8 ஆம் வகுப்பு சமூக அறிவியல் 100 வினா விடை

TNPSC TRB TET 8 ஆம் வகுப்பு சமூக அறிவியல் 100 வினா விடை | 8th Social Science Part-8

கற்பித்தல் மற்றும் தகவல்கள் (வினாவிடை வடிவில்)

வரலாறு, நிர்வாகம் மற்றும் அரசியல் அமைப்பு:

பிரெஞ்சு கிழக்கிந்திய நிறுவனம், மன்னர் பதினான்காம் லூயியின் அமைச்சரான கால்பர்ட் என்பவரால் உருவாக்கப்பட்டது.
டேனியர்கள் தரங்கம்பாடியில் தங்கள் குடியேற்றங்களை 1620ல் நிறுவினர்.
ஆங்கில கிழக்கிந்திய கம்பெனியின் முதல் கோட்டையாகவும், கிழக்குப்பகுதி முழுமைக்குமான தலைமையிடமாகவும் புனித ஜார்ஜ் கோட்டை விளங்கியது.
பிளாசிப் போர் மற்றும் பக்சார் போருக்குப் பிறகு ஆங்கில கிழக்கிந்தியக் கம்பெனி ஓர் அரசியல் சக்தியாக மாறியது.
வில்லியம் பெண்டிங் பிரபு, இராபர்ட் மெர்தின்ஸ் பர்ட் என்பவரின் வழிகாட்டுதலின்படி, 1833ல் மகல்வாரி முறையில் சில மாற்றங்களைக் கொண்டு வந்தார்.
சிவில் சர்வீஸ் தேர்வெழுத அதிகபட்ச வயது 1866ல் 21 ஆகக் குறைக்கப்பட்டது.
மாண்டேகு மற்றும் செம்ஸ் போர்டு ஆகியோர் 1918ல் இந்திய ஆட்சிப் பணியில் 33% இந்தியர்கள் தேர்வு செய்யப்பட வேண்டும் எனப் பரிந்துரைத்தனர்.
ஆங்கிலேயர்களின் தங்க நாணயங்கள் கரோலினா என்றும், செம்பு நாணயங்கள் கப்ரூன் என்றும், வெண்கல நாணயங்கள் டின்னி என்றும் அழைக்கப்பட்டன.
ஆந்திரா, கேரளா மற்றும் மைசூர் மாநிலங்கள் 1956 ஆம் ஆண்டு மாநில மறுசீரமைப்புச் சட்டத்தின் கீழ் அமைக்கப்பட்டன.
பம்பாய் ஏழு தீவுகளைக் கொண்டதாகும்.
ராஜஸ்தானில் உள்ள ராஜபுத்திரர்களிடையே வழக்கத்தில் இருந்த கூட்டுத் தற்கொலை நடைமுறை ஜவ்கார் ஆகும்.
குடியுரிமை (Citizenship) என்ற சொல் பண்டைய ரோமாபுரியில் நகர நாடுகளில் குடியிருப்பாளர் என்ற பொருளில் பயன்படுத்தப்பட்டது.
இந்திய அரசியல் அமைப்பு முகவுரையில் 1976ஆம் ஆண்டில் (42 வது சட்டத் திருத்தம்) 'சமயச்சார்பற்ற' என்ற சொல் சேர்க்கப்பட்டது.
ஐ.நா. சபையின் பொருளாதார மற்றும் சமூக சபை (ECOSOC) மனித உரிமைகளை மேம்படுத்துவதற்காக ஓர் ஆணையத்தை அமைக்க அதிகாரம் பெற்றது.
சிறார் நீதிச்சட்டம் (குழந்தைகளை பராமரித்தல் மற்றும் பாதுகாத்தல்) 2000 ஆம் ஆண்டு கொண்டுவரப்பட்டது.
சைரஸ் சிலிண்டர் (கி.மு. 539) அக்காடியன் மொழியில் கியூனிபார்ஃம் எழுத்துக்களில் பதிவு செய்யப்பட்டுள்ளது.
இந்திய தேசிய பாதுகாப்பு கவுன்சில் இந்தியாவில் தேசிய பாதுகாப்பு வாரத்தை ஒருங்கிணைக்கிறது.
தேசிய நெடுஞ்சாலைகளில் பாதுகாப்பாக பயணம் செய்ய பாலங்களைக் கட்டும் 'சேது பாரதம்' திட்டம் 2016ல் தொடங்கப்பட்டது.
1962 ஆம் ஆண்டு உருவாக்கப்பட்ட துணை இராணுவப் படைப் பிரிவு சிறப்பு எல்லைப்புற படை (SFF) ஆகும்.

புவியியல்:

இத்தாலியில் உள்ள மவுண்ட் வெசூலியஸ் மற்றும் மவுண்ட் எட்னா ஆகியவை செயல்படும் எரிமலைகளுக்கு உதாரணம்.
சாக், பட்டுக்கல் மற்றும் டோலமைட் ஆகியவை உயிரினப் படிவுப் பாறைகள் வகையைச் சார்ந்தவை.
இயக்க உருமாற்றத்தினால் கிரானைட் பாறை நைஸ் பாறையாக உருமாறுகிறது.
உலக மண் நாளாகக் கொண்டாடப்படும் நாள் டிசம்பர் 5 ஆம் நாள்.
செம்மண்ணில் இரும்பு ஆக்சைடு அளவைப் பொருத்து அதன் நிறம் பழுப்பு முதல் சிகப்பு நிறம் வரை வேறுபடுகிறது.
அதிக வெப்பநிலை மற்றும் அதிக மழைப்பொழிவு கொண்ட பகுதிகளில் ஊடுருவுதலின் செயலாக்கத்தினால் உருவாகும் மண் சரளை மண்.
மித வெப்பமண்டல காலநிலைப் பிரதேசங்களில் 1 செ.மீ மண் உருவாக 200 முதல் 400 வருடங்கள் ஆகும்.
Climate என்ற சொல் பண்டைய கிரேக்க மொழியிலிருந்து பெறப்பட்ட கிளைமா என்ற சொல்லாகும்.
புவியின் வளிமண்டலம் சூரிய கதிர்வீசலை விட புவி கதிர்வீசலால் அதிக வெப்பம் அடைகிறது.
சமவெப்பக் கோடு வரைபடத்தில் ஐசோதெர்ம் (Isotherm) எனக் குறிக்கப்படுகிறது.
பூமியில் உள்ள எல்லாப் பகுதிகளிலும் காற்றழுத்தத்தின் அளவு 1.03 கிலோ/ச.செ.மீ.
காற்றில் ஒப்பு ஈரப்பதம் 100% அடையும் பொழுது காற்று பூரித நிலையை அடையும்.
வியாபாரக் காற்று, மேலைக்காற்று, துருவக்காற்று ஆகியவை பருவக் காலக் காற்றுகள் ஆகும்.
பிரேசிலின் பெரும்பகுதியில் காற்றின் வேகம் குறைவாக உள்ளது.
காற்றின் வேகத்தை அளவிட பயன்படும் 'பியோபோர்டு அளவை' என்ற கருவி 1805ஆம் ஆண்டு உருவாக்கப்பட்டது.
புவியில் உள்ள மொத்த நன்னீரில் நிலத்தடி நீராக கிடைக்கப்பெறும் நன்னீரின் சதவீதம் 0.6%.
நீர் திரவநிலையிலிருந்து வாயுநிலைக்கு மாறுவது ஆவியாதல் எனப்படும்.
2017 ஆம் ஆண்டில் சர்வதேச புலம்பெயர்வில் உலகிலேயே மிகப் பெரிய நாடாக இருந்தது இந்தியா (17 மில்லியன்).
மக்கள் கால்நடையுடன் இடம் பெயர்தல் மந்தை இடமாற்றம் (Transhumance) என அழைக்கப்படுகிறது.
நவீன நகரமயமாக்கலின் மூன்றாம் கட்ட வளர்ச்சி பதினேழாம் நூற்றாண்டில் இருந்து தொடங்குகிறது.
இடர் (Hazard) என்ற சொல் பழமையான பிரெஞ்சு சொல்லான ஹார்ட் என்பதில் இருந்து வந்தது.
ஹார்ட் என்ற சொல்லின் பொருள் ஒரு பகடை விளையாட்டு.
தேசிய நீரியியல் நிறுவனம் புதுடெல்லியில் அமைந்துள்ளது.
1945ல் ஹிரோஷிமா மீது வீசப்பட்ட அணுகுண்டை விட 400 மடங்கு அதிகமான கதிர்வீச்சு செர்னோபில் அணு உலை விபத்திலிருந்து வெளிப்பட்டது.
கண்டங்கள் அல்லது நாடுகள் போன்ற பெரிய நிலப்பகுதிகளைக் காண்பிக்கப் பயன்படுத்தப்படும் புவிப்படங்கள் சிறிய அளவை புவிப்படங்கள் ஆகும்.
வரைபடங்களில் நிலப்பகுதியில் 1 கி.மீ. தூரத்தை குறிக்க பொதுவாக 1 செ.மீ அளவு பயன்படுத்தப்படுகிறது.
பொதுவான மதிப்புள்ள வெவ்வேறு இடங்களை இணைத்து வரையப்படும் படங்கள் சம அளவுக்கோட்டுப் படங்கள் ஆகும்.

ஆப்பிரிக்கா மற்றும் ஆஸ்திரேலியா, அண்டார்டிகா:

ஆப்பிரிக்காவின் வடமேற்கு பகுதியில் அமைந்துள்ள இளம் மடிப்பு மலை அட்லஸ் மலை.
அட்லஸ் மலையின் மிக உயர்ந்த சிகரம் டோப்கல்.
ஆப்பிரிக்காவில் சஹாரா பாலைவனத்திற்கும் சவானா புல்வெளிக்கும் இடையில் அமைந்துள்ள பகுதி சாஹேல்.
ஆப்பிரிக்காவின் நைல் நதி எகிப்தின் வாழ்வாதாரமாக விளங்குவதால் எகிப்தின் நன்கொடை என்று அழைக்கப்படுகிறது.
ஆப்பிரிக்காவின் முக்கிய பணப்பயிர் பருத்தி.
உலகின் மிகப்பெரிய ஒற்றை சிற்ப பாறையான உலுரு பாறை (Uluru Rock) ஆஸ்திரேலியாவில் அமைந்துள்ளது.
ஆஸ்திரேலியாவின் மிக உயரமான மலைத்தொடர் ஆஸ்திரேலிய ஆல்ப்ஸ் மலைத் தொடர்.
ஆஸ்திரேலியாவில் உள்ள செம்மறி ஆட்டு பண்ணைகளில் பணிபுரியும் மக்கள் ஜாகருஸ் என அழைக்கப்படுகிறார்கள்.
ஆஸ்திரேலியாவின் பணப்பயிர் என அழைக்கப்படுவது ஆட்டு உரோமம்.
அண்டார்டிகாவில் உள்ள மிக உயர்ந்த சிகரம் வின்சன் மாஸிப் (5140 மீட்டர்).
பென்குயின் பறவைகள் நீந்துவதற்குப் பயன்படும் உறுப்பு பிலிப்பர் (Flipper).
அண்டார்டிகாவில் அமெரிக்க ஐக்கிய நாடுகளால் அமைக்கப்பட்டுள்ள மிகப்பெரிய ஆராய்ச்சி நிலையம் மெக்முர்டோ.

பொருளாதாரம் மற்றும் வர்த்தகம்:

பொருளாதார நடவடிக்கைகளில் நான்காம் நிலை செயல்பாட்டிற்கு உதாரணம் தகவல் நுட்பத் தொழிலகங்கள் (ஆராய்ச்சி மற்றும் பயிற்சி).
மின்னணு வங்கியை வேறு எவ்வாறு அழைக்கலாம்? தேசிய மின்னணு நிதி பரிமாற்றம் (NEFT).
பணத்தின் அக மதிப்பு என்பது உள் நாட்டிலுள்ள பண்ட மற்றும் பணிகளின் வாங்கும் சக்தியைக் குறிக்கும்.
பணம் என்பது வேறுபட்ட துறைகளில் ஒன்றல்ல, மூன்று பணிகளை குறிப்பிடுகிறது என கூறியவர் ஸ்டோவ்ஸ்கி.
இந்தியாவின் செல்வங்களை பிரிட்டனுக்கு கொண்டு செல்வதுமே மக்களின் வறுமைக்குக் காரணம் என்பதை முதலில் ஏற்றுக் கொண்டவர் தாதாபாய் நௌரோஜி.
கி.மு. 2000ஆம் ஆண்டுகள் பழமையான எகிப்திய கல்லறைகளில் உள்ள மம்மிகள் மஸ்லின் ஆடைகளைக் கொண்டு சுற்றப்பட்டிருந்தன.
புனித ஜார்ஜ் கோட்டை வெள்ளை நகரம் என்ற குடியிருப்பின் பெயர்.

கல்வி மற்றும் சமுதாயம்:

'வேதம்' என்ற சமஸ்கிருத சொல் வித் என்ற சொல்லிலிருந்து பெறப்பட்டது.
வித் என்ற சொல்லின் பொருள் அறிதல்.
இடைக்காலத்தில் ஸ்ரீரங்கத்தில் கல்விக்காக நிறுவப்பட்ட மடம் அஹோபில மடம்.
வட்டார மொழிக் கல்வியினை தீவிரமாக முன்மொழிந்தவர் மவுண்ட்ஸ்டுவர்ட் எல்பின்ஸ்டன்.
கல்வியின் மூன்றாம் கட்டம் அகில இந்தியக் கல்விக் கொள்கையின் காலம் என அழைக்கப்படுகிறது.
பாண்டியர்களின் காலத்தில் கல்வி நிலையங்கள் வித்யாசாதனம் என அழைக்கப்பட்டன.
இராஜாராஜ சோழன் காலத்தில் புகழ்பெற்ற வேதக் கல்லூரிக்கு இருப்பிடமாக இருந்தது சதுர்வேதி மங்கலம்.
சார்லஸ் வுட் கல்வி அறிக்கை 1854 ஆம் ஆண்டில் பெண் கல்விக்கு அதிக முக்கியத்துவம் அளித்தது.
1916 இல் டெல்லியில் தொடங்கப்பட்ட மருத்துவக் கல்லூரி லேடி ஹார்டிங் மருத்துவக் கல்லூரி.
பெண்சிசுக்கொலை நடைமுறையை தடை செய்த வங்காள ஒழுங்காற்றுச் சட்டம் 1795 ஆம் ஆண்டு கொண்டுவரப்பட்டது.
1846 ஆம் ஆண்டில் பெண்களுக்கான குறைந்தபட்ச திருமண வயது 10 வயது.
தென்னிந்தியாவில் மகளிர் விடுதலைக்காகப் போராடிய ஆரம்பகால போராளி கந்துகூரி வீரேசலிங்கம்.
புதிதாக தொடங்கப்பட்ட 'மஹிளா சமக்யா' எனும் திட்டம் பெண்களுக்கு அதிகாரமளிப்பதில் முக்கிய கவனம் செலுத்துகிறது.
ஏ.பி.ஜெ. அப்துல்கலாம் தான் "கற்றல் படைப்பாற்றலை ஏற்படுத்தும், படைப்பாற்றல் சிந்தனையைத் தூண்டும்..." என்று கூறினார்.

புரட்சிகள் மற்றும் விடுதலைப் போராட்ட வீரர்கள்:

சந்தால் மக்கள் பீகாரில் ராஜ்மகால் குன்றுகளுக்கு அருகில் உள்ள பகுதிகளில் வேளாண்மை செய்து வந்தனர்.
சந்தால் கலகத்தில் 10,000 வீரர்களை ஒன்றுகூட்டிய தலைவர்கள் சித்து மற்றும் கங்கு.
வங்காள அவுரி சாகுபடியாளர்களின் வேலை நிறுத்தம் தீவிர விவசாய புரட்சியாக மாறியது.
1890-1900 காலகட்டத்தில் நகர்ப்புற வட்டிக்காரர்களின் ஒடுக்குமுறைகளைத் தடுக்கப் புரட்சியில் ஈடுபட்டவர்கள் பஞ்சாப் விவசாயிகள்.
சம்பரான் சத்தியாகிரகத்தில் விவசாயிகளின் பிரச்சினையை அறிய அமைக்கப்பட்ட விசாரணைக் குழுவில் இடம்பெற்றவர் மகாத்மா காந்தி.
வீரபாண்டிய கட்டபொம்மனின் தந்தையின் பெயர் ஜெகவீரபாண்டிய கட்டபொம்மன்.
மருது சகோதரர்களின் பெற்றோர் பொன்னாத்தாள் மற்றும் மூக்கைய்யா பழனியப்பன்.
தீரன் சின்னமலை பிறந்த இடம் ஈரோடு மாவட்டம் சென்னிமலை அருகிலுள்ள மேலப்பாளையம்.
வேலூர் கலகத்தின் போது சென்னை மாகாண படைத்தளபதியாக இருந்தவர் சர் ஜான் கிரடாக்.
வேலூர் கலகத்தில் கிளர்ச்சியாளர்களின் தாக்குதலுக்கு முதல் பலியான படைத்தளபதி கர்னல் பான்கோர்ட்.

சட்டங்கள் மற்றும் நிர்வாகம்:

ஊழல் தடுப்புச் சட்டம் 1988 ஆம் ஆண்டு கொண்டுவரப்பட்டது.
ரியல் எஸ்டேட் (ஒழுங்குமுறை மற்றும் மேம்பாடு) சட்டம் 2016 ஆம் ஆண்டு கொண்டுவரப்பட்டது.
தனியார் துறை தொழில்கள் மற்றும் மாநிலம் தன் முழுப் பொறுப்பில் தொடங்கும் புதிய அலகுகள் அட்டவணை - B இன் கீழ் வருகின்றன.
நமது இந்தியாவில் 29 மாநில அரசாங்கங்கள் செயல்படுகின்றன.
ஒரு மாநிலத்தின் ஆளுநரை பதவியிலிருந்து நீக்கும் அதிகாரம் மாநில அரசாங்கத்திற்கு இல்லை.
சட்டமன்ற கூட்டத்திற்குத் தலைமை ஏற்பவர் சபாநாயகர்.
ஒரு மாநிலத்தின் சட்டமன்ற மற்றும் அமைச்சரவை எங்கு செயல்படுகிறதோ அதுவே அம்மாநிலத்தின் தலைநகரமாக கருதப்படும்.
அரசியலமைப்பின்படி ஒவ்வொரு மாநிலத்திற்கும் ஒரு உயர் நீதிமன்றம் இருக்கும்.