கேள்வி 20 : ஹார்டி - வீன்பெர்க் சமன்பாடு (p2+2pq+q2=1) இனக்கூட்டத்தில் சமநிலை இருப்பதை எவ்வாறு விளக்குகிறது? மரபியல் சமநிலையைப் பாதிக்கும் ஏதேனும் நான்கு காரணிகளைப் பட்டியலிடுக.
விடை :
ஹார்டி-வீன்பெர்க் தத்துவம் (Hardy-Weinberg Principle):
ஒரு இனக்கூட்டத்தில், மரபணு ஓட்டம், மரபியல் நகர்வு, திடீர் மாற்றம், மரபணு மறுசேர்க்கை மற்றும் இயற்கைத் தேர்வு போன்ற காரணிகள் இல்லாதபோது, அல்லீல்களின் நிகழ்வெண் அடுத்தடுத்த தலைமுறைகளிலும் மாற்றமின்றி சமநிலையில் இருக்கும்.
சமன்பாட்டின் விளக்கம் மற்றும் எடுத்துக்காட்டு:
வண்டுகளின் இனக்கூட்டத்தில், உடல் நிறத்தைத் தீர்மானிக்கும் A மரபணுவில், கருஞ்சாம்பல் (கருப்பு) மற்றும் வெளிர் சாம்பல் நிறங்கள் இருப்பதாகக் கொள்வோம்.
மரபணுவாக்க நிகழ்வெண்கள்:
- AA - மரபணுவாக்கம் உள்ள வண்டுகள் கருஞ்சாம்பல் நிறமுடையவை (p²)
- Aa - மரபணுவாக்கம் உள்ள வண்டுகள் கருஞ்சாம்பல் நிறமுடையவை (2pq)
- aa - மரபணுவாக்கம் உள்ள வண்டுகள் வெளிர் சாம்பல் நிறமுடையவை (q²)
ஹார்டி-வீன்பெர்க் சமன்பாடு: (p + q)² = p² + 2pq + q²
இங்கு, p என்பது A அல்லீலின் நிகழ்வெண், q என்பது a அல்லீலின் நிகழ்வெண் ஆகும். எப்போதும் p + q = 1 ஆக இருக்கும்.
எடுத்துக்காட்டுக் கணக்கீடு:
ஒரு இனக்கூட்டத்தில் A அல்லீலின் நிகழ்வெண் p = 0.3 எனவும், a அல்லீலின் நிகழ்வெண் q = 0.7 எனவும் இருந்தால், அவற்றின் மரபணுவாக்க நிகழ்வெண்களைக் கீழ்க்கண்டவாறு கணக்கிடலாம்:
- p² (AA) = (0.3)² = 0.09 = 9%
- 2pq (Aa) = 2 (0.3) (0.7) = 0.42 = 42%
- q² (aa) = (0.7)² = 0.49 = 49%
இந்த இனக்கூட்டம் ஹார்டி-வீன்பெர்க் சமநிலையில் உள்ளது என்பதையும், அதன் அடுத்த தலைமுறை சந்ததிகளிலும் மரபணுவாக்க நிகழ்வெண் அதே 9% AA, 42% Aa, மற்றும் 49% aa ஆகவே இருக்கும் என்பதையும் இது காட்டுகிறது. இதனால், சந்ததிகளின் பண்புகளில் எந்த மாறுபாடுகளும் தோன்றாது.
0 Comments