12-ஆம் வகுப்பு விலங்கியல் | பாடம் 6 பரிணாமம் | பாடப்புத்தக மதிப்பீட்டு வினாக்கள் | Q.No 18
கேள்வி 18 : மூன்று வகை புதைபடிவமாக்கல் வகைகளை விவரி.
விடை :
- எஞ்சிய உடல் பகுதிகள் (Preserved Remains):
- விலங்குகளின் கடினமான பாகங்களான எலும்புகள், பற்கள், மற்றும் ஓடுகள் ஆகியவை பூமியின் அடுக்குகளில் பாதுகாக்கப்படுகின்றன.
- கடல்வாழ் விலங்குகளின் எலும்புகள் மற்றும் ஓடுகள் கடலின் உப்புத்தன்மை காரணமாக கெடாமல் பாதுகாக்கப்படுகின்றன.
- இதற்கு எடுத்துக்காட்டாக, சுமார் 22,000 ஆண்டுகளுக்கு முன்னர் வாழ்ந்த கம்பளி மாம்டூத் யானைகள் சைபீரியாவில் படிவமாகக் கிடைத்துள்ளன.
- கல்லாதல் (Permineralization):
- விலங்குகள் இறந்த பிறகு, அவற்றின் உடல் பாகங்களில் உள்ள வெற்றிடங்களில் இரும்பு பைரைட்டுகள், சிலிகா, கால்சியம் கார்பனேட், மெக்னீசியம் பைகார்பனேட்டுகள் போன்ற கனிம உப்புகள் படிந்து நிரப்பப்படும் அல்லது பதிலீடு செய்யப்படும் முறை கல்லாதல் எனப்படுகிறது.
- இயற்கையான அச்சுகளும் வார்ப்புகளும் (Molds and Casts):
- இறந்த விலங்குகளின் உடல்கள் மென்மையான சேற்றுப் போன்ற பகுதிகளில் அழுத்தத்தை ஏற்படுத்தி அழியாத பதிவுகளை (Imprints) உருவாக்குகின்றன. இது பின்னர் கடினமாகி கல்லாக மாறுவதே அச்சுகள் (Molds) எனப்படுகின்றன.
- இந்த அச்சுகளின் உட்புறம் உள்ள வெற்றிடங்கள் கனிம உப்புகளால் நிரப்பப்படும்போது, அவை வார்ப்புகளாக (Casts) உருவாகின்றன.
- கோப்ரோலைட்டுகள் (Coprolites):
- இவை விலங்குகளின் கடினமாக்கப்பட்ட மலப்பொருட்களாகும். இவை கோப்ரோலைட்டுகள் எனப்படும் சிறு உருண்டைகளாகக் காணப்படுகின்றன.
- இவற்றை ஆய்வு செய்வதன் மூலம், முந்தைய காலத்தில் வாழ்ந்த விலங்குகளின் உணவுப் பழக்கத்தைப் பற்றி அறிந்து கொள்ளலாம்.
0 Comments