TNPSC TRB TET 8 ஆம் வகுப்பு சமூக அறிவியல் 100 வினா விடை | 8th Social Science Part-13
இந்திய வரலாறு மற்றும் கல்வி – கேள்விகள் மற்றும் பதில்கள்
வணிகம் மற்றும் ஆதிக்கம்
- இந்திய அரசின் ஆவணங்களைப் பாதுகாக்கும் முதன்மைக் காப்பகம் எது?
- விடை: இந்திய தேசிய ஆவணக்காப்பகம்.
- அல்வாரிஸ் காப்ரல் எத்தனை கப்பல்களில் சில 100 வீரர்களுடன் கள்ளிக்கோட்டையை அடைந்தார்?
- விடை: 13 கப்பல்களில்.
- வாஸ்கோடகாமா 1524ல் மூன்றாவது முறையாக இந்தியா வந்தபொழுது எந்த மாதம் காலமானார்?
- விடை: டிசம்பர் 1524ல்.
- போர்ச்சுகீசியரின் செல்வாக்கினால் இந்தியாவின் கிழக்கு மேற்கு கடற்கரையோரப் பகுதிகளில் பரவிய மதம் எது?
- விடை: கத்தோலிக்க கிறித்துவம்.
- நெதர்லாந்து ஐக்கிய கிழக்கிந்திய கம்பெனி எந்தப் பகுதிகளில் வர்த்தகம் செய்ய அரசிடம் அனுமதி பெற்றது?
- விடை: கிழக்கிந்திய நாடுகளில்.
- டச்சுக்காரர்கள் 1690ல் தங்கள் தலைநகரை எங்கிருந்து எங்கு மாற்றிக் கொண்டனர்?
- விடை: பழவேற்காட்டிலிருந்து நாகப்பட்டினத்திற்கு.
- இங்கிலாந்து ராணி எலிசபெத் எந்த நிறுவனத்திற்கு கிழக்கிந்திய நாடுகளுடன் வர்த்தகம் செய்ய அனுமதிப் பட்டயம் வழங்கினார்?
- விடை: கவர்னர் மற்றும் லண்டன் வர்த்தகர்கள் நிறுவனத்திற்கு.
- ஆங்கிலேயர்கள் தங்களது முதல் வணிக மையத்தை வங்காள விரிகுடா கடற்கரையில் எங்கு நிறுவினர்?
- விடை: மசூலிப்பட்டினத்தில்.
- சுதாநுதி, காளிகட்டம் மற்றும் கோவிந்தபூர் ஆகிய மூன்று கிராமங்கள் பின்னாளில் எந்த நகரமாக வளர்ச்சி பெற்றன?
- விடை: கல்கத்தா நகரமாக.
- எந்த இரண்டு போர்களுக்குப் பிறகு ஆங்கில கிழக்கிந்தியக் கம்பெனி ஓர் அரசியல் சக்தியாக மாறியது?
- விடை: பிளாசிப் போர் மற்றும் பக்சார் போர்.
- இந்தியாவில் முதல் பிரெஞ்சு வணிக மையத்தை கரோன் என்பவர் எந்த நகரில் நிறுவினார்?
- விடை: சூரத் நகரில்.
- இந்தியாவின் மிக முக்கியமான மற்றும் வளமான பிரெஞ்சு குடியேற்றமாக விளங்கியது எது?
- விடை: பாண்டிச்சேரி.
- ஆங்கிலேயர்கள் 'இருட்டறை துயரச் சம்பவத்தில்' எங்கு அடைத்து வைக்கப்பட்டனர்?
- விடை: கல்கத்தாவின் வில்லியம் கோட்டையில் காற்று புகாத ஒரு இருட்டறையில்.
- பிளாசிப்போர் எந்த நாளில் நடைபெற்றது?
- விடை: 1757 ஆம் ஆண்டு ஜூன் 23 ஆம் நாள்.
- பக்சார் போர் எந்த நாளில் நடைபெற்றது?
- விடை: 1764ஆம் ஆண்டு அக்டோபர் 22ல்.
- சென்னையின் அடையாறு நதிக்கரையில் அமைந்துள்ள சாந்தோம் என்ற இடத்தில் நடைபெற்ற போரில் வெற்றி பெற்ற படை எது?
- விடை: பிரஞ்சுப் படை.
- ஆம்பூர் போரில் அன்வாருதீன் கொல்லப்பட்ட பிறகு அவரது மகன் முகமது அலி எங்கு தப்பி ஓடினார்?
- விடை: திருச்சிராப்பள்ளிக்கு.
- இரண்டாம் கர்நாடகப் போரின் போது பிரெஞ்சுக்காரர்கள் யாரை கர்நாடக நவாப் ஆக்கினர்?
- விடை: சந்தாசாகிப்பை.
- வந்தவாசிப் போர் எந்த நாளில் நடைபெற்றது?
- விடை: 1760 ஆம் ஆண்டு ஜனவரி 22ல்.
- தளபதி ஜோசப் ஸ்மித் தலைமையிலான ஆங்கிலப் படை உதவியுடன் 1767ல் மைசூர் மீது படையெடுத்தவர் யார்?
- விடை: ஹைதராபாத் நிசாம்.
- முதல் ஆங்கிலேய மைசூர் போரில் ஆங்கிலப் படையை தோற்கடித்து ஹைதர் அலி கைப்பற்றிய பகுதி எது?
- விடை: மங்களூர்.
- எத்தனை ஆண்டுகள் நடைபெற்ற மூன்றாம் ஆங்கிலேய மைசூர் போரில் திப்பு சுல்தான் தனியாக எதிர்த்து போராடினார்?
- விடை: இரண்டு ஆண்டுகள்.
- எந்தப் போரின் முடிவில் திப்பு சுல்தான் வீரதீரமாக போரிட்டாலும் இறுதியில் கொல்லப்பட்டார்?
- விடை: நான்காம் ஆங்கிலேய மைசூர் போரில்.
- இரண்டாம் ஆங்கிலேய மராத்தியப் போரில் இந்திய ஆட்சியாளர்களை இணைத்து ஆங்கிலேயர்களை எதிர்க்க முயற்சி செய்து தோல்வியடைந்தவர் யார்?
- விடை: யஷ்வந்த ராவ் ஹோல்கர்.
- மூன்றாம் ஆங்கிலேய மராத்தியப் போரில் ஈடுபட்ட பேஷ்வா யார்?
- விடை: இரண்டாம் பாஜிராவ்.
- சிவில் சர்வீஸ் தேர்வெழுத அதிகபட்ச வயது 1876 ஆம் ஆண்டு எவ்வளவாக குறைக்கப்பட்டது?
- விடை: 19 ஆக.
- ஐசிஎஸ் தேர்வில் தேர்ச்சி பெற்ற முதல் இந்தியரான சத்தியேந்திரநாத் தாகூர் எந்த புகழ்பெற்ற கவிஞரின் மூத்த சகோதரர்?
- விடை: கவிஞர் இரபீந்தரநாத் தாகூரின்.
- காரன்வாலிஸ் பிரபு எந்த ஆண்டு முறையான காவல் துறையை உருவாக்கினார்?
- விடை: 1791ல்.
- இந்தியாவில் ஆங்கிலேயரின் ஆதிக்கத்தை உயர்த்துவதில் முதன்மை சிற்பியாக இருந்த தலைமை ஆளுநர் யார்?
- விடை: டல்ஹௌசி பிரபு.
- இராபர்ட் கிளைவ் வங்காளம், பீகார் மற்றும் ஒரிசா பகுதிகளில் வரி வசூலிக்கும் உரிமையை பெற்ற ஆண்டு எது?
- விடை: 1765ல்.
- வாரன் ஹேஸ்டிங்ஸ் ஐந்தாண்டு நில வருவாய் திட்டத்தை பின்பு எத்தனை ஆண்டு திட்டமாக மாற்றினார்?
- விடை: ஓராண்டு திட்டமாக.
- காரன்வாலிஸ் பிரபு ஓராண்டு நில வருவாய் திட்டத்தை எந்த ஆண்டு பத்தாண்டு நில வருவாய் திட்டமாக மாற்றினார்?
- விடை: 1793ல்.
- எந்த நிலவருவாய் முறையின் மூலம் நிலத்தின் உரிமையானது விவசாயிகளின் வசம் ஒப்படைக்கப்பட்டது?
- விடை: இரயத்துவாரி முறை.
- சந்தால் மக்களுடைய நிலங்கள் பறிக்கப்பட்டது எந்த ஆண்டு ஆயுதம் ஏந்திய புரட்சிக்கு இட்டுச் சென்றது?
- விடை: 1856ல்.
- இண்டிகோ கலகத்தின் போது விவசாயிகளுக்கு மிகவும் தீமை தரும் எதனை வளர்ப்பதற்கு ஐரோப்பியர்கள் கட்டாயப்படுத்தினர்?
- விடை: இண்டிகோவை.
- பாப்னா விவசாய எழுச்சி எந்த அடக்குமுறைக்கு எதிரான இயக்கமாகும்?
- விடை: ஜமீன்தார்களின் அடக்குமுறைக்கு எதிரான.
- எந்த மாநிலத்தில் உள்ள சம்பரான் என்ற இடத்தில் ஐரோப்பிய பண்ணையாளர்கள் அவுரி சாகுபடியை செய்தனர்?
- விடை: பீகார் மாநிலத்தில்.
- சம்பரான் விவசாயிகளின் பிரச்சினையை அறிய அரசு அமைத்த விசாரணைக் குழுவில் ஓர் உறுப்பினராக சேர்க்கப்பட்டவர் யார்?
- விடை: மகாத்மா காந்தி.
- மாப்ளா என்று அழைக்கப்பட்ட முஸ்லீம் விவசாயிகள் யாரால் அடக்கப்பட்டு, சுரண்டப்பட்டனர்?
- விடை: இந்து ஜமீன்தார்கள் மற்றும் ஆங்கில அரசால்.
- எந்த ஆண்டு 30 சதவீதம் அளவிற்கு அரசு நிலவருவாயை உயர்த்தியதால் பர்தோலி விவசாயிகள் எதிர்ப்பினை தெரிவித்தனர்?
- விடை: 1928ல்.
- விஸ்வநாதர் எந்த ஆண்டு மதுரை நாயக்கரானார்?
- விடை: 1529ல்.
- பாளையக்காரர்கள் வசூலித்த வரிப்பணத்தில் மதுரை நாயக்கர்களுக்கு போக, அடுத்த மூன்றில் ஒரு பங்கினை எதற்கு கொடுத்தனர்?
- விடை: இராணுவ செலவிற்கும்.
- பாஞ்சாலங்குறிச்சியைத் தலைநகராகக் கொண்டு வீரபாண்டியபுரத்தை ஆட்சி செய்த கட்டபொம்மனின் தந்தை யார்?
- விடை: ஜெகவீரபாண்டிய கட்டபொம்மன்.
- கட்டபொம்மனுக்கு நிலுவைத் தொகையை செலுத்தச் சொல்லி கடிதங்கள் எழுதிய இராமநாதபுர கலெக்டர் யார்?
- விடை: காலின் ஜாக்சன்.
- 1799 செப்டம்பர் ஐந்தாம் நாள் தன்னுடைய படையை பாஞ்சாலங்குறிச்சியை நோக்கி நகர்த்தியவர் யார்?
- விடை: மேஜர் பானர்மேன்.
- வேலுநாச்சியார் எந்த வயதில் சிவகங்கையின் இராஜா முத்து வடுகநாதருக்கு திருமணம் செய்து வைக்கப்பட்டார்?
- விடை: 16 ஆம் வயதில்.
- மருது சகோதரர்களின் பெற்றோர் யாவர்?
- விடை: பொன்னாத்தாள் மற்றும் மூக்கைய்யா பழனியப்பன்.
- சின்ன மருது சிவகங்கையின் எந்த மன்னரிடம் பணிபுரிந்தார்?
- விடை: முத்துவடுக நாத பெரிய உடையதேவரிடம்.
- தீரன் சின்னமலையின் இயற்பெயர் என்ன?
- விடை: தீர்த்தகிரி.
- கொங்கு நாடு என்பது எந்த அரசின் ஒரு பகுதியாக உருவாக்கப்பட்டிருந்தது?
- விடை: மதுரை நாயக்க அரசின் ஒரு பகுதியாக.
- இறுதி போரின் போது தீரன் சின்னமலையை காட்டிக் கொடுத்த சமையற்காரர் யார்?
- விடை: நல்லப்பன்.
- சென்னை மாகாண கவர்னராக 1803ல் பதவியேற்றவர் யார்?
- விடை: வில்லியம் காவெண்டிஷ் பெண்டிங்.
- இராணுவத்தில் பல கட்டுப்பாடுகளை தீவிரமாக கடைபிடிக்க வீரர்களை கட்டாயப்படுத்திய படைத்தளபதி யார்?
- விடை: சர் ஜான் கிரடாக்.
- வேலூர் கலகத்தின் போது ஜூலை 10 ஆம் நாள் விடியற்காலை கலகத்தை தொடங்கிய படைப்பிரிவுகள் எவை?
- விடை: முதலாவது மற்றும் 23 வது படைப்பிரிவுகள்.
- வேலூர் கலகத்தில் கிளர்ச்சியாளர்களின் தாக்குதலுக்கு முதல் பலியான படைத்தளபதி யார்?
- விடை: கர்னல் பான்கோர்ட்.
- 1857 மார்ச் 29 ஆம் நாள் பாரக்பூரில் தனது உயரதிகாரியைச் சுட்டுக் கொன்ற இளம் சிப்பாய் யார்?
- விடை: மங்கள் பண்டே.
- மீரட்டில் எந்தப் படைப்பிரிவைச் சேர்ந்த சிப்பாய்கள் மே 10 ஆம் நாள் சிறைச்சாலையை உடைத்து புரட்சியில் ஈடுபட்டனர்?
- விடை: மூன்றாம் குதிரைப் படையைச் சேர்ந்த சிப்பாய்கள்.
- டெல்லிக்கு வந்த மீரட் சிப்பாய்கள் மே 11 ஆம் நாள் யாரை இந்தியாவின் பேரரசராக அறிவித்தனர்?
- விடை: இரண்டாம் பகதூர்ஷாவை.
- ஜான்சியை ஆக்கிரமித்த ஆங்கிலேய படைத்தளபதி யார்?
- விடை: சர் ஹக்ரோஸ்.
- 1857 செப்டம்பர் 20ல் டெல்லியை மீண்டும் கைப்பற்றிய ஆங்கில படைத்தளபதி யார்?
- விடை: நிக்கல்சன்.
- இரண்டாம் பகதூர்ஷா நாடு கடத்தப்பட்டு ரங்கூனில் எந்த ஆண்டு இறந்தார்?
- விடை: 1862ல்.
- தட்சசீல பல்கலைக்கழகத்தை யுனெஸ்கோ எந்த ஆண்டு உலக பாரம்பரியத் தளமாக அறிவித்தது?
- விடை: 1980ல்.
- சாணக்கியர் தனது அர்த்தசாஸ்திரத்தை எங்கு தங்கியிருந்து தொகுத்ததாக கூறப்படுகிறது?
- விடை: தட்சசீல பல்கலைக்கழத்தில்.
- பழமையான நாளந்தா பல்கலைக்கழகம் தற்போதைய பீகாரில் எந்த இடத்தில் அமைந்துள்ளது?
- விடை: ராஜகிருகத்தில்.
- டெல்லியில் ஒரு மதரசாவை நிறுவிய முதல் ஆட்சியாளர் யார்?
- விடை: இல்துத்மிஷ்.
- ஸ்ரீரங்கத்தில் உள்ள அஹோபில மடத்தில் கல்விக்காக தன்னுடைய குறிப்பிடத்தக்க பங்களிப்பை வழங்கியவர் யார்?
- விடை: ஸ்ரீராமானுஜர்.
- வட்டார மொழிக் கல்வியினை தீவிரமாக முன்மொழிந்த மவுண்ட்ஸ்டுவர்ட் எல்பின்ஸ்டன் பெயரால் கல்லூரி எங்கு நிறுவப்பட்டது?
- விடை: பம்பாயில்.
- இந்தியாவில் கல்வியை மேம்படுத்துவதற்காக ஆண்டு தோறும் 1 இலட்சம் ரூபாய் தொகையை வழங்குவதற்கான ஏற்பாட்டைச் செய்த சட்டம் எது?
- விடை: 1813 ஆம் ஆண்டின் பட்டயச் சட்டம்.
- இரண்டாம் உலகப் போருக்குப் பின் கல்வி மேம்பாட்டிற்காக தயாரிக்கப்பட்ட மிக முக்கியமான அறிக்கை எது?
- விடை: சார்ஜண்ட் அறிக்கை (1944).
- பல்கலைக்கழக கல்வி குறித்த அறிக்கை தயாரிக்க 1948 ஆம் ஆண்டு நியமிக்கப்பட்ட கல்விக்குழு எது?
- விடை: டாக்டர் இராதாகிருஷ்ணன் கல்விக்குழு.
- 1952-53 ஆம் ஆண்டில் அமைக்கப்பட்டு கல்வித்துறையில் மிக முக்கியமான நிகழ்வாக அமைந்த குழு எது?
- விடை: இடைநிலைக் கல்விக்குழு.
- சுதந்திரத்திற்கு பிறகு இந்தியக் கல்வி வரலாற்றில் குறிப்பிடத்தக்க முன்னேற்றத்தை ஏற்படுத்திய முதல் தேசியக் கல்விக் கொள்கை எந்த ஆண்டு கொண்டுவரப்பட்டது?
- விடை: 1968 ஆம் ஆண்டு.
- கல்வி உரிமைச் சட்டமானது எந்த வயது வரை உள்ள அனைத்து குழந்தைகளுக்கும் இலவச மற்றும் கட்டாயக் கல்வியை வழங்குகிறது?
- விடை: 6 முதல் 14 வயது வரை.
- அனைவருக்கும் இடைநிலைக் கல்வித் திட்டம் (RMSA) எந்த வயதுக்குட்பட்ட மாணவர்களுக்கு இடைநிலைக் கல்வியை அளிக்கிறது?
- விடை: 15 முதல் 16 வயதுக்குட்பட்ட.
- சமக்ர சிக் ஷாவானது (Samagra Siksha) எந்த இரு திட்டங்களை உள்ளடக்கியது ஆகும்?
- விடை: SSA மற்றும் RMSA ஆகிய திட்டங்களை.
- பாண்டியர் காலத்தில் ஆசிரியர்களுக்கு வழங்கப்பட்ட நிலங்கள் எவ்வாறு அழைக்கப்பட்டன?
- விடை: சாலபோகம்.
- பாண்டியர் காலத்தில் புகழ் பெற்ற கல்லூரி எங்கு அமைந்திருந்தது?
- விடை: காந்தளூர் சாலையில்.
- மதராஸ் மாகாணத்தில் மேற்கத்திய கல்வியை அறிமுகப்படுத்தியதில் மிகப்பெரிய பங்கு வகித்த ஆளுநர் யார்?
- விடை: சர் தாமஸ் மன்றோ.
- கல்லூரி சென்று படிக்க முடியாதவர்களுக்காக எந்த முறை அறிமுப்படுத்தப்பட்டது?
- விடை: தொலைதூரக் கல்வி.
- 1956ல் அறிமுகப்படுத்தப்பட்ட மதிய உணவுத் திட்டம் எந்த ஆண்டு சத்துணவுத் திட்டமாக விரிவுபடுத்தப்பட்டது?
- விடை: 1982ல்.
- பருத்தி உற்பத்தியின் பிறப்பிடம் இந்தியா என்று கூறிய வரலாற்று அறிஞர் யார்?
- விடை: எட்வர்ட் பெயின்ஸ்.
- முகலாய பேரரசர் ஷாஜஹான் ஆட்சியின்போது இந்தியாவிற்கு வருகை தந்த ஐரோப்பியர் யார்?
- விடை: பெர்னியர்.
- ஆங்கிலேயர்கள் இந்தியாவின் செல்வங்களை பிரிட்டனுக்கு கொண்டு செல்வதுமே மக்களின் வறுமைக்கு காரணம் என்பதை தாதாபாய் நௌரோஜி எதில் குறிப்பிட்டார்?
- விடை: செல்வச் சுரண்டல் கோட்பாட்டில்.
- 1870 ஆம் ஆண்டு முதல் காகித ஆலை கல்கத்தாவுக்கு அருகில் எங்கு துவங்கப்பட்டது?
- விடை: பாலிகன்ஜ் என்ற இடத்தில்.
- கி.மு. 2000ஆம் ஆண்டுகள் பழமையான எகிப்திய கல்லறைகளில் உள்ள மம்மிகள் எந்த துணியைக் கொண்டு சுற்றப்பட்டிருந்தது?
- விடை: மிகச் சிறந்த தரம் வாய்ந்த இந்திய மஸ்லின் ஆடைகள்.
- எத்தனை மீட்டர் அளவு கொண்ட மெல்லிய மஸ்லின் துணியை ஒரு தீப்பெட்டிக்குள் அடக்கிவிடலாம்?
- விடை: 50 மீட்டர் அளவு கொண்ட.
- ஆங்கிலேயர்கள் வர்த்தகத்திற்காக கல்கத்தாவில் ஏற்படுத்திய கோட்டை எது?
- விடை: புனித வில்லியம் கோட்டை.
- கான்பூர், லாகூர் ஆகிய பகுதிகள் எவ்வகை நகரங்களாக ஆங்கிலேயாரால் தோற்றுவிக்கப்பட்டவை?
- விடை: இராணுவக் குடியிருப்பு நகரங்கள்.
- மதராசபட்டணத்தை மானியமாக வழங்கிய தமர்லா வெங்கடபதி எந்த அரசரின் கட்டுப்பாட்டில் இருந்தார்?
- விடை: சந்திரகிரியின் அரசரான வெங்கடபதி ராயலுவின் கட்டுப்பாட்டில்.
- 1642 ல் ஸ்ரீரங்கராயலு பதவிக்கு வந்தபின் எந்தப் புதிய பகுதியை ஆங்கிலேயருக்கு மானியமாக வழங்கினார்?
- விடை: ஸ்ரீரங்கராயபட்டினம்.
- 1956ல் அமைக்கப்பட்ட மதராஸ் மாநிலம் எந்த ஆண்டு தமிழ்நாடு என மறுபெயரிடப்பட்டது?
- விடை: 1969 இல்.
- தோற்கடிக்கப்பட்ட ராஜப்புத்திர போர்வீரர்களின் மனைவிகள் மற்றும் மகள்களின் கூட்டு தன்னார்வ தற்கொலை நடைமுறை எவ்வாறு அழைக்கப்பட்டது?
- விடை: ஜவ்கார்.
- சிறுமிகளுக்கான தொடக்கப் பள்ளியையும், ஆசிரியர் பயிற்சி நிறுவனங்களையும் தொடங்க பரிந்துரைத்தது எந்த குழு?
- விடை: 1882 ஆம் ஆண்டில் இந்திய கல்விக் (ஹண்டர்) குழு.
- இந்திய பெண்கள் எந்த காலகட்டத்தில் பல்கலைக்கழகங்களில் நுழையத் தொடங்கினர்?
- விடை: 1880 களில்.
- பெண்சிசுக்கொலை நடைமுறையை தடை செய்த சட்டம் எந்த ஆண்டு கொண்டுவரப்பட்டது?
- விடை: 1870 ஆம் ஆண்டு.
- 1930 இல் மத்தில் சட்டபேரவையில் குழந்தை திருமண மசோதாவை கொண்டுவந்தவர் யார்?
- விடை: ராய்சாகிப் ஹர்பிலாஸ் சாரதா.
- வில்லியம் பெண்டிங் பிரபு எந்த சட்டத்தை நிறைவேற்றி சதி எனும் பழக்கத்தை ஒழித்தார்?
- விடை: விதிமுறை XVII (1829).
- தென்னிந்தியாவில் மகளிர் விடுதலைக்காக போராடிய கந்துகூரி வீரேசலிங்கம் தனது முதல் பெண்கள் பள்ளியை எந்த ஆண்டு திறந்தார்?
- விடை: 1874 இல்.
- 1889 இல் இந்து விதவைகளுக்காக சாரதா சதன் எனும் அமைப்பினை பம்பாயில் திறந்தவர் யார்?
- விடை: பண்டித ரமாபாய்.
- தமிழக அரசு யாருடைய நினைவாக நினைவு திருமண உதவி திட்டத்தை தொடங்கியது?
* விடை: மூவலூர் ராமாமிர்தம் அம்மையார்.
0 Comments