பாதிக்கப்பட்ட மாணவர்களுக்கு மறு தேர்வு கிடையாது என்று தேர்வுத் துறை அறிவித்துள்ளது.

பத்தாம் வகுப்பு விடைத் தாள்கள் ரயில் தண்டவாளத்தில் விழுந்து சேதமடைந்த விவகாரத்தில் பாதிக்கப்பட்ட மாணவர்களுக்கு தமிழ் முதல் தாள் மதிப்பெண் அடிப்படையில் இரண்டாம் தாளுக்கு மதிப்பெண் வழங்க அரசு தேர்வுத் துறை முடிவெடுத்துள்ளது. பாதிக்கப்பட்ட மாணவர்களுக்கு மறு தேர்வு கிடையாது என்றும் தேர்வுத் துறை அறிவித்துள்ளது. பத்தாம் வகுப்பு பொதுத் தேர்வு கடந்த 27-ஆம் தேதி தொடங்கி நடைபெற்று வருகிறது. 

கடந்த வியாழக்கிழமை தமிழ் இரண்டாம் தாள் தேர்வு நடைபெற்றது. கடலூர் மாவட்டம் பி.முட்லூரில் அரசுப் பள்ளி மையத்தில் மாணவர்கள் எழுதிய விடைத் தாள்கள் 3 கட்டுகளாகக் கட்டப்பட்டு விருத்தாச்சலம் ரயில் நிலையத்திலிருந்து திருச்சிக்கு ரயில் மூலம் அனுப்பி வைக்கப்பட்டன. திருச்சியில் தேர்வுத் தாள் கட்டுகள் இறக்கும்போது, ஒரு கட்டு காணாமல் போயிருப்பது தெரியவந்தது. இதுகுறித்து விருதாச்சலம் ரயில் நிலையத்துக்கு தகவல் தெரிவிக்கப்பட்டது. ரயில்வே ஊழியர்கள் விருத்தாச்சலம் ரயில் தண்டவாளத்தில் தீவிர தேடுதல் பணியில் ஈடுபட்டனர். அப்போது விடைத்தாள் கட்டு தண்டவாளத்தில் விழுந்திருப்பதும், சில விடைத் தாள்கள் சிறு, சிறு துண்டுகளாக கிழிந்து சேதமடைந்திருப்பதும் தெரியவந்தது. 

சேதமடைந்த விடைத் தாள்கள் சனிக்கிழமை சென்னைக்கு கொண்டுவரப்பட்டன. அதை அரசு தேர்வுத் துறை இயக்குநர் வசுந்தரா தேவி மற்றும் அதிகாரிகள் பார்வையிட்டனர். பின்னர் வசுந்தரா தேவி கூறியது: தண்டவாளத்தில் விழுந்த கட்டில் 357 விடைத் தாள்கள் இருந்துள்ளன. இதில் குறிப்பிட்ட அளவிலான விடைத் தாள்கள் மட்டுமே சேதமடைந்துள்ளன. பாதிக்கப்பட்ட மாணவர்களுக்கு மறு தேர்வு நடத்தப்பட மாட்டாது. இவர்கள் எழுதியுள்ள தமிழ் முதல் தாள் விடைத் தாளை அடிப்படையாகக் கொண்டு, சேதமடைந்த இரண்டாம் தாளுக்கு மதிப்பெண் வழங்கப்படும். ஒருவேளை தமிழ் முதல் தாளில் பாதிக்கப்பட்ட மாணவர்கள் தோல்வியடைந்தால் சேதமடைந்த இரண்டாம் தாளுக்கு குறைந்தபட்ச தேர்ச்சி மதிப்பெண் கொடுக்கப்படும். எனவே, மாணவர்களும், பெற்றோரும் அச்சப்படத் தேவையில்லை என்றார்.

பத்தாம் வகுப்பு தமிழ் இரண்டாம் தாள் தேர்வில் ஐந்து மதிப்பெண்களுக்குரிய வங்கி மாதிரி படிவத்தை கேள்வித்தாளுடன் மாணவர்களுக்கு வழங்கவில்லை எனவே மாணவர்கள் எழுத முயற்சி செய்திருந்தால், அந்த கேள்விக்குரிய ஐந்து மதிப்பெண்களும் முழுமையாக வழங்கப்படும் என தேர்வுத்துறை இயக்குனர் தெரிவித்துள்ளார்.

பத்தாம் வகுப்பு தமிழ் இரண்டாம் தாள் தேர்வில் ஐந்து மதிப்பெண்களுக்குரிய வங்கி மாதிரி படிவத்தை கேள்வித்தாளுடன் மாணவர்களுக்கு வழங்கவில்லை. மாணவர்கள், கேள்வி எண்ணை எழுதி, வங்கி படிவத்தில் பூர்த்தி செய்ய வேண்டிய விவரங்களை மட்டும், வரிசை எண்ணிட்டு எழுதிட, உரிய அறிவுரைகள், அனைத்து மையங்களுக்கும் வழங்கப்பட்டன. இந்த கேள்வி தொடர்பாக, தமிழ் இரண்டாம் தாள் விடைத்தாளை மதிப்பீடு செய்யும் மதிப்பீட்டாளர்களுக்கு, உரிய அறிவுரைகள், விடை குறிப்புகள் (கீ-ஆன்சர்) மூலம் வழங்கி, மேற்படி கேள்வியை, மாணவர்கள் எழுத முயற்சி செய்திருந்தால், அந்த கேள்விக்குரிய ஐந்து மதிப்பெண்களும் முழுமையாக வழங்கப்படும். இதனால், மாணவர்கள், எவ்வித குழப்பமோ, கலக்கமோ அடையத் தேவையில்லை. இவ்வாறு இயக்குனர் தெரிவித்துள்ளார்.

"விடைத்தாள், ரயில் பாதையில் கிடந்த விவகாரத்தில், தேர்வு துறையின் தவறுகள் எதுவும் இல்லை' என பள்ளிக்கல்வித்துறை அமைச்சர், வைகை செல்வன் தெரிவித்துள்ளார்.

விருத்தாசலம் அருகே, 10ம் வகுப்பு விடைத் தாள்கள், ரயில்வே தண்டவாளத்தில் கிடந்த விவகாரம் குறித்து, விசாரணை நடத்திய, சி.இ.ஓ., ஜோசப் அந்தோணிராஜ் நிருபர்களிடம் கூறியதாவது: பி.முட்லூர் தேர்வு மையத்தில், 545 மாணவர்கள் தேர்வு எழுதியுள்ளனர். ஒரு பாக்கெட்டில், 15 விடைத் தாள்கள் வீதம் வைக்கப்பட்டது. 545 விடைத் தாள்களையும், மூன்று பண்டல்களாக பிரித்து, மலைக்கோட்டை ரயிலில் அனுப்பப்பட்டது. அதில், 177 விடைத் தாள்கள் கொண்ட பண்டல், கீழே விழுந்து சேதமடைந்ததாக கிடைத்த தகவலின் அடிப்படையில், விசாரணை நடந்து வருகிறது; விடைத் தாள்கள் சேதமடையவில்லை. எரிக்கப்பட்டதாக கூறுவது குறித்து எதுவும் தெரியவில்லை; விசாரணை செய்து வருகிறோம். இவ்வாறு, அவர் கூறினார். இந்நிலையில், ""விருத்தாசலத்தில் 10ம் வகுப்பு விடைத் தாள் சேதமடைந்தது குறித்து, முழுமையான விவரங்கள் கிடைத்ததும், உரிய முடிவு எடுக்க, அறிவிக்கப்படும்'' என, பள்ளி கல்வித் துறை அமைச்சர் வைகை செல்வன், நேற்று இரவு கூறினார். இதுகுறித்து, அவர் மேலும் கூறியதாவது: விருத்தாசலத்தில், 10ம் வகுப்பு தமிழ் விடைத் தாள் கட்டு, ரயிலில் இருந்து கீழே விழுந்துள்ளது. இதில், தேர்வு துறையின் தவறுகள் எதுவும் இல்லை. ரயிலில் கட்டுகளை அனுப்பும் போது, என்ன நடந்தது என்பது குறித்து, முழுமையான விவரம் கிடைக்கவில்லை.அனைத்து விடைத்தாள்களும் சேதமடைந்ததா அல்லது ஒரு சில விடைத்தாள்கள் சேதமடைந்ததா என்பது விசாரணைக்கு பின் தெரியவரும். கல்வித் துறை அதிகாரிகள் சம்பந்தபட்ட இடத்திற்கு சென்று, விசாரணை நடத்தி வருகின்றனர். மேலும் முடிவு கிடைத்ததும், இறுதி முடிவு எடுத்து அறிவிக்கப்படும்; சேதமடைந்திருந்தால், இதற்கு முன், அதன் அடிப்படையில், உரிய முடிவு எடுக்கப்படும். இவ்வாறு, அவர் கூறினார்.

பார்சலில் அனுப்பப்பட்ட, 10ம் வகுப்பு தமிழ் இரண்டாம் தாள் விடைத்தாள்கள், ரயில் பாதையில் சிதறிக் கிடந்ததால், விருத்தாசலம் ரயில் நிலையத்தில் பரபரப்பு நிலவியது.

தமிழகம் முழுவதும், 10ம் வகுப்பு அரசு பொதுத் தேர்வு இம்மாதம் 27ம் தேதி துவங்கியது. நேற்று முன்தினம், 28ம் தேதி, தமிழ் இரண்டாம் தாள் தேர்வு நடந்தது. கடலூர் மாவட்டம், சிதம்பரம் அடுத்த பி.முட்லூர் மையத்தில், தமிழ் இரண்டாள் தாள் தேர்வு எழுதிய மாணவர்களின் விடைத்தாள்கள் அனைத்தும், பி.முட்லூர் தபால் அலுவலகம் மூலம், தஞ்சை மாவட்டம், பட்டுக்கோட்டை அடுத்த நாடிமுத்து நகர் மையத்திற்கு அனுப்பி வைக்கப்பட்டது. இதே போன்று, மாவட்டத்தின் பல்வேறு தபால் நிலையங்களில் இருந்து அனுப்பப்பட்ட, 91 விடைத்தாள் பண்டல்கள், விருத்தாசலம், "ரயில்வே மெயில் சர்வீஸ்' (ஆர்.எம்.எஸ்.,) அலுவலகத்தில் இருந்து, சென்னையிலிருந்து கும்பகோணம் செல்லும் மலைக்கோட்டை எக்ஸ்பிரஸ் ரயிலில் நள்ளிரவு, 2:30 மணிக்கு ஏற்றினர். இதை, "மெயில் கார்டுகள்' கதிர்வேல், பழனிவேல் ஆகியோர் பெற்றுக் கொண்டனர். நேற்று காலை, திருச்சி ரயில்வே ஸ்டேஷனில் விடைத்தாள் பார்சல்களை இறக்கியபோது, விருத்தாசலம் ஆர்.எம்.எஸ்., மூலம் அனுப்பப்பட்ட, 91 பண்டல்களில் ஒன்று குறைந்தது.விருத்தாசலம் ஆர்.எம்.எஸ்., அலுவலகம் மற்றும் ரயில்வே ஸ்டேஷனுக்கு தகவல் தெரிவிக்கப்பட்டது. ஊழியர்கள், ரயில் பாதையில் சென்று பார்த்த போது, விருத்தாசலம் ஜங்ஷனில் இருந்து திருச்சி மார்க்கத்தில், 300 மீட்டர் தூரத்தில் உள்ள நாச்சியார்பேட்டை அருகே, விடைத்தாள் பண்டல் ஒன்று முற்றிலும் சேதமடைந்து கிடந்தது. விருத்தாசலம் ஜங்ஷனில் இருந்து ரயில் புறப்பட்ட சற்று நேரத்தில், விடைத்தாள் பார்சல் கீழே விழுந்துள்ளது. இதை ஊழியர்கள் கவனிக்காததால், அதைத் தொடர்ந்து, சென்னை சென்ற ராமேஸ்வரம், கன்னியாகுமரி, அனந்தபுரி எக்ஸ்பிரஸ் ரயில்கள் அனைத்தும் விடைத்தாள் மூட்டை மீது ஏறிச் சென்றதில், விடைத்தாள்கள் முற்றிலுமாக சேதமடைந்து, குப்பை போல் காணப்பட்டது. அதை ஆர்.எம்.எஸ்., மற்றும் ரயில்வே ஊழியர்கள் சேகரித்தனர். சேகரிக்க முடியாத நிலையில் இருந்த பேப்பர்களை ஒரே இடத்தில் குவித்து தீயிட்டு எரித்தனர். விடைத்தாள் பண்டல், ரயிலில் இருந்து கீழே விழுந்து சேதமடைந்த தகவலை அறிந்து, திருச்சி கோட்ட அஞ்சலக உதவி கண்காணிப்பாளர் சங்கர், நேற்று மதியம், 12:00 மணிக்கு விருத்தாசலம் ஆர்.எம்.எஸ்., அலுவலகத்தில், சம்பவம் குறித்து விசாரணை நடத்தினார். மேலும், கல்வித் துறை இயக்குனர் வசுந்தராதேவி, விருத்தாசலத்திற்கு விரைந்தார்.

பத்தாம் வகுப்பு தமிழ் முதல்தாள் வினாக்கள் மிகவும் எளிமை : ஆசிரியர், மாணவர் மகிழ்ச்சி

"பத்தாம் வகுப்பு தமிழ் முதல்தாள் வினாக்கள் மிகவும் எளிமையாக இருந்தன' என, மாணவர்கள் மகிழ்ச்சி தெரிவித்தனர். 

மாணவர் நிஜந்தன், எம்.ஏ.வி.எம்.எம்., மெட்ரிக் பள்ளி, மதுரை: தமிழ் முதல்தாள் வினாக்கள் எளிமையாக இருந்தன. ஒரு மதிப்பெண் வினாக்களில் பூர்த்தி செய்தல், தேர்ந்தெடுத்து எழுதுதல் என, 2 வினாக்கள் மிக கடினமாக இருந்தன. செய்யுள் பகுதி எதிர்பாராத வகையில் இருந்தன. வழக்கமாக மனப்பாட பகுதியில் 1 செய்யுளே கேட்பர். இப்போது 2 செய்யுள்கள் கேட்டிருந்தனர். உரைநடை பகுதி வினாக்கள் எளிமையாக இருந்தன. குறிப்பிட்ட நேரத்திற்குள் எழுத முடிந்தது.

மாணவி சுஷ்மிதா தேவி, அரசு உயர்நிலைப்பள்ளி, வண்டியூர்: செய்யுள், உரைநடை என இரண்டிலும் எளிதாக விடையளிக்க முடிந்தது. ஒரு மதிப்பெண் வினாக்களில் 7வது வினாவான, "உலகம், உயிர், கடவுள் மூன்றையும் ஒருங்கே கூறும் காவியம்' என்ற வினா மிக கடினமாக இருந்தது. அரையாண்டு, திருப்புதல் தேர்வுகளில் கேட்கப்பட்டு இருந்த வினாக்களில் பல வந்திருந்தன. 100க்கு 95 மதிப்பெண்களுக்கு மேல் கிடைக்கும்.

எம்.சக்திகுமார், அரசு ஆண்கள் மேல்நிலைப்பள்ளி ஆசிரியர், அலங்காநல்லூர்: ஒரு மதிப்பெண் வினாக்களில் 2, புத்தகத்தின் உள்பகுதியில் இருந்து நுணுக்கமாக கேட்டிருந்தனர். இதனால் மாணவர்கள் திணறி இருப்பர். குறு, சிறுவினாக்கள் புளூபிரின்ட்படி கேட்கப்பட்டு இருந்தன. நெடுவினா, செய்யுள் வினாக்களில் பல எதிர்பார்க்காதது மட்டுமின்றி இதுவரை கேட்காத வினாக்கள் வந்திருந்தன. மனப்பாடச் செய்யுள் கம்பராமாயணம், சீறாப்புராணத்தில் கேட்கப்பட்டு இருந்தாலும், மாணவர்கள் நன்கு எழுதியுள்ளனர். சாதாரண மாணவர்களும் எளிதாக 50 மதிப்பெண்கள் பெறலாம். தமிழ் மொழியில் அறிவியல் சிந்தனைகள் பாடத்தில் வினாக்கள் நுணுக்கமாக கேட்கப்பட்டு இருந்தன.
இவ்வாறு கூறினர்.

"டி.என்.பி.எஸ்.சி., தேர்வுகளில், தமிழ் மொழித்திறன் பகுதிக்கு, மீண்டும் உரிய முக்கியத்துவம் அளிக்க வேண்டும் என, தேர்வாணையத்திற்கு, கடிதம் மூலமாக வலியுறுத்தி உள்ளோம்,'' என, சட்டசபையில், பள்ளிக்கல்வி அமைச்சர் வைகை செல்வன் தெரிவித்தார்.

டி.என்.பி.எஸ்.சி., போட்டித் தேர்வுகளுக்கான பாடத்திட்டங்கள் மாற்றப்பட்டு, புதிய பாடத்திட்டங்கள், சமீபத்தில் வெளியிடப் பட்டன.

இதில், குரூப்-2, குரூப்-4 மற்றும் வி.ஏ.ஓ., ஆகிய தேர்வுகளில், தமிழ் மொழித்திறன் பாடப் பகுதிகளுக்கான முக்கியத்துவம் குறைக்கப்பட்டும், நீக்கப்பட்டும், நடவடிக்கை எடுக்கப்பட்டு இருந்தன. குரூப்-2 தேர்வில் இருந்த தமிழ் மற்றும் ஆங்கில மொழித்தாள் பகுதி நீக்கப்பட்டு, 200 கேள்விகளும், பொது அறிவு பாடங்களுக்கு ஒதுக்கப்பட்டு உள்ளன.

வி.ஏ.ஓ., தேர்வு: குரூப்-4 தேர்வில், மொழித்தாள் பகுதிக்கான கேள்விகள் எண்ணிக்கை, 100ல் இருந்து, 50 ஆக குறைக்கப்பட்டுள்ளன. வி.ஏ.ஓ., தேர்வில், மொழித்தாள் கேள்விகளின் எண்ணிக்கை, 100ல் இருந்து, 30 ஆக குறைக்கப்பட்டுள்ளது. இதனால், கிராமப்புற மாணவர்கள், பெரிதும் பாதிக்கப்படுவர் என்றும், தமிழ் மொழித்திறனுக்கான முக்கியத்துவத்தை குறைக்கக் கூடாது என்றும், பல்வேறு அரசியல் தலைவர்கள் வலியுறுத்தினர். இந்நிலையில், இந்த பிரச்சனை, சட்டசபையில், நேற்று எதிரொலித்தது. மனிதநேய மக்கள் கட்சி எம்.எல்.ஏ., ஜவாஹிருல்லா, மார்க்சிஸ்ட் கம்யூனிஸ்ட் கட்சி எம்.எல்.ஏ., சவுந்திரராஜன் ஆகியோர், தமிழ் மொழித்திறன் முக்கியத்துவம் குறைக்கப்பட்டிருப்பது குறித்து, கேள்வி எழுப்பினர். இதற்கு, பள்ளிக்கல்வி அமைச்சர் வைகை செல்வன் கூறுகையில், ""தேர்வாணையம் நடத்தும் போட்டித் தேர்வுகளில், தமிழ் மொழித்திறன் பகுதிக்கான முக்கியத்துவத்தை குறைக்கக் கூடாது என்றும், அதற்குரிய முக்கியத்துவத்தை அளிக்க வேண்டும் என்றும் வலியுறுத்தி, தேர்வாணையத்திற்கு கடிதம் அனுப்பி உள்ளோம்,'' என, தெரிவித்தார். இதற்கு, ""ஏற்கனவே இருந்த நிலையை, உறுதி செய்ய, நடவடிக்கை எடுத்தால் போதும்,'' என, சவுந்திரராஜன் தெரிவித்தார்.

பதில் இல்லை: இது குறித்து, தேர்வாணைய தலைவர் நவநீதகிருஷ்ணனிடம் கேட்டபோது, ""எந்தெந்த தேர்வுகளில், தமிழ் மொழிக்கான முக்கியத்துவம் குறைக்கப்பட்டது என்பது குறித்து, ஆய்வு செய்து வருகிறோம். இந்தப் பணிகள் இன்னும் முடிவடையவில்லை. எனவே, தற்போதைய நிலையில், எதுவும் கூற முடியாது,'' என, தெரிவித்தார். இந்த விவகாரத்தில், முதல்வரின் ஆலோசனையைப் பெற்ற பிறகே, தேர்வாணையத்திற்கு, அமைச்சர் கடிதம் எழுதியிருப்பார் என, துறை வட்டாரங்கள் கூறுகின்றன. எனவே, போட்டித் தேர்வுகளில், தமிழ்மொழி பகுதிக்கான கேள்விகள், பழையபடி மீண்டும், பாடத்திட்டத்தில் இடம்பெறும் என, எதிர்பார்க்கப்படுகிறது. பாடத்திட்டத்தில் மீண்டும் மாற்றம் ஏற்படுத்துவது தொடர்பான முடிவுக்கு, தேர்வாணைய உறுப்பினர்கள், முறைப்படி ஒப்புதல் அளிக்க வேண்டும். எனவே, இந்த ஒப்புதலை பெற்றபின், உரிய தகவல், தமிழக அரசுக்கு தெரிவிக்கப்படும் என, கூறப்படுகிறது. அதன்பின், சட்டசபையில், முதல்வர் ஜெயலலிதா, அறிவிப்பை வெளியிடுவார் என, துறை வட்டாரங்கள் தெரிவிக்கின்றன.

ஆசிரியர் பயிற்சி பட்டயத் தேர்வுக்கான மதிப்பெண் சான்றிதழ், வரும், 30ம் தேதி வழங்கப்படுகிறது.

கடந்த ஆண்டு, ஜூனில், ஆசிரியர் கல்வி தேர்வு எழுதியவர்கள், அந்தந்த ஆசிரியர் பயிற்சி நிறுவனங்களிலும், முதலாம் மற்றும் இரண்டாம் ஆண்டு, தேர்வு எழுதிய, தனித்தேர்வர்கள், தாங்கள் தேர்வெழுதிய மாவட்ட ஆசிரியர் பயிற்சி நிறுவனத்திலும், தங்கள் தேர்வு மதிப்பெண் சான்றிதழை வரும், 30ம் தேதி, பெற்றுக் கொள்ளலாம். மறுகூட்டலுக்கான விண்ணப்பங்கள், அனைத்து மாவட்ட ஆசிரியர் கல்வி மற்றும் பயிற்சி நிறுவனங்களில், அடுத்த மாதம், 3ம் தேதி முதல் வழங்கப்படும். விண்ணப்பங்களை, அடுத்த மாதம், 5ம் தேதிக்குள், சம்பந்தப்பட்ட மாவட்ட ஆசிரியர் கல்வி மற்றும் பயிற்சி நிறுவனத்தில், நேரில் சமர்பிக்க வேண்டும். தகுதியுடையோர், பட்டயச் சான்றிதழை பெற, அடுத்த மாதம், 4ம் தேதிக்குள், இந்த அலுவலகங்களை, நேரிலோ, தபால் மூலமோ தொடர்பு கொள்ளலாம். அரசுத் தேர்வுத் துறை வெளியிட்டுள்ள செய்திக்குறிப்பில் இத்தகவல் தெரிவிக்கப்பட்டுள்ளது.

டிசம்பர் 2012-ல் நடந்த அரசு துறை தேர்வு முடிவுகளை டி.என்.பி.எஸ்.சி., வெளியிட்டுள்ளது.

டிசம்பர் 2012-ல் நடந்த அரசு துறை தேர்வு முடிவுகளை டி.என்.பி.எஸ்.சி., வெளியிட்டுள்ளது. பதவி உயர்வு பெறுவதற்காக பல்வேறு அரசு துறைகளில் பணியாற்றும் அலுவலர்கள் ஊழியர்கள் கடந்த டிசம்பரில் நடந்த துறை தேர்வுகளை எழுதினர். இதன் முடிவுகள், www.tnpsc.gov.in என்ற தேர்வாணைய இணையதளத்தில் வெளியிடப்பட்டுள்ளன. தேர்வர்கள், தங்களுடைய பதிவு எண்களை பதிவு செய்து, தேர்வு முடிவை அறியலாம்.

எஸ்.எஸ்.எல்.சி. தேர்வை தமிழ்நாடு மற்றும் புதுச்சேரியில் 3012 மையங்களில் 10 லட்சத்து 68 ஆயிரத்து 838 பேர் எழுதுகிறார்கள்.

எஸ்.எஸ்.எல்.சி. தேர்வை தமிழ்நாடு மற்றும் புதுச்சேரியில் 3012 மையங்களில் 10 லட்சத்து 68 ஆயிரத்து 838 பேர் எழுதுகிறார்கள். இவர்களில் 5 லட்சத்து 43 ஆயிரத்து 152 பேர் மாணவர்கள். 5 லட்சத்து 25 ஆயிரத்து 686 பேர் மாணவிகள். இவர்கள் அனைவரும் பள்ளிகளில் படித்து தேர்வு எழுதுபவர்கள். இவர்கள் தவிர 50 ஆயிரத்திற்கும் மேற்பட்ட தனித்தேர்வர்களும் தேர்வு எழுதுகின்றனர்

தேர்வு தினமும் காலை 10 மணி முதல் மதியம் 12.45 மணி வரை நடைபெறும். காலை 10 மணிக்கு வினாத்தாள் கொடுக்கப்படும். வினாத்தாளை படிக்க 10 நிமிடம் வழங்கப்படும். அதன்பிறகு விடைத்தாளில் விவரங்களை பூர்த்தி செய்ய 5 நிமிடம் கொடுக்கப்படும். தேர்வு மையங்களில் மாணவர்கள் காப்பி அடிப்பதை தடுக்கவும், முறைகேடுகளை தடுத்திடவும் தலைமை ஆசிரியர்கள், கல்வி அதிகாரிகள் தலைமையில் பறக்கும் படைகள் அமைக்கப்பட்டு இருக்கின்றன.

மேலும், வருவாய்த்துறை அதிகாரிகள் தலைமையில் தனியாக சிறப்பு பறக்கும் படைகளும் ஏற்படுத்தப்பட்டு உள்ளன. பறக்கும் படையினர் தேர்வு மையங்களுக்கு சென்று திடீர் சோதனையில் ஈடுபடுவார்கள்.

வினாத்தாள் கட்டுகள் மாவட்டங்களுக்கு போலீஸ் பாதுகாப்புடன் அனுப்பப்பட்டு மாவட்ட கல்வி அதிகாரிகளின் பராமரிப்பில் உள்ளன. வினாத்தாள் கட்டுகள் வைக்கப்பட்டுள்ள மையங்களுக்கு துப்பாக்கிய ஏந்திய போலீஸ் பாதுகாப்பு போடப்பட்டு உள்ளது. எஸ்.எஸ்.எல்.சி. தேர்வுக்கான அனைத்து ஏற்பாடுகளும் செய்யப்பட்டு இருப்பதாக அரசு தேர்வுகள் இயக்குனர் தண்.வசுந்தராதேவி தெரிவித்தார்.

தேர்வு அட்டவணை

மார்ச் 27–ந் தேதி – மொழித்தாள்–1
மார்ச் 28–ந் தேதி – மொழித்தாள்–2
மார்ச் 29, 30, 31–ந் தேதி – விடுமுறை
ஏப்ரல் 1–ந் தேதி – ஆங்கிலம் முதல் தாள்
ஏப்ரல் 2–ந் தேதி – ஆங்கிலம் 2–ம் தாள்
ஏப்ரல் 3, 4 தேதிகள் – தேர்வு இல்லை
ஏப்ரல் 5–ந் தேதி – கணிதம்
ஏப்ரல் 6, 7–ந் தேதிகள் – விடுமுறை
ஏப்ரல் 8–ந் தேதி – அறிவியல்
ஏப்ரல் 9, 10, 11–ந் தேதிகள் – தேர்வு இல்லை
ஏப்ரல் 12–ந் தேதி – சமூக அறிவியல்

தமிழ்நாடு மேல்நிலைப்பள்ளி தலைமை ஆசிரியர்களின் மாவட்டக் கல்வி அலுவலர் பதவி உயர்வு தொடர்பான முரண்பாடுகள் மற்றும் குறைகளை ஆராய குழு அமைத்து தமிழக அரசு ஆணை வெளியிட்டுள்ளது.

தமிழ்நாடு மேல்நிலைப்பள்ளி தலைமை ஆசிரியர்களின் மாவட்டக் கல்வி அலுவலர் பதவி உயர்வு தொடர்பான முரண்பாடுகள் மற்றும் குறைகளை ஆராய குழு அமைத்து தமிழக அரசு ஆணை வெளியிட்டுள்ளது. இக்குழு மேல்நிலைப் பள்ளித் தலைமை ஆசிரியர் / உயர்நிலைப் பள்ளி தலைமை ஆசிரியர் ஆகியோருக்கு மாவட்டக் கல்வி அலுவலர் பதவி உயர்வு வழங்குவதில் ஏற்படும் முரண்பாடுகளை களைதல் குறித்து ஆராய்ந்து பரிந்துரை செய்தல் மற்றும் மேல்நிலைப் பள்ளித் தலைமை ஆசிரியர் பதவியும், மாவட்டக் கல்வி அலுவலர் பதவியும் ஒத்த ஊதிய விகிதத்தில் இருப்பதால், அப்பணியினை கருத்தில் கொண்டு முதன்மைக் கல்வி அலுவலர் பதவி உயர்வு அளிப்பது குறித்து பரிந்துரை செய்தல் போன்ற பணிகளை மேற்கொள்ளும்.

மாணவர்கள் போராட்டங்கள் குறைந்து வரும் நிலையில், இன்று கல்லூரி திறக்கப்படும் என, மாணவர்களிடம் பரவிய குறுஞ்செய்தியால், கல்லூரி திறப்பு குறித்த விவரம் தெரியாமல், மாணவர்கள் குழப்பத்தில் உள்ளனர்.

இலங்கை மீது பொருளாதார தடை விதிக்க வேண்டும் உள்ளிட்ட பல்வேறு கோரிக்கைகளை வலியுறுத்தி, மார்ச் 9ம் தேதி, லயோலா கல்லூரி மாணவர்கள் எட்டு பேர் உண்ணாவிரத போராட்டத்தை துவங்கினர். மாணவர்களுக்கு ஆதரவாக, தமிழகம் முழுவதும் உள்ள மாணவர்கள் போராட்டத்தில் குதித்தனர். வகுப்புகளை புறக்கணித்து, பல கட்ட போராட்டங்களை நடத்தினர்.

இதையடுத்து, தமிழகம் முழுவதும் உள்ள அனைத்து சட்டம், கலை கல்லூரிகளும், கடந்த, 15ம் தேதியும், பொறியியல் கல்லூரிகளுக்கு, கடந்த, 18ம் தேதியும் காலவரையற்ற விடுமுறையை அரசு அறிவித்தது. கல்லூரி விடுதிகளில் தங்கி படித்த மாணவர்களும் வெளியேற்றப்பட்டனர். கல்லூரி தேர்வுகளும், மறுதேதி குறிப்பிடப்படாமல் ஒத்திவைக்கப்பட்டது.

விடுமுறை அறிவிக்கப்பட்டும், மாணவர்கள் ஒன்றிணைந்து, அமைப்புகளை உருவாக்கி, கடந்த, 14 நாட்களாக போராட்டங்கள் செய்தனர். இந்நிலையில், நேற்று மாணவர்கள் சார்பில் எந்தவித போராட்டங்களும் நடைபெறாத நிலையில், இன்று கல்லூரி திறக்கப்படும் என, எஸ்.எம்.எஸ்., மூலம், மாணவர்களிடையே, பரபரப்பாக செய்தி பரவியது.

உயர்கல்வி துறை தரப்பில், கல்லூரி திறப்பு குறித்து நேற்று வரை, எந்தவித அறிவிப்பும் வெளியாகாத நிலையில், எஸ்.எம்.எஸ்., குழப்பத்தால், இன்று கல்லூரிகள் திறக்கப்படுமா? என்ற கேள்வி எழுந்துள்ளது.

இதுகுறித்து உயர் கல்லூரி துறை அதிகாரி ஒருவர் கூறியதாவது: கல்லூரி கல்வி மண்டல இணை இயக்குனர் அலுவலகம் மூலம், மாணவர்களின் போராட்ட நிலவரங்கள் குறித்து செய்திகள் சேகரிக்கப்பட்டு, உயர்கல்வி துறைக்கு தகவல் அனுப்பப்பட்டு வருகிறது.

அனைத்து பல்கலைக்கழக துணைவேந்தர்களிடமும், மாணவர்களின் போராட்ட நிலவரங்களை, உயர்கல்வி துறை விசாரித்து வருகிறது. மாணவர்களின் போராட்டங்கள் தணிந்துள்ள நிலையில், கல்லூரி திறப்பு குறித்து, உயர்கல்வி துறை விவாதித்து, இன்று முடிவுகள் வெளியாக வாய்ப்புள்ளதாக தெரிகிறது. இவ்வாறு அவர் கூறினார்.

தமிழகம் முழுவதும், 55 மையங்களில் ப்ளஸ் டூ விடைத்தாள் திருத்தும் பணிகள் மார்ச் 25-ம் தேதி முதல் தொடங்குகிறது. இந்தாண்டு 'திருத்தம் இல்லாத திருத்தம் ஆண்டு' பிழை இல்லாமல் திருத்தம் செய்யப்படவுள்ளது என பள்ளிக்கல்வித்துறை அமைச்சர் வைகைச்செல்வன் தெரிவித்துள்ளார்.

தமிழகம் முழுவதும் ப்ளஸ் டூ விடைத்தாள் திருத்தும் பணிகள் மார்ச் 25-ம் தேதி முதல் தொடங்குகிறது. முதலில் தமிழ் மற்றும் ஆங்கில விடைத்தாள்கள் திருத்தப்பட உள்ளன.முதல் நாளில் முதன்மை தேர்வாளரும், கூர்ந்து ஆய்வாளரும் விடைத்தாள்களை திருத்துவர். 26-ம் தேதி முதல்,உதவி தேர்வர்கள் திருத்துவர்.இதனை முதன்மை தேர்வாளரும்,கூர்ந்து ஆய்வாளரும் கண்காணித்து கையெழுத்திடுவர்.ஏப்ரல் 15-ம் தேதி வரை விடைத்தாள் திருத்தும் பணிகள் நடைபெறும் என தெரிவிக்கப்பட்டுள்ளது. தமிழகம் மற்றும் புதுச்சேரியில் கடந்த 1-ம் தேதி தொடங்கிய 12ம் வகுப்புத் தேர்வுகள் 27-ம் தேதி முடிவடைகிறது.


"பிளஸ் 2 விடைத்தாள் திருத்தம் செய்யும் பணியில், இந்தாண்டு "திருத்தம் இல்லாத திருத்தம் ஆண்டு' பிழை இல்லாமல் திருத்தம் செய்யப்படவுள்ளது,'' என கல்வித்துறை அமைச்சர் வைகைச்செல்வன் தெரிவித்தார். பிளஸ் 2 விடைத்தாள் திருத்தம் செய்யும் பணிகள், தமிழகம் முழுவதும், 55 மையங்களில் துவங்கியுள்ளது.  விடைத்தாள் திருத்தும் பணியை விரைந்து முடித்து, தேர்வு முடிவுகளை முன் கூட்டியே வழங்க, பள்ளிக்கல்வித்துறை தீவிர நடவடிக்கை எடுத்து வருகிறது.விருதுநகர் சத்திரிய பெண்கள் மேல்நிலைப்பள்ளியில், விடைத்தாள் திருத்தம் செய்யும் பணியை, கல்வித்துறை அமைச்சர் வைகைச்செல்வன் ஆய்வு செய்தார். அங்கு ஆசிரியர்களுக்கு தேவையான அடிப்படை வசதிகள் செய்து தரும்படியும், இடையூறு இன்றி ஆசிரியர்கள் விடைத்தாள் திருத்தும் பணிகள் நடக்கவும் அதிகாரிகளுக்கு அறிவுறுத்தினார். 

அவர் கூறுகையில், ""தேர்வு முறையில் புதிய திட்டத்தை கொண்டு வந்துள்ளோம். பள்ளி கல்வித்துறை செயலர் மற்றும் இயக்குனர்களுடன் ஒரு ஆய்வு கூட்டத்தில் கலந்து கொண்டபோது, பொதுத்தேர்வு விடை தாள்களை ஆசிரியர்கள், பிழையில்லாமல் திருத்த வேண்டும், என முடிவு செய்தோம். அதற்கு "திருத்தம் இல்லா திருத்தம் ஆண்டு' என இருக்க வேண்டும் என்று, நான் குறிப்பிட்டேன். ஆசிரியர்கள் விடை தாள்களை திருத்துவதற்கு முன், ஒரு உறுதிமொழி எடுத்து கொள்ள வேண்டும். அதன்படி, திருத்தும் பணியை சுமையாக கருதாமல், சுகமாக எண்ண வேண்டும். மகிழ்ச்சியுடன் இப்பணியில், ஆசிரியர்கள் ஈடுபட்டால் தான், பிழைகள் இல்லாமல் திருத்த முடியும்,'' என்றார்.

பள்ளி கல்வித் துறையில் இருக்கை கண்காணிப்பாளர்கள் 100 பேர் கண்காணிப்பாளர்களாக நேற்று பதவி உயர்வு செய்யப்பட்டனர்.

பள்ளி கல்வித் துறையில் இருக்கை கண்காணிப்பாளர்கள் 100 பேர் கண்காணிப்பாளர்களாக நேற்று பதவி உயர்வு செய்யப்பட்டனர்.மாவட்ட கல்வி அலுவலகங்கள், உதவி தொடக்கக் கல்வி அலுவலகங்களில், இருக்கை கண்காணிப்பாளர்களாக பணியாற்றி வருபவர்களில் பணிமூப்பு அடிப்படையில், 100 பேர் கண்காணிப்பாளர்களாக நேற்று பதவி உயர்வு செய்யப்பட்டனர்.இதற்கான கலந்தாய்வு, "ஆன்-லைன்' முறையில், நடந்தது. இணை இயக்குனர் கண்ணப்பன் கையெழுத்திட்ட உத்தரவு கடிதங்கள், உடனுக்குடன் ஆன்-லைன் மூலம் சம்பந்தப்பட்ட மாவட்ட முதன்மைக் கல்வி அலுவலகங்களில் பதிவிறக்கம் செய்து வழங்கப்பட்டன. இதைத் தொடர்ந்து, உதவியாளர்களாக இருப்பவர்களில்  100 பேர், இருக்கை கண்காணிப்பாளர்களாக பதவி உயர்வு செய்யப்படுவர் என கல்வித்துறை வட்டாரங்கள் தெரிவித்தன.

புதியதாக 2,300 அரசு டாக்டர்கள் நியமனம்

"தமிழகத்தில் உள்ள அரசு மருத்துவமனை ஆரம்ப சுகாதார நிலையங்களில் மருத்துவ சிகிச்சை தடையின்றி மேற்கொள்ளும் வகையில், புதிதாக 2,300 டாக்டர்கள் பணி நியமனம் செய்ய அரசு திட்டமிட்டுள்ளது'' என தமிழக பொது சுகாதாரத்துறை செயலர் ராதாகிருஷ்ணன் தெரிவித்தார்.

பிளஸ் 2 தேர்வில், பல்வேறு முறைகேடுகளில் ஈடுபட்டதாக, 18 மாவட்டங்களில் இருந்து, 289 மாணவர்கள், பறக்கும் படை குழுவினரிடம் பிடிபட்டுள்ளனர்.

பிளஸ் 2 தேர்வில், பல்வேறு முறைகேடுகளில் ஈடுபட்டதாக, 18 மாவட்டங்களில் இருந்து, 289 மாணவர்கள், பறக்கும் படை குழுவினரிடம் பிடிபட்டுள்ளனர். கல்வியில் மிகவும் பின் தங்கியுள்ள, திருவண்ணாமலை, விழுப்புரம், கடலூர் போன்ற, வட மாவட்டங்களில், தேர்வு முறைகேடுகள் அதிகம் நடந்துள்ளன.

கடந்த 1ம் தேதியில் இருந்து, பிளஸ் 2 தேர்வுகள் நடந்து வருகின்றன. இதுவரை, தமிழ், ஆங்கிலம், கணிதம், வேதியியல், கணக்குப் பதிவியல், வணிகவியல், பொருளியல், விலங்கியல், உயிரியல், வரலாறு, தாவரவியல், வணிகக் கணிதம் ஆகிய தேர்வுகள் நடந்துள்ளன. நாளை, 25ம் தேதி, உயிர் வேதியியல் தேர்வும், கம்ப்யூட்டர் சயின்ஸ் தேர்வும் நடக்கின்றன. 27ம் தேதி, புள்ளியியல் மற்றும் அரசியல் அறிவியல் தேர்வுகளுடன், பிளஸ் 2 தேர்வுகள், முடிவுக்கு வருகின்றன. கடந்த 18ம் தேதி வரையிலான தேர்வுகளில், "பிட்' வைத்திருந்தது, விடைத்தாள் துண்டுகளைப் பார்த்து, விடை எழுதியது, பக்கத்து மாணவரைப் பார்த்து எழுதியது, விடைத்தாள்களை பரிமாறியபடி, விடைகளை எழுதியது உள்ளிட்ட, பல்வேறு தேர்வு முறைகேடுகளில் ஈடுபட்டதாக, 289 மாணவர்கள், பறக்கும் படை குழுவினரிடம் பிடிபட்டுள்ளனர். கடலூர், விழுப்புரம், கிருஷ்ணகிரி, திருவண்ணாமலை, திருவள்ளூர், தருமபுரி, வேலூர் உள்ளிட்ட, 18 மாவட்டங்களில் தான், தேர்வு முறைகேடுகள் அதிகம் நடந்துள்ளன. திருப்பூர், கன்னியாகுமரி, தேனி, மதுரை உள்ளிட்ட, 14 மாவட்டங்கள், தேர்வு முறைகேடு பட்டியலில் இடம் பெறவில்லை.

தேர்வு முறைகேடுகளில், கல்வியில் பின்தங்கியுள்ள வட மாவட்டங்கள் தான், அதிகம் இடம் பெற்றுள்ளன. அதிகபட்சமாக, திருவண்ணாமலை மாவட்டத்தில், 130 மாணவர்கள், தேர்வு முறைகேடுகளில் ஈடுபட்டுள்ளனர். அரியலூர், 27 மாணவர்களுடன், இரண்டாம் இடத்திலும்; விழுப்புரம், 22 பேருடன், மூன்றாம் இடத்திலும் உள்ளன. கல்வி தரத்திற்கு பெயர் பெற்ற சென்னை மாவட்டமும், 19 மாணவர்களுடன், நான்காம் இடத்தில் இடம் பெற்றுள்ளது; தூத்துக்குடி மாவட்டத்தில், 14 மாணவர்கள், "பிட்' அடித்ததால், ஐந்தாம் இடத்தில் உள்ளது. மிகக் குறைவாக, சேலம், கோவை ஆகிய மாவட்டங்களில், தலா ஒரு மாணவர் மட்டுமே, தேர்வுமுறைகேட்டில் ஈடுபட்டுள்ளனர். பொது தேர்வுகளில், ஆண்டுதோறும் முதலிடத்தை வகிக்கும், விருதுநகர் மாவட்டத்திலும், இரு மாணவர்கள் பிடிபட்டுள்ளனர்.

வட மாவட்டங்கள், தொடர்ந்து கல்வியில் பின் தங்கியிருப்பதை, இந்த தேர்வு முறைகேடுகள், எடுத்துக் காட்டுகின்றன. ஆண்டு முழுவதும் படித்த ஒரு பாடத்தில் இருந்து, தேர்ச்சிக்குரிய, 70 மதிப்பெண்களைக் கூட பெற முடியாது என்ற நம்பிக்கையின்மை ஏற்பட்டு, எப்படியாவது தேர்ச்சி பெற வேண்டும் என்ற எண்ணத்துடன், மாணவர்கள், முறைகேட்டில் ஈடுபடுகின்றனர். பள்ளி கல்விக்காக, ஆண்டுதோறும், பல ஆயிரம் கோடி ரூபாய் நிதி ஒதுக்கியும், கல்வியில் பின் தங்கியுள்ள மாவட்டங்களை முன்னேற்றுவதற்கு, கல்வித்துறை, உருப்படியாக, எந்த திட்டங்களையும் செயல்படுத்தவில்லை என்பதையே, முறைகேடு புள்ளி விவரங்கள் காட்டுகின்றன. முந்தைய தி.மு.க., ஆட்சியில், வட மாவட்டங்களில், கல்வி தரத்தை மேம்படுத்துவதற்காக, 50 லட்சம் ரூபாய் ஒதுக்கப்பட்டது. ஆனால், இந்த நிதியில் எந்த திட்டங்களை செய்தனர், அதனால், என்ன முன்னேற்றம் ஏற்பட்டது என்பது, அதிகாரிகளுக்கே வெளிச்சம்.

கல்வித்துறை அதிகாரி ஒருவர் கூறியதாவது: தேர்வு முறைகேடுகளை, வெறும் எண்ணிக்கையாக பார்க்காமல், இதன் பின்னணிக்கான காரணங்களை, முழுவதுமாக ஆய்வு செய்து, உரிய நடவடிக்கை எடுக்க வேண்டும். இந்த விவகாரத்தில், மாணவர்களை மட்டும், மட்டம் தட்டக்கூடாது. கற்பித்தலில், செயல்படுத்தப்படும் கல்வி திட்டங்களில், ஆசிரியர் செயல்பாடுகளில் உள்ள ஓட்டைகளை கண்டறிந்து, உரிய நடவடிக்கைகள் எடுக்க வேண்டும். வட மாவட்ட பள்ளிகளில், எப்போதுமே, ஆசிரியர் காலி பணியிடங்கள், அதிகம் இருப்பதும், தரம் குறைவதற்கு ஒரு முக்கிய காரணம். கல்வியில் முன்னேறியுள்ள தென் மாவட்டங்களைச் சேர்ந்தவர்கள் தான், ஆசிரியர் போட்டித் தேர்வுகளில் வெற்றி பெறுகின்றனர். இதனால், இவர்களை, வட மாவட்டங்களில், பணி நியமனம் செய்ததும், சில ஆண்டுகளுக்குப்பின், மீண்டும், தங்கள் சொந்த மாவட்டங்களுக்கு சென்று விடுகின்றனர். இதனால், தொடர்ந்து, வட மாவட்டங்களில், ஆசிரியர் பணியிடங்கள் காத்தாடுகின்றன. இந்நிலை மாற, வட மாவட்டங்களைச் சேர்ந்த பட்டதாரிகளும், அதிக எண்ணிக்கையில், ஆசிரியர் தேர்வுகளில், தேர்வு பெற வேண்டும். இதற்கு, முதலில், பள்ளிக்கல்வியின் தரத்தை மேம்படுத்துவதுடன், இந்த மாவட்டங்களைச் சேர்ந்த மாணவர்கள், உயர்கல்வி பெறுவதையும், அரசு உறுதிப்படுத்த வேண்டும். இந்த இரண்டையும் செய்தால், கல்வியில், வட மாவட்டங்கள், வெகுவாக முன்னேறும். இந்த நிலை உருவானால், சமூக, பொருளாதார நிலையிலும், வட மாவட்டங்கள் முன்னேற்ற நிலையை அடையும். இவ்வாறு, அந்த அதிகாரி கூறினார்.

4,000 பணியிடங்களை நிரப்ப டி.என்.பி.எஸ்.சி., மும்முரமாக ஈடுபட்டுள்ளது.

இந்து அறநிலையத் துறையில், உதவி ஆணையர், செயல் அலுவலர் மற்றும் சுகாதாரத் துறையில், 2,800 இடங்களுக்கான உதவி மருத்துவர் தேர்வு என, 4,000 காலி பணியிடங்களை நிரப்ப, தொடர்ச்சியாக, வரும், 30ம் தேதி முதல், பல்வேறு தேர்வுகளை, டி.என்.பி.எஸ்.சி., நடத்துகிறது.இந்து அறநிலையத் துறையில், நான்கு உதவி ஆணையர் பணியிடங்களுக்கான தேர்வுகள், இரு இடங்களுக்கான செயல் அலுவலர் தேர்வுகள் வரும், 30, 31 ஆகிய தேதிகளில் நடக்கின்றன. பொருளியல் மற்றும் புள்ளியியல் துறையில், 164 புள்ளியியல் ஆய்வாளர் பணியிடங்களுக்கான தேர்வு, ஏப்.,7ல், நடக்கிறது.சுகாதாரத் துறையில், 2,800 உதவி மருத்துவர் பணியிடங்களை நிரப்ப, ஏப்ரல், 21ம் தேதி போட்டித் தேர்வு நடக்கிறது. மேலும், காவல்துறை பயிற்சிப் பள்ளியில், இரு விரிவுரையாளர்களை (சட்டம், நிர்வாகம்) தேர்வு செய்வதற் கான தேர்வு, ஏப்ரல், 27ல், நடக்கிறது.மேலும், கால்நடை துறையில், உதவி மருத்துவர்கள், 921 பேரை, நியமனம் செய்வதற்கான தேர்வு, ஏப்., 28ல், நடக்கிறது. இந்த, ஐந்து வகையான தேர்வுகளிலும், ஏராளமான, தேர்வர்கள் பங்கேற்கின்றனர். தேர்வுகளுக்கான ஏற்பாடுகளை செய்வதில், டி.என்.பி.எஸ்.சி., மும்முரமாக ஈடுபட்டுள்ளது.

10ம் வகுப்பு கணித பாட வினாத்தாள் மாற்றம்: பள்ளிகளுக்கு சுற்றறிக்கை

பத்தாம் வகுப்பு மாணவர்களுக்கான, கணித வினாத்தாளில் ஏற்பட்டிருக்கும் மாற்றம் குறித்த சுற்றறிக்கை, அனைத்து பள்ளிகளுக்கும் அனுப்பி வைக்கப்பட்டுள்ளது.

தமிழகத்தில், கடந்த கல்வியாண்டில், 10ம் வகுப்பு வரை, சமச்சீர் கல்வி முறை அமல்படுத்தப்பட்டது. இதில், அறிவியல் பாடத் தேர்வில் செய்முறை அமல்படுத்தியதோடு, வினாத் தாள்களிலும் மாற்றம் கொண்டு வரப்பட்டிருந்தது. 

பாடப் புத்தகத்தில் இருப்பதை, அப்படியே கேட்காமல், "கிரியேட்டிவிடி"யை அதிகரிக்கும் வகையில், பல கேள்விகள் கேட்கப்பட்டிருந்தன. அதிலும், கணிதப் பாடத்தில், 12 மதிப்பெண்களுக்கு, இந்த வகையிலான கேள்விகளுக்கு, கண்டிப்பாக பதில் அளிக்க வேண்டிய நிலை இருந்தது. இதனால், கடந்த ஆண்டு, 100 சதவிகித மதிப்பெண் பெறும் மாணவர்களின் எண்ணிக்கை, கணிசமாக குறைந்தது.

இந்நிலையில், நடப்பாண்டில் கணித விடைத்தாளில் மாற்றம் வரும் என, ஏற்கனவே அறிவிக்கப்பட்டிருந்தது. பள்ளிகளுக்கு, அதிகாரபூர்வ சுற்றறிக்கை வராத காரணத்தால், அவை உண்மையா அல்லது, கடந்த ஆண்டு போலவே, வினாத்தாள் வந்து விடுமோ என்ற பயம், மாணவர்களிடையே எழுந்தது.

தற்போது, அனைத்து பள்ளிகளுக்கும், இம்மாற்றம் குறித்து சுற்றறிக்கை அனுப்பப்பட்டுள்ளது. இதில் கணிதப்பாடம், "ஏ" பிரிவில் கேட்கப்படும், ஒரு மதிப்பெண் வினாக்கள் 15ம், புத்தகத்தில் எடுத்துக்காட்டு வினா மற்றும் புத்தக வினாவில் இருந்தே, கேட்கப்படும். 

"பி" பகுதியான இரு மதிப்பெண் வினாவில், "கிரியேட்டிவ்" வினாவாகவும், கட்டாய வினாவாகவும் இருந்த, 30வது வினா, நடப்பாண்டில் புத்தகத்தில் உள்ள வினாவாக மாற்றப்பட்டுள்ளது. இதற்கு பதில் வினா எண் 16 முதல், 29 வரை உள்ள, இரு மதிப்பெண் வினாக்களில் இரண்டு வினாக்கள், "கிரியேட்டிவ்" வினாவாக கேட்கப்படும்.

இதே போல், பிரிவு, "சி" யில் கட்டாய வினாவாகவும், கிரியேட்டிவ் வினாவாகவும் இருந்த, 45 வது வினா, தற்போது புத்தகத்தில் உள்ள வினாவாக கேட்கப்படும். இதற்கு பதில் வினா எண், 31 முதல், 44 வரை உள்ள வினாக்களில் இரண்டு வினாக்கள், "கிரியேட்டிவ்" வினாவாக கேட்கப்படும். 

அதே போல், கடந்த ஆண்டில், மெய்யெண்கள், இயற்கணிதம், ஆயத்தொலைவுகள், அளவியல் பாடங்களில் இருந்து மட்டுமே, "கிரியேட்டிவ்" வினாக்கள் கேட்கப்பட்டிருந்தன.

தற்போது அனைத்து பாடங்களில் இருந்தும், "கிரியேட்டிவ்" வினாக்கள் கேட்கப்படும் என்பது உள்ளிட்ட ஆசிரியர்களின் சந்தேகங்களுக்கு, விளக்கம் அளிக்கப்பட்டுள்ளது.

தற்போது கட்டாய வினாக்களில், "கிரியேட்டிவ்" வினாக்கள் இல்லாததால், புத்தகத்தில் உள்ள வினாக்களை கொண்டே, 100 சதவிகித மதிப்பெண் எடுக்க முடியும் என்ற நிலை உள்ளதால், நடப்பு கல்வியாண்டில், நூற்றுக்கு நூறு மதிப்பெண் எடுப்பவர்களின் எண்ணிக்கை, அதிகமாகும் என எதிர்பார்க்கப்படுகிறது.

குரூப்-1 தேர்வு வயது வரம்பை 45 ஆக உயர்த்த கோரிக்கை


"தமிழ்நாடு அரசு பணியாளர் தேர்வாணையம் நடத்தும், குரூப் -1 தேர்வுக்கான வயது வரம்பை, 45 ஆக உயர்த்த வேண்டும்" என, மார்க்., கம்யூ., கட்சி கூறியுள்ளது.

இதுகுறித்து, கட்சியின் மாநில செயலர் ராமகிருஷ்ணன் வெளியிட்டுள்ள அறிக்கை: குரூப் -1 தேர்வு எழுத பொதுப் பிரிவினருக்கு 30 என்றும், இதர பிரிவினருக்கு 35 எனவும் வயது வரம்பு நிர்ணயிக்கப்பட்டுள்ளது.

குரூப் -1 தேர்வு ஆண்டுதோறும் நடைபெறுவதில்லை. இதனால், முதல்முறை தோல்வி அடைந்தவர்கள், மீண்டும் தேர்வு எழுத வயது வரம்பு தடையாக அமைகிறது. கேரளா, குஜராத், அசாம், திரிபுரா, அரியான மாநிலங்களில், குரூப் -1 தேர்வுக்கான வயது வரம்பை, 40 முதல், 50 வயதாக நிர்ணயித்துள்ளனர்.

எனவே, பின்தங்கிய பகுதியிலிருந்து போட்டியிடும் இளைஞர்களின் நலன் கருதி, குரூப் -1 தேர்வுக்கான வயது வரம்பை, 45 ஆக உயர்த்தி, தமிழக முதல்வர் ஜெயலலிதா உத்தரவிட வேண்டும். இவ்வாறு, ராமகிருஷ்ணன் கூறியள்ளார்.

ஊரக திறனாய்வுத் தேர்வில் தேர்ச்சி பெற்றோர் மதிப்பெண் குறைந்தால் உதவி தொகை நிறுத்தப்படும்


ஊரக திறனாய்வு தேர்வில் தேர்ச்சி பெற்ற மாணவ, மாணவிகள் அடுத்து வரும் வகுப்புகளிலும் 50 சதவீத மதிப்பெண்கள் பெறா விட்டால் கல்வி உதவித் தொகை வழங்குவது நிறுத்தம் செய்யப்படும் என பள்ளிக் கல்வி துறை உத்தரவிட்டுள்ளது.

மாநிலம் முழுவதும், கிராமங்களில் உள்ள பள்ளிகளில் படித்து வரும் மாணவ, மாணவிகளின் கல்வி தரத்தை உயர்த்தும் வகையில் பல்வேறு திட்டங்கள் அரசால் வழங்கப்பட்டு வருகிறது. அதில், கிராமப் பகுதி பள்ளிகளில் படித்து வரும் மாணவ, மாணவிகளின் அறிவுத் திறனை வளர்த்துக் கொள்ளும் வகையில் பள்ளிக் கல்வித்துறை சார்பில் இத்தேர்வு ஆண்டுதோறும் நடத்தப்பட்டு வருகிறது. இதில், குறிப்பிடும் படியாக 50 சதவீதத்திற்கு மேல் மதிப்பெண்கள் பெற்ற 8-வது படித்து வரும் மாணவ, மாணவிகள் தான் இத்தேர்வுகளில் பங்கேற்க முடியும்.

இத்தேர்வு குறிப்பிட்ட நாளில் அந்தந்த மாவட்டங்களில் குறிப்பிட்ட இடத்தில் நடத்தப்பட்டு வருகிறது. இதில் பங்கேற்று மதிப்பெண்கள் அதிகம் பெற்று முதலிடம் பெறும் 50  மாணவர்களுக்கும், 50 மாணவிகளுக்கும் தலா ரூ.1000 கல்வி உதவித் தொகை வழங்கப்படும். இத்தொகை 9,10,11-வது மற்றும் 12-வது வரையில்  வழங்கப்பட்டு வந்தது. ஆனால், தற்போது இத்தொகை வழங்குவதில் பள்ளிக் கல்வி துறை மாற்றம் கொண்டு வந்துள்ளது.

இந்த ஆண்டு முதல் கிராமத்திலிருந்து நகரத்தில் படிக்கிறவர்களுக்கும், பாலிடெக்னிக் கல்லூரிகளில் சேர்ந்து படிக்கிறவர்களுக்கும் இந்த கல்வி உதவித் தொகை வழங்கப்படமாட்டாது. அதேபோல், அடுத்தடுத்து வரும் ஒவ்வொரு வகுப்புகளிலும் தொடர்ந்து 50 சதவீத மதிப்பெண்கள் எடுக்காதவர்களுக்கும் இத்தொகையை நிறுத்துவதற்கும் பள்ளிக் கல்வித்துறை உத்தரவிட்டுள்ளதாக மாவட்ட முதன்மைக் கல்வி அலுவலர் பி.பகவதி தெரிவித்தார்.

அரசு பள்ளிகளில் ஆசிரியர்களின் வேலை பளுவை குறைக்க CCE செயல்திறன் பகுப்பு மென்பொருள் தமிழக அரசால் முதற்கட்டமாக 64 பள்ளிகளில் அறிமுகம்


1 முதல் 8 வகுப்புகளுக்கு CCE எனும் தொடர் மற்றும் முழுமையான மதிப்பீட்டு முறை நடைமுறையில் உள்ளது. வரும் கல்வியாண்டு முதல் இது 9ஆம் வகுப்பிற்கும் விரிவுபடுத்தப்பட உள்ளது. இதில் வகுப்பாசிரியர் / பாட ஆசிரியர் / மாணவர் திரள் பதிவேடு/ இணை செயல்பாடுகள் பதிவேடு என பல பதிவேடுகள் பராமரிக்க அதிக காலம் எடுத்துக்கொள்வதால். ஆசிரியர்களின் வேலை பளுவை குறைத்து எளிமையாக்க  அரசு / ஊராட்சி ஒன்றியப் பள்ளிகளில் CCE சார்பான பதிவேடுகள் மற்றும் மதிப்பெண் அட்டைகள் ஆகியவற்றில் ஆசிரியர்களின் சுமையை குறைப்பது மற்றும் CCE செயல்திறன் பற்றி அறிய "BEE EDUSYS" என்ற நிறுவனம் மூலம் முதற்கட்டமாக சோதனை அடிப்படையில் ஒரு மாவட்டத்திற்கு 2 அரசு பள்ளிகள் வீதம் தேர்ந்தெடுத்து தமிழக முழுவதும் 64 பள்ளிகளுக்கு, இச்செயல்திறன் மென்பொருள் அறிமுகப்படுத்தப்பட உள்ளது.

இம்மென்பொருள் படிப்படியாக தமிழகத்தில் உள்ள அனைத்து அரசு / நகராட்சி / ஊராட்சி பள்ளிகளில் நடைமுறைப்படுத்த பள்ளிக்கல்வித்துறை திட்டமிட்டுள்ளது. மென்பொருள் மூலம் FORMATIVE ASSESSMENT மற்றும் SUMMATIVE ASSESSMENT மதிப்பெண்கள் பதிவு மற்றும் தர மதிப்பீடு பிரித்தல் போன்ற பணிகள் செய்ய உதவியாக இருக்கும். மேலும் மென்பொருள் முழுமையாக அனைத்து பள்ளிகளில் நடைமுறைப்படுத்தப்பட்ட பிறகு ஆசிரியர்களுக்கு முப்பருவ முறையில் உள்ள CCE சார்பான எழுத்து பணிகள் பெரும் பங்கு குறையும் என்று எதிர்ப்பார்க்கப்படுகிறது.

எம்.பில் பகுதி நேர படிப்பு


எம்.பில் பகுதி நேர படிப்பாக பல்வேறு பல்கலைக்கழகங்கள் மற்றும் அவற்றின் உறுப்பு கல்லூரிகளில் வழங்குகின்றன.திருச்சிராப்பள்ளியில் உள்ள பாரதிதாசன் பல்கலைக்கழகம் மற்றும் அதன் உறுப்பு கல்லூரிகளில் எம்.பில் பகுதி நேர படிப்பாக வழங்கப்படுகிறது. வழங்கப்படும் கல்லூரிகளை காண http://www.bdu.ac.in/admission/mphil2012/MPhil_Prospectus_2012_v6.pdf என்ற வலைதளத்தில் பார்க்கலாம்.

பெரியார் பல்கலைக்கழகம் மற்றும் அதன் உறுப்பு கல்லூரிகளிலும் எம்.பில்., பகுதி நேர மற்றும் முழுநேர படிப்பாக வழங்கப்படுகிறது. வழங்கப்படும் கல்லூரிகளின் விவரங்களை காண http://www.periyaruniversity.ac.in/files/course_structure_mphil.pdf என்ற இணையதளத்தை அணுகலாம். பூர்த்தி செய்யப்பட்ட விண்ணப்பங்கள் ஜூலை 31ம் தேதிக்குள் விண்ணப்பிக்க வேண்டும்.

2013-14ம் ஆண்டில் 8 கலை அறிவியல் கல்லூரிகள் துவக்கப்படும்.

மாணவர்களுக்கு 6 லட்சம் லேப்டாப் வழங்கப்படும் என்றும், இதற்காக 1500 கோடி ரூபாய் ஒதுக்கப்பட்டுள்ளது. மேலும் 2013-14ம் ஆண்டில் 8 கலை அறிவியல் கல்லூரிகள் துவக்கப்படும். 2013-14ம் ஆண்டில் முதல்தலை முறை பட்டதாரிகளுக்காக 673 கோடி ரூபாய் ஒதுக்கப்பட்டுள்ளது என பன்னீர்செல்வம் தனது பட்ஜெட் உரையில் கூறினார்.

பள்ளி கல்வித்துறை வளர்ச்சிக்காக ரூ.16,965.30 கோடி நிதி ஒதுக்கப்பட்டுள்ளது.

பள்ளி கல்வித்துறை வளர்ச்சிக்காக ரூ.16,965.30 கோடி நிதி ஒதுக்கப்பட்டுள்ளது. 97.7 லட்சம் மாணவர்களுக்கு இலவச புத்தகங்கள் வழங்க ரூ.217.22 கோடி நிதி ஒதுக்கப்பட்டுள்ளது. 86.71 மாணவர்களுக்கு இலவச நோட்டுகள் வழங்க ரூ.110.96 கோடி நிதி ஒதுக்கப்பட்டுள்ளது. 24.76 லட்சம் மாணவர்களுக்கு கல்வி ஊக்கத் தொகையாக ரூ.381 கோடி நிதி ஒதுக்கப்பட்டுள்ளது. அனைவருக்கும் கல்வி திட்டத்திற்கு ரூ.700 கோடி நிதி ஒதுக்கப்பட்டுள்ளது. இடைநிலைக் கல்வி மேம்பாட்டு திட்டத்திற்கு ரூ.366.57 கோடி நிதி ஒதுக்கப்பட்டுள்ளது. 13 லட்சம் மாணவர்களுக்கு இலவச புத்தக பைகள் வழங்க ரூ.19.77 கோடி நிதி ஒதுக்கப்பட்டுள்ளது. மாணவர்களின் இலவச பேருந்து பயணச்சீட்டுகள் வழங்கும் திட்டத்திற்கு ரூ.322 கோடி நிதி ஒதுக்கப்பட்டுள்ளது.

2013- 2014 ம் ஆண்டுக்கான தமிழக பட்ஜெட்டை நிதி அமைச்சர் ஒ. பன்னீர்செல்வம் இன்று தாக்கல் செய்தார் | சிறப்பு அம்சங்கள்

* தென் மாவட்ட வளர்ச்சிக்கு பல திட்டங்கள்
* பட்ஜெட் திட்ட ஒதுக்கீடு 37 ஆயிரம் கோடி
* போலீஸ் ஸ்டேஷன்களுக்கு சொந்த கட்டடம் கட்ட 50 கோடி
* நீதி துறை மேம்பாட்டுக்கு 695 கோடி
* நகர்ப்புற வறுமை ஒழிப்புக்கு 200 கோடி
* கல்வி- சுகாதாரத்திற்கு கூடுதல் நிதி ஒதுக்கீடு
* காய்கறி கழிவு சுத்திகரிப்பு ரூ. 34 கோடி
* 6 லட்சம் இலவச ஆடுகள்; 250 கோடி ஒதுக்கீடு
* கால்நடை துறைக்கு 10 82 கோடி
* 100 கால்நடை மருத்துவமனைகள் தரம் உயர்வு
* கால்நடை மருத்துவமனை சீரமைக்க 25 கோடி
* ஆழ்கடல் மீன் பிடிக்க மானியம் 5 சதம் உயர்வு
* 12 ஆயிரம் கறவை மாடுகள்
* ஈரோடு கால்நடை தீவன உற்பத்தி
* பெண்களுக்கு 12ஆயிரம் கறவை மாடுகள்
* 1.5 லட்சம் பேருக்கு செம்மறி ஆடுகள்
* தூத்துக்குடியில் புதி கப்பல் கட்டும் தளம்
* 17 ஆயிரத்து 138 போலீசார் நியமிக்க திட்டம்
* மீன்வளத்துறை மேம்பாட்டுக்கு 467 கோடி
* மீனவர்கள் படகு வாங்கிட 50 சதம் மானியம்
* கடலூர் முடசலோடையில் மீன் இறங்கு தளம்
* உணவு மானியத்திற்கு 4 ஆயிரத்து 900 கோடி
* மாநில திறன் மேம்பாட்டுக்கு 100 கோடி
* மதுரை - தூத்துக்குடி தொழில் வழித்தடம்
* மதுரை கோரிப்பாளையம்- காளவாசலில் 2 புதிய பாலங்கள்
* சென்னையில் 4 புதிய பாலங்கள்
* கோழி வளர்ப்பை ஊக்குவிக்க 25 கோடி
* சென்னை மெட்ரோ ரயில் திட்டத்திற்கு 750 கோடி
* இலவச வேட்டி - சோலை வழங்கிட 362 கோடி
* நெடுஞ்சாலை ஆணையம் * சூரிய ஒžளி மின் திட்டம்
* வல்லூர் மின்உறபத்தி 500 மொ வாட் அக்டோபரில் துவங்கும்
* 21 ஆயிரம் கோடியில் புதிய மின் திட்டங்கள்
* இலவச நோட்டுகள் வழங்கிட 110 கோடி
* மாணவர்களுக்கு மிதிவண்டி வழங்கிட 200. 9 கோடி
* புதிதாக 8 கலைக்கல்லூரிகள் அறிவிப்பு
* இலவச மடிக்கணினி வழங்கிட 1 500 கோடி
* மாணவிகளுக்கு நாப்கின் வழங்கிட 54. 63 கோடி
* சிறைத்துறைக்கு 179 கோடி
* 20 ரூபாய்க்கு வெளிச்சந்தையில் அரிசி
* அணை புனரமைப்புக்கு 390 கோடி
* ஒக்கேனக்கல் திட்டத்திற்கு 500 கோடி
* நெடுஞ்சாலை துறைக்கு 6 ஆயிரத்து 452 கோடி
* சென்னை பெருநகர மேம்பாட்டுக்கு 500 கோடி
* போக்குவரத்து கூடுதல் செலவுக்கு 500 கோடி
* பழங்குடியினருக்கு மிதி வண்டி வழங்கிட 56 கோடி
* 60 ஆயிரம் பசுமை வீடுகள் அமைக்கப்படும்
* தேசிய ஊரக வேலை உறுதி திட்ட கூலி 148 ஆக உயர்வு
* 2 லட்சம் வீட்டு மனை பட்டாக்கள் வழங்கப்படும்
* கல்வித்துறை மேம்பாட்டுக்கு 16 ஆயிரத்து 965 கோடி
* இலங்கை தமிழ் அகதிகளுக்கு மருத்துவ காப்பீடு
* இலங்கை தமிழர் நலன் காத்திட 109 . 9 கோடி
* மாற்றுத்திறனாளி நலனுக்கு 263 கோடி
* அரசு ஊழியர் நலன் காத்திட காப்பீட்டு தொலை அதிகரிப்பு
* மாமல்லபுரத்தில் கடல்வாழ் உயிரின பூங்கா
* திருமண உதவி தொகைக்கு 750 கோடி

புதுச்சேரி மாநிலத்தில் உள்ள அனைத்து பள்ளி மற்றும் கல்லூரிகளுக்கு 3 நாட்களுக்கு விடுமுறை அளித்து புதுச்சேரி அரசு உத்தரவிடப்பட்டுள்ளது. தேர்வுகள் அந்தந்த நாட்களில் நடைபெறும் என்றும் அறிவிக்கப்பட்டுள்ளது.

புதுச்சேரி, காரைக்காலில் உள்ள அனைத்து பள்ளிகள், பாலிடெக்னிக், மருத்துவம், பொறியியல், சட்டம் என அனைத்துக் கல்லூரிகள் என ஒட்டுமொத்த கல்வி நிறுவனங்களுக்கும் புதன்கிழமை (மார்ச் 20) முதல் மார்ச் 22-ம் தேதி வரை விடுமுறை அறிவிக்கப்பட்டுள்ளது. இருப்பினும், பிளஸ் 2 தேர்வுகள் திட்டமிட்டபடி நடைபெறும் என்றும் பள்ளி கல்வித்துறை இயக்குநர் இ.வல்லவன் அறிவித்துள்ளார்

மேலும், மார்ச் 23, 24 ஆகிய தேதிகள் சனி, ஞாயிற்றுக்கிழமை என்பதால், புதன்கிழமை மூடப்படும் பள்ளி கல்லூரிகள் மீண்டும் மார்ச் 25-ம் தேதி முதல் செயல்படத் தொடங்கும் எனத் தெரிகிறது.
 
அதேசமயம், விடுமுறைக்கான காரணம் குறித்து அதிகாரிகள் தெரிவிக்கவில்லை. காரணம், இலங்கைப் பிரச்னையில் மாணவர்கள் போராட்டம் தீவிரமடைந்துவரும் நிலையில், சட்டம்-ஒழுங்கு பிரச்னையைத் தவிர்க்கவும், சில அமைப்புகள் மாணவர்களைப் பயன்படுத்திக்கொள்வதைத் தவிர்க்கவுமே இந்த உத்தரவு வெளியிடப்பட்டதாக தலைமைச் செயலக வட்டாரங்கள் தெரிவித்தன.

துறைத்தேர்வு அறிவிப்பு: 2013 ஆம் ஆண்டு மே மாதம் நடைபெறவிருக்கும் துறைத்தேர்வுகளுக்கு, விண்ணப்பதாரர்களிடமிருந்து இணையதளம் மு்லமாக 15.04.2013. பி.ப 5.45 வரை விண்ணப்பங்கள் வரவேற்கப்படுகின்றன.

அரசு ஊழியர்கள், அலுவலர்கள், துறைத் தேர்வுகளை எழுத, ஏப்ரல், 15ம் தேதி வரை, "ஆன்-லைன்' வழியாக விண்ணப்பிக்கலாம்' என, டி.என்.பி.எஸ்.சி., அறிவித்துள்ளது.அரசுத்துறை ஊழியர்கள், ஆசிரியர்கள், பதவி உயர்வு பெறுவதற்காக, துறைத் தேர்வுகளை எழுதுகின்றனர். ஆண்டுதோறும், மே மற்றும் டிசம்பர் மாதங்களில், இந்த தேர்வுகள் நடத்தப்படுகின்றன. அதன்படி, மே மாதம் நடக்கும் தேர்வுக்காக, அறிவிப்பு வெளியிடப்பட்டு உள்ளது. ஏப்ரல், 15ம் தேதி வரை, தேர்வாணைய இணையதளம் (www.tnpsc.gov.in) வழியாக, துறைத் தேர்வுகளுக்கு விண்ணப்பிக்கலாம் என, தேர்வாணையம் தெரிவித்துள்ளது.

மத்திய அரசின் வேலைவாய்ப்பு மற்றும் கல்வி நிறுவனங்களில் இதர பிற்படுத்தப்பட்ட பிரிவினருக்கு (OBC) வழங்கப்பட்டுள்ள 27 சதவீத இடஒதுக்கீட்டை பெறுவதற்கான வருமான வரம்பு ரூ.4.5 லட்சத்திலிருந்து ரூ.6 லட்சமாக உயர்வு

அரசின் வேலைவாய்ப்பு மற்றும் கல்வி நிறுவனங்களில் இதர பிற்படுத்தப்பட்ட பிரிவினருக்கு 27 சதவீத இடஒதுக்கீடு அளிக்கப்பட்டுள்ளது. இது செல்லாது என அறிவிக்கக்கோரி இடஒதுக்கீடு எதிர்ப்பாளர்கள் சுப்ரீம் கோர்ட்டில் வழக்கு தொடர்ந்தனர். இந்த வழக்குகளை சுப்ரீம் கோர்ட் விசாரித்து இதர பிற்படுத்தப்பட்டவர்களுக்கு இடஒதுக்கீடு அளிக்கும் சட்டம் செல்லும் என அறிவித்தது. அதே சமயம் அதிக வருமானம் ஈட்டும் பிற்படுத்தப்பட்டவர்களுக்கு இடஒதுக்கீடு சலுகை அளிக்கக்கூடாது என உத்தரவிட்டது. இதை தொடர்ந்து ஆண்டுக்கு ரூ. 4.5 லட்சம் வரை வருமானம் உள்ளவர்களுக்கு மட்டும் இடஒதுக்கீடு சலுகை அளிக்க கடந்த 2008ம் ஆண்டு மத்திய அரசு முடிவு செய்தது. 4 ஆண்டுகளுக்கு ஒருமுறை இந்த வருமான வரம்பை மறுபரிசீலனை செய்யவும் முடிவு செய்யப்பட்டது. இந்நிலையில் நகர் புறங்களில் வருமான வரம்பை ரூ. 12 லட்சமாகவும், கிராம புறங்களில் வருமான வரம்பை ரூ. 9 லட்சமாகவும் உயர்த்த தேசிய பிற்படுத்தப்பட்டோர் ஆணையம் பரிந்துரை செய்தது. இதை தொடர்ந்து வருமான வரம்பை உயர்த்துவது தொடர்பாக மத்திய நிதியமைச்சர் ப.சிதம்பரம் தலைமையிலான அமைச்சரவை குழு நேற்று ஆலோசனை நடத்தியது. இந்த அமைச்சரவை குழு கூட்டத்தில் பெட்ரோலிய துறை அமைச்சர் வீரப்ப மொய்லி, வெளிநாட்டில் வாழும் இந்தியர்கள் நலத்துறை அமைச்சர் வயலார் ரவி, மனிதவள மேம்பாட்டு துறை இணை அமைச்சர் பல்லம்ராஜு, சமூக நீதி துறை அமைச்சர் செல்ஜா, பிரதமர் அலுவலக இணை அமைச்சர் நாராயணசாமி ஆகியோர் இடம் பெற்றுள்ளனர். இந்த குழு நேற்று தீவிர ஆலோசனை நடத்தியது. வருமான வரம்பை ரூ. 7 லட்சமாக உயர்த்த வேண்டும் என வீரப்ப மொய்லி, நாராயணசாமி, வயலார் ரவி ஆகியோர் கோரிக்கை வைத்தனர். வருமான வரம்பை அதிக அளவுக்கு உயர்த்தினால் ஏழைகள் பாதிக்கப்படுவார்கள் என மற்றவர்கள் எதிர்ப்பு தெரிவித்தனர். இதை தொடர்ந்து வருமான வரம்பை ரூ. 6 லட்சமாக உயர்த்துவது என ஒருமனதாக முடிவு எடுக்கப்பட்டது. மத்திய அமைச்சரவையின் ஒப்புதலுக்கு பிறகு இது நடைமுறைக்கு வரும். ஆண்டுக்கு ரூ. 6 லட்சம் வரை வருமானம் ஈட்டும் பிற்படுத்தப்பட்ட மக்கள் இனி இடஒதுக்கீடு சலுகையை அனுபவிக்கலாம்.

600க்கு மேற்பட்ட மாணவர்கள் தேர்வு எழுதும் மையங் களை இரண்டாக பிரிக்க வேண்டும் - தேர்வுத் துறை அவசர உத்தரவு

பிளஸ் 2 தேர்வு மார்ச் 1ம் தேதி தொடங்கியது. மார்ச் 27ம் தேதியுடன் முடிகிறது. இந்த தேர்வில் தமிழகம், புதுச்சேரியை சேர்ந்த 5769 பள்ளிகளில் இருந்து 8 லட்சத்து 4 ஆயிரத்து 534 மாணவ மாண வியரும், தனித் தேர்வர்களாக 48 ஆயிரத்து 788 மாணவ மாணவியரும் எழுதுகின்றனர். இவர்களுக்காக தமிழகம் முழுவதும் 2020 தேர்வு மையங்கள் அமைக்கப்பட்டுள்ளன. அதிக அளவில் மாணவர்கள் தேர்வு எழுதும் மையங்களின் விடைத்தாள் கட்டுகள் தேர்வு துறை அறிவித்தபடி தபாலில் வருவது தாமதமாகியுள்ளது. குறிப்பாக சில மையங்களின் விடைத்தாள் கட்டுகள் தபால் நிலையங்களுக்கு இரவு நேரத்தில்தான் எடுத்து செல்கின்றனர். இதனால் அந்த கட்டுகள் தேர்வு துறைக்கு வந்து சேர்வதில் தாமதமாகி விடுகிறது. இதையடுத்து 600க்கு மேற்பட்ட மாணவர்கள் தேர்வு எழுதும் மையங் களை உடனடியாக இரண்டாக பிரிக்க வேண்டும் என்று தேர்வுத் துறை உத்தரவு போட்டுள்ளது.

பொறியியல் கல்லூரிகளுக்கு காலவரையற்ற விடுமுறை

இலங்கை விவகாரத்தில் கலை, அறிவியல், சட்டம் மற்றும் வேளாண் மாணவர்கள் வகுப்புகளை புறக்கணித்து போராட்டத்தில் ஈடுபட்டு வருகின்றனர். இந்நிலையில், பொறியியல் கல்லூரி மாணவர்களும் போராட்டத்தில் ஈடுபட்டதையடுத்து, அண்ணா பல்கலைக்கழகத்தின் கீழ் இயங்கும் அனைத்து பொறியியல் கல்லூரிகளுக்கும் காலவரையற்ற விடுமுறை அறிவிக்கப்பட்டுள்ளது. அண்ணா பல்கலைக்கழகம் தவிர தனியார் பொறியியல் கல்லூரிகளுக்கும் காலவரையின்றி விடுமுறை வழங்க அண்ணா பல்கலைக்கழகம் உத்தரவிட்டுள்ளது.

பிளஸ் 2 பொதுத் தேர்வு விடைத்தாள் திருத்தும் பணிகள் முழு விவரம்



தமிழகம் முழுவதும் பிளஸ் 2 பொதுத் தேர்வு கடந்த 1 ஆம் தேதி துவங்கியது.

தமிழகத்தில் 7 லட்சத்து, 91 ஆயிரத்து, 924 மாணவர்கள் பிளஸ் 2 தேர்வெழுதுகின்றனர்.

தமிழகம் மற்றும் புதுச்சேரியில், 2,020 தேர்வு மையங்கள் அமைக்கப்பட்டு உள்ளன.

பிளஸ் 2 பொதுத் தேர்வுகள் அனைத்தும் 27ம் தேதியுடன் நிறைவடைகிறது.

NON DUMMY PAPERS :

முக்கிய தேர்வுகள் அனைத்தும் 21ம் தேதி முடிவடையும் நிலையில் விடைத்தாள் திருத்தும் பணிக்காக வரும் 22ம் தேதி முகாம் அலுவலர்கள் பொறுப்பேற்கின்றனர்.

# C.E மற்றும் S.O தங்கள் பணிகளை 25.03.2013 துவக்குகின்றனர்.

# A.E தங்கள் பணிகளை 26.03.2013 அன்று துவக்குகின்றனர்.

DUMMY PAPERS :

# C.E மற்றும் S.O தங்கள் பணிகளை 28.03.2013 துவக்குகின்றனர்.

# A.E தங்கள் பணிகளை 30.03.2013 அன்று துவக்குகின்றனர்.

மேற்கண்ட தேதிகளில் பணிகளை துவக்க தேர்வுத்துறை திட்டமிட்டுள்ளது.

இதுவரை தனியாக நடத்தப்பட்டு வந்த மாவட்ட கல்வி அதிகாரி (டி.இ.ஓ.) தேர்வு மட்டும் குரூப்–1 தேர்வுடன் சேர்க்கப்பட்டு உள்ளது.

தமிழ்நாடு அரசுப் பணியாளர் தேர்வாணையம்(TNPSC) நடத்தும் குரூப் 2 மற்றும்VAO தேர்வில் இருந்து பொதுத் தமிழ் பகுதி நீக்கப்பட்டுள்ளது. குரூப் 4 தேர்வுகளிலும் தமிழ் பாடத்திற்கான மதிப்பெண்கள் குறைக்கப்பட்டுள்ளன. அரசு பணியாளர் தேர்வாணையம் நடத்தும் குரூப்–1, குரூப்–1–ஏ, குரூப்–1–பி, குரூப்–2, குரூப்–4 உள்ளிட்ட தேர்வுகளுக்கும் இதர தொழில்நுட்ப தேர்வுகளுக்கும் பாடத்திட்டம் முற்றிலும் மாற்றி அமைக்கப்பட்டு உள்ளது.

இது தொடர்பாக 72 பக்கங்கள் அடங்கிய புதிய பாடத்திட்டத்தை தமிழ்நாடு அரசுப் பணியாளர் தேர்வாணையம் நேற்றிரவு வெளியிட்டுள்ளது. பத்தாம் வகுப்பு தேர்ச்சியை தகுதியாகக் கொண்டு எழுதும் குரூப் 4 மற்றும் வி.ஏ,ஓ தேர்வுகளில் புதிய மாற்றங்கள் அறிமுகப்படுத்தப்பட்டுள்ளன.

வி.ஏ.ஓ. தேர்வில் இதுவரை பொது அறிவு, புத்தி கூர்மை , சிந்தித்து விடை அளித்தல் உள்ளடக்கிய பகுதியில் இருந்து 150 வினாக்களும், கிராம நிர்வாகம் தொடர்பான பகுதிகளில் இருந்து 50 வினாக்களும், பொதுத் தமிழ் பகுதிக்கு 100 வினாக்களும் ஒதுக்கப்பட்டிருந்தன. தற்போது புதிய பாடத்திட்டத்தின் படி, பொதுத் தமிழ் பகுதி முழுவதுமாக நீக்கப்பட்டுள்ளது. இதேபோல், குரூப் 2 தேர்வில், அனைத்து மதிப்பெண்களும் பொது அறிவுப்பகுதிக்கே ஒதுக்கப்பட்டுள்ன.

குரூப் 4 தேர்வில் இதுவரை 100 வினாக்கள் பொது அறிவு பகுதிகளுக்கும், 100 வினாக்கள் பொதுத் தமிழுக்கும் ஒதுக்கப்பட்டது. புதிய பாடத்திட்டத்தின் படி, பொது அறிவு, சிந்தித்து விடை அளித்தல், புத்தி கூர்மை உள்ளடக்கிய பகுதியில் இருந்து 150 வினாக்கள் கேட்கப்படும். இதற்காக 225 மதிப்பெண்கள் ஒதுக்கப்பட்டுள்ளது. எஞ்சியுள்ள 50 வினாக்கள் மட்டுமே பொதுத் தமிழில் இருந்து கேட்கப்படவுள்ளது. இதற்காக 75 மதிப்பெண்கள் வழங்கப்படும் என தமிழ்நாடு அரசுப் பணியாளர் தேர்வாணையம் தெரிவித்துள்ளது.

இதுவரை தனியாக நடத்தப்பட்டு வந்த மாவட்ட கல்வி அதிகாரி (டி.இ.ஓ.) தேர்வு மட்டும் குரூப்–1 தேர்வுடன் சேர்க்கப்பட்டு உள்ளது.

முன்பு அறிவிக்கப்பட்டபடி, நகராட்சி கமிஷனர் (கிரேடு–2), சார்–பதிவாளர் (கிரேடு–2), துணை வணிகவரி அதிகாரி, இளநிலை வேலைவாய்ப்பு அதிகாரி ஆகிய பதவிகள் குரூப்–1 தேர்வுடன் சேர்க்கப்படவில்லை. எனவே, இந்த பதவிகள் முன்பு போல குரூப்–2 தேர்வில்தான் இடம்பெற்று இருக்கும் என்று எதிர்பார்க்கப்படுகிறது. குரூப்–2 தேர்வில் நேர்காணல் கொண்ட பதவிகளுக்கு மட்டும் முதல்நிலைத்தேர்வுடன் கூடுதலாக மெயின் தேர்வு (Objective Type) நடத்தப்படும்.

தமிழ்மொழி புறக்கணிக்கப்படுவதாக குற்றச்சாட்டு எழுந்துள்ள நிலையில், டி.என்.பி.எஸ்.சி. தேர்வுகளுக்கான புதிய பாடத்திட்டம் குறித்து தீவிரமாக பரிசீலிக்கப்பட்டு வருவதாக டி.என்.பி.எஸ்.சி. தலைவர் ஏ.நவநீதகிருஷ்ணன் கூறினார்.


தமிழ்மொழி புறக்கணிக்கப்படுவதாக குற்றச்சாட்டு எழுந்துள்ள நிலையில், டி.என்.பி.எஸ்.சி. தேர்வுகளுக்கான புதிய பாடத்திட்டம் குறித்து தீவிரமாக பரிசீலிக்கப்பட்டு வருவதாக  டி.என்.பி.எஸ்.சி. தலைவர் ஏ.நவநீதகிருஷ்ணன் கூறினார்.

தமிழக அரசின் பல்வேறு துறைகளுக்கு தேவைப்படும் ஊழியர்களும், அதிகாரிகளும் டி.என்.பி.எஸ்.சி. என்று அழைக்கப்படும் தமிழ்நாடு அரசு பணியாளர் தேர்வாணையம் மூலமாக தேர்வுசெய்யப்படுகிறார்கள். இதற்காக டி.என்.பி.எஸ்.சி. அவ்வப்போது அறிவிப்பு வெளியிட்டு போட்டித்தேர்வுகளை நடத்தும். கடந்த 10 ஆண்டுகளுக்கு மேலாக டி.என்.பி.எஸ்.சி. தேர்வுகளுக்கான பாடத்திட்டம் மாற்றப்படாத நிலையில், இன்றைய சூழலுக்கு ஏற்ப பாடத்திட்டத்தை திருத்தி அமைக்க ஆர்.நட்ராஜ் தலைவராக இருந்தபோது முடிவு செய்யப்பட்டது. பாடத்திட்டத்தையும், தேர்வுமுறையையும் மாற்றுவது தொடர்பாக டி.என்.பி.எஸ்.சி. உறுப்பினர்கள் சி.ஷோபினி, சி.பாலசுப்ரமணியன் ஆகியோர் தலைமையில் தனித்தனி குழுக்கள் அமைக்கப்பட்டன. இந்த நிலையில், கடந்த 12–ந்தேதி திருத்தப்பட்ட புதிய பாடத்திட்டத்தை டி.என்.பி.எஸ்.சி. தனது இணையதளத்தில் திடீரென வெளியிட்டது.

புதிய பாடத்திட்டத்தில் குரூப்–1, குரூப்–2, குரூப்–4, வி.ஏ.ஓ. என அனைத்து தேர்வுகளிலும் ஏராளமான மாற்றங்கள் செய்யப்பட்டுள்ளன. நகராட்சி கமிஷனர், சார்–பதிவாளர், தலைமைச்செயலக பிரிவு அதிகாரி, உதவித்தொழிலாளர் ஆய்வாளர், உதவியாளர் போன்ற பதவிகளுக்கு நடத்தப்படும் குரூப்–2 தேர்வு நேர்காணல் கொண்ட பதவிகளுக்கான தேர்வு என்றும், நேர்காணல் அல்லாத பணி இடங்களுக்கான தேர்வும் என்றும் 2 தேர்வுகளாக பிரிக்கப்பட்டுள்ளது.

குரூப்–2 தேர்வில் இருந்த மொழித்தாள் (தமிழ் மற்றும் ஆங்கிலம்) அடியோடு நீக்கப்பட்டது. 200 கேள்விகளும் பொதுஅறிவு பாடங்களுக்கு ஒதுக்கப்பட்டுள்ளன. அதில் பொது விழிப்புத்திறன் (ஆப்டிடியூட்) என்ற புதிய பகுதி சேர்க்கப்பட்டு இருக்கிறது. இதேபோல், லட்சக்கணக்கானோர் விண்ணப்பிக்கும் குரூப்–4 தேர்வில் மொழித்தாள் பகுதியில் கேள்விகளின் எண்ணிக்கை 100–லிருந்து 50 குறைக்கப்பட்டு அதற்குப் பதிலாக பொது விழிப்புத்திறன் என்ற புதிய பகுதியை சேர்த்துள்ளனர்.

குரூப்–4 தேர்வைப் போல அதிகப்படியான விண்ணப்பதாரர்கள் கலந்துகொள்ளும் வி.ஏ.ஓ. தேர்வில் மொழித்தாள் கேள்வி எண்ணிக்கை 100–லிருந்து 30 ஆக குறைக்கப்பட்டு இருக்கிறது. புதிதாக கிராம நிர்வாகம் மற்றும் ஆப்டிடியூட் பகுதிகளை சேர்க்கப்பட்டுள்ளன. தொழில்நுட்ப பணிகளுக்கான அனைத்து தேர்வுகளிலும் குறிப்பிட்ட பாடத்துடன் கூடுதலாக பொதுஅறிவு பகுதியை சேர்த்து இருக்கிறார்கள். குரூப்–1 மெயின் தேர்வில் பொதுஅறிவு தாள்களின் எண்ணிக்கை 3 ஆக உயர்த்தப்பட்டு உள்ளது.

யு.பி.எஸ்.சி.யைப் போல டி.என்.பி.எஸ்.சி.யும் தமிழ்மொழியை புறக்கணிக்கும் வகையிலும் முக்கியத்துவத்தை குறைக்கும் வகையிலும் வெளியிட்டுள்ள புதிய பாடத்திட்டத்தை திரும்பப் பெற வேண்டும் என்று அரசியல் கட்சித்தலைவர்கள் குற்றம் சாட்டினார்கள். கிராமப்புற மாணவர்கள் பெரிதும் பாதிக்கப்படுவார்கள். எனவே, தற்போதைய பாடத்திட்டத்தையே பின்பற்ற வேண்டும் என்று அனைவரும் வேண்டுகோள் விடுத்தனர். பாடத்திட்டத்தை மாற்றக்கூடாது என்று ஏராளமான மாணவ–மாணவிகள் டி.என்.பி.எஸ்.சி. அலுவலகத்தில் நேரிலும், இ–மெயில் மூலமாகவும் முறையிட்ட வண்ணம் உள்ளனர்.

இந்த நிலையில், டி.என்.பி.எஸ்.சி. தலைவர் நவநீதகிருஷ்ணன், அனைத்து உறுப்பினர்களுடன் நீண்ட நேரம் ஆலோசனை நடத்தினார். சிவில் சர்வீசஸ் தேர்வுமுறை மாற்றப்பட்டு பின்னர் கடும் எதிர்ப்பு காரணமாக தற்காலிகமாக நிறுத்திவைக்கப்பட்டிருப்பது குறித்தும் விவாதிக்கப்பட்டது. சிவில் சர்வீசஸ் புதிய தேர்வுமுறை நிறுத்தி வைக்கப்பட்டிருப்பது போல அனேகமாக டி.என்.பி.எஸ்.சி.யும் புதிய பாடத்திட்டத்தை நிறுத்திவைக்கும் என்றே தெரிகிறது.

இதுகுறித்து டி.என்.பி.எஸ்.சி. தலைவர் ஏ.நவநீதகிருஷ்ணனிடம் கேட்டபோது, ‘‘புதிய பாடத்திட்ட பிரச்சினை குறித்து தீவிரமாக பரிசீலித்து வருகிறோம். அரசிடம் ஆலோசனை பெற்று முடிவு எடுக்கப்படும்’’ என்றார்.

விண்ணப்பித்த, 30 நாளில், புதிய வாக்காளர் அடையாள அட்டை வழங்க, தேர்தல் ஆணையம் விதிமுறைகளை தளர்த்தி, உத்தரவிட்டுள்ளது.

தேர்தலில், கள்ள ஓட்டு போடுவதை தடுக்க, புகைப்படத்துடன் கூடிய வாக்காளர் அடையாள அட்டை வழங்கப்படுகிறது. 18 வயது பூர்த்தியான அனைவரும், இந்த அட்டையை பெற, தகுதியுடையவர்கள். கடந்த சில ஆண்டுக்கு முன், ஒவ்வொரு கிராமமாக சென்று, வாக்காளர்களை புகைப்படம் எடுத்து, புதிய வாக்காளர் அடையாள அட்டை வழங்கப்பட்டது. புதிய வாக்காளர் அட்டைக்கு விண்ணப்பித்தல், பெயர் நீக்கம், திருத்தம், முகவரி மாற்றம், நகல் அட்டை பெறுதலில் தாமதம் ஏற்பட்டது. இதை தவிர்க்க, அனைத்து தாலுகா அலுவலகங்களிலும், தேர்தல் தனிப்பிரிவு துவங்கப்பட்டது. அந்தந்த சட்டசபை தொகுதி எல்லைக்கு உட்பட்ட, வாக்காளர்களுக்கு, புதிய வாக்காளர் அட்டைக்கு விண்ணப்பித்தல், பெயர் நீக்கம், திருத்தம், முகவரி மாற்றம், நகல் அட்டை பெறுதல் நடந்து வருகிறது. இதில், பெயர் நீக்கம், திருத்தம், முகவரி மாற்றப்பணிகள் மட்டுமே, அலுவலக நாளில் நடந்தது. பெயர் சேர்த்தலுக்கு, ஒவ்வொரு ஆண்டும் நவம்பரில் மட்டுமே மனு பெறப்பட்டு, விசாரணைக்குப்பின், ஜனவரியில் புதிய வாக்காளர் அடையாள அட்டை வழங்கப்பட்டது.

இந்த தாமதத்தை தவிர்க்க, தொடர் திருத்தம், சேர்த்தல், நகல் வழங்கும் முறையை உருவாக்கி, தேர்தல் ஆணையம், கடந்த, பிப்., 1 ல் உத்தரவு பிறப்பித்தது. இதையடுத்து, அனைத்து தாலுகா அலுவலகங்களில் செயல்படும், தேர்தல் பிரிவு அலுவலத்தில், வாக்காளர் அடையாள அட்டை தொடர்பான அனைத்து விண்ணப்பங்களும் தற்போது பெறப்படுகிறது.

இதுகுறித்து தேர்தல் பிரிவு அலுவலர் ஒருவர் கூறியதாவது: தேர்தல் ஆணையம், வாக்காளர்களுக்கு அடையாள அட்டை வழங்குவதில், சிரமம் மற்றும் தாமதத்தை தவிர்க்க, புதிய நடைமுறையை செயல்படுத்தி உள்ளது. படிவம் 6 - பெயர் சேர்த்தல், படிவம் 6ஏ - வாக்காளர் அடையாள அட்டை பெறுதல், படிவம் 7 - நீக்கல், படிவம் 8 - திருத்தம் செய்தல், படிவம் 8ஏ - தொகுதிக்குள் முகவரி மாற்றம், படிவம் 1சி - நகல் அட்டை (ரூ.25 கட்டணம் செலுத்த வேண்டும்) ஆகிய முறைகளில் விண்ணப்பம் பெறப்படுகிறது. கடந்த, பிப்., 1 முதல், அனைத்து வகையான விண்ணப்ப மனுக்களும் பெறப்படுகின்றன. விண்ணப்பித்த, 30 நாளில், வாக்காளர்களின், மனுக்கள் மீது நடவடிக்கை எடுக்கப்படுகிறது. விதிமுறைகள் தளர்த்தப்பட்டதால், புதிய அடையாள அட்டை பெற விரும்புவோர், ஓர் ஆண்டு காத்திருக்க வேண்டியதில்லை. இவ்வாறு அவர் கூறினார்.

கல்வியில் பின் தங்கியுள்ள 26 ஒன்றியங்களில் வரும் கல்வியாண்டு முதல் மாதிரிப் பள்ளிகள் துவங்கப்படும் என முதல்வர் ஜெயலலிதா தெரிவித்துள்ளார்.


கல்வியில் பின் தங்கியுள்ள ஒன்றியங்களில் உள்ள மாணவர்கள், மற்ற மாணவர்களுக்கு இணையான கல்வி பெற, மாதிரிப் பள்ளிகள் துவங்கும் பணிகள் நடந்து வருகின்றன. வரும் கல்வி ஆண்டு முதல், 26 ஒன்றியங்களில், மாதிரி பள்ளிகள் துவங்கப்படுகின்றன. இப்பள்ளிகளில், ஆறாம் வகுப்பிலிருந்து, 12ம் வகுப்பு வரை, மாணவர்கள் சேர்க்கப்படுவர். இவற்றுக்கு சொந்தக் கட்டடம் கட்டும் வரை, அருகில் உள்ள மேல்நிலைப் பள்ளிகளில், மாதிரி பள்ளிகள் இயங்கும். இப்பள்ளிகளுக்கு, தலைமை ஆசிரியர், முதுகலை பட்டதாரி ஆசிரியர்கள், பட்டதாரி ஆசிரியர்கள், இசை, உடற்கல்வி, கணினி, ஓவிய ஆசிரியர்கள் என, 17 ஆசிரியர் பணியிடங்களும், இளநிலை உதவியாளர், நூலகர், ஆய்வக உதவியாளர், அலுவலக உதவியாளர், துப்புரவு பணியாளர், காவலாளி, தோட்டக்காரர் என, ஏழு ஆசிரியர் அல்லாத பணியிடங்களும் உருவாக்கப்படும்.

அரசு பள்ளிகளில் 6 முதல் 9ம் வகுப்பு வரை படிக்கும் மாணவர்களுக்கான ஆண்டு தேர்வுகள் ஏப்ரல் 3ம் தேதி தொடங்கி 18ம் தேதிக்குள் முடிக்க பள்ளிக் கல்வித் துறை உத்தரவிட்டுள்ளது.


அரசு பள்ளிகளில் 6 முதல் 9ம் வகுப்பு வரை படிக்கும் மாணவர்களுக்கான ஆண்டு தேர்வுகள் ஏப்ரல் 3ம் தேதி தொடங்கி 18ம் தேதிக்குள் முடிக்க பள்ளிக் கல்வித் துறை உத்தரவிட்டுள்ளது. இதையடுத்து ஏப்ரல் 20ம் தேதிக்கு பிறகு கோடைவிடுமுறை அறிவிக்கப்பட்டுள்ளது. இதற்கான சுற்றறிக்கை அனைத்து பள்ளிகளுக்கும் அனுப்பி வைக்கப்பட்டுள்ளது.

அரசு பள்ளிகளில் 6 முதல் 9ம் வகுப்பு வரை படிக்கும் மாணவர்களுக்கான ஆண்டு தேர்வுகள் ஏப்ரல் 3ம் தேதி தொடங்கி 18ம் தேதிக்குள் முடிக்க பள்ளிக் கல்வித் துறை உத்தரவிட்டுள்ளது. இதையடுத்து ஏப்ரல் 20ம் தேதிக்கு பிறகு கோடைவிடுமுறை அறிவிக்கப்பட்டுள்ளது. இதற்கான சுற்றறிக்கை அனைத்து பள்ளிகளுக்கும் அனுப்பி வைக்கப்பட்டுள்ளது.

பிளஸ் 2 தேர்வுகள் கடந்த 1ம் தேதி தொடங்கியது. வரும் 27ம் தேதி முடிகிறது. அதே நாளில் பத்தாம் வகுப்பு தேர்வுகள் தொடங்குகிறது. ஏப்ரல் 12ம் தேதி முடிகிறது. இந்நிலையில், இந்த ஆண்டுக்கான கல்வி ஆண்டு ஏப்ரல் 20ம் தேதியுடன் முடித்து ஜூன் 3ம் தேதி மீண்டும் பள்ளிகளை திறக்க வேண்டும் என்று பள்ளிக் கல்வித்துறை நேற்று சுற்றறிக்கை அனுப்பியுள்ளது. இதனால் 6 முதல் 9ம் வகுப்பு வரை படிக்கும் மாணவர்களுக்கு ஏப்ரல் 3ம் தேதி முதல் 18ம் தேதிக்குள் ஆண்டு பொதுத் தேர்வை நடத்தி முடிக்க வேண்டும் என்றும் பள்ளிக் கல்வித் துறை தெரிவித்துள்ளது.

அந்தந்த மாவட்டங்களில் உள்ள சூழ்நிலைக்கு ஏற்ப ஆண்டுத் தேர்வுகளை நடத்தி முடிக்க வேண்டும் என்றும் தெரிவிக்கப்பட்டுள்ளது. இதையடுத்து சென்னை, திருவள்ளூர், காஞ்சிபுரம் மாவட்டங்களில் கீழ் வகுப்புகளுக்கான ஆண்டுத் தேர்வுகள் ஏப்ரல் 3ம் தேதி தொடங்கி 18ம் தேதி முடிகிறது. அதைத் தொடர்ந்து ஏப்ரல் 20ம் தேதிக்கு பிறகு கோடை விடுமுறை அறிவிக்கப்படுகிறது. மீண்டும் ஜூன் 3ம் தேதி பள்ளிகள் செயல்படும்.

தனியார் பள்ளிகளைப் பொறுத்தவரை சென்னையில் பெரும்பாலான பள்ளிகளில் ஏப்ரல் 9ம் தேதி முதல் கீழ் வகுப்புகளுக்கு தேர்வு நடத்த திட்டமிடப்பட்டுள்ளது.

இந்த ஆண்டு கோடை விடுமுறையான, மே மாதத்திலேயே, பணியிட மாறுதல் கலந்தாய்வை நடத்தி முடிக்க பள்ளிக் கல்வித் துறை திட்டமிட்டுள்ளது.

ஜூன் மாதம், பள்ளிகள் திறந்தபின், ஆசிரியர் பொது மாறுதல் கலந்தாய்வை நடத்தினால், ஆசிரியர்கள், பாடம் நடத்துவதில் கவனம் செலுத்தாமல், விரும்பும் இடங்களுக்கு, மாறுதல் வாங்குவதிலேயே, கவனம் செலுத்துகின்றனர். இதனால், கற்பித்தல் பணி பாதிக்கப்படுவதை கருத்தில் கொண்டு, இந்த ஆண்டு, கோடை விடுமுறையான, மே மாதத்திலேயே, பணியிட மாறுதல் கலந்தாய்வை நடத்தி முடிக்க, பள்ளிக் கல்வித் துறை திட்டமிட்டுள்ளது. கடந்த சில ஆண்டுகளாக, ஜூன், ஜூலையில், ஆசிரியர் பொது மாறுதல் கலந்தாய்வு நடக்கிறது. இதனால், கலந்தாய்வு முடியும் வரை, ஆசிரியர்கள், கற்பித்தல் பணியில், ஈடுபாடு காட்டுவதில்லை. மாறாக, தாங்கள் விரும்பும் இடங்களுக்கு, மாறுதல் உத்தரவு வாங்குவதிலேயே கவனம் செலுத்துகின்றனர். இதற்காக, பள்ளிகளுக்கும் செல்லாமல், மாறுதல் உத்தரவு வாங்கும் வேலைகளில் ஈடுபடுகின்றனர்.

குறிப்பாக, ஆளுங்கட்சி பிரமுகர்களை சந்திப்பதற்காகவும், தங்கள் மாவட்ட அமைச்சரை சந்தித்து, பரிந்துரை கடிதங்களை பெறவும், சென்னைக்கு பறந்து வந்து விடுகின்றனர். இதனால், மாணவர்களின் படிப்பு பாதிக்கப்படுகிறது. இதை அறிந்த பள்ளிக் கல்வி இயக்குனரகம், கலந்தாய்வை, கோடை விடுமுறை காலமான மே மாதத்திலேயே, நடத்தி முடிக்க திட்டமிட்டுள்ளது.

இதற்காக, ஆசிரியர் வகை வாரியாக, தனித்தனியாக, கலந்தாய்வு தேதி பட்டியலை தயாரித்து, அரசின் ஒப்புதலுக்காக, கல்வித் துறை அனுப்பி வைத்துள்ளது. பொது மாறுதல் கலந்தாய்வை, காலம் தாழ்த்தி நடத்துவதில் ஏற்படும் பிரச்னைகளை, கல்வித் துறை உயர் அதிகாரிகளும், நன்கு உணர்ந்துள்ளதால், இயக்குனரகத்தின் திட்டத்திற்கு, ஒப்புதல் கிடைக்கும் என, எதிர்பார்க்கப்படுகிறது.

ஆன்-லைன் முறை : மேலும், "ஆன்-லைன்' முறையில், அனைத்து ஆசிரியர்களுக்கும், கலந்தாய்வு நடத்தப்படும் என்றும் கூறப்படுகிறது. அரசு அனுமதி அளித்ததும், பொது மாறுதல் கலந்தாய்வுக்கான அரசாணை வெளியாகும்.

தமிழ்நாடு ஆசிரியர் முன்னேற்ற சங்கத்தின் தலைவர் தியாகராஜன் கூறியதாவது: பள்ளி துவங்கிய பின், கலந்தாய்வை நடத்துவதால், மாணவர்களுக்கு மட்டுமில்லாமல், ஆசிரியர்களுக்கும், பல பிரச்னைகள் ஏற்படுகின்றன. தங்கள் பிள்ளைகளை, மாறுதலாகிச் செல்லும் இடங்களில் உள்ள பள்ளிகளில் சேர்ப்பதில், கடுமையான பிரச்னைகளை சந்திக்கின்றனர். தற்போது, முன்கூட்டியே, கலந்தாய்வை நடத்துவது என்பது வரவேற்கத்தக்கது. இதனால், மாறுதலாகிச் செல்லும் இடங்களில், தங்கள் பிள்ளைகளையும், முன்கூட்டியே பள்ளிகளில் சேர்ப்பதற்கான பணிகளில், ஆசிரியர்கள் கவனம் செலுத்த முடியும்.

காலியிட விவரங்கள் மற்றும் கலந்தாய்வு அட்டவணையை, ஏப்ரல் இறுதியிலேயே வெளியிட வேண்டும். ஏனெனில், ஆசிரியர்கள், கோடை விடுமுறைக்காக, சொந்த ஊர்களுக்கு செல்வர்.

கலந்தாய்வு அட்டவணையை, முன்கூட்டியே வெளியிட்டால், அதற்கேற்ப, அவர்கள், தங்கள் பயணத்தை, திட்டமிட முடியும். முன்கூட்டியே கலந்தாய்வு நடத்தும் திட்டத்தை, இந்த ஆண்டுடன் நிறுத்தி விடாமல், ஒவ்வொரு ஆண்டும் நடைமுறைப்படுத்தவும், நடவடிக்கை எடுக்க வேண்டும். இவ்வாறு தியாகராஜன் கூறினார்.

அரசு ஊழியர்களுக்கான துறைத் தேர்வு பாடத் திட்டங்கள், 22 ஆண்டுகளுக்குப் பின் மாற்றப்பட்டு, புதிய பாடத் திட்டங்கள் தயாரிக்கப்பட்டுள்ளன.


அரசு ஊழியர்களுக்கான துறைத் தேர்வு பாடத் திட்டங்கள், 22 ஆண்டுகளுக்குப் பின் மாற்றப்பட்டு, புதிய பாடத் திட்டங்கள் தயாரிக்கப்பட்டுள்ளன. போட்டித் தேர்வுகளுக்கான பாடத் திட்டங்களைப் போலவே, உயர் தரத்தில், துறைத் தேர்வு பாடத் திட்டங்கள் தயாரிக்கப்பட்டுள்ளதால், தேர்வு எழுதுவோர், இனி அதிக கவனத்துடன் படித்து எழுத வேண்டும் என, டி.என்.பி.எஸ்.சி., வட்டாரங்கள் தெரிவித்தன. அரசுத் துறைகளில் பணிபுரியும் ஊழியர்கள், தங்களது கல்வித் தகுதியை உயர்த்திக் கொண்டு, உயர் பதவிகளுக்கான தேர்வுகளில் பங்கேற்று, பதவி உயர்வு பெற, 1930ல், நடவடிக்கை எடுக்கப்பட்டது. அப் போது, வனத் துறை, மீன் வளத்துறை, வேளாண்மை, கால்நடை, தொழில்துறை என, குறிப்பிட்ட சில துறைகள் மட்டுமே, துறைத் தேர்வு பட்டியலில் இருந்தன.

சுதந்திரத்திற்குப் பின், படிப்படியாக, அனைத்து துறைகளும் சேர்க்கப்பட்டன. தற்போது, 172 வகை தேர்வுகளை, டி.என்.பி.எஸ்.சி., நடத்தி வருகிறது. இத்தேர்வு, ஆண்டுதோறும், மே, டிசம்பர் ஆகிய மாதங்களில், இரு முறை நடக்கின்றன. போட்டித் தேர்வுகளுக்கான பாடத் திட்டங்களை மாற்றி அமைக்கும்போது, துறைத் தேர்வுகளுக்கான பாடத் திட்டங்களையும், உயர் தரத்தில் மாற்றி, முன்னாள் தலைவர் நட்ராஜ், நடவடிக்கை எடுத்துள்ளார். கடைசியாக, 1990ல் மாற்றப்பட்ட பாடத் திட்டங்களே, தற்போதும் நடைமுறையில் இருந்து வருகின்றன. 22 ஆண்டுகளுக்குப் பின், தற்போது, புதிய பாடத் திட்டங்கள் தயாரிக்கப்பட்டுள்ளன.

தேர்வு வகை வாரியாக, ஒவ்வொரு தேர்வுக்கும், உரிய பாடத் திட்டங்கள், தற்போதைய காலத்திற்கு ஏற்றார்போல், மாற்றி அமைக்கப்பட்டுள்ளன. தற்போது, 100 மதிப்பெண்களுக்கும், "விரிவாக விடை அளித்தல்' என்ற முறை உள்ளது. இனி, 80 மதிப்பெண்களுக்கான கேள்விகள், "கொள்குறி (அப்ஜெக்டிவ்) வகை'யில், கேட்கப் படும். 20 மதிப்பெண்களுக்கான கேள்விகள் மட்டுமே, விரிவாக விடை அளிக்கும் வகையில் கேட்கப்படும்.

தேர்வு எண்ணிக்கை அதிகரிப்பு : தற்போது, மே, டிசம்பரில், தேர்வு நடந்து வரும் நிலையில், இனி, கூடுதலாக, செப்டம்பர் மாதத்திலும், ஒரு துறைத் தேர்வு நடத்த, டி.என்.பி.எஸ்.சி., முடிவு எடுத்துள்ளது. பாடத் திட்டங்கள், தேர்வு சீர்திருத்தம் ஆகியவற்றுக்கு, தமிழக அரசின் ஒப்புதலை, தேர்வாணையம் கேட்டுள்ளது. இதற்கு, அரசின் ஒப்புதல், விரைவில் கிடைத்து விடும் என, கூறப்படுகிறது. அனுமதி கிடைத்ததும், புதிய பாடத் திட்டங்கள் உள்ளிட்ட முழு விவரங்களும், www.tnpsc.gov.in என்ற, தேர்வாணைய இணையதளத்தில் வெளியிடப்படும் என, தேர்வாணைய வட்டாரங்கள் தெரிவித்தன.

போட்டித் தேர்வுகளுக்கான பாடத் திட்டங்களும், கடினமாக்கப்பட்டுள்ள நிலையில், தற்போது, அரசு ஊழியர் பதவி உயர்வுக்கான பாடத் திட்டங்களிலும், தேர்வாணையம், கிடுக்கிப்பிடி நடவடிக்கை எடுத்துள்ளது. இதனால், வரும் ஆண்டுகளில், அரசு ஊழியர்கள், துறைத் தேர்வு எழுத, அதிக கவனமுடன் படிக்க வேண்டி இருக்கும் என, டி.என்.பி.எஸ்.சி., வட்டாரங்கள் கூறுகின்றன.

அரசு ஊழியர், பதவி உயர்வு பெற, தேர்வாணையம் நடத்தும் துறைத் தேர்வுகளில், தேர்ச்சி பெற வேண்டும். இதற்கு, தேர்ச்சிக்குரிய மதிப்பெண்களை பெற்றால் போதும். பதவி உயர்வு வழங்குவதில், வணிகவரித் துறை மற்றும் வருவாய்த் துறை ஆகிய இரு துறைகளில் மட்டும், ஆதிதிராவிடர் மற்றும் பழங்குடியின பிரிவைச் சேர்ந்த ஊழியர்களுக்கு, முன்னுரிமை அளிக்கப்படுகிறது.இதர துறைகளில், துறைத் தேர்வுகளில் தேர்ச்சி பெற்ற ஊழியர்களில், "சீனியாரிட்டி'படி, பதவி உயர்வு வழங்கப்படுகிறது என, அரசு ஊழியர்கள் சிலர் தெரிவித்தனர். "பாடத்திட்டம் கடுமையாக இருக்கும்பட்சத்தில், தேர்ச்சி பெறும் ஊழியர்களின் எண்ணிக்கை சரியும்; இதனால், பதவி உயர்வு தள்ளிப் போகும்' என, ஊழியர்கள் தெரிவிக்கின்றனர்.

ஆன்-லைன் மூலம், பொதுமக்கள் சேவைகளைப் பெறும் வகையில், 14 துறைகளின் விண்ணப்பங்களை, மறு வடிவமைப்பு செய்ய, நடவடிக்கை எடுக்கப்பட்டுள்ளது.

அரசுத் துறையின் சேவை முழுவதையும், ஆன்-லைன் மூலம் கொண்டு வர, இப்பணியை விரைந்து முடிக்க வேண்டும் என, தமிழக தகவல் தொழில்நுட்பத் துறை, சம்பந்தப்பட்ட துறைகளுக்கு அறிவுறுத்திஉள்ளது. அரசு அலுவலகங்களின் அன்றாடப் பணிகள் உள்ளிட்ட அனைத்தையும், கணினி வழியில் செய்வதற்கான நடவடிக்கைகளை, அரசு மேற்கொண்டு வருகிறது. இதற்காக, மாநில டேட்டா மையம், மாநில அளவிலான நெட்வொர்க், மாநில அரசின் இணையதளம் ஆகியன, துவங்கப்பட்டு உள்ளன. இவை அனைத்திலும், துறைவாரியான அறிவிப்புகள், அரசாணைகள், நிர்வாக முறை, கொள்கை விளக்க குறிப்புகள், பதிவு செய்யப்பட்டுள்ளன. 

அடுத்த கட்டமாக, அரசு துறைகள் அளிக்கும் சேவைகளை, கணினிமயப்படுத்தும் பணி மேற்கொள்ளப்பட்டுள்ளது. இதற்காக, அரசின் விண்ணப்பங்களை, ஆன்-லைனில் அளிக்க நடவடிக்கை எடுக்கப்பட்டுள்ளது. இதில், தமிழக அரசின் முக்கியமான, 14 துறைகளின், விண்ணப்பங்களை ஆன்-லைனில் பெறவதற்கான பணிகள் நடந்து வருகின்றன. அரசு துறைகளின் தற்போதுள்ள விண்ணப்பங்கள், ஆன்-லைனில் பெறுவதற்கேற்ற முறையில் இல்லை. எனவே, இவற்றை மறுவடிவமைப்பு செய்து, ஆன்-லைனில் பெறுவதற்கு ஏற்ப, மென்பொருள்களை வடிவமைக்க முடிவு செய்யப்பட்டுள்ளது. இதற்கான உதவிகளை, மாநில டேட்டா மையம், துறைகளுக்கு வழங்கவும் ஏற்பாடு செய்யப்பட்டுள்ளது.

தமிழக அரசின் வேளாண்மை, பொது வினியோகம், வணிக வரி, கல்வி, வேலைவாய்ப்பு, சுகாதாரம், தொழில், நகராட்சி நிர்வாகம், காவல், பதிவுத் துறை, வருவாய், சமூகநலம், போக்குவரத்து, கருவூலத் துறை ஆகியவற்றின் விண்ணப்பங்கள் அனைத்தும், ஆன்-லைனில் கிடைக்கும் வகையில், மறு வடிவமைப்பு செய்யப்படுகின்றன.

ஒவ்வொரு துறையும், விண்ணப்பங்களை தயார் செய்ய வைத்துள்ள தனித் தனி மென்பொருள்களை ஒன்றிணைத்து, பொது மென்பொருளில் தயார் செய்யவும் அறிவுறுத்தப்பட்டு உள்ளன. இதற்காக, ஒவ்வொரு துறையும், தன் வசமுள்ள தகவல்களை, பரிமாறிக் கொள்ள வேண்டும் என, தகவல் தொழில் நுட்பத் துறை அறிவுறுத்திஉள்ளது.

இதுகுறித்து, தவகல் தொழில்நுட்பத் துறை மூத்த அதிகாரி ஒருவர் கூறியதாவது: மாநிலம், மாவட்டம், வட்டம் மற்றும் ஒன்றிய அளவில், அரசு அலுவலகங்களை, கணினி மயமாக்க, நடவடிக்கை எடுக்கப்பட்டுள்ளது. அரசு துறைகளை ஆன்-லைனில் இணைக்க, தகவல் தொழில் நுட்பத் துறை உதவிகளைச் செய்யும். ஒருங்கிணைந்த செயல்பாட்டுகாக, மாநில அரசின் இணையதளம், மாநில சேவை மையங்களை, அரசுத் துறைகள் பயன்படுத்திக் கொள்ளவேண்டும். ஆன்-லைன் சேவைகளை மக்களுக்கு அளிக்கும் வகையில், மாவட்டம், வட்டம், ஒன்றிய அளவிலும், கூட்டுறவு வங்கிகளிலும் தனி கவுன்டர்களை திறக்க வேண்டும். மறு வடிவமைப்பு செய்து, ஆன்-லைனின் பதிவேற்றம் செய்யும் விண்ணப்பங்களை, பராமரிக்கும் பணியை, தேசிய தகவல் மையம் மேற்கொள்ளும். இவ்வாறு, அவர் கூறினார். 

தமிழகத்தில், 14,130 பள்ளிகளில், வைப்பறையுடன் கூடிய சமையலறைகள் கட்டுவதற்கு, 360 கோடி ரூபாய் நிதி ஒதுக்கீடு செய்து, முதல்வர் ஜெயலலிதா உத்தரவிட்டுள்ளார்.

தமிழகத்தில், 14,130 பள்ளிகளில், வைப்பறையுடன் கூடிய சமையலறைகள் கட்டுவதற்கு, 360 கோடி ரூபாய் நிதி ஒதுக்கீடு செய்து, முதல்வர் ஜெயலலிதா உத்தரவிட்டுள்ளார்.

தமிழக அரசின் செய்திக்குறிப்பு: அரசு பள்ளிகளில் பயிலும் மாணவர்களுக்கு, மதிய உணவு வழங்கப்படுகிறது. அரிசி, பருப்பு, முட்டை, பழங்கள் போன்ற உணவுப் பொருட்கள் கெடாமல் பாதுகாக்க, முதல்கட்டமாக, 21,990 பள்ளிகளில், வைப்பறையுடன் கூடிய சமையலறைகள் கட்டும் பணிகள் நடந்து வருகின்றன. இதை தொடர்ந்து, மேலும், 14,130 பள்ளிகளில் வைப்பறையுடன் கூடிய சமையலறைகள் கட்டும் பணிக்காக, 360 கோடி ரூபாய்க்கு, நிர்வாக ஒப்புதல் வழங்கி, முதல்வர் ஜெயலலிதா உத்தரவிட்டுள்ளார். இவ்வாறு அதில் கூறப்பட்டுள்ளது.

குரூப் 2 தேர்வு: 2ம் கட்ட கவுன்சலிங் 26ம் தேதி

தமிழ்நாடு அரசு பணியாளர் தேர்வாணையம் நேற்று வெளியிட்ட அறிக்கை: குரூப் 2 தேர்வுக்கான (2011&13) எழுத்துத் தேர்வு கடந்த நவம்பர் 4ம் தேதி நடந்தது. இதில், நேர்காணலுடன் கூடிய 1442 பதவிக்கு விண்ணப்பதாரரை தேர்வு செய்யும் பொருட்டு முதல் கட்ட கவுன்சலிங் கடந்த 8, 9ம் தேதிகளில் நடந்தது. இதில், நிரப்பப்படாமல் உள்ள 342 காலி பணியிடத்துக்கான 2ம் கட்ட கவுன்சலிங் வரும் 26ம் தேதி நடைபெற உள்ளது. இதற்கான அழைப்புக்கடிதத்தை தேர்வாணைய இணையதளத்திலிருந்து விண்ணப்பதாரர்கள் டவுன்லோடு செய்து கொள்ளலாம். கவுன்சலிங்கிற்கு அனுமதிக்கப்பட்டவர்கள் சென்னையில் உள்ள டிஎன்பிஎஸ்சி அலுவலகத்தில் அவரவருக்கு ஒதுக்கப்பட்ட நேரத்தில் பங்கேற்க வேண்டும்.

தமிழகத்தில் நடப்பு கல்வியாண்டில் 162 பி.எட் கல்லூரிகள் துவக்க விண்ணப்பங்கள் வந்துள்ளன என தமிழ்நாடு ஆசிரியர் கல்வி பல்கலை துணைவேந்தர் விஸ்வநாதன் தெரிவித்தார்.

தமிழகத்தில் நடப்பு கல்வியாண்டில் 162 பி.எட் கல்லூரிகள் துவக்க விண்ணப்பங்கள் வந்துள்ளன என தமிழ்நாடு ஆசிரியர் கல்வி பல்கலை துணைவேந்தர் விஸ்வநாதன் தெரிவித்தார்.

மதுரையில் அவர் கூறியதாவது: பல்கலைக்கு சொந்த கட்டடம் கட்ட நடவடிக்கை எடுக்கப்படுகிறது. ஆசிரியர் தகுதி தேர்வு காரணமாக இந்தாண்டு 650 பி.எட்., கல்லூரிகளிலும், செய்முறை தேர்வுகள் முன்கூட்டியே (பிப்.,யில்) நடத்தப்பட்டன. பி.எட்., கல்லூரிகள் தரமான கல்வி அளிக்க, அனைத்து நடவடிக்கையும் எடுக்கப்படுகிறது. ஆசிரியர் தகுதி தேர்வை (டி.இ.டி.,), பி.எட்., மாணவர்கள் எதிர்கொள்ள, இந்தாண்டு முதல் அனைத்து பி.எட்., கல்லூரிகளிலும், ஆசிரியர் திறன் மேம்பாடு தொடர்பான புதிய படிப்பு, அறிமுகப்படுத்தப்பட்டுள்ளது.இதில், டி.இ.டி., தேர்வில் இடம்பெற்றுள்ள பாடங்கள் உள்ளதால், வரும் டி.இ.டி., தேர்வில் தேர்ச்சி விகிதம் அதிகரிக்கும். 

அடிப்படை வசதிகள் இல்லாததால், திருவண்ணாமலை, சேலம் மாவட்டங்களில், தலா ஒரு கல்லூரிகளின் அங்கீகாரம் ரத்து செய்யப்பட்டுள்ளது. அதிக கட்டணம், அடிப்படை வசதிகள் இல்லாதது போன்ற புகார்கள் அடிப்படையில், கடந்தாண்டு 42 பி.எட்., கல்லூரிகளுக்கு "நோட்டீஸ்' அனுப்பப்பட்டன. வரும் 30 நாட்களுக்குள் விளக்கம் அளிக்க வேண்டும். இக்கல்வியாண்டில், தமிழகத்தில் 162 பி.எட்., கல்லூரிகள் துவக்க, இதுவரை விண்ணப்பங்கள் வந்துள்ளன. தேசிய ஆசிரியர் கல்வி குழுமத்தில் 240 விண்ணப்பங்கள் அளிக்கப்பட்டுள்ளன. பல்கலை மானிய குழு விதிப்படி, அங்கீகாரம் வழங்கப்படும். பல்கலையில் தொலை நிலை படிப்புகள் துவங்க, நடவடிக்கை எடுக்கப்படுகிறது, என்றார். 

கலை மற்றும் அறிவியல் கல்லூரிகளுக்கு காலவரையற்ற விடுமுறை வழங்கி தமிழக அரசு உத்தரவிட்டுள்ளது.

இலங்கை தமிழர் பிரச்னையில் தமிழகம் முழுவதும் பல கல்லூரிகள் போராட்டம் நடத்தி வருகின்றனர். மாணவர்களின் போராட்டம் வலுத்து வருகிறது. இதனையடுத்து தமிழகம் முழுவதும் உள்ள கலை மற்றும் அறிவியல் கல்லூரிகளுக்கு காலவரையற்ற விடுமுறை வழங்கி தமிழக அரசு உத்தரவிட்டுள்ளது.

கடந்த ஜனவரி மாதம் நடைபெற்ற கேட் தேர்வு முடிவுகள் வெளியிடப்பட்டுள்ளது.

கடந்த ஜனவரி மாதம் நடைபெற்ற கேட் தேர்வு முடிவுகள் வெளியிடப்பட்டுள்ளது. இதில் ஆந்திரா முதலிடம் பிடித்துள்ளது. அந்த மாநிலத்தில் 22,476 மாணவர்கள் தேர்ச்சி பெற்றுள்ளனர். 4,985 மாணவர்கள் தேர்ச்சியுடன் தமிழகம் 9வது இடத்தை பிடித்துள்ளது. தேர்வு முடிவுகளை இணையதளத்தில் பார்க்கலாம் என அறிவிக்கப்பட்டுள்ளது.

மத்திய அரசுப் பணியாளர் தேர்வாணையம் அறிமுகப்படுத்தியுள்ள சிவில் சர்வீஸ் தேர்வுக்கான புதிய விதிமுறைகளை மத்திய அரசு நிறுத்தி வைத்துள்ளது.

மத்திய அரசுப் பணியாளர் தேர்வாணையம் அறிமுகப்படுத்தியுள்ள சிவில் சர்வீஸ் தேர்வுக்கான புதிய விதிமுறைகளை மத்திய அரசு நிறுத்தி வைத்துள்ளது. மத்திய அரசுப் பணியாளர் தேர்வாணையம் அறிவித்த நடைமுறைக்கு தமிழகம் மட்டுமல்லாது பல்வேறு மாநிலங்களில் இருந்து கடும் எதிர்ப்பு கிளம்பியது. இதனையடுத்து மத்திய அரசு இதனை நிறுத்தி வைப்பதாக அமைச்சர் நாராயணசாமி மக்களவையில் இன்று அறிவித்தார்.

இது குறித்து மத்திய அமைச்சர் நாராயணசாமி கூறியதாவது-"சிவில் சர்வீஸ் தேர்வுக்கான புதிய விதிமுறைகள் குறித்து உறுப்பினர்கள் தெரிவித்த கருத்துகளை அரசு கவனத்தில் எடுத்து கொள்கிறது. மத்திய அரசு பணியளர் தேர்வாணய உறுப்பினர்களுடன் கலந்தாலோசித்து விரைவில் முடிவு எடுக்கப்படும். அது வரை புதிய விதிமுறைகள் நிறுத்தி வைக்கப்படும்” என்றார்.

பிளஸ் 2 விடைத்தாள் திருத்தும் பணிகளை மார்ச் 28ல் துவங்கி, ஏப்ரல் 14 வரை 55 மையங்களில் நடத்தவும், இப்பணியில் 30 ஆயிரத்திற்கும் மேற்பட்ட ஆசிரியர்களை ஈடுபடுத்தவும் தேர்வுத்துறை திட்டமிட்டுள்ளது.

பிளஸ் 2 விடைத்தாள் திருத்தும் பணிகள் வரும் மார்ச் 28ல் துவங்கி, ஏப்ரல் 14 வரை 55 மையங்களில் நடக்கின்றன. இந்தப் பணியில் 30 ஆயிரத்திற்கும் மேற்பட்ட ஆசிரியர்கள் ஈடுபடுகின்றனர். 

கடந்த, 1ம் தேதியில் இருந்து, பிளஸ் 2 தேர்வுகள் நடந்து வருகின்றன. 8.5 லட்சம் மாணவ, மாணவியர், தேர்வை எழுதி வருகின்றனர். இதுவரை, மொழிப்பாட தேர்வுகள், இயற்பியல், பொருளியல்,கணிதம், விலங்கியல்  தேர்வுகள் முடிந்துள்ளன.

இந்நிலையில், வரும், 28ம் தேதி முதல், விடைத்தாள் திருத்தும் பணியை துவங்குவதற்கு, தேர்வுத்துறை திட்டமிட்டுள்ளது. ஏப்., 14ம் தேதிக்குள், அனைத்துப் பணிகளையும் முடிக்க வேண்டும் என, அலுவலர்களுக்கு, தேர்வுத்துறை உத்தரவிட்டுள்ளது. 

வழக்கமாக, முதலில், மொழிப்பாட தேர்வு விடைத்தாள்கள் திருத்தும் பணியும், படிப்படியாக, இதர தேர்வு விடைத்தாள்கள் திருத்தும் பணி நடக்கும். இம்முறை, 27ம் தேதியுடன், அனைத்து தேர்வுகளும் முடிந்தபின், மறு நாளில் இருந்து, விடைத்தாளை திருத்த நடவடிக்கை எடுக்கப்பட்டுள்ளது. 

விடைத்தாள் திருத்தி முடிக்கப்பட்டதற்குப் பின், "டேட்டா சென்டரில்" பாட வாரியாக, மதிப்பெண்களை தொகுக்கும் பணிகள் நடக்கும். இந்தப் பணிகள் முடிந்தபின், தேர்வு முடிவு தயாராகும். மே, 10ம் தேதிக்குள், தேர்வு முடிவு வெளியாகும் என, எதிர்பார்க்கப்படுகிறது.


தமிழகத்தில் கோடை விடுமுறைக்கு பின்னர் ஜூன் 3ல் பள்ளிகள் திறக்கப்படுகிறது.

பிளஸ் 2 தேர்வு மார்ச் 1ம் தேதி தொடங்கியது. வரும் 27ம் தேதி தேர்வுகள் முடிகின்றன. இதைத் தொடர்ந்து 10ம் வகுப்பு தேர்வுகள் மார்ச் 27ம் தேதி தொடங்கி ஏப்ரல் 12ம் தேதி வரை நடக்கிறது. பிளஸ் 1 தேர்வுகளும் தற்போது நடந்து வருகின்றன. உயர்நிலைப் பள்ளிகளில் இந்த மாத இறுதியில் தேர்வு நடத்தப்படு கிறது. ஆரம்ப, நடுநிலைப் பள்ளிகளில் ஏப்ரல் மாதம் இறுதியில் ஆண்டு இறுதி தேர்வுகள் நடத்தப்படும். அதன் பின்னர் மே மாதம் முழுவதும் மாணவ, மாணவிகளுக்கு கோடை விடுமுறை அளிக்கப்படும்.பிளஸ் 2, எஸ்எஸ்எல்சி தேர்வு முடிவுகளை மே மாதம் முதல், 2வது வாரத்தில் வெளியிட பள்ளிக் கல்வித் துறை திட்டமிட்டுள்ளது. மே மாதம் கோடை விடுமுறை முடிந்து பள்ளிகள் ஜூன் 1-ல் திறக்கப்படுவது வழக்கம். இந்த ஆண்டு ஜூன் 1ம் தேதி சனிக்கிழமை என்பதால் 3ம் தேதி பள்ளிகள் திறக்கப்படும் என கல்வித் துறை வட்டாரங்கள் தெரிவித்தன.

பாளையங்கோட்டை சித்த மருத்துவ கல்லூரி, நாகர்கோவில் ஆயுர்வேத கல்லூரி ஆகியவற்றில் 2011–12 கல்வியாண்டில் மாணவர்களை சேர்த்துக்கொள்ள மத்திய சுகாதாரத்துறை அனுமதி வழங்கி உத்தரவிட்டுள்ளது.

பாளையங்கோட்டை சித்த மருத்துவ கல்லூரி, நாகர்கோவில் ஆயுர்வேத கல்லூரி ஆகியவற்றில் 2011–12 கல்வியாண்டில் மாணவர்களை சேர்த்துக்கொள்ள மத்திய சுகாதாரத்துறை அனுமதி வழங்கி உத்தரவிட்டுள்ளது.

இந்திய மருத்துவ முறைகளுக்கான தேசிய கவுன்சில், சித்த மருத்துவம் மற்றும் ஆயுர்வேத கல்லூரிகளுக்கு சில விதிமுறைகளை உருவாக்கி 18.3.2011 அன்று உத்தரவிட்டது.

இந்த உத்தரவின் அடிப்படையில், பாளையங்கோட்டை அரசு சித்த மருத்துவ கல்லூரியிலும், நாகர்கோவில் அரசு ஆயுர்வேத கல்லூரியிலும் 2011 மார்ச் 29 மற்றும் 30–ந்தேதிகளில் இந்திய மருத்துவ முறைகளுக்கான தேசிய கவுன்சில் அதிகாரிகள் ஆய்வுகள் நடத்தினார்கள்.

அப்போது கல்லூரிகளில் 4 குறைகள் உள்ளதாக அதிகாரிகள் சுட்டிக்காட்டினர். இந்த குறைகளை தமிழக அரசு சரி செய்தது. இதை ஏற்காத தேசிய கவுன்சில், 2011–12 கல்வியாண்டில் பாளையங்கோட்டை அரசு சித்த மருத்துவ கல்லூரி மற்றும் நாகர்கோவில் அரசு ஆயுர்வேத கல்லூரி மாணவர் சேர்க்கை நடத்தக்கூடாது என்று 30.8.2011 அன்று உத்தரவிட்டது.

இதன்பின்னர் ஐகோர்ட்டு உத்தரவின்படி, தமிழக அரசு எல்லா குறைகளையும் சரி செய்து மற்றொரு கோரிக்கை மனுவை அனுப்பியது. இந்த மனுவை பரிசீலனை எதுவும் செய்யாமல், மாணவர்கள் சேர்க்கை நடத்தக்கூடாது என்று பாளையங்கோட்டை சித்த மருத்துவ கல்லூரி மற்றும் நாகர்கோவில் அரசு ஆயுர்வேத கல்லூரிக்கு 5.1.2012 அன்று இந்திய மருத்துவ முறைகளுக்கான தேசிய கவுன்சில் உத்தரவிட்டது.

இந்த உத்தரவை எதிர்த்து ஐகோர்ட்டில், சித்தா மற்றும் ஆயுர்வேதா கல்லூரிகளில் படிக்கும் மாணவர்கள் அருள்செல்வம், சாந்தி உட்பட 27 பேர் வழக்கு தொடர்ந்தனர்.

இந்த வழக்கை நீதிபதி ராமசுப்பிரமணியம் விசாரித்தார். அப்போது மத்திய அரசு சார்பில் காஜா மொய்தீன் கிஸ்தி, தமிழக அரசு சார்பில் எஸ்.டி.எஸ்.மூர்த்தி, மனுதாரர்கள் சார்பில் வக்கீல்கள் சா.செந்தில்நாதன், இரா.முருகபாரதி ஆகியோர் ஆஜராகி வாதம் செய்தார்கள்.

இந்த வழக்கை விசாரித்த நீதிபதி வி.ராமசுப்பிரமணியம், இரு கல்லூரிகளிலும் மாணவர்கள் சேர்க்கை நடத்த அனுமதி வழங்கியும், தேசிய கவுன்சில் பிறப்பித்த உத்தரவை ரத்து செய்தும் 12.3.2012 அன்று உத்தரவிட்டார்.

இந்த உத்தரவை எதிர்த்து சென்னை ஐகோர்ட்டில் மத்திய சுகாதாரத்துறை செயலாளர், இந்திய மருத்துவ முறைகளுக்கான தேசிய கவுன்சில் தலைவர் ஆகியோர் அப்பீல் செய்தார்கள்.

இந்த அப்பீல் மனுக்கள் நீதிபதிகள் தர்மாராவ், வேணுகோபால் ஆகியோர் முன்பு விசாரணையில் உள்ளது.

இந்த நிலையில், இந்த 2 கல்லூரிகளும் மாணவர்கள் சேர்க்கை நடத்திக்கொள்ளலாம் என்று மத்திய சுகாதாரத்துறை சார்பு செயலாளர் ஜாஸ்மீன் ஜேம்ஸ் உத்தரவிட்டுள்ளார்.

அந்த உத்தரவில், ‘‘சென்னை ஐகோர்ட்டில் நிலுவையில் உள்ள அப்பீல் வழக்கிற்கு பாதகம் இல்லாமல், 2011–12 கல்வியாண்டுக்கு, பாளையங்கோட்டை சித்த மருத்துவ கல்லூரியில், இளநிலை சித்த மருத்துவ படிப்புக்கு 100 மாணவர்களும், 6 வகையான முதுகலை சித்த மருத்துவ படிப்பில் 60 மாணவர்களையும் சேர்த்துக்கொள்ள அனுமதி வழங்கப்படுகிறது. நாகர்கோவில் கோட்டார் ஆயுர்வேதா மருத்துவ கல்லூரியில் இளநிலை மருத்துவ படிப்பில் 50 மாணவர்களை சேர்த்துக்கொள்ளலாம்’’ என்று கூறியுள்ளார்.மத்திய அரசு தாக்கல் செய்துள்ள அப்பீல் மனு நீதிபதிகள் தர்மாராவ், வேணுகோபால் ஆகியோர் முன்பு  (வெள்ளிக்கிழமை) விசாரணைக்கு வருகிறது.

ஏ.ஐ.சி.டி.இ. நடத்திய எம்.பி.ஏ. பொது நுழைவுத்தேர்வு முடிவு வெளியீடு


நாடு முழுவதும் உள்ள நிர்வாகவியல் கல்வி நிறுவனங்களில் எம்.பி.ஏ. படிப்பில் சேருவதற்கான பொது நுழைவுத்தேர்வை (சி–மேட்) அகில இந்திய தொழில்நுட்பக்கல்வி கவுன்சில் (ஏ.ஐ.சி.டி.இ.) கடந்த மாதம் பிப்ரவரி 21–ந்தேதி முதல் 25–ந்தேதி வரை நடத்தியது. ஆன்லைனில் நடத்தப்பட்ட இந்த தேர்வை ஒரு லட்சத்திற்கும் மேற்பட்ட பட்டதாரிகள் எழுதினார்கள்.

இந்த நிலையில், தேர்வு முடிவையும், ரேங்க் பட்டியலையும் ஏ.ஐ.சி.டி.இ.  வெளியிட்டது. 400–க்கு 376 மதிப்பெண் பெற்று மைக்கின் மயூராபை ஷா முதலிடத்தைப் பிடித்துள்ளார். தமிழ்நாட்டைச் சேர்ந்த ராமலிங்கம் சுப்ரமணியன் 331 மார்க் எடுத்து 27–வது இடம் பெற்றார்.

சி–மேட் நுழைவுத்தேர்வில் சரியான பதில் அளித்தால் ஒரு கேள்விக்கு 4 மதிப்பெண். விடை தவறு என்றால் ஒரு மதிப்பெண் மைனஸ் செய்யப்படும். மொத்தம் 4 பிரிவுகள் கொண்ட இந்த தேர்வில் ஒருசில பிரிவுகளில் 5 ஆயிரம் பேர் பூஜ்ஜியம் மற்றும் மைனஸ் மார்க் எடுத்துள்ளனர். ஏறத்தாழ 30 ஆயிரம் பேர் ஒற்றை இலக்க மதிப்பெண் பெற்றிருப்பதாக கல்வி ஆலோசகர் பேராசிரியர் மூர்த்தி செல்வகுமரன் தெரிவித்துள்ளார்.

ப்ளஸ் 2 இயற்பியல் தேர்வு வினாத்தாளுக்குரிய விடை எழுதிய அட்டை பள்ளி வளாகத்தில் கிடந்த விவகாரம் தொடர்பாக, சம்மந்தப்பட்ட தனியார் பள்ளியின் தேர்வு மைய அங்கீகாரத்தை, அரசு தேர்வுத்துறை இயக்குனர் ரத்து செய்து உத்தரவிட்டுள்ளார்.

ப்ளஸ் 2 இயற்பியல் தேர்வு வினாத்தாளுக்குரிய விடை எழுதிய அட்டை பள்ளி வளாகத்தில் கிடந்த விவகாரம் தொடர்பாக, சம்மந்தப்பட்ட தனியார் பள்ளியின் தேர்வு மைய அங்கீகாரத்தை, அரசு தேர்வுத்துறை இயக்குனர் ரத்து செய்து உத்தரவிட்டுள்ளார்.

நாமக்கல் மாவட்டத்தில், 62 மையங்களில் ப்ளஸ் 2 பொதுத்தேர்வு நடக்கிறது. மாவட்ட முதன்மைக்கல்வி அலுவலர், கூடுதல் முதன்மை கல்வி அலுவலர், மாவட்ட கல்வி அலுவலர், தொடக்க கல்வி அலுவலர் ஆகியோர் தலைமையில், 271 பறக்கும் படை அமைக்கப்பட்டுள்ளது.

பறக்கும் படையினர் தேர்வு நடக்கும் மையங்களில் திடீர் சோதனை மேற்கொண்டு, முறைகேடுகளை கண்டறியும் பணியில் தீவிரமாக ஈடுபட்டு வருகின்றனர். தவிர, பள்ளி கல்வித்துறை இணை இயக்குனர்கள் கார்மேகம், முத்து, பழனிசாமி ஆகியோர் நாமக்கல் மாவட்டத்தில் முகாமிட்டு, ப்ளஸ் 2 பொதுத்தேர்வை தீவிரமாக கண்காணித்து வருகின்றனர்.

ஆய்வின் போது, சந்தேகத்திற்கு இடமளிக்கும் வகையில் நடவடிக்கை இருந்தால் முதன்மைக் கண்காணிப்பாளர், அறை கண்காணிப்பாளர் ஆகியோர் அதிரடியாக இடமாற்றம் செய்யப்பட்டு வருகின்றனர். சில நாட்களுக்கு முன், 62 முதன்மை கண்காணிப்பாளர்கள் மற்றும், 13 மையங்களில் பணிபுரிந்த, 300க்கும் மேற்பட்ட அறைக் கண்காணிப்பாளர்கள் அதிரடியாக இடமாற்றம் செய்யப்பட்டனர்.

இச்சூழலில், இணை இயக்குனர்கள் கார்மேகம் தலைமையிலான அதிகாரிகள் கடந்த, 12ம் தேதி இயற்பியல் தேர்வின் போது, நாமக்கல் அருகே பொம்மைக்குட்டைமேட்டில் உள்ள தனியார் பள்ளி ஒன்றில் ஆய்வுக்கு சென்றனர். அப்போது, பள்ளி வளாகத்தில் இயற்பியல் தேர்வு வினாத்தாளுக்குரிய பதில் எழுதிய அட்டைகள் பள்ளி வளாகத்தில் கிடந்ததை அதிகாரிகள் கண்டனர்.

அவற்றை கைப்பற்றிய அதிகாரிகள், பள்ளியில் இருந்த முதன்மை மற்றும் அறை கண்காணிப்பாளர்கள், பள்ளி நிர்வாகத்தினர் ஆகியோரிடம் தீவிர விசாரணை நடத்தினர். இச்சம்பவம் மாநிலம் முழுவதும் பெரும் பரபரப்பை ஏற்படுத்தியுள்ளது.

இந்நிலையில், சம்மந்தப்பட்ட தனியார் பள்ளி தேர்வு மைய அங்கீகாரத்தை அரசு தேர்வுத் துறை இயக்குனர் ரத்து செய்து அறிவித்துள்ளார். இனி நடக்கும் ப்ளஸ் 2 தேர்வை, அப்பள்ளியை சேர்ந்த மாணவர்கள் அருகே உள்ள செல்லப்பம்பட்டி அரசு மேல்நிலைப்பள்ளியில் எழுத்த வேண்டும் எனவும், உத்தரவில் குறிப்பிடப்பட்டுள்ளது.

இதுகுறித்து மெட்ரிக் பள்ளிகளின் இணை இயக்குனர் கார்மேகம் கூறுகையில், ""சம்மந்தப்பட்ட தனியார் பள்ளி தேர்வு மையத்தை மாற்றி உத்தரவு பிறப்பிக்கப்பட்டுள்ளது. மேலும், விடை எழுதிய அட்டைகள் கிடந்தது தொடர்பாக, விசாரணையும் தொடர்ந்து நடந்து வருகிறது,''என்றார்.

இதுகுறித்து நாமக்கல் மாவட்ட முதன்மைக் கல்வி அலுவலர் குமார் கூறியதாவது:சம்மந்தப்பட்ட தனியார் பள்ளியில், 404 மாணவ, மாணவியர் தேர்வு எழுதுகின்றனர். அந்தப் பள்ளியின் தேர்வு மையத்தை, அரசு தேர்வுத் துறை இயக்குனர் மாற்றி உத்தரவிட்டுள்ளார். எனவே அப்பள்ளி மாணவ, மாணவியர் இனி வரும் தேர்வுகளை செல்லப்பம்பட்டி அரசு மேல்நிலைப்பள்ளியில் எழுதுவர். அதுபோல், எஸ்.எஸ்.எல்.ஸி., தேர்வும் சம்மந்தப்பட்ட பள்ளியில் நடக்காது. வேறு பள்ளியில் நடக்கும்,'' என்றார்.