7 ஆம் வகுப்பு சமூக அறிவியல் 100 வினா விடை | 7th Social Science Part-15

TNPSC TRB TET 7 ஆம் வகுப்பு சமூக அறிவியல் 100 வினா விடை | 7th Social Science Part-15

---

1. மத்தியப் பிரதேசம் கஜுராகோ கோவில்: வரலாற்றுச் சான்று வகை?
விடை: நினைவுச் சின்னங்கள்.

2. டெல்லி சுல்தான்களின் முதல் வரலாற்றை உரைக்கும் 'தாஜ்-உல்-மா-அசிர்' நூலின் ஆசிரியர் யார்?
விடை: ஹசன் நிஜாமி.

3. 16-ஆம் நூற்றாண்டில் 'பாபர் நாமா' என்னும் வாழ்க்கை வரலாற்று நூலை எழுதியவர் யார்?
விடை: பாபர்.

4. 'தசுக்-இ-ஜாஹங்கீரி' என்னும் சுயசரிதை நூலை 17-ஆம் நூற்றாண்டில் எழுதிய முகலாய அரசர் யார்?
விடை: ஜாஹாங்கீர்.

5. 1420-இல் விஜயநகரப் பேரரசுக்கு வந்த இத்தாலியப் பயணி யார்?
விடை: நிகோலோகோண்டி.

6. மத்திய ஆசியாவின் ஹீரட் நகரிலிருந்து 1443-இல் விஜயநகருக்கு வருகை தந்த பயணி யார்?
விடை: அப்துர் ரஸாக்.

7. 1522-இல் விஜயநகர் வந்த போர்த்துகீசியப் பயணி யார்?
விடை: டோமிங்கோ பயஸ்.

8. ராஜபுத்திரர்களின் குவாலியர், சந்தேரி, அசிர்கார் ஆகியவை எதற்குச் சிறந்த எடுத்துக்காட்டுகளாகும்?
விடை: கோட்டைகள் அமைக்கும் கலைக்கு.

9. ராஜபுத்திரர்களின் குடியிருப்புக் கட்டடக் கலைக்குச் சான்றாக ராஜஸ்தானில் உள்ள புகழ் பெற்ற கோட்டை எது?
விடை: ஆம்பர் கோட்டை.

10. பால வம்சத்தைச் சேர்ந்த முதலாம் மகிபாலர் அரியணை ஏறிய ஆண்டு எது?
விடை: 988 ஆம் ஆண்டு.

11. ஜோத்பூரிலிருந்து 32 மைல் தொலைவில் உள்ள ஓசியான் என்னும் இடத்தில் இருக்கும் கோவில்களின் எண்ணிக்கை எத்தனை?
விடை: 16 இந்து மற்றும் சமணக் கோவில்கள்.

12. சிந்துவின் அரசர் தாகீரைத் தோற்கடித்துக் கொன்ற அராபியப் படைத்தளபதி யார்?
விடை: முகமது பின் காசிம்.

13. முகமது பின் காசிமால் கைப்பற்றப்பட்ட சிந்துவின் தலைநகரம் எது?
விடை: அரோர்.

14. பஞ்சாபின் நாகர்கோட் மற்றும் டெல்லிக்கு அருகேயுள்ள தானேஸ்வர் ஆகிய நகரங்களை கஜினி மாமூது சூறையாடிய ஆண்டு எது?
விடை: 1011.

15. மாமூது கஜினி தனது 17 படையெடுப்புகளில் மதுரா மற்றும் கன்னோஜைத் தாக்கிய ஆண்டு எது?
விடை: 1018.

16. முகமது கோரியின் மறைவுக்குப் பிறகு இந்தியப் பகுதிகளைத் தன் கட்டுப்பாட்டில் கொண்டு வந்த தளபதி யார்?
விடை: குத்புதீன் ஐபக்.

17. சோழர்களின் பண்டைய தலைநகரான உறையூர் தற்போது எவ்வாறு அழைக்கப்படுகிறது?
விடை: திருச்சிராப்பள்ளி.

18. எந்தப் புகழ்பெற்ற சோழ மன்னனின் ஆட்சிக்காலத்தில் பண்டைய சோழ அரசு சிறப்புப் பெற்றது?
விடை: கரிகாலன்.

19. முதலாம் ராஜேந்திர சோழனின் எந்தப் படை ஸ்ரீவிஜய பேரரசைக் கைப்பற்ற உதவியது?
விடை: கடற்படை.

20. விஜயாலயனின் வழிவந்த கடைசி சோழ அரசர் அதிராஜேந்திரன் யாருடைய மகன்?
விடை: வீர ராஜேந்திரனின் மகன்.

21. சோழர் கால நிர்வாகத்தில் மூத்த மகன் வாரிசாகத் தேர்ந்தெடுக்கப்பட்டு எவ்வாறு அழைக்கப்பட்டார்?
விடை: யுவராஜன்.

22. சோழர் காலத்தில் நீர்ப்பாசனத்திற்காக உருவாக்கப்பட்ட 16 மைல் நீளமுள்ள ஏரிக்கரைத் தடுப்பணை எங்கு அமைந்துள்ளது?
விடை: கங்கை கொண்ட சோழபுரத்தில்.

23. சிவபெருமானின் திருவிளையாடல்கள் நாயன்மார்களால் பாடப்பட்ட 'திருமுறைகள்' யாரால் தொகுக்கப்பட்டன?
விடை: நம்பியாண்டார் நம்பியால்.

24. சோழர் காலத்தில் இறக்குமதி செய்யப்பட்ட வர்ணப் பட்டு நூல்களோடு நெய்யப்பட்ட துணிகள் எதனால் ஆனவை?
விடை: பருத்தி இழைத்துணிகள்.

25. இடைக்காலப் பாண்டியர்களின் ஆட்சி காலம் எந்த ஆண்டுகளில் இருந்தது?
விடை: கி.பி. 600 முதல் 920 வரை.

26. களப்பிரர்களைத் தோற்கடித்த பிறகு, வலிமை மிக்க முதல் பாண்டிய அரசராக அரிகேசரி அரியணை ஏறிய ஆண்டு எது?
விடை: கி.பி. 642.

27. அரிகேசரி மாறவர்மனை சமண மதத்திலிருந்து சைவத்திற்கு மாற்றிய சைவத் துறவி யார்?
விடை: திருஞானசம்பந்தர்.

28. சடையவர்மன் சுந்தரபாண்டியன், மாளவ அரசர் வீர சோமேஸ்வரரை எந்தப் போர்க்களத்தில் தோற்கடித்தார்?
விடை: கண்ணனூர்.

29. சடையவர்மன் சுந்தரபாண்டியனுக்குப் பின் வெற்றிகரமாக நாற்பது ஆண்டுகள் ஆட்சிபுரிந்த பாண்டிய மன்னர் யார்?
விடை: மாறவர்மன் குலசேகரன்.

30. பாண்டிய மன்னர் மாறவர்மன் குலசேகரனைக் கொன்று உள்நாட்டுப் போரைத் தொடங்கிய அவருடைய மகன் யார்?
விடை: சுந்தர பாண்டியன்.

31. பாண்டியர் நிர்வாகத்தில் பல நாடுகள் மற்றும் கூற்றங்களை உள்ளடக்கிய பகுதி எவ்வாறு அழைக்கப்பட்டது?
விடை: வளநாடுகள்.

32. பாண்டியர் நிர்வாக அமைப்பில் நாடுகளை நிர்வகித்தவர் எவ்வாறு அழைக்கப்பட்டார்?
விடை: நாட்டார்.

33. திருநெல்வேலி மாவட்டம் மானூர் என்னுமிடத்தில் உள்ள கிராம நிர்வாக கல்வெட்டு எந்த ஆண்டைச் சேர்ந்தது?
விடை: கி. பி. 800.

34. டெல்லி சுல்தான் இல்துமிஷின் மகளான ரஸ்ஸியா சுல்தானா கொலை செய்யப்பட்ட ஆண்டு எது?
விடை: 1240.

35. அலாவுதீன் கில்ஜி யாருடைய உடன் பிறந்தோரின் மகன்?
விடை: ஜலாலுதீன் கில்ஜி.

36. டெல்லி சுல்தான் அலாவுதீன் கில்ஜி இயற்கை எய்திய ஆண்டு எது?
விடை: 1316.

37. வாராங்கல் அரசன் ருத்ரதாமனைத் தோற்கடித்த துக்ளக் வம்ச இளவரசன் ஜானாகான் எந்தப் பெயரில் அரியணை ஏறினார்?
விடை: முகமது பின் துக்ளக்.

38. இஸ்லாமியச் சட்டங்களால் அங்கீகரிக்கப்படாத வரிகளை ரத்து செய்த பிரோஷ் ஷா துக்ளக் எத்தனை வயதில் காலமானார்?
விடை: 83 வது வயதில்.

39. தைமூர் தான் கைப்பற்றிய வடஇந்தியப் பகுதிகளுக்குத் தனது பிரதிநிதியாக ஆளுநராக யாரை நியமித்தார்?
விடை: கிசிர்கான்.

40. சையது வம்சத்தின் கடைசி சுல்தான் அலாவுதீன் ஆலம் ஷா பதவியைத் துறந்த ஆண்டு எது?
விடை: 1451.

41. பகலூல் லோடியைத் தொடர்ந்து 1489-ல் டெல்லி சுல்தானாகப் பொறுப்பேற்ற அவருடைய மகன் யார்?
விடை: சிக்கந்தர் லோடி.

42. டெல்லி சுல்தானியக் கட்டடங்களின் வடிவங்கள் எந்தப் பாணியில் அமைந்திருந்தன?
விடை: பாரசீகப் பாணி.

43. டெல்லி சுல்தானியக் கட்டடங்களின் அலங்கார வேலைப்பாடுகள் எந்தப் பாணியில் அமைந்திருந்தன?
விடை: இந்தியப் பாணி.

44. வித்யாரண்யருக்கு மதிப்பளிக்கும் விதத்தில் விஜயநகரப் பேரரசு ஒரு காலம் வரை எவ்வாறு அழைக்கப்பட்டது?
விடை: வித்யாநகர்.

45. இரண்டாம் ஹரிஹரருக்குப் பின் ஆட்சிப் பொறுப்பேற்ற முதலாம் தேவராயர் எந்த வம்ச அரசர்களைத் தோற்கடித்தார்?
விடை: ஒடிசாவைச் சேர்ந்த கஜபதி வம்ச அரசர்களை.

46. கிருஷ்ணதேவராயரால் கட்டப்பட்ட கோவில்களின் நுழைவாயில்களில் உள்ள கோபுரங்கள் அவர் பெயரால் எவ்வாறு அழைக்கப்பட்டன?
விடை: ராயகோபுரம்.

47. விஜயநகர நிர்வாகத்தில் ஒவ்வொரு மண்டலமும் யாருடைய நிர்வாகத்தின் கீழிருந்தது?
விடை: மண்டலேஸ்வரா.

48. விஜய நகர பேரரசு காலத்தில் போர்த்துகீசியக் கட்டுமானக் கலைஞர்களின் உதவியுடன் மிகப்பெரும் ஏரி கட்டப்பட்டதாகக் குறிப்பிட்ட பாரசீகப் பயணி யார்?
விடை: அப்துல்ரஸாக்.

49. பாமினி அரசை நிறுவிய அலாவுதீன் ஹசன் பாமன்ஷா எந்த நகரைக் கைப்பற்றி தன்னை சுல்தானாக அறிவித்துக் கொண்டார்?
விடை: தௌலதாபாத்.

50. பாமினி அரசில் முதலாம் முகமது ஷாவைத் தொடர்ந்து பதவியேற்ற அவருடைய மகன் யார்?
விடை: முஜாகித்.

51. முஜாகித்துக்குப் பின்னர் 85 ஆண்டுகளுக்குப் பிறகு பாமினி அரசில் குறிப்பிடத்தக்க அரசராகத் திகழ்ந்தவர் யார்?
விடை: மூன்றாம் முகமது.

52. பாமினி அரசில் 'நஷீர்' என்னும் அமைச்சரின் பொறுப்பு என்னவாக இருந்தது?
விடை: உதவு நிதியமைச்சர்.

53. பீகாரையும் வங்காளத்தையும் ஆட்சி செய்து வந்து, ஹூமாயூனுக்குப் போட்டியாளராக இருந்த ஆப்கானியர் யார்?
விடை: ஷெர்ஷா சூர்.

54. ஷெர்ஷா, ஹூமாயூனை சௌசாவில் எந்த ஆண்டும், கன்னோஜில் எந்த ஆண்டும் தோற்கடித்தார்?
விடை: 1539 மற்றும் 1540.

55. ஹூமாயூன் டெல்லியை மீண்டும் கைப்பற்றி ஆட்சியமைத்த ஆண்டு எது?
விடை: 1555.

56. பதினான்கு வயதில் அக்பர் அரசராக முடிசூட்டப் பெற்றபோது அவருக்குப் பகர ஆளுநராகப் பொறுப்பேற்றவர் யார்?
விடை: பைராம்கான்.

57. அக்பரால் தோற்கடிக்கப்பட்ட தென்னிந்தியாவின் அகமதுநகர் அரசின் புகழ்பெற்ற பகர ஆட்சியாளரான ராணி யார்?
விடை: சந்த் பீவி.

58. 1576-இல் நடைபெற்ற ஹால்டிகாட் போரில் ராணா பிரதாப்பை வெற்றி கொண்ட முகலாய மன்னர் யார்?
விடை: அக்பர்.

59. 1605-ல் அக்பர் இயற்கை எய்திய பின்னர் அவருடைய உடல் ஆக்ராவுக்கு அருகே எங்கு நல்லடக்கம் செய்யப்பட்டது?
விடை: சிக்கந்தராவில்.

60. அக்பரின் அவையில் சிறந்த கதை ஆசிரியராக இடம்பெற்றிருந்த அறிஞர் யார்?
விடை: பீர்பால்.

61. அக்பரால் கட்டப்பட்ட 'பஞ்ச் மஹால்' என்பது எவ்வடிவிலான ஐந்தடுக்குக் கட்டடமாகும்?
விடை: பிரமிடு வடிவம்.

62. விலையுயர்ந்த நவரத்தினக் கற்கள் பதிக்கப்பெற்ற மயிலாசனம் எந்த முகலாய மாமன்னரின் காலத்தில் தயாரிக்கப்பட்டது?
விடை: ஷாஜகான்.

63. ஷாஜகான் ஆக்ராவில் கட்டிய புகழ்வாய்ந்த மசூதியின் பெயர் என்ன?
விடை: முத்து மசூதி.

64. பேரரசர் ஷாஜகானால் 1639-ல் மதில்களால் சூழப்பெற்ற எந்தத் தலைநகரில் செங்கோட்டை கட்டப்பட்டது?
விடை: ஷாஜகானாபாத்.

65. ஒளரங்கசீப் தம்முடைய தொண்ணூறாவது வயதில் மரணமடைந்த ஆண்டு எது?
விடை: 1707.

66. ஒளரங்கபாத்தில் ஆஜாம் ஷாவால் கட்டப்பட்ட 'பிபிகா மக்பாரா' என்பது எவ்வகையான கட்டடமாகும்?
விடை: கல்லறை மாடம்.

67. முகலாயர் காலத்தில் பேரரசு பல சுபாக்களாக பிரிக்கப்பட்டிருந்த நிலையில், சுபாக்களை நிர்வகித்தவர் எவ்வாறு அழைக்கப்பட்டார்?
விடை: சுபேதார்.

68. அக்பரால் உருவாக்கப்பட்ட 'தீன் - இலாகி' என்னும் சமயத்தின் பொருள் என்ன?
விடை: தெய்வீக மதம்.

69. 1627-இல் பிறந்த மராத்திய மன்னர் சிவாஜியின் தாயார் பெயர் என்ன?
விடை: ஜீஜாபாய்.

70. புனேக்கு அருகேயிருந்த எந்தக் கோட்டையைக் கைப்பற்றுவதில் சிவாஜி முதலில் வெற்றி பெற்றார்?
விடை: கோண்டுவானா கோட்டை.

71. சிவாஜியின் எட்டு அமைச்சர்கள் கொண்ட அஷ்டபிரதானில் 'சுர்நாவிஸ்' அல்லது 'சச்சீவ்' என அழைக்கப்பட்டவரின் பதவி என்ன?
விடை: செயலர்.

72. மராத்திய அஷ்டபிரதானில் 'சர்-இ- நௌபத்' அல்லது 'சேனாபதி' என அழைக்கப்பட்டவர் யார்?
விடை: தலைமைத் தளபதி.

73. மராத்தியப் பேரரசில் நவீனகால பிரதமருக்கு இணையான பதவியைக் கொண்டிருந்தவர் யார்?
விடை: பேஷ்வா.

74. பாலாஜி விஸ்வநாத் தனது மூத்த மகனான பாஜிராவை அடுத்த பேஷ்வாக எந்த வயதில் பணியமர்த்தினார்?
விடை: இருபது வயதே நிரம்பிய நிலையில்.

75. 1761-இல் நடந்த மூன்றாம் பானிப்பட்போரின் முடிவைத் தீர்மானித்த ஆப்கானியர்களின் தனித்துவமான படை எது?
விடை: இடம்விட்டு இடம் நகர்ந்து செல்லக் கூடிய பீரங்கிப் படைகள்.

76. பானிப்பட் போரிலிருந்து தப்பிப்பிழைத்த மராத்திய வீரர்கள் மகாராஷ்டிரா திரும்பி நடந்ததைக் கூற எவ்வளவு காலமானது?
விடை: ஆறுமாத காலமானது.

77. திருவில்லிபுத்தூர் கோவில் துளசித் தோட்டத்தில் பெரியாழ்வாரால் குழந்தையாகக் கண்டெடுக்கப்பட்டவர் யார்?
விடை: ஆண்டாள்.

78. வைணவ அடியார்களான திருமழிசையாழ்வார், குலசேகர ஆழ்வார், மதுரகவி ஆழ்வார் ஆகியோர் உட்பட மொத்த ஆழ்வார்கள் எத்தனை பேர்?
விடை: 12 ஆழ்வார்கள்.

79. தென்னிந்தியக் கோவில்களில் சிலைவழிபாடு செய்யப்படும் நாயன்மார்களில் 'மும்மூர்த்திகள்' என அழைக்கப்படுபவர்கள் யார்?
விடை: ஞானசம்பந்தர், அப்பர், சுந்தரர்.

80. வேதாந்தப் பள்ளியின் அடிப்படை நூலான பிரம்ம சூத்திரத்திற்கு உரை எழுதியவர் யார்?
விடை: ஆதிசங்கரர்.

81. இராமானுஜர் விஷ்ணுவின் மீதும், அவருடைய இணையான லட்சுமியின் மீதும் கொண்டிருந்த பக்திநெறி எவ்வாறு அழைக்கப்படுகிறது?
விடை: ஸ்ரீவைஷ்ணவம்.

82. 16, 17 ஆம் நூற்றாண்டுகளில் சமஸ்கிருத வேத நூல்களுக்கு முக்கியத்துவம் கொடுத்து காஞ்சிபுரத்தில் செழித்தோங்கிய வைணவப் பிரிவு எது?
விடை: வடகலை வைணவம்.

83. தமிழ் மொழியில் எழுதப்பட்ட திவ்விய பிரபந்தத்திற்கு அதிக முக்கியத்துவம் கொடுத்த தென்கலை வைணவம் எந்த நகரை மையமாகக் கொண்டிருந்தது?
விடை: திருவரங்கம்.

84. ரவிதாஸின் சீடராக இருந்த மேவார் நாட்டின் பட்டத்து இளவரசரின் மனைவி யார்?
விடை: மீராபாய்.

85. விஷ்ணுவின் அவதாரமான விதோபா குறித்து ஆன்மீகப் பாடல்களை இயற்றிய பதினேழாம் நூற்றாண்டு மகாராஷ்டிர திருத்தொண்டர் யார்?
விடை: துக்காராம்.

86. மகாராஷ்டிராவில் சேலாப்பூர் மாவட்டத்திலுள்ள பந்தர்பூரில் அமைந்துள்ள கடவுள் கோவில் எது?
விடை: விதோபா/பாண்டு ரங்கா கோவில்.

87. குருநானக்கின் பக்தர்கள் ஒன்று கூடிய தர்மசாலைகள் எனப்படும் ஓய்வு விடுதிகள் காலப்போக்கில் எவ்வாறு மாறின?
விடை: குருத்வாராக்கள்.

88. குரு கோவிந் சிங்கிற்குப் பின்னர் சீக்கியர்களின் புனித நூலான குரு கிரந்த் சாகிப் கருத்துக்களைப் பரப்பிய அமைப்பு எது?
விடை: கால்சா அமைப்பு.

89. 1984-இல் யுனெஸ்கோவால் உலகப் பாரம்பரிய இடமாக அங்கீகரிக்கப்பட்ட பல்லவர் கால நினைவுச் சின்னங்கள் எங்கு அமைந்துள்ளன?
விடை: மாமல்லபுரம் (மகாபலிபுரம்).

90. பிள்ளையார்பட்டியிலுள்ள 13ஆம் நூற்றாண்டைச் சேர்ந்த குடைவரைக் குகைக்கல்வெட்டில் உள்ள கணபதி சிற்பம் எந்தப் பெயரில் குறிப்பிடப்பட்டுள்ளது?
விடை: தேசிவிநாயகம்.

91. மதுரை மீனாட்சி சுந்தரேஸ்வரர் கோவில், திருக்குறுங்குடி மற்றும் நாங்கநேரி கோவில்களில் காணப்படும் இக்கால மண்டபக் கட்டடக்கலைக்குச் சிறந்த எடுத்துக்காட்டு எது?
விடை: இரதிமண்டபம்.

92. செம்பியன் மகாதேவியால் மறுவடிவாக்கம் செய்யப்பட்ட முற்காலச் சோழர் கோவில்களுக்குச் சிறந்த எடுத்துக்காட்டு எது?
விடை: திருப்புறம்புயத்திலுள்ள கோவில்.

93. தாராசுரம் ஐராவதீஸ்வரர் கோவிலில் கருவறையிலும் தூண்களிலும் சிற்றுருவங்களாகச் செதுக்கப்பட்டுள்ளவை எவை?
விடை: புராண இதிகாசக் கதாபாத்திரங்கள்.

94. மதுரை நாயக்க அரசின் சிற்றரசர்களாக இராமநாதபுரம் பகுதியை ஆண்டு வந்த சேதுபதிகள் எந்தக் கோவிலின் கட்டடக் கலைக்குப் பெரும் பங்களிப்பைச் செய்துள்ளனர்?
விடை: இராமேஸ்வரம் இராமநாத சுவாமி கோவில்.

95. பிகநிதயா எனப்படும் பழமையான பௌத்த சமய நூல் எந்த நூற்றாண்டைச் சேர்ந்தது?
விடை: கி.மு. 6 ஆம் நூற்றாண்டு.

96. கல்பசூத்ராவின் ஜைனசரிதா என்னும் நூலின் ஆசிரியராகக் கருதப்படும் பத்ரபாகு, சந்திரகுப்த மௌரியரோடு எங்கு புலம்பெயர்ந்தார்?
விடை: மைசூர்.

97. தமிழில் எழுதப்பட்ட அறிவுசார் நூலான நாலடியார் எந்த மதத்தைச் சார்ந்த துறவியால் இயற்றப்பட்டதாகும்?
விடை: சமணத்துறவியால்.

98. கி.மு. இரண்டாம் நூற்றாண்டைச் சேர்ந்த தமிழ்-பிராமிக் கல்வெட்டு சித்தன்னவாசல் குகையின் எந்தப் பகுதியில் உள்ளது?
விடை: ஏழுடிப்பட்டம்.

99. பல்லவ அரசர் இரண்டாம் நரசிம்ம பல்லவன் காலத்தில் அரச சபையை அலங்கரித்த தாந்ரீகப் பௌத்தத் துறவி யார்?
விடை: வஜ்ரபோதி.

100. சித்தன்னவாசல் குகைக்கோவிலை மத்திய அரசின் தொல்லியல் துறை எந்த ஆண்டு தனது பாதுகாப்பின் கீழ்கொண்டு வந்தது?
விடை: 1958.