திர தேர்வு பட்டியலின்படி, குரூப்–1 முதல்நிலை தேர்வு முடிவு அடுத்த மாதம் (மார்ச்) வெளியிடப்படும். இதைத்தொடர்ந்து, அடுத்த கட்ட தேர்வான மெயின் தேர்வு மே மாதம் 4, 5, 6 ஆகிய தேதிகளில் நடைபெறும். அதன் முடிவு ஜூலை மாதம் வெளியிடப்பட்டு ஆகஸ்டு மாதம் நேர்முகத்தேர்வு நடத்தி ஆண்டு இறுதிக்குள்ளாகவே நியமன பணிகளை முடிக்க திட்டமிடப்பட்டு உள்ளது.

Wednesday, February 13, 2013

முந்தைய அ.தி.மு.க ஆட்சி காலத்தில் தொகுப்பூதிய அடிப்படையில், பணி நியமனம் செய்யப்பட்ட 55 ஆயிரம் ஆசிரியர்களின் தொகுப்பூதிய காலத்தை, பணி வரன்முறைப்படுத்த தமிழக முதல்வர் நடவடிக்கை எடுக்க வேண்டும் என ஆசிரியர்கள் எதிர்பார்க்கின்றனர்.

முந்தைய அ.தி.மு.க ஆட்சி காலத்தில் தொகுப்பூதிய அடிப்படையில், பணி நியமனம் செய்யப்பட்ட, 55 ஆயிரம் ஆசிரியர்களின் தொகுப்பூதிய காலத்தை, பணி வரன்முறைப்படுத்த, முதல்வர் ஜெயலலிதா நடவடிக்கை எடுக்க வேண்டும் என, ஆசிரியர்கள் எதிர்பார்க்கின்றனர்.கடந்த, 2004-06 வரை, இடைநிலை ஆசிரியர், 10 ஆயிரம் பேர், முதுகலை ஆசிரியர், 10 ஆயிரம் பேர் மற்றும் பட்டதாரி ஆசிரியர், 35 ஆயிரம் பேர் என, 55 ஆயிரம் பேர், தொகுப்பூதிய அடிப்படையில், பணி நியமனம் செய்யப்பட்டனர். மாதம், 3,000 ரூபாய் முதல், 4,500 ரூபாய் வரை சம்பளம் பெற்றுக் கொண்டிருந்த இவர்கள், தி.மு.க., ஆட்சி காலத்தில், பணி வரன்முறை செய்யப்பட்டனர்.

எனினும், 2004-06 வரையான, 2 ஆண்டுகள், பணி வரன்முறைக்குள் வரவில்லை. பணி வரன்முறை செய்த தி.மு.க., அரசே, தொகுப்பூதிய காலத்தையும், பணிவரன்முறைப்படுத்தி உத்தரவிட வேண்டும் என, ஆசிரியர்கள் வலியுறுத்தி வந்தனர். ஆனால், நடவடிக்கை எடுக்கப்படவில்லை.இந்நிலையில், பணி நியமனம் செய்த அரசே, இப்போதும் இருப்பதால், தொகுப்பூதிய காலத்தை, பணி வரன்செய்ய, முதல்வர் முன்வர வேண்டும் என, 55 ஆயிரம் ஆசிரியர்களும் எதிர்பார்க்கின்றனர்.தமிழ்நாடு ஆசிரியர் முன்னேற்ற சங்கத்தின் மாநில தலைவர் தியாகராஜன், கூறுகையில், ""இரண்டு ஆண்டுகளை, பணிவரன்முறை செய்யாவிட்டால், பதவி உயர்வு பாதிக்கப்படுவதுடன், தேர்வு நிலை, சிறப்புநிலை அடைய, கூடுதலாக, இரு ஆண்டுகள் காத்திருக்க வேண்டிய நிலை ஏற்படும்.''என்றார். 

வட இந்திய மாநிலமான உத்தரகாண்டில் உள்ள டேராடூன் ராணுவ கல்லூரியில் சேர 7–ம் வகுப்பு மாணவர்கள் விண்ணப்பிக்கலாம் தமிழக அரசின் கல்வி உதவித்தொகை கிடைக்கும்.

வட இந்திய மாநிலமான உத்தரகாண்டில் உள்ள டேராடூன் ராணுவ கல்லூரியில் சேர்ந்து படிக்க 7–ம் வகுப்பு மாணவர்கள் விண்ணப்பிக்கலாம். தேர்வு செய்யப்படுவோரின் படிப்புக்கு தமிழக அரசு கல்வி உதவித்தொகை வழங்குகிறது.இதுதொடர்பாக சென்னையில் உள்ள பாதுகாப்பு அமைச்சகத்தின் பத்திரிகை தகவல் அலுவலகம் வெளியிட்டுள்ள செய்திக்குறிப்பில் கூறப்பட்டு இருப்பதாவது:–

உத்தரகாண்ட் மாநிலம் டேராடூனில் இந்திய ராணுவ கல்லூரி இயங்கி வருகிறது. பாதுகாப்பு அமைச்சகத்தின் கீழ் செயல்பட்டு வரும் இந்த கல்வி நிறுவனம், ராணுவ பணிகளில் சேர மாணவர்களை தயார்படுத்துகிறது. அடுத்த ஆண்டு ஜனவரி மாதத்தில் இங்கு சேர விண்ணப்பங்களை வரவேற்கிறது.தற்போது 7–ம் வகுப்பு படித்துக்கொண்டிருப்பவர்கள், 2014 ஜனவரியில் 7–ம் வகுப்பு முடித்தவர்கள் இந்த ராணுவ கல்லூரியில் சேரலாம். குறைந்தபட்ச வயது 11½ (1.1.2014–ன் படி). 13 வயது பூர்த்தி அடைந்திருக்கக்கூடாது. விண்ணப்ப கட்டணம் ரூ.400 (பதிவு தபாலில் பெற), ரூ.450 (விரைவு அஞ்சலுக்கு). எஸ்.சி., எஸ்.டி. மாணவர்கள் என்றால் பதிவு தபாலில் பெற வேண்டுமானால் ரூ.355–ம் விரைவு தபால் மூலமாக எனில் ரூ.405–ம் விண்ணப்ப கட்டணமாக செலுத்த வேண்டும்.

குறிப்பிட்ட விண்ணப்ப கட்டணத்தை தி கமாண்டன்ட், ஆர்.ஐ.எம்.சி. டேராடன் என்ற பெயரில் பாரத ஸ்டேட் வங்கியின் டிமாண்ட் டிராப்டாக மேற்கண்ட கல்வி நிறுவனத்தின் முகவரிக்கு அனுப்ப வேண்டும். பூர்த்தி செய்த விண்ணப்பத்தை அனுப்ப கடைசி நாள் மார்ச் 31–ந் தேதி ஆகும்.எழுத்துத்தேர்வு, நேர்முகத்தேர்வு அடிப்படையில் தகுதியான மாணவர்கள் தேர்வு செய்யப்படுவார்கள். எழுத்துத்தேர்வு சென்னை உள்பட மாநிலங்களின் தலைநகரங்களில் நடத்தப்படும். தேர்ந்தெடுக்கப்படும் மாணவர்களுக்கு அந்தந்த மாநில அரசுகள் சார்பில் ரூ.10 ஆயிரம் முதல் ரூ.20 ஆயிரம் வரை கல்வி உதவித்தொகை வழங்கப்படுகிறது.இவ்வாறு அதில் கூறப்பட்டு உள்ளது.

குரூப்–1 பணி ஒதுக்கீட்டிற்காக கவுன்சிலிங் சென்னையில் உள்ள டி.என்.பி.எஸ்.சி. அலுவலகத்தில் நாளை (வியாழக்கிழமை) காலை 9 மணிக்கு நடைபெறுகிறது.

பிடித்தமான பதவியை தேர்வு செய்து கொள்ளும் வகையில் குரூப்–1 தேர்வில் முதல் முறையாக கவுன்சிலிங் முறை அறிமுகப்படுத்தப்படுகிறது. புதிய முறையில் முதலாவது கவுன்சிலிங் சென்னையில் உள்ள டி.என்.பி.எஸ்.சி. அலுவலகத்தில் நாளை (வியாழக்கிழமை) நடக்கிறது.

துணை கலெக்டர், போலீஸ் டி.எஸ்.பி., ஊரக வளர்ச்சி உதவி இயக்குனர், கூட்டுறவு சங்கங்களின் துணை பதிவாளர், மாவட்ட வேலைவாய்ப்பு அதிகாரி உள்ளிட்ட உயர் பதவிகளில் 131 காலி இடங்களை நிரப்புவதற்காக குரூப்–1 மெயின் தேர்வு கடந்த ஆண்டு ஜூலை மாதம் நடத்தப்பட்டது. டி.என்.பி.எஸ்.சி. நடத்திய இந்த தேர்வை ஏறத்தாழ 2,620 பேர் எழுதினார்கள்.இந்த நிலையில், மெயின் தேர்வு முடிவு வெளியிடப்பட்டு அடுத்த கட்ட தேர்வான நேர்முகத்தேர்வுக்கு 262 பேர் தேர்ந்தெடுக்கப்பட்டனர். நேர்முகத்தேர்வு கடந்த 1–ந்தேதி முதல் 5–ந்தேதி வரை சென்னையில் உள்ள டி.என்.பி.எஸ்.சி. அலுவலகத்தில் நடந்தது.

இதைத்தொடர்ந்து, நேர்முகத்தேர்வுக்கு சென்றவர்களின் மதிப்பெண் விவரம் (எழுத்துத்தேர்வு மற்றும் நேர்முகத்தேர்வு) 5–ந்தேதி இரவு வெளியிடப்பட்டது. அதன்பிறகு 131 பேர் கொண்ட இறுதி தேர்வுபட்டியலை டி.என்.பி.எஸ்.சி. கடந்த 7–ந் தேதி வெளியிட்டது. வழக்கமாக, தேர்வர்களின் மதிப்பெண், விருப்பம், இடஒதுக்கீடு ஆகியவற்றின் அடிப்படையில் பணி ஒதுக்கீடு செய்யப்பட்டு இறுதி தேர்வு பட்டியலின் போது வெளியிடப்பட்டு விடும்.ஆனால், இந்த ஆண்டு முதல் முறையாக பணிகளை ஒதுக்கீடு செய்வதற்கு கவுன்சிலிங் முறை அறிமுகப்படுத்தப்படுகிறது. அதன்படி, தேர்வர்கள் மெரிட் அடிப்படையில் கவுன்சிலிங் அடிப்படையில் அழைக்கப்படுவார்கள். அப்போது அவர்கள் தங்களுக்கு விருப்பமான பணியை (காலியாக இருக்கும் பட்சத்தில்) தேர்வு செய்து கொள்ளலாம்.

‘‘எவ்வித ஒளிவு மறைவு இல்லாமல் வெளிப்படையாக பணிகளை ஒதுக்கீடு செய்ய வேண்டும் என்பதற்காக குரூப்–1 தேர்விலும் கவுன்சிலிங் முறையை அறிமுகப்படுத்த உள்ளோம். பழைய முறையில் தேர்வர்கள் விரும்பாத பதவியோ, அல்லது அவர்கள் அவசர அவசரமாக விண்ணப்பத்தில் குறிப்பிட்ட பதவியோ ஒதுக்கப்பட்டிருக்கக்கூடும். தற்போது கவுன்சிலிங் நடத்துவதால் தங்களுக்கு விருப்பமான பதவியை தேர்வு செய்து திருப்தியாக பணியை மேற்கொள்ளலாம்’’ என்று டி.என்.பி,எஸ்.சி. செயலாளர் மா.விஜயகுமார்  தெரிவித்தார்.

குரூப்–1 பணி ஒதுக்கீட்டிற்காக கவுன்சிலிங் சென்னையில் உள்ள டி.என்.பி.எஸ்.சி. அலுவலகத்தில் நாளை (வியாழக்கிழமை) காலை 9 மணிக்கு நடைபெறுகிறது. இதில் 131 பேர் கலந்து கொள்கிறார்கள். இதற்கிடையே, இந்த ஆண்டு குரூப்–1 பணிகளில் 25 காலி இடங்களை நிரப்புவதற்காக முதல் நிலைத்தேர்வு 16–ந்தேதி (சனிக்கிழமை) நடைபெறுகிறது. தமிழகம் முழுவதும் ஒரு லட்சத்து 25 ஆயிரத்திற்கும் மேற்பட்ட பட்டதாரிகள் தேர்வு எழுத இருக்கிறார்கள். இதற்கான அனைத்து ஏற்பாடுகளையும் டி.என்.பி.எஸ்.சி. செய்துள்ளது.

அரசு கலைக் கல்லூரிகளில் 1,063 உதவி பேராசிரியர் பணி இடங்கள் விரைவில் நிரப்பப்பட உள்ளன. இதில், ஆங்கிலம், கணிதம், இயற்பியல் ஆகிய பாடப்பிரிவுகளில் அதிக காலி இடங்கள் இருக்கின்றன.

அரசு கலைக் கல்லூரிகளில் 1,063 உதவி பேராசிரியர் பணி இடங்கள் விரைவில் நிரப்பப்பட உள்ளன. இதில், ஆங்கிலம், கணிதம், இயற்பியல் ஆகிய பாடப்பிரிவுகளில் அதிக காலி இடங்கள் இருக்கின்றன.

தமிழ்நாட்டில் 69 அரசு கலை அறிவியல் மற்றும் கல்வியியல் கல்லூரிகள் உள்ளன. இதில் காலியாக உள்ள 1,063 உதவி பேராசிரியர் பணி இடங்களை நிரப்ப அரசு முடிவு செய்துள்ளது. உதவி பேராசிரியர் பதவிக்கு சம்பந்தப்பட்ட பாடத்தில் முதுகலை பட்டப்படிப்புடன் ஸ்லெட் அல்லது நெட் தகுதித்தேர்வில் தேர்ச்சி பெற்றிருக்க வேண்டும். பி.எச்டி. பட்டதாரிகளாக இருந்தால் ஸ்லெட், நெட் தேர்ச்சி அவசியம் இல்லை.அரசு பள்ளி ஆசிரியர்களை போல் போட்டித்தேர்வு ஏதும் இல்லாமல் சிறப்பு மதிப்பெண் வழங்கும் முறை அடிப்படையில் உதவி பேராசிரியர்களை நியமிக்க அரசு திட்டமிட்டுள்ளது. அதன்படி, பணி அனுபவம், கூடுதல் கல்வித்தகுதி, நேர்முகத்தேர்வு என ஒவ்வொன்றுக்கும் மதிப்பெண் வழங்கி மெரிட் பட்டியல் தயாரிக்கப்பட்டு அதன் அடிப்படையில் உதவி பேராசிரியர்கள் நியமிக்கப்பட இருக்கிறார்கள்.

1,063 காலி பணி இடங்களில் ஆங்கிலம், கணிதம், இயற்பியல் ஆகிய பாடங்களில்தான் அதிக காலி இடங்கள் உள்ளன. பாடவாரியாக முக்கிய பாடங்களில் காலி இடங்கள் விவரம் வருமாறு:–

தமிழ் – 76

ஆங்கிலம் – 140

கணிதம் – 135

இயற்பியல் – 100

வேதியியல் – 95

தாவரவியல் – 60

விலங்கியல் – 55

கம்ப்யூட்டர் சயின்ஸ் – 95

வரலாறு – 77

பொருளாதாரம் – 58

வணிகவியல் – 75

அரசியல் அறிவியல் – 5

நிர்வாகவியல் – 8

புள்ளியியல் – 18

மேற்கண்ட பாடப்பிரிவுகள் தவிர, சுற்றுலா மற்றும் பயண மேலாண்மை, எலெக்ட்ரானிக்ஸ் சயின்ஸ், அக்வாகல்சர் என பல்வேறு சிறப்பு பாடங்களில் குறைந்த எண்ணிக்கையிலான காலி இடங்கள் இடம்பெற்றுள்ளன. உதவி பேராசிரியர் நியமனம் தொடர்பான அறிவிப்பை விரைவில் வெளியிட ஆசிரியர் தேர்வு வாரியம் முடிவு செய்துள்ளது.
 
 

Tuesday, February 12, 2013

மெட்ரிக் பள்ளி இயக்குனர் மற்றும் பாதிக்கும் மேற்பட்ட, ஐ.எம்.எஸ்., பணியிடங்கள் காலியாக இருப்பதால், மெட்ரிக் பள்ளிகள் குறித்த ஏராளமான பணிகள் முடங்கியுள்ளது. இதனால் தனியார் பள்ளி நிர்வாகிகள் கடும் மன உளைச்சலுக்கு ஆளாகியுள்ளனர்.

மெட்ரிக் பள்ளி இயக்குனர் மற்றும் பாதிக்கும் மேற்பட்ட, ஐ.எம்.எஸ்., பணியிடங்கள் காலியாக இருப்பதால், மெட்ரிக் பள்ளிகள் குறித்த ஏராளமான பணிகள் முடங்கியுள்ளது. இதனால் தனியார் பள்ளி நிர்வாகிகள் கடும் மன உளைச்சலுக்கு ஆளாகியுள்ளனர்.

தமிழகத்தில், 15 ஆயிரத்துக்கும் மேற்பட்ட நர்ஷரி, பிரைமரி, மெட்ரிக் மற்றும் சி.பி.எஸ்.சி., உள்ளன. இவற்றுக்கு தொடர் அங்கீகாரம் வழங்குவது, புதிய தனியார் பள்ளிகள் துவங்குவது, மாணவ, மாணவியரை அங்கீகரிப்பது உள்ளிட்ட பல்வேறு நிர்வாக பணிகளுக்காக, மெட்ரிக் பள்ளிகள் இயக்குனரகம் அமைக்கப்பட்டுள்ளது.

மெட்ரிக் பள்ளிகள் இயக்குனரின் கீழ், தமிழகத்தில் இரண்டு அல்லது மூன்று மாவட்டங்களுக்கு, ஒரு மெட்ரிக் பள்ளி ஆய்வாளர் வீதம், 15 பணியிடங்கள் உள்ளன. இதில் மெட்ரிக் பள்ளிகள் இயக்குனராக இருந்த செந்தமிழ்ச்செல்வி, 2012 டிசம்பர், 31ம் தேதியுடன் பணி ஓய்வு பெற்றார்.

அப்பொறுப்புகளை தேர்வுத்துறை இயக்குனர் வசுந்திராதேவி கூடுதலாக கவனித்து வருகிறார். தற்போது, ப்ளஸ் 2 செய்முறைத்தேர்வு மற்றும் பொதுத்தேர்வு பணிகளில் தேர்வுத்துறை இயக்குனரகம் ஈடுபட்டுள்ளதால், மெட்ரிக் பள்ளிகள் குறித்த பணிகள் தேக்கம் அடைந்துள்ளன.

அதே போல், தூத்துக்குடி, விருதுநகர், நெல்லை, கன்யாகுமரி, மதுரை, சிவகங்கை, தேனி, திண்டுக்கல், கரூர், சேலம், தர்மபுரி, கிருஷ்ணகிரி, வேலூர், திருவண்ணாமலை, சென்னை, தஞ்சை, திருவாரூர், நாகை உள்ளிட்ட மாவட்டங்களுக்கான, ஐ.எம்.எஸ்., ( மெட்ரிக் பள்ளி ஆய்வாளர்) பணியிடங்களும் காலியாக உள்ளன.இவற்றை அரசு மேல்நிலைப்பள்ளி தலைமை ஆசிரியர்கள் கவனித்து வருகின்றனர். இதனால் இயக்குனரகத்தில் மட்டுமின்றி, மாவட்டங்களிலும் மெட்ரிக் பள்ளிகள் குறித்த பணிகள் தேக்கம் அடைந்துள்ளன. இதனால் தனியார் பள்ளி நிர்வாகிகள்கடும் மன உளைச்சலுக்கு ஆளாகியுள்ளனர். தமிழ்நாடு நர்ஷரி, பிரைமரி, மெட்ரிக் மேல்நிலைப்பள்ளிகள் சங்க மாநில பொதுச்செயலாளர் நந்தகுமார் கூறியதாவது: இயக்குனர் அலுவலகத்தில், இயக்குனர், சூப்பிரண்டு உள்ளிட்ட பணியிடங்கள் காலியாகவே உள்ளது.

இதனால், 2,000 பள்ளிகள் தொடர் அங்கீகாரம் பெற முடியாத நிலை உள்ளது. அதில் தேர்வெழுதும் மாணவர்களுக்கு சிக்கல் இருப்பதோடு, அப்பள்ளி வாகனங்களுக்கு, எஃப்.சி., வாங்க முடியவில்லை. 2,000க்கு மேற்பட்ட பஸ்கள் பயன்படுத்த முடியாமல் நிற்கிறது. மெட்ரிக் பள்ளி ஆய்வாளர்களாக மாவட்டங்களில் பொறுப்பு வகிக்கும், மேல்நிலைப்பள்ளி ஆசிரியர்கள் பெரும்பாலும் ஒரு சில நாளில் ஓய்வு பெறும் நிலையில் உள்ளதால், வழக்கமான பணிகளை மேற்கொள்ளக்கூட தயக்கம் காட்டுகின்றனர். மேலும், பல தலைமை ஆசிரியர்கள் பள்ளி தேர்வு பணிகளால் அலுவலகத்துக்கு வருவதில்லை.இதனால் துவக்க அனுமதி வழங்குவது நிறுத்தி வைக்கப்பட்டுள்ளது, அனைத்து விதிமுறைகளும் உட்பட்டு உள்ள பள்ளிகளுக்கு கூட அங்கீகாரம் வழங்குவதில் தாமதம் ஏற்பட்டுள்ளது. மொத்தத்தில் மெட்ரிக் பள்ளிஅலுவலக பணிகளில் பெரும் முடக்கம் ஏற்பட்டுள்ளது. தனியார் பள்ளி நிர்வாகிகள் கடும் மன உளைச்சலுக்கு ஆளாகியுள்ளனர். உடனடியாக இயக்குனர் பணியிடம் மற்றும் மெட்ரிக் பள்ளி ஆய்வாளர் பணியிடங்களை நிரப்பவும், அங்கீகாரம் தொடர்பான பணிகளை விரைவு படுத்தவும் நடவடிக்கை எடுக்க வேண்டும்.
இவ்வாறு அவர் கூறினார்.

மத்திய பட்ஜெட்: வரி செலுத்துவோர் கனவு நிறைவேறுமா?

மத்திய நிதி அமைச்சர் ப.சிதம்பரம், வரும் 28ம் தேதி, 2013-14ம் நிதியாண்டிற்கான பட்ஜெட்டை, பார்லிமென்டில் தாக்கல் செய்ய உள்ளார். 2014ம் ஆண்டு வரவிருக்கும் பொதுத் தேர்தல், பணவீக்க உயர்வு, அதிகரித்துள்ள நடப்பு கணக்கு பற்றாக்குறை, அத்தியாவசியப் பொருள்களின் விலையேற்றம் உள்ளிட்டவற்றை மனதில் கொண்டு, அனைத்து தரப்பினருக்கான பட்ஜெட்டை உருவாக்கும் பெரும் பொறுப்பு அவருக்கு உள்ளது.

அதே சமயம், மக்களுக்கு, விலைவாசி குறையுமா, சமையல் எரிவாயுவிற்கான கட்டுப்பாடு அடியோடு நீக்கப்படுமா என்பது போன்ற எதிர்பார்ப்புகள் உள்ளன.வருமான வரி வரம்பு உயர்த்தப் படுமா, வீட்டு கடன் வட்டிக்கான வரிச் சலுகை கூடுமா என்பது போன்ற எதிர்பார்ப்புகளும், வரி செலுத்துவோருக்கு உள்ளன. இவற்றுக்கான விடை, அடுத்த 16வது நாளில் தெரிந்து விடும். இந்நிலையில், வரி செலுத்து

வோரின் பட்ஜெட் எதிர்பார்ப்புகளை இனி பார்க்கலாம்.வருமான வரி வரம்பு : தற்போதுள்ள வருமான வரி வரம்பை, 2 லட்சம் ரூபாயில் இருந்து, 3 லட்சம் ரூபாயாக உயர்த்த வேண்டும். 10 லட்ச ரூபாய்க்கு மேற்பட்ட வருவாய்க்கு, உச்சபட்சமாக, 30 சதவீத வரி விதிக்கப்படுகிறது. இதே மதிப்பிலான தொகைக்கு, ரஷ்யாவில், 13 சதவீதமும், ஹாங்காங்கில், 17 சதவீதமும், சிங்கப்பூரில், 20 சதவீதம் என்ற அளவில் தான் வரி விதிக்கப்படுகிறது.

அதை பின்பற்றி, உச்சபட்ச வரி வரம்பிற்கான வருமானத்தை, 10 லட்ச ரூபாயில் இருந்து 20 லட்ச ரூபாயாக உயர்த்தலாம். நேரடி வரிகள் குறித்து, பார்லிமென்ட் நிலைக்குழு, மத்திய அரசுக்கு அளித்த பரிந்துரையை பின்பற்றலாம். வீட்டு வாடகைப் படிவீட்டு வாடகைப் படிக்கான வரி விலக்கு, முதல் நிலை நகரங்களுக்கு, 50 சதவீதமாகவும், இரண்டாம் நிலை நகரங்களுக்கு, 40 சதவீதமாகவும் உள்ளது. சிறு நகரங்களிலும், வாழ்க்கை செலவினம் உயர்ந்துள்ளதால், இதை, அனைத்து நகரங்களுக்கும் பொதுவாக, 50 சதவீதமாக நிர்ணயிக்க வேண்டும்.

வீட்டு வசதிக் கடன் : வீட்டு வசதி கடனில், ஆண்டுக்கு, 1.50 லட்ச ரூபாய் வரை செலுத்தப்படும் வட்டிக்கு வரி விலக்கு அளிக்கப்படுகிறது. இதை, 5 லட்ச ரூபாயாக உயர்த்தலாம். கடந்த, 1999ம் ஆண்டுக்குப் பிறகு, இந்த வரம்பு உயர்த்தப்படவில்லை. அதே சமயம், நிலத்தின் மதிப்பு பன்மடங்காக உயர்ந்து விட்டது. வட்டியும் அதிகரித்துள்ளது. வரி விலக்கு வரம்பு உயர்த்தப்பட்டால், ரியல் எஸ்டேட் துறையிலும் முதலீடு குவியும்.

மருத்துவ செலவினங்கள் : தற்போது, ஒருவர் தமக்கும், குடும்பத்தாருக்கும் செய்யும், 15 ஆயிரம் ரூபாய் வரையிலான மருத்துவ செலவினங்களுக்கு, வரி விலக்கு அளிக்கப்படுகிறது. இதை, 50 ஆயிரம் ரூபாயாக உயர்த்தலாம்.

பயணப்படி : தற்போது, ஒரு நிறுவனம், அதன் ஊழியருக்கு மாதம், 800 ரூபாய் வரை வழங்கும் பயணப்படிக்கு, வரி விலக்கு வழங்கப்படுகிறது. இந்த வரம்பை, 3,500 ரூபாயாக உயர்த்த வேண்டும்.

கடந்த 1997ம் ஆண்டுக்குப் பிறகு, இதுவரை இந்த வரம்பு உயர்த்தப்படவில்லை. அதே சமயம், பெட்ரோல், டீசல் ஆகியவற்றின் விலை பல மடங்கு உயர்ந்து விட்டன.பல ஆண்டுகளாக, ஒரு லட்சம் ரூபாய் வரையிலான முதலீட்டிற்கு, வருமான வரிச் சட்டம், 80 சி., பிரிவின் கீழ் வரி விலக்கு வழங்கப்படுகிறது. இந்த வரம்பை, 3 லட்சம் ரூபாயாக உயர்த்த வேண்டும். இதனால், பல்வேறு சேமிப்பு திட்டங்களில், முதலீடு அதிகரிக்கும்.

கல்வி செலவினங்கள் : கல்வி சார்ந்த செலவினங்கள் அனைத்திற்கும், வரிச் சலுகை வழங்க வேண்டும். தற்போது, கல்விப் பயற்சிக் கட்டணத்திற்கு மட்டுமே, 80 சி., பிரிவின் கீழ் வரி விலக்கு அளிக்கப்படுகிறது. இச்சலுகை, பள்ளி சேர்க்கை கட்டணம், விடுதிக் கட்டணம் போன்றவற்றுக்கும் விரிவுபடுத்த வேண்டும். இந்தியாவில் தனியார் கல்வி நிறுவனங்கள் பெருகி வருகின்றன. கல்விச் செலவினமும் அதிகரித்து வருகிறது. அதனால், 10 லட்சத்திற்கு மேற்பட்ட கல்விச் செலவினத்திற்கு, 80 சி., பிரிவின் கீழ், தனி வரம்பை ஏற்படுத்தலாம்.

வரும், 16ம் தேதி நடக்க உள்ள, குரூப்-1 தேர்வுக்கான, "ஹால் டிக்கெட்' டி.என்.பி.எஸ்.சி., இணையதளத்தில் வெளியிடப்பட்டுள்ளது.

வரும், 16ம் தேதி நடக்க உள்ள, குரூப்-1 தேர்வுக்கான, "ஹால் டிக்கெட்' டி.என்.பி.எஸ்.சி., இணையதளத்தில் வெளியிடப்பட்டுள்ளது.துணை கலெக்டர், மாவட்ட வேலை வாய்ப்பு அலுவலர், டி.எஸ்.பி., உள்ளிட்ட பதவிகளில், காலியாக உள்ள, 25 பணியிடங்களை நிரப்ப, 16ம் தேதி, 33 மையங்களில், முதல்நிலைத் தேர்வு நடக்கிறது.விண்ணப்பித்த, தேர்வர்களுக்கு, தேர்வாணைய இணையதளத்தில், ஹால் டிக்கெட் வெளியிடப்பட்டுள்ளது. தேர்வர்கள், ஹால் டிக்கெட்டை, பதிவிறக்கம் செய்து, தேர்வில் பங்கேற்கலாம் என, தேர்வாணையம் அறிவித்துள்ளது.

மாணவர்களுக்கு வழங்கிய கல்வி உதவித் தொகை, 81 லட்சம் ரூபாயை கையாடல் செய்த விவகாரத்தில், "சஸ்பெண்ட்' செய்யப்பட்ட, 77 பேரில், 67 தலைமையாசிரியர்களுக்கு, ஏழு மாதங்களுக்கு பின், மீண்டும் பணி வழங்கப்பட்டது.

மாணவர்களுக்கு வழங்கிய கல்வி உதவித் தொகை, 81 லட்சம் ரூபாயை கையாடல் செய்த விவகாரத்தில், "சஸ்பெண்ட்' செய்யப்பட்ட, 77 பேரில், 67 தலைமையாசிரியர்களுக்கு, ஏழு மாதங்களுக்கு பின், மீண்டும் பணி வழங்கப்பட்டது.

நாமக்கல் மாவட்டத்தில், தொடக்க, நடுநிலைப் பள்ளி என, 1,002 பள்ளிகள் உள்ளன. அப்பள்ளிகளில் பயிலும் ஆதி திராவிட பிரிவைச் சேர்ந்த, ஒன்று முதல், பிளஸ் 2 வரை பயிலும் மாணவ, மாணவியருக்கு, ஆதி திராவிடர் நலத்துறை மூலம், ஆண்டு தோறும், 1,850 ரூபாய் கல்வி உதவித்தொகை வழங்கப்படுகிறது.ஆதி திராவிட பிரிவில், சுகாதாரமற்ற தொழிலில் ஈடுபடும் பெற்றோரின் குழந்தைகளுக்கு, இக்கல்வி உதவித் தொகை வழங்கப்படும். நாமக்கல் மாவட்டத்தில், 2010 - 11 மற்றும் 2011-12ம் ஆண்டுக்கான, 81 லட்சம் ரூபாய் கல்வி உதவித் தொகையை, அரசிடம் இருந்து, ஆதி திராவிடர் நலத்துறையினர் பெற்றனர்.

அந்தந்த பள்ளி தலைமையாசரியர்களுக்கு, மாவட்ட ஆதி திராவிடர் நலத்துறை மூலம், அத்தொகை, காசோலையாக வழங்கப்பட்டது. போலிக் கையெழுத்திட்டு, 81 லட்சம் ரூபாயை, சம்பந்தப்பட்ட பள்ளி தலைமையாசிரியர்கள், "ஸ்வாகா' செய்தனர். புரோக்கர்கள் சிலர், ஆதி திராவிட நலத்துறை மற்றும் தலைமையாசிரியர்களுக்கு, பாலமாக செயல்பட்டனர். இதில் தொடர்புடைய, 77 பள்ளி தலைமையாசிரியர்கள், 2012 ஆக., 3ம் தேதி, சஸ்பெண்ட் செய்யப்பட்டனர்; அதில், 51 பேர், பெண் தலைமையாசிரியர்கள். இந்த மோசடியில் ஈடுபட்ட, மாவட்ட ஆதி திராவிடர் நலத்துறை அலுவலர் ராமச்சந்திரன், கண்காணிப்பாளர் உமாபதி ஆகியோரும், சஸ்பெண்ட் செய்யப்பட்டனர்.

அவர்கள் அனைவருக்கும், விளக்கம் கேட்டு, "மெமோ' வழங்கப்பட்டது. மேலும், ஏழு பேர் மீது, போலீசார் மற்றும் லஞ்ச ஒழிப்பு துறை போலீஸ் வழக்கு பதிந்து, விசாரணை நடத்துகின்றனர்.
இந்நிலையில், சஸ்பெண்ட் செய்யப்பட்ட, 67 துவக்கப் பள்ளி தலைமையாசிரியர்கள், மீண்டும் பணியாற்ற, அந்தந்த, ஏ.இ.இ.ஓ.,க்கள் மூலம் நேற்று உத்தரவு வழங்கப்பட்டது. அதே பள்ளியில் இல்லாமல், வட்டாரத்தில் உள்ள மற்றொரு பள்ளியில் பணியாற்ற உத்தரவிடப்பட்டுள்ளது.மாவட்ட தொடக்கக் கல்வி அலுவலர் அருள்மொழிதேவி கூறுகையில், ""ஒழுங்கு நடவடிக்கைக்கு, பாதகம் இல்லாமல் பணியாற்ற வேண்டும் என, அறிவுறுத்தப்பட்டுள்ளது. அவர்கள் மீது, தொடர்ந்து விசாரணை மேற்கொள்ளப்படும். இந்த விசாரணை அறிக்கையின் முடிவில், இறுதி நடவடிக்கை எடுக்கப்படும்,'' என்றார்.

குறைந்தபட்ச நில அளவு இல்லாததன் காரணமாக, வரும் கல்வியாண்டில், 1,500 பள்ளிகள் மூடப்படும் அபாயம்.

குறைந்தபட்ச நில அளவு இல்லாததன் காரணமாக, 1,500 பள்ளிகள், தொடர் அங்கீகாரம் இல்லாமல் இயங்கி வருகின்றன. இந்த விவகாரத்தில், ஜூன் மாதம் பள்ளிகள் துவங்கும் முன், ஒரு முடிவை எடுக்க வேண்டிய நிலையில் தமிழக அரசு உள்ளது.இலவச மற்றும் கட்டாயக்கல்வி சட்டத்தின்படி, அனைத்து வகை பள்ளிகளும், அரசின் அங்கீகாரத்துடன் இயங்க வேண்டும். அங்கீகாரம் இல்லாமல், பள்ளிகள் இயங்கக் கூடாது. அப்படி இயங்கினால், அந்தப் பள்ளிகளை மூட வேண்டும் என, சட்டத்தில் தெரிவிக்கப்பட்டுள்ளது.

இதன்படி, தமிழக அரசு நிர்ணயித்த குறைந்தபட்ச நில அளவு இல்லாததன் காரணமாக, 1,500 பள்ளிகள் வரை, மூடும் அபாயத்தில் உள்ளன. ஊராட்சி பகுதியாக இருந்தால், 3 ஏக்கர்; நகர பஞ்சாயத்து பகுதி எனில், 1 ஏக்கர்; நகராட்சி பகுதியாக இருந்தால், 10 கிரவுண்டு; மாவட்ட தலைநகராக இருந்தால், 8 கிரவுண்டு; மாநகராட்சி பகுதியாக இருந்தால், 6 கிரவுண்டு இடமும், பள்ளிக்கு கண்டிப்பாக இருக்க வேண்டும்.இந்த நில அளவு, 20, 25 ஆண்டுகளுக்கு முன் துவங்கிய பள்ளிகளில் இல்லை. தற்போது துவங்கப்படும் பள்ளிகள், மேற்கண்ட குறைந்தபட்ச நில பரப்புடன் விண்ணப்பிக்கின்றன. பழைய பள்ளிகளில், குறைந்தபட்ச நில அளவு இல்லாததால், தொடர் அங்கீகாரம் வழங்க, சம்பந்தந்பட்ட துறைகள் மறுத்து விட்டன.இதன் காரணமாக, மெட்ரிகுலேஷன் இயக்குனரக துறையில், 1,000 பள்ளிகளும், பள்ளி கல்வித் துறையின் கீழ், 120 பள்ளிகளும், தொடக்க கல்வித் துறையின் கீழ், 500 நர்சரி, பிரைமரி மற்றும் துவக்க, நடுநிலைப் பள்ளிகளும், அங்கீகாரம் இன்றி செயல்படுவதாக கூறப்படுகிறது. ஜூன் மாதம் பள்ளி துவங்குவதற்குள், இந்த பிரச்னையில், ஒரு முடிவை எடுக்க வேண்டிய கட்டாயத்தில், தமிழக அரசு உள்ளது.

இது குறித்து, தமிழ்நாடு தனியார் பள்ளிகள் சங்க கூட்டமைப்பின் செயலர் இளங்கோவன் கூறியதாவது:நில அளவு காரணமாகத் தான், அங்கீகாரம் பெற முடியாத நிலை உள்ளது. இதனால், பள்ளி வாகனங்களுக்கு, "பெர்மிட்'டும் வாங்க முடியவில்லை. அங்கீகாரம் இல்லாததால், பல்வேறு பிரச்னைகள் ஏற்படுகின்றன.புதிய விதிமுறைகளை பூர்த்தி செய்ய, 6 ஆண்டுகள், தமிழக அரசு கால அவகாசம் அளித்தது. இருந்தபோதும், நில மதிப்பு, 20 மடங்கு அதிகரித்துள்ள நிலையில், பள்ளியை ஒட்டி, நிலம் வாங்க முடியாத நிலை உள்ளது.பள்ளிக்கு, அருகாமையில், இடம் வாங்கினால், அதை ஏற்பது இல்லை. பள்ளிக்கு பக்கத்திலேயே வாங்க வேண்டும் என, கூறுகின்றனர். நடைமுறையில், இது எந்த அளவிற்கு சாத்தியம் என்பதை, அதிகாரிகளும், அரசும் உணர வேண்டும்.எனவே, பள்ளி இயங்கும் இடத்திற்கு ஏற்ப, குறிப்பிட்ட மாணவ, மாணவியர் படிக்கும் வகையில், அரசு அனுமதித்து, உத்தரவு வழங்க வேண்டும்.ஒரு மாணவருக்கு, 10 சதுர அடி வேண்டும் என, அரசு கூறுகிறது. 6 சதுர அடி போதும் என, நாங்கள் கூறுகிறோம். 20 ஆண்டுகளுக்கு முன் துவங்கப்பட்ட பள்ளிகள், புதிய விதிமுறைகளை நிறைவேற்றுவதில் உள்ள பிரச்னைகளை உணர்ந்து, அரசு சுமூகமான ஒரு முடிவை எடுத்து, வரும் கல்வி ஆண்டு துவங்குவதற்கு முன் அறிவிக்க வேண்டும்.இவ்வாறு இளங்கோவன் கூறினார்.மெட்ரிக் பள்ளி இயக்குனரக வட்டாரம் கூறுகையில்,"கட்டாயக் கல்வி சட்டத்தின்படி, அங்கீகாரம் இல்லாத பள்ளிகள் இயங்கக் கூடாது. இந்த பிரச்னையை, அரசுக்கு சுட்டிக்காட்டி உள்ளோம். ஜூன் மாதத்திற்குள், தமிழக அரசு, ஒரு முடிவை எடுத்து அறிவிக்கும் என, எதிர்பார்க்கிறோம்,' என, தெரிவித்தனர்.

தனியார் பள்ளிகளுக்கு, அடுத்த 3 ஆண்டுக்கான கட்டணத்தை நிர்ணயிக்க 11600 பள்ளிகளிடம் அடுத்த மாதம் விசாரணை நடத்த கட்டண குழு முடிவு செய்துள்ளது.

தனியார் பள்ளிகளுக்கு, அடுத்த 3 ஆண்டுக்கான கட்டணத்தை நிர்ணயிக்க 11600 பள்ளிகளிடம் அடுத்த மாதம் விசாரணை நடத்த கட்டண குழு முடிவு செய்துள்ளது. இதையடுத்து, தனியார் பள்ளிகளுக்கான வினா படிவங்கள் பள்ளி கல்வி இணைய தளத்தில் நேற்று வெளியிடப்பட்டன. தனியார் பள்ளிகளுக்கான கட்டணங்களை முறைப்படுத்த 2009ல் கட்டண குழு அமைக்கப்பட்டது. 13 ஆயிரம் பள்ளிகளுக்கு கட்டணம் நிர்ணயம் செய்ய குழு நோட்டீஸ் அனுப்பியது. தனியார் பள்ளிகள் கட்டண குழுவிடம் வரவு செலவு கணக்கை ஒப்படைத்து விசாரணையில் பங்கேற்றன. 2010 மே மாதம் அந்த பள்ளிகளுக்கு கட்டணம் நிர்ணயிக்கப்பட்டது.

ஆனால் 6400 பள்ளிகள் கட்டணத்தை ஏற்க மறுத்து மேல் முறையீடு செய்தன. அந்த பள்ளிகள் மற்றும் சிபிஎஸ்இ பள்ளிகள் உள்பட மொத்தம் 7 ஆயிரம் பள்ளிகளிடம் கட்டண குழு விசாரணை நடத்தியது. இதன்படி 2013ம் ஆண்டு வரைக்குமான கட்டணம் நிர்ணயம் செய்யப்பட்டது. தற்போது 2013ம் ஆண்டுக்கான கால வரம்பு முடிவடையும் நிலையில் உள்ளதால், 2013ம் ஆண்டு வரை செல்லுபடியாகும் கட்டணம் நிர்ணயிக்கப்பட்ட 11600 பள்ளிகளுக்கு, 2014, 2015, 2016ம் ஆண்டுகளுக்கான கட்டணம் நிர்ணயம் செய்ய வேண்டியுள்ளது.

இதையடுத்து, மேற்கண்ட பள்ளிகளுக்கான வினா படிவங்களை கட்டண குழு நேற்று பள்ளி கல்வி இணைய தளத்தில் வெளியிட்டுள்ளது. பூர்த்தி செய்யப்பட்ட வினா படிவங்கள் கட்டண குழுவுக்கு வந்து சேர்ந்ததும், மார்ச் முதல் வாரத்தில் விசாரணை நடத்த கட்டணக் குழு திட்டமிட்டுள்ளது. இதற்கான அழைப்பு கடிதங்கள் சில நாட்களில் அனுப்பி வைக்கப்படும் என்று பள்ளிக் கல்வி வட்டாரங்கள் தெரிவித்தன.

Monday, February 11, 2013

தமிழகம் முழுவதுமுள்ள 218 தொடக்கப் பள்ளித் தலைமையாசிரியர் பணியிடங்களை நடுநிலைப் பள்ளித் தலைமையாசிரியர் பணியிடங்களாகத் தரம் உயர்த்தி அரசு உத்தரவு பிறப்பித்துள்ளது.

தமிழகம் முழுவதுமுள்ள 218 தொடக்கப் பள்ளித் தலைமையாசிரியர் பணியிடங்களை நடுநிலைப் பள்ளித் தலைமையாசிரியர் பணியிடங்களாகத் தரம் உயர்த்தி அரசு உத்தரவு பிறப்பித்துள்ளது.

இது தொடர்பாக பள்ளிக் கல்வித் துறை முதன்மைச் செயலர் சபிதா கூறியிருப்பதாவது:

அனைவருக்கும் கல்வி இயக்கத் திட்டத்தின் கீழ் 2001 கல்வியாண்டு முதல் தேவை மற்றும் தகுதியின் அடிப்படையில் தொடக்கப் பள்ளிகள் நடுநிலைப் பள்ளிகளாகத் தரம் உயர்த்தப்பட்டு வருகின்றன.

அதுபோல் 2010-11ஆம் கல்வியாண்டில் அனைவருக்கும் கல்வித் திட்டத்தின் கீழ் 218 தொடக்கப் பள்ளிகள் நடுநிலைப் பள்ளிகளாகத் தரம் உயர்த்தப்பட்டன. இந்தப் பள்ளிகள் 2012-2013-ஆம் கல்வியாண்டில் 6, 7, 8 வகுப்புகளுடன் முழுமை பெற்ற நடுநிலைப் பள்ளிகளாக

இயங்குகின்றன. எனவே, 218 தொடக்கப் பள்ளித் தலைமையாசிரியர் பணியிடங்களும் நடுநிலைப் பள்ளித் தலைமையாசிரியர் பணியிடங்களாகத் தரம் உயர்த்தப்படுகின்றன.

அவ்வாறு நிலையுயர்த்தப்படும் நடுநிலைப் பள்ளித் தலைமையாசிரியர் பணியிடங்களை தொடக்கப் பள்ளித் தலைமையாசிரியர் பணியிடங்களிலிருந்தும், பட்டதாரி ஆசிரியர் மற்றும் தமிழாசிரியர் பணியிடங்களிலிருந்தும் முன்னுரிமை பட்டியலின்படி, பணிமூப்பு அடிப்படையில் பதவி உயர்வு மூலமாக நிரப்பிக் கொள்ள தொடக்கக் கல்வி இயக்குநருக்கு அனுமதி அளித்து உத்தரவிடப்படுகிறது என அந்த ஆணையில் தெரிவிக்கப்பட்டுள்ளது.

அகில இந்திய கால்நடை மருத்துவப் படிப்புகளுக்கான நுழைவுத் தேர்வுக்கு விண்ணப்பிக்க காலக்கெடு பிப்ரவரி 22 வரை காலக்கெடு நீட்டிக்கப்பட்டுள்ளது.

அகில இந்திய கால்நடை மருத்துவப் படிப்புகளுக்கான நுழைவுத் தேர்வுக்கு விண்ணப்பிக்க காலக்கெடு பிப்ரவரி 22 வரை காலக்கெடு நீட்டிக்கப்பட்டுள்ளது.

முன்னதாக, பிப்ரவரி 15-ம் தேதிக்குள் விண்ணப்பங்களைச் சமர்ப்பிக்க வேண்டும் என்று அறிவிக்கப்பட்டிருந்தது. கால்நடை மருத்துவப் படிப்புகளில் அகில இந்திய ஒதுக்கீட்டுக்கு 15 சதவீத இடங்களை ஒதுக்கீடு செய்ய வேண்டும். இந்த நுழைவுத் தேர்வுக்கான விண்ணப்பங்கள் பிப்ரவரி 8-ம் தேதி வரை மட்டுமே விற்பனை செய்யப்படும் என்று அறிவிக்கப்பட்டிருந்தது. இப்போது விண்ணப்ப விற்பனை தேதி பிப்ரவரி 15 வரையிலும், சமர்ப்பிக்கும் தேதி பிப்ரவரி 22 வரையிலும் நீட்டிக்கப்பட்டுள்ளதாக தமிழ்நாடு கால்நடை மருத்துவப் பல்கலைக்கழகத்தின் தேர்வுக் கட்டுப்பாட்டாளர் எம்.திருநாவுக்கரசு தெரிவித்துள்ளார்.

அரசுப் பொதுத் தேர்வு மையங்களில் இந்த ஆண்டும் ஜெனரேட்டர் வசதி செய்ய வேண்டும் என அந்தந்த மையங்களுக்கு அரசு தேர்வுத் துறை அறிவுறுத்தியுள்ளது.

அரசுப் பொதுத் தேர்வு மையங்களில் கடந்த ஆண்டு ஜெனரேட்டர் பயன்படுத்தியதற்கான செலவுத் தொகை வழங்கப்படாத நிலையில், இந்த ஆண்டும் ஜெனரேட்டர் வசதி செய்ய வேண்டும் என அந்தந்த மையங்களுக்கு அரசு தேர்வுத் துறை அறிவுறுத்தியுள்ளது.

தமிழக அரசின் பள்ளிக் கல்வித் துறையால் இந்த ஆண்டு மாநிலம் முழுவதும் அமைக்கப்பட்டுள்ள சுமார் 3,500 எஸ்எஸ்எல்சி தேர்வு மையங்கள் மூலம் 11 லட்சம் மாணவர்கள் தேர்வு எழுதவுள்ளனர். அதேபோல, சுமார் 2,000 பிளஸ் 2 தேர்வு மையங்கள் மூலம் 9 லட்சம் மாணவர்கள் அரசுப் பொதுத் தேர்வை எழுதவுள்ளனர்.

இந்த நிலையில், தமிழகத்தில் நிலவி வரும் மின் பற்றாக்குறை காரணமாக தேர்வு எழுதும் மையங்களில் மாணவர்களுக்கு ஏற்படும் சிரமங்களைத் தடுக்கும் நோக்கில், தேர்வு மையங்களில் ஜெனரேட்டர் வசதி செய்ய வேண்டுமென கடந்த ஆண்டு தேர்வின் போது தமிழக அரசு உத்தரவிட்டது.

இதற்காக ஆகும் செலவை சம்பந்தப்பட்ட பள்ளிகளுக்கு வழங்கும் வகையில், மாவட்ட ஆட்சியரைத் தலைவராகவும், மின் வாரியப் பொறியாளர், பொதுப் பணித் துறை அலுவலர், முதன்மைக் கல்வி அலுவலர், மாவட்டக் கல்வி அலுவலர் ஆகியோரை உறுப்பினர்களாகவும் கொண்ட குழு அமைக்கப்பட்டது. இதையடுத்து, கடந்த கல்வி ஆண்டில் நடந்த இரு பொதுத் தேர்வுகளிலும் ஜெனரேட்டர் வசதி செய்யப்பட்டதை தமிழக அரசு தீவிரமாகக் கண்காணித்தது.

இந்த நிலையில், தேர்வுகள் முடிந்ததும் ஜெனரேட்டர் வாடகையை உடனடியாகக் கொடுக்க வேண்டிய கட்டாயத்தால், சம்பந்தப்பட்ட பள்ளித் தலைமை ஆசிரியர்கள் பலர் தங்களுடைய சொந்த பணத்தையும், சிலர் பெற்றோர்-ஆசிரியர் கழகத்தில் உள்ள நிதியையும் எடுத்து செலவு செய்தனர். எஸ்எஸ்எல்சி தேர்வு மையத்துக்கு சுமார் ரூ. 12 ஆயிரமும், பிளஸ் 2 தேர்வு மையத்துக்கு இருமடங்கும் ஜெனரேட்டருக்கான வாடகையாகச் செலவழிக்கப்பட்டுள்ளது. ஆனால், அடுத்த பொதுத் தேர்வு நடைபெறவுள்ள நிலையில், கடந்த ஆண்டு செலவழித்த தொகையே இதுவரை சம்பந்தப்பட்ட பள்ளிகளுக்கு திரும்பக் கிடைக்கவில்லை.

சென்னையைத் தவிர, பிற மாவட்டங்களில் 2 மணி நேரத்துக்கும் அதிகமாக மின்தடை நீடிக்கும் நிலையில், வரும் மார்ச் 1-ஆம் தேதி தொடங்கி, 27-ம் தேதி வரை பிளஸ் 2 தேர்வு நடைபெறவுள்ளது. இதையடுத்து, ஜெனரேட்டர் வசதி செய்ய வேண்டுமென தேர்வு மையங்கள் அமைந்துள்ள பள்ளிகளுக்கு தேர்வுத் துறை அறிவுறுத்தியுள்ளது. ஒவ்வொரு மாவட்டத்திலும் தேர்வு மையம் அமைந்துள்ள பள்ளிகளில் தேர்வு நேரமான காலை 10 மணி முதல் பிற்பகல் 1 மணி வரை மின்தடை ஏற்படும் நேரம் குறித்த தகவல்கள் மாவட்ட கல்வித் துறையால் திரட்டப்பட்டு வருகின்றன.

இதுகுறித்து மாவட்ட கல்வித் துறை அதிகாரிகள் கூறியது:

கடந்த ஆண்டு ஜெனரேட்டர் அமைத்தத் தேர்வு மையங்களின் செலவுப்பட்டியல் சேகரித்து வைக்கப்பட்டுள்ளன. இதுவரை அதற்கான நிதி ஒதுக்கீடு வரவில்லை. எனினும், மாணவர்களின் நலன் கருதி, மின்தடையை சமாளிக்க இந்த ஆண்டும் ஜெனரேட்டர் வசதி செய்ய வேண்டும் என்பதில் முனைப்புடன் இருக்கிறோம் என்றனர்.

தமிழக அரசின் அனைத்து அலுவலகங்கள், அரசு நிறுவன அலுவலகங்கள், பள்ளிகளில் இணையதள வசதி செய்ய, அரசு நடவடிக்கை எடுத்துள்ளது.

தமிழக அரசின் அனைத்து அலுவலகங்கள், அரசு நிறுவன அலுவலகங்கள், பள்ளிகளில் இணையதள வசதி செய்ய, அரசு நடவடிக்கை எடுத்துள்ளது. இதற்காக, ஒப்பந்த அடிப்படையில், தொலைத் தொடர்பு, "பிராட்பேண்ட்' இணைப்பை பெற, எல்காட் நிறுவனம் டெண்டர் கோரியுள்ளது. 50 கோடி ரூபாய் மதிப்பிலான இப்பணிகள், மூன்று மாதங்களில் முடிவடையும் என, எதிர்பார்க்கப்படுகிறது. தமிழக அரசின் நிர்வாகப் பணிகள் அனைத்தும், மின்னணு முறையில் மாற்றப்பட்டு வருகிறது. இதனால், அரசின் தகவல் பரிமாற்றங்களைக் கூட, மின்னணு முறையில் மேற்கொள்ள நடவடிக்கை எடுக்கப்பட்டுள்ளது.இதற்காக, தமிழக ஏரியா நெட்வொர்க், தமிழக டேட்டா மையம், மின்னணு மாவட்டத் திட்டம், மாநில சேவைகளை வழங்கும் வழித் தடம் ஆகிய திட்டங்களை, தமிழக அரசு செயல்படுத்தி வருகிறது.இத்திட்டங்களை, மாநில அரசு அலுவலர்கள் பயன்படுத்த வேண்டும் என்றால், அலுவலகங்களை இணையதளத்தில் இணைக்க வேண்டிய கட்டாயம் ஏற்பட்டுள்ளது. மேலும், அலுவலகத்தின் அன்றாடப் பணிகளை, மின்னணு முறைக்கு மாற்ற வேண்டிய அவசியமும் ஏற்பட்டுள்ளது.பல சேவைகளை, ஆன்-லைனில் செய்ய வேண்டி இருப்பதால், இணையதள இணைப்புகள் அவசியமாகின்றன. எனவே, தமிழக அரசின் அனைத்து அலுவலகங்களிலும், இணையதள வசதியை ஏற்படுத்த அரசு நடவடிக்கை எடுத்துள்ளது.இவற்றோடு, அரசு உயர்நிலை மற்றும் மேல்நிலைப் பள்ளிகளிலும், இணையதள வசதி ஏற்படுத்தப்படுகிறது. இணையதள வசதியோடு, ஒவ்வொரு துறை அலுவலகங்களும், வங்கிகளைப் போல, கணினி நெட்வொர்க்கில் இணைக்கப்படுகின்றன.இதற்காக, அரசு மற்றும் தனியார் தொலைத் தொடர்பு நிறுவனங்கள் பங்கேற்கும், ஒப்பந்தப் புள்ளியை, எல்காட் நிறுவனம் கோரியுள்ளது.ஒவ்வொரு அலுவலகத்துக்கும், தரை வழி தொலைபேசி இணைப்புடன், பிராட்பேண்ட் இணைப்புகள் வழங்குதல், தரை வழி தொலைபேசிக்கு, இலவச உள் அழைப்பு வசதி மட்டும் இருக்கும் வகையில், இணைப்புகள் அளிக்கப்படுகின்றன.இதுகுறித்து, தமிழக அரசு மூத்த அதிகாரி ஒருவர் கூறியதாவது:அனைத்து அலுவலகங்களும், இணையதள வசதி பெறும் போது, தகவல் பரிமாற்றம் எளிதாவதோடு, அரசின் அனைத்து செயல் மற்றும் தகவல்களை, இணைய தளம் மூலம், உடனுக்குடன் அறிய முடியும். நாட்டின் கடை கோடியில் இருக்கும் அலுவலகங்கள் கூட, மக்களுக்கு உடனுக்குடன் சேவையை அளிக்க முடியும்.இவ்வாறு அவர் தெரிவித்தார்.ஒப்பந்தப் புள்ளிகள் முடிவு செய்யப்பட்டு, மூன்று மாதங்களில், அனைத்து அலுவலகங்களிலும், இணையதள வசதி அளிக்கப்படும் என, எல்காட் வட்டாரங்கள் கூறுகின்றன.

இக்னோ பல்கலையில் "இ-ஞான்கோஸ்' கல்வி இணையதளத்தின் மூலம் 2000கும் மேற்பட்ட பாட விளக்கங்களின் வீடியோ தொகுப்பை, "ஆன்லைன்' மூலம் இலவசமாக படிக்கலாம் என, பல்கலை மண்டல இயக்குனர் மோகனன் தெரிவித்தார்.

""இக்னோ பல்கலையில் "இ-ஞான்கோஸ்' கல்வி இணையதளத்தின் மூலம் 2000கும் மேற்பட்ட பாட விளக்கங்களின் வீடியோ தொகுப்பை, "ஆன்லைன்' மூலம் இலவசமாக படிக்கலாம்,'' என, பல்கலை மண்டல இயக்குனர் மோகனன் தெரிவித்தார்.பல்கலை பேராசிரியர்கள், பொறுப்பாளர்களுக்கான கலந்தாய்வில் அவர் பேசியதாவது:பல்கலையில் 530 பாடத்திட்டங்கள், மதுரை மண்டலத்தில் 120 பாடத்திட்டங்கள் உள்ளன. முதன்முதலாக இணையதளத்தின் மூலம் 2000க்கும் மேற்பட்ட பாடத்திட்டங்கள், கருத்தரங்க தகவல்களை வெளியிட்டுள்ளோம். "ஆன்லைன்' மூலம் மாணவர்கள் இலவசமாக படிக்கலாம். அடுத்த மாதத்தில் "ஞான் வாணி' பண்பலை, மதுரை மண்டலத்தில் துவங்க உள்ளது. இதில் "டோல் ப்ரீ' எண் மூலம், மாணவர்கள், நிபுணர்களுடன் இலவசமாக கலந்துரையாடலாம். சென்னையில் ஹீரோ நிறுவனத்தின் மூலம் "மோட்டார் ரிப்பேரிங்' குறித்த சான்றிதழ் பயிற்சியில், 100 பேருக்கு வேலை வாய்ப்பு வழங்கப்பட்டது. அதில் 20 பேர் டீலர்களாக உள்ளனர். படிக்காதவர்களையும், இம்மையத்தில் சேர்க்கும் வகையில், நிறைய சான்றிதழ் பயிற்சி வகுப்புகளை நடத்தி வருகிறோம். மதுரை மண்டலத்தில் விரைவில் "மோட்டார் ரிப்பேரிங்' பயிற்சி துவக்கப்படும். விவசாயம், நீர் மேலாண்மை தொடர்பான சான்றிதழ் வகுப்புகளும் நடத்தப்பட உள்ளன, என்றார்.பயிற்சி கையேட்டை, மதுரை காமராஜ் பல்கலை டீன் ராஜ்யகொடி வெளியிட்டார். மண்டல துணை இயக்குனர் கிஷோர் குமார், உதவி இயக்குனர் நம்பூதிரிபாட், உதவி பதிவாளர் விஜயகுமார் பங்கேற்றனர்.

மாணவர்களிடம் இருந்து வசூலிக்கப்பட்ட அதிக கல்விக் கட்டணத்தை, திரும்பச் செலுத்த, மெட்ரிக் பள்ளிக்கு கட்டண நிர்ணயக் குழு பிறப்பித்த உத்தரவு சரிதான் என்று, சென்னை ஐகோர்ட்டு உத்தரவிட்டது.

மாணவர்களிடம் இருந்து வசூலிக்கப்பட்ட அதிக கல்விக் கட்டணத்தை, திரும்பச் செலுத்த, மெட்ரிக் பள்ளிக்கு கட்டண நிர்ணயக் குழு பிறப்பித்த உத்தரவு சரிதான் என்று, சென்னை ஐகோர்ட்டு உத்தரவிட்டது.

சென்னை ஐகோர்ட்டில் அண்ணாநகர் மேற்கில் உள்ள லியோ மெட்ரிக் மேல்நிலைப் பள்ளியின் செயல் செயலாளர் ஜி.வேல்முருகன் தாக்கல் செய்த மனுவில் கூறப்பட்டு இருப்பதாவது எங்கள் பள்ளி மாணவர்களிடம் வசூலிக்க வேண்டிய கட்டணத்தை நீதிபதி கே.ரவிராஜபாண்டியன் தலைமையிலான கட்டண நிர்ணயக் குழு நிர்ணயம் செய்து உத்தரவிட்டது.நவீன கல்வி அளிக்கும் Ôஸ்மார்ட் கிளாஸ்Õ போன்ற சில கல்வி அம்சங்களைத் தவிர்த்து எங்கள் பள்ளிக்கு கட்டணம் நிர்ணயம் செய்யப்பட்டு இருந்தது. இந்த நிலையில், நாங்கள் அதிக கட்டணம் வசூலிப்பதாக பெற்றோர் புகார் கூறியிருப்பதாகக் கூறி, மெட்ரிக் பள்ளிகள் ஆய்வாளர் விசாரணை நடத்தினார்.

அதைத் தொடர்ந்து எங்கள் பள்ளி வசூலித்ததாகக் கூறப்படும் அதிக கட்டணத்தை மாணவர்களிடம் திரும்பக் கொடுப்பதற்கு நடவடிக்கை எடுக்கவேண்டும் என்று மெட்ரிக் பள்ளிகள் இணை இயக்குனருக்கு கட்டண நிர்ணயக் குழுவின் தலைவர் 27.3.12 அன்று உத்தரவிட்டார்.இந்த உத்தரவின் அடிப்படையில் அதே நாளில் மெட்ரிக் பள்ளியின் இயக்குனர், இணை இயக்குனர்கள் அவசர அவசரமாக நடவடிக்கை எடுத்தனர். எங்களுக்கு பதிலளிக்க போதிய வாய்ப்பு வழங்காதது இயற்கை நீதியை மீறிய செயலாகும். எனவே அந்த உத்தரவை ரத்து செய்ய வேண்டும்.
இவ்வாறு அதில் கூறப்பட்டுள்ளது.

இந்த மனுவை நீதிபதிகள் ஆர்.பானுமதி, கே.கே.சசீதரன் ஆகியோர் விசாரித்தனர். அவர்கள் பிறப்பித்த உத்தரவு வருமாறு:கூடுதல் கட்டணத்தை செலுத்தாத மாணவர்கள், பரீட்சை எழுத அனுமதிக்கப்படவில்லை என்ற புகாரை பெற்றோர்கள் கூறியுள்ளனர். எனவே அதுபோன்ற நிலை ஏற்பட்டுவிடக்கூடாது என்பதற்காக கட்டண நிர்ணயக் குழுத் தலைவர் உடனடியாக செயல்பட்டு, மெட்ரிக் பள்ளிகள் இயக்குனருக்கு கடிதம் எழுதியதாக, கூடுதல் அரசுப் பிளீடர் சஞ்சய்காந்தி வாதிட்டார்.

மாணவர்கள் தேர்வு எழுதுவதில் பிரச்சினை எழக்கூடாது என்ற அவசர நிலையில் மற்ற உறுப்பினர்களை அவசர அவசரமாக அழைத்து கூட்டம் நடத்தி முடிவு எடுப்பது இயலாத காரியம். மாணவர்களின் நலன் கருதி அப்படி ஒரு முடிவை குழுவின் தலைவர் எடுத்திருப்பது சரிதான்.அதிக கட்டணத்தை பள்ளிகள் வசூலிப்பது குறித்த புகார்களை விசாரிப்பதற்கு கட்டண நிர்ணயக் குழுவுக்கு அதிகாரம் அளிக்கப்பட்டு இருப்பதால், அந்த புகார்கள் தொடர்பான ஆய்வுகளை நடத்த மெட்ரிக் பள்ளிகள் இயக்குனரகத்துக்கு அதிகாரம் இல்லை என்று கூறிவிட முடியாது.

இந்த விவகாரத்தில் அந்தப் பள்ளிக்கு போதிய காலஅவகாசம் வழங்கப்பட்டுள்ளது. எனவே அதிகமாக வசூலித்த கட்டணத்தை திரும்பச் செலுத்த வேண்டும் என்று பிறப்பிக்கப்பட்ட உத்தரவு சரிதான்.இவ்வாறு அதில் கூறப்பட்டுள்-ளது.

மாநில விரிவுரையாளர் தகுதித் தேர்வில் (செட்) மிக அதிக அளவாக 10.64 சதவீதம் (5,495) பேர் தேர்ச்சி பெற்றுள்ளனர்.

மாநில விரிவுரையாளர் தகுதித் தேர்வில் (செட்) மிக அதிக அளவாக 10.64 சதவீதம் (5,495) பேர் தேர்ச்சி பெற்றுள்ளனர்.மாநில விரிவுரையாளர் தகுதித் தேர்வு தமிழகம் முழுவதும் கடந்த ஆண்டு அக்டோபர் 7-ம் தேதி நடைபெற்றது.தமிழகம் மற்றும் புதுவையில் 10 நகரங்களில் 76 தேர்வு மையங்களில் நடைபெற்ற இந்தத் தேர்வை 51,669 பேர் எழுதினர். மொத்தம் 27 பாடங்களிலும் 5,495 பேர் தேர்ச்சி பெற்றுள்ளனர்.2011-ல் நடைபெற்ற ஸ்லெட் தேர்வில் 3.39 சதவீதம் பேர் மட்டுமே தேர்ச்சி பெற்ற நிலையில், இந்த ஆண்டு ஏறத்தாழ மூன்று மடங்காக தேர்ச்சி விகிதம் அதிகரித்துள்ளது.அதிகபட்சமாக தமிழ்ப் பாடத்தில் 826 பேர் தேர்ச்சி பெற்றுள்ளனர். அதனைத் தொடர்ந்து வணிகவியல் பாடத்தில் 630 பேரும், கம்ப்யூட்டர் சயின்ஸில் 589 பேரும் தேர்ச்சி பெற்றுள்ளனர். அதேநேரத்தில் இயல் அறிவியல் பாடங்களில் மிகவும் குறைந்தபட்சமாக 125 பேர் (4.74 சதவீதம்) மட்டுமே தேர்ச்சி பெற்றுள்ளனர்.தேர்ச்சி விகிதம் எவ்வாறு நிர்ணயிக்கப்படுகிறது? பல்கலைக்கழக மானியக் குழுவின் விதிமுறைகளின்படி, மாநில விரிவுரையாளர் தகுதித் தேர்வில் ஒவ்வொரு பாடத்திலும் 9 சதவீதம் பேர் தேர்ச்சியடையும் மதிப்பெண்ணையே கட்-ஆஃப் மதிப்பெண்ணாக நிர்ணயிக்க வேண்டும். அதுபோலவே, இந்தத் தேர்விலும் நிர்ணயிக்கப்பட்டது. சில பாடங்களில் ஒரே கட்-ஆஃப் மதிப்பெண்ணில் அதிகமானோர் இருந்ததால் மொத்த தேர்ச்சி விகிதம் சற்று உயர்ந்துள்ளதாக பாரதியார் பல்கலைக்கழக தேர்வுக் கட்டுப்பாட்டாளரும், விரிவுரையாளர் தகுதித் தேர்வு செயலாளருமான கே.ஜி.செந்தில்வாசன் கூறினார்.
   பாரதியார் பல்கலைக்கழக துணைவேந்தர் ஜி.ஜேம்ஸ் பிச்சை கூறும்போது, மாணவர்களின் கல்வித் தரம் உயர்ந்துள்ளதால் தேர்ச்சி விகிதம் அதிகரித்துள்ளது. 2002-ல் 0.68 சதவீதமாக இருந்த தேர்ச்சி விகிதம், 2012-ல் 10.64 சதவீதமாக உள்ளது என்றார்.தேர்ச்சி மதிப்பெண்: மாநில விரிவுரையாளர் தகுதித் தேர்வு மூன்று தாள்களாக நடத்தப்படுகிறது. முதல் தாள், இரண்டாம் தாள் ஆகியவை 100 மதிப்பெண்ணுக்கும், மூன்றாம் தாள் 150 மதிப்பெண்ணுக்கும் நடத்தப்படுகிறது. பொதுப்பிரிவு மாணவர்கள் முதல் இரண்டு தாள்களிலும் தேர்ச்சி பெற 40 மதிப்பெண்ணும், மூன்றாம் தாளில் தேர்ச்சி பெற 75 மதிப்பெண்ணும் எடுக்க வேண்டும்.பிற்படுத்தப்பட்ட பிரிவு மாணவர்களுக்கும், தாழ்த்தப்பட்ட பிரிவு மாணவர்களுக்கும் 5 சதவீத மதிப்பெண் சலுகை வழங்கப்பட்டுள்ளது. மூன்றாவது தாளில் மட்டும் தாழ்த்தப்பட்ட, பழங்குடியின மாணவர்கள் 60 மதிப்பெண் (40 சதவீதம்) எடுத்தால் தேர்ச்சி பெறலாம்.ஒவ்வொரு பாடத்துக்கும் 9 சதவீதம் பேர் தேர்ச்சி பெறும் மதிப்பெண்ணே கட்-ஆஃப் மதிப்பெண் என்பதால், தேர்ச்சி மதிப்பெண் பெற்றிருந்தாலும் அனைவரும் விரிவுரையாளர் தகுதியைப் பெற முடியாது.ஆசிரியர்களின் தேவை மிக அதிகமாக உள்ளது: மாநில விரிவுரையாளர் தகுதித் தேர்வில் தேர்ச்சி விகிதம் அதிகரித்துள்ளது வரவேற்கத்தக்க மாற்றம். விரிவுரையாளர்களின் தேவை தமிழ்நாட்டில் அதிகரித்துள்ளது என்று பல்கலைக்கழக ஆசிரியர்கள் சங்கத்தின் தலைவர் பாண்டியன் கூறினார்.
              இதுதொடர்பாக, அவர் மேலும் கூறியது:
கடந்த முறை நடைபெற்ற மாநில விரிவுரையாளர் தகுதித் தேர்வில் 41,164 பேர் தேர்வு எழுதினர். இதில் 1,396 பேர் மட்டுமே தேர்ச்சி பெற்றனர். தமிழ், ஆங்கிலம், மேலாண்மைப் பாடங்களில் மட்டுமே 1,080 பேர் தேர்ச்சி பெற்றிருந்தனர்.இயற்பியல், வேதியியல், புவியியல், கணிதம், நூலக அறிவியல் போன்ற பாடப்பிரிவுகளில் ஒருவர்கூட தேர்ச்சி பெறவில்லை. எனவே, இந்த ஆண்டு தேர்ச்சி விகிதம் மிகப்பெரிய முன்னேற்றம் ஆகும்.
அரசு உதவி பெறும் கல்லூரிகளில் 3,120 விரிவுரையாளர் பணியிடங்களும், அரசுக் கல்லூரிகளில் 1,200 பணியிடங்களும் இப்போது ஏற்பட்டுள்ளன. இந்த ஆண்டு மட்டும் 81 தனியார் கலை, அறிவியல் கல்லூரிகளுக்கு அனுமதி வழங்கப்பட்டுள்ளதால், விரிவுரையாளர்களுக்கு முன்னேப்போதும்விட தேவை அதிகமாக உள்ளது என்றார் அவர்.தமிழகம் முழுவதும் விரிவுரையாளர்களுக்கான தகுதி தேர்வு பாரதியார் பல்கலைக்கழகம் சார்பில் 2002-ம் ஆண்டு முதல் நடத்தப்பட்டு வருகிறது. முதலில் ஸ்லெட் என்றழைக்கப்பட்ட இந்தத் தேர்வு, நாடு முழுவதும் ஒரே பெயரில் செட் என்று பெயர் மாற்றம் செய்யப்பட்டுள்ளது.இதுவரை விரிவுரையாளர் தகுதித் தேர்வுகளில் தேர்ச்சி விகிதம்
ஆண்டு தேர்ச்சி சதவீதம்
2002- 0.68
2004- 0.85
2006 -2.20
2008 -2.19
2011- 3.39
2012 -10.64
பாடம் தேர்வு எழுதியோர் தகுதி பெற்றவர்கள் சதவீதம்
1. வேதியியல் அறிவியல் 2,639 136 5.15
2. வணிகவியல் 5,484 630 11.49
3. கம்ப்யூட்டர் சயின்ஸ் 6,587 589 8.94
4. பொருளாதாரம் 2,410 280 11.62
5. கல்வியியல் 2,164 264 12.2
6. எலெக்ட்ரானிக்ஸ் 210 7 3.3
7. ஆங்கிலம் 4,605 572 12.42
8. புவியியல் 413 51 12.35
9. ஹிந்தி 73 9 12.33
10. வரலாறு 2,815 387 13.75
11. ஹோம் சயின்ஸ் 251 22 8.76
12. ஊடகவியல் - 225 29 12.89
13. சட்டம் - 278 39 14.03
14. நூலகம் மற்றும் தகவல் அறிவியல் 1,118 149 13.33
15. உயிர் அறிவியல் 4,863 501 10.3
16. மேலாண்மையியல் 2,456 317 12.91
17. கணிதம் 4,778 329 6.89
18. இசை 86 13 15.2
19. தத்துவம் 53 9 16.98
20. உடற் கல்வியியல் 958 124 12.94
21. இயல் அறிவியல்
(இயற்பியல் சார்ந்த பாடங்கள்) 2,638 125 4.74
22. பொலிட்டிகல் சயின்ஸ் 80 4 5.00
23. உளவியல் 135 17 12.59
24. பொது மேலாண்மையியல்86 12 13.95
25. சமூகப் பணி 261 38 14.56
26. சமூகவியல் 117 16 13.68
27. தமிழ் 5,886 826 14.03
மொத்தம் 51,669 5495 10.64