12-ஆம் வகுப்பு விலங்கியல் | பாடம் 6 பரிணாமம் | பாடப்புத்தக மதிப்பீட்டு வினாக்கள் | Q.No 19

கல்விச்சோலை March 14, 2026

கேள்வி 19 : குவி பரிணாமம் மற்றும் விரிபரிணாம நிகழ்ச்சிகளை ஒவ்வொரு எடுத்துகாட்டுடன் வேறுபடுத்துக.

விடை :

அம்சம்	குவி பரிணாமம் (Convergent Evolution)	விரி பரிணாமம் (Divergent Evolution)
அமைப்பு/தோற்றம்	அமைப்பு அடிப்படையில் வேறுபட்டிருந்தாலும் ஒரே விதமான செயலைக் செய்யக் கூடிய உறுப்புகள் (செயலொத்த உறுப்புகள்).	உருவாக்கத்தில் ஒரே மாதிரியாக அமைந்து ஆனால் வெவ்வேறு செயல்களை செய்யக்கூடிய உறுப்புகள் (அமைப்பொத்த உறுப்புகள்).
விளக்கம்	வெவ்வேறு தோற்றம் கொண்ட உயிரினங்களின் உறுப்புகள், ஒரே மாதிரியான சுற்றுச்சூழல் தேவைகளுக்காக, ஒரே செயலைச் செய்யும்படி பரிணமித்தல்.	பொதுவான மூதாதையரில் இருந்து வந்த உயிரினங்களின் உறுப்புகள், வெவ்வேறு சுற்றுச்சூழல் தேவைகளுக்காக, வெவ்வேறு செயல்களைச் செய்யும்படி பரிணமித்தல்.
எடுத்துக்காட்டு	பறவைகள் மற்றும் பூச்சிகளின் இறக்கைகள் - வெவ்வேறு தோற்ற அமைப்பைப் பெற்றிருந்தாலும், இரண்டும் பறத்தல் என்ற ஒரே செயலைக் செய்கின்றன.	பல்வேறு முதுகெலும்பிகளின் முன்னங்கால்கள் - எலும்புகள் (மேற்கை எலும்பு, ஆர எலும்பு, மணிக்கட்டு போன்றவை) அமைப்பில் ஒற்றுமைகள் காணப்பட்டாலும், அவை நீந்துதல், பறத்தல், ஓடுதல் போன்ற பல்வேறு செயல்களைச் செய்கின்றன.

அமைப்பொத்த உறுப்புகள் (Homologous Organs)

வரையறை: தோற்றத்தில் ஒரே மாதிரியாக அமைந்து, ஆனால் வெவ்வேறு செயல்பாடுகளைச் செய்யும் உறுப்புகள் அமைப்பொத்த உறுப்புகள் எனப்படும்.
எடுத்துக்காட்டுகள்:
- முதுகெலும்பிகளின் முன்னங்கால்கள்.
- காகிதப் பூவின் முட்கள் மற்றும் சுரை/பட்டாணியில் உள்ள பற்றுக் கம்பிகள்.

செயலொத்த உறுப்புகள் (Analogous Organs)

வரையறை: அடிப்படை அமைப்பில் வேறுபட்டிருந்தாலும், ஒரே விதமான பொதுவான செயல்பாடுகளைச் செய்யும் உறுப்புகள் செயலொத்த உறுப்புகள் எனப்படும்.
எடுத்துக்காட்டுகள்:
- பறவைகள் மற்றும் பூச்சிகளின் இறக்கைகள்.
- பாலூட்டி மற்றும் ஆக்டோபஸின் கண்கள்.
- பெங்குவின் மற்றும் டால்பின்களில் காணப்படும் தசையாலான அகலத் துடுப்புகள்.
- உருளைக் கிழங்கின் தண்டு மாற்றுரு.

12TH-ZOOLOGY